[لامارا]

ــــــــــــــــ


البـــــــــــــ (25) ـــــــــــــــــــــــار ت


مقولة محب
..صيانة قلبك لايعني بأن روحك قد تغيرت..





طبقت سجادتها وشرشف الصلاه ورمتها على سريرها
تقربت من التسريحه وهي تمشط شعرها المبعثر
رفعته ذيل حصان ومشت للباب بسرعه لكن استوقفتها نغمة المسج اللي جاتها
توجهت للكومدينو واخذت جوالها فتحت الرسائل النصيه وزادت حيرتها من الرقم الغريب


..
السلام عليكم
اخبارك عساك طيبه
واخبار عمي وخالتي عساهم طيبين
سلمي عليهم
واتمنى نكون على تواصل
زوجك ,,طلال
...

قفلت الجوال بعصبيه ورمته على السرير باهمال
فتحت الباب ونزلت بسرعه لتحت لجل تشوف سهاد وش تبي فيها





رجع من المسجد
:السلام عليكم
ام بدر: وعليكم السلام..وين ابوك
جلس وسحب له تمره ورماها بفمه:مسكه واحد عند المسجد وجلس يسولف معه
ام بدر: وليه ما انتظرته
رفع عينه لامه : الله يهديك يالغاليه من بعد المسجد عشان انتظره وبعدين هو بنفسه قال لي روح
ام بدر : يلا ماصار الا الخير
اخذ فنجال القهوه ورشف منه رشفه : وين البنات عنك
مالقى جواب
عقد جبينه وكرر سؤاله: يمه وين البنات عنك
لفت عليه وهي تستوعب ان بدر يكلمها: هاه يمه وش قلت؟
بدر: علامك يالغاليه فيه شي مكدرك
وقفت وهي تتهرب من الاجابه : ابد مافيني شي
مشت بسرعه لغرفتها متجاهله كل وسواس جاها

تتبعها بنظراته وموقف قديم طاف بذاكرته مشابه لهالموقف
نفض راسه : الله لايعيدها من ذكرى





فتح عيونه بكسل على صوت يوسف
لف براسه ليوسف من غير أي كلمه
يوسف:ترا اذن العصر ماودك تصلي
رفع يده لشعره ورجعها لظهره
وقف بكسل وتوجهه لحمام الطائره
توضأ وطلع للمر الصغير اللي يصلون فيه
صلى العصر قصرا ورجع لمقعده
: متى بنوصل ابو ظبي
يوسف : بعد ساعه ونص
نفث نايف بطفش ولف بوجهه للنافذه
غمض عينه بانزعاج من اشعه الشمس
مد يده وقفل النافذه
ارخى راسه على المقعد وفجأءه فز
دنق لتحت وكأنه يدور لشي
وقف وهو يتحسس المقعد
يوسف ببرود: في جيبك
لف عليه نايف: هاه
ناظر له يوسف : اللي تدور عليه في جيبك
دخل يده وتنفس براحه لما عرف ان الصوره في جيبه ولكن سرعان ماعقد جبينه
:شفتها؟؟
يوسف :لا
جلس وهو وده يقتل هالبرود في يوسف
ناظر له بحده: اجل كيف وصلت لجيبي
فتح المجله وتكلم ببرود: فتحت عينك وقت مامرينا بالمطب الهوائي ودخلت اللي بيدك في جيبك
مد شفته وكانه يتذكر :ايه ايه ذكرت
عدل جلسته بطفش وهو يتخيل اهله وش يسون اللحين





