البارت الثاني عشر(12) والأخير
أمزح أمزح موب الأخير
البارت الثاني عشر(12)
"كُل شيء في هذهِ الحياةِ مُقدر..كل سنة كل شهر كل يوم كل ساعة كل دقيقة كل ثانية ... مُقَدر!... وَلكن ! ..لمذا قدري مُرتبط بِك ؟!"
اخر يوم اختبارات..
في المدرسة بعد الاختبار مباشرة
بنت:ايوه قوليلي الإجابات صح غلط اكس اكس غلط صح ؟
فاتن متنحة : هاه ؟!
فجأة ملاك تطفر في وجهها : هيه هيه بنات ايش اجابه اخر سؤال في الاختياري؟ يرحم امكم قولو لي ب !؟
في نفس الوقت..
البنت:أ
فاتن : د
ملاك تناظرهم وهي مستغربة وخايفة : اللحين وش هي الاجابه الصحيحة ؟
البنت تلف لفاتن : طيب إجابة السؤال الثالث الفراغ الثاني 55 صح صح ؟
ملاك بسرعه : الفقرة الا بعده سالب صح ؟
فاتن بعصبيه وهي تحط يدها على راسها : خلاااااص يرحم امكم خلاااص ابي افهم ليش تراجعون هاه ؟ ليش تراجعون والامتحان خلص ؟ اللحين يعني اذا عرفتو الاجابه الصحيحة راح تروحون للمعلمة وبتقولون لها (بصوت نشاز ) معلمة ممكن ورقتي اكتشفت ان عندي اجابه غلط وحبيت اصلحها (رجع صوتها الحقيقي) لا طبعا! ليش اجل تراجعون وتوجعون راسي معكم!!!!!
البنات تنحو متفاجئين من ردة فعلها
.....................
في مكان ثاني ...في الكوفي شوب
كانت جالسة شعرها البني المتوسط الطول فاتحته ولابسة قميص احمر وفي النص حزام ذهبي وتنورة سوداء ومكتفية بقلوس فقط مع ذلك شكلها ناعم وجميل .. كانت مسكرة عينها وحاطة السماعات في اذنها
فجأة حست بشخص يناظرها فتحت عينها شافت ساره قبالها وتتكلم تتكلم وهي ماتسمعها لان السماعات في اذنها .. شالتهم
ببرود:ايش؟
سارة وقفت كلام وناظرتها متنحة : ايش الا ايش؟انت ماسمعتي كلامي؟
جواهر ببرود وهي تأشر على السماعات:نوب كنت لابسة السماعات
سارة بعصبية: خير وانا طول الوقت أتكلم مع نفسي!
جواهر :وش اسوي لك اذا انت عمية وماتشوفين اني لابسة سماعات
سارة سحبت الكرسي وجلست معها : يااااسبحان الله ! يوم واحد في المصعد مع مشعل بس خلاك تاخذين من جلافته كثير!
جواهر بعصبية ماتبيها تبان بس بانت : ساره رجاءَا سكري هالموضوع !
سارة بإستغراب:ليش ؟
جواهر اخذت شهيق بقوة وهي مركزة نظرها على الطاولة : لأن انا السبب في اللي صار
ساره : خير وش ذا الكلام الشي صار بدون ارادتكم !
جواهر لفت لساره : لولا هبالي وسخافتي .. لولا اني ماقلت لمشعل ان يوديني المول ..لكان ماصار ..(بلعت غصتها..وناظرت الطاولة مرة ثانيه) ماصار الضرب لمشعل!
ساره تنهدت بألم :جواهر خلاص انسي السالفه تـ..
قاطعتها جواهر ونظرها على الطاولة بإندفاع : لا كيف انسى! انت كنتِ نايمة وماشفتي الوضع يا سارة ! ابوك ما اكتفى بكف بس!...مدري ليش خاف عليي ونسى يخاف على مشعل!
ساره تحاول تغير الموضوع : كيف الاختبار؟
جواهر وهي تحط جوالها في الشنطة:زفت !
ساره بصدمه : ليش؟الاختبار كان متوسط نوعا ما مو صعب
جواهر وهي توقف : مو مهم ... يلا ما جى السواق ؟
ساره تناظرها بصدمة : امبلا
جواهر :يلا اجل استناك برا
سارة بهبال:جواهر ترا اليوم اخر يوم اختبارات انبسطي
جواهر ابتسمت ابتسامه صفراء ومشت ..
.......................................
في السياره ...
