[اسطورة !]

******************************
البارت العاشر
**************************
على الطريق
رعد كان وراء سعود اول ماكبس فرامل كبس فرامل وتروس سيارته بسرعه ولف ب السياره عكس سيارة سعود لما ارتفعت كفرات سيارة سعود حاول يروح عكسه عدا بسيارته فوق مازن ماداسه ب الكفرات لانه كان مرمي على السكه بس عدت السياره من فوقه بدون ما تدوسه الكفرات لف عكس محمد وهو يكبس الفرامل وينزل التروس على الكفرات انقلبت السياره من قوة كبس الفرامل والتروس انسحبت على السكه وضربت ب سياج برج الاتصالات
قزاز متطاير بكل محل ودخان يطلع من السيارتين
نزل فهد يركض من السيااره وهو يصارخ ب اسمائهم:رعد محمد سعود انس
شال مازن عن الطريق ورماه داخل السياره وقفل الابواب
سيارة سعود طايحه على جهتها اليسار فوق سيارة مناف الي فيها محمد
ورعد سيارته مرميه بعيد عنهم
مايدري لمين يروح
سمع شوت ب القزاز
جاء ركض لسيارة سعود سمع ضرب ب قزاز سيارة محمد
سعود شات قزاز سيارته الي مايل ل الارض من جهة انس
طلع يد انس لبرا:فهد انس يا فهد
مسك يدين انس وسحبه لبرا وسدحه على السكه
دخل يده ل جوة السياره لانها مقلوبه على سيارة مناف من جهة السعاد الجهه المينى فوق سيارة مناف واليسرى حق انس ل الارض :سعود امسك يدي
سعود:ما اقدر اطلع روح ل محمد فهد طلع محمد
فهد:سعود هات يدك بسرعه
سعود:ما انا علقت ما اقدر اطلع شوف محمد بسرعه بحاول اطلع نفسي
ازداد الضرب على قزاز السياره
فهد:سعود هات يدك مارح اتركك
سعود بصراخ:فهد روح لمحمد انا بطلع نفسي شوف محمد
راح ركض لسيارة مناف وشال حجر من الارض:غطي على وجهك
محمد غطى على وجهه بيد وحده يده الثانيه منتهيه من الحديد وقت ماضربت سيارة سعود سيارته حمى صدره بيده
فهد:بسم الله ضرب القزاز بقوه انكسر
كسر باقي القزاز وبعده عن طريق محمد رفع محمد نفسه لفوق مسكه فهد بشبه حظن وسحبه لبرا نزله على السكه جسمه مخدش ومجرح من الحديد وبيده جرح كبير حتى اللحم طالع منه
شال فهد غترته يلفها على يد محمد
محمد مسك يده:رعد شوف رعد
فهد:سعود عالق جوه
محمد وقف دايخ وطاح جالس على الارض
فهد:اجلس
انس مغمى عليه
حاول فهد يشيله عن الطريق ماقدر عليه لوحده
نزل ل الارض ورفعه على ظهره نزله عند محمد
رجع لسعود مايقدر يشوفه:سعود فينك سعود مارد عليه
فهد:سعود سعود سعود
حاول يدخل يده لجوة السياره
محمد وقف دايخ يده تنزف كثير يروح جسمه يمين وهو يرجعه لليسار قطع الشارع ب بعد جهد
وين الناس مافي احد هنا ليش الشوارع فاظيه شوارع جده ماتفضى
طاح على رجوله من الدوخه عند سيارة رعد
سحب نفسه غصب ونزل راسه ل الارض يناظر لجوة السياره لانها مقلوبه
شاف رعد راسه تحت ورجوله فوق ولان السياره من الفينيل والنحاس انعجن هيكلها عجين ماهي قوية زي سيارة سعود او مناف الي هيكلها صلب تتحمل الصدمات
ظهر رعد مايل لسقف السياره ورقبته شوي وتنكسر من ضغط جسمه عليها
وفهد لسا يحاول في سعود:اعطني يدك سعود
سعود:افهم فهد انا عالق جوه ما اقدر شوف باقي الشباب
محمد بصوت عالي:فهد رعد بيموت فهد
ترك فهد سعود وجاء لرعج
نزل ل الارض ودخل لنفسه لجوة السياره مسك رقبة رعد وكتفه وسحبه لبرا
محمد بيده السليمه مسك مع فهد وسحب معاه لبرا
اخيرا سياره معديه نط فهد يوقفها
على طول شاف الحادث وقف لهم
فهد:الله يوفقك شيلهم معي للمستشفى
جاء ركض ل انس حط راسه على صدره سمع نبضات قلبه الضعيفه وجهد جهاز القلب المزروع يزيد نبضات القلب
نزل الرجال ركض ساعد فهد يشيل انس لجوة سيارته الكورلا الصغيره دخل رجوله لسياره وقفل الباب
محمد:شيل رعد ولو ب الشنطه لا تتركه هنا
الرجاال طلع جواله يتصل:يلا الحين اجيب لكم ناس يساعدوكم
فهد تذكر الاسعاف من الفجعه نسي
اتصل على الاسعاف ثم على الهلال الاحمر والدفااع المدني اي احد منهم يجي بسرعه
قفل جواله وفتح باب سيارته طلع مازن ودخله لسيارة الرجال قدام ياخذه للمستشفى معه
ورجع لسعود
محمد يمسح على وجه رعد:قوم رعد يا زق قوم ما احد بيشيلك قوم رعد
ضرب خد رعد:اصحى رعد
