[اسطورة !]

الفــصل العاشر

~~~~~~~~~~
ايه انسني وبنساك وببعد مسافات

وانسى الغلا والحب والذكريات
..........

مشى بسيااارته حتى انتصف بالمكان وقف قبال البيت الوسطي والي يكون لبو هادي على حسب مايذكر
نزل وهو يتوجه لداخل الفيلا
رفع يده بيدق الجرس لكن شاف الباب فاتح تقدم خطوه وهو يدفع بيده ويدخل بشويشه

رغم انه وقت مره الا انه يذكر المكان

تقدم اكثر ووقف بنصف المكان وهو يوجهه وجها لوجه

والكل مفجوع وبوجود الثاني

:ممدوووووح

بلع ريقه وهز راسه برفض لوجوده كل الي مرو عليه بكفه
وهالشــخص بكفه ثانيه هذا شهد عليه بشياء محد شافها
هذا رقبته بين يدينه حياته كلها بخطر
رغم انه بحث عنه بالبدايه لكن بالخير طنش وهو يقول اكيد رجع لديرته
بمانه مو سعودي لكن يشوفه هنا؟

تقدم منه الشخص وهو يتراجع بدون شعور
ممدووح مموح الريشي يخاف ويتراجع
شي يصب بالفاجعه
:ممدوح لو كنت بأحلم فيك مستحيل تطلع بالحلم لنه من المستحيل لقياك بعد هالسنين
..ارمش بعيونه شوي وهو يحس انه مو حقيقه..انت واقع ولا خيال
ممدوح.. ركز نظره فيه ولاحظ الصدمه على وجهه والخوف ايه الخوف
دوون خايف منه ركز نظره وهو يعقد حاجبه.خايف
رجع راسه لو را بعدم تصديق ايوالله خايف
دون خايف منه
:دوون انتـ..قطع كلامه وهو يضحك
وشوي شوي ضحكته ترتفع وصدااه يتردد
بالمكان
حتى رفع يدينه وسد اذانه وهو يحس بصداع
ويهز راسه يبيه يسكت ضحكته مو طبيعيه

كان واقف وراه مصدووم من انه وصل لهنا وواقف قباله
شلون عرف المكان وليش تبعه معقوله يعرف شي
ووش عرف خاله فيه وهو شكله مصدوم معقوله يعرف شي محد يعرفه

..مكان منتبه لمتعب يمكن من الصدمه لكن بالواقع
كان متعب وهاشم كلهم واقفين
ورا نمــــر الي فجئه تلاشت ضحكته وتجهم وجهه
وهو يناظر له ونظرته تحولت لجمووووووود
بعد ماتذكر هو مين بالنسبه لدون الي واقف قباله:انت كيف وصلت لهنا
ممدوح صحى من صدمته مع تغير شكله
ميل فمه على جنب ليش انصدم او بمعنى اخرا خاف غبي هو يوم يخاف من نمر
نمر يكمن من الحرب الي صار بينهم و لمده طويله وبعدها اختفى
وهو ماهتم له لكن فجئه بعد سنه طلع له وبحال العن من قبل صار شخص كبيير
وتصادم معه مره ثاينه وصارت مطارده كبيره بينهم وكان هدفه يقضي عليه او هدف الطرفين الكل يبي يقضي على الثاني
لكن فجأه اختفى مره ثانيه
ولا طلع بعدها الا الاحظه هذي كانت القوه معه ولاتزال معه ونمر
كبر ولا صغر يبقى مروج مخدرات لكـــــن كيف وصل لمتــعب وكيف يعيش معه
ووووو
انتبه لمتعب ورا واقف
هز راسه بعنف لا مستحييل:هيـــــــــــــــ� �م

صرررخ باسمه بدون شعووور من الفكره الي وصلت له
معقوله كل توقعاته طلعت خطا وهيثم مجرد مروج مثله
متعب انتفض من صرخت ممدوح
وهو يستوعب الي قاعد يصير ركض لممدوح
:ممدوح شلون وصلت لهنا
ممدوح نفضه وهو يصرخ بصوت عالي وشير لنمـر:
جيت مع الباااب لكن قلي هذا وش يسويي عندك
او انت وش تسووي هناااا
نمــر تراجع وهو يسمع زئيـــره
تراجع خوفاً من انه يفضح سره
تبخر كل نظره شماته فيه وهو متوتر الغبي كيف نسي انه هو الطرف الضعــيف مو دون
دون طول عمره يمشي بسسليم وحتى لو اخطا بالماضي خطا واحد مايعيبه لكن هو كان كله عباره عن اخطــاء
