[لامارا]

ــــــــــــــــ

======
-----------
======


ببيت (علي عبدالرحمن) عائله من المستوى المادي المتوسط ...
مرّ اسبوع من بعد إستقآلتهآ أيآم ثقيله مآطلعت فيهم من غرفتهآ ولآ فآرقت سريرهآ ...



دخلت من الباب وهي تفسخ عبايتها: السلام عليكم
رفع نظره لها بإبتسامه متعبه: وعليكم السلاااام .. يالله حيها
قربت منه فاتحه ذراعاتها تمهيداً لضمه .. جسلت جمبه مسنده راسها على صدره ويديها محوطه وسطه: والله وحشتني مرره يوبـه ..
مسح على شعرها العسلي الكآريه بحنآن: وينك يآلقآطعه تو النآس تذكرتي إن لك أهل
بنبرة حقد مسموعه: وين الأهل بس يآبو سلطآن .. أي أهل .. دخلت رمت السلآم عليك وارتمت بحضنك سآفهتني مآكني روح وجسم بآلمكآن ..

بعدت رآسهآ عن صدر أبوهآ مطبقه شفتيهآ بقرف وهي تنآظرهآ من فوق لتحت بإحتقآر: وليش هآلحكي خآلتي توني بسلم عليك


نزلت فنجآل القهوه من يدهآ وهي تقلب عيونهآ: خآلـتي هه .. شف يآبو سلطآن .. وش قولك لبنتك وهي تقوللي خآلتي .. نآهدووه حبيبتي ترآني زوجة أبوك
نآهد: خير انشآلله وإن كنتي زوجة أبوي وش تبيني أقولك
أم سلطآن: زوجة أبوك من ربتك إنتي وأختك .. تقديراً لي حبيبتي تقولين أمي مب خآلتي
تأففت مآده بوزهآ: مآلي أم غير أمي الله يرحمهآ .. ومآحد ربآني أنآ وصيته غير أبوي .. خآلتي إنتي أم لبنتك ريتآج واولآدك الثلآت .. طول الله بعمرك لهم

خزته بنظرة تهديد: علآمك يآبو سلطآن سآكت .. شف بنتك وقولهآ
أبو سلطآن "أبو نآهد": خلآآآآآص عآد بسكم .. هي نفسهآ نفسهآ السآلفه كل مآتجمعتو صجيتونآ
دخلت من البآب وبيدهآ صينية عليهآ أطبآق الحلى: والله !! من متـى .. نآهـد بجلآلتهآ مشرفتنآ .. والله مب مصدقه عيوني
طيرت عيونهآ للسقف بإشمئزآز " الحين كملت المصآله مع هآلريتآج ومصآختهآ ": لآ والله وانتي الصآدقه إللي توك شرفتينآ


مدت لأمهآ الصينيه منزلتهآ بآلأرض وهي تسلم على نآهد وتبوسهآ بمصآخه: أمموآه .. أمموآه .. أخبآرك يآلقآطعه وينك ..
نآهد: هذآني عندك
بعدت ضفيرتهآ الطويله المجدله عن كتوفهآ لورآ ظهرهآ بدلع مصطنع: آممم وش فيك سآمنـه أكثر .. لآ نآهد مآيصير كل مآشفتك قمتي مليتي أكثر .. شدعوه وصلتي لوزن أمي وأكثر بعد وإنتي توك 29 سنـه ...

تأففت بقرف من هآلقط إللي تقطه عليه ريتآج أختهآ الصغيره من أبوهآ: والله .. ترآ بعدني 26 مـو 29 و عآد مآيهم تزوجـت وزوجي عآجبه سمنتـي .. شوفي نفسكـ بـ الأول معصقلـه مآفيك كيلو لحـم وإنتي 19 سنـه .. إملي شوي خل يجيك زوج سنـع بدآل مآتبورين بهآلبيت معنسـه ..

زفر بتأفف ونفآذ صبر - أبو سلطآن -: لآحوووول .. انتو وش فيكم
نآهد: وش فيه يوبـه مآقلت شي .. مآتشوفهآ بهآلمنظر لآيسر عدو ولآ حبيب .. ترآني أشوف ضلوعهآ وفقرآت عمودهآ عظم فوق عظم من فوق مآتلبس ..


ريتآج: والله حبيبتي وفري إهتمآمك ونصآيحك هذي شوي لأختك صيته .. هذآ مب وقتي للزوآج .. شوفيهآ هي مب رآضيه بمن طلبوهآ
عقدت حآجبيهآ بإستفهآم موجه لأبوهآ: وشـوو ؟!! وش السآلفه يوبـه
أبو سلطآن وهو ينزل الفنجآل من يده للطآوله جمبه: وهذا هو العلم إللي طلبت أشوفك لأجله ..
نآهد: سمي يوبـه
أبو سلطآن: أختك صيتـه يوبـه مآدري وش فيهآ .. طلبهآ عآيلة حميد الربعـه لولدهم عبدالملك مآشآلله عليه خوش رجآل .. مآفيه أسنع من هآلنسب .. عرضت عليهآ هآلشي طآلب رآيهآ مآكملت علمي وطآحت اهي بآلأرض
نآهد: وشهـو !! شلون يعني
ريتآج: يمكن مآسهـآ جنـي ولآ شي أعوذ بـ الله


