[فيتامين سي]

خلال الايام هذه كان محمد يتعمد يمر من جنب غرفة جلنار حتى يشوف احلام وهي نفس الشيء كانت كل يوم تروح وتطلع من الغرفة بحجة الاكل او الماي او ... او تدبر نفسها بأي حجة

كانوا واقفين بالممر على اساس انهم تقابلوا صدفة وهم بالاصل كل واحد متعمد حركته من غير ما يبين للثاني

محمد : احلام

احلام : همم

محمد : امممم اقدر اكلم ابوك يعني في اممم يعني علشان هذا شسمه

احلام : هههه شفيك تكلم

محمد : بصراحة امممم ابي اخطبك

ارتبكت احلام من طلبه وابتعدت عنه راجعة للغرفة بس هو مسكها من ايدها

محمد : احلام بليز لاتفهميني غلط والله انا ابي اخطبك اليوم قبل بكرة بس قبل ابي رايك انتي

احلام بخجل : البيت بيتك ودخلت الغرفة بسرعة

ابتسم محمد بقوة وصرخ صرخة فرح وراح لعبدالاله

.........

دخل زي الصاروخ

محمد : عبود خطبتها وسكت لما شاف دموع ولد عمه

قرب منه وحط ايده على كتفه

محمد : عبدالاله شفيك

عبدالاله : جولي

محمد : شفيها

عبدالاله : جولي راحت خلاص معاد بشوفها ثاني

محمد بذهول : شقصدك كيف راحت ووين بتروح هي اصلا تتعالج عن السرطان وما خلصت علاج كيف تروح ونزلت دمعه على خده

عبدالاله : الصباح كانت تسولف معاي وتضحك بس الحين خلاص مابشوف ابتسامتها الحلوة ولا بسمع نصايحها

غمض عواينه كان يبكي بصمت

خلال الثلاث الاسابيع اللي قضاها بالمستشفى تعرف على جولي وتعلق فيها

( جولي كانت مريضة بسرطان الدم وكان علاجها ماشي تمام هي وحيدة امها وابوها بين خمس اولاد عاشت على انها ولد واهلها ما يعاملوها بشكل جيد )

تعلقت بعبدالاله مثل ماهو تعلق فيها من بعد ما لقت منه الحب والحنان وكيف كان يتكلم عن اخته وشوقه لها وهالشيء خلاها تحبه عمرها ما قابلت انسان حنون مثله

...........

كان علاج عبدالاله ماشي زين وقرر الدكتور انه يقدر يطلع من المستشفى ويكمل العلاج الطبيعي في البيت

جلنار صارت بالشهر الخامس باقي لها اربع شهور وتولد

حامل بتوائم ^_^

محمد قرر يتقدم لاحلام بشكل رسمي اليوم فكلم اهله وطلبوا منه يخطبها وبعد ما يرجعوا بالسلامة راح يسووا لهم عرس ما صار ولا استوى

...........

بيت ابو لؤي

ادم : والله هذه الساعة المباركة اللي شفناك فيها يا محمد

محمد : تسلم والله من طيب اصلك

الا وين لؤي

ادم : للحين بالمستشفى

عبدالاله : لؤي اخوك ... سلامات شفيه

ادم : اي اخوي الكبير .. والله يسلمك مو هو المريض زوجته المريضة

هز عبدالاله راسه كان في شك يدور براسه بس يبي يتأكد قبل

دخل ابو لؤي

الاب : حيا من جانا

سلموا على بعض

الاب : ما عرفتنا على اصحابك يا ادم

ادم : يبة محمد الرجال اللي قابلناه بالمستشفى وتعرفنا عليه خبرتك عنه

الاب : ايه واخيرا شفناك ... والله اني اشتقت اشوفك من كثر ما يتكلموا عن الاولاد

محمد بخجل : تسلم عمي لي الشرف والله

كمل ادم : وهذا عبدالاله ولد عمه

الاب : حيا الله عبدالله

ادم : لا يبة عبدالاله

الاب : عبدالاله وعبد الله واحد يا ولدي ولا انت ويش تقول يا عبدالله

ابتسم عبدالاله : صدقت والله يا عمي وبعدين عبدالله اخف من عبدالاله ههههه

ضحكوا عليه

ادم : يعني اسمك مو عاجبك اذا مو عاجبك نتبادل عادي

الاب : وجع يعني الحين الاسم اللي اخترته لك مو حلو يالهيس

ادم : ههههههههه لا يبة امزح انا وين القى اسم احلى من ادم

ضحكوا عليه وعلى تصريفتها

الاب : بس ما قلتوا لي انتوا عيال من يا ولادي اشكالكم مو غريبة علي مدري هو انا شفتكم من قبل او تشبهوا لاحد

محمد : انا محمد سعيد محمد الـ

ادم وابوه فتحوا عواينهم وطالعوا في عبدالاله

ارتبك عبدالاله من نظراتهم ومحمد استغرب تصرفهم فكمل

محمد : وعبدالاله ولد عمي يوسف محمد الـ

وقف ادم وابوه وقربوا من عبدالاله

ادم : انت ولد يوسف

عبدالاله بارتباك : ايه بس ليش ويش صاير

الاب : وامك اسمها صفية

قطب عبدالاله حواجبه : ايه انتوا تعرفوا اهلي

قرب منه ادم وضمه بقووووووووووة

ادم :اخيرا لقيناك يالدب

عبدالاله : .....

