[اسطورة !]

البارت التاسع
******************************
في بيت ابوهشام
فز لبعيد كانت لابسه عبايتها ومتغطيه ب النقاب فجعته من قلب وهي وسط الظلام واقفه كذا
وين الصوت الحلو الي سمعه
اميره:قوووم جوالي تحتك
حط يده على اذنه:سمعه غلط
جلس وهي سحبت الجوال من تحته
تمسح الشاشه:كسرة جوالي
شالة شنطتها وطلعت
طيب هو سمع صوت ناعم يناديه من وين جاء ها الصوت اكيد كان يتخيل
طلعت وهي تكتب رساله لنوال مانفع الدلع
***********************************
في القهوه
سعود يكتب في الدفتر الي يقولوه رعد ومحمد وانس وفهد
رعد:لازم نغير بوية البيت
فهد:اهم شي السباكه المويا تقطر بكامل البيت من السقف
سعود:طيب فيه شي ثاني معنا بس اسبوع نخلص كل ها الاشياء
انس:الاثاث نجيبه في يوم
محمد:البويا 3 او4 اايام
فهد:السباكه ماتاخذ يومين
سعود:يعني بيصير جاهز مع يوم الملكه
مناف:هي انا هنا
رعد:انت كل زق واسكت
مناف:ترا انتوا جالسين تجرحون كرامتي
ناظرو ا له بنفس الوقت مضيقين عيونهم
محمد:اضربوه
ضربوه ب الدفاتر ويديهم صفقه رعد على ظهره:اش انطم معك فلوس هات ادفع قال تجرحوا كرامتي راحت ايام اكلنا سوا خلاص
سعود:خلوكم منه كل واحد يستلم شي
محمد:رح اختار الاثااث
رعد:بجيب العمال والبويا
سعود:باقي السباكه فهد تعرف ناس كويسين
فهد:الي بناء لي البيت رح اجيبه يصلح السباكه
انس:وانا رح اجيب الي يصلح السقف
سعود:كويس نبداء من اليوم نجيب العده والعمال
رعد:وين الفلوس الي كانت على الطاوله
قلبوا الطاوله
مازن وعبدالرحمن جالسين تحتها الفلوس منثوره على الارض وهم يتقاسمونها ويتضاربوا عليها
سحبوهم لبرا:تعالوا يا صرااصير
سعود يجمع الفلوس عن الارض:ناقصه شوفوا جيبوهم
فهد يطلع الفلوس من جيوبهم:عيب تسوون كذا اسمها سرقه اضربكم اذا تعيدونها
سعود عطى محمد الفلوس:خلها معك لبعدين مناف خذ اجازه واجلس مع العمال يصلحوا البيت
فهد:تاخرة على الشركه مين يوصل عبدالرحمن لروضه
محمد:هاتيه اخذه معاي لو احصلك مع ميساء هذي اقطع اذونك سامع يلا قدامي
عبدالرحمن:لا
مسك في مازن والله مايروح ومازن عند فهد
محمد سحب يد عبدالرحمن وهو ماسك في يد مازن يسحبه معه والله مايروح وهو موجود
فهد يفك يده:فك يلا روح مع محمد
رعد ضرب الطاوله بيده بقوه:امش يا ابن الكلب
فك يد مازن وطلع ركض لشارع قدام محمد
فهد يناظر لرعد
رعد:خير ليه تناظر كذا خلاص اسف واستغفر الله واعوذ ب الله من الشيطان الرجيم وبرجع للبيت انام كم احول لحساب محمد
سعود:انت لا تحول شي اطلع مع محمد وادفع قيمة الاثاث كاش
رعد:طيب يلا سلام
طلع من القهوى
فهد شال مازن:السلام عليكم
سعود:وعليكم السلام
طلع من القهوى
مناف:سعود ترا مولازم تسوون كل ها الاشياء
سعود:حنا قلنا مابينا حواجز والي بجيب الواحد للكل ماعمرك نقصت علينا ريال حتى لو كان هذا اخر ماعندك ولا قلنا لبعض ليش جبت هذا وليش اعطيتني هذا الا انك تكون كبرة علينا وماعدنا نناسبك يمكن
مناف:ماجاء يوم تغيرة عليكم بس ابغى اصلح بيتي ب تعبي انا
سعود قفل الدفتر:حنا بنصلحه الحين وانت ادفع لنا الباقي اقساط كلنا موجودين قسط كل شهر براحتك
تروح معنا المستشفى
مناف:لا ابوك منتظرني من ساعه يتصل علي