3 دقايق جت 3 سيارات بكل سرعتها لفوا بتفحيطه ووقفوا عندهم
الرجال شافهم وراح نزلوا منها 4 تساعدوا 3 وشالوا رعد ب السياره
وواحد سند محمد لسيارته
راحوا للمستشفى الا واحد ظل مع فهد
فهد يحاول يشوف وين سعود لان الجهه الي هو فيها مرتفعه على سيارة مناف
طلع على سيارة مناف وحاول يوصل ل سعود شافه اخيرا حديده من هيكل السياره الامامي انكسرو وانغرزة بكتف سعود مخترقه كتف سعود ومثبتته ب مقعد السياره غاب عن وعيه من الصدمه
فهد يصارخ على سعود:سعود سعود تسمعني فتح عيونك سعود
وصلت هلكوبتر الهلال الاحمر
فهد ياشر لهم حتى شافوه
*******************************
في بيت ابوعبدالله
مناف ناظر لساعته رايحه على ال8 ونص ولسا ماجت
ابوعبدالله صب لمناف قهوه:تغسل جدتها وتخلص امورها ماتشوفها الا جت لساتنا بدري
فتحت باب الشارع ودخلت
ابوعبدالله:هذي جت رهام
مناف ترك الفنجال ووقف
ابوعبدالله شال الورق عن الطاوله:خلونا نمشي
طلعوا لسيارة محمد الفراري تناظر لسياره ب اعجاب نظيفه جديده مقاعدها مريحة
مع انها شافت سيارات فراري كثير هذي باين صاحبها مهتم فيها بشكل كبير عزيزه عليه
شغل السياره وطلع لطريق
********************************
في بيت محمد
غرفة الماس
ازعجها رنين منبه الجوال
سحبت الجوال وضغطت غفوه
رن مره ثاانيه
حطت المخده على راسها تبي تمنع صوت ازعاجه
سحبت الجوال لوجهها بتقفله كامل شافته يرن برقم غريب مومسجل
رمت المخده ونطت واقفه ركض للحمام فتحت الباب مبتسمه بس امتحت ابتسامتها ماحصلت شي ولا بطاقه في المرايه
قفلت الباب ب احباط وتنهدة بصوت عالي
شافت علبه كبييره مره طول وعرض على كنبه ب اخر الغرفه جت لها وفتحتها فستان كحلي
طلعته طويل بدون اكمام ب جكيت مستقل حرير جاي على جسمها من الصدر قماش مخرم لعند خصرها تحت الفستان صندلين كعب والثاني فلات حلق وسلسال واسواره وساعه وبطاقة حجز في مشغل نسائي دفع العربون وبطاقه لمحل ورد مسكة ورد حجزها ودفع مبلغها كامل ماعليها الاتروح تاخذها
شالت البطاقة ملزقه ب غطاء العلبه من جوه وفتحتها:بتكونين لي بصبح على اسمك ورسمك وبسمك بصبح على عطرك وضحكك وبوستك
بجي شاريك وب ابداء نهاري بهمستك وانهي مسائي بضمتك
ضمت البطاقه لصدرها وهي مبتسمه بعذوبه
******************************
في المستشفى
خلصوا سحب من نايف الدم لزق الدكتور على يده:االف مبروك
نايف:على يبارك فيك
عدل كم ثوبه وهو يمشي جلس جنب ابو عبداللهب الانتظار
جت اثير وهي تقفل ازرار كم العبايه
وقفوا
ابوعبدالله:وصلنا للبيت وروح لشغلك
مناف ب ابتسامه سعاده:تفضلوا
عدوا الاطباء والممرضين ركض من عندهم ب النقاله والاجهزه
ابوعبدالله:انا لله وانا اليه لراجعون اكيد حادث
مناف:ربي يستر
بدوا يمشوا
جو ب انس ركض من عند مناف يسوون له انعاش وراه ب الضبط رعد شوي ويلزقوا ببعض
مناف شهق:انس رعد
راح ركض وراه طاحت غترته رمى ب الطاقيه
مسك ب كرسي رعد:رعد وش صار معك رعد
الممرض دف مناف لبعيد ودخلوا الكرسي لوراء ستار وقفلوها
دخل لعند انس يعطوه صدمات كهربائيه على قلبه
واكسجين
رجوله ماشالته تمسك ب سرير جنبه
الدكتور وقف الصدماات الكهربائيه لما تعدل نبض انس ورجع لمستوى واحد
جت الممرضه ركض:المريض الثاني محتاج عنايه
تركوا انس وراحوا لستار رعد
مناف مسك كتوف انس:حرام عليكم لا تتركوني مامعي غيركم لا تتركوني لوحدي
جت الممرضه سعوديه شايله مازن وكيس مغذي مددته على السرير وعلقت له المغذي جسمه كله جروح وخدوش من الازفلت
مناف وقف عند مازن:عبدالرحمن وين بابا
مازن:راح
مناف بصدمه:ايشششش
جت الممرضه تدف كرسي متحرك:دكتور محتاجين فحص
عطوه مخدر اختفى عنه الالم
محمد ناظر لمناف
جاء مناف ركض لعنده ونزل لعنده:محمد وش صار وين فهد وسعود قول لي وينهم
محمد:ماافيهم الا العافيه فهد ماصار له شي والحين جاي مع سعود ابن الكلب ذا رمى نفسه على السكه كان بيذبحناا
مناف يمسح على كتف محمد:المهم انك بخير
الممرضه: اطلع لسرير لو سمحت
محمد وقف وراح لسرير جنب انس فاضي
مناف:كيف وضعه
