[فيتامين سي]

في آلمسجد ..
اول ما خلص صلاآته سلم وجلس يستغفر شويء لف على طراد و مبارك ..
ابتسم : تقبل الله
مبارك : عساه منا ومنك
قاموا وهم يستغفرون ويسبحون لبسوا جزماتهم وطلعوا ..
طراد : هذا كان لابوك
مخلد : ايه كان لابوي
مبارك : الله انه يرحمه يا رب
ركبوا سيارة طراد كلهم وتوجهوا للمزرعــه ..
كآنوا يضحكون ويسولفون طول الطريق ..
نزلوا للمزرعه دخلوا وكآن الجو جدا جميل .. جلسوا على الفرشه وبدا يصب القهوه مخلد
طراد لف لمبارك : وين عزآم وعيال عمه ؟
مخلد : يا ربي ماجاني الاا عزام هم وينهم
مبارك : عزام مادري مايرد عنه تو دقيت على مشاري وراح يجي
مخلد : الله انه يحييه

.....................

فاتن : تصدقين انا مستانسه ان ابوي صار يعزم ويطلع ويروح ويجي قبل مآكان يروح الى للمسجد ومن المسجد للمزرعه
نوره : ابوك أصلا تغير
فاتن نزلت راسهاا : كانت كاسرته الدنيا يمه
نوره : والى الحين كاسرته بس ربك يعينه مافي مثل صبر مخلد صبر
فاتن : والله يزيده صبر يا يمه
نوره : وش رايك تقومين تلبسين خالد اكيد بيناديه مخلد تعرفينه مايصبر على شوفته
فاتن : خليني نخلص العشاء بدري يمه اول شيء خالد لو يطلع ببجامته مو مشكله
نوره : لا عيب
فاتن : يوو يمه كلهم شياب يعني شلون بيركزون
نوره : هئئ هذولي ولدهم يلبسونه من ذهب الشيبان اللي مو عاجبينكك
فاتن : هههههههه طيب بقوم اروشه اول شيء
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,

فتح باب الملحق وهو كاشخ : سلام
الجميع : عليكم السلام !
مشاري : من بيروح معي للعشاء عند مخلد توو عمي دق وقالي شوف من اللي بيجي معك
سالم بتطنز : كلهم شيبان وش نبي فيهم ؟
فايز : يووو رح انت لحالك
مشاري : حمدلله وشكر وش شيبان هناك عماني امش
فهيد : اخذ معكك الشايب
لف عليه متعب : تقصد من
تركي بضحك : عزآم
مشاري : عزام عيا يروح وجحدي واحد يجي يلااا
تركي قام : يلا وش وراي اغير من الجو الشبابي شوي


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,





آلسآاعه 9:44 م

كآنوا متجمعين على الفرشه وتعلا اصوآت ضحكهم وسوالفهم ..
طراد ومبارك يسولفون مع مخلد ولكن مشاري وتركي ساكتين ويبتسمون على كل سالفه ..
دخل خالد وهو راكب المشايه المتحركه كان يمشي برجوله بسرعه لفوا عليه وهم يهلون فيه ,,
وينادونه وهو يضحك ويسككر على وجهه ..
كآن لابس بنطلون كحلي غامض فيه من داخل ريش وجاكيت وردي يملاه الريش وله كاب محطوط على راسه وشعره عشان البرد ..
وصل لمخلد طلعه من المشايه ..
تركي كان يحب البزارين : هذا من
مخلد : هذا خالد
ابتسم ومد يده له واخذه في حظنه وهو يلاعبه
لف على مشاري : يازينه ابي اكله
مشاري : لا صدق حنا ليش ماعندنا بزارين
تركي : دلوعنا نايف هههههههههه
مشاري : ههههههههه عز الله انه دلوعكم ..
طق الباب بخفيف ثم دخل بأ أعتدآل
بصوت جهوري : آلسلآم عليـــكم !
الكل : عليكم السللآم
وقف مخلد وسلم عليه وبعد السؤال عن الحال والاحوآل ..
جلس بجنب مشاري وهو يبتسم ..
مشاري لف عليه : منت جاي هاه
ابتسم : كسرت خاطري
مشاري : بالله انت ماينكسر لك خاطر
بثقل : ليش ماني انسان
مشاري : لا
لف عزآم على تركي اللي عقد خالد من كثر ماباسه وخالد كل شوي يصيح ويمسح خده
تركي : آآآآآه يازينك
عزام : شوي شوي على البزر ذبحته
تركي مد يده ومسك وجهه وعض خده وصار يصيح خالد بصوت عالي
ابتسم عزام وشال خالد بثقل : الله يقلعك فشلتناآ
سحب شماغه من ورا ومسح خد خآلد ..
قعد في حظنه لفتره قصيره بس كان يتعبث في عقال عزام وشماغه وكل شوي ساحب شي من مخباته ويرجعه ..
ابتسم عزام بتسليك لمخلد وكأنه يقول تعال اخذ ولدك عني
دخل يده خالد وطلع 500 ريال من مخباته وحطها في فمه سحبها من فم خالد ودخلها في بنطلونه نزله على الأرض وجلس يعدل شماغه ..

