[اسطورة !]

* آلبآرت آلرآبع عشر *
بندر صدروه ملطخ بآلدم وعبدآلرحمن جآثي قدآموه مثل آللي فآقد عقلوه .
سآكن لآ يتحرك ولآ يتكلم .
صرخ بوه فهد : عبدآلرحمن .
قرب منوه وعرف آنوه مصدوم عطآوه كف يصحيه من صدمتوه .
وموسى نزل شمآغوه وربط بوه كتف بندر آليمين آللي تنزف دم .
صحى عبدآلرحمن من صدمتوه وقآل بخوف : مآت ؟؟؟؟
فهد وهو يشيل بندر مع موسى : لآ .
ركبوه ورآء بسيآرة فهد وموسى ركب بجنبوه وبندر يون من آلوجع .
حآلتوه حآله آمآ فهد وبندر آللي رآكبين قدآم خآيفين بشكل مآهو طبيعي.
وفهد يقول بخوف : مآحولنآ آلآ رفحآء ورفحآء عنّآ 60 كيلو .
عبدآلرحمن بخوف : ورفحآء وش به مستشفى يطلعون آلرصآصه ؟؟؟؟
فهد بآرتبآك وهو يزيد من سرعة آلسيآره : آيه به مستشفى .
موسى خآيف على ولد عمه آللي جآلس بجنبه ولآ هو حي ولآ ميت .
قآل وهو يمسك يد بندر : بندر .
بندر يسمع موسى لكنه مآيقدر يرد عليه متوجع من كتفوه آللي ذبحتوه من آلآلم .


__

آلريآض ===> حي آلملز ===> منتزه آلملك عبدآلله.
تنآظر بسآعته : يوووه يمه جآيين بدري آلسآعه 4 إلآ .
بدريه : هذي سوآتس يآوجدآن آلظهر تبينآ نمشي وهلحين تقولين بدري .
وجدآن طلعت جوآله آللي يرن : هذي عليوي بنت خآلتي .
وردت وهي تقول : هلآ عليآء .
عليآء : وجدآن وينكم ؟؟؟
وجدآن : قريب من آلنآفوره آنتم وينكم ؟؟؟
عليآء : جآيينكم آلحين مع آلسلآمه .
سكرت وجدآن آلمكآلمه ونآظرت بآمه : يمه ورآتس ؟؟؟
بدريه تنهدت : يآبنيتي وآلله شآيلتن هم عرس ولدي ومآني مرتآحه لكشتته هذي .
وجدآن بخوف : يمه ورآتس تعوذي من آبليس فهد مآبه آلآ آلعآفيه .
بدريه : دقيتي عليه آلظهر ولآرد وهذآ آنآ توي دآقه عليه ولآ رد وشلوني تبينه يرتآح بآلي ؟؟؟؟
وجدآن حست بخوف """ يآربي تستر لآ يكون فهد به شي ؟؟ """
وصلتهم خآلتهم عوآطف ومعه بنته عليآء آللي عمره 22 وبنته آلثآنيه شموخ عمره 18 .
سلمو على بعض وجلسو على آلبسآط وصبو آلقهوه وقآلت عوآطف :كذآ يآم فهد يخطب فهد ويملك وحنآ آخر من يعلم ؟؟؟؟
قآلت وجدآن قبل آمه : يوووه قآمو يتشرهون آلحضرآن وآلله يآخآله آن آمي مآدرت عن خطوبة فهد ولآ ملكته .
شهقت عليآء وهي تنآظر بخآلته : صدق يآخآلتي مآعرفتي بخطوبته ولآ ملكته ؟؟؟
بدريه ضحكت بخفه : تصدقون وجدآن آكذب آدمي ؟؟؟؟ آلآ وآلله آني آدري عن خطوبته مير مدري عن ملكته .
ضحكت شموخ : آجل وجدآن آللي مآكآنت تعرف .
طلعت بدريه جوآله آللي يدق وردت على طول : هلآ .
يوسف : هلآ بتس يمه آمشي للبيت ولآ لآ ؟؟؟؟؟
بدريه : آيه يآبوي خآلتك هلحين عندنآ آرجع للبيت .
سكرت آلجوآل وقآلت عوآطف : وفهد وينه ولآ خطب وتسمر بآلقصيم .
بدريه : كآشت مع عيآل عمه .
عليآء : يآربي يآخآلتي ولدك هذآ مآيرتآح آلآ آذآ تشرد بآلبر .
وجدآن : هههههههههههههههههههه حلوه تشرد بآلبر......يآزين حتسيكم يآلحضر .
شموخ طآلعت بوجدآن : آحسن من كلآمك يآلبدويه .
وجدآن شآفت آن بنآت خآلتهآ كنهن زعلن : بدو ولآ حضر كلنآ عبيد آلله .
عوآطف : هههههههه مآكنهآ هي آللي بدت بآلتنغيز وآلضحك على آلكلآم .
عليآء بآبتسآمه : وجدآن تعرف آن مآعندي بنت آحلى من كلآمهآ وخصوصاً لآ تكلمت قصيمي .
وجدآن نآظرت بعوآطف : تجين آن شآء آلله بزوآج فهد وتدخلين آلقصيم وعقبهآ لومين بحبي له .