محمد:والله تبكي اقوم ادعسك ب الارض خلك رجال ترا مافينا شي وانس عاش الي اسواء من الحادث مافيه شي بيقوم
مناف:رعد
فتح ستارة رعد ودخل
الدكتور يفحص عيونه ب النور:روح برا روح بررا
طلعه وقفل الستار
محمد:وش صار
مناف:مدري
************************
في كلية التمريض
طلعت اميره للبوابة تلبس عبايتها نوال واقفه جنبها:ب الهداوه فاهمه كذا خليك طبيعيه وهاديه
اميره:خلاص فهمت
نوال رفعت يدها لسماء فوق تدعي:ان شاء الله تكون فهمت ولا تبلشنا
طلعت اميره لسواق فيها حرقه من نوال
رجعت للبيت
دخلت لصاله ابوهشام متابع التلفزيون استغرب ناظر لساعته:راجعه بدري اليوم
اميره:حج وكل الاطباء طلعوا يحجوا ويعتمروا
ابوهشام:الاجازه بتبداء قريب روحي نامي وارتاحي لوقت الغداء
اميره:طيب
طلعت لغرفتها وسام نايم متغطي ب البطانيه من راسه لرجوله رمت اغراضهاا على السرير ونزلت للمطبخ اخذت لها تفاحه تاكلها تصبير لبعدين
سمعت صوت هشام ب الصاله:نسيت شوية اوراق بغرفتي ماتبي تجي الشركه
ابوهشام:انا ما اروح الا كل احد وربوع وانت عارف جدولي
هشام:انا تعبت لوحدي
ابوهشام:وش نسوي جيب اي احد يساعدك الدكتور قال لازم اظل مرتاح او قلبي رح يتعب
هشام:بدور
ابوهشام:شيل وسام
هشام:نعم المتخنث ذا مارح يروح معي لمحل
شاف اميره طلعت من المطبخ وراحت لغرفتها
دخلت وقفلت الباب ماتوقع انها في البيت ب الوقت هذا
جلست على السرير دام وسام ناايم هي بتحط راسها وتنام لبعدين الي قاهرها تعامل هشام السيء له مع ان وسام تحسه بريء هادى مايروح ل احد ولا يتكلم ل احد ليش هشام يكرهه بها الطريقه
******************************
في الشارع
جو الانقاذ قصوا الحديد حول كتف سعود
وطلعوه من السياره رجله مكسوره ولسا قطعة الحديد مغروزه بكتفه وطالع من الجهه الثانيه حطوه على النقاله على جهته اليسار لان الحديده ب اليمين ونقلوه ب الهلكوبتر للمستشفى فهد لاحقهم حتى وصلوا سواء
هبطت الطياره فوق سطح المستشفى نزلوه ول غرفة العمليات بسرعه
************************
تحت ب الطوارى
بدء المخدر يروح عن محمد وصار يئن من الالم يحس بنغزات بكل جسمه والالم يحرق عروقه من جوه
مناف جاب له مويا يفتحها بدء يشربه
جاء الدكتور يصارخ:انتا بتعمل ايه مجنون يا ولد من سمح لك تعطيه المياء دي
مناف:هو عطشان
الدكتور:من سمح لك تعطيه مياء عاوز تسبب له تضخم ب الاعضاء لساتو جسمه مضطرب من الحادس مش حيشرب مياء ثلاثه ايام مسالتش اعطيه مياء او لا ليه في لسانك حاقه امشي من هنا ياواد امشي
محمد ب الم:خلاص لا تصارخوا على راسي
سحبوا كرسي للمصعد
مناف:وين مودينه
محمد:روح مع انس بعد عن راسي روح
طلع مع انس ب المصعد
محمد:دكتور صديقي سعود وينه الدكتور سعود
الدكتور:هو صديقك لساته ب العمليات اصابت الضربه شريان اساسي ان شاء الله بيكون بخير بعد العمليه
محمد:ورعد الي وراء هذيك الستاره
الدكتور:لسا نسوي له فحوصات وان شاء الله خير بتجي الممرضه تاخذك لنسوي اشعات لجسمك ومنظار ل اعضائك الداخليه ارتاح لهذا الوقت
محمد:عطشان
الدكتوره:حيزداد عليك الاحساس ب العطش بس مش حيدخل شي لمعدتك يومين او 3 ايام بتظل على المغذي خلالها
دخل فهد وهو يكلم ابوسعود:لا عمي استهدي ب الله قول لا اله الا الله اذكره سعود مافيه الا العافيه ان شاء لا عمي بعيد الشر سعود ما مات عمي لا تبكي والله مافيه شي تعال شوفه قول لا اله الا الله انا بجيك الحين وتشوف مافيه شي والله مافيه شي طيب تعال وشوف بنفسك عم
قفل الجوال:قفل الخط
جاء لعند محمد:انا اسف انا اسف
محمد يده على بطنه:وش تبيني اقول لك لا عادي
فهد:مدري وش اقول لكم
محمد:الحمدلله قدر ونصيب شوف ولدك ذا ان قمت من ها الكرسي رح اقتله مايحس ماعنده احساس ابليس هذا وش بجسمه وش في جلده ليتك دسته ب كفر السياره وفتت عظامه وعلى ها الرميه ماصار له شي جروح وخدوش بس هذا فيه شي موب طبيعي
****************************
في بيت جمانه
نزلت عبير وفي يدها ورقه مكتوب فيه عنوان فهد سالت عنه في المساجد حتى حصلت عنوانه
ابوها جالس ب الصاله قفل الملف:تعالي تعالي وين رايحه
