[لامارا]

[ البـارت الخـامس عشـر ]

وقفــت أراقـب النـجوم .. شفت سواد الليل الي أحتضـن القمر بـ ظلامـه .. تكتفـت جنـيه احاول أدفـي روحيه.. شعري بـدى يطـير ويا الهـوى الي يهـب .. رفـعت راسي لـالسما و أطلـقت لـ دمُـوعـي العـنان انها تنـزل و تبـللوجنتـي المتـوردة .. هبـت نسـمـة هَـوى خلتني أرجـع ع ورى لماحسيت بـ ظهري لصق في الجدار .. تنهـدت بـ عذاب .. آآآآآآآه يا غيداء شقـد بتـتـعذبين حتى ف شهـر عسلج هالنذل وراج وراج ..

رجـعت على ورى و فجيت باب الصالة .. دخلـت داخل كان الهـدوء نفـسـه ما تـغيّـر , دخلت الغرفة وانسدحت يمّ منار , خليت ذراعي عليها و علقت انضاري على xxxxبالساعة الي تمـر و تمـر لما غـمـضت عيني ع الساعة 2:30 ..فجيت عيني لما حسيت في حركـة فـي حركة على السرير .. تخيلته مشعل ف بسـرعة لفيت .. فررااااغ , وييينك يا مشعل وينك فيه ؟ طالعتالساعة كانت 4 , منار كانت تتحـركيمين و يسار و ترفس في بطنـي .. عدلتـها و بستها في خدهـا.. نزلت من ع السـرير تـوضيت و صليـت .. دعيـت ربي انه يـرده و يبعـد المشاكل عنـا !

شلـت السجادة عقب ما قريت قرآن .. كانت الساعة 5:45 ومشعل لـ الحينه ما رجـع .. شنو أسوي واليوم الساعة 5 العـصر بتـطير الطائرة .. رفـعت شعري و مشيـتدمعـة تلألأت في عيوني .. فتحت الباب بـ أطلـع الغرفـة .. كانت الصالة ظلام!! ما شغلت الليـت لانيـه ابا أهرب من كل شي .. حتىالنور !!؟ دعـمت في المزهـرية فـ كنت بـأطيـح ع الأرض لكن قبل 10 سانتيمترات عـن الأرض تلقتـني ذراع , رفعـت راسي و تعلقت عيوني ف عيون مشـعل .. نزلـت دمـوعي من شفته جنيه أبين لهخوفي عليه بالدموع و أقول له " حروف حبك دموعي يا مشعل.. دموعي !! "

مشـعل : نشي حبيبي عنالأرض ..

داعبت كلمـاته أذوني فـ غمضـت عيوني , و نشيت عن الأرض,

مشـعل : أدري تأخـرت وايد ,
غيـداء : ......... " أكتفيت اني أراقب الظلام "
مشـعل : آنه آسـف يا الغاليـة و الله ما كان قصدي انيأصـرخ عليج ,
قـلت بـ جديـة : اذا كل مرة بـ تعصب جيه , أعـتبرحياتنـا جحـيـم يا مشعل ,
مشـعل : سامحيني حبيبي , انتيه تعرفيني عصبي , خليناندخل الحجـرة احسن من اليلـسة فيالظلام ..

تبـاعدت عنه و رحت صوب الغـرفة , فجيت الباب و دخـلت, فـتحت باب الكبت و طلعت ثيابي , خليتهم في الشنطة وانا اطـنش عيون مشـعل الي كانتتراقبني , شفته يتجرب مني و جـثى على ركبتـه , حوط بـ أيده ويهي و قال,

مشـعل : شوه تسـوين الغالية ؟
أبتـسـمت : اليوم بنـروح البحـرين لو نسيت ؟

مشـعل بـقى يطالعني و اهوا رافع حياتـه عرفت انه كانيتـوقعني زعلانة عليه .. خليت يدي عكتـفه و قلـت ,

غيـداء : آنه لو أزعل على كل الناس أنته بالذات ما أزعـل عليك !!
مشعل أبـتسم : يا علنـي ما أخـلى منج قولي آآميـن ..