سعود:طيب روح للمحكمه وحنا بنروح المستشفى ولما يجو العمال نلتقي في بيتك
*******************************
في بيت هنادي
نزل عبدالعزيز لصاله وهم يفطروا
وقف عندهم:مفتاح سيارتي وين
ام هنادي:عطيت السواق لان سيارتنا خربانه
عبدالعزيز:طلعي مفتاح سيارتي قبل لا اسوي شي تندموا عليه بعدين
ام هنادي:روح بس وفكنا من خلقتك من هذا الصبح
عبدالعزيز ناظر لهنادي وهو يحرك حنكه:متاكده
ام هنادي:عزوز يا ويلك تفكر حتى تاذي بنتي
عبدالعزيز:والله انتي بكيفك
طلعت مفتاح سيارة عبدالعزيز من دراعتها ورمته عليه:خذه وانقلع
يهز المفاتيح بطريقه مزعجه:عوافي
طلع لسيارته
*****************************
في بيت محمد غرفة الماس
دخلت للحمام بتردد نظفته الخدامه شالت المسدس والخنجر من البانيو
تناظر لها ماجاء ب الليل او رح يكون اخذها
ناظرة للمرايه مافيها اي بطاقة
رجعتها للبانيو وطلعت وقفلت الباب
جلست على السرير طلعت جوالها حصلت اتصال من هنادي الساعه 11 ب الليل
حطت جوالها على الصامت ورمته على المخده جنبها وحطت راسها بتنام تحس بشي كاتم على انفاسها وضيقه بترجع لنومها ترتاح احسن من التفكير وهي صاحيه قفلت عيونها وهي تنادي النوم يجي ويخطف عيونها
*******************************
في المستشفى
كتب وصفة دواء لـ اخر مريض له
باقي المرضى عند باقي الاطباء
جاء لسرير فاظي وشال الشرشف تمدد وتغطى ب الشرشف على كامل جسمه لراسه ونام بيرتاح مانام كويس جلس مع مازن حتى انخفظت حرارته وراح الدوام واح للمطعم مع الشباب ورجع للبيت نام 3 ساعات وطلع معهم لخطبة محمد ورجع ينام من الساعه 1 حتى 6 باقي في راسه نوم ماخلص غفى له شوي
جاء انس يدور عنه ويسال الاطباء:وين الدكتور سعود
كلهم قالوا مايدرون قبل شوي كان هنا
انس جلس على كرسي منتظر سعود
طلع جواله يتصل على سعود جوال سعود صامت
يدور عنه بين الاطباء الرايحين والجايين مافي
نزلت نوال تستقبل اميره عند الباب
دخلت اميره:ايش فيك
نوال:لازم اروش البنت نور ذي اليوم كمان
اميره:ليش قلتي لي اجي بسرعه
نوال:ليش برايك تروشيها
اميره:يحيى
نوال:اطلعي معي بس اطلعي كافي سويت القسطره عنك ترا بساعدك لما يجي تدريبك
اميره:طيب طيب
نوال تسحب اميره معها لفوق:يلا يلا
قابلت الدكتور عند الباب:الانسه يحيى
نوال:يحيى لحالها
الدكتور:مايهم
عطاها كيس:اعطي الدكتور سعود
نوال:لازم انا لازم يعني صبح بوجهه وينافخ بوجهي
الدكتور:يلا زيادة كلام روحي معك واجبات لازم تخلصيها
نوال:يلا
نزلوا لتحت هي واميره يفتحوا الستارات مااحصلوه جو يسالون عنه بس ما احد قال لهم وينه
اميره:هناك فيه احد ميت
نوال:عادي
اميره مسكت في نوال:يتحرك
نوال:مين
اميره:الميت يتحرك
نوال:من جدك ميت يتحرك
اميره:وربي شفته
جت نوال سحبت الشرشف عن سعود:اسهال هذا الدكتور سعود
رفعت الكيس وحطته على بطنه:خذ كيسك
فتح عين وهو معقد حاجبه من النور
نوال:من الدكتور مصطفى
سحبت اميره معها لفوق
جلس وهو يشيل الكيس يفتحه
طلع جواله ينهز صامت ورد عليه:فينك
انس:انا الي بسالك فينك
سعود:اشوفك من عندي تعال
رفع يده ل انس حتى يشوفه
جاء لعند وهو يرجع الجوال لجيبه:وش رحت تجيب
سعود يفتح الكيس:هذا واحد من الاطباء رسله مدري وش فيه
