[فيتامين سي]

(في جده)
في الصاله الكبيره مجتمعين

(مشاري): يعني أفهم انك موافقه؟؟
(ملاك) وهي تحوس بيدها بخجل : ماأدري انت وش رايك؟؟
غمزت له امه وهزت له براسها بابتسامه: لالاشكلها مو موافقه خلاص انا بكلم ماجد واقوله بنت خالتك ماتبيك
رفعت ملاك عيونها وبرجا : ماااااااااااما انا ماقلت مو موافقه
(امها ومشاري) هههههههههههههههههههه ههههههههههههههههه
قامت من الصاله باحراج وطلعت لغرفتها
(مشاري): ياحليلها والله وكبرتي ياملاك
(أمه): ماجد والنعم فيه رجال وينشد فيه الظهر وانا امك رد عليه وانا بكلم خالتك
(مشاري) وهو واقف : يصير خير باذن الله .. الايمه بسألك كيف وضعك معها كل شي تمام ان شاءالله
(أمه): لا تطمن يمه ملاك من بعد طيحتك تغيرت كثيييييييييييييير وكل يوم جالسه احاول اقرب منها
واعرف وش اللي تحبه وش اللي تكرهه
(مشاري) بابتسامه: لو ادري كان صدمت نفسي من زمان هههههههههه
خبطت على كتفه: لاتقول كذا ازعل عليك
(مشاري): هههههه شدعوه يمه وينك يانجد يابعد عمري لو هي فيه ماكان خلتك تطقيني
(امه): ههههههههههههههههههههههه ههههههه والله بفقدها الله يرجعها بالسلامه
(مشاري): ااااه يمه وربي مو قادر اصبر على فراقها افكر الحقها
(امه): لارديت على الرجال روووح محد رادك ههههههه الله يوفقكم يمه وأشوف عيال عيالكم يارب
(مشاري) بابتسامه: اميييييييين توصين شي قبل لااطلع؟؟
(أمه): سلامتك يمه انتبه لروحك
(مشاري): مع السلامه
(أمه): الله معك
في غرفتها جالسه على الفراش والجهاز قدامها مفتوح
مو مصدقه يعني أخيرا بيتحقق حلمها مع ماجد؟؟
حلم الطفوله
انتبهت للمسج اللي جاها وفتحت شاشة اللاب توب
(مابي ولاحاجه سواك انت لاهنت)
مساء الشوق والاحساس والطيبه مساء مايليق الا بأحبابي
(دنياك دنياي هو حد يسواك؟؟)
يسعد مساك
(مابي ولاحاجه سواك انت لاهنت)
أقول مبروك لي ولك؟؟
(دنياك دنياي هو حد يسواك؟؟)
لاتصير واثق ههههههههههههههههه يمكن مااوافق
(مابي ولاحاجه سواك انت لاهنت)
أدري ماأهون عليك
(دنياك دنياي هو حد يسواك؟؟)
هههههههه أحسك تبي تكفخني صح
(مابي ولاحاجه سواك انت لاهنت)
اممممم مأجلها لوقت ثاني ماراح أحد يمنعك مني
(دنياك دنياي هو حد يسواك؟؟)
اهااا زين اعترفت هالاعتراف الخطير عشان افكر زين قبل اوافق ههههههههههههه
(مابي ولاحاجه سواك انت لاهنت)
ههههههههههههههههههه هههههههههه والله انك شريره صدتيني
(دنياك دنياي هو حد يسواك؟؟)
أعجبك هههههههههههههههههههههههه
(مابي ولاحاجه سواك انت لاهنت)
قولي امين الله لايحرمني اياك
(دنياك دنياي هو حد يسواك؟؟)
يارب ولايحرمني اياك

(في الشرقيه)
في جناحهم الخاص
(سعد): ماأدري يافوزيه بس الولد مصر يكلم عمه ويبني بصفه
(فوزيه): وين المشكله؟؟ البنت وانفصلت عن زوجها
(سعد): اخاف احرج اخوي بهالسالفه انا ماصدقت اننا انتهينا منها