قاطعـنا صوت منار تبـجي , طالعت مشـعل و نضراتي تايـهةكانت نضراته جامدة و اهوا يطالعمنار , طالعني فـ نزلـت راسي ,

مشعل : حبيبي نشي سكتي الياهل

وقـفت من ع الأرض و رحت صوبـها , رفعتها من ع السرير ويلست أسكـتها , شكلها يوعـانة , شفتمشعل يوقف يتـقرب مني , نزلت راسي و ضميت منار لـ صدري ,قلت اتدارك الموقـف

غيـداء : امها الحينه بتيي تاخذهـا
مشعل مـد يده لي وقال : عطينـي اياها ,

ضميـتها أكـثر لـ صدري و طالعـت مشعل بـ خوف..

غيـداء : شوه بتسوي فيها ؟؟

ظل ساكت يطالعني .. مديت له منـار و عيوني على بوزه الي بدى يردد..

مشـعل : بسم الله الرحمن الرحيم

خلاها ف وسـط ذراعـه .. طالعها عقبها فاجأتني إبتسامـته..

مشـعل : غريبة أشـوفـهاساكـتة ؟
غيداء : تتكلم من صجك مشعل ؟
مشـعل : هيه من صجي .. و الله تشوفيني شوه اخلي بالي ف بال ياهلـة .. حتى لو كانت بنته بتبـقى مالها ذنب ف الي يصير..

قاطعـنا صـوت الجـرس ,

غيـداء : هذه اكيد ياسـمين .. عطني منار بـ أوديها لها ..

ما قال شي و مداها لي .. أخذتها و رحت صوب الباب .. فجيته رجعت ع ورى لما تلاقت عيني بـ عيـن فيصـل .. بلـعتريجي و صكيت الباب في ويهه .. سندت روحيه ع الباب و انااتنـفس بـ صعوبـة .. مشعل طلع من الحجرة و اهوا يخلي الشنط فالصالة عسب ما نتأخـر ..

مشعل : شوه فيج ؟
قلت له و انا خايفة : مـ مـ مـاشـي

مشـعل تجرب مني ف خليت يدي ع الباب جني امنعه يطـلع ..

مشـعل : منوه هااه الي برع ؟
غيـداء : فـ فـ ـ يـصـل
مشـعل صـرخ : هـــذا شووووه يســوي هنيـه ؟؟؟ وخري عنالباب خلني اوريه و شلون يعتـب عندباب الشـقـة ..
قلت اترجـاه : مشعل دخيلك لا تسوي شــي تندم علييه..

يودني من ذراعي و عقاني ع اليـدار و اهـوا يقـول..

مشـعل : ووخــــــــــرياقول لج ..

حسيــت روحـيه طلـعت لما سمعت صوت صراخ مشـعل و فيصل .. آآآآآه يا غييداء شقد بـ تصبرين .. انهـلتدمـوعـي على خـدي و ضميت منار الي بدت تبـجي خايفـة !! دخـلمشـعل ف غمضت عيني لما شفت الدم الي طلـع من شفتـه , صـرخ علي ..

مشـعل : هاتي بنته ..

ما جادلـته , مديـت له منـار و عيوني لـ الحينه مغمضتها .. وقفت لما سمـعت صوت مشعل و اهوا يـقول,

مشـعل : ابـعد عن حياتناو لا اباا أشوفك جريب من طريق حرمتي , " صرخ عليه " فاهمني و الله لا ؟؟
فيصـل : قول لـ حرمتـك بتندم ع اليوم الي ساعدت فيهياسمين , " صرخ جنه يباني أسمعه" أعــز انسان عندج بتفقدينه يا غيداء و بـ أعرفج و شلون تفقدين احبابج و خله أبوج يعرف منوه فيصل ؟؟

مدري شوه أسوي لما سـمعت مشـعل جنه بـ يتضارب ويه فيصل ,

مشـعل : تـــــخسي الا انتــــــه تهدد حرمتييه و جداميبــعد

نشيت و عفـدت صوب الحجـرة , لبـست شيلتي و ظهرت لهم برع, خليت يدي ع بوزي لما شفتفيصل زاخ مشعل من كندورته و مسنــدنه ع اليـدار ..

