[فيتامين سي]

بــآرت وآحـــد وعشــرون ..

^

أصبحت متعباً منهك الإحساس والبدن
لم تعد حياتي لها طعم
لم تعد كتاباتي لها معنى الآن
لقد فقدت الحلم الذي تمنيتهُ على الدوام
لقد فقدت التي من أجلها أعيش على هذا الكوكب
لقد خرجت الروح التي تسكنني
لقد جرحت ولم أنزف دماً
بل تمزق جسدي ولم أشعر بالألم
لقد فقدت بصري ولم أعد أفرق بين الليل و النهار
كم الساعةُ الآن . . .؟
لم أذق طعم النوم منذ ليالٍ طِوال
لم أبتسم منذ أيام
أصبحت مريضاً سارحاً في حلم قد أصبح سراب
أقسم بأني أبكي ليل نهار, صباحاً ومساء
أصبحت طفلاً يتيماً فقد عائلته
طفل كان بحضن أمهِ نائماً
لم أعد أشعر بدقات قلبي
لقد مللت البحر والقمر ولم يبقى لي سواك
رحماك يا ربي لم أعد أستطيع الكتابة أكثر
أفرج عني كربتي وأرحمني بواسع رحمتك
وأخرجني من هذه الواقعة الأليمة
أريد أن أرجع سعيداً كما كنت بالسابق
أريد أن أرجع , أريد أن أرجع


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,

مشى بخطوآته الهادئه حتى دخل المزرعه بشهامه آلكل لف لجسمه له وهم يبتسمون له ..
كانوا جالسين على فرشه حمرا ومتجمعين حول القهوه وشبت النار ..
ابوه " الوليد " وعمه " طراد " وفهيد ومخلد فقط ..
بدا يسلم عليهم وآحد واحد ويسألونه عن احواله ويسألهم ..
جلس على مركآأ بجنب عمه طراد ..
لف حوالينه يتأمل المزرعه كآنت جداً غريبه كبيره ولكن قديمه ومبين على مخلد الفقر
لكن كآن يعكس وجهه الحزن كان يضحك بفرح ومستانس ولا يبين ابداً وش في دآخله
كآنوا يسولفون بكل شيء وحتى تطرقوا لأمور عائليه الين جابوا طآري عزآم اللي ماكان معاهم ابداً وكآن يفكر ومرات يسمع نقاشهم ويناقشهم بحكمه ومرات يبتسم فقط
مخلد اشر على عزآم : ومتى زوآج الرجال ذا
الوليد : الأسبوع الجآاي
عزآم لف على ابوه وسكت
مخلد : الله انه يوفقك يا ولدي ومنك المال ومنها العيال
عزآم ابتسم : اهم شيء انك تحظر يا أبو خآلد
مخلد : ايه ان شاء الله انا من الحاضرين
لف عزآم على فهيد وهو يسولف معاآه
فهيد : ليش مشاري ماجاء معك
عزآم : عنده دوام
فهيد : وانت تركت الطب
عزآم : لآ لازلت فيه
فهيد : ياخي احسن لك ترجع لشركه والله انت مادري وش تفكر فيه يا عزآم
عزآم : طيب وش الغلط في تفكيري
فهيد : الشركه اكثر راتب فرق يا خوي فرق
عزآم : انا ماتهمني الفلوس وبيني وبينك احب الطب اكثر انا مادري ليش ابوي راكبه راسه رجعتي لشركه
فهيد : ما طردتك انت اللي استقلت
عزام : بس ابوي اللي سواه ماسمحت فيها كرامتي
فهيد : ابوك مصر انك ترجع لانه شاف ان الشركه ولا شيء من دونك
عزام : انا اعرف ابوي
فهيد : ارجع لشركه
عزام : انا ما اتحمل مزاجية احد ولا احب أكون على منة احد مثلا ابوي لو ركبة راسه وعصب على أي شيء يمكن يطردني بعد وانا ماني ملزوم اصبر على مزاجيته
فهيد : بس لازم ترجع يا عزآم محتاج لك ابوك
رفع سبحته بتكبر وغرور : عنده تركي ومتعب
قطع حديث الجميع صوت خطوات يدين تتخبط على الأرض .. كآئن صغير يحوبي وهو يضحك لمخلد ..
وسع يدينه مخلد في الهوا وهو يناديه
التف جسم عزآم بثقل وهو يبتسم للبزر اللي يحوبي
والجميع كان يناظر فيه ببتسامه
رجع ولف عزام لفهيد يكمل حديثه .. بعدم اهتمام
شاله مخلد في حظنه ثم ناظر لـ الوليد وطراد : هذا ولدي خالد
ابتسموا كلهم
الوليد : هذا اللي قلت لي عنه
ابتسم : أيه
مد يده لمخلد يبي ياخذه : ماشاء الله ماشاء الله
اخذه بين يدينه وهو يلاعبه
اما عزآم فكان غارق في السوالف مع فهيد لانه يكره الأطفال ولا يحبهم .. ابداً
الوليد مده لعزآم يبيه يتعود على الأطفال
لف عزام لابوه : هلآا
الوليد : شف شزوين البزارين اللي ماتحبهم
ضحك الجميع وهو ابتسم
: لا احبهم من قال ما احبهم
الوليد لف على طراد وهو يضحك : عزام شكله بيقول لملاك لاتجيبين بزارين
طراد : هههههههههههه يسويها
مخلد : وراه ما يحبهم
عزآم ابتسم على جنب وسكت
مد يدينه بثقل وشال خالد في حظنه كآن يناظر فيه خالد بعيون بريئه وسعابيله على كتف عزآم
عزآم زحفه عنه وهو يمسح سعابيله رجع وشاله في حظنه ..
مسك وجهه بيد وحده وباسه على خده بخفيف ونزله ..
بدا يحوبي خالد على الأرض لما دخل دآخل
..
فآتن كآنت تشتغل بالمطبخ وتغسل الفناجيل والمواعين وفيه شباك يطل عليهم كانت تناظر فيهم
شافت خالد يلعب بالمويه جنبها شالته بسرعه
: يوه هذي ثالث مره البسكك
حطته على كتفهاا وهي تحاول تنومه ..
طول وهو مآ نآم ويقوم يصيح ومرات ينسدح على كتفه ويسكت .. تعبت منه ونزلته على السرير ..
فاتن : خلك بروح اجيب لك ننه واججي