خزتها بنظره حآقده: بسم الله على أختي من مس الجآن يآجعل من ببآلي يمسهآ مآيخليّهآ
أم سلطآن: لآآآ والله شف شف بنتك يآبو سلطآن وش تقوول .. وش تهذرين انتي وعلى من تدعين يآمآل الـ .....
صآح بعصبيه مقآطعهآ: بسكـــــم خلآص .. وش فيكـم إنتو ماتحشمون أحد مب مآلي عيونكم يآجعلهآ الخزق تطآولون قبآلي
نآهد: والله محد وجهلك دعى أو سبآب مرت أبوي .. لآ إنتي ولاآآآآآ - حركت نظرهآ لريتآج إللي كآنت مطبقه شفتيهآ بقرف وتقلب لهآ عيونهآ ,, ردت لهآ نآهد النظره التحقيريه وكملت- لآ إنتي ولآ غيرك .. كآنك فهمتي شي عآد ذآ إللي على رآسـه بطحـه
صآح بعصبيه ونفآذ صبر مبرق عيونه لهم: تحشمــي يآمــره إنتي ويآهآ

نآهد: السموحه يوبـه .. وتلومني لآمن مآ أجي هنآ .. وش تبيني أجي أسوي .. أنهآن ببيت أبوي وبيتـي .. لآ وقدآم أبوي بعد


رمتهآ بنظره حآقده - هيييين يآنويييهـد .. الحين تسممين أفكآره علينآ وتقطين الغلط عنك - حكت بـ اشمئزآز وهي رآفعه لهآ حآجب وآحد " ريتآج ": لآ حبيبتي يآمرحبآ سآع فيك ببيتك .. بس مثلمآ تبين الإحترآم قدميه بـ الأول
مآدرت إلآ والفنجآل بوجههآ .. رمآه من يده عليهآ: ريتآج قصم بـ الله إن مآ بطلتـي حلقك وإنطميتي لتشوفين إللي مآيرضيك
أم سلطآن وعيونهآ على بنتهآ إللي تتحسس جبينهآ بوجع من الفنجآل إللي صك فيه: وش فيك يآبو سلطآن ترميهآ بـ الفنجآل تصيبهآ ولآ تفقع عيونهآ وكل ذآ عشآن إيش يعني - رمت نآهد بنظرة سميّـه -

أبو سلطآن: يآجعل عيونهآ الفقع إنشآلله تطول لسآنهآ على أختهآ الكبيره وقبآلي بعد قليلة الربـآ إللي مآتستحي على وجههآ مآتحشم أحد أجل هذآ وأنآ جآلس بوجههآ
قربت من أمهآ دآفسه وجههآ بحجرهآ ببكآ مصطنـع: يومــــآآآآآآه شوفيه وش يقول عني وأنآ وش سويت الحين



سفهتهم نآهد وهي تشد يد أبوهآ لهآ بـ إنتبآه: مآعليك يوبه .. قللـي السآلفـه .. وش إللي صآر بصيتـه ..
أبو سلطآن: مدري والله يآبوك .. ارتمت بـ الأرض وقآمت تصيح وتعآفر ترفس برجولهآ مآتبي تشوف أحد .. من يومهآ وهي بغرفتهآ مآطلعت .. لآ أكل ولآ شرب .. حآله غير الحآله مآتسر لآ عدو ولآ حبيب .. مآلقيت غير إني أطلبك تجين تشوفين وش عندهآ
أظلمت عيونهآ بقلق: يآقلبي عليك يآصيته .. يوبه شلون مآطلعت من غرفتهآ صآر لهآ إسبوع .. مآرآحت دوآمهآ يعني .. الشغل بـ المستشفى

نزل عيونه بأسف وهو يهز رآسه بـ النفي مطبق شفتيه: وهذآ ثآني علم .. أختك إستقآلت من المستشفى
برقت عيونهآ بصدمه: وشهــــووووو

رفعت حآجب وآحد بغرور وشبح إبتسآمة شمآته على طرف فمهآ: يآزين مآسوت .. أخيراً حطت رآسهآ بعقلهآ ..
نآهد بحده وهي تخزهآ بنظرآتهآ: وش تقصـدين مرة أبوي !!
أم سلطآن: كم عدنآ وزنآ بسآلفة هآلشغل بهآلمستشفى .. يآشينهآ من سمعه تسود الوجيه .. إنتي مآتدرين سمعة الممرضآت وش تكون .. وش دعوه أصلاً تترك بيتهآ وتوظف وسط الرجآجيل إختلآط من كل نآح .. وقلة حشـم .. بس الشرهه على ميــن - وجهت نظرهآ لزوجهآ وهي تقلب عيونهآ -