ويعرف دون طول عمره ميخاف من احد
متعب :ممدوح تركك منه انت شلون عرفت اني هنا
ممدوح بعصبيه :هييثم مستوعب الي تقول هذا انت تعرف هذا مين
تعرف وش حياته
متعب مصدوم من عصبيته نسي حتى كيف دخل
:ممدوح هدي الصراخ وقلي ليش العصبيه والصراخ وكيف تعرف نمــر
ممدوح اخذ نفس عالي هو عرف انه انفعل زياده عن الزوم بس محد يلومه خوفه من ان متعب ممكن يكون متورط بعمال نمر
هذا يخوفه اكثر:هيثم هذا الشخص
متعب بسرعه تكلم وهو يحس انه بيغلط:ممدووووح لتغلط هذا خااااااااااالي
تراجع على ورا بصدمه:خااااالك
متعب هز راسه:خالي ايه خاالي وش فيك ياممدوح انت تعرفه اقصد من متى تعرفه
خالي ماله علاقه بحد هو دايم معي متى عرفك ولـ...مااعرفه ولا عمري شفته يامتعب
كان صوت نمر نطق بجمود وهو يناظر لممدوح بتحدي وكانه يقول تكلم كان عندك جرءه
ممدوح ميل فمه ببتسامه مالمحها الا نمر وهو يناظر له بنفس النظره:ولا انا اعرفه
بس شفت كيف استقبلني نرفزني
متعب ناظر لهم بعدم تصديق
:ولكلام الي سمعت قبل شوي
نمر ناظر لمتعب بغباء:كلام اي كلام ..وكانه يفكر..اااه قصدك
الي قبل شوي .سكت شوي وبعدها ضحك بقووه لدرجت انه هو نفسه انصدم من نفسه كيف
قدر يضحك بهالشكل وهي تمثيل..
هههههههه.لااا بس ههههه ماتشوف شكله كانه من رجال المافياء بهالشعر الاشقر مع البدله السودا
ممدوح ناظر له بصدمه وش يخربط وينه ووين المافيا بس باين الخوف لعب فيه
:ايه مو انت خبير
قالها وهو يناظرله بنظره لها معنى
بلع ريقه وهو يتراجع وممدوح بسرعه وجه كلامه لمتعب:ماتبي تضيفني مو انا اول مره ادخل مزرعتك
متعب ناظر له بتوتر:هاه اه بس مو لي المزرعه
ضحك على جنب:هييثم لاحظ ان الي قبالك ممدوح الريشي
ماتلعب ولا تكذب علي انا اعرف كل شي قبل تنطق ..وبتفكير.ااه صح نسيت انك ماتعرفني الا طفل هههههه
معلينا اعزمني على فنجال قهوه
متعب ابتسم بتوتر:وش تعرف
ممدوح ناظر لنمر وبتحدي:كل شـــي ولا وش رايك ياخال
نمر فتح فمه بيتكلم وقاطعه هاشم:انا هاشم الهادي
..كان يمد يده لممدوح ببتسامه غامضه
ممدوح رد له البتسامه وهو يقول:تشرفنا بمعرفتك انا ممدوح الريشي
هاشم ناظر لمتعب وبعدها رجع نظره له وهو يقول بمزحه يوخر التوتر
: بالمناسبه ترا البيت لي يمكن عشان كذا ماعزمك متعب ههههههههههه
تفضل تفضل اليبيت بيييتك
انت اكلت قلب ابوي والله بس يحكي فيك بالرغم من انك ماجلست معه الا ايام قليله
ابتسم ممدوح لذكرا الرجل الطيب :الله يرحمه كان رجل طيب وكريم
هاشم ناظر له وهو يعقد حاجبه:الله يرحمنا كلنا بس ابوي موجود الله يطول بعمره ويخليه لنا
ممدوح بصدمه وفرحه:والله بس البواب قالـ...سكت وبعدها قال..اللهم امين ربي يحفظه بس وينه
تنهد:سافر مع هادي يتعلاج برا لكن قرب يرجع خلص علاجه وهو بفترت نقاهه الحين
ممدوح جلس وهو يقول:اه الله يردهم بسلامه ووين محمد
هاشم ناظر له بنظره مافهمها وهو يقول:اي محمد ااه قصدك السواق الخاص بابوي
ممدوح هز راسه وهو حاس ان هاشم يعرف شي
هاشم رد برود:سفرناااه بعد مراح ابوي مالنا حاجه فيه
ممدوح سكت هو يلف نظره لمتعب
متعب مثل الابله مشى وراهم اول صدمته به وخاله والحين هو وهاشم وهو مثل الغبي مايعرف شي
لو انكرو
يعرفون بعض والدليل نظرات الكره وتحدي الي بينهم
