[اسطورة !]

يا مسافر والبلد غربة بدونك؟
في أمان الله والخافق معاك


..........
بالمستشفى
سطام وسلطان متجهين لباركينج المستشفى
سطام:ماخذ برد وارتفعت حرارتك يعني اخليك ملحوش بالبيت لين تموت اسم الله عليك ،صج خيرا تعمل شرا تلقى
سلطان يكح: كح كح تعرفني ماحب المستشفيات الله يهديك ياسطام كمادات وانتهى الموضوع
سطام بحلطمه:يعني الي يسمعه اهو يشتغل بمحل سيارات
سطام زهق من حنة سلطان وغير الموضوع:انزين ماسئلت متى جينا ماقلت الحمدلله على السلامه انت مو شي
سلطان:سامر ماقصر رسل لي اخباركم كلها
سطام عوج فمه:حشى cnn
اذاعه لندن هالسامر مايعرف يخبي شي
حركوا ماشين للبيت بعد ماطمنوا امهم
_________
فيصل وحنان باحد المقاهي بفينسيا
حنان :فيصل خل نرجع هذا يومين وبكرة الثالث نرجع اوك؟
فيصل :مو عاجبتك جلستنا لوحدنا !
ابتسمت حنان بإحراج:لا مو قصدي كذا بس خايفه عليهم والله، واحنا مقفلين جوالاتنا
ضحك فيصل:هههههه قلب الام ماقدر اقول شي
وقفوا بعد مادفعوا الحساب متجهين لفندقهم
فيصل حط ايده على كتف زوجته:ولايهمك نسوي شيك اوت ونمشي وعلى الفجر نكون ان شاء الله عند الاولاد
حنان ابتسمت:لايكون بس خربت مزاجك ؟
فيصل:اهم شي عندي راحتك ،كانت قرصه بسيطه للعيال مو عذاب لك
باس جبينها
حنان:طيب اتصل عليهم
فيصل بضحكة:ببببعد !
حنان:تكفففى بو فراس عاد
فيصل:بعد تناديني بوفراس يعني عشان تحنني قلبي عليهم ،امري لله بتصل عشانك بس
طلع جواله واتصل على جوال الجوري شافه مغلق
قطب حواجبه التفت على زوجته:الجوري مو بالعادة جوالها مغلق
حنان:شوف دق على فراس ولا ريان
بو فراس وبداخله يلوم نفسه على الي سواه (يارب يكونون بخير )
______
ريان بغرفته باستغراب يكلم نفسه:ليش غيروا رايهم قالوا بنتمشى بالشوارع ،يلا فضيت اشوي خل اكلم الربع ماكلمتهم
بين انشغاله بالسوالف على الواتس اب مع ربعه قاطعه اتصال من رقم ابوه الي عطاهم اياه عبدالله
رد بحماس:الوووو
بو فراس:هلا ريان
ريان:هلا ابوي شخبارك
بو فراس:الحمدلله ،انت طمني عنك وعن اخوانك
ريان:بخير انتوا شلونكم ووين امي خلني اكلمها
فيصل :بعدين بابا ،عطني الجوري ولا فراس
ريان:انا بغرفتي وهم بغرفهم
فيصل:روح عطهم الجوال بسرعه
ريان قطب حواجبه (شصاير ):اوك لحظة
حط ابوه تعليق
طلع من غرفته طق باب غرفه فراس ماكو رد
فتح الباب واستغرب مو مقفل الغرفه
دخل:فراس فراس فراس وينك
ميل فمه:وين طس !
طلع من غرفة فراس وطق باب غرفه الجوري بخفيف لما شاف النور شغال من تحت الباب:جوري جوري انا ريان اذا صاحيه فتحي الباب
فتحت الجوري الباب واهي مغطيه وجها بالمنشفه
وبصوت مكتوم:هلا !
ريان:ابوي على الخط يبي يكلمك ولا يكلم فراس
الجوري عطت ريان ظهرها وبهمس:ماعرف اكلمه قول له نايمه
ريان:جوجو شفيك ! كيف يعني ماتعرفي تكلمينه
الجوري:مدري المهم قول لبابا اني نايمه ،وفراس

وينه !
ريان:مدري مو موجود بالغرفه ،بروح اسئل عبدالله عنه
الجوري:يمكن طالع مع عبدالله
ريان :طيب شفيك مغطيه وجهك بالمنشفه
الجوري ابتسمت ابتسامه صفرا تبعتها دمعه(مابيك تسئل ليه ابكي):غاسله وجهي ومابي المكيف يبردني
ريان بعدم اقتناع :اها
رفع الجوال :هلا بابا ،جوجو وفراس نايمين
بو فراس بشك:صاير شي ! .
ريان ضحك بتسليك:ههههههه وش بيصير يعني طال عمرك
بس جلسنا من الصباح وظلينا ندور الى صلاة الظهر ورجعنا الفندق وصلينا وسحبتها نومه انا وماجلست الا الحين حق صلاة المغرب
بو فراس:طيب يلا جلس اخوانك يصلون
ريان:طيب
بو فراس:يلا مع السلامه
ريان:لحظة يبا متى بترجعون ؟
اذا صحيتوا الصباح احنا عندكم
ريان صرخ بوناسه
وسكر
ريان:جووووري بكرة بابا وماما بيرجعون
يعني العقاب انتهى يييييس
ضحكت بخفه الجوري:ههههه يوصلون بالسلامه
ريان:طيب جوري قومي خل ننزل باللوبي نقعد على مايجي فراس ،احس هالغرف تجيب الهم لو ماخذين شاليه ولا فله اكبر وكلنا مع بعض
الجوري مسحت دموعها ووخرت المنشفه (ماكو شي يستاهل هذا بس اذا رسايل نزلت دموعك عكرت بقيه يومك )
ريان:جوري اكلمك وين وصلتي
الجوري التفتت على ريان:ها!