فيه علب اكل وعصير ات
فتح علبه فيها قطعه من كيكة عيد ميلاد
رفع العلبه:شباب كيكة ميلاد ولد الدكتور مصطفى
طلع ملاعق وصحون فاظيه مشروبات حلويات منوعه
وزعها على السرير
جو اطباء الطوارى ياخذوا الملاعق يذوقوا الكيكه لانها صغيره ومارح تكفيهم كلهم اخذوا من لحلويات بس
سعود عطى انس من الحلى:ارفع السكر شوي
انس:لوين بوصله توني فاطر
سعود ياكل من الكيكه وشال قطعه من المعجنات وقسمها نصين:نص واحد بس
انس شالها من يد سعود:كاني شاحت منك ياخي اسمع الي بيصلح السقف بيجي العصر مناف بيجيب مفاتيح البيت
سعود:نجيبهم كلهم العصر يشوفوا وش محتاج البيت ونشتري العده اشوف تخطيط القلب
انس عطى سعود فتح التخطيط يقراءة:حلو النبض طبيعي والجهاز الي بقلبك شغال من احسن شي
********************************
فوق
اميره طلعت المنشفه من السطل تمسح وجه البنت وتحت عيونها
رجعت المنشفه لسطل وشالت مناديل تجفف وجهها
رفعت المنديل وهي تناظر لوجهها:يحيى تصدقي تشبه لشخص بس ناسيه مين
نوال جت تناظر لوجهها:تشبه مين
اميره تفكر تتذكر:ناسيه مين
نوال:خلصي خلصي الحين يجي الدكتور بعدين رح تتذكري انا مثلك اشبه على الوجه وانسى بعدين اتذكر
اميره تضغط على المنشفه تقلل المويا الي فيها:بتذكرها اكيد يمكن وحده في الكليه وناسيتها
نوال:خليك منها انتي وش سويتي مع البغل زوجك
اميره:ولا شي وش تبغيني اسوي فيه يعني
نوال:اضربك بها المقص اطلعه من راسك يا البقره
اميره:انسيه خلاص
نوال:انتي بتخلصي منه صح او لا قولي بتطلقيه
انا بكون وراك اسمعيني بس
*******************************
قدام بيت محمد
طلع ابومحمد شايل شنطته حطها ب السياره
بيسافر تايلند
وقف عبدالعزيز سيارته ونزل:السلام
ابومحمد:هلا يا ولدي وعليكم السلام
حب عبدالعزيز راس ابومحمد:اخبارك اليوم عمي طمنا على صحتك
ابومحمد:الحمدلله طيب وانت
عبدالعزيز:الحمدلله بصحه ومرتاح عمي تاخرتوا علينا ب الرد وماحددنا شي
ابومحمد:أنا مستعد بس ابوك ماجاء ولا تفاهمت معه بشي
عبدالعزيز:بنجي اليوم
ابومحمد:انا مسافر
عبدالعزيز:طيب نحدد انا وانت
ابومحمد:مستعجل يا ولدي
عبدالعزيز:المهر وها الاشياء مخلص منها الي تحددوه بندفعه التحاليل متى
ابومحمد:اكلم اخوها وهو يوديها للمستشفى
عبدالعزيز:بكره نروح العرس ب الصاله الي تحددوها والباقي مخلص منه الملكه متى
ابومحمد:اذاا طابقت التحاليل بنسويها الاسبوع الجاي
عبدالعزيز:حلو خلاص اتفقنا كذا
ابومحمد:الحمدلله الله يوفقكم بحياتكم تاخرة على رحلتي مع السلامه
عبدالعزيز فتح الباب ل ابومحمد:مع السلامه عمي
طلع ابومحمد لسيارة وراح للمطار
ناظر عبدالعزيز ل الشباك بيطلع يحط لهاا كرت يبشرها لكن يده ما تساعده يتلسق رح يخبرها بطريقته ماهي مشكله
*****************************
الظهر
قدام الروضه
وقف محمد سيارته منتظر عبدالرحمن
طلعوا هو وميساء
حط محمد يده على راسه:يبي لهم معركه ثانيه
فتح عبدالرحمن الباب
محمد:لوتطلعي السياره اضربك واجيب لكم رعد يلعن شكلكم يلا ارجعي لجوه
ميساء طلعت لسياره:بابا مات بروح عند بابا
محمد:ابوكي مات ومتى مات اليوم
هزة راسها ب ايوه
محمد:وفين مات ب البيت او المستشفى
عبدالرحمن:البيت