لكن طنش بمزاجه لنه بيعرف طال الوقت ولا قصر

~~ٍ~~ٍ~~ٍ~~ٍ~~


دخلت غرفة ولدها تقدمت لسريره الصغير رفعت غطاه وهي تنسدح بجنبه وتحضنه

فتح عيونه وبخوف ومن شاف انها امه ابتسم وهو يضمها:ماما
نطقها وصوته مختفي من النوم
همست وهي تقبل راسه:عيون ماااما
غمض عيونه وهو يقول:بابا وين
شهقت بعبرتها الي حست انها مثل السكين الي تعترض حلقها
وهي ترد عليه بحضن عميق وحاني اكثر شي تقدر تقدمه له
وبداخلها تبكي دم وهي تفكر وش ممكن يصير له اذا كبر وعرف بابا وين او مين

حست بحرك خلفها فضمته اكثر وسترخت وهي تسوي نفسها نايمه
هذا حالها من شهر او اكثر
تغيرت كثير تغيرت
اصرارها بلفت انتباه متعب اختفى
صارت ماتهتم له لكن تحاول ماتبين
همها ولدها
ومذكراتها الي تحاول تدون فيها كل حدث صغير وكبير وتهتم بادق التفاصيل الي تصير
حتى لو كانت تاافهه ماتهتم المهم تحفظها له حتى بكرى يعرف ان امه ضحيه طيش
حتى اسمه ذكرته وذكرت عائلته وكل ماتعرفه عنهم والي ماتعرفه بحثت عنه حتى عرفته
ليش ماتدري هي تعرف ومتيقنه ان معرفته فيه ماتزيده الا جروح فوق جروحه وهمومه لكن لشي بداخلها خلاها تسوي هالشي..
=
لف وهو يطلع من الغرفه وبقلبه يهمس سامحيني سامحني سامحوني كلكم هذا الي قدرت عليه
لو كان خطاء لكن لكن ..رفع يده وهو يمسح عبره تعلقت برمشه
سكر الباب وطلع من الغرفه ومن الجناح كله

توجه لجناحه دخل يتسحب دخل الغرفه وناظر لسرير كانت زوجته
لتزال مستغرقه بنومها ابتسم بعشق لها وتقدم وهو ينسدح بقربها
لفت وهي تعطيه وجهها
:كنت عارفه زواجك لهيثم مو طبيعي كنت معطيني الاشاره بتزويجه وفجئه تجيني وتقول هيثم تزوج ومين بنت عمه
وسافر سكت وكتمت بقلبي وانا عارفه انه مو طبيعي وخصوصا وانا اعرف ان هيثم بقلبه وحده ثانيه
..حاول يتكلم يسكته لككن كانت هجوميه بقووه
:حبيبتي انـ...قاطعته بعتاب
:انا شفتك وانت تدخل جناح هيثم بعد ماطلع منه دخلته وطلعت
ودموعك بعيونك منصور اعرف انكم تخبون علي شي بس ممكن تقولي الحين
جلس وهو يلف عنهايقول: ام متعب
انت زوجتي وحبيبتي وبعمري ماخبيت عنك شي
ولا راحـ...قاطعته بعبره:بس بس لتكمل
انت خبيت علي وخلصت
منصور رجع ولف عليها:شي يخصني بعمري ماخبيت عنك
لكن شي مايخصني ومستامن عليه ماقدر سامحيني يا متعب
سكتت لكن بقلبها غبينه مايعلم فيها الا الله هي ام وتحس بولدها تشوفه كيف يكتم وصابر
كيف يعاني وساكت كيف يذبل محد منتبه له لكن خوفها الاكبر تغيره بسنوات الاخير
بدى مختلف عن 3سنوات الاخيره لكن رجعت ممدوح رجعت فيه الروح مره ثانيه
وتتمنى مايتغير الا للحسن
ٍ~~ٍ~~ٍ~~ٍ~~ٍ~~ٍ~~ٍ


:لالا كملو كملو انا اختج وانا ختج
خوااات جمبتس انتي وهي
وانا اخت البطــه يعني
لفو بصدمه لها من صراخهها واقفه على الباب وتناظر لهم بغل
كيف محتضنين بعض ويتكلمون
نوره بصدمه:غزوول شفيج
عهود ناظرت لها وبعده انفجرت ضحك:هههههههههههههههههههه
هههههههههه غيرااانه غييرااانه بنت الخاااال غيرااانه

غزل بعصبيه:تخلخلت عضامتس بلا
لتضحكين انا صادقه جيتي وخذتي اختي مني الا متى تروحون انتم
عهود بصدمه:شنوو تبين الفكه منا لتفرحين لنه لو رحنا بناخذ نوااره
غزل تخصرته:تخسيين تاخذينها اصلا مزوون مايرضى ..وتمد لها لسانها..
