[فيتامين سي]

بسم الله الرحمن الرحيم
السلام عليكم ورحمة الله وبركاته
ماشاء الله تبارك الله
ولاحول ولاقوة إلا بالله


هذا البارت إهداء لأختي الغالية فطومة
".. الحنجرة الذهبية ( f ) .."
وهذا اقل شيء ممكن اسويه ..
الله يسعدك ياشيخة
وطبعاً موعدنا كل جمعه بإذن الله
بس قدّمت البارت هذا علشانه هدية مني لها


" قراءة ممتعه للجميع "

البارت الثالث عشر

أرَقٌ عَلى أرَقٍ وَمِثْلي يَأرَقُ
وَجَوًى يَزيدُ وَعَبْرَةٌ تَتَرَقْرَقُ
جُهْدُ الصّبابَةِ أنْ تكونَ كما أُرَى
عَينٌ مُسَهَّدَةٌ وقَلْبٌ يَخْفِقُ
مَا لاحَ بَرْقٌ أوْ تَرَنّمَ طائِرٌ
إلاّ انْثَنَيْتُ وَلي فُؤادٌ شَيّقُ
جَرّبْتُ مِنْ نَارِ الهَوَى ما تَنطَفي
نَارُ الغَضَا وَتَكِلُّ عَمّا يُحْرِقُ
وَعَذَلْتُ أهْلَ العِشْقِ حتى ذُقْتُهُ
فعجبتُ كيفَ يَموتُ مَن لا يَعشَقُ
وَعَذَرْتُهُمْ وعَرَفْتُ ذَنْبي أنّني
عَيّرْتُهُمْ فَلَقيتُ منهُمْ ما لَقُوا

~ المتنبي ~


__________




تنهد وهو ينظر لساعة معصمه ..
ياربي باقي ماخلصت اختبار لها 3 ساعات ونصف
وانا وش يهمني فيها بالطقاق عرفت ولا ماعرفت
اصلاً شلون بتعرف وهي ماعندها أي خبر او فكرة
طيب اذا ماعندها ليه اصرّت تجي تختبر
ذي الآدمية بتطلع لي الشيب قبل لايطلع .. الله يعين
ابتسم بألا شعورعندما تذكرها
وهي تقول بوجه يائس من كل شيء ..-:
بلاه عليك سألتني اعرف انجليزي ولا ..
... وانا بعقلك راح اخليك تسافرين معي وانتِ صفر بـe
طيب صح كيف تعرف لهـ اللغة
ادارة الملجأ يقولوا من جت وهي متمكنة فيها
شلون يا الجازي كنتِ قبل لاتروحين هالدار
جد حياتك معقدة ..
للحين كل ماشفت وجهها تذكرت اسماء الشباب
استغفر الله بس مابي اكرّب على روحي الحين
خوفي انها بنت لها سوابق ! ..