ريان بخوف:كنتي تبكين ؟
الجوري انفجعت:للللللا
ريان:كذابه انفك احمر وتحت عيونك احمر ،مايصير انفك كذا الا لكنتي باكيه
الجوري توهقت:يو ريون يعني ابكي من الصداع راسي يالمني مووول
ريان وقف:غبييه مصدعه وتبكين اكيد راح يزيد بروح اجيب لك بندول
الجوري:لا لا مايحتاج خل البس وننزل تحت نتسلى
ريان باستغراب:سبحان مغير الاحوال ،ياشين مزاجك كان كلمتي ابوي اجل شكله كان خايف
الجوري:لاروقت بتصل عليه وبكلمه
خربت شعر ريان بوناسه:يلا بنزل معاك
لبست عباتها ونزلوا
جلسوا على اريكه مريحه باللون الاسود
الجوري:ريان ممكن تعطيني جوالك ؟
ريان:مالت عليك من متى نستأذن من بعض
ابتسمت الجوري ولفت لما حست باحد يناظرهم(كانه برج مراقبه هالعبدالله )
ريان مد جواله لها:شفيك هونتي ماتبيه ؟
الجوري بضيق:لا خلاص اطلب لنا قهوة
ريان :طيب
_______
اميرة جالسة بغرفتها
دمعها متجمع بعيونها من لما خبرتها امها بوصول اهل عبد العزيز
انتبهت لابوها
داخل عليها
طاحت دمعه على خدها (ليه قاسي علي يايبا)
متعب طنش بنته (دلع بنات بعدين تعرف انه لمصلحتها انا غصبتها )
متعب مد لها القلم :يلا وقعي
اميرة بتجاهل لابوها نادت امها :يمما يما
متعب يحاول يتمالك اعصابه :امك جالسة مع الحريم بمجلس النسا
اميرة بصوت مخنوق:ابغى امي
رق قلبه عليها قرب منها وباس جبينها :انا اسف يابنيتي اذا بتصرفاتي ضايقتك
مسك وجهها بين ايدينه:يبا اميرة صدقيني لمصلحتك انا وافقت انتي وحيدتي تتوقعي اسوي كذا لمصلحة خاصه فيني ! انا مستعد احارب هالدنيا كلها لو تطيح دمعه من عينك ،ممكن تشوفي خوفي ماله داعي بس انا صج خايف عليك بعد عيني ماعندي ولد يشيل اسمي واخو لك يخاف عليك وسند لك،وعبدالعزيز اخلاقه عاليه وابوه مربيه خوش تربيه ،ووعد مني ان ماتوالفتي معاه خلال فترة الخطوبه انا بنفسي بطلقك منه بس الي عليك تقولي يبا انا مو مرتاحه(مسح دموعها الي تنزل بصمت) يلا حبيبتي وقعي خل انزل تاخرت على الرجال
اميرة هزت راسها بالموافقه واخذت القلم ووقعت
متعب باسها على جبينها:الف مبروك يايبا
اميرة بعناد وهي تمسح دموعها:لا تبارك الان بارك يوم الزواج الي احتمال مايصير
ابتسم متعب:عنيدة
بعد ماسكر ابوها باب غرفتها وصلها صوت الزغاريد مالي البيت
اميرة وقفت قدام المرايه تضبط فستانها:الكل فرحان الا انتي والسبب انتي تحاولي تقنعي نفسك فيه غبية
هع وين كلامك للجوري اول واحد راح يتقدم لك بوافق بدون تفكير وهذا انتي مافكرتي ولاتعبتي نفسك ووافق ابوك
دخلت امها الغرفه وهي تضحك:هههههه لا اله الا الله شفيك تهذري لحالك تعالي يلا الكل ينتظرك تحت
اميرة انفجعت :ها شلون لا مابي يممما اخاف
ايمان كبحت ضحكتها:اسم الله عليك غمضي وامشي بس لاتحطي تتكرفسي
اميرة ايديها بدت ترجف:خلك جنبي لاتمشي عني طيب ؟
ايمان بتسليك واهي تضبط غرة اميرة:انزين انززين امشي يلا سمي باسم الله ،بعدين لاتخافي اهل المعرس حليوين ينحبو
____
سلطان يدور جواله وبتضجر:ياللللله شالنسوووه نسيت ماكلمت مدير المستشفى ،استغفر الله
ام سلطان:يايما اركد في مكان انت تعبان قاعد قايم رايح جاي خللللاص تتعب نفسك
سلطان بضيق واهو يقلب الخداديات من على الكنب: من بدايتها سحبه على الدوام مو زين لي من بدايتها كذا وغيري يتمنون الوظيفه
سطام جاي من المطبخ وبايده كوب شاي:عادي تراك مريض ماسحبت لانك مو مشتهي ولا عبط
سلطان:طيب انت الحين ماشفت جوالي لما تاخذني من هنا ؟
سطام حط الكوب الي بايده واخذ مفاتيح سيارته :دوره دوره زين يلا مع السلامه
ام سلطان :وين يما كله تطلعون وهالبنتين مايجلسون معاي
سطام غمز لامه واهو عند الباب:الحين يجي مسيو سامي وتسحبون علينا ثنينكم
سلطان جلس جنب امه وباس ايدها:هههههههههههههههه الغاليه هذا انتي حابستني عندك ،ولا مو مالي عينك
سطام:يلا حبايبي انا برجع لكم مشوار ثلث ساعه وراجع
سلطان:باي
ام سلطان :الله معاك يما
سلطان لقى جواله واخيرا لكن ماكو شحن ،حطه بالشاحن
رفع راسه شاف امه شادة بايديها على راسها
قرب منها:شفيك يما ؟
ام سلطان ابتسمت:ولاشي ياروح امك بس هالايام يجيني صداع وبسرعه يروح
سلطان:لا لا قومي معاي اوديك المستشفى اذا انه مو اول مرة يعني اكيد في له سبب
ام سلطان ضربت ايد ولدها بخفه:استريح بتسوي روحك على امك طبيب !
سلطان :للاسف اسنانك شحلاتها كانها حب رمان
ام سلطان:شف قليل الحيا للاسف ها !!
سلطان بضحكة :لللا مو قصدي الي فهمتيه ياقلبي انا قصدي انه للاسف ماقدر اخدمك
ام سلطان :تعال بس حط راسك بحضني خل اقرا عليك قرآن عشان ربي يبارك فيك ويشفيك
ابتسم سلطان وحط راسه بحضن امه :كل شي اكبر عليه الا بحضنك اكون طفل
دخل بو سلطان واهو يفسخ غترته : ها مدلل امه اليوم بالبيت
سلطان : افتكيت من غيرة سطام جانا الابو بعد
الكل:ههههههههههههههههه
بو سلطان : انا اغار منك قوم بس قوم عن امك شثقلك وشعرضك كسرت رجلولها
ام سلطان رجعت راس سلطان :لا وليدي تعبان خله مرتفعه حرارته مرشح
بو سلطان:ماعليك منه يتعيير يبيك تنيمينه مثل البزران بحضنك ،قم عن زوجتي لجات بنت فيصل عندك نام بحضنها لين تقول امين
انحرج سلطان وقام :احم
بو سلطان بضحكة:شفيك قمت كانك مقروص
سلطان:لا ولا شي بروح غرفتي
ام سلطان:اجل خذ جوالي معاك معلق شوف له
حل
سلطان:ان شاء الله
_______
عند سطام دخل لإستقبال المستشفى
سطام :السلام عليكم اخوي
لو سمحت ممكن اقابل مدير المستشفى واذا ماعليك امر اذا موجود دلني على مكتبه ضروري
الموظف منصدم:دكتور سلطان شفيك ! ،انت تمزح ؟مامداك تنسى اصلا الدكتور بو ناصر قال لنا ندق عليك
بس جوالك مغلق واهو قلق عليك
سطام (ياحليل حصلت على لقب دكتور بلوشي )
سطام بمزح:عادي انا مصاب بالزهايمر
الموظف : هلا ؟
سطام :هههههههههههههههه امزح معاك انا اخو الدكتور سلطان ، الدكتور عنده وعكه صحيه بسيطه ولا قدر يداوم اليوم ونسى يتصل يخبركم
الموظف كلم مدير المستشفى
وقف جنب سطام :تفضل معاي ،مايشوف شر
كان حصنتوه بالمعوذات يمكن معيون
سطام ابتسم:ان شاء الله
نحصنه بس خل نقابل الي قلت شسمه ؟
الموظف:بوناصر ،بس تدري استغربت من التشابه بينك وبين اخوك الدكتور مو للهدرجة حتى لو اخوان
سطام:احنا توأم
الموظف:اها الله يخليكم لبعض ،هذا مكتب المدير تقدر تتفضل اهو ينتظرك
سطام طق الباب ودخل :السلام عليكم
بو ناصر فصخ نظارته وطالع وجه سطام :اهلا تفضل
سطام جلس:زاد فضلك ماتقصر
بوناصر:نور مستشفانا دكتور سطام
سطام:ماني حاب اطول يابوناصر بس جاي اخذ اجازة مرضيه لسلطان لانه تعبان
بو ناصر:لا مايصير لازم نضيفك حار ولا بارد ؟
سطام :لا ماله داعي خيرك سابق بس عندي التزامات ومشغول اشوي مع الاهل بس جيت اخبرك واهو اكيد بكرة الدكتور سلطان بكرة بتشوفه عندك مثل الحصان ان شاء الله
ووقف ومد ايده:بالاذن
صافحه بوناصر :مع السلامه ومشكور لانك طمنتنا على الدكتور سلطان
طلع سلطان وابتسامه عريضه على وجهه D: (حتى ذا يفكرني دكتور ،احم احم الهيبه هيبه دكتور ماشاء الله عليي)
قاطعت طريقه موظفه حسها مربوشه كانت متنقبه
شيماء بصوتها الجهوري:سططططام
سطام انفجع من الصوت (بسم الله من هالجنيه ؟ الله يفضحها تصارخ فشلتنا)
سطام نزل راسه:عفوا اختي !اعرفك انا ؟
شيماء بنفس النبرة العاليه:سطييييمان شبلاك نسيتني انا شمشون بنت خالك انا شيماء
سطام(قطططع يقطع هالهلاقه) ومشى طالع من المستشفى واهي تتكلم
سطام بحلطمه:لا ومممماينه بقوة الاخت سطيمان
دق على جوال سلطان مغلق دق على جوال امه
جاه صوت سلطان :هلا
سطام داخل عرض واهو يطلع من باركينج المستشفى:كان قلت لي قبل لا انضرب على راسي واجي مستشفاكم واشوف المربوشة بنت خالك الغبيه طاح وجهي قدام الله وخلقه تناديني بسطيمان !!
