[فيتامين سي]

.... في الطائرة ....
-: نايف ممكن اطلبك طلب
تنهد بأريحية -: ايه الحين تفضلي
لو تبين عيوني ماتغلى عليك
ابتسمت بخجل -: تسلم بس خلّ عيونك لك
تحتاجها اكثر مني
-: طيب جاملي
-: ما اعرف
-: طيب وشهو الطلب
-: ابي اقعد مع زوجة صاحبك
-: مسرع ماتعرفتي عليها هالكثر
-: لا والله ماشاء الله عليها حبوبة
يصير الحين اتبادل مع خويك وهي يجلس معك
-: طيب لحظة اروح اقوله
.. ذهب ولم يطل .. روحي
-: شكراً ..وذهبت
صك جبهته -: هبله
من خلفه -: من
-: ولا احد اجلس بس
جلس -: يخي انا مستغرب متى امداهن
يرتحن لبعض في هالعشر دقايق
-: هذيل نسوان ياحبيبي خاف على نفسك
ولا تخاف عليهن ..
-: اي والله عاد في هذي صدقت ..





*









بعد اذان العصر ..
دخلوا منازلهم .. تحدث الولد الأكبر-:
والله اليوم سيء جداً رغم انه جميل
والدته -: ليه يمه ؟!
-: ويبي لها تفكير الحيوان جواد سافر وتركني
-: اي والله انه حيوان وانا بعد بيوحشني
-: ادعو له بالتوفيق
مجد -: الوحيد العاقل فينا عامر قال ادعو له قال
رفع حاجبه -: اجل وش تبون تدعون عليه مثلاً
-: اف لا فال الله ولا فالك
-: مجود
-: هلا
-: سؤال محرج امام الملأ
-: الله يستر من اسئلتك ياشيول
-: الا قولي يابخته من سألته فيها المهم
صارحيني شلون تقبلتي الجازي
والدهم -: منو الجازي ذي
والدتهم -: هذي يا احمد مرة جواد ولد اخوك
جهاد بشر -: اووممما اسمها الجازي
خلاص يوم اتصل فيه بتمسخر عليه واحرّه
والده -: لو تسويها منت ولدي ولا انت رجال
-: افا يبه تراني امزح وش فيك
-: اشوى بعد علبالي
-: طيب ابوس راسكم تزوجوني بوحدة
من ذا الدار خلها تهوس بعقلي
مثل مرة جواد شلون هايسة بعقله هوس
شيلاء -: وانت شدراك انها هايسة بعقل جواد
-: سر المهنة ..
-: وش سر المهنة بعد
-: خلاص زوجيني بوحدة من هناك وانا اعلمك
-: والله !!
مجد لعامر -: ماتلاحظ ان سواليفهم خايسة
-: اي والله زواج مازواج وين حنا فيه
والدهم وهو يسمع الاقامة -: يلا جهاد عامر قدامي المسجد
...-: حاضر يبه
ام جهاد لابنتها مجدلين -: اي جد ع سالفة تقبلك للجازي
ترا كلنا مستغربين ..
-: وانا بعد مستغربة صح شوي اخاف لكن يوم اتذكر
انها زوجة جواد يعني هي الحين من محيط العايلة
يتلاشى الخوف شوي ..
-: الحمدلله ان شاء الله خير راح اقول للدكتورة ونشوف
-: ايه ان شاء الله .. وخاطبت شيلاء
على منو تطقطقين بهـ الازرار
-: ارسل رسالة للجازي لا وصلت ان شاء الله
وفتحت الواتس تلقاها
-: يصير اعرفها
-: ايه اكيد .. وتقرأ نص الرسالة
سلام يا الدب عساك بخير ترا ماوحشتيني حيل
يا الخايسة لكن الصراحة وحشتيني عاد فسريها بكيفك
وادري انك الحين حزينة ووحيدة لأنك بعيدة عنّا
" فيس ماد لسانه" وادري ان مشاعرك تنوصف
في هالبيت الحين .. ع قولة سلاف
أبين العقل والقلب احتراب .. لعمري إن ذاك الاغتراب
لكنه ترا يقول في آخر ابياته ..
وقل يارب انت رجاء قلبي .. فمنك إليك بدئي والإياب

__________

انتهى

اعتذر عن القصور ..




لمحات من ملامح البارت القادم..

لمحة حزينة -: احم رزان ترا انا بنت ملجأ ...

لمحة دافئة -: والله يحزني سطام جد ارامكو شيء متعب

لمحة شجاعة -: ترا حجابي مايهمني رأيك فيه
حتى لو كنت ولي امري .......

لمحة خلقت بلا ملامح ..~> صعد العربة وساعده
السائق بحمل اخيه ليقول السائق بلكنة انجليزية متقنه -:
يبدو انه مخمور ..


...



سبحان الله وبحمده

كفارة المجلس ..
سبحانك اللهم وبحمدك اشهد ان لا اله الا انت
استغفرك واتوب اليك