البارت الثالث
بعد مرور 3 أيام من هالأحدآث .. ما كان في شي مميز في هالـ 3 أيام كل طلعه لـ السوق و تجهيز لـ الرحله
يوم الرحله عند غلا
غلا : حبيبي مو تزعل
مشعل : ووف غلا كل ليله كلميني
غلا : بحاول
مشعل : وربي بفقدك
غلا : ماعليه حبيبي أصبر لين ما نرجع
مشعل : الله يعينني
لميس : أمم اليوم ألبس هذا و إلا ذا ؟؟ " تكلم نفسها "
منال تدخل عليها الغرفه وكانت جاهزه : لميس شنو ؟ ما بتخلصي ؟؟
لميس : متحاره شألبس
منال تروح لها : يووه لميس .. ألبسي أي شي لين ما نوصل وبعدها أحتاري في ملابسك
أم مهند : بنات .. ما خلصتوا للحين ؟؟
منال : مدري عن بنتك الي مأخرتنا
لميس : خلاص خلاص الحين أبدل
أم مهند فتحت عيونها أكثر : تبدلي !! ليه ما تسبحي ؟؟ وليه توك تتفرغي تجهزي الي بتلبسيه ؟
لميس : ماما سبحت أول ما جلست
أم مهند : طيب طيب .. يلا بدلي بسرعه عشان نطلع
هديل : بــآبــــآ ما بنرووح ؟؟
أبو طلال : يووه هديل لا تعوري راسي .. خل أمك تخلص الي في يدها و نمشي
الكل متحمس لـ هالسفر
بعد وصولهم أخذوا 4 شقق .. الأولى لـ الشباب و البزران
والثانيه لـ البنات
والثالثه لـ الرجاجيل
والرابعه لـ الحريم
ريحوا شوي و بعدها طلعوا لـ رحله ع البحر
هديل و غلا يتمشوا ع البحر
بندر و طلال عند البحر قاعدين ع الصخور ويسولفوا و يراقبوا البزران وهم يلعبوا
الرجال يسبحوا و خالد و مهند و جواد ع أطراف البحر يلعبوا بالماي
لميس كانت بعيد عن الأهل كلهم واقفه ع الصخور و تتأمل في البحر
أما منال و الحريم جالسين يسولفوا و الي تشرب شاهي و الي تآكل بسكويتات و حلى و ... الخ
طلال : هههههههههههههههههههههه خلاص بندر لا تضحكني وربي تعبت من الضحك تخيل حتى في الصلاه أذكرك و أضحك
بندر : ههههههههه .. والله ماحد قال لك تتضايق ذاك اليوم
طلال : واللهي ؟
بندر : واللهي
أبو مهند : تعالوا ياشباب تسبحوا معانا
بندر يكلم طلال : هـآ ؟
طلال : أممم " يلف ع عمه " عمي بنجلس نسولف شوي و بنجي نسبح
خالد : وأنا بعد بسبح
طلال : أنت خلك مع هالبزران
خالد : وووف .. الله يفكني منهم
طلال و بندر : هههههههه ويفكنا منك
خالد ضرب لهم خصر و توه بيتكلم بس رن جوال طلال
لما شاف المتصل طلال أبتسم بخبث و أشر له بيده عشان يروح وراح خالد
بندر : آه ورى هالأبتسامه شي .. من المتصل ؟
طلال : هه أنطم
.... : أهلييييين
طلال : هلا و الله بهالصوت
.... : هلا فيك
طلال : شدعوه لا إتصال ولا رسايل ؟؟ ليش متغليين علينا ؟
.... : ههههههه لا تغلي ولا شي .. والله أنت الي كل ما أتصلت عليك يا جوالك مقفل يا ماترد يا تعطيني بيزي
طلال : ههههه آسف و حقك علي
.... : أممم وينك
طلال : ع البحر
.... : أفــآ ولا تمر علي
طلال : هههه وين أمر عليك الله يهديك أنا في وين و أنتي في وين
.... : أممم
طلال : أقول نبويه ..
بندر هنا ما تحمل و ضحك بصوت عـــآلي ومن كثر الضحك قام يكح
بندر : كح كح كح ههههههه كح كح
طلال : ههههههههههههههههه راح فيها الأخوو
.... : معاك أحـد ؟
طلال وهو فاطس ع شكل بندر : أقول أكلمك بعد شووي الجو الحين مو مهيأ
.... : طيب باي
طلال : باي
بندر : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههه
طلال : اعوذ بالله من شرك
بندر : هههههههههه منوو نبويه ؟؟
طلال : ههههههههههه أنت و وجهك هذي نبويه سالفتها طويــــله
بندر : لا طويله ولا قصيره هات السالفه
طلال : ههه أسمع .. تذكر قبل كم يوم لما كنت متضايق
بندر : أيوه
طلال : اليوم الي قبله بالليل قبل لا أنام أتصلت بي هالنبويه ...