<<<<<<


وقف عزآم : يلا انا استأذنكم
مخلد : ويــــن بدري
عزآم : مشغول والله يا عم
مخلد : اجل لا تنسى العشاء تراه عندي ولاني عاذرك ابد ان ماجيت
عزآم : يكفي عني ابوي
مخلد : العشاء لك ولا ظني تردني
عزآم ابتسم : ابشر ماردك
مخلد ضحك : اجل الله يستر عليك
طلع وركب سيارته بسرعه مآكآن وده يروح للقصر ولا لبيته ماوده يواجهه احد ماله خلق يروح للمستشفى ولا يقابل مشاري حتى .. مايدري وين يروح
لكن فجأه وهو يمشي شاف نفسه موقف عند فندق زواج فيصل وكآن مولعه انواره ومبين ان اليوم فيه مناسبه
كآن يملاه الناس والسيارات نزل بخطوآت هاديه ولف حوالين الفندق لحتى وصل لاخره كآن يتأمل المكآن كآنت عيونه تتبع اثار المكان صوتها في أذنه وشكلها مرسوم في خياله كان يتذكر كيف حظنها بقوه بيده
كل ماله يعقد حاجبه كره من اللي سواه مايدري وش حس فيه ذيك الساعه مايدري ليش تغير وصار شخص ثاني
كل هذا يقدر يسويه الشيطان
كآن يحس بالكره وهو يتذكر كل شيء والشيء اللي صدمه كيف شافه سالم ؟
وكيف عرف اللي يعرفه ان هالمكان خالي جداً ولا فيه احد كيف شافه وهو عارف ان أصلا سالم مستحيل يسكت له
غمض عيونه بسرعه ثم فتحها بهدوء مدد أصابع يده على دقنه وهو يمسح عليه بتعب لف جسمه وبخطوات هادئه جداا رجع لسيارته وهو يسمع صوت الفنان ..
ركب سيارته وشغلها بدا يمشي بسرعه نزل شماغه على المرتبه اللي جنبه وهو مركز في الطريق
تنهد بصوت عــــآلـــــي ثم تافف بتعب
حس بشعور غريب جـــــــــــــــــــــــد آ لكن ما يدري أيش هو او وش نوع هالشعور بضبط


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,


منسدح في المجلس بخمول وهو يفكر فيهاآ
ليش ترفضني اكثر من مره ليش ماتبيني وش فيني عشان ترفضني ؟

غمض عيونه وهو يحس بضيق وكان فيه شيء يضغط على صدره بقوه
فاقد حنآن اللي بشهر العسل ومتضايق من حال افراح متضايق من فاتن اللي كل شوي ترفضه من دون سبب ولا زال يحبها ويحس ان كل ما رفضته يزداد
أراده في امتلاكهاآ
ضرب الأرض بيده بقوه وتأفف بصوت عالي
انحنى للمخده وغمض عيوننه
..