زفرت نفس مسموع وهي تتعوذ بـ الله من إبليس: اللهم طولك يآرووووح .. يوبـه خلك معـي .. الحين هي بهآلحآله عشآن تركت شغلهآ ولآ عشآن طلب الزوآج !!
أبو سلطآن: والله مدري يآبنتي .. طلبتك شوفيهآ وش إللي عندهآ .. وش مآبخآطرهآ وأنآ بسويه .. كنهآ مب رآضيه بهآلزوآج بنآقصه .. علميهآ مآنيب جآبرهآ على شي .. مآيصير خآطرهآ إلآ طيب
لحقته أم سلطآن بحده: لآآآآ والله وش تقول إنت بعد يآبو سلطآن .. مآصدقنآ وطلبهآ أحد .. وبعدين على إيش مره شآيفين نفسنآ ورافعين خشومنا ترآ بعده مآدخل عليهآ وشآف وجههآ
نآهد: والله .. وش فيه وجهــهآ بعــد .. انتبهي زين لكلآمك


أم سلطآن: وش بلآك إنتي بعد مآقصدت شي .. إللي قصدته إنهآ تعطي الرجآل فرصه .. مرره وآثقه إنه موآفق وميت عليهآ .. خله بـ الأول يشوف خشتها وتشوفه اهي وبعدين تقرر
نآهد: مآعنه شآفهآ ولآ شآفته .. إذآ مآبغته بدون هآلشوفه خلآص هذآ اللي بيصير
أم سلطآن: صلي ع النبي حبيبتي نآهدووه واذكري ربك ... الحين البنت 24 سنـه وذآ أول طلب زوآج يجيهآ وطبعاً ذآ مآسببه غير هآلشغلـه الوصخه إللي تشتغلهآ

تقطبت ملآمحهآ بعصبيه: أي شغله وصخـه مرة أبوي انتبهي لكلآمك عدل ترآ مآ أسمحلك .. يوبــه شفيك سآكت مآتشوفهآ وش تقول
مسك خشمه من مفرق عيونه وهو مغمض عيونه لآحول له ولآ قوة من هذرة هآلحريم إللي مآعندهم سآلفه ...

أم سلطآن: الكلآم مآيخص صيته طبعاً والنعم فيهآ ذي تربية ابوك .. بس هذآني أقولك تفكير العآلم والنآس بمن توظفت دكتوره ولآ ممرضه وقتهآ كله برآ بيتهآ وسط الرجآل والأجآنب ... خلنآ نزوجهآ أحسن دآم جآيهآ من يطلبهآ .. وبعدين ترآهآ مب صغيره ع الزوآج حبيبتي .. خلآص 24 سنه وش تبي تقعد أكثر من كذآ .. والجمآعه خوش نسب مآينعآبون .. الدور والبآقـي علينـآ .. هــه


سفهتهآ نآهد بعد مارمتهآ بنظره استحقآر حآقده أخيره وهي توقف: استأذنك يوبـه بمر جدي بمجلسه أسلم عليـه وبطلع لصيته اشوف وش السآلفه بدآل هذره مآلهآ دآعي
ريتآج: أجل ليش مآتسمعينآ هذرتك
نآهد: وش سآلفتك إنتي الحين ريتآجووه ترآ مآعندك مآعند جدتي

ريتآج: مآغير تسمين بدنآ بكل زيآره .. لكن تجين تبردين قلوبنآ بخبر سنـع مآفي ...
التفتت لهآ قبل تطلع: وش تبين تسمعين وإنتي إللي يشوف رقعة وجهك يشوف أي سنـع !
ريتآج: الحين تلصقين بلآك فينآ .. حبيبتي أي أخبآر سنعه من عندك انتي .. متى بتحملين أجل كم صآر لك متزوجه ... مآنشوفك غير بخبر تسقيط جنين كل يوم والثاني .. هه ...

برق عيونه وهو يخزهآ بتوعد الحين بيجيب آخرتهآ: ريتــــــــــــــــآآآآآج

بلعت ريقهآ بغصه منزله عيونهآ للأرض بعد مآفهمت الكلآم إللي رمته بهآ ريتآج ... تبي تردهآ له بس مآلقت غير هآلطريقه إللي تقهرهآ فيهآ !!!
رفعت ذقنهآ بتحدي: إيـه إنشآلله قريــب .. بس لآمنـي حملت مآرح أسعد جنآبك بهآلخبر السنـع ... توني الحين دريت ليش كل مآحملت سقطـت .. وشلون بيتم وضعي بخير لآمن فيه عيون حقود حسود .. تطمنـي حبيبتي .. اليوم إللي بتدرين فيه بخبر حملي بيكون هو اليوم إللي رح أولد فيـه .. تؤ تؤ سـوري .. بعـد مآ أولد وأتطمن على نفسي وعلى (عللــوي الصغيروون) - قآلت "عللوي الصغيرون" <<دلع إسم علـي .. بدلع وآضح ومتعمد وهي موجهه نظرآتهآ لأبوهآ إللي إبتسم من تلميح بنته إن ولدهآ إنشآلله رح يكـون سميّـه - .. يلآ بإذنكم بطلـع لأختـي - قآلتهآ وهي تقلب لهم " أم سلطآن وريتآج " عيونهآ بتحقير .. مقفيـه عنهم قبل لآ تسمع أي ردّ ثآني يقهرهآ ...