محمد ماصدقهم:اقول انزلي بسرعه يجون ااهلك ياخذونك ل البيت انزلي
شال علبة العصير بيرميها:انزلي
ضمت رجولها لصدرها تبكي:اااااااااااااااااااا� �اا
محمد:ياليل الغبراء يا بنت انزلي
نزل فتح الباب شالها وقفل هو امان الباب وقفله على عبدالرحمن
تصارخ وترافس بيده:اااااااااااااااااااا
جاء رجال ومسك محمد:انت ليش شايل بنتي وين ناوي تاخذها
محمد:انت ابوها وتقولي انه مات
رماها على ابوها:شيلها
ابوميساء مسك محمد:تعال وين رايح اشوفك ناوي تخطف بنتي وبتروح
محمد نفظ يده :بعد يد من جدك انت جاي اخذ ولد صديقي طلعت لسيارتي ونزلتها ترا ماني مريض لها الدرجه من شان اشيل طفله الا ابليس هذي توها تقول لي انك ميت
فتح باب السياره
وطلع لسياره وحركها للمطعم
***************************
في المستشفى
دخل مناف ب مفاتيح البيت وعطى سعود نسخه
انس:نروح نتغداء الحين او نروح نشوف الاثاث
سعود:رعد ومحمد بيشيلوا الاثاث حنا نروح المطعم ونشوف وش سوو انت خذ نسخة المفاتيح من شان تقدر تدخل اول مايجو العمال
********************
نزلت اميره تشيل شنطتها من الاستقبال:برجع للبيت المره الثانيه انتي تروشيها
نوال:روحي سوي لي قلت لك عليه او بجي لك حتى البيت
اميره:شوفي هناك
نوال:ايش
اميره:شوفي الولد هناك الي لابس ثوب بلا غتره واقف مع الدكتور الطويل ابوحاجب متلازق
نوال:ايه شفته
اميره:موقلت لك البنت نور تشبه احد ماتشبه هذاك الولد
نوال:فيه شبه لهم نفس الحاجب والعين لون البشره ويمكن الشعر ما ادري فيهم شبه بس موكبير
اميره:حستي راسي يلا برجع البيت
نوال:اميره لا تنسي
اميره:ان شاء الله ان شاء الله
طلعوا الشباب للمطعم
*******************************
في بيت جمانه
رمت شنطتها على السرير وجلست وهي تفتح جوالها رفعته ل اذنها
رد رامي:الو
جمانه:فاظي
رامي:لا بصراحه معي شغل كثير
جمانه:ايوه ومتى بتخلص
رامي:صلاة العصر يمكن بغيتي شي
جمانه:لا خلاص خلك في شغلك باي
قفلت الجوال
ثواني واتصل عليها
ماردة عليه وقفلت جوالها تركته جوة الدرج
وراحت تبدل ملابسها
****************************
في المطعم
كلهم جالسين منتظرين فهد
محمد:الاكل برد وينه
انس:صار مدير وش عليه طويل العمر اخر واحد يطلع من المكتب
دخل فهد شايل مازن:لا حول ولا قوة الا ب الله السلام عليكم
الكل:وعليكم السلام ورحمة الله وبركاته
سعود:ايش بك
فهد:ميساء الي دايم مع عبدالرحمن انخطفت من عند الروضه طلبتني الشرطه وقلت لهم ماشفتها
محمد:كيف كيف كيف انخطفت انا تركتها مع ابوها
فهد:انت شفتها
مناف:بس ابوها متوفي يا محمد
محمد:ايش قول قسم مسك فيني وقال انه ابوها وتهاوشت معها
سعود:مين هذا
فهد:البنت ابوها متوفي انت مع مين تركتها
محمد:واحد ب اعمارنا او اصغر قال انه ابوها وهي ما تعرفه ليش ماقالت انه مو ابوها
فهد:قوم لمركز الشرطه قول لهم تعرف شكله
سعود:خلونا نروح بسرعه
انس:انا ارسمه ابغى كلم رصاص وورقه وانت خبرني عن شكله
رعد:ب السياره يلا بسرعه
محمد:سيارته ماكسيما خضراء لوحتها ااااا ناسي
رعد:قوم لسياره قامت قيامتك
محمد:انا عطيته البنت بيدي
سعود:ياجماعه امشوا
مناف:فوق من مرحلة الصدمه ويلا
رعد:ارفع لنا الغداء وراجعين
طلعوا لسياراتهم
سعود يسوق سيارة محمد