(فوزيه) برجى: يابو راكان جرب ماراح تخسر شي دام الولد لازال يبها ومتعلق فيها ولاتنسى انه سافر لانه
ماقدر ينساها واللي يخليك عشاني حاول يمكن يجلس معنا وينسى هالغربه والسفر
بدى صوتها يختنق: والله مشتهيه أشوفه قبالي مهتني مع زوجته وعياله كل اخوانه مرتاحين الا هو
(سعد): اذكري ربك يابنت الحلال وشو له هالدموع خلاص انا بكلمه وان شاءالله يتم هالموضوع مع اني منحرج
ولدك هو اللي طلقها المره الاولى بعجلته خسرها وهالشي ماسر أخوي ابد يمكن ماقد قالها بوجهي
بس لو انا مكانه بتضايق هاذي بنته والوحيده مايرضى لها هالشي
(فوزيه): انت كلمه وشوف وش يقول لاتحكم بدون ماتجرب
(سعد): يصير خير ان شاءالله
قامت من الكنبه وملامح الصدمه بوجهها
(مشاعل): انتي وش تقولييييييين ؟؟
(موضي) بابتسامه: انا بنفسي سمعت عمي يكلم أبوج وكلها كم يوم ويجيج ابوج ويسألج
(مشاعل)......................................
(موضي): مو هذا اللي تحبينه؟؟ مو هذا بندر اللي تمنيتيه؟؟ ليش هالصمت بملامحج توقعتج بتفرحين بمثل
هالخبر الحلو بس اللي أشوفه غير
(مشاعل): كسرني الخوف ياموضي قلبي معد يحتمل جروح أعيش على الذكريات افضل من اني ابني
الحلم من جديد
قامت لها موضي: شعووول حبيبتي مالج فتره من رديتي وكل يوم أتفاجأ فيج بشي ماكنتي بهالضعف
(مشاعل): اللي شفته بروحتي للكويت بعثر فيني أشيااااااااء كثيره ماادري بيقدر بندر يلملم هالشتات اللي تبعثر؟؟
(موضي) بابتسامه : عطيييييييييييه فرصه وشوفي
(رهف): اذا تحبينا توافقين وترحمينه من هالعذاااااااااااااااااااا اب
لفت مشاعل وشافتها واقفه عند الباب
دخلت رهف وكملت : ماأقولك هالكلام عشان أقنعك لا بس لانه حقيقه سعادة بندر معك وسعادة أمي وابوي مع
بندر اللي عمره ماشكى لهم بس الحزن بنظرة عيونه يذبحهم
جلست رهف على يمينها ومسكتها مع كتوفها وجلست موضي على يسارها
(البنات بصوت واحد): واااااااااااااااااااافقي بلاسخافه
(مشاعل) بابتسامه : مجانييييييييييييييين
سمعت صوت ابوها تعدلوا البنات بجلستهم ووقفت
دخل ابوها ووقف عند الباب
(عبدالله): هلاوالله هلا ببنياتي مجتمعات ماشاءالله
(موضي): هلا فيك عمي على الخير ان شاءالله
(عبدالله): أكيد يبه وشلوووونك يارهيييف وين فرح ماأشوفها
(رهف)بابتسامه: يووووه ياعم الحين وقت قيلولتها الشيخه
(عبدالله): ههههههههه الله يحفظها يارب من الشر
(رهف): امييييييين
(عبدالله): يبه مشاعل بغيتك بكلمة راس بنزل وتعاليني غرفتي
(مشاعل) ودقات قلبها ترقع مثل الطبول : ان شاءالله يبه على أمرك
طلع وترك البنات كل وحده تناظر الثانيه هم شااااكين بس مو متأكدين
ناظرتهم مشاعل وبابتسامه: باااااااي ياحلوات الله يستر
(رهف وموضي) هههههههههه روحي والقلب داعي لك
بخطوات مرتعشه تجرها رغم الفرحه اللي تحسها بس خايفه يمكن مايكون لبندر طرف بالموضوع
استجمعت كل شجاعتها وطقت الباب بخفه مره وثنتين وثلاث
سمعت صوته يأذن لها بالدخول
(مشاعل): سم يبه وش بغيت؟؟
(عبدالله) بابتسامه: تعالي يبه تعالي اجلسي قربي
جلست جنبه وعيونها بالارض
(عبدالله): ارفعي راسك يبه طالعيني
(مشاعل): امر يبه أسمعك
(عبدالله): يمكن تتفاجئين باللي بقوله الحين بس لو ماأعرف انه كفو لك وبمصلحتك تأكدي اني ماقلته لك
بندر ولد عمك سعد جاني اليوم مع عمك وخطبوك مني على سنة الله ورسوله
سرت رعشه بجسمها : معقوووله ؟؟ بعد كل هالفتره لسه عنده أمل فيني مانساني؟؟
تسأل نفسها ويرد الصدى شلووون ينساني وانا اللي مانسيته لحظه ..!!
بس لا أنا ماابي رحمته ماابي عطفه على مطلقه أبي حبه حبه لي وبس