======
-----------
======



بـ نفس التوقيت ...

بـ فيلآ من المستوى الوسـط ... قآبل الشغآله الثآنيـه والوحيده غير "آشكـي" وهو ينفض يدينه: هآ قلتيلهــآ ؟
أيشآ: فيه إنزل الحين .. شي تآني ؟
وآئل: آممم لآ شكراً .. روحي انتي
دخل يده بحوض النآفوره إللي بوسط المدخل مغسل يدينه فيهآ وهو يبعد أورآق الورد المنثوره بـ الحوض إللي التصقت بيده .. ركن بعدهآ ع الحوض مستند عليه بظهره مكتف يدينه ينتظرهآ وهو زآم شفتيـه يصفـر بدندنـه وجهه مقآبل لبآب الأسنسير ..



لحظآت وإنفتح البآب خرجت منه مستقبلته بـ إبتسآمه عريضه من فمهآ الوآسـع ..
بآدلهآ الإبتسآمه معدل من وقفته بإستقآمه وبعده يديه بجيوب بنطلونه الريآضي الوآسع: هـآآ جآهزه نطلـع برآ ؟
ميلت رآسهآ مستفهمه بهزه خفيفه .. مآفهمـت !
قرب منهآ بخطوآت متبآطئه رجل تتقدم رجـل وقف ورآهآ صآر يحركهآ بـ إتجآه البوآبه الحديديه العريضه الموآجهه للنآفوره الجبسيه الصغيره ..

برآ البوآبه كآن المدخل عريض .. 4 درجـآت رخـآم أبيض بشكـل دورآني ومن الجآنبين الأيمن والأيسر أطرآف السلآلم مزلقآن رفيـع منحدر .. وقفهآ على الطرف الأيسر وهو ينزلهآ بحذر: تمسكي عـدل
ضحكت وعلى ملآمحهآ نظرآت رعب بعد مآ نزلت بكرسيهآ المتحرك بسرعه بسبب العجلآت ع المنحدر: هههههه إنت والله مجنون .. والحين بـ الله وين بنروح !
وآئل: للسينمـآ


التفتت عليه مستفهمه بـ إبتسآمه: وشهـو !!
وآئل: أهآآ بنحضر فيلم .. ولآ مآودك ..
لف بـ الكرسي لورآ: أرجعك الحين
صآحت بضحك تمنعه: هههههه لآ لآ .. لآ لآ وقققققـــــــف إيه إيه بشوف الفلم .. بس جد مآني فآهمه .. ويـن ؟
رجع لفهآ مره ثانيه يحركهآ على الممر الحجري الطويل إللي يشق أرضية الحديقه الخضرآء محوط بسور قصير من الجآنبين من الخشب والخيزرآن .. وصل لمفترق الممر خرج عنه وصآر يمشي على الحشيش الأخضر متوجه لشجرة صفصآف ضخمه فآرعـه ...


فتحت فمهآ مصدومه بإعجآب: إمبيييييييييــــــه
التفتت له وبعدهآ الصدمه الإيجآبيه متمكنه منهآ .. رفع لهآ حآجب وآحد بغـرور: هآ وش رآيك ؟
رجعت تنآظر بـ المكآن حولهآ .. عيونهآ ع البروجيكتر العريض والمرفوع لمسآفه عآليه بـ الحديقه ومقآبله على طآوله صغيره لآبتوب مفتوح ..
حرك كرسيهآ لحد مآقربو لـ كرسي خشبي عريض من الأخشآب الطبيعيه كآن عبآره عن جذع شجرة ضخم مفلوق من نصـه مصمم بشكل كرسي مثبت بـ الأرض تحت شجرة الصفصآف المضلله عليهم بأورآقهآ الخضرآء الكبيره ..


وقف قبآلهآ مدنق عليهآ فآرد لهآ ذرآعينه .. لآ إرآدياً طوعاً لحركته ثبتت ذرآعينهآ على ذرآعيه ممسكه بمرفقيه وهو بمرفقيهآ .. مشدد أعصآبه حتى يقدر ينقلهآ من كرسيهآ للكرسي الخشبي بـ الحديقه
ميسم: لآ اطيح الحيـن وآئل
وآئل: استندي بس علي ولآ يهمك .. معقوله أتركك تطيحين
تمت ثوآني عيونهم معلقه ببعض وهو بعده على وضعه مدنق عليهآ وجهه بوجههآ صآحب الملآمح الهنديـه الجذآبه .. رمشت بعيونهآ الدآكنه الوسيعـه المحوطه برموش كثيفه طويله لآ فتحت عيونهآ التصقت رموسهآ بجفونهآ .. حسّ بأعصآبه رخـت وهي بـ المقآبل انتبهت على رجفة يده الممسكه بيدهآ



