البارت الثــامن عششششر:
فهد:انا ادري انج م تبغين تسافرين عشان فيصل بس لو تموتين م اخليج هنيه
ساره طنشته وسكتت عنه لانها تعرفه عنيد واذا قال كلمه بعناد مستحيل يتراجع عنها،حتا لو كانت بتدمره اهم شي يثبت للي يتحداه انه قدها ومستحيل يمنعه اي شي
ركب تركي السياره شايل كيس فيه ماي وبيبسي
تركي:هاه ع شو اتفقتو
فهد:خلاص قنعتها بتروح معي يوم الخميس
عطاها نظره تهديد من المرايه
تركي:ساروه م تبغين عرس
ساره بكل قهرر قالت:لا ابغي عرس ولا شي ابغي اموووووت
تركي طالعها وطالع فهد
فهد حس انه سارت يابت العيد :هههههه خلها زعلانه احين عسب الدراسه
تركي:يالله ي ساروه اونج مخليه عمرج،شوفينا نحن ولا واحد منا فلح فالدراسه، انا وخلود نجحنا بالدز وميره وشموه م كملن دراسه،وحماده وعمور كله يرسبون ..ياخي خلينا لج قدوه
فهد:خوش انساب ولله
تركي:كل تبن يالله،احمد ربك اني وافقت عليك
فهد:ههههه طوف طوف
تركي:لا وبعد شاده حيلها تخيل نسبتها90
فهد:حتا لو كانت 100 مستحيل تدرس. انا قايل كلمه م تصير ثنتين
وصلو فهد بيتهم
فهد حب يسوي لاهله مفاجاه ..ماقال لاي احد انه بيرجع
دخل عليهم كانو يتغدون
فهد دق الباب:سلام عليكمممم
الجمعيع انصدم ليش فهد راجع ركضت له خوله وريم حضنووه سلم ع امه ومريم وعلي وسعوود وعلى فاطمه حركت اخووه.. لفت انتباهه شخص كان قاعد
اسما تجدمت من فهد:الحمدلله ع السلاامه فهد
فهد نزل عيونه:الله يسلمج
ام فهد:خلصت الدوره مالك ولا شو!
فهد قعد ع الكنبه:لا بس اخذت اجازه
ام فهد :حق شو!!
فهد يبتسم يبغي يغيض اسما:ابد ولله ياي اسبوع باخذ حرمتي وبرجع
ريم صرخت:شو!! !!ليش م قلت لنا نجهز نفسنا ..شو بيقولن ربعي عني احين
عطاها فهد نظره وطالع امه:من قال اني بسوي عرس،انا بخذها جيه بدون عرس
ام فهد:ليش،،نحن قايلين بنسوي لك احلا عرس
فهد يشرب ماي:م ابغي انا هالسوالف،،انا محتاي اخذ ساره معي،عايش بشقه بروحي لا انيس ولا وونيس
اسما تدخلت:لهدرجه حرمتك رخيصه تاخذها بدون عرس
ام فهد تطالعها بعصبيه:اسسسسما
فهد طنشها وقال لامه:حتا لو اخذتها عقب م اخلص الدوره مستحيل اسوي عرس ورشود بعده تعبان
سعود:قول انك مفلس وم تبغا تكلف نفسك
علي:هههههه فهود احسن لك شلك بالصدعه
فهد يقوم:كل تبن انت وياه
وراح ع غرفته
فهد كان له قسم خارجي برا الفله
مكون من غرفتين وصاله
وحذاله كان قسم علي نفس الشي غرفتين وصاله
كل واحد بقسمه عسب ياخذون راحتهم
دخل غرفته وفر جنطته ع بالصاله وع طول فر نفسه ع السرير
.................................