يقاطعه بندر : من وين جابت رقمك
طلال يرفع له حاجب : كل تبن و أنطم عشان أقول لك السالفه
بندر : هه طيب تكلم
طلال : أتصلت بي و رفعتها بدون ما أشوف الرقم لأني كنت نايم
أنا : خيــر
المتصل : ألوو
قمت من السرير و عدلت حالي و صوتي : هلا والله منوو معاي
المتصل : أمم هذا مو رقم ساره
أنا : لا مو رقم ساره .. وسكرت الجوال
بعد شوي أتصلت مره ثانيه
أنا : هــآه شتبين بعد ؟
المتصل : حابه أدردش معاك طلال ممكن
أنا : لأ مو ممكن " وتوني أستوعب " : هي من وين جبتي أسمي و كيف عرفتيني ؟
المتصل : مافي شي يخفى علي
أنا : طيب منوو أنتي ؟
المتصل : وحده معجبه فيك
" وجلس طلال يروي لـ بندر كل السالفه " << مافي شي مهم عشان أذكر لكم السالفه
بندر : ههههههههههههههههههههههههه ههههه .. وبما أنها ما قالت لك أسمها من وين طلعت أسمها ؟
طلال : ومن قال لك أن أسمها نبويه
بندر و علامات الأستغراب في وجهه : أجل ؟
طلال : أنا قلت لها بختار لها أسم و سميتها نبويه
بندر : هههههه خوش أسم والله
طلال : طيب قوم نسبح
بندر : يلا
هديل : غلا خلنا نروح نجلس شوي مع منال كاسره خاطري بروحها
غلا : طيب يلا مشينا
هديل : يلا
وصلوا لـ منال
غلا : هااي منوله
هديل : هــآي منال
منال : هـآيآآت
غلا : ما مليتي من الجلسه هنا ؟
منال : إلا مليت بقوه بعد
هديل : تعالي نروح عند البحر
منال : أممم .. يلا
وهم في طريقهم رن جوال غلا
غلا أرتبكت لأن المتصل مشعل عطته بيزي
هديل حست ورى هالأرتباك شي مع إنها ما سمعت صوت الجوال يرن
بعد كم ساعه رجعوا كل واحد لـ الفندق يريحوا شوي
في شقة البنات
كانت فيها غرفتين و 3 حمامات و صاله كبيره
غرفه لـ غلا و هديل
غرفه لـ منال و لميس
وفي كل غرفه حمام و الحمام الثالث في الصاله
غلا كانت تسبح و هديل تجهز ملابس عشان بتسبح لما تخلص غلا
لميس توها مخلصه سباحه و منال على نايمه
لميس تمشط شعرها المبلل و تغني بحزن ..
لميس ما تحب أحد يشوفها في هالحال دموعها متجمعه في عينها هي نفسها ماتدري ليه يمكن لأنها محتاجه لأحد تفضفض له أو تجلس معاه شوي يفهمها و تفهمه ترتاح له و يرتاح لها
مسحت دموعها بس حست أنها تبي تطلع هالدموع يمكن ترتاح شوي
رمت بروحها على السرير و غطت وجهها بـ المخده
صارت تبكي بصمت ..
" وش حكاية لميس ..؟ "
أما هديل الي كانت تجهز ملابسها رن جوال غلا
هديل طالعت فيه شوي و فكرت // منوو المتصل ..؟ وحده من بنات الشله مستحيل ! وأنا شيخصني طيب
هديل لا شعورياً راحت شافت المتصل كان أسمه
" نبض قلبي " << أسم مشعل
هديل رفعته بدون ما تتكلم
مشعل : هلا غلا
هديل : ......
مشعل : غلا وحشتيني وينك ؟؟ ألوو
هديل : ......
مشعل : غلا الليله لازم تكلميني طيب .. باي
هديل سكرته و هي نصدمه
معقوله غلا تكلم واحد !! لا لا ما أصدق .. منوو هذا ؟؟ وليه غلا تكلمه ؟؟
لأ لأ ما أصدق مستحيل غلا تكلم واحد ماتعرفه و ما يقرب لها
سمعت هديل صوت باب الحمام و تركت جوالها في مكانه على سرير غلا
هديل أخذت ملابسها و دخلت الحمام
أما غلا شافت الشاشه حقت الجوال مضيئه يعني كأنه في أحد أتصل أو أحد أستخدم جوالها
على طول جا في بالها أن مشعل أتصل
غلا / بس ليه مافيه مس كوول ..؟!
أخذت الجوال و راحت تشوف آخر المكالمات أنصدمت
مكالمات مستلمه من " نبض قلبي " قبل دقيقه
غلا // معقووله هديل رفعت جوالي ؟؟ هي عمرها ما سوتها الا لما أطلب منها
طيب ليه رفعته ..؟ هي شاكه فيني ؟؟
أنتهى البارت الثالث
توقعاتكم للبارت الرابع
هديل بتسكت عن غلا أو بتفتح معاها الموضوع ..؟
هل غلا بتكره هديل أو العكس ..؟
طلال و " نبويه " وش نهايتهم ..؟
لميس و بكائها وش نهايته
الحب الجديد .. من هم العشآق الي بنتعرف عليهم في البارت الجاي ..
........................