[اسطورة !]

* آلبآرت آلسآدس عشر *
شهقت عهود بصدمه كآذبه : آنآ آلبزر يآلبزر ؟؟؟
عبير بعد مآخآفت من شهقت عهود : آقول بس آمشي قدآمي طيحتي قلبي آنتي وذآ آلمشآهق .
عهود آبتسمت وهي تقول بآسى : تصدقين عبير كنت آحس آني آبموت يوم يطرون عرسي ولآ هلحين عآآآدي وآلله ولآ كن آلآمر يهمن .
عبير بعصبيه : لآنتس عرفتي آن مآلتس حق تعصبين على ششي يبي يصير غصبن عنتس .


__

مرو آربع آيآم على آلآحدآث آلسآبقه..#
آلكشته ===> طلع بندر وآستآجرو برفحآء وآلى آلحين مآبلغو آهلهم بآللي صآر لبندر .
آلشرقيه ===> علي وصلوه آلرد من ملآك وهي آلموآفقه وعربآء وآفقت على عيسى وبيصير عرس عيسى وعلي بشهر ثمآنيه بنفس آليوم .
آلقصيم ===> مآفيه تغيرآت آلآ آن عهود وعبير بدن بآلمذآكره لآن آلآختبآرآت مآبقي عليه شي .
آلمدينة ===> حسنآء ومهنآ آلى آلحين مآدرو عن بندر ولو درو يمكن تنهبل حسنآء لآن بندر ولدهآ آلوحيد .
آلكويت ===> ملآك تعيش بفرحه لآنهآ تحب علي وتتمنى يجي آليوم آللي يجتمعون به تحت سقف وآحد .
__

آلقصيم ===> آلبر...#
دخل همآم بآلبيت وهو يقول : هدى.....يآهدى....دلآل..
دخلن آلبنآت بشق آلرجآل وهن مستغربآت من همآم .
: هلآ يبه .
: هلآ عم .
آبتسم همآم وهو يقول : يآهلآ بكن......آجلسن آجلسن آبعلمكن بشي .
جلسن دلآل وهدى ودخلت سمآحه وجلست معهن وقآل همآم : آبشركم آني شريت بيت بآلقصيم قريب من بيت خلف .
هدى وقفت وهي تقول بفرحه : صدز وآلله ؟؟؟ ووشلون لقيت فلوس ؟؟؟ ومتى شريته ؟؟؟؟
همآم آتسعت آبتسآمته وهو يشوف آلفرحه بآينه بوجيههن حتى دلآل : آبو آحمد بآع بيته وشرآ لي آلبيت وحلف علي مآدفع فيه لو آنه ريآل .
دلآل : آلله يجزآوه خير.... ومتى نأثث آلبيت يآعم ؟؟؟
همآم : آبو آحمد وآلله مآخلى علي آلقآصر حتى آغرآض آلمطبخ شرآهن....يله شيلن عفشكن نبي نروح لبيتنآ .

__

رفحآء===> آلشقق آلمفروشه .
فهد نآيم بآلصآله وعبدآلرحمن جآلس يسولف مع موسى : علي خطب وعرسوه بشهر ثمآنيه هو وعيسى مآودك نعرس معهم .
ضحك موسى : ههههههههه صآر زوآج جمآعي مآهوب عيآل عم .
عبدآلرحمن : وآلله آني آتكلم صدز مآودك نعرس سوآ ؟؟؟
موسى بمرح : آنآ لو على كيفي كآن خليت عرسي مع عرس فهد .
عبدآلرحمن نآظر بفهد آللي بسآبع نومه : هين فهد هآبلتوه عهود مكلتوه وخطوبتوه بينهن يوم وعرسوه عقبهن بآسبوعين .
موسى : ههههههههههههه وآلله آنوه مهبول..... ولآ آمس يهذري بآسمه .
عبدآلرحمن : ههههههههههه عقبآل مآنشوفك تهذري بنوره .
موسى نآظر عبدآلرحمن بصدمه : آنآ مآني قآيلن لك آلموضوع هذآ تسد فمك ولآ تتكلم بوه دزدآم آحد ؟؟؟؟؟
عبدآلرحمن : وهلحين عندنآ آحد مآبوه آنآ وآنت ؟؟؟
نآظر موسى بفهد : وفهيدآن يمكن يمثل علينآ مآهو رآقد .
ضحك عبدآلرحمن وهو يوقف : يسويهآ..... يله آنآ آبروح آشوف بندر يمكن محتآج شي .
ورآح للغرفه فتح آلبآب آلآنوآر مسكره وضو آلآبجوره آلهآدي شغآل وبندر نآيم على آلسرير ومتلحف بطآنيتن ثقيلآت وآلغرفه آسآساً دآفيه .
آبتسم عبدآلرحمن وهو يقول بنفسوه """" وآلله آنه مكآنن زين آزين من آلصآله آللي نتحآشر به ومآعلينآ آلآ بطآنيه وحده """"
رآح لبندر وحط يده على جبين بندر ولقآوه مولع حآآآر بآلحيل .
حط آلكمآدآت بوسط آلمآء آلبآرده وحطهآ على جبين بندر آللي آنتفض يومنوه آونس آلمآء آلبآرد .
وقآل بصوت مرهق : عبدآلرحمن .
عبدآلرحمن وهو يثبت آلكمآدآت على جبين بندر : هلآ .
بندر : كم آلسآعه ؟؟؟
عبدآلرحمن نآظر بسآعتوه : بآقي سآعتين ونص على صلآة آلعصر آرقد آرقد .
بندر رجع ونآم مره ثآنيه وعبدآلرحمن آشفق على حآلة بندر .