لابس القميص الأسود الي شاد على جسمه ونظارة شمسيه سوداء مطلعته كاااشخ .. وجالس يكلم بالجوال
: ههههههههههههههه لا ياعسل ليش مستعجلة؟
امممم بس ياحبيبتي انا ابيكِ تخلصين دراسة ثم اتزوجك عشان مصلحتك يا حياتي
(تنهد) ايوووه اكيد ما اعتبر مشاعرك لعبة .. انت حبي الأول والأخير يا لمى
(مفتعل الصدمه)ايييييييييش ولد عمك متقدم لك ؟
لمى .. انت تحبيه؟!
يا حياتي انت وانا احبك موت بس
بس ياح....
حبيبتي لا تعرضي نفسك لجشع ابوك خلاص وافقي عليه !
ماعليكِ مني وافقي عليه وانسيني!
صدقيني هذا لمصلحتك !
امبلا امبلا انا ابي أتقدم لك بس اذا بيصير لك مكروه لانك راح ترفضي ولد عمك فبلاها انا ما بي أي مكروه يحصل لك انت روووحي وما ارضى عليك !
لمى لمى اسمعيني وافقي!
لـــــــــــمــــــــى!
سكر الخط
سند راسه على الكرسي وفسخ نظارته بقوة بيده اليسار وهو مغمض .. وبيده اليمين خلخل أصابعه بشعره بقوة و...تنهد
كان لابس نفس قميص مشعل بس ابيض ..التفت لمشعل وهو رافع حاجبه :شفيك؟!
مشعل وهو على نفس الوضعيه :خايف يا فيصل على البنت!
فيصل بصدمة بصوت عالي:هاااااه؟!
مشعل وهو على نفس الوضع : وش فيك ؟
فيصل وهو يناظر الطريق : مدري غريبة اول مرة تخاف على بنت بالمعتاد تضربهم في عرض الحائط!
مشعل : بس هاذي اول مرة وحدة متقدم لها ولد عمها وتبي ترفضه عشاني وانا أقول لها اني اكن لها مشاعر موب موجودة أصلا واني بتزوجها وانا مستحيل حتى افكر في هالموضوع ! راح اخرب حياتها!
فيصل وهو رافع حاجبه :حنووون يا مشيعل ! الا ليش انقطعت فترة عن البنات وفجأة كلمتهم ؟
مشعل فتح عينه وعدل جلسته ولف جسمه لفيصل:ارفه عن نفسي ..الا اخبار موضوع الزواج ؟
فيصل بدون نفس : اسكت أصلا سدت نفسي مليت وانا في الطالعة والنازلة امي تحن عليي في هالموضوع ! اقولها لها ماابي تقول لي لا انت وش فيك انت كل بنت تتمناك مهندس وجميل وطول بعرض وذكاء وشخصية وانا اقولها انا ملامحي ملامح اندنوسي زين ! تقول لي لا لا وش هالكلام انت قمر ما شاء الله قول لي وش الصرفه!
مشعل وهو متنح فيه : القرد في عين امه غزال!
فيصل لف له وناظره بنص عين : أقول عدل شعيراتك بس بعدين تكلم !
مشعل بتناحه :هاه ؟!
فيصل اشر لمشعل بعينه للمراية ..
مشعل ناظر نفسه .. الا شعره معتفس من تحريكه له
مشعل بإنفعال وهو يعدله : اووووووما شف لان شعري ناعم يخترب علطول!
فيصل : ايه ايه هين!
........................................
يركض في الممرات بهستيرية ..المشفى مزدحم بس هو يمر بين الناس بسرعه .. يمشي لمكان هو يدله زين
قسم الطوارئ..!
الممرضة بصوت عالي : دكتور يوسف دكتور يوسف ! هنا المريضة !
يوسف بسرعه مشى صوبها ناظرها مرأة عمرها في الثلاثينات .. بسرعه : محروقة من الدرجة الثالثة عندها ضيق في التنفس بسرعه جيبي
الـTracheal Tubes !
نسبة نجاتها 25 بالمئة!
كشف عن نحرها كان متضرر بقوه .. سكر عينه بقوة ولف للمرضة .. بعصبية صرخ فيها : شفيك واقفه ! تحركي بسررررررعه!
الممرضة خافت : عُلِم!
لف للمريضة مستحيل تنجو واذا نجت اكيد بأضرار كبيرة وعجز
جات الممرضة بالأنبوب الرغامي ...وبسرعه سحبه يوسف من عندها وباشر بعمله : المريضة متضررة بقوة ! اخبار زوجها ؟
الممرضة : عند المدربة سلوى
يوسف لف لها بعصبيه : تمزحين ماعطيتوه الا هي ! نادي الدكتور عبدالله بسرعه!
