[فيتامين سي]

آلبآرت آلخآمس والعشرون ..


::
أقفت بك الدنيا
ولا ادري على وين
وفيني بعد ما رحت
الأيـام بـارت
::
كلن توسّــع خاطره
دمعة العين
وأنا دمــــوعي داخل
العين حــارت


..............

تركتنآ يا هم ولآ الحين بآقي ..؟
كم بقى ضلعاً توك ما كسرته ..؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,


لحظآت تمآزج فيها الأفكار والتوتر ..
لآكلآم يعبر او يخفف من روعةة آلصدمه ..
ولآ تبرير .. ولآ عون ..
دقات قلبهاا تكاد تخترق اضلعهاا وتخرج مع قلبهاآ
راسها ينبض بشكل سريع وكأن مع حركته حركةة التفكير وهزه تحسها بـ جسمهاآ وكأنهاا هزةة التشويش اللي في دآخل راسهاآ ,.
رفض الدمع ينزل وكأنه يعلن انتهاء صلاحيته .. فقط حار داخل عينهاآ ..
تهتز بشكل سريع وهي تطلب الخلااص من عمتهاآ اللي مآتدري وش تسوي وش تقول ..
مصيبه بعد مصيبه حياةة تعيسه خاليه من الراحه والطمئنينه .. ..
رفعت يدينهاا تطلب الله ..
يمكن يتردد مخلد عن كلمته ويحن قلبه على فاتن ويرفض ..
بس آلى متى ؟؟
آلى متى
آلى متى
رآح ترفض الخطآب يوم ورا يوم ..
مخلد مو في هذا الغباء حتى ما يفكر او يحس ويشككك ..
مجرد طيبةة النيه ..
انعقد لسانه ههو بعد من كلمةة الرفض لعزآم الوليد ..
حس بشيء غريب ..
مستحيل يرفض واحد مثل هالطبقه الراقيه ..
يرفض من ؟
ما رفض شخص عادي ؟
كـ آي رجل جاي يطلبه فآتن ..
ولكن يرفض عزآم الوليد آل ... ؟؟؟
كآنت هذي الفكره صعبه بنسبه له ..
يرفض عزآم ويرفض الوليد ..
ليش شايف مقامه وشايف مقامهم ..
كآن في شخص رفعه لسمااء وهو يشوف احد من هالعايله خطب منه ..
يمكن تكون الصدمه ابسط لو كان شخص اخر ..
كـ فهيد كـ مشاري كـ سالم كـ متعب كـ تركي كـ فايز كـ فارس كـ نوآف كـ أي وآحد منهم
لكن صدمه بنسبه له انه يكون عزآم .. اللي تمنآا لو كآن ولده ..
من شخصيته من ثقله من كلمته اللي يحترمها الجميع ..
ولصوته ايضاً حكايه ثانيه فـ صوته لحآله كآن شخصيه عظمآ ..
..
رفعت راسها لفوق وهي ترتجي آلله بكل جوآرحهاآ ..
تنهدت بضيق
وطلع الكلام بغصه وعبره : وش اسوي يا يمه ؟
..
آما نوره فـ كآنت منزله راسها بصمت وكأن كل شيء صار حمل فوق ظهرها اللي راح ينهد في أي وقت ..
هزت راسها : حل وآحد لآ غير
وسعت عيونهاا وهي تدعي انه حل نافع : وشهو يمه وووش

نوره : ............................ ؟


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,


ركب سيارته وهو متوجهه لبيت مخلد ..
وهو يحاول يتذكر آسمهاآ تذكر ان مخلد ناداها بس وش كآن آلاسم ..
حط يده على دقنه وهو يتذكر : فـ فـ
نزل راسه وهو يحاول يتذكر
: ايه فتون
وصل للمزرعه وهو يشوف سيارةة مشاري آللي فيهاا عمه مبارك .. ومشاري ..
كلهم كآن مبين من وجيهم الضيق وآلغصب ..
نزل من سيارته وهو يمد الريموت يقفللهاآ ..
دخل بخطوآت هادئه تحمل الزره والأعتدآل ..
دخلوآ عند مخلد اللي معآه آلـ " مملك " وكآن بقمةة سعادته .. وقمةة فرحته ..
اللي ماتشيلهاآ حتى آلارض ولآ شال عينه عن عزآم .. ابداً