(عبدالله): هايبه أشوفك سرحتي وش تقولين باللي سمعتيه؟؟
لحظات من السكوت دارت
(مشاعل): يبه أنا مو موافقه
ماتفاجأ ابوها كثير لانه توقع الرفض منها
(عبدالله) بهدوء: ممكن أعرف السبب؟؟
وقفت مشاعل وبجديه : يبه انا مابي عطف احد كوني مطلقه
(عبدالله): ومن قالك انه خاطبك رحمه أو شفقه؟؟
(مشاعل) تبي تتهرب من الاجابه: ماادري يمكن عمي بيصلح غلطته يوم ولده طلقني وتركني بالمستشفى
(عبدالله) بنفس الهدوء: لاتحطين الاجابات من راسك عموما انا بعطيك أسبوع كامل تقررين فيه
وبعدها بسمع جوابك اللي بعطيه لعمك وولده بس فكري زييين قبل ماتتخذين أي قرار
ناظرته بتأمل ماعرفت وش تقول
(عبدالله): لاتستعجلين
ماردت استأذنته وطلعت تايهه نطقت بالاجابه بس اللي بقلبها شي ثاني
يوم..
يومين..
ثلاثه...
أسبوع ...

اسبوعين...


الليله الاجتماع في قاعه رقم /3 في [السيف]

عند بوابات القاعه الخارجيه
وقفت اللكزس الذهبيه
(خالد): هالله هالله لااوصيك اركدي وخلك عاقل
(نجد): لاتعرف تنكت ماشاءالله وش قالولك مهبل ؟؟
(خالد): هههههههههههه هههههه لا بس انفذ تعليمات بعض الناس اللي ذبحوني وصايا
(نجد): ههههههههه يعني بجده وهنا لاحقييييييييييييني
(خالد): اقوووول انتبهي بس لاتولدين عليهم بالقاعه وتخربين العرس
رمت الطرحه الخفيفه على وجهها بحذر عشان شعرها بعد ماتعطرت ونزلت من السياره
(نجد): ماني فاضيه الحين لارجعت نتفاهم ياخفيف الظل
(خالد): هههههههههههههه ههههههه حلووووه خفيف الظل طيب عمتي ابشري
(نجد): تعال تعال بذمتك فيه احد يدري بجيتي ولالا؟؟
(خالد): غير امي وانا لا
(نجد) بابتسامه: زين أشوى

الجميع مجتمع ومن بعد هالفرقى
البنات كلهم واقفين بالاستقبال مع فوزيه وشيخه
موضي بفستانها التركواز ورهف بفستانها الاصفر معهم ساره بفستانها الاخضر
في جناح العروس عبير ومشاعل
القاعه مليانه معازيم والديجيه شغال