فيصـل : طريجك و بـ أدمــره يا مشعل , بـ أدمـره لانيه ما نسيت شوه سويت فيني انته و اخوك" عص على رقبته " ما نسيت فاااهم ؟؟ و بتدفع الثمنغاليي ..

ما فهمت شوه كان يقصـد بس الي قدرت عليه اني أصـرخ عليـه ,

غيـداء : خــــــــله يا النـــــــذل!!!!!!

فيصل خلاه و التفـت لي و اهوا يطالعـني من فوقـي لـتحـتي , طنشت نضراته و رحت صوب مشعل اليكان مسند روحه ع اليدار موب رايم حتى يتحرك , خليت يدي ع صدره أتأكداذا كان حـيّ و الله ميـت , دقات قلبه الي داعبـت اصابع يدي خلتني أصيح بـ صوت عالي و أحضـنه بـ قوة لـ صدري و انا اقـول..

غيـداء : مشعل آنه ما أروم أعيــش بـدونــــــك

ما اهتمـيت لـ فيصل الي اخذ بنته و مـشى , رفـعت مشعل عن الأرض ساعدوني ثنين من عمال الفـندق و خلوهلي ع كنبـة الصالة , شكرتهم و سديت الباب , رحت صوب مشـعل وسندت راسي على صدره , حسيت بـ جفـه تمسح على راسي و نبرتهالحـنونـة الي كانت تتمـرغ في كيانـي تـدفيني ..

مشـعل : حبيبي لا تخافيـن انا بـخير ..

سمحـت لـ دموعـي انها تغـرق قميـصه , و عيـوني تـغفي مستمتـعة بـ دقـات قلبـه " الهاديـة"

.
.

ع السـاعـة خـمـس العـصـر طارت الطائـرة عن أرض ماليـزيـا الي طبـعت في قلبي أهم اسبـوع مـرعلي ف حياتي كلها , مشعل من تـعبه أول ما طارت الطائرةخلى راسه على كتفي و رقـد , اما آنه طلعت دفتر كنت أحتفظ فيهمن كان عمري 15 سنة .. يودت القلم و كتبت ..

عِـندمـا تـمر أقـطـرة الزمـن

و تبـدد وراها أبـخـرة سـوداء

أغمض عيني لامـرغ وجنتي في بـحر خديكَ

و أتأمـل " نجـمةً " تلألأت في وسـط النهـار

حيثُ عانقت ظلال الشـجرة خيـوط الشـمس الذهبيـة

و دندتالعصـافير لـحنَ العـشـق الحـزيـن

سأرسم لكَ و لـ ح ـبي صورةً أعلقها على جدرآن الزمن

28 / ديسـمـبر / 2006 م
,, لكَ مشـعــل

خـتمـتها بـ دمـعة سالت على الورقـة , صكيت الدفتـر وانا اسمـع صوت يـعلن وصولـنا لأرض البـحرين.. تنـفست بـ راحــة و طالـعت مشـعل , ما حبيت اضايجــهف ربطت حزامـي عقبها ربطت حزامـه و سندت راسي على الدريشة اراقب الطائـرة الي بدت تنـزل تدريجياً في المطـار , هزيت مشـعل بـ هدوء و انا اقول,

غيـداء : حبيبي يلا وصلنا

مشـعل رفـع راسـه من ع كتـفي .. قــال و اهوا يتـثـاوب

مشـعل : مـر الوقـت بـسرعـة

أكتـفيت بـ ابتـسـامـة .. نـش من ع الكـرسي ف آنه بـعد نشيـت , زخيت أيده و نزلـنا من الطائـرة ..اول ما شـفته كان شهاب ولد عمي , سلمع مشـعل عقبها قال لـي ..

شهاب : الحمدلله ع سلامتـج غيداء
غيداء : الله يسلمك .. شلونك شهاب و شخبارها سـمـيـة ويهالحمل ؟
شـهاب أبتـسـم : الحمدلله الكل بـخير..

أكتـفينا عند هذا الحـد .. خلصنا اجرائات الخـروج .. كانت الساعـة 1 الظهـر في البحريـن .. شـي فـرقوقـت واايد بين البحرين و ماليزيا.. ف السيارة مشـعل قطع السكوت لما قال ..