عبير:رايحه السوق
ابوجمانه:اطلعي لغرفتك مالك طلعه انتي مطلقه وكلام الناس حولك كثر ويزيد خلاص مافي اسواق الا ل الاعياد سامعه فوق غرفتك يلا
عبير:بس انا محتاجه اروح السوق ناقصتني اغراض نسائيه
ابوجمانه:اكتبي اغراضك ذي بورقه واعطي السواق انحلت المشكله تركتكم ب كيفكم ورجعتوا لبطني في البيت جالسين بنص حلقي ارجعي لغرفتك بسرعه
عبير طلعت الدرج بتتركه ينام وتطلع اصلا الكلام معه خالص هو وراسه المحجره مارح يقتنع بكلامها
*********************************
في بيت رعد
طلع ابورعد من غرفته ركض لباب الشارع ام رعد بتطلع:وش بك تراكض كذا احترم عمرك
رعد:ولدك سواء حادث بسيارتي وهو ب المستشفى
ام رعد:مين رعد
تركها وطلع صدم في امل راجعه من الجامعه كانت بتطيح:ايش فيه يبه
ابورعد:اخوك سواء حادث
طلع لسيارة الي توصل امل وراح للمستشفى
امل مصدومه:ررررعد
دخلت لجوه ركض لعند سهاد اكيد منهاره اكيد بتموت من البكاء
دخلت غرفة سهاد جالسه تستشور شعرها
قفلت الاستشوار:حاسبي امل وش فيك تركضي كذا
امل بتبكي رعد هو الي رباها رعد امها وابوها اخوها وصديقها:رعد رعد
سهاد وقفت بخوف:وش فيه رعد
امل ساكته تكفكف دموعها
سهاد:امل انطقي رعد وش فيه وش حصل لا تجلطيني
امل:ولا شي
سهاد:لا تلعبي ب اعصابي قولي لي رعد وش فيه راح يتزوج يعني
امل:لا
سهاد:اجل وش حصل قوليلي
امل طلعت من الغرفه مارح تقول لسهاد وهي ماتدري يمكن يصير لها شي سهاد حبت رعد من سنوات طويله وحبت نوبة عصبياته الي ما يتحملها احد
لحقت اامل ركض:قوليلي وش حصل ل رعد امل انتظري قوليلي وين رعد
قفلت امل باب غرفتها قبل لا تدخل سهاد
سهاد تحاول تفتح الباب:امل افتحي الباب وكلميني وش حصل لك رعد ضربك قال لك شي امل افتحي
***********************************
في بيت ابوهشام
تروشت اميره وجلست على السرير تطلع مناكير من شنطتها ورفعت رجولها على السرير تحط مناكير هي ماعمرها سوتها اصلا تشوف الي يحط مناكير في اصابع رجوله فاظي ورايق وما وراه شي وهذي المناكير عطتها نوال
اندق باب الغرفه:ممكن ادخل
اميره قفلت المناكير:لا يكون غلطت في البيت وش كل ذا الاحترام ايه ادخلي
دخلت سبا:صحي وسام بنروح السوق
اميره:تعبان اسفه
سبا تكتفت بعصبيه:من حقه يتعب والله
اميره فهمت تلميحات سبا تلعثمت ب الكلام:م م ما تتدخلي برا يلا
دفت سبا لبرا وقفلت وراها الباب
جلست على السرير وضربت وجهها بيدها تخربطت كل المناكير على كل رجولها
طلعت مزيل مناكير تمسحها
رن جوال وسام
سحبته عن الطاوله صحى طلع راسه من البطانيه قفلت الجوال اتصال من اخته رقيه يبونه يطلع معهم لسواق
يتسحب من على السرير ويلف حوله البطانيه غطى راسه ووقف يمشي للحمام
صرخت بفجعه:يمه
كانه جني رايح للحمام
دخل للحمام ب البطانيه
ضحكت على نفسها كيف خوفها
ناظرة لرجولها موسختها المناكير:انا وين وحركات البنات دي فين مسحت كل المناكير من رجولها
طلع من الحمام بنفس الشكل وراح لدولاب الملابس طلع ملابسه ورجع للحمام بنفس الشكل قفل الباب
اميره:وش به كذا جن ولا خايف لا اغتصبه يمكن
رمت علبة المناكير
وشالت وحده من مجلاته المكومه ب الارض جنب الكومندينه تقلب فيها
طلع من الحمام
اميره:وسومي
انفجع وهو يمسك البطانيه:نعم
اميره:قلت لي انك كنت اخصائي علاج فيزيائي يا حبي
وسام:ونعم تبين مساج
اميره:وع اقصد وين كنت تشتغل يا حياتي
وسام:بعياده قريبه من هنا
اميره:جاء على بالي نشوف المكان الي كنت تشتغل فيه نروح يا حياتي (((المهم مايروح مع اخواته السوق))
وسام:بتروحي معي للعياده
اميره:ايه اجيب عباتي يا حبي
وقفت وشالت عبايتها تلبسها:يلا
وسام:مابروح
اميره:وليه حبيبي قلت انك مشتاق لوظيفتك بشوف مكتبك واشوف عيادتك
وسام رجع لسرير:ما ابغى اروح لهناك
تمدد يتغطى ب البطانيه وسحب لاب توبه
جلست جنبه:تيب ليه>>>اما تيب دي حكايه
سحب نفسه بعيد عنها وهو يرفع البطانيه لكتوفه:لو سمحتي التزمي بحدودك ظلي مكاانك
تبي تبقسه تعدل شعرها:اوكيه ماتبي تروح لوظيفتك مره ثانيه
شغل الاب توب:لا