الممرضة خافت من نظرات يوسف هو دائما حنون بس وقت العمل عصبي تحركت بسرعه تنادي الدكتور عبدالله...
مافي فايدة التنفس ماتحسن الا شوي .. بنبرة أمر:جهاز إزاله الرجفان!
اللمرضة : امرك !
وعطته إياه ... بسرعه استخدمه .. مرة .. مرتين .. اكثر من مرة بدون يأس!
الممرضة : دكتور يوسف خلاص اتركها بتموت!
يوسف بعصبيه وهو يكمل : لا! كيف نيأس بهالسرعه ! فيه امل ! الـ.... (صوت توقف النبض)
وقف بصدمة وهو موسع عينه على الاخر ..
رجع يحاول يمكن يرجع ... مارجع!
حط الجهاز وبقهر ضرب طاولة الإسعافات بقوة .. : لااااا!
عبد الله تقرب منه وهمس في اذنه : الرجال مات !
يوسف ناظره بصدمه : ايش؟
عبدالله هز راسه بإيه...
يوسف تنهد بقوة ..
..................................................
فتح الباب بهدووووء .. لف يمين يسار ماشاف احد .. تنهد برتياح .. وحاول يمشي بسرعه لفوق
صوت من خلفه : على وييييييييين؟!
شهق شهقة قويه : بسم الله الرحمن الرحيم !!
لف لها وهو حاط يده على قلبه وبكذب: يمه انت هنا ما انتبهت لك !
شيخة تناظر فيصل بنص عين : اييه هين ! قول تتهرب مني
فيصل بإندفاع : لااااا ليش اتهرب منك يا عسل .. افا افا ماعاش الي يتهرب منك
شيخه وقفت وتقربت له : فصووول ياحبيبي انا ابيك تتزوج
قاطعها فيصل :يمه عندك جوري حني عليها بالزواج هيي بنت واكبر مني!
لابسة بجامة وردية وعليها ورود فوشيه وفاتحة شعرها البني وطالعة كيوت وهي نازلة من الدرج:مين قال لك انها ماتحن عليي !كل مايتقدم لي واحد ماتوقف عن الحن!
فيصل مخترع ويلف لها :بسم الله ! وش فيكم انتم اليوم عليي 24 ساعه تخرعون فيي! ماغير مثل الجن فجأة تطلعون في وجهي!
جوري وهي توقف جنبه وتناظره بنص عين : اها كل تبن
فيصل بعصبية :كلـ..
شيخة بعصبيه :هيييي انت وياه مين قال لكم بسكت عنكم الا بظل احن واحن واحن لين ماتزوجون! وش ناقصنكم هاه! قولولي! مافيه شي! اجل ليش ماتبون تزوجون !
جوري ببرود:يمه سؤال..اللحين احنا الي بنتزوج لو انت؟
شيخة : انتم طبعا !
جوري صفقت يدها بقوة وببإبتسامه:اجل خلاااااااص ! ماله داعي تحنين علينا لان احنا اللي بنتزوج في النهايه!
فيصل بإندفاع:بالضبط!
شيخة بقهر من نذاله أولادها : انتم جهال وماتعرفون مصلحتكم ! لازم انصحكم !
جوري وفيصل في نفس الوقت بسرعه : اذا احنا جهال اجل كيف نتزوج ! مانقدر !
اشتعلت نار بسبة أولادها الي يلقطون عليها الكلمة ويحولونها لصالحهم ..توجهت للمطبخ بقهر : مالت عليكم من أولاد !
جوري وفيصل ناظرو بعض وابتسمو كاتمين ضحكتهم ..
.............................................
في الواتس آب..
شوق : بنااااااااااااااااااااااا ت استعدوووووووووو بكره رحلتنا ياهوووووووو
جميله : يا الله حمااااااااااااااااااااااا ااس!
غرام : وناااااااااااسه يا شعب!
رانيا : بنات يرحم والديكم ما اوصيكم بالأكل هاه
ساره:انت ماتفكرين الا في كرشتك!
رانيا : كرشتي سر سعادتي!
