[اسطورة !]

*آلبآرت آلتآسع*
بعد صلآة آلظهر على طول .
نزل فهد من سيآرته ونزل معآه شخص ثآني .
وقفو كل آلرجآل لإستقبآله وكآن هآلرجآل شيخ ملتحي .
فهد رآح لعمه همآم وقآله بهمس : عم طلبتك ملكني على عهود هذآ آنآ جآيبن آلشيخ آلى هنآ .
همآم بحميه : آللحيه هذي مهي على رجآل آن مآملكتك عهود .
فهد حب خشم عمه : تكرم لحيتك يآعم .
قهوو آلشيخ آول فنجـــآل ثآني فنــــجآل .
تكلم آلشيخ : وين آلشهود ؟؟؟
وقفو حمود ويوسف وشهدو على ملكة فهد وقآل آلشيخ وهو مآيدري وين محآرم آلعروس : نبي آلعروس توقع هنآ .
وقف همآم وآخذ آلكتآب ورآح لشق آلحريم وهو يقول : يآآآآولد .
طلعت هدى لآبوهآ : هلآ يبه آمرني ؟؟؟
همآم : مآ يآمر عليتس عدو يآبوتس آدعي لي عهود بسرعه .
هدى شآفت آلكتآب آللي مع آبوهآ : يبه وش ذآ ؟؟؟؟؟؟؟
همآم بآبتسآمه : يآبوتس نبي نملك لفهد وعهود .
دخلت هدى دآخل وثوآني وجت عهود وهي مآتدري آصلآ وش آلسآلفه : هلآ يبه .
همآم مد لهآ آلدفتر وآلقلم : وقعي هنيه يآبنيتي .
عقدت عهود حوآجبهآ ونآظرت بآبوهآ : آوقع ليه ؟؟؟
همآم حب على رآسهآ وقآل : يآحبيبتي فهد يبي يملك عليتس هلحين .
عهود كتمت شهقتهآ وآخذت آلقلم من آبوهآ ووقعت ويدينهآ ترجف وعلى طول رآحت للخيمه .
جلست بفرآشهآ وهي تحآول آنهآ مآتبكي خلآص فهد ملك عليهآ وصآرت حليلته هلحين ومآسوى هآلشي آلآ علشآن يآدبهآ عقب آلورقه آللي هي آرسلت له """ آلله يستر منوه مآدري وش بلآوه """
مسحت دموعهآ بسرعه وهي تشوف هدى تدخل وتنزل بنتهآ بآلآرض وتروح على طول لعهود .
ضمته وقآلت بسعآده : آلف آلف مبروك .
عهود مآردت عليه آلآ برجآء حآر : تكفين يآهدى صوتي لعبير بسرعه .
هدى بذهول وهي تبعد عن عهود وتنآظر بوجهه : ورآتس ؟؟؟؟
عهود بضعف وهي تنتحب : خلي عبييير تجي .
قآمت هدى وآخذت غرآم وطلعت من آلخيمه .
آمآ عهود حآلته حآله تبكي وتحس آن روحه تبي تطلع بس مآش مآحد يمّه .
دخلت عبير آللي تو عرفت آن عهود ملكت : هلآ عهود .
قآمت عهود ورمت نفسه بحضن عبير وهي تقول : تكفين قولي لعمتي عمشآء نبي نمشي للقصيم خلآص مآنبي نجلس .
عبير بهمس : تعوذي من آلشيطآن يآعهود .
عهود بين شهقآته : تبين تقولين لعمتي عمشآء ولآ وآلله لآفضحكم قدآم آلريآجيل وآروح آقول لعمي خلف نبي نمشي .
عبير : لآ خلآص آنآ آبروح آقول لآمي بس آنتي تعوذي من آبليس .
عهود وهي تمسح دموعه بيدينه آللي ترتجف : صوتي لآمي .
عبير بخوف على حآل عهود : آبشري آبشري .
وطلعت من عنده ونآدت عمته سمآحه : هلآ عبير .
عبير بآرتبآك : عمه عهود تبيتس .
رآحت له آمه وعبير نآدت آمه آللي طلعت له بسرعه : هلآ يآمي .
عبير حبت رآس آمه : يمه تكفين نبي نروح للبيت خلآص سلآم وسلمنآ وغير تسذآ وش نبي ؟؟؟
عمشآء : وآلله يآبنيتي لو هي علينآ تسآن آلحين ببيتنآ مير آلمشكله بنيتنآ عهود نبيه تقعد عند آهله شوي .
عبير : لآ وآلله يمه عهود تبي آلبيت......حرآم يمه توه مملكه ومستحيه تقعد هنيه .
عمشآء : خلآص يآحبيبتي آبقول لحمود وآبوتس ومآ يآتي آلعصر آلآ حنآ بآلبيت آن شآء آلله .
عبير بآبتسآمه : وآلله بتفرح عهيد آنا بنمشي .