مخلد : متى سافر ابوك يا عزام
عزآم : البارح
مخلد : الله انه يستر عليه لو دريت اجلت العشاء
طراد : بيرجع في ليلة زواج عزام ان شاء الله
مخلد ك ومتى زواجه
عزام : باقي ثلاث أيام
مخلد : الله انه يوفقك ويسعدك ومنك المال ومنها العيال
ابتسم : الله يسلمك


................................................

حطوا العشاء .. ووجهزوا كل شيء حست ان ظهرها بينكسر من التعب ..
رفعت رقبتها فوق وهي تحركهاا : آآه يا رقبتي
نوره : تعالي بسرعه جهزي الصحون والملاعق
فاتن : ماياكلون بيدينهم ذولي
نوره : حطيها اكلوا بيدينهم ولا بملاعق اهم شيء حطي
فاتن تاففت : زين
جاء مخلد ودخل عليهم بالمطبخ : ها خلصتوا العشاء
فاتن : ايه خلص بس يبه ثقيل كيف تشيله لحالك
مخلد : الشكوى لله انتي جيبيه بشيلهه على واحد واحد
اخذ العشاء وصار يحطه عندهم على واحد واحد ..
رغم انه فقير الاا انه كريم جداً ..
نزل كل شيء وجهز السفره وكآنت تفتح النفس من الرز والمكرونا والباستا والمرق وأنواع الفاكهه ..
مخلد : حياكم وسامحونا على القصور
طراد : لا والله كلفت على نفسك يا مخلد
مبارك : الله انه يعطيك العافيه
مخلد : يعافيك
اخذ خالد بين يدينه ودخله عشان مايخرب شيء اخذته فاتن وانسدحت على الكنب بتعب : ااااااااه ضهري
نوره : وراك تغسلين الصحون بعد الله يعينك
فاتن : اووف لا تخليني ابكي بس
نوره : انتي متاكده من المغاسل ولا ؟
فاتن : غاسلتها اليوم الصباح والله وحاطه فيها كل شيء
نوره : قومي تاكدي منهاا اليوم الظهر جاء غبار
فاتن : يالله يمه والله نظااااف
نوره : روحي بسرعه وبخري السيب يلا يا بنت قومي لا تفشلين ابوك
فاتن : طيب بروح احط البخور
نوره : واذا قام احد قبل لا تشوفين المغاسل ؟؟
فاتن : يو يمه تو حطينا العشاء ..


...........................







^
آول مره يا كل بيده حس ان الطعم غريب وآجمل وأول مره يذوق اكل البيت فاقد اكل امه وخواته من زمان عنه ووكل اكلهم اكل الخدم والمطاعم ..
قاآم مشاري قبله وغسل وقف عزآم متوجهه للحمآمات مشاري وقفه : بتروح
عزآم : ماراح امر القصر
مشاري : وليش ؟
عزآم : باقي أغراض ماجبتها بمر السوق اول شيء
مشاري : طيب ترا انا جيت مع تركي وتركي راح لا تخليني بروح معكك
عزآم : طيب
دخل متوجهه للحمآمآت وهو يشم ريحةة البخور كآنت جداً جميله لكن ماركز بالشخص اللي طلع من الحمام ماسك بيده اليمين المبخره


:: آنتهى البارت ::