سلطان :هههههههههههههههههههههههه تستاهل حابسيني بالبيت وحضرتك طالع الا صج شموديك المستشفى
سطام :اخذ لك اجازة مرضيه
سلطان :وبامر من مين ؟
سطام:لاتاكلني طيب ! اخذت لك بس حق هاليوم عشان ماينخصم عليك ولانك اكيد بكرة بتداوم ما اخذت لك اكثر ،طيب قل كثر الله خيرك يعطيك العافيه
سلطان :هههه مابين الاخوان هالكلام وسكر بوجهه
سطام يطالع الجوال بصدمه ورجع دق عليه
سلطان :في شي ثاني
سطام :انا الي داق!
الرصيد رصيد من ؟ الفلوس فلوس من؟ انا يعني انا المفروض اسكر
وسكر بوجهه سلطان
___________
الجوري ذهنها ابدا مو مع سوالف ريان بعالم ثاني
بعالم صراعها مع المجنون رائد (ياربي لمتى هالرعب ضاقت فيني الحسا على كبرها وسافرت وضاقت فيني روما اكثر ،وين اهرب منك يارائد !وراي بكل مكان وبكل زمان ، وين اروح ؟ اول شي كرهته ،وبعدها
شوي شوي زرع بداخلي خوف منه بسبب تصرفاته ،الحين صرت اقرف حتى من حروف اسمه ،شيبي ؟مدري!
لاحول ولاقوة الا بالله العلي العظيم ،ماقول بعد انا غلطت ولا امي وابوي غلطوا بالعكس كانوا يتشددون ومرة ملتزمين معانا بخصوص علاقاتنا مع اولاد خوالنا ولا عمومتنا ومن صغر نتغطى عنهم لاننا مجتمع محافظ
،اممم يمكن اخر مرة التقيت معاه لما كنت برابع الابتدائي لما كان يجي بيتنا بعدها تغطيت عنه، حتى ما اذكر ملامحه كويس اذكر هيئته والان كبر وتغير حيل خلقيا وخلقيا الله يهديه ويبعده عن طريقي ،يوووه شكله يبيلي طبيب نفسي والله
بس جد في طرف غلطان مننا من البدايه ،ممكن انا ؟ ولا رائد ؟
ابتسمت بسخريه (مافكرت بموضوع خطوبتي كثر مافكرت برويد التبن،ياخي هالرائد مايخلي اصلا لشي ثاني متعه التفكير ،لانه غصب يعكر مزاجك )
نبهها سكوت ريان الي راح بسابع نومه
الجوري ابتسمت:ماشاء الله عليه النوم بجيبه توه صاحي !
ريان ريان ريان قوم قوم انت باللوبي مو بغرفتك قوم كمل نومتك بغرفتك
ريان وقف بنعاس ووقفت معه الجوري مسكته من ايده ومشت معاه لموقع غرفهم بالدور الاول
دخلوا غرفة ريان رمى بجسمه على السرير بدون تفكير
الجوري :هههههههههه الحمدلله والشكر رايح فيها الاخو
فصخته جزمته وغطته زين وطفت الانوار وطلعت رايحة لغرفتها وناظرت غرفة فراس
(ماشفته من بعد سالفه المسجات مادري وين راح! استغفر الله،مابي افكر بشي الله يحميك ياخوي)
الجوري بتفكير قفلت غرفتها ورجعت غرفة ريان اخذت جواله
ومشت طالعه من الفندق
________
اميرة بصدمه لما شافت جنى تسلم وتبارك لها
جنى :الف مبروك زوجة اخوي ربي يوفقكم
اميرة بهمس:يبارك فيك ..جنى!
جنى ابتسمت:لسى ماعرفت بنفسي كيف عرفتيني
اميرة للان مصدومه:انا انا اميرة ماتذكرتيني
جنى توسعت عيونها:اميرة؟ الي قبل كم يوم شفتك !!
اميرة ابتسمت بقهر(انا قلت ياربي مايطلع نفس ذاك المغرور طلع المغرور بشحمه ولحمه ):يب
جنى حطت ايديها على خدودها بعفوية:شالصدفه من جد الدمام صغيرة
اميرة لاتعليق
جنى جلست جنب اميرة على الكرسي الي حاطينه لو دخل عبد العزيز
وهمست باذن اميرة:اشوة انك انتي من امس افكر مانعرف البنت الي بتاخذ عزوز،عسا ماتكون شينه ولا مغرورة ولا جيكرة
اميرة ابتسمت:طيب لسا ماعرفتيني كويس
جنى :يعني ساعدتي وحدة ماتعرفيها اكيد انك حبوبه لو انك شينه ماساعدتي وهذا انتي ماشاء الله لا اله الا الله قمر مصور ،ياحظ عزيز فيك
اميرة استحت
......:جنى بسرعه شبكتي مع البنت سوالف ،صبري شوي خل تاخذ البنت نفسها على طول قرقرقر
جنى انحرجت : لا بس ملتقين من قبل ونعرف بعض
التفتت على اميرة:اعرفك على العائله الكريمه هذي زوجة اخوي عبد الرحمن وهذي امي اكيد عرفتيها وهذا سلطون ولدها يعني ولد اخوي وانا عمته
الكل:هههههههههههههههههههه� �هههه
فاطمه ام سلطان :قالو لك البنت غبيه ماتفهم على هالوصف
جنى قصرت صوتها عن لاتسمعها ام اميرة:يافطوم صبري خل نطلع اوريك شغلك ماعرف ارد عليك قدام النسايب الجدد
فاطمه:ههههههههه ماسمعك وش تقولين جنى
جنى ابتسمت ابتسامه عريضه :ليه انصمختي !
اميرة ضحكت بخفيف على هواشهم
فاطمه:حبيبتي اميرة تعودي علينا انا وجنو دائما كذا
ام اميرة:الله يحفظكم
جنى وفاطمه:تسلمين ياخاله
ام عبد العزيز سكرت من ولدها :المعرس بيدخل يام اميرة عشان يلبس العروس شبكتها مايقدر يطول لانه يداوم
ام اميرة:حياه الله البيت بيته خليه يدخل ،بس اهو بيدخل
ام عبدالعزيز:اي بس اهو
اميرة تحس كانه احد عطاها كف مسكت ايد امها بقوة وهمست باذنها :مابي لايدخل بصيح والله
ايمان خزت بنتها واهي تلبس عباتها:اميرة عاد بس بتفشلينا قدام الناس ،مو بزر انتي

ثواني الا عبد العزيز عند النسوان واستقبلته امه بالزغاريد
ابتسم وباس راسها
ام عبد العزيز:الف مبروك ياوليدي مابغيت تفرحني فيك
عبدالعزيز:الله يبارك بحياتك يايما
مشت مع ولدها لحد ماوصلته مقابل عروسته
عبد العزيز توهق مايدري شيسوي
مد ايده يصافح اميرة مايدري كذا الناس تسوي ولا لا واميرة الي ماهي معاهم ابدا ومنزله راسها بالارض ولا انتبهت لايد عبد العزيز الي طول واهو ماد ايده
ام اميرة لكزت بنتها بخفه وهمست لها: مدي ايدك تعب الرجال
عبد العزيز(شالسالفه ماتتحرك ايدينها !!)