وصلت للصاله وفتحت فمها من اللي شافته
: وشو ذا!!
سهاد وهي تقلب بالاغراض : هدايا العرووووسه خخخخخ
رمتها امها بالريموت
سهاد: اااااااي يمممه
حنان: اهجدي وخلي الهياج ..الهبال.. عنك
جلست بجنب الاغراض : طيب هو حرام لاشفت هدايا اختي
اشرت امها بعيونها على هدى وسكتت سهاد
تقربت من الاغراض : مين اللي جاب كل هذا
وقفت سهاد بسرعه وقالت بحماس: النص صديقاتك والنص الثاني بنات عمتي هدى والنص الثالث والاكثر من طلالو
كشرت من ذكر اسمه : وين هدايا صديقاتي وبنات عمتي
اشرت لها بطريقه مسرحيه: هاهي ياعروستي
انفجرت شهد ضحك على كلمة عروستي : سهاد تكفين لاتخربين اللغه خليها مثل ماهي
كشتها بيديها: مالت عليك خليك برسمك احسن لك
وانتي ياوخيتي تراني تعبت وروحي انهدت وانا احملك في هالهدايا يعني افهميها عوضيني حق تعبي وعطيني هالباتشي
تقهقهت هدى : لك عيوني لو تبيها
ابتسمت ابتسامه دعايه:تسلمييييييييييييين ما ابي عيونك ابي الباتشي واللي يرحم بطنك ترا سعابيلي من ساعه وهي طايحه
التفتت على ضحكت ابوها وركضت لجهته وهي فاتحه يديها
: باااااااااااااااااااااااا ااابي
ضمته بقوووه :ياوااااااحشني
بادلها الحضن وضربها بخفه على راسها : اجل سعابيلك طاحت
ناظرت لامها وشهد وهدى من طرف عينها وهي تحرهم بحواجبها زادت من دلعها : ايه والله ودي بهالحلاوه من اسبوعين ولاحد جابها لي
ابو هدى: افااااا وانا ابو هدى اليوم بتوصلك علبتين باذن الله
ضحكت بفرح : وااااه بعد روحي وهلي بعد قلبي ونفسي جعلني فدوه لك يابوي يابو سهااااااااااد
ضحك ابوها بمكر ومسكها اكثر لما شاف زوجته تتقرب منها بخفه
ناظرت بعيونه :لاتقول الحبيبه خلفي
ماكملت كلمتها الا وامها ساحبتها من اذنها للمطبخ
: العشا عليك وتنظيف المطبخ عليك وغسل الموعين عليك
ناظرت لابوها اللي يأشر لها بمع السلامه :يمه يالغاليه يالحبيبه صدقيني ماراح اعودها بس فكي اذني اهـئ
ضحك بخفه على شقاوة سهاد وغيرة زوجته اللي ماتنتهي
تقدم من بناته شهد وهدى سحب هدى وجلسها بجنبه
اشر لشهد تجي تجلس بجنبه
قبض على كفوفهم بمحبه اب صادقه ماله بهالدنيا الا عيلته
بناته وزوجته واخته اللي مابقالها سند غيره
حس بألم بقلبه
وسببه الفقد اللي حسه بعد موت اخته سهاد
دائما مايأنبه ضميره
خواته تغربلو وتيتمو وهو بعيد ولاهي عنهم
ناظر بملامح بناته ..ياترى كيف بيكون حالكم من بعدي ..





: ان شاء الله يا ام حمد مايصير الا كل خير ..ابشري من عيوني ... ههههه تسلمي والله
..حياكم الله ..في امان الله
قفلت السماعه وابتسامة فرح مرسومه على وجهها

راكان اللي انسادح بالصاله ومتكاسل عن القومه : يمه منهي ذي
ناظرت له : وانت شدخلك
مسك على قلبه : افا يالغاليه تخسفين بوليدك كذا
ابتسمت : ايه لان وليدي ملقوف ويلا اللحين قم ابي ابوك وجدك بكلمه
طالت نظرته لها : اقص يدي اذا مافي هالسالفه زواج
رماه جده بسبحه: قم اللحين وتاليتها تعال ابيك بشي
قام بسرعه لان داري جده بيمشوره : مع السلامه يالسموح تراني بارقد لاحد يزعجني
هرب بسرعه من الصاله
لف عليها الجد :سمي يابنتي وش بغيتي
ناظرت لوجه زوجها وعمها وهي تحس بالفرح
: بغيت اكلمكم ترا ام حمد لها اسبوع تدق علي وتقول بتملك لولدها
استبشرت ملامح الجد والاب
الجد: حياهم الله ومتى قررتها معك
ام سطام: تقول تبيها بعد اسبوع لا الولد مستعجل ويبي يعرس بسرعه
ابو سطام : حنا من ناحيتنا موافقين بس انتي شاوري ساره وشوفي اذا كان بعد اسبوع يناسبها ولالا
قامت بفرحه :اكيد بشاورها
صعدت بسرعه لفوق وهي تفكر بالكلام اللي تبيت ستفتحه لساره
ابو سطام : والله حمد مامثله احد
الجد: وانا اشهد وقف معنا بعزا ابراهيم وقفت رجال
ابو سطام: والنعم فيه