اميره:براحتك بس ودي اشوف عيادتك هات عنوانها
وسام:لا لاتروحي لهناك
اميره وقفت تشيل طرحتها:بروح مع السواق دامك ماتبي تروح معي
نزلت الدرج لحقها ركض:اميره اميره
سرعت خطواتها على الدرج
وسام:اميره
عدوا من عند ابوهشام بيطيحوه عن الدرج:حسبي الله علي ابليسكم وش بينكم
هشام قفل التلفزيون يراقب
مسك كتفها عند الباب:قلت لك لا تروحي لهناك
مسكت خدوده:حبيبي بيروح معي اكيد
سحبته بيده معها لبرا
وسام يسحب يدها وش ذا يدها حديد مو يد بنت:اتركي يدي
اميره وقفت عند السياره:ليه ماتبي تروح لهناك
وسام:موضوع شخصي لا تروحي لهناك
اميره:طيب روح معي اي مكان
وسام:انتي ليه مصممه تروحي للعياده
اميره:موضوع يخصني بشوف مكان شغلك
وسام دخل يديه في جيوب البنطلون:لا تروحي لهناك
اميره:بس انا بروح وبعدها اوديك البحر لو تبغى جيب لاب توبك
وسام:نروح البحر لكن العياده لا
اميره دكت لسياره:شيل لاب توبك
رجع للبيت
اميره جلست ب السياره السواق يشغل المكيفات:تعرف عيادة وسام فين
السواق:ايوه ماما
اميره:ودينا لها بس من طريق الكورنيش
هزة راسه ب ايجاب
جاء وسام شايل لاب توبه وجلس ب السياره
طلع السواق للبحر يمشي على الكورنيش ولف يمين لداخل الحواري
وسام:وين بتروح ارجع لوراء
وقف السياره عند العياده:هذي عياده
اميره طلعت راسها من الشباك:واااه كبيره
وسام:ارجع للبحر
اميره فتحت الباب ونزلت لجوه
وسام:امييررره
فتحت الباب الزجاجي ودخلت تناظر للعياده
فيها كل الاقسام عظام باطنيه تخدير عيادات مختلفه
مسؤل الاستقبال:كيف اقدر اساعدك انسه
اميره:قسم العلاج الفيزيائي
المسؤل:القسم مغلق يا انسه من 6سنوات
اميره:مغلق من 6 سنوات ليش
الموظف:حصلت حادثه بسيطه ف اضطررنا نغلق العياده بعدها
اميره:وش هي ها الحادثه
المسوؤل:اذا تبي عياده ثانيه اقدر اخدمك
اميره:الاخصائي وسام كان هنا قبل 6 سنوات
المسوؤل ارتبك:مين ما اعرفه
اميره:وسام فياض كان اخصائي هنا
المسوؤل:توني جديد ما ادري
دخل وسام ووقف عند المكتب:كيفك يزيد
وقف بسرعه:وسام
اميره:توك تقول ماتعرفه
سحب يد اميره معه للباب فتحه وطلع معها لسياره:ارجع للبيت
اميره:لا البحر
وسام:البيت بدون تاخير
*****************************




في المستشفى
فهد ومناف جالسين عند غرفة الافاقه منتظرين متى يصحى سعود
وابوسعود جالس على كرسي بعيد عنهم وينارظر لهم بغضب بين لحظه وثانيه
دخل دكتور معه ممرضات لجوة الغرفه
شوي وطلع:ولدكم صحى والحمدلله كل شي كويس بننزله لتنويم الحين
مناف وجهه بكفوفه:الحمدلله
فهد:لله الحمد
طلعوا كرسي سعود راحوا معه لغرفته
شالوه ونزلوه على سرير التنويم
مناف مسك ذقن سعود الي مو واعي كثيير للي حوله:الحمدلله على سلامتك يا شيخ
هز راسه وقام ينشد ظلمة وقسوه وقهر ااه يامقسى الخيانه
ابوسعود:سعود اشبك يا ولد
مناف:تاثير المخدر عليه
فهد:سعود اذكر الله
مناف:لو نحط جنبه محمد بيطربوا هو وياه
فهد:سعود اقراء اية الكرسي
ابوسعود:سعود اسمع لنا حنا هنا
مناف:بشوف انس
فهد:لاحقك الله يصلحك يا سعود اذكر الله
طلع مناف ل قسم العنايه الفائقه ماشاف حراس او ممرضين فرصه يدخل بدون مضايقة احد
بدء بيدخل صدمت فيه نوال طالعه:ماتشوف قدامك يا هو
مناف تراجع راسه ل الارض:اسف
نوال تنزل راسها لتحت تشوف وجه مناف:من جد تشبه لها
مناف استغرب وش تقول ذي
قربت وجهها لتحت:سبحانه تشبه لنور كانكم اخوان
مناف بعد عن طريق نوال:لو سمحتي
تكتفت وهي تمد بوزها قدامها:لا فعلا تشبه لها انت معك اخت هنا صح اسمها نور
مناف:لا
نوال كملت طريقها:مجرد شبه يمكن
مناف:مسترجله
دخل لجوه وراح لسرير انس
نبضات قلبه مستقره معه كدمه على شفايفه مورمه من تحت انفه وبها دم جاف وكدمه تحت عينه لونها احمر وحدودها زرقاء مورمه بعينه اليمين وخلع بيده اليسار وكسر ب اصبع يده الاوسط ب اليد اليسرى
دخلت ممرضه:انتا ايش سوي هنا ممنوع ممنوع يلا برا ممنوع
مناف:طالع خلاص
طلع ونزل لطوارى لعند محمد
فتح ستارة محمد ودخل قفلها وراه:هاه اخبارك الحين
محمد يديه على بطنه:اااااه رديه حالي رديه شوف لو طلعت الاشعه والتصوير يقولوا لي وش ببطني ووش صار على سعود وانس
