[فيتامين سي]

البارت السادس عشر

اللهم صل وسلم على نبينا محمد

الموت ماهي غربتك بين الاغراب
الموت والله غربتك بين اهاليك
لكشرت دنياك عن اسود الناب
وقامت على درب المهالك تمشيك
واقفلت دون المعاذير الابواب
وحسيت كل الناس حولك تعاديك
واصبح بعضهم ينهشك نهشة الداب
وكل يظن وباسوء الظن يرميك
اظلم ظلامات الظلم ظلم الاقراب
خص الى اجا من قريب يواليك

رهف حسيت بيده نار في يدي لما خالتى شبكت يدي ويده
كان ودي ارمي يده احس بقهر منه ومن حالي ليه وافقت على
هالمهزله وخليتهم يسووون العرس اللحين يمكن يصعب عليه الطلاق
بس اللحين ماينفع خليني امشي معه وانا ساكته يالله رايحه لمجهول
مدري وايش اللي راح يصير فيني حسيت بيده تهز يدي وهو يشر
يبي يمشي تركي =يالله نننزل
سمر وهي طالعه الكوشه وتسلم على عمها بدون نفس =مبروك
تركي بحب =هلا حبيبتي وينك مااستقبلتيني مع البنات
بس يالله اللحين انتي اللي بتزفيني وقت النزول
سمر =معليش كنت جالسه عند ماما
تركي وهو يرفع حاجب =مو عذر صح
سمر بقهر =تدري ليه لانه مو مكانك هذا مكان اخوي فيصل
تركي بعصبيه =اقول انقلعي عن وجهي اللحين قال فيصل ياليت اخذها وفكنا
ام فيصل وهي خايفه لو احد يلاحظ عليهم=ترى اقسم بالله مو قتكم وانتي انزلي
عند امك وانت خذ زوجتك ويالله انزل وانتي ياعنود خلي الدقاقه تدقه اغنيه لنزولهم
عنود =اوك وراحت تكلم الدقاقه
رهف
حسيت بضحكة شماته احسن ياسمر كان ودي تعطيه كمان عشان يعرف قدره
هالمتكبر واقسم بالله حصل كسحه وهو يرحب وهي بدون نفس تكلمه اخخخ كان ودي ابوسها
حسيت وهو يرجع يشبك يده في يدي وجع ان شاءالله بشويش اخخخ يدي طحنها في يده
مشيت ونزلنا والبنات يصفرون وهيصه وتصفيق ورقص خالتي إلا ماله داعي اشوفيها اليوم استخفت
اوف اللي يشوف حركاتها يقول فرحانه باهالزواج مو مجامله بس قدام الناس والخافي كان اعظم
يالله احس نفسي قزمه بجنبه الله يسامحك ياعنود
كان ودي ازنطها والله عاجبها اللحين شكلي كذا اول يوم انزفيت ماحسيت بقصري لاني كنت لحالي
بس اللحين عشان هو بجنبي صرت مسخره اوف شوفوا انا في ايش افكر صدق غبيه
ياشيخه فكري كيف لما يتقفل عليكم باب واحد يالله خليني كذا احسن ماابي افكر زود
على طول دخلنا غرفة العروس فكيت يدي على طول منه
تركي وهو يناظرها=ترى ميت عليك
رهف طنشته وماكلمته
عنود =ايش فيه اللحين
تركي =مافي شيء بس الغبيه هذي ماخذه في نفسها مقلب وتحسبني ابي اموت عليها
ام فيصل وهي واقفه عند الباب =تركي ايش قلت
تركي=لا يمه مافي شيء ويالله انا رايح اقرب السياره ورجع ناظر رهف وقالها وانتي البسي عبايتك واطلعي وبعدها طلع
عنود وهي تقرب العبايه من رهف =يالله حبيبتي اللللبسي العبايه
