افيدوني ان كنت مخطئه
هل هذاك الرجل الأسمراني الذي طرق
بابي منتصف الليل سقط بين احضاني
هل ضعف "الضبع الأسود"
هل خسر رهانه مع الحياه؟
هل مكتوب لي ان اخسر ,ثم اخسر ,ثم اخسر
ليأتي مجموعة من الناس
لاتحزني
لاتبكي
لاتضعفي
لاتيأسي
وهل لي طاقة بفقد من لهم مكانة بقلبي؟
وهل لي قوة تكفي لأصمد ثلاثة ايام
لينتهي وقت دفن نفسي
لما يستسلم بهذه السهوله؟
لما يخذلني بعد ان وعدني
لما يقسم شرفا بأن يبقى بجانبي وان تركه لي
استحالة كأستحالة ان يصبح
الأبيض اسودا
والخريف شتاء
بكت بقوة وتسمع سعود يطمنها على حاله
رفعت راسها وبخنقه:طيب ليش تمنعوني اشوفه؟
سعود بحيره:رفض هالشيء
ضحكت بين دموعها:لأنه نذل طول عمره مايهتم
الا نفسه وغيره بحريقه ان شاء الله يبكون دم
الله ياخذ روحه اذا كذا
دخلت الغرفه صفقت بالباب بقوة
اخذت اغراضه رمتها بعشوائيه بصراخ ممزوج
ببكاء:الله ياخذك ويريحني منك الله ياخذك
آآآآه
لم تتحمل قدامها الوقوف انهارت على ركبتيها
وبيدها قميصه بترميه بكت بونين لاشعوريا حضنته
تهاوت على الارض
هي افضل مكان الآن لتفرغ بكائها
نزلت كرات مالحه حااااره لاذعه
كم هو مؤلم ذلك البكاء من القهر
كم هو موجع ومميت بآن معا
سندت راسها على الكرسي مسحت دموعها
بعنف رمت ذلك القميص الذي يفضله صاحبه
بلعت ريقها شعرت بخنقه فذلك الريق ممتزج
بغصة وعبرة لاتتحملها
هدأت ثواني وثواني تدمع عيناها
تحارب قلبها وعقلها
قلبها يقول ابكي
وعقلها يقول توقفي لقد ذرفتي من الدمع مايكفي
لو دمعك مطرا سقط على مدينة لأغرق سكانها
بالمستشفـى..
سعود بهدوء:معصبه منك كثير
ابتسم رغم وجعه:تلقاها اللحين تبكي هالبنت
دموعها ماتوقف عندها احتياط
سعود بتريقه:حتى وانت بهالحاله لك مزاج
تنكت
حط يده على صدره بتوجع:آآه لو شفت كيف صاحت
يوم طحت حسيت طبلتي تفقعت منها هالمجنونة
سعود بضحكة:لو ما اعرفك كان قلت هذا عاشق
كشر وبجدية:مالقيتوا هالزفت؟
سعود بطولة بال:بنلقاه لاتخاف
عينه على الفراغ البعيد:تدري وش اخر كلمة
قلتها له؟
حك ذقنه:وشهي؟
جسار بغضب ويتذكر كل اللي سواه فيه
صالح:تدري مايهون علي اشوف الضبع الاسود عطشان
بضحكة شماته:ارفع راسك خل اشوف هالضرب
هههههههه
تكلم بحمق:مصير الحي يتلاقى
سعود فرح انه ياخذ ويعطي معه:مجرد ماتطلع
منا راح نرجع كلنا للسعوديه
التفت وبضحكة ساخرة:انا وانت وماما ههه
مسك الجرح اللي بصدره
سعود رفع سبابته:شفت نهاية الشماته
مضاوي راح تجلس هنا سلمان جاء من يومين
واحتمال كبير يسافر هو واهله للرياض
جسار التفت وبسرعه:واهلي بيسافرون معهم
حتى ارتاح
هز راسه:لاتخاف راح نرجع سوا
جسار بهدوء:يمكن ماسمعت زين اهلي وبس