__

مرت آلسآعآت وصرنآ آلسآعه 9 بآلليل .
عهود شآيله شنطتهآ وتبكي وهي تسلم على عمه خلف وعمته عمشآء .
وتقول بين شهقآتهآ : رآح آشتآق لكم .
آبتسم خلف : وش بتس آلبيت لآصق بآلبيت متى مآبغيتينآ بس دقي وآبشري بمن يجيبتس .
عهود حبت يد عمه وهي تقول : جعلك تسلم يآعم .
وطلعت للسيآره وهدى نزلت رآيحه لبيته .
ركبت عهود وقآلت : سلآم عليكم .
آمه وآبوه ودلآل : عليكم آلسلآم .
عهود بصدمه : دلآل ؟؟؟ وش جآيبتس ؟؟
ضحكت دلآل : آلله يهديتس آنآ مآرحت مع آهلي للريآض آبعآون هدى...... بس ربي فرجهآ وآلحين آبستلمتس .
عهود تضآيقت من هآلطآري هي تدري آن دلآل تقصد آنهآ تبي تعدلهآ وتضبطهآ قبل عرسهآ .
ودلآل مآشآء آلله عليهآ ذوقهآ عآلي سوآ بآللبس ولآ بآلمكيآج ولآ بآلشعر .
عآد دلآل دآيم مميزه ومكيآجهآ هي آللي تحطه لنفسه وآكيد آنه بتعلم عهود وشلون تحط مكيآجه .
عهود """"يآلله يآرب تفرج همي وتيسر عرسي........ وآلله آني آدري آن فهد مآهو مخلين ويبي يطلع عيوني علشآن آلكلآم آللي قلتوه لوه
آلله يستر آعرفوه زين فهد لآعصب وآلله محد يوقف بوجهوه....... بس عآد وش آعمل مآلي آلآ آني آكل تبن وآمشي على آللي هو يبي ولآ آفتح في بكلمه وحده آعرفوه زين مآرآح يخلين آرتآح عندوه """"
وصلو بيتهم آلجديد ونزلو .
دخلو آلبيت وهو عبآره عن فيلآ دورين آلدور آللي تحت بوه آلمطبخ وصآلة آلطعآم وغرفة جلوس جنبهآ ومجلس آلحريم وآلصآله آلجآنبيه
وآلمخزن وغرفة آلشغآله آمآ آلدور آلثآني فيه خمس غرف .
وقسم آلرجآل بوه مجلس ومشب ومقلط .
سمآحه بآبتسآمه : آلله يوفق آبو آحمد ويجعل هآلبيت بميزآن حسنآتوه .

__

آلريآض......#
جآلسآت وجدآن وآمه بآلصآله ووجدآن تقول لآمه : يمه فهد يبي يعرس ويوسف نآشب لي يقول دوري لي وحدة تنآسبن وش رآيتس بعبير بنت عمي
آبتسمت بدريه وهي تقول : عبير منآسبه ليوسف وهي عطيتوه بس يآقلبي آتصلي عليه وآسآليه آذآ هي تبي يوسف ولآ لآ؟؟؟؟
وجدآن بفزع : تبين آبوي يشنقن لآ درى ولآ فهد يعلقن برقبتي علشآني خآلفت عآدآتهم ؟؟؟؟
بدريه ضحكت : بسم آلله عليتس وش فيتس ؟؟؟ يمكن عبير مآتبي يوسف .
وجدآن حست آن آمه آهتمت لخطوبة يوسف آكثر من فهد وآهتمت لعبير آكثر من عهود : وورآنآ نشآور عبير وحنآ مآشآورنآ عهود ؟