رهف وهي تمسك العبايه=عنود تكفين ماابي اروح معه اقسم بالله اليوم شكل نهايتي
على يده شكلكم راخ تصلون عليه الفجر والعصر تاخذون العزاء
ام فيصل =بلا كثرة حكي واطلعي زوجك يتظرك في السياره
رهف وهي ترمي نفسها على ام فيصل وتبكي=تكفين خالتي هالمره بس اوقفي معي
ماابي اروح معه والله خايفه من ولدك تكفين ابوس رجولك لاتخليني اروح او اسافر معه بكره
ام فيصل وهي تدف يدها =معليش ماابيدي شيء وتركي مستحيل يسوي فيك شيء
بس انتي طنشي وصيري عاقله
سماح وهي تضم رهف=خلاص رهوفه ان شاءالله مايصير لك شي
وخلاص لاتبكي قطعتي قلبي وبعدين لاتخافي من تركي اليوم شكله مسالم
جوري وهي تتفرفش الجو=مابي اسلم عليك فيني قهر منك اللكل متجننن عليك وسحبوووا علي
ياربي وش اسوي طاوله طاوله مشيتها وكل ماامر من عند وحده تقولي العروس عندها اخوات
اقولها لا بس انا بنت عمها على طول الوحده ترجع وتقول الله يسعدها وانا عارفه كان
ودهم يقولون خلاص اقلبي وجهك اخخخ ياقهري
عنود =ههههههه حياتي وانا اقول ليه جوري مختفيه اثرك تتدوري على الطاولات
سماح =حياتي والله حزينه عليك يالله ان شاءالله تعبك مايروح على الفاضي
جوري وهي ترفع يدها لسماء=يارب بكره وحده من هالمساطيل تدق علينا
اوف فاتتني شكلي اروح اوزع رقم بيتنا
سماح =ههههه روحي بسرعه اللحين راح تفضى القاعه
جور وهي تجري =يالله اجل باي وهذي بوسه لك يارهف معليش مستعجله
عنود =هههههه صدق خبله هالبنت
رهف
اوف فيني قهر عليهم انا جالسه ابكي وذليت عمري عند خالتي وهم جالسين
يضحكون على خبال جوري لبست عباتي زين وسلمت على عنود وهي ضمتني
وجلست تبكي وكمان سماح وشفت خالتي تناظرني من بعيد بس حسيت في
عيونها كلام بس مدري ايش لما شافت البنات منهارين معي على طول تدخلت
ام فيصل وهي تسحب رهف من عنود وسماح=خلاص بنات إلا يشوفكم
يقول ماراح تشوفون بعض خلاص اخوكم جالس يدق على الجوال يبي يروح
عنود =يمه تكفين اقنعي ابوي يخلي رهف عندنا ماتروح
سماح وهي تبكي=ايه يمه حرام تروح وهي ماودها
ام فيصل بعصبيه=والنهايه معكم يعني وين بتروح اكيد بتروح مع زوجها
رهف فكيت البنات ومشيت ساكته كفايه ذل ومن اليوم وعدت نفسي
مستحيل عاد انزل نفسي لخالتي او عمي وهم رموني هالرميه الخايسه
رهف =عنود البسي العبايه واطلعي معي حتى السياره بس
عنود وهي تلبس العبايه=اوك اللحين يالله حبيبتي
طلعنا إلا تركي واقف عند باب السياره ويشر لنا ع طول عنود فكت يدي
وقالت يالله مع السلامه جلست ابكي حسيت اللحين بزياده بيتم لو امي وابوي
موجودين كان هم ودوني بنفسهم لسياره وكان مشوا معي حتى الفندق
ركبت السياره حسيت بببرد مع ريحة دخان يالله حرام فاتح المكيف والجووو بارد