نوره ابتسم لها بحب وهي تمد لها يدها:ياروح نوره انتي عهوده تمزح معك مو تزعلين
بلعت ريقها نوره دايم تحس فيها وهي ماتقول كانت تصارخ حتى توخر عبرتها الي مختنقه فيها
لكن نزلت من ابتسمت لها نوره ركضت لها وهي ترتمي بحضنها وتبكي:نوره لتروحين لتروحين وتخليني
نوره احتضنتها وعهود ابتعدت شوي:ياقلبي غزوول من قال بخليك انتي بقلبي وبعدين مراح اخليك انا هنا مراح اطلع من المزرعه
غزل بعبره خنقتها:بس مازن شرير اعرفه مراح يخليك تجين كل وقت
..وبرجاء.. لتاخذينه يانوره تكفين ارفضي
عهود فاتحه فمها مصدومه من غزل:غزل وش هالكلام كيف ترفضه طيب رفضته تبينها تعيش طول عمرها عندك
مصيرها بتتزوج
غزل سكتت وهي تنزل راسها وبعد صمت فجرتها:الهيــثم
شهقت عهود وهي تحط يدها على فمها وتناظر لنووره بخووف
لكن ماظهر على نوره اي ردت فعل لكلام غزل
ابتسمت وهي تقول:نصيبي مازن ياغزل لو انا والكل وقف ضده هو نصيبي وباخذه
رغماً عني رغماً عني ياغزل
غزل رفعت راسها وناظرت لها وشافت نظره كرهت نفسها الف مره على انها
فاتحتها بالموضوع كله
عهود حست الجو تكهرب فقالت اول شي طرى ببالها:وينه اخوج المعفن
نوره عقدت حاجب:مالمعفن الا اخوج يالتبن
عهود برود:مو ولد عمج اكيد بيكون معفن طالعين لبعض
نوره وقفت بعصبيه وهي تشيل علبت الما الي قريبه منها:انا اعلمج مين المعفن زين
ركضت عهود وغزل تضحك عليهم
ركضت وراها وهي تطلع من الغرفه
وتصرخ:مالقت الا الصج معفننين كلكم سبحان الله الي طلعني منكم
زادت عصبيت نوره من كلامها وهي تحذف العلبه عليها لكن هي طلعت من البيت وصدى ضحكاتها تردد
بالمكان نوره ركضت وراها وهي تلتقط العلبه من الارض
وتفتحها وبسررعه جنونيه ركضت وراها
:والله ماخليج يانا يانتي اليله هذااي
عهود توجهت للمزرعه بتهور:صديني كان باخوج خير
نوره بصراخ:الحين اخووي شكووو شكوو تدخلييينه بكل شيي
غزلواقفه على الباب شهقت و
فتحت فمها وهي تشوفهم يركضون ولا انتبهو للأشخاص الي واقفين بعيد يناظرون لهم
وقفت عهود وهي ترجع على ورا
وتناظر لنوره بستفزاز:ش يزعلج انا صاجه اخوج معفن طالع على ولد عمه معفن وولد عمه طالع عليج معفنه
كل واحد اغبى من الثااني ولا بالله شلون الواحد ياخذون حقه وهو واقف يناظر بدون مقاومه
ولا خليني ساككته احسن وش يفيد الحجي وانتم عباره عن اشاخص اغبيااء

نوره كانت واقفه وتناظر فيها بصدمه او فاجعه او شماته مو عارفه تحدد وش تحس فيه
عهود استغربت صدمتها منها:كلامي صدمج ماتعرفين الحقيقه من قبل
نوره اخيرا تكلمت:الحقيقه طالعي ورااااج
كانت تقول كذا وهي تتتراجع
عهود لفت ببطى وشوي شوي تلف حتى واجهتهم صرخت وهي تحط يدها على فمها
كان سعد وممدوح واقفين يناظون لها
بين نظره مصدومه ومعصبه
هزت راسها وهي تتراجع بخوف:انتم اشباح صح
مو صج مو صج نووووووووووووووووووره
سعد ركض لها قبل تهرب وهو يمسكها مع شعرها:تعااالي هنا تعااالي وين بتهربييين
انا معفن هاااه
عهود هزت راسها:لالالا من قاال مو انت انا اناااا انا معفنه وستين معفنه تكفى تكفى ياخوي تركني
شدددها مع شعرها اكثر :اتركج مينوون انا اتركج بعد ماطحتي بيدي
بخووف صرخت لدون:تكــفى ياولد عمي فززعتك فزززعتك ياولد عمي