ومحمد جالس وراء مع انس يوصف شكله:وجهه مدور ومليان وفيه جرح تحت عينه صغير
انس:وجهه صغير او كبير
محمد:راسه كبيره وحاط شماغ احمر
انس:غير الشماغ انفه كيف شكلها
محمد:انفه كبيره كيف يعني واسعه زي انف الي ب القهوه عارفه سالم
انس يرسم:ايه عرفت <<وش ذا الوصف انا تهت منه
وصلوا لمركز الشرطه وقفوا عن شرطي:وين المحقق المسؤول عن قضية طفلة الروضه المخطوفه
الشرطي:هنااك المكتب عند الزاويه
دخلوا عنده بسرعه يحاول يهدي ام البنت ويتكلم مع عمها
ناظر ل الشله:خير ياطير خلصوا الناس ب السعوديه كل يوم طالعين بوجهي لعنبوكم مامعي غيركم كل يوم طالعين بوجهي
رعد:اقول كل تب
حط فهد يده على فم رعد لا يرتموا ب التوقيف بسببه:نعرف الي خطف البنت من الروضه
انس يرسم ب الورقه:بديت اخلص الرسمه
سعود:محمد شافه وهو ياخذها
محمد:عيونه اوسع عن كذا بشوي
انس:طيب
محمد:ومعه حبوب بوجهه
انس:طيب
الضابط:اخلصوا علينا وش تسوو
انس:دقايق بس
الضابط:تعرفونه
رعد:ماتشوفه يرسمه لكم اصبر شوي
محمد:سيارته مكسيما خضراء مصدومه من الجهه اليسرى واللوحه الخلفيه موجوده صبركم اتذكر
انس مسح حول الرسمه:خلصت
عطى الضابط
شالها:متاكد منه
محمد:ايه تهاوشت معه
الضابط:هذا عم البنت
عطى ام البنت اللوحه صرخت:حسبي الله عليه هو خطف البنت اكيد هو اخذها يبي ورث ابوها
الشرطي:تشهدوا عليه
محمد:اشهد عليه وعلى الي جابه وادعس في فمه بعد
الشرطي:ياعسكري اقبضوا على عم البنت انور عيسى
دق تحية وطلع من المكتب
الضابط:الي شافه يجلس والباقي لا يسوون زحمه
رعد:لا ب الله شوف انت قلتها امسك واحد يجيك الكل حنا جالسين لك هنا عجبك ماعجبك هذا شي راجع لك
سعود:طالعين
الضابط:لا ليش مستعجلين ياعسكري دخلهم التوقيف بيظلوا جنب صاحبهم
رعد:ايوه دخلنا التوقيف حنا بندخل
الضابط:وخذ صاحبهم معهم لما تجيبوا عم االبنت جيبوه
العسكري:امشوا قدامي
رعد دف العسكري قدامه لبرا:اقول امش بس
دخلهم لتوقيف وقفل عليهم الباب
مناف طيح رعد على الارض يضربه على راسه وكتفه:مبسوط انت ووجهك
رعد شات رجل مناف حتى طاح عليه
دفه عنه على الارض
فهد:بطلوا خلاص
سعود سحب رعد حتى وقفه:اسكتوا خلاص مناف فكنا
محمد دف رعد:يلعنك انت ووجهك مبسوط لازم تنكبنا مو معك من الحمير الي مصاحبينك وماشيين معاك
فهد جلس بحضنة عبدالرحمن ومازن:من عمرهم 5 سنوات ودخلتوهم التوقيف الله يبعدهم عن اصحاب السوء لو كبروا
انس جلس:صرنا اصدقاء سوء خلاص كان حنا دخلناهم لهنا من الحمار الي هنا
رعد:اقول بعدوا عن راسي لا اقوم امسح فيكم ارض التوقيف
**********************************
في بيت ابوهشام
دخلت للغرفه وهو متمدد على السرير ويناظر لسقف
فسخت عبايتها وعلقتها على الشماعه
جلست تفسخ جزمتها:وش بك
حط يده تحت راسه:اشتقت لوظيفتي
اميره ناظرة له:انت كنت موظف متاكد ان معك وظيفه
قلب عيونه
اميره:خلاص بصدقك وش كانت وظيفتك
وسام:علاج فيزيائي
اميره لفت له:لا من جد اخصائي علاج فيزيائي كان فيه ناس يسمحوا لك تلمسهم
جلس ووقف رايح للباب تضايقه وتتمسخر عليه حتى لو يبغاها تسمع له
طلع لعند اخواته ب الصاله وجلس بينهم
رقيه:هلا هلا توقعتك ميت في غرفتك والانسه اميره مارح تخبرنا بتدفنك بسكات