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,


جلست تفرك يدينه الناعمه الصغيره بين يدينهاآ وهي تحس بالبرد وخافت عليه من البرد هو بعد ..
شالته بين يدينهاآ وهي تلاعبه كآن يضحك بصوت عالي
لاحظت سنه الصغير ضحكت
: طلع لـــــــك سن ؟
دخلت نوره وهي تبتسم لها وله : انتم مانمتوا
فاتن لفت لعمتها : لاء مانمنا يمه تعالي تعالي شوفي طلع له سن
قربت وفتحت فمه
نوره : هههههه ايه يطلع له سن وسنون بعد
قربت فاتن وضمته وهي تبوس جبينه
نوره بتنهيده : فاتن
لفت عليها : هلا
نوره : ابوك اليوم كلمني في موضوعك
فاتن : موضوعي ؟ أي موضوع
نوره : يبيك تتزوجين ومستغرب من تصرفاتك يقول لاهي اللي درست ولا هي اللي تزوجت
فاتن نزلت راسها : ومتى نتخلص من مشكلة الزواج
نوره : اعذريني بس هذي بالذات مامنها خلاص
فاتن ببتسامه اذبلتها الأيام : تتوقعين يسامحني ؟
نوره لفت عليها : انتي ما كسرتي صحن عشان يسامحك يا فاتن
انتي تعرفي وش سويتي ؟
فاتن دمعة عينها بسرعه : حسبي الله ونعم الوكيل
لفت على عمتها
: تتوقعين الى الان ما لحقته حوبتي ؟ الى الان مافيه شيء !
نوره : ان الله يمهل ولا يهمل
فاتن ابتسمت : وش بسوي وش بقول لابوي مثلا
نوره : مادري بس اللي يجونك مناصبهم عاليه ولا ينرفضون
فاتن : هه كل شيء ضدي سبحان الله
لفت نوره على خالد وهي تتنهد : رضعتيه ؟
فاتن : ايه
الا صدق يمه ابوي ما شك بالسالفه اللي كذبنا عليه فيها وقلنا ان فيه حرمه ترضعه
نوره : وحنا دايم نكذب على ذا المسكين ربي سامحنا عز آلله انك يا مخلد ما تقصر معنا ولا تستاهل هالكذب كله
آه آه يا القهر
فاتن : يعني مشت عليه ان حرمه تجي وترضعه

نوره : تطمني مايدري انه انتي
فاتن : متى احط راسي على المخده برآحــــــــــه متى


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,


مسكت يده بدلع : كـــــــــــل هذا لي ؟؟؟؟؟؟؟؟
عقاب : ايه لك يا قلبي واذا مو لك لمن يعني
كآنت التسريحه مليانه عطورات وساعات جايبها لها بجميع الماركات والألوان
حنان لفت عليه وهي تبتسم : بعد قلبي ما قصرت
عقاب : وانا كم عندي حنان
حنان بدلع : وحــــده
عقاب : انا جوعان وانتي ؟
حنان : نص ونص
عقاب : خلينا نروح ناكل في مكآن
حنآن : طيب خلني البس عباتي
عقاب : اوك انتظرك

كآنت تتوقع ان كل الرجال قاسين وحقيرين لان أمها واختها افراح مطلقات وحست بان كل الرجال معتوهين وترفض فكرة الزواج بس لما عاشرت عقاب حست بـ الأختلآف تمآمآ