مناف:سعود طربان فوق يغني وفالها وانس الحمدلله صار احسن ونايم
محمد:والاكسجين حقنا رعد
مناف:والله مدري لسا منتظر الطبيب المسوؤل عنه يوصل يقول لنا صرنا المغرب ولا تكلم لنا
محمد:طيب روح شوف
مناف رح للمصعد ضغط الزر وصل المصعد
ونزلوا منه سرير رعد يدفونه نايم
مناف مشى معهم حتى وقفوه جنب محمد وراحوا
مناف جلس على السرير عند كتف رعد:رعد انت صاحي
محمد:جيب الورقه الي على سريره
مناف شال الورقه عن السرير وعطى محمد يقراها:خلع بطوق الكتف الايمن تجمع لدم تحت الكليه تحت الكليه ارتجاج كدمات في العنق والحبل الشوكي
مناف: بجيب دكتور واساله
محمد:روح بسرعه
***************************
في بيت رعد
طلعت امل تركض على الدرج تلبس عبايتها
سهاد تنزل وراها:امل تعالي وين رايحه
طلعت امل لشارع وقفلت وراها الباب
سهاد مسكت الباب بتفتحه بس بتكون مكشوفه على الشارع
طلعت لغرفتها تجيب الجوال
**************************
في بيت رامي
متمدد في الصاله على الكنبه يناظر لسقف تنهد بضيقه
جاه اتصال من جمانه ناظر لشاشه طوييل حتى انقفل الجوال لو اتصل عليها بيحصل جواالها مقفول ولو رد عليها ماله مزاج يرد عليها بوقت ثااني يكلمها
وقف وطلع لغرفته مع زوجته الثالثه
*****************************
في المستشفى
الطوارى
جاء مناف معه دكتور
محمد:حالته خطيره
هز راسه ب النفي:لا الحمدلله الاصابة بسيطه محتاج بس راحه ومايتحرك كثير وبيروح تجمع الدم وتختفي الكدمات ليش لساتكم هنا يا ممرضه طلعيهم لقسم التنويم ليش لساتهم ب الطوارى
الممرضه:مافي سرير
الدكتور:الاسره 21 فاظيه كيف مافي سرير عندي كشف هنا 21 سرير فاظي من قال مافي سرير طلعوهم لتنويم
محمد:ب اي غرفه سعود
مناف:قسم الجراحه انت بتروح قسم ثاني
محمد:دف عند سعود دف
مناف:فوظه هي تجي لغرفة سعود على طول
محمد:اعطي ها الدكتور مية ريال يحطنا بغرفه وحده
مناف:من وين لي
محمد:اوعده بهديه حلوه
مناف:مثل ايش
محمد:يا الثور بعد كذا لوسحمت
جاء الدكتور:نعم
محمد:صديقنا فوق نبي عنده ولك هديه حلوه ب اذن الله
الدكتور رفع الكشف:غرفه كم
مناف:14 قسم الجراحه
دور ب الكشف:فيه 4 اسره فاظيه
محمد:انقلنا لها
يكتب في الكشف:حسابكم كبير
مناف:محمد فود ورعد سالم وانس هادي
الدكتور يدور ب الكشف:انس ب العنايه الفائقه محتاج وقت يطلع
محمد:المهم يظل ل انس
الدكتور:يمكن تجي حالات خطيره
محمد:متنازلين عنه اذا حاله خطيره يلا مناف دف
تركهم وراح
مناف:يجو الممرضين يدفونك لفوق انا بطلع قسم الاطفال اشوف الجني ذا مازن
محمد:كفففف تطير حواجبه
مناف:ولا يهمك قاتله قاتله انتبه لنفسك حتى ارجع لك وانتبه لرعد
محمد:ان شاء الله
طلع مناف لقسم الاطفال
جت امل ركض تدور بين الستاير:رعد رعد
فتحت الستاير لقيته نايم
جت ركض لعنده يدها على خده:رعد اصحى رعد
خده اليمين مورم
امل:رعد قول لي يوجعك شي
محمد سحب الستاره الي بينه وبين رعد قفلها
جو الممرضات يفكوا كرسي رعد ويسحبوه
ماسكه ب الكرسي تمشي بسرعه معهم لعند مدخل قسم التنويم وقفها حارس الامن:ممنوع الدخول قسم رجاال
رعد:هذا اخوي الله يخليك دقيقه وحده بس
الحارس:قسم رجال وين بتروحين معه كله رجال ارجعي وقت الزياره اما الحين ممنوع
امل:اتطمن عليه بس
قابل طلبها ب الرفض:انا جداً اسف ماتقدرين ارجعي وقت الزياره من الساعه وحده حتى الساعه 5
امل ناظرة لساعتها 17:6
ناظرة حولها:دقيقه وحده
هز راسه ب لا:اسف
جابوا محمد يدفوا كرسيه وطلعوه لقسم التنويم
دخلوهم لغرفة سعود كبيييره ب اللون الابيض بجدرانها ساندات للمرضى والباب خشبي بني فيها8 اسره كل 4 ب اتجاه مقابله بعض الي جنب سعود كلها فيها مرضى ف حطوهم مقابلينهم
جاء فهد لهم
محمد:السلام على الجميع
فهد ماسك يد محمد:وعليكم السلام كيف حاس
محمد:لا تسال غصب اتنفس
فهد:لا اله الا الله الله يشفيك
محمد:مدري ليه احسها اهاانه
فهد:هههه لا قايلها من قلبي وكيف رعد
محمد:الحمدلله كويس بس مدري عن حال انس يقولوا تحسن ويجي دكتور ثاني يقول يبغى له وقت