محمد : عمي شصاير

الاب وهو يمسح دمعته الحين تعرف وطلع ينادي على زوجته بصوت عالي

جت الام تركض : خير ويش صاير يا بو لؤي

الاب : تعالي معاي المجلس في واحد ابيك تشوفيه

بعد ادم عنه ومسكه من كتوفه : وانا اقول الشبه كبير اتاريك وهز راسه

عبدالاله : ادم ترى طيحت قلبي برجلي قولي ويش السالفة

محمد : ادم اذا مزحة والله مو حلوة

ضحك ادم على خفيف : لا مو مزحة

دخلت الام ومسكها ادم وقربها من عبدالاله

ادم : يمة يشبه من

الام بتفحص : مدري بس كأنه كأنه امممم وشهقت

محمد : خالتي قولوا لنا ويش السالفة

مسكت الام عبدالاله من ايده وحطت ايدها الثانية على خده كانت دموعها على خدها

الام : انت عبدالاله

هز راسه ايجاب

الام : انا خالتك حليمة

فتح عواينة : خالتي

اخذته بحضنها وجلست تبكي وتشهق دموع الفرح اختلطت بدموع الحزن

بعد ما هدأوا قال لهم الاب كل السالفة

عبدالاله : وزوجة لؤي هي

ضحكت الام : من غيرها روح خالتها ... اختك جلنار

ابتسم بقوة : يعني هي كانت معاكم طول المدة هذه ... ابوي جابها لكم

الام : لا من قال اصلا ابوك رماها وشرد والمسكينة ظلت كم يوم ضايعة لين لقتها احلام وجابتها هنا ... سكتت خجل من اللي سوته في بنت اختها

محمد اول ما سمع طاري احلام ابتسم بقوة وانتبه له ادم

ادم : شفيه الاخ

محمد بارتباك : هاه لا لا ولا شيء

ادم بنص عين : متأكد

ابتسم محمد : بعدين اقول لك

ادم : لا مافي الحين تقول

محمد بخجل شوي : امممم يعني بصراحة كنت جاي علشان احم ابي اخطب

شهق ادم ووقف : تخطب يؤ يؤ وانت لحقت تحبني

تفشل محمد منه وحاول يسكته بس راحت عليه كلهم سمعوا كلام ادم

ضحك ادم وجلس : هههههه يالدب وانا اقول شفيه الاخ كل يوم يجي يناديني ويسال عني

اتاريه حبني ويبي يخطبني

محمد وهو يصر على اسنانه : ادم

الاب : ههههه ادم خلي الرجال بحاله

لف لمحمد : تكلم يا ولدي

محمد حس باحراج وما عرف يتكلم

عبدالاله : من بعد اذنك يا عمي احنا كنا جايين علشان نخطب كريمتك احلام الى اخوي وولد عمي محمد

ابتسم الاب : هذه الساعة المباركة انا وين القى احسن منه ويكفيني شرف انه تربية سعيد رجال ونعم الرجال

ابتسم محمد : من اصلك عمي

...................

المستشفى

لؤي : يالله حبيبتي اكلي هذه اللقمة بعد

جلنار : بس والله شبعت انت اللي ما اكلت شيء وجالس تحشيني اكل

لؤي: هههههه ليش دمية محشوة

جلنار : لؤــــــــــــــــي

لؤي : ههه طيبي طيب

وجلس ياكل لقمة ويحاول يعطيها عشر مو مصدق الرجال انه بيصير اب وخايف عياله يجوعوا

اندق الباب وقام يشوف وقبل يفتحه ارسل لها بوسة بالهوا

فتح الباب وفتح عواينها مليونين من المفاجأة الحلوة

ضم الشخص اللي عند الباب : مو مصدق

عبدالاله : ههه لا صدق

دف لؤي ودخل

اول ما طاحت عينها على اخوها نزلت دموعها غصب

راح ركض لها وضمها باقوى ما عنده : اشتقت لك

جلنار : اهئ اهئ وانا اكثر وينك يا خوي كنت محتاجة لك

وبكذا التقى الاخوين ببعض

^_^

......................

ابو لؤي قرر انه يرجع ديرته وكافي غربة وفعلا صار



محمد بعد مارجعوا اهله تزوج احلام وكان زواج خرافي الكل يحكي عنه عاشوا سعيدين مع بعض وعندهم ولد واحد اسمه عبدالله باسم عم محمد المتوفي

ادم تخرج وصار دكتور شاطر وخطب حلا

عبدالاله عاش على ذكرى جولي وقرر انه يشتغل باخلاص ويعمل على اخراج ابوه من السجن طبعا زاره وخبره ان جلنار كانت متزوجة ولد خالتها بالسر وانها حامل من زوجها مو منه وانه ما قال اللي قاله الا علشان يصحي ابوه من السراب اللي عايش فيه

توظف عند عمه وعمه ما قصر معاه كتب حصة من ثروته باسمه وباسم اخته

لؤي وجلنار عندهم توأم ( ياسر ورغد عمرهم سنتين ) وهي الحين حامل بالبيبي الثالث

خالد وملاك لازالوا في عراك مستمر كل ما التقوا

والمفاجأة ان خالد قرر يخطب ملاك الكل اعترض بالبداية كونها اكبر منه بس لما شافوا انها موافقة ما كان عندهم اي حجة

ما بعد الكره الا المحبة

^_^



انتهت 22-2-2012