قد علمتنا التجارب ان نتجنب عشق النساء
الجزء الاخير
الفصل القبل الاخير
%
%
%
الحب
(الثقه تعطي القلب الراحه )
الحب
(الانتظار يجرح القلب احيانا)
اليوم لا حظة ياحبيبي الحب في العيون
الحب
(يكون به لقاء وفراق)
الحب
(وايضا يكون به الامانه والخيانه)
نحن العاشقون مجانين نحب العيش دووماً في الحب
الحب
(صمت العتب)
الحب
(الحنين يعذب القلب)
هو عباره عن حقائق واساطير ويجلب الابتسامه والدموع احيانا
الحب
(يجلب السكون والطرب)
الحب
(يجعل القارب القلب يغرق)
العشاق يشعلون اللهب وينسون انهم يحترقون به احيانا
*
*
*
فارس اشعل لهب الوحده بقلب شوق لما تركها وسافر سنتين والحين رجع بعد ما اشتعلت النار بس بيده يقدر يطفيها او يتركها تحترق للاخر وينفخ رمادها عشان يطيره في الهواء
اليوم الخميس
الساعه 10 الصبح
مشى وهو منزل راسه ودخل لغرفة نومه البارده والمظلمه كان يمشئ حافي والسراميك كان بارد
مد يدينه وهو يمسح على خد زوجته بحنان
فتحت عفره عيونها ببطئ وقامت وشعرها المربوط كان مو مرتب وكانها طفله صغيره متهاوشه مع بنت ثانيه على دب او عروسه
فركت عينها وقالت:صباح الخير جم الساعه
رفع سالم يده اليسار وطالع الساعه:الساعه 10 وخمس دقايق
مررت عفراء يدها ورى رقبتها وغمضت عيونها:احس بتعب
سالم منزل راسه:معليش حبيتي صحيتج بدري بس ابغاج تروحين معي صوب بيت اهل شوق اليوم الظهر
فتحت عفراء عيونها وقالت:تباني ارمس لها عن سالفت هناء اليوم
سالم:لالالا بنروح نعزي امس ابوها متوفي
عفراء عقدت حواجبها:لاحول ولا قوه الا بالله ان لله وانا اليه لراجعون
سالم:يقولون مات بسبب جلطه جته بالقلب
عفره:يمكن كان تعبان الصبح عسب جي شوق مايت لليامعه وفي الليل...(سكتت ونزلت راسها)
سالم قرب منها ومسح على راسها:لا تتضايقن هالشئ كاتبه ربي وخلي نفسيتج مع الحمل كويسه والا ناويه نيه على ولدنا
ابتسمت عفراه وقامت من السرير وسالم يبتسم من شكل بطنها البارز والمبين شوي
في لبنان
بيت ام طلال
دخلت ام طلال تصحي سعود من النوم
ام طلال تهزه:سعود يما سعود قم
سعود ماله الاساعه نايم قام والنفسيه مررره زفت:اووووووف وش تبين خليني انااام
ام طلال تضايقت من كلمة اووف بس مسكت نفسها وقالت:يما الساعه 10 ونص قوم اخوك عنده شغل اليوم روح عنده
سعود صرخ:اطلعي برا خليني انام ان شاء الله ما اقوم اتركوووني (اخذ البطانيه وغطى وجهه وهو يقول):اوووف ماتخلون الواحد يرتاح
طلعت ام طلال من الغرفه وسكرت الباب وجور جت صوبها وشافتها تمسح دموعها
جور عقدت حواجبها:يما شفيك
ام طلال:مافيني شئ
جور:سعود ماقام طلال عالتلفون
ام طلال:يما خليه نايم لاتقومينه
جور:يما قل لك شئ يزعلك
سكتت ام طلال وجور كانت بتفتح الباب بس امها مسكتها:يما تركيه لا يعصب عليك انتي بعد
جور هي الي عصب الحين وفتحت الباب ومده يدها لمفتاح النور وشعلته:سعوووووود
سعود وهو متغطي:اوووف
جور وقفت عند السرير ويدينها على خصرها:وش قلت لامي عشان تطلع متضايق وتصيح من غرفتك
سعود ساكت ومايرد عليها