فهد:بروح اخذ منهم كلمه واتطمن عليه
محمد:ايه روح وتعال طمنا الي هناك لسا معصب
فهد:روق بس لا تحتك فيه
محمد:روق ولا احتك فيه كيف صارة هذي روح شوف انس وتعال
فهد:ان شاء الله
طلع من الغرفه
محمد ناظر ل رعد النايم بفعل المخدر بطنه منتفخ وحالته حاله
ابوسعود يسكت في سعود وهو منطلق مره ياذن ومره يغني ومره يتكلم كانه يسولف مع احد
الي جنبه انزعجوا كافيهم الوجع الي فيهم
دخل ابورعد شايل بيده كيس يدور عن رعد
جاء لعند رعد وحط الكيس عنده ماسلم على ابو سعود ولا شي
ابوسعود استحقره ولا كلمه
سحب كرسي وجلس عند رعد ساعه وساعتين وثلاث
طفش من الجلسه كذا طلع جواله واتصل على رامي
رد عليه وهو معه نوم:الو
ابورعد:تعال للمستشفى اجلس مع اخوك
رامي:مين
ابوسعود:اخوك رعد تعال اجلس معه ب المستشفى سوا حادث اليوم
رامي:توك قايل لي الحين
ابورعد:وصلك الخبر تعال اجلس معه
مناف بتململ جالس جنب محمد:انا بظل معه انت بتروح روح
ابورعد وقف وهو يشيل الكيس الي جابه وراح
محمد:الله لا يردك
ابوسعود:وين ابوك
محمد:بتايلند عند اخوي سلطان
ابوسعود:وش صار على اخوك سلطان
محمد:الحمدلله احسن
ابوسعود:صدق الي سمعته
محمد:ايه صدق
مناف:وش فيه
محمد:بعدين اقول لك
جاء فهد شايل عبد الرحمن نايم وحطه على السرير الاخير الفاظي
ابوسعود:خذه للبيت
فهد يحك حاجبه ب اصبعه الابهام:برافق على مازن بيجي اخوي ياخذه لبيت اهلي بعد شوي
مناف:عمي اذا بترتاح روح وانا موجود
ابوسعود يده على راس سعود:لا وحيدي ما برتاح الا وانا جنبه الله يقومه ب السلامه ونفرح بعرسه
فهد مناف ومحمد:امين
*******************************
في بيت ابوهشام
قفل ابوهشام الجوال:لا حول ولا قوة الا ب الله
هشام يلقب بين الاوراق بزهق:ايش حصل
ابوهشام:سعود مع اصحابه صار لهم حادث سياره
هشام قفل الاوراق:متى
ابوهشام:اليوم الصباح وكلهم ب المستشفى الحين
طلعت المخابرات سمر ركض لفوق ودخلت غرفة سبا الي كلهم مجتمعين فيها يقرروا وش بيلبسوا
سمر:بنات سعود صار عليه حادث سياره وهو ب المستشفى
**************
هشام:حالتهم خطيره
صرخت سبا
انفجعوا هشام وابو هشام:وش صار
طلعوا ركض لفوق
ووسام طلع من غرفته ركض فتح باب غرفتهم
ابوهشام:وش فيكم
مجتمعين حول سبا
سمر:سعود سوا حادث
هشام:يلع×× اشكالكم
شال مزهريه ورماها عليهم
ضربت ب كتف رقيه وطاحت على رجل رزان
ابوهشام يده على قلبه:حسبي الله علي بليسكم بتجلطوني انتم ناويين تجيبوا يومي
هشام:فمها جلنط كفر ان شخط خلاص
نزل ل الصاله ورجع ل اوراقه
نزل وسام رايح للمطبخ
هشام:جيب لي شاي معك
وسام:ماني خدام ابوك جيب لنفسك
هشام:والله ابوي الي ماكلك ومشربك ومعيشك ويصرف عليك ويحل مشاكلك ويطارد وراك من هيئه لشرطه لبلاوي سوداء
وسام:ما احد طلب منه ترا يصرف علي بفلوس ابوي انا كلنا وقعنا له تنازل عن فلوسنا
هشام:فلوس ابوك ترا ابوك ماترك لك انت واخواتك ال12 الا 3 قطع اراضي ومبلغ مايوصل للمليون وديون ل عشرين سنه ماقدر يسددها لكن ابوي انا سدد عن ابوك كل شي والله خلف 12 بنت منتظر ولد وطلع رمه خرميمه مايسوى شي متخنث بنت ليته ماخلفك ولا حرق قلبه ياشيخ
وسام:خلك في ورقك واشتغل وطلع فلوس محتاج نملابس للعيد مين بيصرف علينا غيرك انت وابوك الكريم
دخل للمطبخ شرب مويا واخذ عصير من الثلاجه ورجع لغرفته
اميره جالسه تفكر ليش وسام رفض روحتها لهناك وليش الرجال قال مايعرفه وهو يعرفه طيب وش الي صار من شان يقفلوا العياده 6 سنوات ووسام كان مبين مرتبك من شي لازم تعرف وش فيه
جلس وسام وشال لاب توبه وهو يفتح العصير ويشرب منه حط ب اذنه السماعات
تمددة على السرير تناظر لسقف كل يومه على ها االاب توب او المجلات وبعض اوقات يقلب ب التلفزيون او نوم
كمل علبة العصير وظل شوي متابع شي على الاب توب
وقف وراح للحمام
اميره نطت على الاب توب مفتوح وش يتابع كان يتابع مسلسل بنات الثانويه
ضربت وجهها بيدها راحت ل السجل تشوف وش اهتماماته كل الي حصلته عرض ازياء رجال او مسلسل او مقالات عن الموضه والكريمات والصنادل او بين فتره وفتره مجاله العلاج الفيزيائي يشوف اخر المقاالات ومسجل ب منتديات طبيه