__

حلّ آلليل بسكونه وجمآله .
وهدى قآمت من عند آمه ورآحت للبنآت : سلآم عليكم .
آلكل : عليكم آلسلآم .
وجدآن بضيق : يآشين رجلتس آخذ عهود وعبير وخلآن آقعد آعد آلنجوم .
ضحكت هدى : آلآ يآشين آلعروس آللي تتدلع علينآ .
حنآن : هههههههههههههههه عآد ثآرت هدى من آليوم وهي متضآيقه علشآن آبو غرآم مشى .
دلآل بهدوء : تدور آحد تنفجر بوه ومآلقت غير وجدآن .
وجدآن نآظرت بدلآل : يآزينتس يآبنت عمي حتى مزحتس ثقيل .
موضي ضربت آخته دلآل على كتفه : وآلله طيرت جبهتس آلبزر .
وجدآن : وآلله مآبزر آلآ مويضي .
جملآء : خلآص لآ تتهآوشن موضي وجدآن مابينهن آلآ شهور .
حنآن : حد نشدتس ؟؟؟
ضحكو كلهم وقآلت هدى وهي توقف : آنآ آبروح آرقد وآلله ضآيقتن بي.......غرآم مهي هنيه جعلن فدآ عوينآته .
حزنت دلآل على هدى آللي آكيد مآرآح تشوف غرآم آلآ بعد آلآسبوع آلجآي .
وقفت ورآحت لهدى : آم غرآم جعلن فدآ روحتس آبيتس شوي .
ومشت هدى بجنبه وهن يمشن تحت آنوآر آلقمره : آقول يآم غرآم ورآتس تدآرين دموعتس ؟؟؟
هدى تحآول تغير مسآر آلموضوع : ههههههه حسستين آني حرمه كبيره لآ تقولين لي آم غرآم .
دلآل بمزح : آمه غصب عليتس..........ورآتس يآهدى مآعلمتين وش بتس ؟؟
هدى تنهدت وهي تدري آن دلآل مآهي مخليته آلليله آلآ هي عآرفه وش بلآه : بلآي بنيتي آللي تبي ترقد آليوم بعيده عنّ
وبلآي ملكة آختي آللي مآدرينآ به .
دلآل : آلله آكبر يهآلملكه آللي غيضتس آنتي ووجدآن وعمتي بدريه .
هدى بقهر : وآلله يآدلآل مآتحسين بآللي آحس بوه خطوبه ومآيخآلف لكن ملكه بهآلضروف ليه ؟؟؟؟ على آلآقل لين يلقى آبوي لوه بيت يضفنآ .
دلآل بثقه : فهد ولد عمي وآلله آنه رجآل من ظهر رجآل ومآخذ عهود آلآ هو يبي يسآعد عمي .
هدى : مآيخآلف يسآعده مآقلنآ لآ مير مآهو بزوآج عهود.......لآ وآللي يقهر تسآنتس مآتدرين آلعرس عقب آلآختبآرآت .
دلآل : آن شآء آلله عقب آلآختبآرآت وهي متيسره آمور بيتكم .
هدى : آآآه يآدلآل بآتسر عندي آختبآر نهآئي ولآ ذآكرت مدري وش آعمل آخآف آنهم يقطعون مكآفئتي ونقعد به .
دلآل بمؤآزه : مآعليتس يآهدى ولآ تشيلين هم آلمكآفأه هذآ هو عمي مبآرك مآشآءآلله عليه جآب غنم وتصرفكم آن شآء آلله .
هدى : آلله يسآمح آبوي سآهم بهآلمسآهمه وآكلت آللي ورآه ودونوه وليتوه سآهم مع رجآل قول وفعل هو سآهم مع حمآر كذب على آبوي
وقآله عطن آربع مية آلف وآستثمرهن لك ومآيآتي شهر آلآ وهن مليون وآلمشكله آنوه يحلف لآبوي آنوه مآيكذب لآ بعد وكآن يبي يرهن
بطآقتوه عند آبوي بس قآلوه آبوي تريه مآيصير تسذآ وآلرهن ممنوع وبعد آسبوعين جآء يتصفق يقول فلوسي ضآعت وتسآنك تبي فلوسك آدفع ميتين آلف ومآكآن من آبوي آلآ آنه بآع آلبيت ودفع ميتين آلف آللي آلبنك يطلبه مدبسهن بظهره آبو آحمد آلله لآيجزآه خير وبآلآخير هذآ حنآ لآ قمنآ ولآ قعدنآ منثبرين بهآلخلآ مآحولنآ آلآ آلذيآبه . ( آلخلآ = آلبر )
دلآل تأثرت بكلآم هدى : آلله يسآمحه عمي همآم وآلله آن عمآني كلهم قطو علشآن يشرون لوه بيت مير هو عيّآ يقول آنآ آدبر روحي .
هدى : وهذآ هو من تجآره لتجآره آلله ييسرهآ ونرجع للقصيم وآلله آني آشتقت للقصيم لي شهر مآشفته .
دلآل بآبتسآمه : لآ يهمتس يآبنت عمي بآتسر آلصبح آقول لآبوي ونروح للقصيم .
هدى برفض : لآ وآلله مآني متحركه من هنآ آروح آستآنس وآمي وآبوي جآلسين بآلبر ؟؟؟
دلآل : وآلله لو هي على عمي وعمتي ودهم آنتس ببيت رجلتس .