تجمدت حواسه لما لامست ايده الخشنه نعومة ايدها
جنى بشقاوة :يالمعرس ترا يبوسون جبين العروس
عبد العزيز ناظر جنى وابتسم(هييين بالبيت اعلمك شغلك يام لسانين يعني ماتعرفي تجي تقولي هالكلام بإذني )
قرب عبد العزيز من اميرة وباس جبينها
وجلسوا جنب بعض وكل واحد بعالم غير عن الثاني
وجنى تقط عليهم كلام وهم ماهم حولها
ام عبدالعزيز:خل نخليهم بروحهم واحنا نجلس بمكان بروحنا اذا مافيها ازعاج لكم يام اميرة
ام اميرة وقفت وبصوت واطي:حياكم البيت بيتكم خذوا راحتكم
اتجهوا للصاله الداخليه تاركين اميرة وعبد العزيز
اميرة مرتبكة من سكوته
عبدالعزيز(يلا تكلم طيب اقطع هالصمت )
عبدالعزيز :احم شخبارك
اميرة بهمس:تمام
عبدالعزيز انتظرها تسئله ولا سئلته ابتسم :انا بخير اذا كنت ناويه تسئلين ،امممم ... تدرسين جامعه؟ولا مخلصه ثانوي
اميرة بطفش:لا
عبد العزيز استغرب من طريقتها بس كمل المهم انه يطلع بفايدة من جلسته معاها يمكن خجلانه :طيب لا على شنو ؟
اميرة:على الاثنين
عبد العزيز التفت على اميرة يتأمل فستانها (فستان زهري فاتح مناسب لبشرتها الفاتحه )
عبدالعزيز :
___________
الجوري واهي حاطه سماعات الاذان
ومشغله موسيقى كلاسيكيه وماهي حاسه بالاصوات من حولها
جذبتها شوارع روما نستها رائد وهمه
بدلت عبوسها ببسمه ساحرة على محياها
شافت بعض المحلات على وشك انها تسكر
طرا ببالها ابوها :لو يدري اننا رايحين بيزا بيسطرنا
هههههههههه عادي هذا هم راحو فينيسيا بس خل يرجعون اخليهم يودونا غصب فينيسيا
نزلت السماعات من اذانها (خل ارجع الفندق قبل لايظلم الشارع ) وقفت مكانها تطالع الشارع :لا لا اخاف اضيع فتحت جوال ريان على موقع الفندق وجلست تمشي عليه
حست بخطوات وراها وخافت بدت تسرع بخطواتها
وشهقت بقوة لما مسك ايدها وصرخت
عبدالله حط ايده على فمها بسرعه:لاتصرخي انا عبدالله
الجوري انصدمت وخرت ايده بعصبيه :خير استاذ عبدالله ليه لاحقني
عبدالله بنفس صراخ الجوري :وانت ممكن تفهميني ليه طالعه لوحدك ،انت بنت وببلد اجنبي وطالعه لحالك يالقوية مو خايفه يطلع لك سكران يتحرش بك ولا حد يخطفك مجننننونه
الجوري بطولة لسان ماتطلع منها الا احيانا :هي هي هي مو اليوم ساعدتني يعني تقط الميانه ،اعرف حدودك
عبدالله الشياطين قدامه :لسانك يبيله قص امشي قدامي اشوف ،كذبت على فراس بسببك
الجوري لفت ماشيه وهمشت عبدالله:ماحد جبرك تكذب ياحلو
عببد الله بصراخ وكأنه راح ينفجر :يعني انت الحين تشوفي الي سويتيه صح طلعتي وماحد من اهلك يعرف عشان واحد سافل مضايقك
الجوري بعناد تمشي:قلتها اهلي انت شدخلك ليه تلحقني من مكان لمكان
الجوري بداخلها (يوم تناسيت الموضوع جا ذا غصب يغثني)
عبدالله مسك ذراع الجوري بقوة وسحبها:دخلني اني........
الجوري سحبت ايدها:شفيك سكتت ! يامسكين انصدمت انه مالك دخل فيني
وركضت باتجاه الفندق ولحقها عبدالله
الجوري وصلت عند الباب وقف بوجهها عبدالله :صبري لاتدخلي
الجوري حطت ايدها على خصرها:لاوالله توك مسمعني محاظرة طويله عريضه ،والحين لا ادخل ،عندك انفصام بالشخصيه انت !!
عبدالله :انا قلت صبري يعني صبري خل ادخل اشوف اذا فراس لسا جالس باللوبي ولا راح لغرفته ،عن لاينجلط لاشاف حضرتك جايه بهالوقت وانا مطمنه عليكم انكم بغرفكم نايمين
الجوري طالعته وببرائه تستهزئ:الكذاب وين يروح ؟النننننار
عبدالله لف ودخل :سخيفه
الجوري بعناد دخلت وراه على طول :مو قدددك
وراحت للغرفتها
عبدالله :اشوة انه مو موجود ؛يارررربي من هالبنت صدعت براسي عنننننيدة
وابتسم بسخريه :مو طالعه على احد قريب
قاطعه فراس واهو جاي :شفيك تهذر لحالك !!
عبدالله بتنهيده :ولا شي ،انت قل لي شسويت على ولد خالكم ؟
فراس ابتسم بخبث :اتصلت عليه والي دار بيننا (:
فراس :السلام عليكم !
رائد بارتباك : ه هلا فراس شخبارك
فراس:لسا ماسافرت يالنسيب المستقبلي !
رائد يسب نفسه كان لازم يقفل موبايله:هه لا
لسا ماسافرت صارت لي ظروف ولا قدرت اسافر
فراس:افا لايكون ناقصتك فلوس !
رائد:لا خيركم سابق بس شويه مشاكل مع خالك مو مخليني اسافر
فراس ينهي النقاش:عندك مهله اربع او ثلاثه ايام ،انا مدري متى بنرجع بس مدري شيصير لازم تكون مسافر عشان اقنع الجوري انك ندمان اذا ماسويت الي طلبت احلم انها تسامحك وتغفر لك وتوافق على الزواج منك
رائد بخوف :لا لا مابي يصير كذا
فراس:اجل حاول تتصرف بسرعه ،اشوة اني دقيت عليك عشان اعرف وضعك واضبطك ،طيب ياولد الخال لازم اسكر مشغول سلم على الاهل ،مع السلامه )
عبدالله ابتسم :يافضضضضضيع
فراس غمز له: اعجبك .
عبدالله :طيب وابوكم ؟ عنده خبر بهالرائد
فراس:لا لحد الان ماعنده خبر ،بس انا اعرف ابوي زين مستحيل نخبي عنه موضوع ويظل مخبى لازم يكتشفه مع الوقت
سكت فراس بعدها ضحك:تدري يابو عيون خضر احس استغربت انك تفاعلت معانا بالموضوع
عبدالله:ههههههه ليه
فراس:مدري ،بس فكرت يعني عيشتك هنا يعني قلت يمكن صارت هالامور عندك تافهه ومالها معنى ،يعني قصدي بسبب الحياة هنا فري
عبدالله :اخذت اطباع ابوي وتطبعت فيها وازور السعودية كل فترة
فراس:وامك رومانيه ؟
عبدالله:لا امي فرنسيه
فراس:اها ،يعني العيون الخضر وهالبياض على امك ؟
عبدالله بضحكة :شفففيك على عيوني،في سعوديين واجد عيونهم خضر وزرق
فراس:خضر بلعتها بس زرق لا لا ،اتخيل شماغ ولحيه وثوب وهيبه والعيون زرق لا لا مايلوق ههههههههههه
كانك تقول تخيل توم كروز ولا براد بيت بالثوب والشماغ
عبدالله ضرب ايدينه ببعض:لا بالله الولد فصل
(عبدالله شاب ممشوق القوام ملامحه اقرب للاجانب
ابيضاني وشعره خفيف مشوقر)
عبدالله تذكر :اي صح ريان قال لي اعطيك خبر انه امك وابوك راح يوصلون الصباح وانا راح اجيبهم للفندق.
فراس:اووبس يلا يلا اجل بروح انام تصبح على خير
عبدالله :وانت من اهل الخير
__________
بالدمام عند اميرة

عبد العزيز : ماشاء الله جميله
أميره : ادري شكرا،ماقلت شي جديد
عبد العزيز ابتسم ع جنب(واثقه اﻷخت): بس مو كأن لو لون ثاني احلى ولا انتي تحبي هذا اللون!
أميره بدون نفس(مايعرف يسولف قطع): مو مهم اي لون عادي
عبد العزيز (يالله صبرني ع اسلوبها لا اتخانق معاها من البدايه ): امم تتوقعي انا وش اللون اللي احبه؟
أميره بملل: افف حتى ذا مو مهم ماتعبت من اﻷسئله ولا تفكر نفسك في مركز الشرطة جالس لي استجواب
عبد العزيز رفع وجهها له: ماشفنا الوجهه السموح لايكون آلمتك رقبتك بس !
أميره ارتبكت لما جت عينها بعينه :..
عبد العزيز بأستهزاء:شفيه انبلع لسانك توهه شطوله!
أميره لفت وجهها عنه
عبد العزيز: مدامك طريتي مركز الشرطه ممكن اعرف شعندك طالعه لوحدك ذاك اليوم؟
أميرة : مايخصك بعدين مو لوحدي اعتقد شفت اللي معاي ولا عيونك فيهم شي!