انفتح الباب تركت الاب توب ورجعت لمكانها تناظر لسقف
رجع ل لاب توبه
رفعت رجل فوق رجل تهزها
ناظر لرجولها لابسه بنطلون جنز قصير لنص فخذها
رجع ل الاب توب:نزلي رجولك
اميره سحبت كتابها من الشنطه وفتحت كتاب:ان شاء الله
حط السماعه ب اذنه ورجع للفديو شوي وناظر لها:ممكن تنزلي رجولك
اميره نزلت رجولها وغطتها ب البطانيه
ورجعت للكتاب
صدق تحسه متناقض بعض احيان دلوع لدرجه كبيره وبعض احيان عصبي ويفرض رايه
***************************
في بيت رعد
دخلت سهاد هجوم لغرفة امل حصلتها جالسه تبكي ب زاوية الغرفه
جت لعند امل ركض:امل وش فيه وش حصل ليش تبكي قوليلي وش فيك
امل ماردة عليها
سهاد تسحب يد امل توقفها:قوليلي وش فيك
امل:رعد سوا حادث ب السياره
حست انها مكبوته نار تولع بصدرها وتبي تطلعها وترتاح منها
سهاد قلبها حسته وقف نبضه:اييششش
امل:مالي احد غير رعد بضيع بدونه ما احد يحبني ما احد يبغا يظل معي غير رعد بظل لوحدي
سهاد حاسه ببرود بكل اطرافها وقلبها طاير من مكانه جلست على الارض تاخذ انفاسها تتقطع انفاسها لفتره طويله وترجعها بشهقه قوية تحس فيها ظلوع صدرها بتطلع من مكانها تحس البكاء بصدرها مكتوم ماطلع والدموع تحرق شرايينها من قوة وموراضيه تطلع
*********************************
في المستشفى
الكل نايم وقفلوا كل انوار القسم
مناف يحارب النوم لايصحى رعد او محمد او سعود يبي شي وهو نايم
سمع اسمه جاي من برا
:مناف جوه
:ايه هو مرافق
هز راسه مين يسال عنه بهذا الليل نااظر لساعته 2 ونص
وقف وفتح باب الغرفه
الدكتور واقف لوحده:وش مصحيك بذا الوقت
مناف:كان فيه احد هنا
الدكتور:لا بس انا اتطمن على الجراحات ليش
مناف:كاني سمعتك تقول اسمي واني مرافق هنا
هز راسه ب نفي:لا ما قلت اسمك كنت بس اقراء الكشف
مناف:بس سمعت صوت شخص ثاني عند الباب
الدكتور:استعيذ من الشيطان واذكر الله قبل لا تنام
دخل لغرفه جنب غرفة الشباب
جلس مناف على الكرسي وهو يهز راسه:النوم لعب براسي
ناظر حوله
الكل نايم وابوسعود نايم على كرسي ينطوي يتحول لسرير جنب سعود
يفرك جبهته ب اصابعه:ااااه راسي
****************************
في الصباح
قدام بيت محمد
جاء عبدالعزيز ونزل من السياره رن جرس الباب
طلعت له الخدامه وقفت وراء باب من شبك حديد:نئم
عبدالعزيز:محمد وين
الخدامه:مستشفى سوي حادث سياره البارح
عبدالعزيز:حادث سياره يا ليلة قشرا كان لازم يسوي حادث وابومحمد
الخدامه:سفر
عبدالعزيز:خير راحت علي الملكه شهور ويمكن مع السنه الجديده باين ب ادبر اموري بطريقتي
********************************
في المستشفى
صحي محمد مع الم بكل جسمه
والممرضه تعطي رعد مخدر موضعي في بطنه
محمد صفر:رعيد رعيد رعد صاحي
هز راسه يمين ويسار مرتين ب معنى لا
محمد:كيف تجاوب وانت موب صاحي
ابوسعود:اتركه تعبان من صحى وهو يصارخ من بطنه
رن جوال ابوسعود طلعه شاف المتصل ام سعود:وصل الفطور
نزل يجيبه
محمد حس بخدر في رجوله
بعد عنها البطانيه ورفع رجل فوق رجل
دخل مناف:هي نزل رجلك تراك مقابل الباب
محمد يسحب لبس المستشفى على رجوله:توجعني رجولي ياخي
مناف:اجل تغطى ب البطانيه او جيب سروال
اشر لهم رعد بيده يسكتوا
محمد:سعود ماصحى يطرب لنا شوي
مناف:انت ب مستشفى يا اخي ادعي الله يشفيك ويطلعك من هنا
مناف:خفض صوتك او اسكت رعد مو متحمل نفسه
دخل ابوسعود ب حافظات اكل في كيس:جيب الباقي من السياره
محمد:حرام عليكم حنا ممنوعين من الاكل
مناف:احسن
دخل ممرض:الاستاذ مناف فيه شخص طالبك تحت
مناف:انا مين
هز الممرض كتوفه بعدم معرفه ومشى
مناف نزل الدرجات لتحت يدور
قابله ممرض ثاني:الاستاذ مناف شخص برا يدور عنك
مناف:مين هو
الممرض:الله اعلم شوف برا
مناف طلع لبرا:اكيد اخ رعد مضيع الغرفه
*** من بعيد فتح شباك السياره:هذا انا اقصد مناف الثاني يشبه ابوه خلصوني منه اليوم
*********************************
بقطع هنا

البارت الثاني او التكمله بعد العيد يعني 3 او 4 ايام