مشـعل : غيداء تبين تروحين ويايه بيت ابويه بعدين نروحيميع بيت عميه ؟
غيـداء : لا ما يحتاي نزلوني بيت ابويه و انته روح بيتعمي .. و المغرب بـنروح انا و انتههناك ..
مشـعل : همممممممم جيه اوكيه ..

مشعل ما رضى يسكـن بعيد عن امه و أبوه .. ف بـنى لنا شـقة داخـل بيت عمي سالم .. هالشي وايدريحـني لانيه ما احب ايلس بـ روحيه و خصوصاً ان مشـعل بـيصير له وقت وايد في شغـله .. وصلـنا بيتأبويـه , قبل ما انزل قلت لـ شهاب ..

غيـداء : شهاب افتـح الصندوق بـ آخذ شنـطة ويايه
شهاب : ان شاء الله

نزل مشعل عقبها نزل وراه شهاب .. فج شهاب الصندوق و طلع لي الشنطة الصغيرة الي كنت حاطة فيهاصوغـة اهلي ..

مشـعل : خليها حبيبي بـ احملها عنـج..

عطيـتها ايـاه و تجدمتـهم , أول ما دخـلت حوش بيـتنا تيمعـت الدموع في عيوني , خلاص يابيتنا ودعتك ف يوم و ليلـة ؟ تجدمت داخل الحوش ابتسمت لما شفتريم تركـض شكلها كانت تلعب ف الحوش .. لما شافتني يات صوبيو اهيا تقـول ..

ريـم : خالوووووووه غيــد




تلقتها أحضـاني .. ضميـتها لـ صدري و يلست أدور فيها ع كبر الحوش و اهيا تضحك حليلـها ..أبتسم لي مشـعل لما شافنــي مستانسـة و أضحك .. انفـج الباب و طلـعت منه غلا كانت تركض يايـة صوبي , حضنتـها اول ما لامسـت ايدي يدهـا ,

غلا : ابيييه غيد ما اصدق انتيه هنيه مرة ثانيـة,

انخشـت ورى ظهري لما شافت مشـعل واقف و رافع حياتـه .. يلسـت أضحك عليها لانها ما كانتلابـسة شيلـة .. محد كان فيالحـوش غيري و غير مشعل ف فصـخت شيلتي و خليتها ع راسها , غلا أبتسمت بـ خجل و قالت ..

غلا : شحالك مشعل ؟
مشـعل : الحمدلله .. انتيه شخبارج و شخبار النتيجة ؟
غلا : الحمدلله تماميشن .. اممممم النتيجة ما نشكي منهاباس تمام..
غيداء : شوه يعني ؟
غلا : ايييييييييه غيد لا تطالعيني جييه تخرعيني و الله ..

طالـعت مشـعل و انا رافعة حاجب من حواجبـي .. ف يـلس يـضحـك ..

غيـداء : بعدين بـ أشوف دواج " قلت و انا اطالعالباب " عيل وينها اميه؟

غلا زخت أيدي و قالت ..

غلا : قلت لها سمعت صوت ريموه تقول خالوه غيد ما صدقـتني .. لاا و يالسة تتطنز عليّ و تقول" تعيب عصوت اميه " قـصي ع غيري..
غيداء + مشعل : ههههههههههههههههههههههههه ههه
غيداء : عنلااتج شووههالرمسة ؟؟ امج هااي ؟
غلا أبتسمت : ههههه هيه اعرف بس اوقات تقهرني .. ما تصدقين من انتيه سافرتي و اهيا حاطةراسها ف راسي .. جنه ماشي حد ف البيت غيري..

مشـيت صوب الباب .. فتح لي مشعل الباب و أبتسم .. طالعتغلا الي كانت تطالعنا و تبتسـمتتطنـز .. دوااج عنديه بعدين غلايه .. دخلـت سمعت صوت اميه..

اميه : الا بـ أسألج نوف كم باجي عليج ؟
نـوف : ما باجي شي .. أقــل من أسـبوع تقريباً في هاليومين .. آآآه بس متى ايي هذا اليوم..