عبد العزيز قبض ع ايده بقوة يحاول يتمالك اعصابه : ماشاء الله رجع اللسان اشتغل
أميره : هه الحمد لله ماني طرمه
عبد العزيز : استغفر الله .. ومنهم اللي معاك! قصدك السواق واللي معاه؟
أميره: اي مو ماليين عينك
عبد العزيز :تدري عاد ان طريقتك ذي في الكلام اكرهه شيء عندي
أميره :جد؟ والمطلوب!
عبد العزيز قفلت معاه : الي اقوله يتنفذ ماتطلعين لوحدك ، اتمنى ماتعاندين عشان ماتصرف تصرف يخليك تندمين مفهووم؟
أميره بتطنيش ﻷوامره( تونا بسم الله وقام يتأمر حضرة جنابه): اي يصير خير
عبد العزيز لف راسها له : اوولا لما اكلمك تطالعيني ﻷني مو قاعد اكلم الجدران
أميرة ارتبكت من نظراته لها وشكله المعصب: ثانيا!
عبد العزيز:ثانيا طلعه مع السواق لوحدك من اليوم ورايح مممنوع
أميرة: لا والله من انت عشان تمنعني
عبد العزيز: انا منو؟ نسيتي اللي قبل شوي يازوجتي العزيزه
أميره: افف درينا ترا كلها على بعضها خربشه على اوراق واسمي ببطاقة عائلتك ايوة ، والمطلوب؟
عبد العزيز: المطلوب ي بنت متعب تسمعين الكلام وتعدلي اسلوبك ترا الليلة مسكت اعصابي جايتك بطيب واتكلم كويس تعدلين لكنتك معاي ماني واحد من صديقاتك !! سامعه؟
أميره:....
عبد العزيز: رقمي سجلته جنى بجوالك
قاطعته :لاتتعب نفسك ماعندي جوال
عبدالعزيز :الجوال هديه عقد القران،لادقيت مابي تطنيشك واسلوبك هذا تصبحين ع خير
اميرة :دفش حتى مابعد استوعب انه جالس معاي
عبد العزيز الي واقف عند الباب رجع لما سمعها بطنازة:نعوووومتك مرة اسرتني ،تبين ارجع اجلس معاك؟
اميرة بربكه:ماقصدك
ابتسم عبد العزيز وطلع
اميرة حطت ايدها على قلبها:يالخبله كان انتظرتيه يطلع

_________
رائد سهران بالاستراحه مع الشباب ،لكنه بعيد عنهم بذهنه
فتح جواله وكتب sms للجوري
(كم اود بهذا المساء السعيد ان اختطفك واضعك بعيناي واسدل اجفاني عليك
وأدمر كل من استرق النظر اليك
يافتاتي المخمليه.... انا ليس متسلطا
كل ذلك بسبب غيرة رجل يريد احتوائك لنفسه فقط)
سند نفسه للجدار بعد ما ارسل الرساله
(ليه تتجاهلني وماترد ،وعد يالجوري بس تكوني عندي والله لا اطلع كل هالجفا من عيونك )
______________

صببباح يوم جديد وصباح فوضى المطار المكتض بالمسافرين
..
في المطار بعد مانزلوا من الطائرة
ام بسام: الحمد لله ع السلامة انتبهو عاد مو احين كل واحد يطير جهة وتضيعوا
ابو بسام: لاتخافي محد بيضيع يلا ي عيال السيارة برا اخذو اغراضكم والحقوني
...:ان شاء الله
بسام مسك جواله وبدأ يصور وهو يمشي: السلام عليكم ورحمة الله وبركاته نحن اﻷن في مطار روما اللي هي عاصمة ايطاليا وصلنا قبل قليل وهي فيها مدن واجد بعد وتتميز بجوها العليل مو شمسكم اللي تحرق و..
غفران: اشتغل الفيلسوف
قاسم ضربه ع راسه: اسكت فشلتنا خبصت ام اللغة
كرار:مسوي فيها مذيع بيقلد ع اللي في اليوتيوب
غفران:نشرة اخبار وأنت الصاج
بسام: امشو وانتوا ساكتين خربتوا مقطعي الكشخه
غفران: ههههههه يرحم امك لاترسله ﻷحد تفشلنا ي الكشخه
قاسم:بيرسله لعبيد ومحيميد واللي تبعهم عادي محششين زيه
كرار:صح بالضبط بس جرعتهم زايدة عنه شوي
بسام: احمم لاتغلطوا على عمانكم
كرار وقاسم: يخسسوون
غفران شهقت: ههيي ويين أميير
بسام بخوف: ليش هو كان معانا؟
قاسم: مدري عنه
كرار: اول مانزلنا من الطيارة نزل معاي بعدين مدري
بسام:طيب لييش واقفيين يلا دورو له
قاسم:انا بروح ذيك الجهة
كرار:انا بروح مناك
غفران: ههههههههههههههههه
قاسم:شفييك هبله وش اللي يضحك؟
بسام:توها بتموت تقول ماتشوف امير واحين تضحك
غفران: ي حليلكم وانتو خايفين اقول امشو السيارة بس
كرار:وأميير؟
غفران: هههههههههه عند ابوي بس ابي اغير سالفتكم ﻷني ماني فاهمه عن منو تتكلموا


بسام :سخخييفه
غفران مدت لسانها: طالعه عليك اخوي الكبير
قاسم التفت ع بسام وكرار: اقول خواني بدل حركتها السخيفه خل نهج عنها وتجي بروحها
غفران وسعت عيونها: للااا والله
بسام:واحد ثنين ثلاثه يلا سبااق
غفران تطالع فيهم وهم يركضوا وحابسه دموعها:من جدهم ذيلي سحبو عليي افف عادي اصلا ادل ي ويلهم من ابوي
حست ان احد غطى عيونها وصرخختت بقوة
بسام حط ايده ع فمها :اشش فشلتينا
غفران انفجرت بكي: الله ياخذك ي بسييم طييححت قللببي وش رجععك انقلع
بسام: ههههههههه اسم الله عليك مارحت مكان حاوطت وجيت من وراك تفكريني غبي اخلي اختي لوحدها في هالمكان بس لازم نرد لك حركتك يعني
غفران ةهي تمسح دموعها: احلف بس مالت عليكم
بسام: هاﻷخت ماتتحمل مزح اعوذ بالله
غفران مدت بوزها: والله انتو ي اﻷولاد مزحكم مثل وجيهكم
بسام: هههههههههه شكرا شحلاتها وجيهنا امشي لايعصب ابوي تأخرنا كرار وقاسم راحوا
غفران: طيب يلا
_________
في غرفة الأنتظار بالمستشفى
سهام جالسه تنتظر جلست جنبها وحدة مبين عليها كبيرة وظلت تطالعها بتفحص
سهام توترت من نظراتها: احمم خاله بغيتي شيء؟
...:انتي حامل في نهاية الشهر الثاني صح؟
سهام(بسم الله ساحرة شلون عرفت ): اي صح
...:اول بيبي ؟ ولا عندك واحد قبله؟
سهام : لا ماعندي
...:اجل سمعي ي بنيتي أنتبهي لنفسك وانتبهي تنشري خبر حمالك للناس حتى لو سئلوك قولي كرشه ترا عيون الناس ماترحم شوفي ذيك اللي جالسه هناك بنتي تزوجت وكل ماتحمل تقول ويحسدوها وتسقط واحين ثلاث سنوات ماحملت
سهام حطت يدها ع بطنها(اعوذ بالله منها اسم الله عليه وليدي ): بس ي خاله اللي يحصن نفسه ويتوكل على الله مايصيبه شيء بس انتو اعتقادكم كذا
...:لا لا صدقيني هذهي تبي تسئليها بعد؟
سهام:لا مايحتاج وترا عادي ثلاث سنوات مو عشر هذا قضاء وقدر ماتدري يمكن خيره
...: عاد انا قلت لك وانتي كيفك لاصار كذا الرجال مايرده الا الزوجه الثانيه
جاهم صوت الممرضة:سهام سامي
سهام وقفت (اووف واخيرا بفتك من هالمعقدة ) : اي ماعليه يلا سلام
طلعت وشافت سامر واقف ينتظرها
سامر: واخيرا جى دورك
سهام بطفش : اي والله ماصدقت متى اقوم عن هالعيوز المتفلسفه اللي داخل
سامر: لييشش شفيها
سهام تقلد صوتها : قال شوو لاتنشري خبر حملك للناس حتى لو سئلوك قولي كرشه
سامر وهو فاطس ضحك:هههههههههه كرشه مره وحدة هههههه
سهام: الحمد لله والشكر نفسيه
سامر فتحت باب غرفة الدكتورة: خليها عنك دخلي دخلي بسرعه
سهام ابتسمت: شكلك متحممس اكثر مني
سامر: حححدي

بعد مادخلوا الدكتورة خلت سهام تتسطح ع السرير وسكرت الستارة
سامر يطالع: ههيي وانا وش هالسحبه
سهام:هههههههههه هذي نهاية الحماس
الدكتورة: هذا زوجك؟
سهام : اي زوجي
الدكتورة بعد ماشغلت السونار : تعال شوف
سامر قرب من الشاشة: ماشوف شيء شنو ذا
الدكتورة تأشر وهي حابسه ضحكتها على فهاوته: هذا شوفه وهذا القلب ينبض بس توه صغير بعد كم شهر تشوفوه اوضح
سهام: ي حييااتي اقدر اسمع صوت نبضاته؟
الدكتورة: اي بس هدوء عشان تسمعوا
...بعد لحظات من الصمت..