ملاك : السعودي عقب مايدخن 12 زقارة يسأل.ريحتي دخان؟
لا ي عمري ريحتك ليز كتشب هاهاهاهاهاهاها
شوق:ملاك مضيعة ؟
جوري:ههههههههه داخله عرضض
غرام : هههههههههههههه لا ليز حار احلى ههههه
ساره : ملاك اما احنا في نقاش وهي راسله لنا ذا
فاتن : هع أي نقاش مع وجهك كلها "حمااس يايي مرة متحمسة" وين النقاش في الموضوع
ملاك:اففف منكم تحبون تنسفون جبهتي احس ان جبهتي مكتوب عليها "للنسف!"
رانيا :هههههههه انت الا تجيبها لنفسص
جميلة:نفسك*
رانيا:جات المضححة الاملائية (فيس لاوي فمه)
جميلة:المصححةّ*
غرام:المصححة*
فاتن:المصححة*
ساره:المصححة*
شوق: ههههههههههههه خلاص
رانيا : مالت عليكم
شوي ورسلت
من يركزون على الأخطاء اللغوية وينسون محتوى الموضوع، يذكروني بالمثل الصيني (أنا أشير إلى القمر والأحمق ينظر إلى إصبعي)
غرام:ههههههههه يعني انجرحت
ملاك:هههههههههههههههههه
جوري: ههههه حرام عليكم جننتوها
فاتن: مالحمقاء غيرك
جميلة:شف ذي ماتركز الا على الشتم ههه
ساره:هههههههه هاذي حربية غير
جواهر : ارجعو لموضوعكم بس
تغيرت الشاشة للرقم الي حفظته من كثر مايتصل ..
عطته بزي ...رسل لها مسج ..
" مساء الجوري يا جوري
ليش مارديتي؟لمتى بتحرميني من صوتك ؟
احبك ..
فارسك المجهول"
جوري شبت النار في داخلها لمتى بيظل يراسلها كذا .. رسلت له "اكرهك!"
بعد دقيقة...
"هين ..
بتندمين!!
فارسك المجهول"
رمت جوالها على الأرض بقهر... يستفزني ويعرف كل شيء عني من هذا !
.......................................
طلع من الطوارئ وفيه الضيقة .. صار له مدة وهو يشتغل كطبيب.. ولكن للآن مو قادر يعتاد على ان شخص يموت بين يده .. شخص يلفظ آخر أنفاسه بين يديه .. شخص يودع كل شي في حياته او بالأحرى حياته كلها بين يديه !
وقفه صوت طفلة..
الطفلة ورجلها محروقة وجالسة على كرسي الانتظار وضامة دميتها الي تمزعت من الحريق وتبكي بقوة : ابي ماااااما ابي بااااابا جيبولي إياهم ابيهم اهئ اهئ مامتي بابي
كانت معها الممرضة : خلاص حبيبتي انتظري وراح يجون!
يوسف في باله " يجون!!"
تقرب لها ...جلس على ركبته قبالها ..مسك يدها
بحنية:حبيبتي لا تبكين..هالدموع غاليه
الطفلة تناظر يوسف وعيونها كلها دموع :وينهم ؟
يوسف يناظرها بألم مصدوم موب عارف كيف يجاوب
الطفلة بإصرار :وين بابا وماما ؟!
نزل راسه وتنهد بقوة مايدري وش يقول رفع راسه :حبيبتي ..كل شخص مقدر له يوم وساعة يموت فيها .. لأن الموت حق ..وكلنا من تراب وبنرجع للتراب .. حبيبتي.. (بلع ريقه بقوة وهو مركز نظره في عينها المدمعه)بابا وماما توفو .. لأن هذا مقدر ليهم!
الطفلة غمضت عينها بقوة وعلت صوتها بالكباء: لااا لا لا مستحيل بابا وماما ماتركوني
يوسف مو متحمل دموعها اخذها لحضنه وضمها بقوة..بدون مايتكلم كان يبيها تنفس عن الي في داخلها
دكتور عبدالله تقرب وبهدوء: اتصلنا لعم الطفله .. بيجي عما قريب
الطفلة بعدت عن حضن يوسف ببكاء: عمو .. ليش انا صرت يتيمة من بين هالأطفال (تشهق)ليش؟
يوسف انفطر قلبه .. ابتسم ابتسامه حنونة ومسح على شعرها : لأنك قوية .. وصبورة .. والله يحبك ويبي يمتحنك
" موقفين ..صار له هالموقف مرتين .. مرة مع طفلة ومرة مع بالغة ! "
عبدالله انحنى وسحب يوسف من الابكوت وبهمس:يلا يوسف شغلك مو هنا!
كان متصنم مكانه مايبي يقوم ..
سحبه مرة ثانيه :هيه!
وقف ..همس عبدالله له :مو شغلك تواسيها !