,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,


شهد : لآ تعلقين نفسك فيه خلآص بيعيه مثل مآ بآعك ..
ملآك بصمت : .............
شهد : ما يستآهلك الله يا خذه ان شاء الله هذا عزآم اللي منكسره ارقابكم عليه
ملاك بعبره : عمي الوليد ما عرف صح
شهد شهقت : هئئئئئ لا ما عرف ياويلي لو عرف
ملاك : ماراح اسكت وبقول له
شهد : خليه يخلص شغلهه يا بنت بكره راح يجي ..
ملاك نزلت دموعهاا : المفروض بكره زوآجي
شهد مسحت على شعرها : آنتي على تأثير آلصدمه للحين ..
ملآك : طيب وش السبب انا وش فيني
شهد : مآ فيك الاا كل خير بس انتي اهدي وش بك
ملاك : بس آنا احبه
شهد : لالالا آكرهيه نفس مآ كرهك اكرهيه



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,


فتح الباب وهو لا زال غاضب اشد الغضب من عزآم اللي دخل وطلق بدون أي سبب وصار له ثلاث أيام مايدرون عنه ومقفل جوآله ..
طارق وهو يضم تركي : بـــــــابا حبيبي اشتئت لك
تركي ببتسامه حزينه : وانا بعد اشتقت لك
سحر : اخيراً شرفت ؟
تركي تنهد وسكر الباب ودخل شقته كآنت تاكل حب من دون ماتناظر فيه ومدده رجلينهاآ على الطاوله ..
تركي : ناقصكم شيء ولا
سحر : ايه وانته هلا بس تجي تسأل عن البيت ولا بتسأل عن ام ابنك
تركي تنهد : سحر راسي يوجعني مالي خلق قرقك اللي ما يخلص ولا له نهايه ابدا

سحر : وانته دايم راسك يجعك لما تجي عندي والالم هاد مابيخلص نهائيا
تركي تنهد وسحب يد طارق وجلسه في حظنه بصمت .. حط يده على خده وهو يناظر االارض بصمت ..
كآن التعب هآده هد وتفكيره في عزآم أيضا كآن موجعه جدا
قامت وهي تمشي بخفيف رفع راسه يناظر في خطوآتهاآ
سحبت طارق : روح لغرفتك حبيبي روح
رآح طارق لكن انصدم من اللي جلست في مكآن طارق
عقد حاجبه يننتظر اخرتهاآ
حوطت يدينها ورا رقبته : آنته ليش عم تعاملني هيك
تركي : .........
مآ شال نظراته عن عيونهاا ينتظر اخرتهاآ
سحر ابتسمت وهي تمسح على شعره : مآ اشتئت لي ؟؟
مسك يدينها من ورا رقبته وفكهم وخرها عنه وقام : قوميني على العصر
رآح وهي تناظر فيه بصدمه دمعت عيونها بقهر
وبصوت عالي لما سمعت الباب تسكر
: وهــــــــلا بيرفضنــــــــــــــي آنـــــــــــــــــــــــ ـــــا



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,



..
ابتسم عزآم : ابي اشوفها نظره شرعيه قبل الملكه ..
تقلصت ابتسامةة مخلد : الحين
عزآم : ايه
مبارك لف عليه بهدوء وبهمس : بكره زواجك تشوفهاا
عزآم لف عن عمه وهو يناظر في مخلد : لآ ابي الحين
مخلد بلع ريقه : بكره احسن
عزآم بهدوء : نظره شرعيه افضل قبل الملكه ؟
مخلد : طيب
قآام مخلد بخطوآت هاديه جدآ فتح الباب على فاتن وهو منزل راسه ..
كآنوا ينتظرون منه هالكلمه ويبونه يقولها
مخلد : الررجال يبي يشوفك
نوره : ايه طيب
مخلد : اذا خلصت دخليها في المجلس اباخذ الرجال وبنطلع في الصاله
هزت راسها بمعنى الرضا ..
طلع مخلد اخذ مشاري ومبارك والرجال وطلعواآ ..
ضل عزآم يرفع الفنجال ويناظر فيه لفتره طويله ينتظرهاآ
لكن انصدم من الحرمه اللي دخلت عليه
توسعت عيونه لصدمه وهو يشوفها تتقدم بخطوات هاديه
نوره كآنت متغطيه من اسفل رجلها الى راسها بترجي
: آسمع البنت ماتبي الزوآج وابوها غاصبهاا الله انه يوفقكك ارفضها انت تجي منك ولا منهاا تكفى ارفضهاا والله انها مغصوبه
تمددت نظرات الصدمه في عيون عزام اللي كآنت تلمع
نوره : آلله يوفقكك ارفضهاا
عزآم : ليش ..؟
نوره : البنت مغصوبه والله مغصوبه ابوها غاصبهاا
عزام بهدوء : لكن انا ابيهاآ
نوره : بـ الغصيبه ؟؟؟
عزآم نزل راسه : جاي اصلح غلطتي لا غير
بصدمه : غلطتك ؟
عزآم : ذنب واذنبته واطلب المغفره منهاا
بصدمه شلت عظامهاا كلياً وهي تحاول تتكلم او ترد
تجمع الدم في وجهاا .. بصدمه
: آ آ آ نـ نـ ت ؟؟؟؟؟؟