جلست انتفض خايفه وبردانه شفته وهو يكلم خالتي من عند الباب بس مدري
ايش تقوله جالس يهز راسه كنه هندي مالت عليك
تركي وهو يقفل الباب =خلاص يمه فهمت باي ويشر بيده
ورجع ناظر رهف بمسخره هلا والله في العروس
رهف
طنشته وهو سكت بس كان يفكر ماادري في ايش يالله احس بخوف مو طبيعي
يالله تعدي هالليله على خير وتبعد شر تركي عني حاسه من هدوه غريب ياخوفي
الهدوء اللي يسبق العاصفه كان مسرع بسياقته كان ودي اقوله راح نموت خففف
بس طنشت انا عارفه حركاته راح يعاند ويسرع زياده خليني انطم احسن هو شكلي
راح اموت اموت معه اذا كان مو في السياره اكيد على يده شفته وهو يوقف الحمدلله وصلنا
تركي بمسخره=يالله انزلي ولا منتظره اجي افتح الباب لحضرتك
رهف مسكت الباب وفتحته ونزلت امش وراه دخلنا الفندق
تركي وهو ياشر على الفت يقولي روحي اوقفي هناك هزيت راسي ومشيت
شفته وهو يكلم إلا في الاستقبال واجا يمشي ناحيتي فتح اللفتتت على طول ركبنا
وانا منحاسه من الفستان وصلنا الجناح ودخلنا
تركي وهو واقف عند الباب وبعصبيه=ادخلي
رهف خفت ادخل
تركي =ادخلي بسرعه ولا تبيني اقولك ادخلي برجلك اليمين ولا لايكون كمان تبيني اشيلك
صدق مسخره ومصدقه نفسك زود ادخلي قبل مااطلع نفسيتي عليك ترى هنا منك وهو ياشر على خشمه
رهف دخلت مشيت ناحية الصاله =الغرفه هذي صح
تركي = اكيد هذي الغرفه غبيه من جد اخخ ياتركي هذي نهايتك مع هالزفت
لكن اقسم بالله لا احرق قلبك زي ماحرقتي قلبي
رهف كان ودي اضحك في وجههههه واقوله الحمدلله وانت قلبك انحرق
وترى مايجي نص حرقة قلبي يكفي ضيعت حياتي ومستقبلي كله
طنشته وقمت اسحب فستاني وادخل الغرفه وهو تمددد على الكنبه في الصاله
ان شاءالله ينام في الصاله ومايلحقني الغرفه شفت المفتاح حق الغرفه موجود في الباب
كان ودي اقفل على نفسي الباب بس خفت يسوي فيني المصايب هو يبي اشاره علي
اوف قفت عند التسريحه وقعدت اسحب في البنس يالله شعري عورني من كثر ماافككك
في هالبنس مشيت ناحية شنطتي اللي عنود جاهزتها قبل واخذها عمي معه يوم حجز هالجناح لنا
فتحتها وشفت قمصان نوم بس الحمدلله كلها مستوره حبيبتي ياعنود تحس فيني من غير ماااتكلم
احب البجايم جلست ادور سحبت بجامه لونها بني وبيج خفيفه شوي والجووو بارد
بس يالله سحبتها ودخلت افك الفستان هذا اخذت شور وطلعت شفت وجهي يالله احس
المكياج ماراح كله اوف مسكت مزيل المكياج وجلست امسح فيه رجعت اغسل واتوضى
ابي اصلي الوتر صليت وبعدها جلست استفغر يالله شفت الساعه إلا هي 3 الحمدلله
شكله نام في الصاله مدام تاخر كذا لك الحمد يالله ماودي اشوف وجههه قمت وقفت من على السجاده
وجلست اسحب المفرش لان فيني نوم بس خايفه من اللي معي بس يافرحه ماتمت .......