__

آلـقــصـــيــــم ==> بيت آهــــــــــــل حمود ==> آلسآعه 12 بآلليل .
عهود متمدده على آلسرير ومسنده ظهره على ظهر آلسرير ودموعه آخذه مجرآه .
""" حسبي آلله عليك يآفهد قهرتن آلله لآ يسآمحك قهرتن وآحرقت قلبي..........ليتوه ملكه وبس هو يبي آلعرس عقب آلآختبآرآت يعني قبل آسبوعين جعلوه للمآحي وشلون آبذآكر وآبحل آلآختبآرآت زين وهو نآشبن لي كل مآنمت وآنآ آحلم بوه يضربن وكل مآصحيت وآنآ آفكر بهآلحلم من يوم خطبن جعلوه للمرض آللي مآيقوم منوه """"
دخلت عبير وهي شآيله صينيه به كوبين عصير : سمي عهود آمي تقول آن مآشربتيه وآلله لتزعل عليتس .
عهود آخذت آلكوب وقآلت وهي تمسح دموعه بيد وآليد آلثآنيه مآسكه به آلكوب : مشت على عمتي آني آذآكر ؟؟؟
عبير هزت رآسهآ بإيه : ذآكري قبل لآ تدخل آمي وتدري آن بتس بلآ .
آنفتح آلبآب ودخلت عمشآء .