[درة الاحساء]

البارت السابع
وقفت عليا تناظر هالشخص اللي شافته واقف ومعطيها نص وجهه بس ما عرفته من هو

وعنوده من شافته نزلت وراحت له ركض بابا وهي تبكي

خذها ابوها وضمها لصدره وقعد يراضيها ويحاول انه يفهم وش فيها وهي ما غير تبكي وتقول كلام مهب مترابط

التفت لعليا اللي واقفه وكلها صدمه واندهاش للي تشوفه وتتساءل من بد مخاليق ربي تطلع انت ولد عمتي سعود

سعود:مساء الخير عليا وشحالج ،،، اسمحي لي مدري وش اقول كنت أتمنى اني اشوفج بأحسن الظروف بس هذا اللي حصل ومالي يد فيه

عليا:بعد التقاطها لأنفاسها :هلا سعود وشحالك

سعود:بخير بس ممكن اعرف وش فيها عنودي تبكي بهالطريقه

عليا :مدري والله انا كنت مع امي وخالتي وعمتي تحت نرتب القاعه إ لأ شجون متصله فيني تبيني انزلها لك

سعود:اسف عليا لهالظروف اللي كل مره جمعتني فيج كل ظرف العن من اللي قبله

عليا:لا ابد سعود ما صار إ لأ الخير وعادي ترى اللي صار

سعود خذ بنته وسكتها بعد مراشاه وتحبب خشوم

عنودي:ابي اروح وياك

سعود:لا ماما ما يصير البنات الحلوات يتمون هنيه بس اوعدج بعد شوي برجع وباخذج

لا لا مابي ابي اروح معاك

عليا:عنودي ماما تعالي معاي وانا بخليج تطلعين بعدين مع بابا الحين ممنوع

عندو:وشلون لا لا لا

وكان سعود يتلفت يبي له حاجه فهمت عليا انه يدور له على فاين عشان يمسح وجه بنته

قامت فتحت شنطتها وعطته كومه مناديل خاصه بها //حتى الفاين اللي تستعمله غير هههههههههههه اخلصي//

خذه ومسح وجه عنودته ووعدها انه يجي مع زفة الرجال بس عشان ياخذها

ويوديها المكان اللي هي تبيه

سعود:يله ماما روحي مع عموه عليا

عنودي:علايه

سعود وهو يضحك على بنته:ايه عموه علايه

عليا انبهرت بغمازاته وضحكته لبنته وين وجهه الحين و وجهه ذاك اليوم وهو معبس

خذت البنت منه وراحت وهو يتعذر منها عن كل اللي حصل وعن ازعاجه وازعاج بنته لها

عليا وهي رايحه:ابد يا ولد عمتي ما به ازعاج هاي عنود الصيد والغلا لازم ندلعها

وراحت وعطت عمتها عنود وراحت للبنات فوق

وقعدت بعد ما فصخت العباه واللثمه وقعدت تفكر

هيا:بووووووووووه//يا بلفيت تخرعها

عليا:اه وجع روعتيني امحق مره اذا كذا بتلفتين انتباه خالد لا بالله خليج عند امج

جاتهم الهنوف وشجون وهن كاشخات اخر كشخه وكل وحده تقول الزود عندي

عليا:اقول بنات بقول لكم شي عشان ما تتفاجئون بعدين

وش وش قولي

عليا وهي تطالع شجون:تذكرون الرجال اللي عرض علي سيارته وانقذنا من الأهبل بالسوق طلع من؟؟

من من من؟؟؟

عليا وما زالت مركزه على شجون :سعود ولد عمتي!!!

الهنوف :لا قولي بدلي صج يا حلاته والله اخوج شجون

هيا:ابو غمازات ابو حواجب معقوده هو سعودنا ما غيره

عليا :ايه ما غيره

شجون :ممكن توضيح عشان اكون فاهمه طلاسمكم

وشرحوا لها كل شي

شجون :لبى قلب اخوي فديته والله فارسي المغوار

عليا:يله خلونا ننزل نستقبل المعازيم مع امهاتنا مهب حلوه وحنا مخلينهن بروحهن

بس قبل ما ننزل نروح لعروسنا نعطيها كل النصائح و...........