سحب كتلوج عرايس عن الطاوله فتحه يدور فيه يلقب ب الكوشات والاكواب
سبا فتحت له صفحه ابي هذي الاكواب بعدين على الكوشه بنشرب بعض ب العصير فكرة اسوي كرسي معلق ب السقف مزين ب الورد نازل للكوشه نجلس عليه انا وسعود
وسام يقلب ب الصفحات:مارح يصير ها الشي
سمر:وليش فلوس ومعه رح يزين القاعه ب الي نبيه حنا
وسام:لان العرس جماعي يعني رح تنزفي مع 4 عرايس ثانين مين رح يرضى يدخل على زوجته رجاال ثاني
سبا:عيد ماسمعت الملكه ورضيت اكون مع 4 مخلوقات غريبه والعرس كمان لا ابي عرسي لوحدي ابي افرح ب ليلتي لوحدي وين ابوي لازم نشوف حل
هز كتوفه وهو يقلب ب الكتلوج قفله:مارح تستفيدي منه
*******************************
في قدام بيت جمانه
وقف رامي سيارته ونزل جاي للباب دقه
فتحت له عبير لانها كانت طالعه
رامي:وين جمانه
عبير:ب غرفتها
رامي:تقدر تقولي لها اني ابيها
عبير طلعت لبرا وهي تدخل جوالها في المحفظه:مستعجله قول للخدامه وهي تجيبها لك
تردد لا يدخل للبيت شد على قلبه ودخل
قابل الخدامه تنظف ب الصاله:وين الجمانه
الخدامه:في روم تال
طلعت الدرج طلع وراها
فتحت له باب غرفة جمانه وراحت
طل من الباب نايمه على بطنها يدها ب الارض فيها الجوال
دخل وقف عندها شال الجوال من يدها ورفع يدها على السرير من الارض
سحب البطانيه الي مكوره جنبها نصها ب الارض وغطاها فيها لرقبتها
حط يده على راسها لسا يتذكر هذاك اليوم كابوس كان يلاحقه كل ماغفت عينه ((راجع من شغله
طلع بكت الدخان وولع له وحده رمى الولاعه على المقعد جنبه رن جواله الباندا على المقعد شاله رد:هلا ميسر ايه الورق معي
انشغل يدور بين الاوراق سحب ورقه يتكلم والسجاره بفمه:ايه شفت العقد رح اوقعه بعد ما اراجعه
طاحت السجاره ب حضنه رمى الورق ينفظ ملابسه
طلعت السياره على الرصيف سمع خبطه قوية ب السياره وهو يكبس الفرامل وقف السياره قبل لا يخبط الجدار
اخذ نفسه ب القوه فتح الباب ونزل بسرعه
شافها مرميه ب بنص السكه كانت بنت صغيره ولابسه عبايه شعرها غطى على وجهها لكنه يشوف عيونها من بين خصلاتها كانت تناظر ناحيته نظراتها له حركت يدها وسط شهقات قويه تراجع لوراء
صدم ب باب السياره المفتوح
مسك الباب وهو يناظر لها اختفت حركتها وصوت شهقاتها الي كان يسمعها
حسبها ماتت
جسمه كله يرجف جلس بس سيارته وحركها لوراء بسرعه كان رح يدوسها مره ثانيه كبس فرامل وداس البنزين لقدام مبتعد عن المكان بكل سرعت السياره ))
قفل عيونه بقهر لو انه ما خاف لو انه شالها للمستشفى
ترك جوالها على الطاوله يمشي بثقل ناحية الباب طلع وقفل الباب وطلع لسيارته رجع للبيت
****************************



في بيت مركز الشرطه
فتح العسكري الباب:محمد الباقي يجلسون حتى يرجع
محمد وقف:يلا مع السلامه
رعد:وين مع السلامه
محمد:بشهد وارجع ل بيتي وانتوا دوروا عن الي يكفلكم ويطلعكم
رعد:هي تعال يا الزق تعال
محمد راح وتركهم
مناف:بيرجع لا تصدقه
رعد منسدح على الارض ومدكي:ياليل راح الغداء الساعه 3تمام يعني بنقضها على سندوتشات
سعود:مادفعنا قيمة الغداء
رعد:ما اكلنا ليه ندفع جوعان وواصل حدي اقرب احد قدامي برزعه ب الجدار
رجع محمد يدق الباب:اخرجوا يلا تركنا نروح
فتح لهم العسكري الباب:اطلعوا