ممدوح تكتف:لاااا صرت ولد عمج الحين هاه وقبل شوي معفن
سعد لف عليه :دوون
دون ضحك: شكوو هي تقوول مو اناا ههههههههههههه
نوره ضحكت:فكوها هي خبلها ماتدري وش تقوول
عهود هزت راسها بتصحيح:صح صح نوره صح انا خبله ولادري وش اقول فكووني
سعد نفضها وهو يقول:لخاطر نوره بس ولا والله لاادبج تاديب
بعمرج ماشفتيه
عهود ابتعدت وهي تعدل شعرها مت تحت الحجاب:الله يديييم المحبه بينكم ياخوي العزييز
وركضت لجهت غزل الي لتزال واقفه
عند الباب وتناظر من بعيد
نوره بهدو مناقض لكل الضجه الي صارت قبل شوي:مسا الخير ولد عمي
سعد ابتسم بهدو:هلا هلا مسا النور
ممدوح بتسأل:وش عندكم طالعين بهالوقت برا
نوره كتمت ضحكتها :من بنت عمك المينونه
نرفزتني
سعد بقهر من جنون اخته:شسوت بعد هاي البنت عيزنا نعدل فيها
نوره بقهر:تقول لدوني معفـ....قطعت كلمتها وهي تشوف نظرت ممدوح تروح من وراهاه وبتسامه مايله
..ولا شي بس نرفززتني بتلاطيش كلام .وضحكت ..اصلا سمعتوها مايحتاج اعيد
..بتغيير الموضوع ..دوني وين رحت قبل ساعه فجئه اختفيت
سعد لف عليه:جاوب على اختك اسئلك من اليوم ماتجاوب
ممدوح رفع حاجب وضيق كتمه هم ليشش مصرين يعرفون وين راح:وين بروح هنا بس طلعت افرفر شوي
ضايق ليش مسوي سالفه ياسعد
سعد بعصبيه:كذاب لو صادق كان مارجعت بحاله كانك طالع من معتقل بوجهك المتغير وو
قاطعت وهو يشوف كيف نوره خافت:ســــعد وش تخربط والله مصار شي بتكبر السالفه و اصلا مافيه شي
تعالو نجلسس عند النخل كان مافيكم نوم وحتى اثبت لكم مافيني شي..وضحك ببراعه يخفي مابقلبه..هههههههه
وقف بعد مامشى ولف لجهت الباب وهو ينادي بصوت عالي..بنت العم ارسليلنا سهره حلوه ولا تجين انتي ههههههههههه
عهود طارت عيونها وبعصبيه:تخسييي اخليك تستانس انت والمعفنين الي معك
نوره ضحكت :مجنووونه وانت اجن منها لازم يعني تنرفزها
دوني همس لها وهو يمشي معها ورا سعد الي يتقدمهم:شسوي ياخوج استمتع وانا اشوفها متنرفزه
اكون سعيد ههههههههه
نوره ردت عليه:الله يديم عليك السعاده ياقلب اختك بس مو على احساب عهودي مارضى عليها
اشر على خشمه:على هالخشم ياروح اخوك

...كانت تشيل الاغارض وترميهم بسله وهي تسب فييه بعصبييه
وغزل تتابعها بنظراتها بمستغربه ومتعجبه منها :انتي الحين ليش معصبه
عهود حذفت كيس المكسرات بسله بعنف وهي تقول بعصبيه:ماااسعمتيه وش قال
يقول لتجين انا يطردني الجلب والا ماخليه
غزل بصدمه:طيب ليش تنفذين طلبه خليه يولي لو زعلانه منه لترسلين له
السهره
عهود وقفت وهي تفتح فمها بفهاوه:اخلي يولي كيف يعني
بس هو طـ....سكتت وهي تبلع ريقها وبعدها ضربت راسها:جدددد ليش ماخليه يولي
ليش اذا طلب مني شي اسويه وانا معصبه ومتنرفزه بس ماقول لا
غزل بضحكه:هههههههه مفات شي قولي لا الحين
عهود بعنااد:لااااااا لااااااا مراح اتركهم يسهرون بدوني
انا بروح لهم
.شالت السله :يالله انتي تعالي بعد
غزل رفعت يدها :لالا انا وش يوديني معكم
عهود بستغراب:كيف يعني
غزل:انتي معك اخوك ونوره نفس الشي وانا وش يوديني بينكم
عهود بعصبيه:واحنا بنجلس معهم اكيد بنجلس بعيد عنهم بس تعرفين مانقدر نسهر لحالنا باليل المكان بعيد ومليان عمال ويخوف
غزل بعد تردد قررت تروح معها