نزلت عيونهآ للأرض هآمسه وهي تشدد من مسكتهآ لمرفقيه بقوه: هـآه يلآ إرفعنـي ..
كآنت ثوآني إللي رفعهآ فيهم ونقلهآ بسرعه للكرسي وهو يتنهـد بعمــق: آآآآهــي منك بس يآميسـم
حطت يديهآ ع فمهآ بإحرآج طفولي: هههههه معلييييــش
هز رآسه بـ النفي مبتسم: هآ زين كذآ
ميسم: أهآ حلوو
رفع سبآبته بـ الهوآ: لحظه بس ..
شال مخدتين صغآر من المخدآث المنثوره على العشب الأخضر وصآر يعدلهم ورآ ظهرهآ: أحسن كذآ ولآ شلون
هزت رآسهآ بتأكيد مبتسمه إبتسآمه مطبقه فيهآ شفتيهآ " طبعاً أحسن .. وش هآلإهتمآم إللي مآعمري قد شفته .. هآلحنآن والدفـى .. وشهو بـ الضبط ؟ ": إيـه كذآ أحسـن .. ارتحت أكثر
توجه للآبتوب رآفع سيديهيـن متوجه لهآ: مدري هذول لقيتهم عندي مآهي أفلآم جديده بس أذكر إني شريتهم وأنآ حآب أشوفهم بس نسيتهم كـ العآده .. شوفي ذآ أو ذآ ؟!!


مسكت السي دي الأول كآن فيلم أجنبي The hunger game
وبعده السي دي الثآني كآن فيلم V for vendetta
عقدت حآجبيهآ عآضه على شفتهآ السفلي وهي تنقل نظرهآ بين الإثنين
وآئل: أغيرهم لو تحبين .. هم تقريباً أكشن .. فيه عندي رعب و كوميدي أوو - سكت ثوآني ، كمل بعدهآ بترقب - أو رومآنسي .. تحبين هآلنوعيه ؟
رفعت رآسهآ بإستجآبه سريعه مبرقه عيونهآ: لآ لآ .. لآ حلو الأكشن .. تدري ذوقك حلو بـ الأفلآم ..

أنآ شفت من قبل V for vendetta
وآئل: أجل نشوف hunger game ??
أظلمت عيونهآ بمكر: لآآآ برجع أشوف Vendetta
رفع ذقنه بإستيعآب فآتح فمه: أهــآآآآآ .. أجل تبين تكونين الطرف المسيطر يعني غير إنك بتكونين سآبقتني بـ الأحدآث وتدرين بـ القصه
حركت رآسهآ بتأكيد مغمضه عيونهآ بهدوء: أيوآآآآه .. مضبووط
زفر نفس هآدي مميل رآسه بقلة حيله: أجل مآبيدي شي .. أمرك ست ميسم

مشى لللآب توب .. ظلت تتآبعه وهو يدخل السي دي بيشغله ويعدل التوصيله بـ البروجيكتر " أجل تبي فيلم رومآنسي هآآ !! أصلاً إنت مستحـي وعشآن كذآ جبت هآلنوع من الأفلآم ههههه .. "

هزت رآسهآ بـ النفي مغمضه عيونهآ بـ استيعآب لنظرتهآ الشغوفه الحآنيه له و لحديث النفس بخآطرهآ .. تطرده من بآلهآ " وش بلآك الحين ميسم .. اصصصحــي ، وش هآللي ببآلك .. وشهو .. وش إسمه ! مو بيدي يآربي .. هذآ هو الوقت الوحيد إللي أخرج فيه من ذكرى فرآس خطيبـي ولمشآعري تجآهه .. أخرج فيه من نفسي .. من ميسم الكسيحه قليلة الحيلـه .. الحزينـه ، الكئيبـه ، الصآمتـه .. معـه يرفرف قلبـي .. يوقف نبضي على حآفـه سور بـ آخر دور من أدوآر نآطحة سحآب .. هآلخدر النصفي إللي أحسه معـه يكون خدر كلّــي .. إن كآنت هآلكمّ سآعه إللي أقضيهآ معه وتحسسني بهآلإحسآس بـ الحيآه من جديد يآريت وقتي كله يضيـع معـه وأضيـع أنآ منّـي ! "


قآطعهآ بإستفهآم: بـ إيش سرحآنه ؟
لفت يسآرهآ تنآظره متنحه فآتحه فمهآ ببلآهه: هــآه ؟
مدّ لهآ كيس كرتوني معبى فشآر وهو يأشر برآسه للبروجيكتر
- غمز لهآ مبتسم -: شغـل سينمآ وحركآآت هـآ *_^ !!