راحوا لها لقوها منكمشه على روحها وكنها باكيه ولا بتبكي

عليا :اقول اختي حبي قلبي ترى حنا فيها اذا مهونه عن العرس تطلقج منه ونزوجه هيا

مها:روحي انقلعي انتي وهيا معاج

هيا:يا ويل حالي وانا وش سويت انا كل امنيتي اصير مرة اخوج مهب مرة حمود

مها:حمود بعينج اسمه محمد قالتها وهي محمرة الخدين

الهنوف جات وضمت مهاوقالت لها:فديت حرم محمد وبس

وسولفوا معها وشجعوها انها تتماسك وتطلع بابتسامه ومهب تتخرع وترى هاليوم يسمونه يوم وليلة العمر

ونزلولن الرباعي الكاشخ وسمت عليهن الجازي وقرت المعوذات

وكل وحده من هالغزلان راحت تشوف لها شغله يبون عرس دلوعتهم وحلوتهم مها يكون بأحلى صوره

وبعد ما جات الفرقه ودقوا والكل جامل ورقص
نزلت العروس بكل الجمال على الساعه /11/على احلى اغنيه وكانت كل العيون

مركزه على هالعروس الكيوت اللي كلها برائه وحلا طفولي

وبعد وصولها لكوشتها وخذت لها عشرات الصور مع امهاتها وصديقاتها قعدت على الكوشه وكانت عليا واللي معها من البنات يرتبون قعدتها ويضحكون لها

جاتها عنودي وصورت معها وراحت تترقص مع اللي يرقصون وفرحانه بهالجو المفرح

بعد ساعه من وصول العروس اعلنوا عن وصول المعرس وعلى النساء انهن يتغطن

دخل معرسنا على اغنية التميمي حمد وكانوا كلهم داخلين وياه

ابو حمد وابو خالد وسعود وخالد وحمد وعلي مسوين جو وماسكين السيوف ويرزفون لحد ما وصلوا المعرس الكوشه وكانت العروس متغطيه

وجاها ابوها وباس راسها وتمنى لها السعاده وعمها واخوانها

اما حمد وسعود فكانوا واقفين على جنب مع العمه اللي كانت تبيهم يرزفون ويرقصونها

حمد:ابشري عمتي واحلى اهداء للعمه الغاليه وطلب من الدقاقه اغنيه لعمته ودقت لهم وغنت وابدعت وما غير حمد يصول ويجول بعمته على كبر المسرح كله

بعده جاهم خالد وسعود وكملوا على العمه هدوا حيلها ما غير يتبادلونها هاشباب الفرحانين بها

جاها اخوها بو حمد ورقصها من اعمق اعماق قلبه وهو يضمها ويبعدها ويرجعها لصدره ويطالع زوجته يبيها تغير وهي ما غير حاطه رجل على رجل ولا كنها من اهل الفرح

بعد هالزفه وها الأستعراض الروعه طلب من الرجال مغادرة الصاله الحريميه

وطلعوا وما تم إ لأ المعرس اللي كان ميت على شوفة مهويته اللي كان ماسك يدها من اول ما دخلوا

جاها ورفع عنها الغطاء وباس راسها وجبهتها وكان بيكمل لو ما ابتعدت عنه

عليا:هي يا الأخو التزم شوي ترى حركاتكم مراقبه من الكل

وطلبت منهم المصوره حركات حلوه لزوم التصوير

وبعد ساعه غادرت العروس مع عريسها لجناحهم وقاموا المعازيم على العشاء

وتمن البنات يرقصن

راحت الهنوف مع العروس عشان تساعدها ورجعت للبنات وهي فاطسه على مهوي وحركاتها الطفوليه وانها كانت ماسكه فيها وما بغت تخليها تطلع