*



بعد ان فرغت من صلاة العصر ورفعت السجاد
التفت خارجة واذا بأختها تفتح الباب -: حلفت عليك ماتطلعين
بغرابة -: ليه؟ لا قولي ان شاء الله
استغفرت -: ان شاء الله بس لاتطلعين
لم تكمل الا وصوت والدتهما ينادي ألمار ...
-: تعالي يا ألمار ..
بهدوء -: طيب يمه الحين جاية
ولفت على الجوهرة .. ماما طلبتني ولازم ألبّي
-: براحتك بس لاتجين بعدين تونّين
بخوف -: ليه وش في
تكتفت -: ولا شيء روحي جاوبي الماما
رفعت حاجب -: تتمسخرين
دفعتها لخارج الغرفة -: لا تتأخرين على ام الحبيب .. وغمزت
احمرت وجنتيها بخجل يخالطها نوعٌ من العصبية -:
ظريفة مرة ..
وتقدمت خطوتان واذا بها تدخل الصالة الصغيرة
ذات اسرّة عادية ومتواضعة جداً ..
تقدّمت ناحية ام عوض الفارشة بسطتها من ثياب وبنّ وبهارات
-: يا هلا يابنيتي ياهلا
بحياء وهي تقبّل رأسها -: ياهلا فيك ياخاله تو مانور البيت
-: منور بهله يمه
تعالي اجلسي يمي اشتدزت لتس ولـ الجوهرة يازينتسن من بنات
تحدثت تلك التي لم تلحظ المار بأنها موجودة -: الله !
يا المار كبرنا وتكبرنا ماتسلمي عليّ
ألمار بداخلها .. وش جاب وجه العنز ذي
علشان كذا الجوهرة كانت تحذرني اطلع
لفت ببتسامة تسليكية -: هلا خالتي ام عمرو اعذريني ما انتبهت لك
بقهر -: اكيد ماني بملية عيونك ذا وانا جيت ابخطبك لوليدي
شهقت ألمار لتقول والدتها بفرحة -:
الساعة المباركة ذي يا ام عَمْرْو وين نلاقي مثلكم
بس مو كنّ المار توها لو الجوهرة افضل
تكبرها بكم سنه
-: والله يا ام ايمن حنّا تزوجنا من عمر تسع سنوات
واحداعش وهذا حنا فتحنا بيوت وربينا عيال صارو الطول شيء
والعرض شيء ثاني وعلى سالفة الجوهرة بنت مانلاقي مثلها
بس تدرين وليدي مايبي وحدة تدرس بالجامعة
وماشاء الله على ألمار واضح انها سنعه مراح تكمل جامعه وبتلزم بيتها
ألمار بقهر -: لا يا خاله ان شاء الله راح اكمل
ام عوض -: وشوله تسملي يمّه هالزواجه سنعه
ابرتس لتس من هاللي تحتسون عنه ..
ألمار لم تظن يوماً بأن ام عوض توافق ام عمروا الرأي ايضاً
بقي فقط والدتها نظرت لها بنظرات رجاء خاصة
وهي ضائعة بين ثلاثتهن ..
فايزة فهمت نظرات ابنتها وكيف لاتفهم وهو احساس الأمومه -:
يا ام عمرو انتو ناس ماتنردون لكن القرار الأول والأخير
للبنت ثم ابوها واخوها ..
بطرف عينها -: لا عادي خذوا راحتكم ..
ونظرت لـ ألمار .. ياحبيبي اللي اختبصت
وتقلدها .. اعذريني ماعندي اسلوب مقدمات
بهدوء ذهبت الى المطبخ وبحركة عفوية برمت شفاهها
وتلألأت عينيها بالدموع ..
تحطّم كل شيء .. عوض اعلم انه لايفكر بي ابداً