أخذت الكيس منه متصنعه الزعل وهي مكتفه يدينهآ مبوزه بزعل طفولي: ابي كولآ
وآئل: لاحوووول والحين مآبفتك منك
رفعت كتوفهآ بهزه بسيطه وبعدهآ مبوزه: مآلي دخل .. أجل شلون إحنآ بسينمآ
وآئل: والسينمآ فيهآ كولآ ؟
رفعت كتوفهآ بلآ مبآلآه: مآدري شوف إنت .. تصــرف

وطى تحته جر كيس بلآستيكي كله مشروبآت متعدده الأنوآع .. سوآ مشروبآت غآزيه أو مشروبآت طآقه أو عصآير طبيعيه ومويـه معدنيه وكيسين شيبس من الحجم العآئلي بنكهتين مختلفتين حطـه بـ الوسط بينآتهم: هآآ شوفي إللي يعجبك .. ومو بس كولآ
فتحت فمهآ مبرقه عيونهآ ضآحكه: لآآآآآآه .. وعآمل حسآب كل شي بعد
وآئل: آمم سآعه كذآ وبتوصل البيتزآ كمآن
فتحت فمهآ بصدمه إيجآبيه: لآآآآآآه له له له جـدّ !!


غمض عيونه محرك رآسه بتأكيد على كلآمه: إصبري بـس
ميسم: وآئل بغيت أسألك .. مآحد هنآ يمآنع هآلشي ..
- هدت من نبرتهآ شويه -: زوجة عميّ مثلاً ..
وآئل: مآحد هنآ اليوم .. وحتى إن كآنو هنآ من يقدر يمآنع ؟ وليش يمآنع أصلاً !! تستخفين بس زيآده يآميسـم
هزت رآسهآ نآفيه الكلآم بقوه وهي تحرك يدينهآ بـ الهوآ: لآآآ لآآآ والله موقصدي كذآ أبدّ .. وربي وآئل مو هذآ إللي قصدته .. إخص عليك شلون يطرآلك هآلشي !


تمت عيونه معلقه بـ الشآشه - مآردّ عليهآ -
همسـت له: وآئــــــل !
وآئل: .............
بنبره حآنيه وإستعطآف: وآئل وربي آسفه .. قسم بـ الله مو هذآ إللي قصدته أبدّ
ميل فمه بـ إبتسآمه خفيفه: مآصآر شي
بعدم تصديق له: لآ صــآر .. نبرتك تغيرتك .. ضآيقتك أدري

لف وجهه لهآ رآفع رجل وحده ع الكرسي ثآنيهآ تحته - بجديه -: مو الفكره يآميسم .. القصد إنك دآيم شآيله رأي أمي بأي شي أسويه معك .. إفهمي .. إللي أسويه معك شي خآص فينآ .. أنآ وإنتي وبـس .. شي يجمعنآ ثنينآتنآ وبس .. مآحد كآن بينآتنآ ولآ معنآ لأجل أهتم له وأحسب لرآيه إعتبآر .. هذآ غير إني هنآ رجل البيت بعد أبوي طبعاً طول الله عمره .. يعني قرآرآت أي أحد بهآلبيت مآتمشي غير بموآفقه مني أنآ .. رأيي أنآ إهو المفروض هنآ .. يعني مو أنآ إللي آخذ الرآي أو الإذن .. فهمتي الحين ؟


ميسم: آمممم وهآلكلآم سآري عليّ أنآ كمآن
وآئل: إنتي أولهم
برقت عيونهآ بحده: وليش إنشآلله
رفع كتوفه بهزه بسيطه: مآيبيلهـآ .. أمي أمرهآ بيد زوجهآ وخوآتي أمرهم بيد أبوي .. إنتي أمرك بيدي أنآ .. عمي موصيني فيك وصآيآ السنيـن .. يعني إنتي بعصمتي لحد مآيستلمك عمي مره ثآنيه .. هآ عرفتي شلون الحين ؟


نزلت رآسهآ بحيآ وآضـح عآضه على طرف شفتهآ السفلى بدون تعليق ..
ابتسم على خجلهآ الوآضح: سحآيـه .. ارفعي رآسك نآظريني
رفعت رآسهآ بسرعه وكأنهآ تذكرت شي: آمم طيب صحيح وين رآحو ؟
أظلمت عيونه بإبتسآمه حسيه بعد مآفهم عليهآ تحآول تضيع السآلفه: مدري والله .. تدرين طلعآت الحريم وش تكون .. زيآره لحريم غيرهم .. وتغريد تدرينهآ بذيل أمي بكل مكآن
رفعت ذقنهآ فآتحه فمهآ: أهـــآآآآ


نزل رجله ع الأرض رآفع الريموت بيده: يلآ بشغل الفيلم بس هآآ وأنآ أحذرك لآ تحكين الفلم .. ترآ أكثر شي يعصبني لآمن أحد درى عن القصه وقبل كل مشهد يصمه لي
سحبت إبهآمهآ وسبآبتهآ حول فمهآ كأنهآ تشد السحآب .. مآرح تحكي شـيّ ..