دخلت ساره البيت واهيه حدها معصبه اخذت لها شور وعقبها صلت صلاه الظهر
طق طق طق
دق عليها عمور الباب ودخل:ساروه تعالي تغدي.. لبسي شيله ترا ميوود بيتغدا معنا
ساره لبست شيله بيضا مال بيت :يلا زين
طلعت لصاله وقعدت ع الارض تاكل مع اخوانها
عمور يبلع اللقمه:سمعوني انا دوام بلمدرسه من باجر م بداومم
مايد:عدااال، تحسسني انك كل يوم تداوم
عمور:ع الاقل كنت اداوم،بس خلاص م بداوم
خالد يشرب بيبسي:ليش م تبا تداوم
عمور:اليوم تضاربنا انا والاستاذ
تركي عصب:غبي انت غبي ليش تتضارب مع الاستاذ
عمور ياكل:اهوا بروحه يكرهني تخيلو جدام كل الشباب قالي انت بنت تسوى شعرك جيه عاد انا كله ولا احد يشككني برجولتي
حماده يضحك:ههههه خلك جيه لا تسكت ع حقك
خالد عصب ع حماده:حماده بدل لا تنصحه قاعد تترس راسه
عمور:المهم انا م ابغي اداوم خلاص
مايد:هههههه يحليلك بنيوه
تركي:غيب لا تداوم..بس ولله ياعمور لو تضاربت مع احد مره ثانيه ي ويلك مني. انا حذرتك
عمور:اهم شي م اداوم
تركي:اليوم كنت اقول لفهود انك الا تروسب
ساره ماكانت تاكل الا شوي وتسمع كلامهم بس بالها ابد مب معاها
تركي:تصدقون ساروه ها اخر اسبوع لها معانا هههههه
حماده طالعها وحطا ايده ع يبهتها:ليش ساروه بتموتين
ساره دزت ايده:هيه ان شالله
تركي:ههههه لا فهود بياخذها بتعرس،يوم الخميس فهود بياخذها معه بريطانيا
خالد:مته فهود بيرجع
تركي:اليوم رجع،انا مريته المطار
مايد:هاه ساروه بتزوحين بريطانيا
ساره تطالع تركي وتترجاه:تروك يالله طلبتك قوله ياجل.. انا باجي لي شهر وبخلص من الجامعه
تركي يكمل اكله:كلميه بروحج.. انا لا تدخليني *ابتسم لها*
ساره قامت:اووووووووف شو هالحياه
عمور يزاعج:خلاص ساروه انا برمسه لج
خالد:ههههه لا دخيلك استريح
عمور:طوف لاه، تراني نسيبه وامون عليه
مايد وحماده فطسو من الضحك عليه وقعدو يعلقو عليه
.............................
ساره دقت لخالتها منى وقالت لها ع السفر
ع العصر طبت منى مع ساره وغصبتها تروح السوق تكمل باجي اغراضها ساره كانت مضطره تروح عسب م يشكون بشي،،
....................................
الساعه 8 بليل
اسما كانت قاعده بصاله مع ريم ومريم يجوفون التلفزيون
اسما بتفكير:مريووم ابغي اشوف ساره
مريم مندمجه بلمسلسل:بتشوفينها يوم الخميس
اسما:لا ابغي اشوفها اليوم
ريم تلعب بفونها وتقول:كيف
اسما تبتسم بمكر:اتصلو لفهد قولو له ياخذنا عندها
مريم اطالع اسما:مدري ،حايه انه فهود م بيرضى
ريم تبتسم:اظن اهوا احين بغرفته يسبح بيروح يقعد مع اخوانها
اسما تدف مريوم:قومي قومي قولي له نحن جاهزات وريموه انتي روحي خلي فطوم تتجهز
مريم بضيج:لا تدفين زين بروح
راحت ريم قسم فاطمه وعلي
وراحت مريم قسم فهد وطقت الباب
فتح لها فهد الباب وكان لابس كندورته ومتعصم*متغتر* طالع شكل ططططر
فهد رفع حواجبه:خير
مريم تبتسم:فهود حبيبي وين بتروح
فهد يدخل غرفته:حق شو!!
مريم قعدت ع السرير:فهوود قوووول عاد
فهد بتعطر ويطالع نفسه بلمرايه:عند انسابي
مريم:عدااال،اونك انسابك ههههه
طالعها فهد من المرايه بنظره سكتتها
مريم:زين شسمه انا وريموه واسوم وفطوم حرمت علاوي بنروح اويك عند ساره
فهد:لااااااا
مريم:فهوود بليز نبغي تعرف عليها
فهد غمض عينه وتنهد:زين عندكن خمس دقايق
مريم تبتسم:فالك طيب،خبرها مب حلوه بعد نطب عليها جيه
فهد:زين زين يلا فارجي
طلعت مريم من الغرفه واهوا قعد ع السرير يطالع الفون يفكر يدق لها ولا
بس صح كلام مريم م يصير يروحون لها جيه اخر شي قرر انه يدق لها
رن بس مافي رد
رجع يدق لها مره ثانيه ردت عليه
فهد:الو
ساره بصوت ووووواطي:الو
فهد:احين بتيج مريم وريم واسما بنت عمي وفاطمه حرمت اخوي.. تجهزي م ابغيج تفشليني جدامهم ويقولون فهد م عنده ذوق،متزوج وحده هيلق
صكر الفون بويها
ودخل داخل الفله يزقرهن عسب يطلعن
..............................