دخلت عليهم بكامل زينتها بجلابيه سودا مذهبه أنيقه لابعد حد ولايقه لملامحها الحاده ومناسبتها مع الحمل
(نجد)بابتسامه: أنااااااااااااا جيييييييييييييييييييت
أول من قام لها الجازي اللي ماصدقت عيونها
ركضت جهة امها بخطوات ملهوفه وارتمت بحظنها
(شيخه): حمدالله على سلامتك يمه
(نجد) وهي تبوسها براسها وايدها: يسلم راسك يمه
جتها الجازي ووقفت قبالها مو مصدقه
أخذو بعضهم بالاحضااااااااان الساخنه وسط دموع نجد اللي ماصدقت شوفة الجازي
جو البنات وتجمعوا عليها وسلمو وحده وحده
خبطتها الجازي على كتفها: يالخااااااايسه ولاتقولين ولاشي
(نجد) بابتسامه لامها الواقفه بعيد شوي : فدييييييييييييييييييييييي يتهم بعض الناس حافظوا على السر
بعدين تبين مهاااااااااااااوي تعرس وماطنز على زوجها بهاليله ههههههههه
(البنات): هههههههههههههههههه ههههههههههه
(الجازي) اللي رجعت تضمها : وحشتييييييييييييييني
(نجد): وانتوا اكثر

(في جناح العروسه)
ايه من الحلا جالسه على الكنبه العنابيه الكبيره بفستانها الابيض الماسك على صدرها لين حدود الخصر
ويتسع من اسفل بذيل بسيط وناعم بخطوط ذهبيه موزعه فن واتقان
طرحتها الناعم مسدولها من تحت شعرها الأشقر المرفوع
جتها ساره تبخرها وتسمي عليها
(مها) بتوتر واضح بملامحها: خلاااااااص انكتمت من ريحة العود قويه
(عبير): هههههههههه عروس لازم تتسبحين بالعود
(مها): يعني ههههههههههه
دخلت عليهم بفستانها الاحمر تصميم ايلي صعب
شعرها الاسود ملفوف رولات كبار بالفير ونافخته من فوق باكسسوار بلون الفستان ناعم وانيق
(مشاعل) بملامح مخطوفه : عبير ابيك شوي
طلعت لها عبير عند باب الجناح
(مشاعل) وهي تلهث مدت لها جوالها
(عبير) بابتسامه: أدري
(مشاعل): خاااااااااااااااااااااااا ايفه من المواهجه
(عبير): انتي ووافقتي خلاص صح ولا؟؟ لكم اسبوع من ملكتوا وللحين ماتقابلتو
ا ليش وافقتي دامك ماتبين شوفته
(مشاعل) : ماأدري ماأدري
(عبير) بابتسامه: روحي له يامشاعل روحي له وارمي اللي راح ورا ظهرك كفايه هالحزن اللي سكن بعيونك
اذا لسه تحبينه روحي له اذا لسه شاريه وصله روحي له

(مشاعل)بابتسامه : بس....
(عبير) اللي فهمت نظرة عيونها: ماعليك محد بيعرف الليله ليلتك رووووحي
حظنتها بقووووووووه : لاخلا ولاعدم
(عبير): تعالي تعالي والله بتوحشييييييييييييييييييين ي يالخايسه ارجعي ضميييني
ضمتها مشاعل بقوووووه مع انها مافهمت شي
أخذت طرحتها ومشت من نفس الدرب اللي جت منه
وصلت لقاعة العشا الداخليه
الهدوء فظيع رغم صوت الطق العالي
مافيه احد تلفتت بعيونها تناااااااااظر بكل مكان ناظرت ساعتها لسه بدري
ليش استعجلت بالجيه؟؟
سحبت لها كرسي وجلست على اول طاوله : تبي ترتب أعذار تبي تدور كلام تقدر تقوله
غمضت عينها تشم الريحه اللي هبت ريحه تعشقها تذووووبها
حست بيده الدافيه على كتفها العاري
سرت الرعشه بكامل جسمها من لمسته لها
لفت عليه تناظره والتف معها شعرها الاسود
ماقدرت أصبر وجيتك قبل موعدنا بساعه..
والغريب اني لقيتك تنتظر قبلي بساعه..
دامك انت مثلي مشتاق ليه دايم بينا فراق؟؟