__

رفحآء ===> مستشفى رفحآء آلعآم ===> قبل سآعتين .
وصلو آلمستشفى ودخلو بندر للعنآيه آلمركزه.
مآمرت ربع سآعه آلآ وآلضآبط جآي وشآف حآلة بندر ومسك آلعيآل .
آول وآحد فهد آخذه على جنب : إسمك ؟؟؟
فهد بمرآرة آلحزن وخوفه على ولد عمه وبصوت حزين : فهد بن مبآرك آل......
آلضآبط : ممكن تقولي وشلون صآرت آلحآدثه .
فهد زآد همه همين : وآلله مآ آدري كيف بس كنآ قآنصين ومآخذينآ وقت آلآ وبندر طآيح على آلآرض وآنآ وولد عمي مآكنآ عنده وقتهآ .
آلضآبط : خلآص يعطيك آلعآفيه .
رآح فهد وجآء بعد موسى آللي نفس آقوآل فهد وتطآبقو هو وفهد بآلكلآم وبآلحزن .
وجآء بعدهم عبدآلرحمن ويآكبر فجيعته ولوعته وخوفه على بندر .
عبدآلرحمن آكثرهم حزن وآكثرهم هم وآكثرهم وجع : إسمك .
عبدآلرحمن : عبدآلرحمن خزآم آل.....
آلضآبط : إنت آللي كنت مع بندر يوم آطلق عليه آلرصآص ؟؟
عبدآلرحمن : إيه كنت معآه......قبل لآ يصوب نفسه كآن ينظف سلآحه .
تأكد آلضآبط آنهم آبريآء آقوآلهم متطآبقه مآفيه ولآ ثغره .
وغير كذآ هو ولد عمهم وعآرفين آنوه هو آللي صوب نفسوه بآلغلط لآن مكآن آلرصآصه بكتفه ووآضح آن آلآطلآق صآيبته من قريب .
طلع آلضآبط بعد مآقفل آلمحضر لآنهم آبريآء .
طلع آلدكتور آللي كآن يسوي عملية بندر رآحو له آلعيآل بسرعه يسألونوه عن بندر .

___

آلقصيم ===> آلآن آلسآعه 4 ونص آلعصر .
لبست عهود جلآلهآ آللي يسترهآ بآلكآمل على رغم آنهآ متآكده آن حمود مآهو بآلبيت بس آلحذر وآجب .
نزلت للمطبخ وآول مآدخلت نزلت جلآلهآ شآفت عمشآء تسوي آلقهوة .
رآحت لعمشآء وحبت رآسهآ : مسآتس آلله بآلخير يآحلى عمه بآلكون .
عمشآء بآبتسآمه : مسآتس آلله بآلنور يآحلى بنت .
جآهم صوت عبير من ورآهم وهي تقول بمزح : منهي آحلى بنت آنآ ولآ وجه آبن فهره ؟؟؟؟
ضحكت عمشآء : يآكثر خبآلكن .
عهود مسكت دلة آلقهوة وهي تقول : عنتس يآعمه وآلله مآتسوين آلقهوه وآنآ موجوده .
عمشآء بآبتسآمه : آلله لآيحرمن منتس ويخليتس لي .
دخلت عبير وهي تقول : وآنآ آبسوي آلشآهي وآلفطآير .
عمشآء : آلله يخليكن لبعض ولآ يحرمن منكن .
طلعت عمشآء من آلمطبخ ورآحت لزوجه خلف آللي قآل : هآآ بنآتي مآهن رآيحآت للسوق ؟؟؟
عمشآء : آلآ تقول عهود وده تروح عقب آلعشآء لآن آلوقت هلحين قصير ومآيمديهن بآلسوق قبل صلآة آلمغرب .
خلف : يبشرن بآللي يبن .

__

آلكويت ===> آلسآعه خمس آلعصر .
بيت مسآعد بن فهآد .
بمجلس آلرجآل : يشرفن يأبو فهآد آن آخطب بنتك آلكبيره لولدي علي .
مسآعد رد بآلرد آلمعتآد : علي ولدنآ ويستآهل آللي يزوجه بس تعرف يآبو علي مآلنآ كلآم غير كلآم ملآك نشورهآ ونرد لكم .