~~~~~~~~~~~~

:ممكن تقولي كيف تعرف ممدوح او دوون مثل ماتقول

نمر برفض قاطع انه يقول شي وبهجوم دفاعي:ماااعرفه متى تترك الحقيق معي من طلع ولد عمتك وانت ماسكني تحقيق
استح على وجهك انا خااالك
متعب بعصبيه:خااالي وعلى عني وعلى راسي وانت تعرف مارضى عليك بشي لكن
مااارضى ولايمكن ارضى انك تستغفلني لنك خالي وبسكت انا اكره الستغفال والخيانه
وكلكم استغفلتوني حتى انـــت..وشر لهاشم
هاشم رفع يده:انا مالي دخل الرجل ابوي يعرفه
وشرحت لك كيف عرفه وانه ماجلس هنا سبوع واختى ولاحد يعرف ليش
متعب هز راسه:مصدق لكن المصيبه الخال الي ينكر وهو باين اوضح من الشمس
وقف نمر بغضب:انت زودتها اكثر من الازم وانا ساكت التنسى اني خالك
طلع من عنهم بغضب عاارم من نفسه قبل متعب
هاشم تبعه بنظراته حتى اختفى:وش بتسوي الخال زعل عليك
متعب تنهد بضيق:انا من وين القاها ماخلصنا من لافي يجي ممدوح والحين نمر
وش الحل ياهاشم انقذني دخيلك ياولد خالتي
هاشم بتفكير:الخال مامنه خوف وزعله بنمتصه بكم عمليه هههههه وتعرف حماسه
بس المشكله ممدوح عرف مكانك واخاف يقول للافي عنه
متعب بتفكير:ممدوح بسبب تاريخه وخبرته القديمه يمكن اني اشده لي
وينضم لنا مراح يرفض باذن الله هو يحب عمل الخير
هاشم براحه:خلاص انحلت ليش قلق
متعب بضيق:انحلت وين تنحل ولافي خصمنا ياهاشم ماتعرفه كثري
هاشم بذكاء: جيب ممدوح ويختفي خوفنا من لافي جيب ممدوح بس معنا وتنحل كل مشاااكلنا
وعلى ضمااانتي
متعب بسخريا:لا ماشاءالله واثق حكمة عليه من جلسه
هاشم بثقه:طبعا حكمة عليه لكن مارشحته على حكمي من كلام ابوي مانسى كلمته لي
قالي بالحرف الواحد ..جبت لكم عضيد ياهاشم يحل كل مشاكلكم بس اتمكن منه وصله لكم
..لكن كان ابوي خايف انه مايتمكن منه على كلامه وصار الي كان خايف منه
يوم حس ان الوضع مو مطمن هرب هرب وحتى محمد قدر يلعب عليه ويخليه يخبي عنا
هروب حتى تمكن منه
متعب بقهر انهم خبو عليه:بس في يوم هروبه شافه صــقر شافه وهو يهرب ولحقه لكن ماقدر يمسكه وبلغني بنفس اليوم
بس سئلت البواب قال انه مشاف احد غريب
كان الخطا مني مكان يعرف مين ضيوفي
هاشم بفرحه من الي خطر بباله:شافه صقر وهرب منه معناه يعرف شي وسكت كل هالسنين
ولا تكلم يعني يعرف عنا شي ولا بلغ اكيد فيه حكايه ثانيه تربطه معنا كيف يسكت عن خليه مثل كذا
الا براسه هدف
متعب بتفكير:ويمكن عرف وش هدف الخليه وتستر عليها لن عملها نبيل
وهو معروف بعمل الخير
:ويمكن بينضم لخليتكم وعشان كذا سكت

:هاااااااااادي

صرخ هاشم اول مشاف هادي واقف على الباب
وهو يفز
ويركض بتجاهه
وهادي فتح يدينه يستقبله لكن انصدم منه وهو يتعداه
مسسرع وصوته يوصله:ابوي وييينه
هادي بصدمه:شوف الحيوان فاح يديني له يهرب عني
متعب وقف وهو يتقدم منه ويحظنه :هههههه لتلومه مشاتق لشايب والله له فقــده
كبيره
هادي سلم عليه ورد وهو يبعد:والله فقدناكم حتى حنا بس رجعنا والحمدالله
متعب بحب:الحمدالله زال الشر
توجه هو وياه لوين مراح هاشم
وقفو مصدومين بعد ماوصلو
وعيونهم على هاشم محتظن ابوه ويبكي مثل الطفل والشايب يرفع راسه
خوفا من احد يلمح دمعه وهو يقول لولده بحزم يخفي دموعه:يابوي انا بخير وش فيك خلك رجل ليش الدموع مثل الحريم
هاشم ولا عليه من احد ضم ابوه وهو يقبل يده وراسه وخشمه:يابوي اشتقت لك كثيير فقدتك
من شووقي لك ابكي من فرررحتي فييك يابوي
متعب وقف قريب منهم وبتاثر من الموقف:احسدك ياهاشم تقدر تعبر بكل حريه عن مشااعرك
ماتكتهمها
ابتعد عن ابوه لكن ماطلق يده وهو كل شيوي يقبلها
ومتعب تقدم وسلم عليه وتحمد له بسلامه