تركي وهو يدخل الغرفه وتقرب ناحية رهف وقف وراها بضبط= خلاص حققتي اللي تبي
وصرتي زوجتي يالله ابي اصفق لك واقولك هالمره بس تحديتي تركي وها اعيدها لك
هالمره بس فاهمه
يالله احس بمغص مقدرت ارد عليه
كان نفسي اقوله طيب ابعد عني لانه لما تقرب مني تذكرت احداث هذيك الليله البشعه اللي قلبت حياتي والله العالم ايش صار فيها الوسواس والوهم ذبحني لي شهرين عايشه بجحيم
حاولت انطق لان الزفت ينتظر من اجابه =طيب ابعد عني
تركي وهو يمسك كتفها بقوه=هييه اصحي لا تحسبي ميت عليك قال ايش ابعد
خلي في بالك انتي ولا شيء عندي فاهمه ولا شيء وبصوت عالي انطقي قولي فاهمه
رهف بخوف =فاهمه
تركي وهو يرمي الشماخ والعقال على الكرسي ورجع لرهف =وشوفي كمان ابي اقولك شيء
لا تفكري في يوم اني راح اسامحك على تحريضك لاابوي علي
رهف =انا مالي ذنب والله ماقلت له سمعني لما قلت لعنود
تركي وهو يرجع يمسك كتفها بقوه =ومن الاصل مين قالك تقولي للعنود
رهف بخوف وتحس بااالم من مسكته=هي ضغطت علي وكان تبي تتصل فيك
تركي بعصبيه =كان خليتيها تتتصل فيني وانا اعرف اصرفها وكله اللي صار ظلم لي انتي كبرتي الموضوع كله عشان تتزوجيني

صرخت بقهر : ايششش اتزوجك أنت ناسي كم مره رفضتك وعارف مين كان خاطبني
تركي وهو ثاير وسحب العقال وكمان تتراددي بالحكي ي كلبه اوريك اللحين
وجلس يضرب فيها بالعقال في كل مكان في جسمها تركي وهو معصب
والله يازفت لا اعرفك مين تركي
رهف وهي تحاول تفك نفسها منه بس بدون فايده =يمه يمه خلاص والله يعور
تركي وهو يرجع يضرب فيها =عشان بس تعرفي لما تحطي راسك براس تركي
وخلي الللحين ابوي ينفعك الحمدلله وهو اخلى مسؤوليته منك عشان اعرف اربيك من اول وجديد
ياكلبه تف عليك ورمى العقال وطلع
رهف
لا تسالوني عن حالي محطمه مظلومه مقهوره مقدر ادافع عن نفسي احس باااالم في كل جسمي
جالسه ابكي مو من الم الضرب لا جالسه ابكي اليتم إلا انا فيه جالسه ابكي على حالي
وقعت في يد واحد مايرحم واحد مايعرف الله اكيد لوكان يعرف كان فكر في اية اليتم فلا تقهر
وهو مو بس قهرني وعذبني اللمني حيل حاول اقوم من الارض اخخخخ احس بحرقه في جسمي كله
يارب كن معي ومعيني يالله يالله انت قادر تكسر زي ماكسرني وضيع كل شي حلو في حياتي
تركي وهو يفتح الباب بقوه =يالله انقلعي من الغرفه ابي انام
ولو بس اسمع لك صوت اقسم بالله هالضرب اللي من شوي ولا شيء مقابل اللي بيجيك فاهمه
قمت ع طول حسيت بسكين ينغرس في بطني ظهري كمان يعورني مشيت لصاله
وانا اشوف كيف جسمي كله علامات ضرب منه فرحت لما وصلت لللكنبه
ورميت حالي عليها وانا ابكي مو قادره انام من الم جسمي اذا قلبت على ظهري احس بحرقه
وبطني ماقدرت انام عليه احس بمغص فظيع حاولت اتقلب مقدرت حسيت بعطش
وقفت وشفت قدامي مطبخ تحضيري صغير على طول فتحت الثلاجه وسحبت مويا وشربت
رحت جهة المغسله وغسلت وجهي رجعت نمت على الكنبه وانا استغفر وادعي الله
يحرق قلبه زي ماحرق جسمي كله باهالضرب جلست اتقلب بعدها سمعت صوت الاذان الفجر