ولكنه حب طفولتي البريء ..
ولم اعبّر عنه يوماً حتى الجوهرة اكاد اجزم انها لم تعلم
الا من احدى رسماتي .. " شهقت بداخلها "
هل يُعقل انها رأت رسمتي لوجهه التي لم اكملها
ولن اكملها الا اذا حدث بيننا نصيب
كما وعدتُ نفسي فيما مضى ..
ابي هل من الممكن ان يقف بجانبي ويمنع حدوث
هذا الزواج الغبي والفاشل ..
سأحتج بالجامعة واثق تماماً بأن ابنها هذا القادم
من عصر الجاهلية لن يرضى ! ..
قطع تسلسل احاديثها المبعثرة صوت والدتها من خلفها
-: تبكين !!
مسحت دموعها سريعاً -: لا بس كنت احك عيوني
بشك -: متأكدة
-: ايه .. وبعد وهله .. راحوا ؟
-: لا باقي جيت ازيد بالقهوة هيل علشان ام عوض
تحب القهوة لمن يكون فيها هيل واجد
-: آهاا .. صمتت وهي تنظر لأمها
التي تضع ترمس القهوة في الصينية بعد ان زادت كميّة الهيل به
وبتردد -: يمه ..
من غير ان تنظر إليها -: نعم
اغمضت عينيها -: لا خلاص ولاشيء
نظرت اليها واتجهت ناحيتها ووضعت يدها على يد المار بحنان -:
اعرف انك انصدمتي بس اعرفي لو نصيبك معه
مانقدر نقول شيء غير الله يسعدك
واذا ماكان نصيبك معه مراح يوقف نصيبك عليه
بأمل مخطوف -: يعني مراح تجبروني
بتجاوب غريب -: اسمعيني زين صح حنّا زمان
بعضنا انجبر على الزواج لكن بعدها ابوي حلف
مايبي اغلاطه تنعاد مع احفاده
هالتقاليد اللي مهي من شرع دينّا حلف إنّا مانسويها
بغرابه -: وشلون حجروا شيلاء لسلطان !
ابتسمت -: خليني الحين اجلس مع النسوان
ومن ثم احكي لك بس هاه لاتضيقين خلقك يمه على الموضوع
ابتسمت بسعاده غامرة اشارت بالموافقة
خرجت مع امها من المطبخ وذهبت الى غرفتها
وبفرح -: جوج ماتصدقين شقد ماما طيبة
ببرود -: ايوا مرة طيبة صح
حتى ماقالت شيء عن الزواج وبالعكس موافقة ومستانسة بعد
عبس وجهها -: وش دراك
-: ترا كانوا بيكملون هالحفلة اللي مسوينها ويخطبوني بعد
لعوض حسبي الله عليهن من عجز
بتوتر -: منجدك
-: اي والله توهم يحكون عن عوض رجال زين
ورجال مدري وشو ويلمحون كنهم يقولون
نبي له الجوهرة حامض على بوزهم ذولي
-: يعني لو خطبك فرضاً مراح توافقي
ابتسمت -: عوض لـ ألمار وغير كذا ما اقبل
تمعّر وجهها على حالها -: ما ظنتي وعمرو واقف بالطريق بينّا
بمكر -: واخيراً اعترفتي انك تحبينه
-: انقلعي كلي تراب انا بمصيبة وانتِ تنكتي ياظريفة
-: اف اف لأول مرة اشوفك بهالحالة لا وبعد تسبيني
-: آسفه حقك عليّ لكن جد والله مهو بوقتك
-: طيب تجهزي شوي كذا
على الساعة خمسة ونص بنروح عند غالية
-: ومع مين
-: مع عوض طبعاً
-: يالهوي !
ضحكت عليها الجوهرة بقوة ...