دشـيت الصالـة وانا اركض صوب صـدر أمي الي تلقتني و يـلست تصيح .. ما تحملت دموعهـا الحارة و دفـنت راسي ف حضنهـا .. شقد اشتقت لـ صوتها و للمساتها .. ياعلني ما انحرم منج يا الغاليـة ..

مشـعل : شحالج خالتيه ؟
امي مشت دموعها : الحمدلله دامني أشوفكم بخير .. انته شخبارك و شخبار السفر معاك ؟
مشـعل نزل راسـه :الحمدلله ..

يـاه صوبي و قال ..

مشـعل : غيداء حبيبي انا رايح بيت ابويه و المغرب بـ اييج .. لا تبجين وايد " مش دموعي "ما استحمل اشـوف دموعج يا الغالية ..

احمـرت خـدودي ودفنت راسي في حضن اميه شرات اليـاهلـة..

الكـل : ههههههههههههههههههههههههه ه

عـقب ما طلـع نشيت من حـضن اميـه و سلمت ع نوف الي كانت تـمسح دموعها ..

غيداء : شحالج نـوف ؟؟
نـوف : تمام الحمدلله .. الا و شلون مشعل وياج ؟
أبتسـمت : الله يخليـه لي ..

ما حبيـت أقول لهم عن الي صـار لنا ف ماليزيا عسب مااضايجهم .. نسيت كل الي فيـنـيلما شفت معاملة ابويه لـ نوف و شلون تحسنت .. و علاقـة نــوف و غــلا الي صاروا شرات الخوات و أكثـر .. حمدت ربي ف قلبـي الي رجع الامور شراتقبل و احسـن .. عقب صلاة المغرب صليت و رحنا بيت عمي سالم.. دخلت الحوش عقبها زخ مشعل يدي و أبتسم .. دخلنا الصالةكانت خالتيه ام شهاب و سمية و عليا و نـور كلهـن يالساتف الصالة .. سلمت عليهن و يلست بين نـور و سميـة ..

غيداء : فديتج سمية و شلون الحمل معاج ؟
سمية : اييييييه الله لا يوريـج .. متعـبني هالحمـل متى أولد بـس ..
الكـل : ههههههههههههههههههههههههه هه
ام شهاب : عقبـالج بنيـتي

طالعت مشعل و نـزلـت راسي بـ خـجل .. سمعـت صوت البابينصـك .. دخل عميه سالم من شافني أبتسم وقال ..

سـالم : السلام عليكم
الكـل : و عليكمالسلام و الرحمـة

نشـيت من مكاني و حبيت عميه ع راسـه..

غيداء : شحالك عميه ؟
عمـي سالم : الحمدلله يا بنت الغالي ما نشكي باس و من صوبج ؟
غيداء : يسـرك الـحـال بو شهاب ..

يـلس عميه ع أقرب كرسي له و أشـر عليه .. أبتـسـم و قــال ..

عمي سالم : تعالي الغالية يلـسي يم عـمـج ..

أبتسمت لـ مشعل و رحت صوبه .. يـلست يـمه .. مـر الوقتسريع ما تصدقـون شقد آنه فرحانـةالحينه الله يبـعـد عنا الهـم و يدوم الفرحة علينا يـاا رب.. وقت العشا الكل كان متيمـع ع السـفرة ما عدا عليا الييا لها خالي سـعود صح انه تفاجأ لـوجودي هنيه .. و خلاني أحـن لأيام بيت يدي .. وعدتـه انيه اروح صوبهم و أسلم ع يـدتي كل ما صارت لي فـرصـة ..