سعود بأستغراب:وانت؟
جسار بقهر:عندي حساب باقي ماصفيته
سعود بغضب رفع صوته:أي حساب وانت بهالحاله
زفر بقوة:كل اللي راح اجلسه يومين لا اقل ولا اكثر
رفع يده:يارب رحمتك الوسعيه من هالعيال
التفت وبنص عين:ماني ولد احد
بعـــد يومـــين
اخذت ثيابه رمتها بكيس معصبه على الأخر
ساندي بخوف:مدام اذا شوف سير هذا خاصم واجد
لفت تخصرت:لا والله فوق انه شين قوي عين
حضرته طالب ملابس مغسله ومكويه ومعطره
هاللئيم اللي حتى وهو بين الحياة والموت الغطرسه
ماليته رافع خشمه ولاكأن فيه احد قده قال ايش يخاصم بحريقه يخاصم
اخذت الكيس باللي فيه سحبته بقوة صدم بالباب
صاحت بضجر:الله ياخذك انت وصاحب هالملابس
قال ايش اكويها واعطرها آآآآه
ساندي بلعت ريقها وتأشر له تركت الكيس
تخصرت لساندي ومبين عليها العصبيه:ساعديني
لفت وعينها على اللي تشوفه ساندي ابتسم بغرور
وطالعها من طرف عينه
صدرها يطلع وينزل من العصبيه لابسه بنطلون
بني وبلوزة سوداء لامه شعرها بأهمال ورابطه بندانه
خضراء
ضحك وعينه تتفحصها:اوم تنسيق الألوان اقول
يابنت مافكرتي تسوين فحص لعيونك يمكن عندك
عمى الوان
ضاقت عيونها تركت الكيس تخصرت رمت نظرات
شراريه اول مره يشوفها منه بأستفزاز
:لهالدرجة شكلي خقه حتى مع هالكدمات؟
حط يده بجيوبه:اشتقتي لي اعترفي خلاص لاتحرجين
نفسك عارف الجواب
فتح يده ويأشر لها بحواجبه وبتعالي:فرصتك يلا
تعالي لاتخجلين
مشت له بعصبيه صفر:ِشوي شوي على صدري
بيدها الثنتين دفته للجدار بعصبيه اصطدم فيه
توجع رفعت سبابتها بوجهه مايفصلهم
غير انشات بسيطه
رصت على اسنانها بقهر وبفحيح:
عيد هالحركه معي مره ثانيه والله لأخليك تندم
على اليوم اللي وقعت فيه على ذاك العقد اكرهههك
من كل قلبي ومتمنيه لو بيدي سكين واقطع لحمك
قطعه قطعه واعطيه الكلاب المتشرده الجوعانه
خافت من ردة فعله ما اطلق أي ردة فعل
ابدا ساكت وعينه عليها
طلعت ساندي من الخوف طالعته بطرف عين
بعدت عنه شوي لف وجهه ضحك بسخرية
:تعرفين طول المده اللي راحت الشيء الوحيد
اللي كنت افكر فيه هو
سحبها طبع قبله عميقه على جبينها فك شعرها
الكيرلي ليتناثر على وجهها الدائري غارت
عيناها اللوزتين بعيناه الحاده مع تقاسيم وجهه
التي تسبب لقلبها الخفقان بقوة تكاد تشعر
ان البطين الأيمن والأيسر تصلبا
قرب وجهها لوجهه وبفحيح غمضت عيونها
بخوف تكلم بقهر:كنت خايف لا افقدك وتروحين مني
بعد ماعجزت الاقيك ..باس عينها
وصل لثغرها همس بشحمة اذنها:لكن اسمحي
لي ماجاء وقتها
حضنها بقوة لدرجة اعتصرت بين يديه
العريضه رغم وجعه رغم نزف جرحه الا وجودها
بين ذراعيه يطمئنه من خسارتها ..