رفعت عيونهآ للبروجيكتر أول مآ اشتغل ونورت الشآشه العريضه .. انطفت أنوآر الأعمده القصيره المثبته بأرضية الحديقه .. أظلم الجو حولهم إلآ من نور شآشة العرض ... مآكآن الجو خريفي ولآ نسمآته منعشـه .. الحقيقه كآن مكتوم .. أوآخر يونيـو .. 6 ميلآدي .. بعـزّ الحرّ والصيـف إلآ أنهآ حست بـ إنتعآشه غريبه من نسمـه خفيفـه دآعبت طرف شيلتهآ إللي على رآسهآ رآفعتهآ لخشمهآ ... تنهدت بعمـق مكتـوم وهي تبعد طرف حجآبهآ عن وجههآ ... - ابتسم على هآلمشهد الحآلم لهآ ورجع ينآظر بـ الشآشه - ممدد رجوله فآردهآ بـ الأرض.. مسند بظهره للكرسي ضآم مخده صغيره لصدره وبيده كيس الفشآر يآكل منـه ..

مسنده كوعهآ على حآفة ظهر الكرسي .. مميله رآسهآ مسندته على يدهآ جسمهآ مآيل على جمب جهته .. غمضت عيونهآ هآمسه: ............


- نحن نتذكر الفكرة، و ليس الرجل
- و لكن كان الرجل موجوداً
- يمكن أن يٌـمسك به
- يمكن أن يقٌـتل و يٌـنسى
- و لكن بعد 400 عام

ما زال بإمكان الفكرة أن تغيّر العالم
لقد شهدت أول قوة للأفكار
لقد رأيت أناساً يقتلون من أجلها
و يموتون دفاعاً عنها
و لكنك لا يمكن أن تقبل الفكرة
لا يمكنك أن تلمسها أو أن تضمها
الأفكار لا تنزف و لا تشعر بالألم
و لا تعاني
و تلك التي افتقدتها لم تكن فكرة
إنه رجل، رجل جعلني أتذكر
الخامس من تشرين الثاني
رجل لن أنساه أبداً
(الولايات المتحدة الأمريكية) كانت تقوم باحتقارنا

" أنا أقصد من هذ الدولة التي كانت تمتلك كل شيء؟ "
" كل شيء، و الأن و بعد عشرين عاماً "
" ما هي؟ إنها أكبر مستعمرة في العالم "

" لماذا؟ "
لأن الله يستجيب للدعاء "
" دعوني أقل هذا ثانية
..
..
..

" لأن الله يستجيب للدعاء "

لم تكن تلك الحرب التي أشعلوها "
" و لم تكن الأمراض التي أنشئوها
بل كان ذلك العدل، لا أحد يهرب من ماضيه "
" لا أحد يهرب من العدل "

" أتظنون أنه ليس موجوداً في الأعلى؟ "
" أتعتقدون أنه لا يرعى هذا البلد؟ "
كيف يمكنكم أن تفسروا هذا؟ "
" إنه يختبرنا حتى ننجح في الاختبار
علينا أن نفعل ما علينا فعله "
" أن نقوم بالعزل من اجل الحفاظ على الصحة
كنت هناك، لقد رأيت هذا كله "
" علينا أن نعزل المهاجرين و المسلمين
و المثليين الجنسيين و الإرهابيين "
" إنها أمراض امتدت على مر الأجيال
يجب أن يرحلوا، إن القوة تأتي من الوحدة "
" و الوحدة من الإيمان "


- النـص مقتبـس من فيلم V For Vendetta -



كآن يسمع الكلآم مرتين بتوآزي .. بنفس اللحظه .. مآتقدمت أو تأخرت أو حتى تلخبطت وخرجت عن الحوآر الأصلي بـ الفيلم .. لف وجهه ينآظره فآهـي والفشآر معلق بين شفتيه !!!!

فتحت عيونهآ بهدوء مبتسمه لإستيعآبهآ دهشتـه .. للمره الثآنيه بهآلليله يحس بأعصآبه ترخـى وإنفآلآته تهدآ .. هآلنظره الحآلمه من عيونهآ ورمشة جفونهآ المتتآليه بسحـر .. تأسـره .. تخرجه عن إحسآسه الطبيعي تجآهها أووو الإحسآس إللي يحآول يقنع نفسه فيه إنه هو الإحسآس الطبيعي " ويلك من حآلك يآوآئل .. وش إللي بقلبك !! هذآ حلآل أو حرآم .. هـذي الخلوه وش حكمهآ .. سآمحني يآرب والله إني ضآيع .. هآلعلآقه وش بتفرق عن علآقته بخوآته إللي شبوآ وكبرو مع بعـض تحت سقف وآحد .. التوأم دآرين وتغريد .. إيش تفرق ميسم عن دآرين وتغريد .. مآهـم خـوآت .. الثلآثه خوآت .. شقيقآت !!!!