سامر صرخ: ي قللللببببيي فدييت نبضاتك انت
سهام بأحراج من الدكتورة قالت بهمس: اشش ترا بعدنا في المستشفى
سامر : شوفي شوفي سهوم يشبهني
سهام: هههههههه خل تطلع له ملامح مابعد يصير شيء
سامر: لا لا عندي احساس ان يشبهني بس هو بنت ولا ولد؟
سهام: طيب خل احساسك ع جنب احين تفضلي دكتورة
الدكتورة: مانقدر نحدد جنس الجنين احين
________________

ولأن أرواحنا خُلقتَ لفترة من الزمن وسترحل ..
لذلكـ ابتسموا ، وتناسوا أوجاعكم
فهي دُنيا لا جنة
(مر الاسبوع والذي يليه وابطالنا تختلف اوضاعهم، افضلهم ذلك الذي يعيش يومه وكانه فاقد لحياته غدا )


Happy weekend
(نهاية اسبوع سعيدة)
الجوري صحت من النوم بنشاط ماباقي لهم شي بروما لازم يرجعون للحسا عشان اختبارهم وزواج زكيه
لبست بسرعه وجهزت وصحت الكل
الجوري عند غرفه امها وابوها:بااااااابا امي ابي يبببببببا
بو فراس:ها ها يبا شفيك ،صاحين صاحين
الجوري:ييييلا بنفطر بالفندق اليوم وبعدها بطلع مع غفور نشتري هدايا وشغلات ولازم تكونون معانا عشان بعدين بنروح حدائق فيلابورقيزي و .....
حنان فتحت الباب وحطت ايدها على فم بنتها :خلاص جهزنا من زمان ننتظركم تصحون
طلع فراس من غرفته واهو ماله خلق شد اذن اخته :بنت مزعجه يالله صباح خير شالنشاط الي عليك
الجوري غمزت لاخوها بشقاوة :كلها يومين ونرجع السعوديه المفروض تكون متحمس اكثر مني عشان الطلعه الي اتفقنا عليها
فراس صرخ من الحماس:ذكرتيني ادق على الكل اليوم واقول لهم
بو فراس طلع من الغرفه :يامثبت العقل والدين ترا انتوا مو لوحدكم بالفندق لاتصرخون
فراس :ههههههههه ماحد يفهم علينا عادي
بو فراس:طيب يلا نزلوا عشان مانتأخر على بو بسام واهله اتفقنا على الساعه 9 نلتقي كلنا بالمجمع
فراس والجوري :اوك
ونزلوا بسرعه لريان اكيد طفش واهو ينتظرهم
فيصل:بتكلمين الجوري انتي ولا اكلمها انا؟لازم تعطينا رد اكيد قبل لانرجع الحسا,وماباقي شي على الرجعه
حنان : انا مشغوله اليوم بكلم البنات في الجمعيه وبرتب معاهم حق الحفل الخيري ,معليش حبيبي كلمها انت ،لازم يكون كل شي جاهز قبل لا اروح لهم لانهم اكيد بهالاسبوعين ماسوو شي
فيصل:هههههههههه طيب طيب ،لاتبرري قولي انه ماحد يعرف يتفاهم مع بنتي الا انا
حنان رفعت حاجب :ووووواثق مرة ،تتحدى؟
فيصل بضحكة واهو يمشيها معاه:ههههههههه لا ،لاتحدي ولا هم يحزنون انا بكلمها بس كنت اطفرك
ناظرته حنان بنص عين
فيصل:هههههههههههههههههههه� �ههههه خلاص اسفين
ونزلوا عند اولادهم يفطرون
ريان بطفش :وييينكم زهقت لو ادري مانزلت الا بعدكم
بوفراس:هذا احنا نزلنا يلا فطروا وانا والجوري بنروح مشوار وبنرجع
الجوري باستغراب :وين !
فراس:وانا ؟
بوفراس:الا انت مابيك تكون معانا
الجوري ناظرت فراس بخوف من انه ابوهم يكون عرف بسالفه رائد
فراس ابتسم يطمنها (مستحيل روحي بس روحي)
ردت له الابتسامه
بو فراس كان يراقب تصرفات هالاثنين :انزيين !
فراس والجوري انفجعوا :ها
بو فراس بشك:شفيكم ؟
فراس:سلامتك بس يعني بالعادة ماتفرق بيننا يعني اي مكان نكون مع بعض
بو فراس:ماراح نتاخر موضوع خاص بين الابو وبنته 10 دقايق وراجعين
فراس:طيب اوك خلاص تقدرون تروحون سمحت لكم
...:ههههههههههههههههههههههه هههههههههههه
بو فراس بضحكة:واثق ولد ابوه
مشوا عنهم
________
غفران :اميييري الحلو تعاللل
امير بزعل:ماهبس
غفران بضحكة:ووووول كل هذا لانه قلت لك ماراح اخذك معاي ونروح للجوري
امير:ايه انت وهس
غفران:يممممه منك انا وحش عشان مابتشوف الجوري
خلاص بوديك معاي بس لازم تسوي الي اقولك
امير ببرائه:ويث
غفران بضحكة على كلامه:تمسك يد الجوري ولا تتركها عشان ماتضيع مثل واحنا بمدينه الالعاب
امير:انا ستول ما بديع
بسام:غغغغفيييير يلا ترا مابقى الا انتي معطلتنا
غفران تكلم امير:قول حق بسام جب ومالك شغل
امير حط ايده على فمه:لا دودو دالت لي عيب ندول تلام مو نديف.