مشيت بشويش اسحب نفسي غصب بس لازم اصلي يالله خايفه يصحى ويقول اني ازعجته
ويقوم علي يكمل اللي بدا فيه بس الصلاه مستحيل اضيعها وانا صاحيه
جلست امشي واستفغر حتى دخلت الحمام الله يكرمكم توضيت وطلعت بسرعه
سحبت العبايه وطلعت صليت وقريت اذكاري وبعدها قمت من على السجاده
يالله كان الصاله برد بشكل ولا حتى عندي مفرش اتغطى فيه سحبت العبايه
وغطيت نفسي فيها وانا احاول ادفي نفسي فيها بعدها نمت وما حسيت
إلا بصوته على راسي
تركي =قومي وجع ان شاءالله ميته انتي
رهف =خلاص صحيت
تركي=انا رايح اصلي الجمعه وبعدها اجي اللقى كل شيء جاهز
امي دقت علي وقالت الغداء عندهم وبعد ها نسافر على طول
ومشى ناحية الباب ورجع يهددد قومي لا اجي واجرم فيك وطلع
رهف
وجع ان شاءالله تروح ماترجع قمت اوف ظهري يبي ينقسم من هالكنبه والله
قمت بسرعه دخلت الحمام اخذت شور وجلست اشوفي جسمي كله الوان بذات ظهري
احس الضرب كله كان عليه طلعت لبست تنوره وبلوزه ومشطت شعري وشفت وجهي
كان باهت اللي يشوفني مايقول عروس يالله سحبت المكياج وسويت على خفيف
مستحيل اخلي احد يشوفني مكسوره اكثر من كذا اكيد اللحين تهاني وسمر موجودين
بعدها صليت الظهر وجلست اطبق الملابس وارتبها في الشنطه واخذت كيس وحطيت في الفستان
وجلست انتظره في الصاله وسحبت الشنطه معي عشان مايجلس يدور سببب
تركي وهو يدخل =خلاص اخذتي كل حاجاتي من الدرج
رهف اوف اي درج =لا اخذت بس الملابس
تركي بصرخه=انا ايش قلت هاا قولي ايش قلت
رهف= مااجى على بالي معك اغراض في الدرج
تركي =اوف انتي ايش ينفع معك غبيه من جد
رهف اوف اوف كان نفسي ارد عليها مالت عليك بس ياناس معي قهر
منه كان ودي اقوله بالله ايش يصير فيك لو دخلت الغرفه وسحبت الدرج واخذت اغراضك
بس طنشت حكيه وتهديده ودخلت الغرفه واخذت المحفظة حقه وطلعت ناولته هي
سحبها من يدي بقوه خبيث يبي يكسر يدي
تركي اخذها منها وهو مقهور من الحاله إلا هو فيها =يالله قدامي مدام رهف
رهف مشيت معه وطلعنا من الفندق ركبنا السياره بس انا ركبت ورا
كذا ماودي اركب معه قدام بعد ضربه لي البارح كاره حتى اشوف وجهههه مو بس اركب بجنبه
شفت تركي وهو يناظر لي من المرايا بس طنشت وسويت نفسي اتفرج لشارع
تركي وهو ماسك نفسه غصب=لا لا بالله من جدك هالحركه
انطقي لما اتكلم ماتسكتي تردي علي على طول
رهف وهي تسوي نفسها قويه لانه مستحيل يسوي لها شي في الشارع =ايوه مابي اركب بجنبك
تركي بقهر وهو يسكر على أسنانه =اقولك انزلي قبل مااانزلك بنفسي وهذاك الوقت تحملي وش يصير فيك
رهف بعناد=ماابي
تركي=والله يارهف اقولك لااخر مره انزلي اركبي قدام لاني مو سواق عندك
عشان تركبي ورا ولو معنا احد كان مافكرت اهم شيء مايكون قدام فاضي
وانتي جالسه ورا كنك اميره انزلي قبل مايكون اليوم نهايتك
رهف في نفسها اوف هذا مايسكت =طيب مابي مو غصب
تركي بصوت عالي =رهف
رهف وهي تنزل تركب قدام ا=اوف