ِِِِِِِِِِِِِِِِِِِ

:وش هالنذااله اعوذ بالله
جيابه سله وش كبرها ورافضه تعطينا اقل شي حب
ارتشفت من البربيكان وهي ترد عليه :حبتك جنيه قول امين
ممدوح بمغايضه :مقدر لن فيه جنيه تحبني
عهود شهقت والزجاجه بفمها فشرقت وصارت تكح بقووه
ممدوح انفجر ضحــك وهو يشوف شكلها كيف تغير
غزل بخووف:هئئه بتمووت وجهها تغيير يمااامي بتمووت
بلع ريقه وضحكته تلاشت بعد مشافها مزالت تكح ونوره تحاول تسعفها وغزل تصارخ بخوف
تقدم بخوف: بسم الله وش صار
نوره بخوف:شرقت ولا تردد علي
تقدم وهو يقول بخووف:خلود
نوره بخوف:ماترد شوف وجهها تغير
ممدوح بسرعه تدخل:اضغطي على صدرها بسرعه
نوره برتباك:وين وين اضغط
ممدوح بتوتر:على الحاجب الحاجز بسرعه
نوره بخوف:ماعرف ماعرف
ركض لها بتهور وهو يشوفها خلاص بتروح رفع جسمها وهو يضغط على صدرها
بمنطقة الحاجب الحاجز يضغط لداخل وبعده لفووق فجئه كحت بقوووه
وهو ابتعد عنها
غزل عطتها علبت ماء:اشربي عهود
عهود اخذت علبت الماء وهي تقول بعصبيه:كله من نفسسك ولــ
ممدوح يحاول يوخر توتره:ترا كنتي بتموتين ونقذتك اشكرين اقل شي مو تهجمين علي
عهود بعناد:انت السبب
نوره انجنت منهم وقفت لكن وكانت بتقومهم لكن سكتت وهي تسمع ممدوح يقول بخبث:وش قلت انا عشان اكون السبب
عهود وقفت بعصبيه وهي تحس بدوخه بسبب الشرقه:تذكر اني كنت بمووووت
وانت الي عصبت فيني
شكل نهايتي على يدك
لفت عنه متجهه للبيت بعصبيه تتبع اخوها الي قام ينام قبل ساعه
ممدوح بصوت مرتفع حتى يوصل لها:اكيد ومن بيتحمل جنونك غيري
ماردت عليه وهو تبعها بنظره حتى اختفت
:خلــصت
لف لنوره بصدمه نسيها وسرح بفكره:هاه
نوره بنغزه:بتقوم ولا بتجلس تسهر مع القمر
وقف:لالا وش يجلسني ابقوم ورانا قومه بدري وانا طولت بالسهر
نوره بضحكه:تو تتذكر ان وراك قومه
لف عليها وبنظره:وش قصدك من اليوم تنغزين
غزل شالت الاغراض ومشت وراهم
وهو لف وبعده دف اخته:شيلي مع بنت خالك مو تاركه كل شي عليها
نوره تراجعت وشالت بعض الاغراض:ايه غير غير بس وين بتروح مني
انا نوره الريشي يابابا
ممدوح ناظر فيها وبعده ضحك بقوووه:هههههههههههههههه يامغروره
نوره بثقه:مغرور بس ثقه
ضرب على كتفها بعد ما قربت ومشت بجنبه:كفوو طالعه لأخوك
غزل تناظر لهم وبقلبها وش كثر واثقين من انفسهم على كل الي مرو فيه
زاد اعجابها فيهم

ِ~~~ِ~~ِ~~ِ~~ِ~~ِ~

اليوم التالي
الساعه 8باليل

....
خطبة نوره رسميا
مع الملكه.