طقت باب غرفته مرتين وماجاها رد رجعت طقتها بشكل اقوى
حسام : نعععععععم
فتحت ساره الباب ودفت عذاري لجو وقفلت الباب
ابتسمت بداخلها : يستاهل هي تسوي المستحيل عشان ماتزعله وهو بسبب سوء تفاهم يزعلها
لفت بتروح لغرفتها لكنها صرخت بخرعه
من امها اللي خلفها وابتسامه فرحه مرسومه عليها
ساره: يمه خرعتيني
ضحكت ام سطام : وشو اللي تتحرطمين فيه
ساره : ولاشي بس كنت اهاوش حسام وعذاري
مسكت يد بنتها وسحبتها على غرفتها
دخلت وقفلت الباب
تقدمت وجلست على سرير ساره
ناظرت لغرفتها دايما مرتبه عكس غرفة هديل ولمى
استقرت نظراتها على وجه بنتها المتسائل
اشرت لها بمكان بجنبها : تعالي
تقدمت وجلست ومية سؤال ببالها: سمي يالغاليه
مسكت كفوفها: حبيبتي والله كبرتي وجا الوقت اللي افرح فيك
ناظرت فيها ساره من غير أي كلمه لانها عارفه ان ورا هالكلام شي يخصها
استرسلت امها في الكلام لما ماشافت أي ردة فعل من بنتها
ام سطام: البنت لابد لها من الاستقرار في حياه تخصها وحدها مثلها مثل الرجال
انتي تعرفين ان ام حمد كلمتني من اول تبيك لولدها
ساره : لاتعليق
ام سطام : وانتي استخرتي ووافقتي
ادري انهم ماجو خطبو رسمي بس هم بيجون بعد اسبوع يبون يملكون لولدهم
رعشة خوف مرت بها وتنهيده طالعه من اعماقها
استغربت امها من حالها :قالوا يبون الملكه بعد اسبوع وراح يحددون وقتها كل شي من مهر وعرس وانا جايتك اللحين ابي رايك
يناسبك ان الملكه تكون بعد اسبوع اولا لا
وترا هم يبونها عائليه هاه وش قلتي
دنقت وتنفست بعمق ورمشت اكثر من مره حست بالخوف والجد بكلام امها
مدت امها يدها لشعرها وجلست تمسد فيه بحنيه
:جهزي نفسك واسترخي واذا حسيتي انك استقريتي على راي تعالي وعلميني
وقفت وعينها على بنتها : يلا اخليك اللحين لوحدك
والله يكتب لك اللي فيه الخير ياقلبي
طلعت امها وقفلت الباب وراها
رفعت يدها لقلبها اللي ينبض بسرعه وجسمها اللي ارتفعت حرارته
تمددت بشكل عرضي على السرير وهي تهدي من موجه الخوف اللي اجتاحتها






وصل لمطار ابو ظبي
تمغط بتعب
مشى لجهة الكوفي اللي متوسط المطار وطلب طلبين قهوه ايطاليه ساده
اخذ طلبه وتوجهه ليوسف اللي خلص من اجرات السفر الخارجيه
مد له الكوب من غير أي كلمه
سحبه يوسف وهو يشكره بلطف
جلس بجنب يوسف : اتصل عليك عامر
يوسف : ايه اتصل يقول حجز لنا بالفندق وجهز لنا كل الامور اللازمه
رشف من قهوته وهو يحمد الله
: متى رحلتنا الجايه
ناظر يوسف لساعة يده وهو يقوم : مابقى الا عشر دقايق
قام نايف وهو يلبس شنطته ويجمع الاوراق واسرعوا لصاله الانتظار
متناسي اهم شي وراه ...


ازاح نظراته عنها وتلاهى بالكتاب اللي بيده
شبكت اصابعها مع بعض بارتباك : حسام انا اسفه
ما اعطاها أي رد
تجمعت الدموع في عيونها : والله اسفه ماكنت اقصد اني اخبي عنك كنت باقلك بوقت ثاني
بس بعدها انسيت
رفعت كفها ومسحت دموعها : كنت وقتها ببريطانيا تسوي عمليتك وما ابي اشغلك بشي مثل هالشي
ارتفع صدرها ونزل ودموعها تزيد من عدم اهتمام حسام لكلامها
: تعبت وسأت حالتي النفسيه وصرت ما انام من الكوابيس اللي تجيني
رحت المستشفى النفسيه لان وقتها كان عند ارق وانا اللي استشرت على سطام هالفكره ولا كان هو كارهها
سكتت
دقيقه
دقيقتين


عينه على الكتاب بس فكره وسمعه معاها
بدا ينشد لكلامها لكن فجأءه وقفت
رفع عينه لها وفز بسرعه من اللي شافه


انتهـــــــــــــــــــى.. .