سحب ايده بنفس البطء اللي حطها فيه سحب له كرسي وجلس قبالها
يتأملها مبهووووت من هالملاك اللي جالسه قباله دوووم يلجمه الصمت بوجودها الطاغي
تبادله النظره بالنظره
نظرة شوق ولهفه نظرة حزن فيها من الوجع قصه
حاولت تسيطر على الرجفه اللي تحس فيها وبشجاعه اختلقتها
(مشاعل): مطول هالسكوت؟؟
(بندر)بصوت مخملي: كنت مرتبت كلام كثير بس الحين وبهاللحظه وانتي قدامي اسمحي لي نسيت الكلام
(مشاعل): طلبت تشوفني عشان تقولي هالجملتين؟؟
(بندر): ماأخبرك قوية قلب لهالدرجه معقوله البعد مااثر فيك ماتعبتي من تعذيبي وتعذيب نفسك؟؟

ليه مكانك مو مكاني ليه زمانك مو زماني؟؟
ليه تاركني أعاني لي متى والوقت سراق؟؟

(مشاعل) بحده: الا أثر تدري متى؟؟ يوم ارسلت لي ورقة طلاقي وجوابي وقتها وصلك يوم انهرت بالمستشفى
وش كان منك ؟؟ تركتني وتخليت عني وجااااااااااااااااااي تقولي مااثر فيك البعد؟؟ وش كنت تبي أكثر من
انهياري ؟؟ اموت عشان ترتاح وتحس انك انتقمت
(بندر): كان اختيارك وانتي عارفه اني ماكنت اقدر اشوف رفضك لي بعيونك وأكمل معك المشوار
رفضك ذبحني وجنننننني
(مشاعل): عمرك ماراح تفهم اني سويت هالشي مجبوره ضحيت بحياتي لاجل حياة غيري
(بندر): ليه كنت تشوفيني مو كفوووو لك ولعيال اختك كان ممكن نعيش احلى حياه بس انتي استعجلتي بالفرقى
(مشاعل): لاني احبك أكثر من أي شي ماقدرت اجمعك معهم بحياه وحده خفت....خفت حبي لك ينسيني العالم
(بندر)بحده: وفراس هو اللي قدر هالتضحيه؟؟
وقفت(مشاعل) بقهر: جايبني عشان تقولي هالكلام؟؟ لييييييييش رجعت تطلبني؟؟
(بندر): لنفس السبب اللي خلاك توافقين علي ولثاني مره
لاني أحبـــــــــــــــــــك
نطقوها بنفس اللحظه بنفس الوجع بنفس الهمس
وقف ومشى بخطواته قربها
ارتمت باحظانه مثل طفل تايه وفجأه لقى امه
مثل غريق يصارع موج البحر وشاف طوق النجاه
مثل تايه بمتاهه وفجأه لقى المخرج
(مشاعل) وشهقاتها المتقطعه تتخلل دموعها: تعببببببببببببببببببببببب ت أتعبني غيابك
(بندر) وهو يمسح على شعرها بحنان ويبوسها بكل مكان مشتاق وأظماه الوله

قلبي المخلوق لاجلك فطرته مبدا حبك..
مانبض الاباسمك لاتحده فوق ماطاك..
دامك مثلي مشتاق ليه دايم بينا فراق؟؟

مقبله تمشي ويسبقها السناه ..
كانها شمس تلالة فوق جال..
والنظر كل مايناظرها انثني..
حاير بين الحقيقه والخيال..
طرفها يشكي من رموشه عناه..
والحواجب كأنهن حرفين دال..
والشفايف ضفتين من جنا..
ثامره بالتوت على نهرالزلال..