بعد عنها بسرعه دخل الحمام "وانتم بكرامة"
وبصوت جهوري عكس الصوت الحاني الذي قبل
قليل:جهزي لي ملابس ..فصخ بلوزته رماها على الارض
سكر الباب فتح الدش دخل تحته لتتساقط قطرات
الماء رغم برودتها الا يشعر بأن بأن صيف
موسكو بدأ بكامل ذروته الآن رغم الجو المخيم
بالخارج مابين الثلوج والضباب
رفع شعره الذي بدأ يصل لأسفل رقبته
تجمدت مكانها رجليها لاتحملها جيدا
وخطوة واحدة تخطيها ستخونها اختفى ذرات
الأكسجين من الغرفة لم يعد قلبها يخفق بل
تشعر انه توقف ويكاد ان يخرج من قفصها
الصدري بلعت ريقها مرارا وتكرارا
بغيابك اعلن قراري..
وبحضورك سرعان ما اثنيه
بغيابك اجهز عدتي وعداتي
وبحضورك سرعان ما استسلم
ايها الرجل الأسمراني لاتجعلني اعتاد
على مجيئك
وعندما افتح عيني باليوم الثاني انصدم
من غيابك
هذه المره لااحلام مستناغمي ولاغادة السمان
يساندني
كم لي رغبة بالبكاء الآن
بيدك تناولني النبيذ الخمري
وسرعان ماتنهيني عن شربه لكي لا أثمل
ايا هذه التضادات ياجساري!!
طاحت عينها على قميصه المائل للبني
رفعته انصدمت من الدماء الموجوده عليه
تركته وبسرعه اخذت الكيس خرجت له ملابس
جهزتها على السرير خرجت بسرعه طلعت البلكونه
رغم برودة الجو ولكن تشعر بالاختناق بوجوده
شيئا ما يستحال استحماله
بمكـان اخر..
شات الكرسي اللي قدامه بعصبيه
:من هاللي خرب حلينا
بهدوء:حادثة وصارت
صالح بغضب التفت:هالحريق مو حادثة
متأكد انه مفتعل "وبنظرة شك" لايكون انت
اللي سويته
ببرود حط رجل على رجل:وليش حتى اسوي
هالشيء وش ممكن استفيد؟
صالح بغضب:عشان تنقذ اخوك وتبعد الشبهه
عنك
ضحك بخفه وقف وصار مقابله :من يومك بلا عقل
وهالحريق طير الباقي من عقلك انتبه لشغلنا الجاي
فيه امور اهم من هالجسار...مشى
بلع ريقه صالح يحس بأختناق
خرج محمد بخطوات مسرعه كل نفس يضيقه
غمض عينه بقهر مجبر ان يتواطى مع صالح
حتى يوقع بجسار يخون ثقة وطنه قبل والده
لكن حادثة الحريق الذي افتعله وسمح لجسار
الهروب جعلت يدرك شيئا واحدا
لايريد ان يأخذ هذا الكرسي ببرودة اعصاب
يريد ان يكون كفوا له
دق جواله شاف المتصل رفعه وبأبتسامه:ياهلا
سعود :سمعت انك زرتنا
خرج للحديقه الخلفيه وعينه على لؤي
الجالس على الكرسي الخشبي وغارق بالتفكير
تكلم بهدوء:حبيت اتطمن عليك وعلى جسار
"وبغباء" طمني عنه ان شاء الله لقيتوه؟
سعود بفرحه:لقيناه وسلمان جاء بعد
رفع حاجب:حلو اكتملت الصفه
سعود بسرعه:انت وش تقصد؟
ضحك مموه:اقصد كل العائله مجتمعه
سعود بسرعه:لازم تدق تتطمن على ولد عمك
محمد بسخرية:ولو واجبنا اكيد ولد عمي من لحمي
ودمي...قفل الجوال
خرج للؤي اللي رفع عينه وبقهر تكلم:انت اللي عطيت
سعود عنوان الشقه صح؟
جلس تكتف وبنبرة ساخرة:بابا بطل هالمشاعر
مو تبغى اللي يخصك راح يجيك وبرجليه بعد
"يقصد ليلى"