ببيت ابو غازي الكل
مجتمع

كان ابو سعد وابو غازي جالسين بصدر المجلس

وابو متعب وابو لافي وولده مازن على يمينهم

ممدوح يروح ويجي كل شوي لداخل
يتسلم القهوه والشاي والعصاير
وقايم بكل شي بسعاااده

دخلاته مكانت تخلي من نغزات عهود الي بلاخير دخلت عند نوره ورفضت تطلع
كانت خالته ام سعد وعمته ام غازي هم الي يوصلون له اي شي يحتاجه
:عمتي كيف نوره تكفين مستانسه ولا لا
..كان هذا سؤاله لام غازي
ام غازي بسعاده:ايوالله يابوي مستانسه والبنات مجتمعات معها
يارب يتمم لها على خير
تمتم بامين وهو يشيل الاغراض منها
ويطلع
دخل على الراجال وتلفت ماشاف له اثر
تعجب كل عيال خواله وعمامه فيه ماحد غااايب غيرره ليش وين راح
نزل الدلال وماجد اخذ الدله وصار يصب لهم
وهو جلس وطلع جواله وتصل بمتعب من جديد
رد اخيرا تكلم بهمس :وينك تاخرت
ازدرت ريقه وهو يتسند على السرير:انا سافرت
ممدوح بصدمه:اييش متى وليش ماقلت لي انت قلت بتجي
رد بقلبه قبل لعرف قبل لعرف انه يوم وفااتي ياولد عمتي:جت فجائه السفره ولا قدرت ابلغك وانت مشغول اصلا
ممدوح بضيق:كنت اتمنى تكون موجود بيوم مهم لنوره
متعب من قلب رد:والله اكثر منك اتمنى يادون بس ماكل مانتمناه نحصله
بلغ نوره سلامي وقلها..سكت شوي وبعدها نطق ..هثومي يقول سامحيني غصب عني
ممدوح بضحكه:مانسيت اسمها لك يوم كنا صغار انا نفسي اعرف كيف تحملت تناديك بهادلع .قالها بقرف من دلعه..
بقلبه لنها نوره سمحت لها ولنفسي احبه واعشقه دلعي منها..
قال بهدو وهو يضحك من حر مابقلبه:ههههههههه كانت صغيره ولابي اكسر بخاطرها وهي تشوفني المنقذ لها من الوحوش
ممدوح تذكر وضحك وبحزن تمتم:ههههه الله يرحمه كنا معذبينا ولا اعرف السبب
متعب بقلبه .من حسن حظي :من قرادتكم مدري وش تبون بالمسيكينه
قاطعه لافي:ممدوح انت داقها سولاف من اليوم مع الي ماحضر خطبتت اختك
لو مشغول صدق ليش مجاء
ممدوح انصدم من حصبيت لافي
ومتعب انصدم من كلامه الي وصله وشكله متعمد

:الهـيــثم انت هنا وانا دور عليك من اليوم

متعب بفرحه فز وهو يشوف هادي يدخل عليه:شسوي دايخ ياخوك من السفر قلت ارتاح
..تكلم مع ممدوح الي على الخط ..ممدوح استاذنك ينادون علي
هادي بتعجب:سفر
ممدوح ودعه وسكر منه وهو يلف على لافي:وانت وش عرفك وين الرجال فعلا مشغول
لافي بنظره:مشغول ولا مايقدر يحضر منـ.
قطع كلامه وهو يشوف ولد اخته داخل يركض لهم
ممدوح بستغراب:ولا ايش تعرف شي عنه ماعرفه
لافي احتضن ليث وهو يقول:انت ممدوح الريشي اتعجب ان شي مثل كذا يخفى عنك لكن مو مهم مدامك ماعرفته احسن لك وله ماتعرفه وللجميع لني ماعرف ردت فعلك
ممدوح بعصبيه رد عليه بنفس مستوى صوته:مدام هذا كلامك ليش تقولي ولا بس بتثير الشك بيني وبينه
لافي بصدق:صدقني ياممدوح لا انت ولا هو احمل لكم عداوه اصلا ليش اعاديكم وانت عيال عمي بس متعب يقهرني ببعض تصرفاته يمكن هذا الي يخليني انفر منه
ولا سألني وشي لني اصلا ماعرفها وهذا الي يعصب فيني
ممدوح وقف وهو يقول بتعجب:انت مناقض بكلامك تقول شي وترجع تناقضه بس احب اكد لك متعب بعمره مسوى الخطا
لافي نزل ولد اخته وهمس باذنه وبعدها رفع راسه للمدوح الي واقف ويناظر له:تمنى اتمـــنى ان الي عرفته يطلع كذب او اشاعه
المهم مايكون صح لنه لو طلع صح متعب وكل من يعز عليه بتيضررون

ممدوح هز راسه
بعدم فهم لكلامه
لكن ماريحه ولازم يعرف وش قصده فيه
طلع متوجه لااخته بعد ماقاله الشيخ يناديها حتى يسمع رايها

مايدري ليش تراجع وهو يرسل لسعد ويقوله قل لعمي ينادي
نوره
واسرع متوجه لسياارته
ولا فكر وش ردت فعل نوره لو طلع وتركها
ولا وش عوااااقب خروجه بهالوقت وبعد مواجهة لافي
مكان يعرف انه فتح ابواب جهنم عليه من جديد

..........انتهى