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,


جلس كـ عآدته مشبك أصابع يدينه ومنزل راسه للأرض ..
دخلت بعصبيه : ليش يا خواني انتم كذا ليش بس انتم اللي تجيبون لنا المصايب
رفع راسه : انتي وش تقولين
تنهدت : وش صار
رجع ونزل راسه وسكت
ديم : نواف وش صاااااااار
نواف : بتزوجهاآ
ديم عقدت حاجبها وبخطوات سريعه قربت منه وجلست جنيه : انت تتكلم صدق ولاااااا كيف
نواف : اتفقت مع نمر
ديم : ونمر ذا مين
نواف : اخوهااااا
ديم : اللي احرقها الله يحرقه
نواف بصدمه : احرقها ؟؟؟؟؟؟؟؟؟؟؟؟؟
ديم : ايه احرقها بسبتك
نواف : كيف يعني احرقها
وسع عيونه وهو يشوفهاا تتكلم
ديم : اخوها من النوع اللي ماينتفاهم معاه اول ماعرف بالموضوع ويوم قام من عندك وقتها كانت تقلي بطاطس اخذ الزيت وكبه عليهاا والبنت صارت تعاني من عدم الثقه من شكلهاا وصارت تغطي وجها بشعرها وتلبس اكمام طويله وتغطي يدينها بالكتب
نواف بحده : الله يحرقققققققققه
ديم : نواف انت مجنون ابوي لو درا بتموت ترا انت تدري ان عايلتنا مايزوجون من برا ولا احد يطلع فينا
نواف : بيكون في السر
ديم : مو من جدك
نواف نزل راسه بصمت ............
ديم : والى متـــــــى يعني ؟
نواف : مادري الى متى بس حاس اني بموت من تأنيب الضمير
ديم : ومتى ببتزوجها وهل في زواج او لآ ؟
نواف : أي زوآج يا شيخه اقولك سر
ديم نزلت راسها : طيب


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,


نايف يأشر لفهد اللي جالس طفشان على التلفزيون ..
: فهيدان تجي تلعب معاي سوني ؟
فهد لف عليه : لآ مآ بي العب
نايف : تراك صاير نفسيه نفس عيال عمك يلا يلا قم
فهد لف جسمه كله لنايف وتربع على الأرض : لآ جد نايف ماتلاحظ ان الكل في هالبيت صاير نفسيه حتى روان ومنار ماعادوا نفس قبل
قرب وجلس قدامه : ايه والله تغيروا عليناا هذا هم البنات ترا لا زعلوا زعلوا
فهد بقهر : طز فيهم
نايف : افف استغفر الله يكرهونك بالعيشه
فهد : نواف نفسيه كل شوي بالزاويه منار دايم في غرفتها ولا تنزل روان دايم مستحيه من اللي صار عزام ماعاد تلقاه ومتغير مممممره وعمي الوليد يبي يسافر وبياخذ عمي طراد وملاك كل شوي على التسريحه ولا تجهز لزواج والباقين كلن نفسي نفسي
نايف : أقول خل اخبالك وامش نلعب دبابات
فهد : ترا انا كل ماركبت معك احط يدي على قلبي
نايف : ليش
فهد : والله خايف من هالدبابات
نايف : يا بن الحلال امش موو جايك شيء

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,



اليـــوم الثـــآآني ..

تنهد وسما باسم الله ودخــل ..

كآن في المجلس رجال كبير بسن وباين انه يقرب لنمر والمملك ونمر واحد جنبه
نواف : سلام عليكم
نمر بدون نفس : عليكم السلام
قرب وجلس قدامهم وهم يناظرون فيه
كان وده يقوم يقول لا مو متزوج
وده يهرب من هالمكآن كلــه ..
لكن مجبور انه يتزوجهاآ لانه وعد نمر
..

مدت لها الكتآب : يلا وقعي
مدت يدينها برجفه ووقعت
دمعت عينها وهي تكرر في داخلها
" والله لا اشعل فيك نيران مو نار "


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,


كآنت لطيفه تجهز له شنطته وهو كان واقف على التسريحه يضبط شماغه
لطيفه : ها يا أبو عزام متى بترجع بسلامه
الوليد : راح ارجع في يوم زواج عزام الصباح ان شاء الله
لطيفه : زواجه باقي عنه ثلاث أيام يعني مو مطول
الوليد : لا ماني مطول ان شاء الله اضبط شغلي وارجع
لطيفه : اجل ماتشوف شر وترجع لنا سالم غانم ان شاء الله
ابتسم لهاا وسلم عليهاا نادا الخدم يشيلون شنطته نزل مع الدرج وهو يشوف نايف يلعب مع متعب بلاستيشن
الوليد : محد مسلم علي
لفوا كلهم عليه وثم قاموا
نايف : يبه تكفى خذني معك
الوليد : لا ما اقدر يا ابوي كلها يومين وجاي
متعب : وزوواج عزام يبه ؟
الوليد : أي بليلته جاي ان شاء الله
متعب : اجل ما تشوف شر يبه
نايف : ترجع بسلامه
الوليد : الله يسلمكم بس وين عزام وتركي ما سلمت عليهم ؟
نايف : عزام في بيته وتركي مادري وين
الوليد : دايم وتركي مختفي مدري وش وراه ذا الولد
نايف : بتمر عزام
الوليد : لا بدق عليه
نايف : طيب
الوليد : اجل يالله انتبهوا على أنفسكم






:: آنتهى البارت ::