لؤي بقهر مكبوت:ماتوقعتك نذل لهالدرجة ليش
تروح تعلم عن مكاني
محمد ضرب الطاولة وبقهر:وماني مستعد اضحي
بكل هالتعب والخطط اللي حاطها عشان حضرتك
ياروميو زمانك عندنا اهم من حقتك
لؤي بغيظ:لو فيه اهم ليش تركته يهرب"يقصد جسار
"
محمد بنظرة خاوية:ماتركته من حسن حظه هالحريق
اللي صار
لؤي بسخرية:ياسبحان الله والنار فتحت له الباب
وفكت الحبال عنه ورمته بأقرب مستشفى على مين
تضحك بابا انا مو مثل هذاك المتخلف اللي داخل
اذا قنعته ماقنعتني
محمد ببرود تكتف:لك الحرية تصدق او ماتصدق
بكل الحالات ماتهمني بعد عن طريق ليلى هالفتره
سمعتني لاتغثنا بحركاتك الطفوليه اكبر شوي
مشى رفع صوته لؤي بتحدي:واللي تكلم بكل شيء لسعود
بن عبدالعزيز شتقول عنه؟
لف بقوة طالعه برعب جحظت عيونه
قبض على يدة بقوة بغضب بقهر
:
:
روز وعينها على سميرة اللي جالسه
رافعه حاجب وتسمع كلام هيا
:لو علمتي بنتك الحشيمه ياسميره ماكان هربت
سميرة بهدوء تحاول ان تظهره:معلمه بنتي الحشيمه
واللي يعامل الضيف عنده بهالطريقه ماظنتي يعرف الحشميه
بترد هيا ضحكت مها بتوتر:زارتنا البركه والله فرحنا
بهالزياره كنا ننتظرك من قبل
سميرة بأدب:من ذوقك يا ام تركي
عادله بتعب حطت يدها على كتوفها وجهها بهت
كحت بقوة صرخت بألم ومسكت كتفها
روز بخوف بتقوم اشرت لها تجلس بتعب
وعينها على سميرة وبتكهم:بنتك ماراح ترجع لهالبيت
بعد اللي سوته
سميره قامت:اظن اللي بيحدد هو راعي البيت سعود
بن عبدالعزيز وبنتي كوني واثقه ماراح اعدي لها
هالحركه انا ماربيت بنات جبانات يهربون ان كان
لكم الحق بتاخذونه وان كان لنا الحق بناخذه
فوزيو وقفت وبسرعه:تعالي عمتي حياك جهزت
لك غرفه قريبه من غرفة ندى
سميرة بسرعه:ماله داعي يابنتي غرفة الضيوف
مافيها شيء
منال بقهر من حركة عادله حطتها بأصغر غرفه
:ولو ياعمه هذا بيت بنتك مو بيت غريب
سحر بمسانده:والله يذكرها بالخير ندى كانت
مثل الأخت لنا
منى بلكاعه:مثل الدواء على الجرح والله هالبيت
شين من دونها
طالعتهم عادله بقرف وهيا بنص عين
كملت فوزية:تعالي ياخاله اوريك عيالي
ومنها نجلس بالحديقه نشم هواء
وقفت سحر وبكره للجلسه:الجو يخنق هنا
وقفت منى:اللحين الجو ولا اروع برا
منال بسرعه:وانا بوريك الورد اللي زرعته ندى
ضحكت فوزية عرفت كل وحده تصرف نفسها
حتى يخرجون من هالجلسه اللي يملأها التعالي
خرجوا هيا برفعة حاجب:عشنا وشفنا والله
"لفت على مها" من متى هالحبيبات متمردات؟
مها بطفش منها:اتركيهم براحتهم ماقالوا شيء
لأن فعلا هالجلسه تخنق تغث انا بروح لعيالي
تركتهم لحالهم وياليت تتواضعون شوي ترى هالأسم
اللي تشيلينه انتي وياها "تقصد عادله" ماراح
يدخلون معكم هاذيك الحفرة ومن تواضع للناس
تواضع لله واتمنى تقومون بواجب ام ندى لأنها
ضيفتنا بالدرجة الاولى وزوجة سلمان ثانيا