طلعوا فهد شايل عبدالرحمن ومازن نايمين على كتوفه طفشوا من الجلسه كذا:احد يشيل معي
مناف شال مازن عن كتف فهد
وطلعوا لسيارات
محمد:بيرجعونا بكره
انس:العن جدي اذا طلعت مع الحمار ذا مره ثانيه
رعد:عنيس بعد عن راسي لا يستقبل كفر السياره راسك
انس:لا تقول عنيس احسن لك
وهم ب اول ابتدائي كان محمد يقول ل انس عنيس
رعد:بتضربني
سعود:الله ياخذك وانت جوعان تضارب كل الناس اطلع لسياره وفكنا نشوف غداء
فهد:نطلب من المطعم
رعد:رح تتاخر
سعود:قضيها على سندوتشات حتى يوصل الطلب ماعاد يمديناا نسوي شي
جت عبير:مازن مازن
محمد حط يده على اذن مازن النايم:ااششش
مناف دخله لسياره قبل لا تمسكه
سعود:اسمعي يا بنت الناس الولد بدء ينساكي حبه حبه ف لا ترجعي تخربي كل شي
عبير:تبغى ولدي ينساني
سعود:موب ولدك افهمي
رعد:خلنا نمشي قبل لا افقع راسهاا ب الازفلت
عبير بتفتح باب السياره
سعود قفلها ب جهاز التحكم في يده
تدق على الشباك:مازن مازن
انس:وش نسوي
سعود:لو سمحتي لا تصحيه ارجوكي رجاءً
رعد:خلونا نمشي
مناف:كيف ودي متعلقه ب الباب
محمد:بجيب الضابط يتفاهم معها
دخل لجوة المركز
سعود:خفظي صوتك لا تصحيه
دقت الشباك بقوه:ماااااازن
صحي على صوتها وجلس:ماما
بيفتح الباب:ماما ماما اااااااااااااااااااااااها ا ماما
طلع محمد معه الضابط:تفضل هذي هي
وقف مقابل عبير:حنا وقعناك تعهد تبقي بعيده عنه صح او لا لا تجبرينا ندخلك السجن
تحاول تفتح الباب:مازن افتح من عندك هنا ارفع هذاك
الضباط:ياعسكري جيب السجانات ياخذوها
دخل لجوه وجو السجانات 3
مازن يبكي ويحاول يسحب قفل الباب لكنه ينزلق من يده الصغيره
مسكوها السجانات:امشي
عبير تدفهم:بعدوا عني
كتفوها وضربوها ب السياره يقفلوا الكلبشات بقوه
يسحبوها ل باب المركز وهي تنادي على مازن
وقف على المقاعد ويضرب ب راسه في الشباك يبيه ينكسر
فتح سعود الباب بسرعه وشال مازن
ماهمه وجع راسه بيطير من يد سعود ويروح لعبير:ماما
شاله فهد يهديه
سعود ماسك راس مازن ويتفحص الضربات
رعد:ماباقي احد العن كيفه هنا
سعود فتح علبة مويا يرشها على راس مازن:نقطنا بسكوتك
رعد:والله مامعي نقوط
سعود:روحوا انتوا وانا وفهد رايحين المستشفى
رعد:حنا معك وين نروح يعني
سعود:مو انت جوعان خلاص فكنا منك روح تغداء
انس:والعمال
سعود:روحوا لبيت مناف طيب وحناا لاحقينكم انتظروا العمال وتغدوا وحنا جايين
طلعوا لسياراتهم
وافترقوا ب الطرق
***************************
بعد صلاة المغرب
دخلوا للقهوه فهد وسعود
والباقي منتظرينهم فيها
سعود مدد مازن على جلسه شعبيه نايم
مناف:اشوفه نايم لا يكون جاه ارتجاج
سعود:لا الحمدلله كدمه بسيطه بس عطيته ابرة منوم بيتصدع ويدوخ ويظل يبكي
فهد:وين عبدالرحمن
رعد:عندي ب البيت يلعب
سعود:جوعان واصل حدي خلاص البطاريه فصلت
رعد:وش اجيب لك عشاء
سعود:اي شي عندك جيبه
راح رعد لبوفيه قريب من القهوه
مناف:تعبان بترجع للبيت
فهد:برتاح هنا شوي وبعدين امر اخذ عبدالرحمن
رجع رعد بكيس سندوتشات وعصيرات عطى سعود وفهد:صبروا بهذي حتى يوصل العشاء ربع ساعه ويوصل من ساعه طلبناه
سعود يفتح كيس سندوشته:وش سويتوا ببيت مناف
انس:اتفقنا على كل شي رح يبدوا شغل من بكره الصباح
