[فيتامين سي]

.....

قبل سنوات طويلة بعد ما تزوج ابو جلنار زوجته كان في مناقصة وكان يوسف واخوه يبوها و ابو لؤي وربح ابو لؤي المناقصة فتهاوش يوسف مع اخوه واتهمه بانه السبب في خسارتهم ووصلت للضرب ومن غير قصد دفع اخوه وطاح على الارض ميت وقتها كان ابو جلنار ذو نفوذ فقدر يرشي الطبيب الشرعي حتى يقول سبب الوفاة جلطة بالقلب واتهم ابو لؤي انه السبب لانه سرق المناقصة منهم بعد فترة الطبيب الشرعي قابل ابو لؤي وخبره الحقيقة فاغتاض ابو لؤي وتشاجر مع يوسف كيف انه يحاول يشوه سمعته بين الناس ومن بعدها انقطعت العلاقة بين العايلتين لان يوسف رفض ان زوجته تشوف اختها او تكلمها وبعد سنتين سافر ابو لؤي فرنسا واستقر هناك
.................
ابتسمت جلنار بألم ونزلت راسها
لؤي : كل هذا ما يهمني يازوجتي وبنت خالتي وابتسم لها بحب
احلام بعد فترة صمت : يعني احنا بنات خالة
ضربها ادم على راسها : وانا من الصبح ويش اقول
احلام : ونااااااااااااااسة الحين عندي بنت خالة واااااااااااو هههه
ضحكوا عليها
احلام : اقول انت وياه جوعانة بروح اشتري لي غداء
طلعت من الغرفة وراحت تشتري لها من المتجر اللي بالمستشفى
وبينما كانت تتنقل دعمت واحد بالعربة
احلام بالانجليزي : اه عفوا لم ارك
طالع فيها وابتسم : حصل خير اختي
احلام : ههه معليش كنت مستعجلة تعورت
محمد وهو يحك محل الضربة : شوي هههه
احلام : سوري سوري تبي اكلم الطبيب يشوفك
محمد : لا لا مو للدرجة هذه
احلام : اووه زين ... قلت الحين بتقاضيني
محمد : هههههههه مافي مانع نكسب قرشين
احلام : ياسلام لا خلاص مافي انت قلت ماتعورت
محمد : لا انا قلت تعورت بس شوي
ضيقت نظرتها وقربت منه : نصاب
محمد : هههه امزح امزح
استأذنت منه ومشت وهي مبتسمة ام هو وقف يراقبها لين طلعت من المحل ولحقها حاس ان فيها شيء مو غريب يشده لها
وصلت لعند غرفة جلنار وشافت ادم واقف عند الباب متضايق
احلام : ههه لاتقول طردوك
ادم : جلنار تعبانة يا احلام ودوها للعناية ... احتمال تخسر الجنين
طاحت الاغراض من ايدها وجلست على الكرسي
قرب محمد منها : ويش صار
ادم استغرب منه : الاهل تدهور وضعهم
محمد : لا حول ولا قوة الا بالله .. ان شاء الله خير
ادم : عفوا اخوي انت تشتغل هنا
محمد : لا شفت وضعكم قلت يمكن تحتاجوا مساعدة ... انا محمد جاسم
مد ادم ايده : اهلا اخوي انا ادم
طالع محمد في احلام : لاتخافي ان شاء الله يتحسنوا الاهل ويطمنكم الطبيب
وقف شوي جنبهم حتى يتطمن لين رجع لؤي
ادم : بشر كيفها وكيف البيبي
لؤي : الحمدلله افضل راح تظل بالمستشفى لين تولد اقل حركة ممكن تخسره
احلام : وينها الحين
لؤي : طلبت لها جناح خاص حتى اظل معاها
والتفت على محمد
حس محمد بالاحراج فتقدم وسلم على لؤي
محمد : ما تشوفوا شر اخوي
لؤي : مايجيك ان شاء الله
عرفهم ادم ببعض
محمد : احلام اجمعي اغراضها حتى ناخذها لغرفتها ... ولف لمحمد
محمد انت هنا علشان الاهل
محمد : ايه ولد عمي منوم هنا للعلاج
لؤي: اجر وعافية ان شاء الله
محمد : الله يعافيك .. يالله استأذن انا ولو احتجتوا شيء كلموني واعطاهم كرته وبعدها ودعهم وراح لعند عبد الاله

............