*



بقلق تنقر على اسمه للمرة السابعه ولا فائدة
شدت شعرها -: يارب وش صاير
نظرت إليها التي تشاركها ذات الغرفة -: وش صاير بعد !!
برمت شفاهها وكادت دموعها ان تهوي
من حدود محاجرها -: خصوصيات
بهدوء -: تركك صح !
شهقت -: فال الله ولا فالك
رفعت حاجبها -: تولين !
يعني صدق اللي اسمعه ؟!!
بكت لم تستطع الكبت اكثر -: لا .. ايه ..
خلاص بس والله مادري
بهدوء -: تولي اهدي شوي
بشهيق عالي ذهبت ناحية انوار
مسكت يديها -: آآآآه يا انوار انا السبب لو اني
سمعت كلام الجازي ماكان صار اللي صار وتعلق قلبي فيه
-: طيب اهدي اول واحكي لي كل شيء
مسحت دموعها وهي ترجف ..
حضنتها انوار -: فضفضي لي
وان شاء الله سرك في بير عميقة
-: بس ...
-: آش من غير بس احكي لي وانا اسمعك
ابتسمت من بين دموعها -: تشبهين الجازي يا انوار
يوم اقول بس تقطع كلامي وتقول آش من غير بس
احكي .. وانا اسمعك
رفعت بصرها للأعلى -: شكلك تحبين الجازي كثير
-: وماتدرين شقد .. كانت بالنسبة لي
هي الأم وهي الأخت وهي الصديقة وهي المعلمة
وهي القدوة هي كل شيء بس آح عصيتها
ولو اني ماعصيتها ماكان حالي كذا
استغفرت بتكرار -: استغفر الله ياتولين
لاتعترضي على قدر الله بـ لو تراها ماتجوز
وانتِ دارسة وفاهمه
حاولت ان تهدأ وهي تشد بلوزة انوار
في حضنها مغمضةً عينيها
وتستغفر ..
-: يلا احكي الحين
-: قبل فترة كان مؤيد ..
-: اللي يكلمك اسمه مؤيد ؟
-: ايه وكان يزعجني بالاتصالات مدري وش غرضه
وقلت للجازي وانا خايفة لايدرون المربيات وتصير مشكلة
لكن الجازي حكّمت عقلها وكلمت مؤيد وهي معصبة
لأول مرة كنت اسمع صوتها حاد كذا
جد انا خفت منها وقالت له ياولد النّاس
ان ماتربيت ترا الهيئة في استعداد تربيك من جديد
وان تربيت عدل فاحشم نفسك واترك عنك بنات الناس
.. وبعدها بلغت عنه شركة الاتصالات
المشكلة ان الشريحة ماكانت باسم مؤيد لا كانت
باسم واحد باكستاني ..
المهم من وقتها مؤيد قطع الاتصالات
وبعد كذا انخطبت الجازي وصرت افكر اني بكون
وحيدة ومالي ونيس .. ويوم صار الملاك
صرت متضايقة اكثر ان الجازي بتروح عنِّي
ومحد راح يوجهني صح مثل ماهي توجهني بهدوء
وفي حالة ضف طرى ببالي مؤيد مدري كيف جاء ببالي
رحت ادور لرقمه ماحصلته وتذكرت اني حفظته
عندي بالملاحظات علشان لو اتصل اطابق الرقمين
وما ارد لكن للأسف استخدمته علشان ارسل له
وكنت اكلمه رسايل بس وفي شهرين تعلق قلبي فيه
والجازي ماكانت تدري ماكنت احسسها اصلاً
ويوم تزوجت تجرأت وكلمته صوت
والحين هو قاطع فيني له اسبوع ..
ابتعدت عن حضن انوار بتردد ... وبس ذا اللي كان حاصل
توسعت عينا انوار .. اخذت نفساً عميقاً
لتتحدث بهدوء -: والحين بكائك ندم ولا شوق له
-: تبين الصراحة
-: اكيد
-: الاثنين بس اشتقت له اكثر
-: طيب هالشيء يرضي الله
صمتت لوهلة لتردف -: بس هو وعدني نتزوج
صح مهو الحين بس يتم انه وعد
ضحكت بسخرية -: ومن قالك إنّ الرجال
يتزوجون بنت لها سوابق !
شهقت -: حرام عليك بعمري ماكلمت احد غيره
-: وبظنك هو بيقول انا اول رجال تكلمني
اكيد بيقول انا مهو بأول رجال ولا آخر رجال تكلمه
بضعف -: لا مؤيد تفكيره مهو بكذا
-: اجل !!
-: مادري مادري
مسكت يدها -: حاولي تشغلين نفسك بطاعة الله
تأنّي في صلاتك ترا الصلاة تنهى عن الفحشاء والمنكر
حاولي ماتفكرين فيه .. الحل بإيدك انتِ بعد الله
ترا تقدرين تتركينه
شدت على يدها -: ما اقدر
رفعت حاجبيها بقهر -: وليه ماتقدرين
-: كذا بعذّب قلبي
-: قلبك يتعذّب فترة وينسى
افضل لك من عذاب لك ولقلبك في النار
وممكن يكون مؤبد والعياذ بالله لأنك تعلقتِ
بشخص لا يضر ولا ينفع ..
اغمضت عينيها -: نور انسي
-: وعلى أي اساس
-: خلاص انا اللي بديت وانا اللي بنهي
-: يعني بتتركينه
-: قلت خلاص انسي ماعليك
بعصبية -: منجدك انتِ
بانفعال -: ايه من جدي ومن عمّي بعد
خلاص انسي
اخذت نفس عميق ثم قالت بهدوء مصطنع -:
طيب اللي تبينه بيصير لكن اوعديني قبل
بخوف -: وش اوعدك فيه
تنهدت -: اذا صار شيء جديد قولي لي
لاتتصرفين من نفسك
بصوت مُتعب أُجهد من البكاء -: ان شاء الله