اللي ماشفنا منها الا كل طيب اقولها وهي غايبه وملائكتها حاضره "لفت على روز" وانتي شوفتك
كل يوم بهالحاله صارت تخليني اكره سلمان ارجعي
لعيالك ياروز سلمان مو لك خلاص
عادلع بتعب ماعلقت لاحظت عليها هيا بتقوم
ماقدرت صفر وجهها
حركت راسها مها:الدينا تدور وتدور ياهيا
"عينها على عادله" من يحسن عمله قبل مايودع
هالدنيا
هيا بنرفزه:قالبه داعيه علينا اليوم كأنا كفار
لفت راسها:استغفر الله بكيفكم نواياكم واعمالكم
ماراح اخذ منها شيء
خرجت زفرت هيا بطفش طالعت بروز
:وانتي ماعندك عيال لهالدرجة بايعتهم؟
روز بقهر:وانتي ماعندك زوج لهالدرجة
مغصوبه على هالزواج؟
صفقت هيا:عجيييب والله طالت وشمخت صرتي
تردين على اسيادك
لفت منى:شكلها بدأت الحرب
سحر بكرهه: حيلهم بينهم الله كريم مالنا دخل
خلينا نخرج هالقهوة والحلى لبرا والله فاقده ندى
سحر ابتسمت:من جد هاذيك المجنونة كانت
مسويه جو بالبيت الله يصلح بينها وبين زوجها
منى بترديد:آمييين
:
:
بالجهه الثانيه من موسكو
دخل الفندق لاحظ عدم وجود الكل
الثلج بدأ بالذوبان الشمس تستأذن السماء
لتطل نصف اطلالة لتدفى اجساد
الاطفال,النساء,الرجال
رجل الثلج بدأ يذوب
طلع الدرج دق باب الغرفة وبهدوء
:ندى..
لاحظ الباب المردود فتح الباب وعينه تبحث
عنها
نزل تحت لم يجده اين الجميع؟
لما المكان هادىء؟
فقط صرير الباب الذي ينفتح ويغلق
من تلقاء نفسه بسبب الهواء
اكواب الشاهي لازالت ساخنه وبخارها
يحلق بالهواء
وبالجهة الأخرى كوب القهوة ساكن مكانه
ورائحة البن تغزو الاعماق
هناك جريدة موضوعة على الرف
مفتوحة على قسم الكلمات المتقاطعه
وقلما سقط بالأرض ربما عجز عن حلها..
ولكــن أيــن الجميــع
دخل سعود مبتسم:واخيرا صحيت؟
بدخول محمد وصقر عينه عليهم وبتساؤل
:ندى مو معكم؟
تغيرت ملامحه صقر بسرعه:تركناها بالفندق
سلمان بلع ريقه متاجل تدخله واهتمامه المبالغ
:من متى طلعتوا؟
سعود:من ساعتين ...بهت مكانه هز راسه بالنفي
يستحال ان يحدث هذا مرة اخرى
هذه المرة لو يكن لك يدا بالأمر ياصالح
سأحرص ان يزورك عزرائيل مبكرا
اللهم لاتختبرني بفقد من احب
لاتختبرني
بتعب:ندى اختفت
خرجت من المطبخ مع المره العجوز وبيدها
صحن ممتلىء بالكوب كيك المخبوز
التفت بسرعه وتوجهت نظرات الجميع
لها ابتسمت ومدت الصحن لقدام
وببلاهه:كوب كيك سعودي روسي
ابتسم صقر لتلك الأبتسامة اليست اجمل
ماخلقها الله..
بنفس الوقت التقط سلمان تلك الأبتسامة
شيء ما تحرك بداخله يريد ان يسحق وجهه
يريد ان يسيل دمه وان يكسر اسنانه
سن تلو السن مالمضحك بتلك الجملة السخيفة
"كوب كيك سعودي روسي"
اتغار ياسلمان؟
اشعرت اخيرا كم هو موجع وخز الغيرة؟
ريحي انفسكم هالبارت ناخذ نفس بدون مانعقده لأن البارت الجاي راح يكون
شوي معقد لهالسبب فيه اشياء مبهمه اولها هروب جسار ..
نلتقي بأذن الله بالبارت القادم
تحياتي