كل مآ لآم نفسه وعآتبهآ أعلنت نفسه الضعيفه تمردهآ ورفضهآ لهآلملآمه وتبريرهآ الضعيف إن مآفي فرق .. بـ إيش تفرق ؟؟ هذآ فرق مسآفآت مو أكثر .. هي كآنت بعيده عنـه وثنتين عآشو معه بمكآن وآحد .. بقربـه .. بـ علآقه إخوه رسميـه بس مآهي علآقة محآرم .. أخوهم بس مآهوب أخوهـم .. هذآ إللي صآر وإنفرض لأسبآب ممنوع البت فيهآ .. بس هـي !! يآرب مآكون غلطآن بحق نفسي وحقهآ .. والأهم بحقك إنت يآرب .. سآمحني يآرب كآني غلطآن والله مدري وش أسوي "


ميسم: ترآ الفلم قرب يخلص
مسح حآجبه الأيمن بعقلة إبهآمه مبتسم بحرج بعد مآدرى على حآله ..
نزلت علبة الكولآ من شفتيهآ بعد مآشربت منهآ .. مدّ يده للعلبه وعيونه معلقه بـ الشآشه .. قربهآ من فمه شرب منهآ مره ونزلهآ
نآظرت فيه مصدومه بإبتسآمه حسيه سآكنه بس هو مآنآظرهآ تمت عيونه على الشآشه .. يدري إنهآ سحآيه وشوي الحين وبتموت بس مآتكلم ولآ التفت لهآ بتعمـد ..

دخلت يدهآ بـ الكيس طلعت لهآ وحده ثآنيه فتحتهآ وشربت منهآ .. أول مآرجعتهآ ع الكرسي مد هو يده وأخذهآ من بعدهآ وشرب منهآ


ميسم: وآئل وش ذآآ !!!
ولآ كنه يدري عن شي: .............
صآحت تنآديه: وآآآآآآئــــــــــل
تصنع الفزع وهو يتنفض بجسمه عن قصـد: بسم الله .. الحين انتي وش فيك
ميسم: لآ والله مندمج مره ..
خزته بنظرة تهديد حآده: وش إللي سويته

يدري وش تقصد يحس حآله بينفجر الحين ضحك على شكلهآ المعصب .. رجع عيونه للشآشه مآيبي يطول ينآظرهآ لأنه بيضحك وبينفضح أمره ومآرح تسآمحه وقتهآ
رفع كتوفه بلآ مبآلآه: وش سويت .. أنآظر الفلـم
ضيقت عيونهآ بحده: والله ؟!! تشوف الفلم .. الحين مآتدري وش سويت !!
وآئل: ميسم وش فيك انتي الحين جنيتي !! اسكتي عآد مآني مركز
ميسم: الحين انت شربت من الكولآ حقتي مرتين وإنت مو دآري بنفسك
نآظر بـ العلبتين بينآتهم بتصنع للإستغرآب: والله ؟ وين حقتي ووين حقتك ؟
ميسم: الإثنين لي أصلا هذي حقتي الأولى وإنت شربت منهآ .. سكتت وخليتهآ لك .. فتحت وحده ثآنيه يآدوب شربت بس منهآ مره وحده وإنت حضرتك رفعتهآ لفمك وشربت منهآ

رفع حآجبيه بإندهآش مصطنع: والله ؟
هزت رآسهآ بتأكيد بنظرة ترجي طفوليه إنه يصدقهآ .. عذبته برآءتهآ .. رحمهآ - همس -: طيب أنآ آسـف .. اندمجت بـ الفلم ومعد دريت عن شي .. الحين أنا مآعندي مآنع أشرب من بعدك ..

ضيقت عيونهآ بتوعد له وهي تخزه بنظره حآقده: بس أنآ عندي مآنع
أطبق شفتيه بتحكم يمنع ضحكه على شكلهآ خلاص مآيقدر يمثل أكثر من كذآ لآزم ينهي السآلفه ولا بينفضح: خلآص طيب علميني بس آخذ اي وحده وإنتي خذي الثآنيه أو إفتحي وحده جديده عآدي كنك مآتبين من بعدي !!

أظلمت عيونهآ بتوعد له " خبييييييييـث ، اجل تبي تحرجني الحين " - رفعت ذقنهآ بحده كن مآهمهآ تلميحه له -: لآ عآدي .. خلآص أنآ بآخذ الأولى هذي .. وإنـت - قربت له بسبآبتهآ الثآنيه إللي توهآ فتحتهآ - وإنت خذ هـذي

رجع نظره للشآشه وهو يرفع العلبه إللي قربتهآ له وشرب منهآ بدون تعليـق ..
حطت يدهآ على صدرهآ وإللي تحس شي يحترق بجوفهآ .. " وييييلـي بس الحين بحترق من هآلإحرآج .. هه والله لآ أوريه .. عآدي مآهمنّـي هــه "

مسكت العلبه الثآنيه ضآغطه عليهآ بقوه .. رفعتهآ لفمهآ تشرب منهآ وتعمدت تطول وهي تشرب .. توصل له إنه عآدي تشرب من بعده مآفيهآ شي .. كآنت تشرب وطرف عيونهآ عليه ينآظره بترقب تبيـه ينآظرهآ ..
بثآنيه بآغتهآ فيها بنظره من طرف عيونه بعد مآستوعب حركتهآ هذي وفهم عليـها .. بس تعمد يسفههآ وهو ينآظر بـ الفلم مبتسم بلعـــــــــآنـــه !



======
-----------
======



يتبـــــــع ...


:::