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,

لآ زآل التوتر يشل عظآم فآتن ركضت بسرعه وهي تشوف ابوهاآ قدآم الباب مع رجالين ..
سكرت الباب بهدوء .. وهي تنتظر عمتهاآ تطلع ما صارت ؟
كآنت تبي تبكي من التوتر تخاف ابوها يجي وعمتهاآ ماطلعت كلهاا كلمتين ليش طولت .. ..
وصلت للباب وطقته طقتين وهي ترجف من البكي ..
طلعت عمتهاآ اللي كآنت تبكي بألم ونحيب توجهت للغرفه بسرعه من دون ما تكلم فآتن .. اللي تسألهاا
دخلت الغرفه ونزلت عبايتهاآ وهي تمسح دموعهاآ وهي عاجزه عن الككلام من كثر البكي والتناهيد ..
فآتن بعبره تقطع احشائها : آلله يخليك علميني وافق يرفضني ولا لا
نوره وهي تمسح دموعها : لآ
فاتن بصدمه : اجل كـ كـ يف
نوره : قلت له عنك
شهقت وحطت يدها على فمهاا : ليش ليش يمه ليش تبينه يستحقرني
نوره بغضب : الولد يبي يستر عليك انا قلت له ورضا يستر عليككك
فاتن بصدمه وبصوت قصير : يستر علي ..؟
نوره : ايه
جلست على الأرض بتعب وهي راضيه تماماً ترفض آنه يستر عليها ؟ لآ ابداً
مالهاا غير الذل في حياتهااا مالهاا غيره ..
سندت راسهاا على الجدآر وهي تبكي على حالهاا اللي حتى العدو ما يسره ..
آما نوره فكآنت تناظر فيها بشفقه وهي تتقطع مليون مره ..
كذبت على مخلد وبتكذب على فاتن .. انصدمت ان الشخص اللي جاي يخطبهاا هو نفسه اللي اغتصبهاآ لكن كانت يتكرر في اذنها كلامه ولا يغيب عنها ابد
عزآم : ابي طلب واحد بس ؟
يكمل : قولي لهاا اني بستر عليها ولا تقولين لهاا انه آنا
نوره : ليش ؟
عزآم : تجي مني ولا منك ..
الصدمه لا زالت هاده حيلهاا تمنت لو ذبحته في المجلس وارتاحت تمنت لو دفنته في مكآنه كان مبين عليه النعمه والعز بأمكانه يرميهاا بس طلع عنده قلب تمنت لو كان في وقت طويل تقدر تهاوشه لماا يرتاح مافي داخلها رغم ان الهواش ماراح يعيشه العيشه اللي عاشوها من ظلم وخوف وقلق وحزن وهم ..
لكن من ناحيه ثانيه ما تصدق ان ربي حطه في دربهم وجابه وراح تتزوجه ..
يالله هل هي صدف ؟؟ او صدمآت ..
اكتفت من الصدمآت الى حد اقصى ..
صدمه ورا صددمه ورا صدمه الى متى ..؟
الى المـــــــوت ..
ويآ مآلهم من الصدمـــــــــــــآات الكثير ..
تنهدت وهي تهز راسها وهي تتذكر الحديث اللي دار بينها وبينه .. وهو يتكرر في راسهاا وهي تناظر في فاتن بأقصى أنواع الشفقه ..