غيـداء : الا نور ما طلعت نتايجج ؟
نـور و الاكل في بوزها : لا الحمدلله طلـعت..
مشـعل : عنلاااتج انتيه كم مرة انا قايل لج لا ترمسين و الاكل في بوزج ؟؟
نـور بلعت اللقمـة : اوونك عاد تسوي روحك أحـرجتني جدام غيداء ؟
مشـعل : يا كبرها عند ربي .. انتيه ليش جيه وايد تغارين مني ؟
نـور : افففففففف يا ليتك و الله ما رجعت ما تصدق اذاقلت لك ان البيت كان حلوو بدونك وبدون تعـليقـاتك هـذه
مشـعل : خلاص عيـل من بكرة انا و غيداء بـ نسافر من يديد .. و الله شرايج غيد نروح العمرة ؟
نـــور : أحـلــف انتــه بـس ؟؟
مشـعل يحــرك حيـاتـه : و انتــيـه تظلين هنيه بـروحج ؟شرايج ؟
ام شهاب : بسكم عااد و الله راسي أنـفـجر ما تيـلسون عوجبـة ساكتين .. و انته مشعل متى بـتعقل .. هاي حرمتك هنيه و انته حاط عقلك بـ عقل اختك ؟
نــور : هييييه هييه عاشتالعيوز عاشت ..
ام شـهاب : تعــــــيـــزت ركبـج قولي آآمين..

نـور بـرطمت و كملـت أكلـهها .. يـلست أضـحك عليهـم ,خليت السجين ع الطاولـة , نشـيـت و اناأقـول ..

غيـداء : الحمــدلله
ام شهاب : يلسي بنيتي ما أكلـتي شي أكيد هذلين طفروج ؟؟
أبتـسمت : لا خالتيـه خلاص شبـعت و بعدين وين أطفـر و احلى اثنين يغردون ع الطاولـة..
الكـل : ههههههههههههههههههههههههه ههههه
نـور : نغـرد هاااه ؟؟

أبتسمت لها ف ردت لي الإبتسامـة .. فديت روحـج نـور .. نــش مشعل من ع السفرة و اهوا يـقـول" الحمدلله " .. غسلت يـدي كنت بـ أرجع ايلسوياهم فديتها سوالفهم ما تنـمل .. بس كنت تعبـانة و خصوصاً ان هذا اليوم كانت الاحداث الي فيه تـيي ورى بـعض ..مشعل كان يالس ويه شهاب و عميه سالم ف ما حبيت اضايجه .. رحتلـ نور و قلت لها تدليـني حجـرتنا لانيه ما ادل البيـتزين ..

غيـداء : مشكورة نـور تعبتـج ويايه ..
نـور : افااا عليج تعبـج راحـة , " قالت و اهياتروح صوب الدري " ما اقول الا الله يعيـنجع العلـة الي عـندج ..

يلـسـت اضـحك على سوالفـها و انا أقول في بالي " و أحلى علـة يا نـور لو تعرفين قيمةأخوج عنديه ما قلتين هالرمسـة .. " فجيت باب الغرفةو دخلـت .. الاثاث ما كان غريب عليّ لانيه انا الي أخترتـه .. بس يلست اطالع ترتيب الغرفـة .. كانت واايد كبيرة و فيها بلكونـة صغنونـة .. شيفيها غرفة تبـديل و حمام .. كانت متواضعة و بسيطة بس حلوة وعيبتنيه .. فصخت الشيلة و علقتها ع الشماعـة .. رميت روحيه عالسرير و انا مغمضـة عيني , سمعت صوت الباب ف بطلـت عيوني,

مشـعل : حبيبي شوه فيج يالسة هنيه بروحج ؟
أبتسـمت : ماشي .. بس حسيت روحيه تعبـانة ف ييت أرقـد ..

مشـعل رمى حزام البانطلـون ع الكنبة و دش الحمام يتـسـبح , أبتسمت و لفيت ويهي الجهـةالثانيـة , الله يخليك لي و لا يحرمني منك .. غـفت عيونـي عهذه الكلمـات الي رددتها في قلبـي ..

نشيت ع صوت طق فالباب .. انجلبت الجـهة الثانية و انا متضايجة .. نشيت متمللة , طالعت المكان و نـزلت من ع السرير و انا اتثاوب , لبست شبشابي و رحت صوب الباب .. خليت أذوني ع الباب و همـست..

غيداء : منوه ؟
سميـة : هذه انا سمـيـة اختـج ..

فتحت الباب ,

سميـة : صباح الخيـر غيـداء ..

آآآآآه يا سمية فبيتنا كنت آنه الي ايي لج لين غرفتج .. أصبح عليج كل يوم و انتيه تجازيني بالسكوت .. اما الحيـنه اللهـمّ يا مغيـر الأحوال..