ساره
*ياربي هالانسان كيف صاير م ينطاق ابد. احسن لي اقوم اتجهز لا يقولن خواته عني هههههيلق
المهم قمت ولبست لي مخوره ذهبيه وشيله سودا حطيت لي بودره وروج وردي هاادي حطيت لي مسكرا وكحل ابيض داخل عيوني وشويه بلشر خوخي ..تعطرت بدهن عوود ،رحت المطبخ سويت لهم عصير برتقال ودخنت الصاله بعوود بعد خمس دقايق وصلن نزلهن فهد ع الباب وراح.انا م جفته احسن م ابغي اشوف شيفته. المهم دخلن الصاله وسلمت عليهن مجرد سلام بالايادي وقعدن حذال بعض بغنفه وحده
مادري ليش حسيتهن يحشن فيني بس طنشت وابتسمت لهن وقلت:يامرحبا بكم،شحالكن
ريم :بخير
شو هالححححححاله احين هايلا ليش م ينطقن
قمت رحت المطبخ اخذت العصير واخذت بسكوت وكب كيك وتوجهت للكائنات الموجوده بصاله
عطيتهم العصير وحطيت الكيك والبسكوت ع الطاوله
اخيرا فاطمه نطقت:جاهزه لسفر!
رديت عليها:لا ولله بس شسوي
اسما حسيتها مب عايبنها شي واطالعني من فوق لتحت:انتي كيف ترضين تعرسين بهالطريقه
رديت عليها وانا ابتسم:شسوي عاد الظروف اسما تضحك باستفزاز:ههههه بصراحه الناس بتتكلم بتقول اكيد حرمت فهد فيها شي ولا ليش م سوا لها عرس
حبيت اغيضها فقلت:الناس م يهموني،لاني لو سمعت كلام الناس بتعقد
اسما تدلع:بسراحه بيقولون عنج رخيصه
عصبت من كلمتها بس انا مب متفيجه للمشاكل وهالنوع من الناس كل م مسكتي اعصابج يحترقون قلت لها وانا ابتسم وارفع حاجبي:ترا قلت لج كلام الناس لا يودي ولا ايب،والناس بتتكلم اكثر اذا فهد سوا عرس واخوه طايح مريض فبريطانيا
حسيت اني سكتها بهالكلمتين
فاطمه:ساروه عطيني هالغمازه تينن عليج.
ابتسمت لها حرجتني ياخي:فديتج ههههه
مريم:بلعكس انا احسها مب لايقه عليج ابد
حبيت اقهرها وانا ممشيه الموضوع اوياهن ولله انهن يحترقن من اسلوبي:حتا انا اخواني يقولو جيه،بس خلود اخوي لو تجوفين غمازاته يهبلن،خاطري اشوفه كله مبتسم
ريم:تصدقين انا شايفتنه،اذكر فهود مره محطي صورته كان يضحك وغمازاته شاقات حلجه لما سالت فهد قالي ها خالد نسيبي
ابتسمت لها
ريم:ساروه يلا خلينا نسوي تبادل فهود خذاج لنتي وانا اخذ اخوج خاالد ههههه
ضحكت:ههههههه خلاص تم
مريم بصوت عالي شوي:استريحي ريموه،كافي انه فهد اخذ من معهم
هدوني اصفعها،ليش نحن شفينا عسب الانسه مريم م تبغي تناسبنا مره ثانيه
قالت فاطمه:هههه ماعليكم من مريوم احين غيرانه يمكن اهيه تبغيه
مريم بعصبيه حسيتها جرحت فاطمه:كلي تبن انتي الثانيه،ي ترمسين سيده ولا تصكين حلقج
اسما اونها تغايض:هدي حبيبتي هدي عصبتي ع فطوم عشان شخص تافهه
تنهدت امسك اعصابي وانا ادعي انه الليله تمضي ع خير
طالعتني اسما واهيه تحط عينها بعصيني بس انا اول م طالعتني نزلت راسي
اسما:تصدقين ساره لما سالتهم كيف جميله حرمت فهد قالو لي جميله ومدري شو *ابتسمت*بس انا احسج عاديه.. فهد ماشالله عليه جميل حححيل
ابتسكت لها وانا داخلي براكين:شسوي عاد الله خالقني جيه والحمدلله في ناس جياكر يصبغون عمارهم من هالمكياج بس مهما تصبغو م يفيد *كنت اقصدها*
اسما بصوت عالي:شتقصدين دخل فهد فجاه ع كلام اسما
وانا قلت فداخلي الحمدلله فهد احين بيدافع عني بس فاجاني
قال:اسما ليش تصارخين
اسما مادري من وين نزلن دموعها:تقولي جيكره واني اصبغ ويهي بهالمكياج بس م يفيدني
فهد عصب و ......
..........
|