غفران:خف علي يالمطيع انت بعد يلا يلا امشي بنلوح لدودو على قولتك
طلعوا لبسام
غفران:لاتصارخ شفيك انت انا مو صمخه اسمعك كلها خمس دقايق على مالبست ولبست امير شوف وتعلم منه الكشخه
امير يعدل الكاب الي على راسه:انا هلو دنتل مان
بسام:مو دنتل جنتل جنتل
امير يكرر:دننتل دنتتل
بسام بضحكة:عووووج هاللسان مدري متى بيتعدل
غفران :عوج ولا مايل
بسام:ها ها ها مرة تضحكين
قاسم:ككككككككاك شطفو جبهتها تشططططيف
غفران:ديك اعوذ بالله
بسام:امشششو يلا فشله لانتاخر على بو فراس
______
سلطان يكلم جوال واهو يتمشى بالمستشفى
سلطان:افا والله ماتوقعت ياندور انك ماتلاقي وظيفه بسرعه
نادر:اي بس الحمدلله على كل حال ماتدري شالصالح فيه
سلطان:والنعم بالله
انتبه سلطان للدكتور بو ناصر طالع من مكتبه ووضعه مو اوك :لاحول ولا قوة الا بالله
سلطان:نادر سكر اشوي برجع اتصل فيك ،باي
سلطان:صباح الخير بو ناصر
بو ناصر:هلا هلا ولدي شخبارك ها محلل معاشك ؟
سلطان:ههههههههههههههه على اكمل وجه اخر واحد اطلع واول واحد اداوم اي اوامر ثانيه ؟
بو ناصر:هههههههههههههه تزوج يلا اجل
سلطان:عاد هالامور تاركها للوالدة ،بس انت قولي شفيك شكلك متضايق ؟
بو ناصر:كل ماكملت الطاقم الطبي لعيادات الاسنان صار فيها نقص
سلطان:افا،مين ناقص؟
بو ناصر:طبيب تقويم الاسنان اعتذر بيسافر مع امه علاج بالخارج
سلطان :الله يشفيها
ابتسم وكمل:طيب حلك عندي يادكتور
بو ناصر بزعل:انا اسميك ولدي وانت تسميني دكتور
سلطان ضحك:ابشر من اليوم ورايح اسميك العم بوناصر
بوناصر:اي هذا ولدي الي اعرفه ،اي شنو حلك قول ؟
سلطان:بتفك ازمه صديقي تدرب اهو معاي هنا
بو ناصر يحاول يتذكر :انا ماجا لي الثناء والمدح الا عليك ماذكروا لي بقيه الاطباء،اتصل عليه خله يجي حالا اذا يقدر
سلطان فرح وارسل رساله لنادر (يابو الشباب تعال المستشفى الي اشتغل فيه الان وبسرعه لاتتاخر )ثواني الا نادر متصل
سلطان ضحك ولف الجوال لبو ناصر:ماصدق شكله ،كلمه انت
بو ناصر:ههههههههههههه طيب ،شنو اسمه ؟
سلطان:دكتور نادر
بو ناصر اخذ الجوال وبرسميه:دكتور نادر سلامات؟متاخر على الدوام دوامنا الساعه 8
نادر مو مستوعب:ها
بوناصر ضحك وعطا الجوال لسلطان
سلطان:لاتسئل عن شي انت تعال وبس يلا مع السلامه
بو ناصر :هههههههههههه
سلطان:فاهي هالولد
بو ناصر:يلا وانت ارجع لعيادتك لا اخصم من راتبك الحين
سلطان ضحك:حلالك عندي دخل ثاني
بوناصر:هههههههههههه كفو صريح
سلطان:اوك يابوناصر انا راجع لعيادتي واذا وصل نادر راح اخليه يجي لمكتبك
بو ناصر:موفق
سلطان تذكر شي وناداه :ياعم
بوناصر لف:هلا ؟
سلطان:بسئلك بس مين الي اثنى علي ؟
بوناصر:بنتي
سلطان:اها ،بس مامسكت حاله بنات وقت تدريبي الا حاله وحدة
بوناصر :اي اكيد اهي
سلطان ابتسم :عدل ،عن اذنك
مشى واهو يفكر(معقوله البنت الغبيه ذيك !تكون بنت بو ناصر )ميل فمه (الله يهديها ويصلحها)مانتبه لكلام الممرضه الي معاه واهو مشغول تفكيره(عسا ما اكون وهقت نفسي اني اشتغلت عند ابوها واصلا شدراني انه ابوها !!)(لا لا ذي بزر مراهقه وش يطلع بإيدها تسوي)نفض الافكار من راسه
:دخلي المراجع يامنسا
_______
رائد يجهز شنطته
ام رائد:ياولدي والله ان عرف ابوك انك بتسافر والله لايقلب الدنيا فوق راسنا والله ماتسادي علينا انت اخبر بابوك وعصبيته
رائد قرب من امه ومسك ايدينها:يما حبيبتي انتي ماتبين تشوفين ولدك معرس ؟ ماتبين تشوفين عيالي؟
انا بالالف ياويلاه قدرت اكسب ثقه فراس عشان اخذ اخته وقدرت اخبي عليه هالفترة كلها اني ماسافرت واقنعت منال تقوله اني سافرت ووثق وماتقصى اخباري عن طريق معارفهم لازم اسافر مايصير يجي الحسا يشوفني واذا سئل ابوي عني قولي له طالع مع ربعه شاليهات مزرعه اي شي دبري الوضع تكفين يايمه ,طيارتي الصباح
ام رائد بتعجب:شتتتتخربط انت !!
رائد يبوس راس امه:يمه بعدين افهمك كل شي بس خليني اخذ اهم الاشياء الي تلزمني في امريكا لمدة ثلاث ايام ولا يومين وبرجع اوك ؟
ام رائد بيأس :خلاص كيفك كيفك بس يارائد ان صارت اي مشاكل والله وبكسر الهاء لانت ولدي ولا اعرفك
رائد:بإذن الله مابيصير الا الي يرضيك يالغاليه
ابتسمت:الله يهديك يايمه ويخفف من جنونك الي بيجي يوم وبيجلطني
رائد:اسم الله عليك يايمه لاتقولي كذا
________
بروما تحديدا بالمجمع
الجوري :عندك نظارة شمسيه ؟
غفران باستنكار:عند حقة بسوم بس ليه!
الجوري:بس لبسيها وانا بلبس حقتي عشان لامروا فروس ولا بسام مالنا شغل فيهم ،يعني اكيد ماراح تتغطين بين هالناس السفور !
غفران بضحكة:انزين انزين ،خلينا بالمهم
زكوي اخذنا لها فستان حق صباحية زواجها
وحلاوي وش ناخذ لها ؟
الجوري:مدري والله قلت يمكن اخذ لها جزمه وساعه ونطقمها مع تيور شياكه تكشخ فيه قدام اهل زوجها المصون لاطلعت من الاربعين
غفران:يالخبله مايقولوا زوجها المصون يقولوا المحترم
الجوري:هههههههههههههه الي اهو
انتبهت لابوها وجنبه عبدالله وابوها يكلم جوال
ميلت فمها:الحين بابا تارك عمو بو بسام وجاي مع هالمليق
غفران:شفيك كارهته من وصلنا روما وانت كل ماشفتيه تتحلطمي
الجوري :انتي دخلي هذا المحل وانا بروح لابوي وبرجع لك طيب
غفران :اوك لاتطولي
الجوري:بابا
بو فراس اشر لها تجي جنبه وحط ايده على كتفها :اعذرنا يابوسلطان تاخرنا عليك بالرد ،تسلم والله من طيب اصلك
لا مو مطولين باقي لنا يومين وتقدر تقول يوم بروما واليوم الثاني بنمشي من الصباح باذن الله في الدمام نكون موجودين على يوم الاحد او الاثنين
الجوري حست ودها الارض تنشق وتبلعها اول مرة تستحي كذا 🙈
عبدالله بهمس بفرنسيهالفتاة جميلة عندما تخجل)
الجوري انتبهت له وفهمت كلامه (قليل حيا اشوة انه بابا واقف وكذا يتكلم صحيح ماعرف اتكلم فرنسي الا قليل بس افهم سفراتنا لفرنسا هذا العائد الوحيد منها)
عبدالله ابتسم:مبروك ،راح تعزميني بزواجك ؟
الجوري ميلت فمها وسفهته
خلص بو فراس من مكالمته مع بو سلطان الي رد عليه بموافقه الجوري
بو فراس:ايوة شفيك جوريه ؟ناقصك شي بابا؟
الجوري هزت راسها بنفي :شفتك واقف جيت اشوفك
بو فراس:وين غفران عنك ،
الجوري:خليتها تدخل المحل وبلحقها الحين
بو فراس:اوك ،طيب جاهزين نفسيا بعد مانرجع اختباركم ؟
الجوري:كلها تلوين دوائر
بوفراس:هههههههههههههههههه� � ،الله يوفقك يابنتي يلا روحي لصديقتك عشان لاخلصنا انا عازم بوبسام على العشا بمناسبه موافقتك على سلطان
الجوري نزلت راسها وبهمس:طيب باي
بوفراس :وانت ياعبدالله اكيد راح تجي صح،ابيك تكون معانا
عبدالله انتبه للجوري وقفت تبي تسمع رده راح يجي ولا لا
عبدالله:والله مشغول بس ماقدر ارد لك طلب
الجوري تحس انها فرحت بداية كلامه وتكسرت مجاديفها لما قال(ماقدر ارد لك طلب )
كملت طريقها وواضح الغضب بمشيها
عبدالله ابتسم(والله احسن شي بالدنيا تطلعها من طورها ،شكلها يكون جدا جميل)
_________
دخلت الجوري المحل :غبي ،مدري شيبي يقط وجهه معانا
غفران واقفه وبايدها معطف فرو ابيض:شفيك !