لحد ما مسكني اخوي وجرني بقوته وطلعني من الجناح

عليا:فديت اختي اكيد الحين هي ميته من الأحراج

هيا:عقبال ما اموت من الأحراج معاك يا خالد

الهنوف:امين لج ولكل واحد يحب الله يجمعه مع حبيبه

سعود اول ما طلع خذ بنته معاه وراحوا على انه في تالي الليل من بعد ما ترجع امه تجي تاخذها منه

وعلى الساعه ثلاث ونص ردوا اهل بو خالد لبيتهم من بعد ما خلص العرس

اللي كان من اروع الأعراس

بو خالد خذ مرته وراحوا لغرفتهم

والبنات الهنوف وهيا اللي قررت تبات عندهم عشان تودع العروس بكره لما تجيهم

شجون باتت في غرفة عليا وهيا والهنوف بغرفة مها

وبدلت عليا وتجهزت لصلاة الفجر إ لأ تشوف تلفون شجون يرن رنين متواصل وكانت شجون تتسبح ولا هي بطالعه إ لأ بعد ساعه تقريبا

ردت على التليفون

شجون وينج ادق عليج من ساعه حسبي الله على ابليسج تعالي انا تحت بالصاله وهالنزقه جننتني تبيكم والذات عليا

تعالي اخذيها رحت لأمي ولقيتها نايمه ولا حولها انها تقوم تعالي

شجون وش فيج صاخه؟؟؟

اممممممممم انا مهب شجون
شجون تتسبح وش السالفه وش فيها عنود

سعود:لا حول والله مهب قصدي ازعجج بس هي ما نامت تبيج وانا ابي اروح اصلي الفجر جماعه وهي لاصقه فيني ما تبي تفكني

عليا:اوكي انا جايتك باخذا منك لأن شجون من سابع المستحيلات تجيك يبي لها ساعه على ما تخلص

خذت لها شيله كبيره تغطيها ولبستها وتغشت بطرفها ونزلت له وسلمت وجات تاخذ البنت الا هي ماسكه ابوها بكل قوتها

سعود :شوفي انا بحطها على الكنبه وانتي اخذيها

وتوه بيحطها الا هي ناشبه له وماسكته وكانت تتسولف وكنها تتحلم

سعود:لا حول

عليا:ما عليه خلها وعطني اياها

قرب سعود منها عطاها البنت وهو يحاول بكل ما اوتي من قوه// يا حلوها بكل ما اؤتي منه ابو الفصحى// انه ما يناظرها

لكن عيونه سبقته وشاف طرف وجهها الحلو وجات يده ومن دون تخطيط مسبق بيدها

وحسوا انهم ضربتهم صاعقه والتماس كهربائي

وخرت عنه وطلعت والبنت بيدها ركض وحطتها على السرير وتعوذت من ابليس

وتوضت من جديد وهي كانت اصلا متوضيه وصلت وحاولت انها بعد الصلاه انها تنام

ولكن ما جاتها نومه من هالأحداث اللي كانت صعبه انها تتخيلها انها تصير معها

بالنسبه لسعود من طلع وهو شبه مخدر
راح وتوضأ وصلى جماعه ورد ونزل من سيارته ومد يده يبي يرمي الفاين اللي بسيارته اللي مسح وجه بنته به اللي كان من عند عليا

لاحظ ان فيه شي ثقيل وسط الفاين

فله ولقى خاتم حلو ومشكنم وشكله الماس وغالي محطوط بسلسله احلى

وقعد يناظر بهالخاتم الروعه وقال بخاطره:هي ليش حاطته بسلسله ليش مهي بلابسته

ويا ترى هل يشكل لها ذكرى خاصه وهل .... وهل...

احتفظ بالخاتم عنده بسيارته ونزل واتفت صوب شباكها ولا شاف حد

راح ينام ولكن هيهات هيهات وكله تسأؤل من هو اللي جايب هالهديه القيمه لج يا بنت خالي

وقعد يفكر ويفكر لين تعب ونام على الساعه تسع الصبح

......................