سميـة : حووووو غيداء وين سرحتي ؟
غيـداء : هاااااه شوه تقولين ؟؟
سميـة : أقول لج ما عهدتج جيه دبة نوم للحينه راقدة ؟ اخبرج أول وحدة تنشين ؟
عقدت حواجبي : ليش الحينه كم الساعة ؟؟
سميـة : الساعة الحينه " طالعت ساعـتها "وحـدةالظهـر و انتيه و مشعل راقـدين
فجيت عيـني : شووه ؟؟ ا
سمية : شوه فيج ؟ يلا تعالي ويايـه تحت مليـت يالسـة بـ روحيه اكلم اليدار..
غيداء : ليش وينها خالتيه و نور ؟ و ريلج شهاب ؟
سميـة : خالتيه و نــور راحوا بيــتكم اونها نور تباتيلس ويا غلا و مرة وحدة خالتيهقالت تيلس ويا اميـه .. يقولون نوف شويه تعبانة ..
غيـداء : تظنينها بـ تولد؟؟ لانه انا امس لما رحت قالت تتوقع هاليومين تربي ..
سميــة : هممممممممم مدريو الله .. يجـوز .. يلا تعالي تحت بـ نسولف ..
غيداء : اوكيه بس خليني بـ أصلي الصبح و الظهـر .. اعوذ بالله من الشيطان الرجيم الساعةوحدة و انا ما صليـت و شلون طافتني اصلاً..

سميـة مشت عني و اهيا تقــول ..

سميـة : عيل آنه انطــرج ف المـطبخ بـ أكمل الغـدى اباجتساعديني ..

سـديت باب الحجرة و رحت صوب الحمام " اكرمكم الله" توضيـت و طلعت .. مشعل لـ الحينهراقد ف رحت صوبه و يلست اهزه بـ هدوء و انا اقول ..

غيداء : مشعل حبيبي نـشصـلّ ..
مشـعل : همممممممممممم " و انجلب الجهة الثانيةمتضايج "
غيـداء : مــــــشـــعل شوه فيك حبيبي الساعـة وحدة وانته ما صليـت ..

نــش بسـرعــة و اهوا يقـول ..

مشعل : الساعة وحدة !!!!!!؟

تباعـدت عنـه و انا أقــول ..

مشـعل : هيه وحدة .. يلا نـش حياتي صــلّ طافتنا الصـلاة و حنا راقـدين ..

فـرشـت سـجادتي و لبست حجاب الصلاة .. دخـل مشـعل الحمام شكله بـ ياخذ شاور .. صليـت الصبح و الظهـر و قريت شويهقرآن .. شلت السجادة ع صوت باب الحمام لماطلـع مشـعل أبتسمت له ف رد لي الإبتسـامـة ..

مشـعل : تقـبــل الله يا الغاليـة ..
غيـداء : منا و منك صـالح الأعـمال ..

خليت الـسجادة في الدرج , و نشيت بـ أطلع من الغرفـة,

مشعل : حبيبي وين رايحة ؟؟
غيــداء : بروح بـ ايلس ويه اختيه سمـية فديتها يالسة بـ روحها ..
مشعل : ليش وينها اميه و اختيه نور ؟
غيـداء : تقـول سمـيةرايحيـن بيت ابويـه بـ يلسون وياهن شويه ..

شفـت مشـعل يفرش السجادة ف طلـعت من الغـرفـة , نـزلت من الدري و رحت صـوب المطبـخ رغمانيه ما دليت ف البداية بس شفت الخدامة تدخل ف عرفت ان هذاالمطبـخ , دشيت كانت سميـة تعفس ف الثلاجة,

غيداء : شوه بـ تسوين ؟؟
سميـة صكت الثلاجة و قالت : خلاص انا كملـت باجي بس اسـوي السلطة ..

مـر الوقـت بسـرعة و انا اساعـدها اسـوي السلـطة عقب ما خلصنا خلناها ف الثلاجـة و طلـعنامن المطبـخ , يلسـنا ف الصالة نطالع التلفـزيـون .. شفتمشعل يـنزل من ع الـدري .. رفعت سمية الشيلة ع راسها ..