يوسف ناظره بحرقه :تبيني اشوف طفلة تبكي لان ابوها وامها توفو واتركها كذا!
عبدالله بعصبيه:بعدين انت كيف تقول لها ان ابوها وامها توفو ! مجنون هاذي طفله !
يوسف علا صوته :أجل تبيني اكذب!
عبدالله ناظر الطفله بخوف لاتسمع .. وسحب يوسف للمر الثاني
عبدالله:ايه ! كان قلت لها انهم شوي وبيصحون !
يوسف بصرامه وعصبيه :عبدالله! النايم مرده يصحى ! والمسافر مرده يرجع! والي رايح مشوار مرده يرجع!اذا مر الوقت وماجو .. وسألت عنهم كيف راح يكون الجواب! الميت ماراح يرجع !
عبدالله تنهد على كلام يوسف كلامه صحيح 100 ب100
:على كل ..حاول ماتكون طبيب نفسي !
ومشى عنه .. ويوسف يناظره بقوة وش هالمشاعر
صوت من وراء: عااااااااااااااقل ماشاء الله عليك !
لف وجهه لها وهو رافع حاجبه : سلوى!
سلوى وهي تحرك صبعها بإشارة لا: لا لا لا اسمي سوسو لا تسميني سلوى!
يوسف رفع راسه بنرفزة : لا حول ولا قوة الا بالله .. وقتك انت!
سلوى رفعت حاجبها :نعم!
يوسف وقف قبالها بإعتدال بنبرة امر:وش تبين ؟
سلوى بإبتسامه شاقه الحلق :بصير تحت اشرافك!
يوسف رفع حاجبه وبصدمة : نـــــعـــــم؟!!
.......................................
في البيت الواسع الجميل..
كان جالس على الكنبة ومشغل التي في بس باله موم عاه جالس يناظر الأرض بدل التي في
فتح الباب كان لابس ملابسه السبورت من اديداس الصفراء ..يبان انه راجع من الجيم .. حران حده ووجه احمر .. توجه للمطبخ .. بعدها راح للصاله وجلس على الكنبة الي جالس فيها اخوه ..
مشعل وهو يفتح البيبسي: اها .. اخبارك؟
يوسف موم عاه
مشعل يناظره بإستغراب: هيه !
يوسف موم عاه
مشعل حط البيبسي على خد يوسف..
يوسف شهق رفع يده والتفت لمشعل
مشعل بعد البيبسي عن خد يوسف وفتحه قربه من فمه :وش فيك متنح!
يوسف تنهد : المستشفى!
مشعل بعد البيبسي عن فمه وابتسم بسخريه:هه مدري أصلا ليش انت داخل طب! قلبك رقيق مايتحمل!
يوسف يناظر مشعل بنص عين:مدري ليش انت داخل هندسه!
مشعل:لانها طموحي!
يوسف : خلاص نفس الشي !
صوت من وراهم : اووووووولا ! الاخوة جالسين مع بعض غريبه!
لفو للصوت ..
يوسف ببإبتسامه : جواهر!
مشعل مكشر: جنية !
جلست على الكنبة اللي قبالهم .. وتغمز :شصاير؟
مشعل يشرب البيبسي بقهر:شف هالحسودة!
جواهر ترمقه بنظرة .. لفت ليوسف وهي تبتسم : مستعد للمزرعه ؟
يوسف بإبتسامه :يـ...
مشعل:ليش انا مالي رب ما تسأليني اذا متحمس ولا لا؟
جواهر بقهر:شف اسلوبك زفت مثلك!
مشعل يبي يقهرها وقف: امممم نسيت انت جالسة مع الحب لازم أقوم !
يوسف بحدة : مشعل ! اجلس مكانك!
مشعل جلس وقرب وجهه ليوسف وبنذاله : ليش؟ انا الحامي اذا جا الشيطان؟
يوسف لف وجهه وهو يحاول يهدي نفسه من تفكير اخوه : لا حول ولا قوة الا بالله!
مشعل ابتسم بخبث .. فجأة حس بشي فقع له وجهه !
مشعل بعصبيه :هيه!
(جواهر رمت عليه المخدة)
جواهر بقهر وهي واقفه : تفكييييييييرك منحرف! غبي!
ومشت بسرعه للدرج
مشعل بصراخ : خليييييييييت الأدب لك يا بنت عمي !
لف ليوسف .. لقاه ينظر له وعيونه تطلع منها نار ..
مشعل يهز كتفه : وش؟!
..................................................
|