,,,,,,,,,,,,,,,,,,,,,,,,,,,,,,,,,,,,,,,,,,,,,




آما عنــــد عزآم فكآن مايصدق وش اللي صار يناظر حوله بضياع ..
كآنوا يسألونه يبون يتملكون .. وكآن يجاوبهم من دون عقل .,
يتذكر كلامهاا القاسي ودعوآتهااآ اللي كآنت من قلبهاآ
وكلمتهاا اللي قتلته : آنت ؟ آنت آلله لا يسعدك
كآنت تدعي من قلب ولكن حط كل الدعاء على جنب وهو يتذكر اخطر واقوى كلمه سمعهااآ
: ولدك خآلد ؟
غمض عيونه بألم لا يوصف مغمضها بأقوى مآعندهه ,,
فتحها وهو يشوف مخلد ماسك الكتاب متوجهه لفاتن .. يبيها توقع ..
نزل راسه على طول ورفع يدينه لراسه بصدمه
مبارك يهزه : وش بلاك ؟
مشاري : البنت هي ولالا
ضل ساكت لفتره وهم يكلمونه .. ولكن من دون أي رد
وبعد فتره رفع راسه وهو مشبك يدينه
: لي منهاا ولد
لفوا على بعض وبشهقه طلعت من أعماق قلوبهم : هآه ؟؟؟؟؟؟؟ كيف
مبارك : حآمل ؟
هزه مشاري باقوى ماعنده : عزآم تكلم الله *********
عزآم بهدوء : لآ ولدي خآلد
غمض عيونه مشاري بصدمه شلت عظآمه ..
آما مبارك فكآن متوقع من عزآم أي شيء
مشاري : مخلد يدري ؟
عزآم بصوت قصير : لآء
مشاري : كيف ولدت وكيف جاء عند مسجده
هز راسه بسرعه : ماني ماني فاهم
عزآم : اللي جتني مو البنت عمتهااا
مبارك : وش قالت
عزآم : كآنت تتكلم بسرعه ونص كلامها تدعي علي
مشاري : يعني علمتها ؟
مبارك من قلب : تستاهل الدعاء وي مالك منه
عزآم بهدوء خلف إعصار وموت بأكمله : قالت انهم حطوه بالمسجد وجابه مخلد لكن ما قالت لي الباقي
مشاري : شيء غريب كيف مخلد ما شك
مبارك : فترة الحمل طيب ؟؟
عزآم كآن يناظر بالأرض وهو عاقد حاجبه بقوه ويعض أصابع الندم واحد وآحد ..
دخل مخلد وهو مبتسم وماسك في يده الكتاب : مبروك يا عزآم
كآن وده يطلب منه يشوف خالد لآنه مايتذكر ملامح وجهه ابدا رغم ان أي وجه يشوفه يحفظه ولا يخفا عليه ..
الشيخ : منك المال ومنهاا العيال وجمع الله بينكم بخير ..




الله ياحلو الصدف
بعض الاحيان
تسوى سنين العمر عرضه
وطوله
والصدفه اللي جابتك
دون عنوان
معروفها مانساه
والحق اقوله
(يافاتنه) ياريح مسكٍ
وريحان
انتي ربيع العمر
واجمل فصوله
ياوردة ما قدروها
بالاثمان
انتي غرام القلب
وانتي ميوله
واللي هوى شرواك ماهوب
ندمان
واللي سواتي مايحب
بسهوله
تكرم عن الزله
وعن كل نقصان
ياقمة العقل ..وبرأة طفوله
جيتك غلا..جيتك وله
...جيتك اجنان
مدي لي اكفوف الوصل
ياخجوووله
تكفين ضميني بصدر
والاحضان
بنسى الزمان اللي مضى
لي وهوله
يابنت حماي الزمل
درب الايمان
ابن الرجال اللي
تبين فعوووله
ملكتني بالحب والحب
ســــلطان
و علمتني فنّ الغرام
وأصوووله
قبلك تزاحم بي حبايب
وخلان
وانت الوحيد اللي كسبت
.. البطووله






:: آنتهى آلبآرت ::