تركي ضغط على يدها بقوه =اقسم بالله لو الناس بس مو رايحه جايه لاكان اليوم اخر يوم في عمرك
على هالحركه
رهف وهي تتتالم =اه اه عورتني فك يدك
تركي وهو يرمي يدها بقوه =اوك اللحين راح افكها بس قدامنا كثير وتعرفي مين تركي
رهف
سحبت يدي وجلست اهمز فيها يالله احسها انكسرت مالت عليك اوف صادق قدامي كثير
من غلاستك وخبثك الله يستر علي منك اوف ان شاءالله مايكون احد في البيت غير البنات
ياخوفي اشوف خالته ولا بناتها ان شاءالله خالتي ماعزمتها بس خالتي مستحيل
ماتعزمها تموت في الفشخره اعرفها انا ناظرت فيه شفته يسوق وهو ساكت
بعدت عيوني منه خفت ينتبهههه علي
تركي وهو يحذرها =شوفي ابوي اذا قالك شيء
او سألك ياويلك تفتحي فمك فاهمه وايوه كمان لا انسى بعد
الغداء على طول تكوني جاهزه
رهف بخوف منه =ان شاءالله
تركي وهو مو مطمن لها=رهف اقولها لك للمليون انتبهي تغلطي بكلمه عند عنود
ولو كمان اسمعك تقولي ماابي اسافر معه ياويلك فاهمه
وكمل بسخره وبعدين خلي عندك كرامه ولعاد تذلي نفسك عندهم والله مايبغونك
رهف وانا احس بقهر من كلامه لانه صادق يكفي مذله طنشته ودموعي تنزل بدون صوت
شفت بيت عمي ومافي سيارات كثير الحمدلله شكلهم مااعزموو احد
تركي وهو يوقف السياره بجنب الباب = جهزي اغراضك كلها اللحين قبل الغداء انزلها السياره
رهف =طيب ونزلت
تركي وهو يدخل عليهم الصاله وبصوت عالي=السلام عليكم
ام فيصل وهي ترحب وتحس بفرحه وهي تشوف ولدها= هلا يمه وعليكم السلام
رهف وهي تدخل وراه =السلام عليكم
البنات كلهم اجووووا ناحيتهم وجلسووو ضامين بعض ويبكونننن مو متعودين يبعدون عن بعض
تركي بمسخره=خذوها والله ياليت تجلس عندكم
ام فيصل =تركي انطم ابوك داخل ترى ماصدقنا وهو يرضى شوي
تركي =والله من جد يمه مو متخيل وهو ياشر على رهف هذي زوجتي في قهر من جد
ام فيصل =يالله حبيبي ماعليه
رهف
وجع ان شاءالله ان اللي فيني قهر لاني زوجتك يالغبي ولا شوفو القهر وين
خالتي وردها تقوله ماعليه ليه يعني هي اللحين تواسي ولدها
عنود وهي تسحبني =بنت امشي ماعليك في تركي
جوري بلقافه =يالله احكي لنا وش صار بالتفصيل وكيف كانت لليلتكم
رهف
سماح =ماعليك منها هذي محد يشره عليها
رهف وهي تحس دموعها تبي تنزل كان ودها تقولهم بس خلاص جالسين تعذبوني فيني
لما تسالوني وش صار تبغون تعرفون ايش صار صار اني انضربت وانهنت
اخوكم جالس يقتل فيني حبه حبه
رهف وهي تمشي تبي تاخذ اغراضها من الدولاب =ماصار شي
عنود على طول حست فيها = بنات ممكن تخلونا شوي
على طول طلعوواا البنات
عنود وهي توقف بجنب رهف وسحبتها لحضنها=رهوفه حبيبتي قولي وش صار معك
رهف زهي تبكي في حضنها =اخوك موتني ضرب اخوك ذبحني فاهمه ايش ذبحني
وانا ماعندي احد اشكي له
عنود بعصبيه =وش ضربك حلوه ذي كن ماعندك احد والله اللحين اقول لاابوي
واخليه يعرف يربيه
رهف =لا تكفين ماابي مشاكل واخوك محذرني
وبعدين ضحكت بمسخره بعدين تعالي مين اللي راح يوقف معي هااا قولي

انتهى البارت
استودعتكم الله حبايبي