الجوري:ولا شي
غفران ابتسمت:اكيد عبدالله ،خليه عنك مدري شحقى رايحه انت لهم،قولي لي شرايك في هذا ؟
الجوري :رهيب واللون فضيع ،بس زكوي ماتحب الفرو
غفران :ومن قالك انه لزكيو ،هذا لك
الجوري:لاتقولي على حسابك !
غفران:لاتناقشيني هديه
تذكرت وهم يحاسبون:اي صح جويري ماقلتي لي شسويتي على موضوع الدكتور الي تقدم لك ،مافتحتي الموضوع مرة ثانيه
الجوري ابتسمت بخجل :احم
غفران بفرح:اييييييوة صاروا الخدود حمر ها بشري
الجوري:انقلعي بتحرجيني مابرد عليك
غفران:لا لا لا خلاص مابحرجك بس قولي من البدايه كل شي
الجوري :اممم يعني عادي اهو شسمه
غفران :اي؟
الجوري واهي شاغله نفسها بكم عباتها عشان عينها لاتطيح بعين غفران:قبل لانجي المجمع سئلني بابا
وقلت له مابي
غفران انفجعت:وش الي ماتبي هيييي يالخبله ومستحيه وخابه عمرك !
الجوري قاطعتها:يالخبببله صبري اكمل تخربي حتى على الواحد مستحاه
غفران:انزين اسف كملي سعادتك
الجوري:قلت له مابي اسكن مع خواته لانه احسهم مو متقبليني قالي بوسلطان معطيني خبر انه سلطان وسطام لهم بيوت مستقله فيهم لما فكر يزوجهم شرا لهم ارضين وبناهم بظهر بيته عشان مايبعدون عنه اولاده ويكون لهم بنفس الوقت حريتهم واستقلاليه لحياتهم
غفران :حللللو يعني لا سليمه قطع والثانيه نسيت اسمها بتكون لها علاقه فيك
الجوري بضيق:بس ولو لازم احاول اتقرب منهم راح اعيش معاهم لازم يكون بيننا احترام وبيني وبينك احس هالسعدية ودها تقتلني تركي عنك سليمه بعمرنا اقدر اتقرب منها بسرعه
غفران :اففف ياحبك للنكد لاتفكري بهالاشياء تو الناس عليهم يمكن لاصرتي زوجة اخوهم يحبونك
الجوري:ماقدر امنع نفسي من التفكير ،مهما كان الزواج استقرار ومابي تكون حياتي متوترة
غفران:بس لابد من المشاكل حبيبتي .
جاهم صوت كرار من ورا:غفيييرا
غفران لفت:ها شفيك !
كرار:مسكي امير لعوز امي خذيه قاعد يتصيح من مساعه يبي دوللي ودوللي ولاحنا عارفين وش هالدوللي
الجوري كتمت ضحكتها
غفران اخذت امير:هههههههههههههه كان جبتوه من اول ماقام يحن
امير يمسح دموعه:دودو خديني وهسين دولي يتلخون علي
اخذته الجوري وباسته :حياتي انت
امير:ابوت يدول بيديب لي تاتاوات ادا تكت
الجوري بضحكة:يالمعجم الوسيط ترجمي فكي الطلاسم قتلتني
غفران:ابوك قاله بيجيب له كاكاوات لسكت
الجوري:افا حتى ابوي زعجته ههههههههههههههه حست انهم دعو على هالدولي
غفران:ههههههههههههههههههه� �هههههه امشي يلا نروح عند امي وامك
الجوري:خلصنا كل اللسته الحين ؟
غفران:يس يس يلا جووووووعانه حدي وتعبت من الدوارة
الجوري
واهي تعدل جاكيت امير:بابا عزم ابوك وبنطلع كلللنا بنتعشى في مطعم
غفران :ووووووواو اخجلنا بكرمه الطائي
غمزت لها:والله شكله من فرحته ببنته
الجوري ابتسمت:جب وامشي ولا احط باكلك كاتشب وتتادبي
غفران:لا لا لا لا اتووووووب
الجوري :هههههههههههه اي خلك اليفه
غفران :اليفه بعينك شايفتني قطوة !!
الجوري ترمش بعيونها بدلع :لا انا الكتوه
غفران لكزت الجوري بذراعها :شوفي ذا جا شكله عشان ينادينه
عبدالله بينه وبينهم مسافه:يا انسه ابوك يقول يلا عشان بتمشون
الجوري:انزين
عبدالله باستغراب:شنو !
الجوري غمضت عيونها بقل صبر :ولا شي ،وين هم ؟
عبدالله :امشو وراي
الجوري بتتكلم غفران بسرعه سكرت فمها بايدينها:خخخخلاص ولا كلمه امانه جوري
الجوري بعدت ايادي غفران وبهمس:للللا والله !! احنا شنو شايفنا قطيع غنم نمشي وراه !!
غفران :انزين عشاني عدي الموضوع والله الرجال نيته مافيها شي بس انتي مو بالعته
الجوري رفعت امير من الارض :سكتت امشي بس
___________
بو سلطان داخل على اهله
وسطام متوسط الجلسة كالعادة وينكت
بو سلطان:السلام عليكم
الكل:وعليكم السلام ورحمة الله
سطام:هلا باللي لفاني ياهلا به عدد دقات قلبي في غيابه
سهام تصفق:ايوووة كمل
سطام :بس هذا الي حافظ
بو سلطان والابتسامه معتليه وجهه :سميه تعالي اشوي ابيك
ام سلطان مرت من عند سطام
سطام:انا من مساعه اكلمها هالام ماترد علي وراسها مصدع من هذرتي ،والحين بس قالها الابو قومي قامت كانها الطرابه
سهام بضحكة:ههههههههههههه انت موووو طبيعي عليك كلمات تضحك ،قول ماشاء الله على امي لاتصيبها بعين ترجع تمرض
بو سلطان:كفاك السميع العليم ،ماحد جايب المرض لزوجتي غيرك
سطام بهبال:حياك الله تسلم
سليمه:وووووووع سامج
سطام:سامج ولا دجاج
سهام:شدخل !
سطام:يعني الكويتين يقولون سمج على نفس طراز سامج فالقطه هنا انه سمك ولا دجاج هع
حلوة ادري
سهام :هههههههههههههههههه حلوة ولا مرة
سعدية:شالظرافه الي نازله عليكم اليوم !
سهام بتطنيش لسعدية:ناقصنا سلطووون
سطام:اي والله من قام يداوم وانا ماشوفه كثير ،ياجمال اني اكون مدرس بس 6 ولا سبع ساعات في اليوم
صحيح طلابي مهملين بس حليوين دمهم خفيف على مدرسهم
سهام:ودي اصورك وارسلك حق طلابك وانت تتسيمج عشان تروح الهيبه
قاطعتهم امهم وصوتها مليان فرحه :وين وين جوالي بسرعه
سطام :بسم الله شفيك يما سهام مب تولد تو الناس
ضربته سهام بعلبه المناديل :انت شفففيك علي شتبي
برا برا
ام سلطان عصبت:اف منكم واحد يقوم يجيب جوالي يمكن لسى في غرفه سلطان
سطام :اول قولي لي وش الموضوع
ام سلطان :بو فراس اتصل على ابوك وقاله انهم موافقين
سطام نقز من الحماس:ووووووووووواو
والله ماحد يخبر سليطين قبلي
سهام تطلع جوالها من الشنطة:لا ياربي جوالي طافي
بو سلطان واهو راجع لهم :موقايل لك لاتقولي لهم الا لما تخبرينه انتي اول
سعدية واهي حاطه رجل على رجل ابتسمت بسخريه:لهالدرجة واثقين انه بيفرح لاخبرتوه
ام سلطان بترد وسكتها باشارة
سليمه:ترا ايزي الوضع التم المنحوس على خايب الرجا
توقعتها توافق تبي واحد هم مثلها
بو سلطان:ماني حاب اعكر مزاجي بمحاظرات لكم انتوا الثنتين حابين نكمل فرحتنا
سطام ماهو حولهم حرق جوال سلطان اتصالات لحد ماقفل الجوال بكبره سلطان
سطام :اففف سكر جواله ،والله اروح له للمستشفى وطلع بسرعه عشان لايمسكه ابوه
سطام :من قدي بلعب بأعصاب سلطان
__________

يتبع