محمد:المشكله الصباح ما احد فاظي يجلس معهم
فهد:رعد فاظي لا دوام ولا شي يجلس معهم
محمد:مالقيت غير ها الكنبه
رعد:كنبه بوجهك يا الزق اذا الساعه9 حاضر بجلس معهم لكن قبل كذا 6 7 8 مستحيل
سعود:بكره اجلس معهم من الصباح حتى نرجع ورح احول دوامي مسائي واظل معهم الصباح ابيهم يعدلوا شوية اشياء على كم اتفقتوا معهم
انس:عطيناهم فلوس الادوات والدهانات بيجوا 16 ساعه من شان نخلص بسرعه كل واحد له مبلغ على شي بعدين نجمعها وندفع كاش
رن جوال سعود ترك السندوتشه وهو يطلعه من جيبه:ابوهشام
رد عليه:الو السلام عليكم ,ايه, بس ليش,لا عمي حنا اتفقنا على شي بيوم الخطبه يكون ب استرحه وحده مع زملائي,هي تبي كذا,طيب ,طيب,ان شاء الله يصير خير مع السلامه
قفل الجوال
رعد:خير وش يبون الحين
سعود:تبي قاعة لها لوحدها مايبون يكون العرس معكم
محمد:خير ماسمعت وش قالوا
مناف:ليش طيب
فهد:وش بتسوي
رعد:قول لا ورح يصير مثل ماخططنا له صمم على رايك ومارح يخالفوك قول لا سامع
انس:رح يسبب له مشاكل مع زوجته بعدهم ماابدوا حياتهم صعب تكون بدايتها مشاكل
فهد:شوف سعود خذ لك قصر وسوي فيه العرس
سعود:لا يا اما معكم يا اما بلاش من كل ذي الزواجه وانا بقول رايي عجبهم او كل واحد يروح بحاله
رعد:سعود جنيت كل واحد يروح بحالك هي ترا بعدك ماتزوجت
انس:انت جالس تبداء مشكله لسها مابدت
فهد:شوف حبيبي هم قالوا ماصمموا قول لهم انا ابي كذا وكذا وكذا ورح يرضوا او نشوف حل وسط
سعود:حل وسط زي ايش
انس:انا افكر لك ب الحل الوسط بكره روح وتفاهم معهم اذا اصروا على رايهم بنحل الموضوع بنشوف حل وسط
فهد:حصلت حل وسط
رعد:وش هو
مناف:نتفاهم معهم وبعدين اذا مانفع نسوي الحل الوسط
جاء عامل التوصيل ينادي بكل القهوه:الاستاذ محمد فود الاستاذ محمد فود
محمد:هنا تعال
حط لهم الاكياس والعلب على الكرسي فتح شنطة طلع كرتونة بيتزا:الحساب 285
طلعوا محفظاتهم
فهد:رعد ادفع عني واعطيك بعدين
رعد طلع 100 من محفظته:خلاص لا ترجعها
دفع عنه وعن فهد
محمد:وش صار على السفر ل روما
سعود:بنسافر يوم 1
رعد يحسب على اصابعه:بعد 7 ايام
سعود:خلصوا اموركم بسرعه حجزة التذاكر خلاص
فهد:بس يوم الملكه يوم 1 متى بنسافر
سعود:لا يوم الملكه 29 بنسافر اليوم الثاني الساعه 8 المساء معنا وقت
محمد:كويس اجل حلو وقت السفر نكون ارتحنا من صجة الملكه
رعد:بتكون متخرفن من راسك لرجولك تمشي فاغر
الكل:هههههههههههههههههههه� �ه
محمد:خلك بنفسك بس
فتحوا الصحون وخلصوا العشاء
فهد شال مازن:يلا راجع للبيت
رعد وقف يحط الجوال بجيبه:وانا معك اطلع لك ولدك
انس:برجع البيت
سعود:انا اوصلك يلا مع السلامه
مناف محمد:مع السلامه
****************************
بيت جمانه
دخل ابو جمانه يسحب عبير معه من كتفها وراه:ادخلي يقول لك لك الولد مو ولدك وش تبين فيه بداهيه هو وابوه دوري عن ولدك الحقيقي موتطاردي ولد الناس اسمعيني زين المره الثانيه مارح تطلعي من السجن بتركك هناك حتى تموتي سامعه انقلعي لغرفتك بسرعه
نزلت جمانه:ليش تصارخون
ابوجمانه:انتي لساتك هنا ليش مارجعتي مع زوجك لبيتك
جمانه:لا اطردني احسن ماجاء يبغاني لو جاء كنت رحت معاه احسن ارتاح منكم
*********************