دخل وهو سرحان شوي
عبدالاله : شفيك
محمد : ابد سلامتك ... قابلت عايلة عربية قبل شوي
عبدالاله : طيب
محمد : ابد بس الرجال باين عليه خايف على زوجته اذا ماخب ظني انها زوجته .. المسكينة حامل ومعرضه انها تخسر الجنين
تنهد عبدالاله : الله يقومها بالسلامة
...................
رجع ادم واحلام البيت وعلى طول مسكته امه تحقيق
الام : وينها بنت خالتك مو قلت انك لقيتها ليش ما جبتها عندي
ادم : يمة هي بالمستشفى الحين

الام : المستشفى ليش

ادم : مريضة وراح تضل فترة طويلة

شهقت الام : مريضة شفيها وبدأت البكاء

ياويلي يااختي بنتك قريبة مني ولا عارفة لها طريق سامحيني يا اختي

الاب : اهدي يا ام لؤي

ادم باي مستشفى هي

ادم : مستشفى الـ

خلاص يمة بكرة من الصبح اوديك لها

ملاك : هي كم عمرها ويش اسمها حلوة او لا

احلام : وانتي هذا اللي يهمك بس

لاتخافي انتي تعرفيها وزين بعد

الاب : كيف يعني يا بنتي

ادم : خلاص يبة بكرة تشوفوها وتعرفوا

ابتسم لاحلام وطلع غرفته واحلام بدورها استأذنت وراحت غرفتها

...............

في اليوم الثاني توجهت العايلة لزيارة بنت الخالة المجهولة واول ما دخلوا الغرفة

شافوا لؤي جالس على السرير وهو يضحك واللي جنبه

الام : جلنار

اختفت الابتسامة عن وجه جلنار ولؤي

ملاك : ادم انت قلت بتودينا لبنت خالتي مو لهذه .. وهي تأشر باشمئزاز على جلنار

وقف لؤي : ملاك احترمي نفسك

الاب : ادم وضح لي

ادم : جلنار ممكن تقولي اسمك الكامل واسم امك

جلنار : جلنار يوسف محمد الـ وامي صفية سالم الـ

شهقت الام وراحت عندها

الام : انتي متأكدة

هزت جلنار راسها ودمعت عيونها

مسكتها الام من كتوفها : وانا اقول الوجه هذا مو غريب علي

ضمتها لصدرها وبكوا ثنتينهم

الام : سامحيني يالغالية سامحيني يا بنت الغالية

جلنار : خالتي ضميني لصدرك اكثر انا محتاجة لك وشدت على خالتها

شدت الام اكثر من ضمتها

كان الكل ساكت وهو يشوف اللقاء الحار والمليء بالدموع

واخيرا تكلم لؤي : يمة ترى بتذبحوا ولدي

شقهوا الام وملاك

ملاك : حامل

الام : حامل يا بنتي لؤي قول والله

لؤي : هههه ايه يمة حامل

قربت احلام : وعلشان كذا هي بالمستشفى لان البيبي يدلع ويبي يجي بوقت مو مناسب ابد

ضحك ادم عليها : هههههههه ايه مستعجل

لؤي : هههه خايف يطيح بايد الدكتور ادم

نطق الاب اخيرا : لؤي تعال معاي

هجد لؤي وطلع ورى ابوه

الاب : من متى متزوجين

لؤي نزل راسه : من 5 شهور تقريبا

الاب : متأكد انه ولدك

رفع لؤي راسه : يبة ويش الكلام هذا اكيد ولدي

الاب : مو انت سبق وقلت ان اللي ببطن سمر مو ولدك

لؤي : يبة انا سمعتها باذني تكلم ابو اللي ببطنها ولا ماقلت هالكلام

الاب : ليش تزوجت من غير علمي ... انا قصرت معاك بشيء منعتك من الزواج لو انت جاي لي ما كنت رديتك

نزل راسه : يبة سامحني ادري ان تصرفي خطأ بس تعرف اني عايش لوحدي وقلت اتزوج حتى ما اطيح بالحرام وبعدين انا عارف لو اني جيتك وقلت ابي اتزوج كنت خطبت لي سمر

الاب : ااااه يا لؤي تتوقع اني اجبرك على شيء ما تبيه

لؤي : هذا انت اجبرتني اتزوجها

الاب بعصبية : لانك رحت للحرام مع انك متزوج

لؤي : الشيطان شاطر ياابوي وبعدي عن مرتي صعب

الاب : انت رجال وفاهم وتعرف لو احد عرف انك زنيت ويش بيكون عقابك وخصوصا انك محصن

سكت لؤي مو عارف ويش يقول

الاب : انا مراح احاسبك الحين لاني متأكد انك عرفت خطأك وراح تتعض منه ولا راح اجبرك على اي شيء

بس صدقني يا لؤي اذا اخطأت بعد كذا مراح تلقى الاب اللي يسامحك ويوقف معاك وترك ومشى لداخل الغرفة

وقف شوي يفكر بكلام ابوه هو غلط مع سمر والحمدلله اهله وزوجته سامحوه المرة هذه والحين عليه يحافظ على ثقتهم فيه حتى ما يخسرهم

دخل الغرفة وكان الجو مملوء بالحب والضحك

...............