جور مدت يدينها وهزته:سعووود سعوود
نفخ سعود بقوه:اووووووف وشال البطانيه وقام بعصبيه ومسك جور من يدها ودفها برى الغرفه وسكر الباب وقفله
جور رجعت للباب وصارت تضربه وتحاول تفتحه بس (لا حياة لمن تنادي)
ركضت لتلفون بتقول لطلال بس رجت ولقت السماعه مسكره طالعت امها وقالت:انتي سكرتيها
ام طلال:أي قلت له اني ابغى سعود يجيب لي اغراض من السوبرماركت
جور:يما ليييش ماقلتي له خليه يعرف عشان يعاقبه وهذي ثاني مره يسويها كل ماينام طلال برى البيت يتأخر وريحته تكون خايسه لما يتكلم واسلوبه معنى يكون اخيس واذا قام من النوم قال انا ماسويت شئ يما هذا شتفسيره هااا قولي
ام طلال كانت منزله راسها ويوم خلصت جور حكي رفعت راسها وقالت:اذا قلتي لطلال انتي مو بنتي ولا اعرفك
جور انصدمت:يما تسمعين شتقولين يما سعود يمكن يضيع ومن غير ربعه وهو واحد ثاني انا عارفه انك هاوشتيه على سالفت الحلق الي بأذنه بس على فكره هو يلبسه اذا جاء يطلع
ام طلال:ادري شفته تو عليه وهو نايم
جور مولعه من العصبيه:مادري شلون ماسكه اعصابك
ام طلال وبيدها كوسه جالسه تحفرها عشان تصلح محشي:ما ابغى اخوانك على كبر يتهاوشون وانا اعرف طلال زين
جور مسكت راسه وجلست على الكنب:واذا ضاع ولدك وش بتسوين
ام طلال تطالع الصحن الي بيدها وتحفر الكوسه:ماراح يضيع باذن الله
جور:اووف اللهم طولك ياروووح
في الاسطبل
اريج كانت واقفه عن مرايه موجوده في السور وقلبها يضرب ضرب شافت حبه طالعه في جبينها وهي تعرف هالحبه متى تجي وايش سببها لازم اليوم تروح لصيدله بأقرب وقت فزت وهي تسمع صوت طلال وهو يتكلم مع مجموعة عمال هنود جاين صوبها
طلال طالع قمر 15 بين هالعمال المرقعين واريج تطالعه وتبتسم وتقول في نفسها:سبحان من خلقه فعلاً يشبه فارس بس هو احلا بكثير
طلال:محمد شفت السياج شكلها مره حلووو
اريج هزت راسها بااي
طلال يغمز لها:اليوم لازم نجربها
اريج في نفسها(لالا وش هالوهقه التوقيت مره غلط)
طلال يطالع العمال:الحين كلو في فلووس
واحد من العمال:جي بابا كلو نفر ياخذ فلووس
طلال:زين اجل يلا توكلو على الله ومشكورين
راحو العمال وتوزعو على الشاحنات الثلاث وطلعو من الاسطبل الي ماراح يكون اسطبل عادي مع هالتغيرات الجديده
بقى طلال واريج لحالهم
طلال:عاد مابقى الا الصبغ
اريج ابتسمت وهي تطالع السياج من بعيييد
طلال:شرايك محمد نركب الحين
اريج ماقدرت تقول لا لو قالت بيسأل ليش ماتقدر تقول تعبانه لانها ماشتغلت اليوم ابد بس جالسه تتفرج على العمال وطلال
اختارت اريج حصان وطلال فرس ووقفو عند اول سياج
ماكان عالي كثير بس الي بعده علا واعلا
طلال فوق الفرس:يبغلنا نشتري مجموعة ابوات وقلنصوات للخيل
اريج طالعت طلال كيف جالسه فوق الفرس والهواء البارد يلعب بشعره ..حست انها تشوف بطل فيلم او مسلسل
طلال:محمد ياهوو وين رحت انا هنااااا
اريج رمشت بعيونها وحمرت خدودها وطلال ابتسم وقال:مستعد
اريج هزت راسها بأي
طلال:محمد انت طالعت صوت امس مفروض تحاول تتكلم لاتكتفي بالاشارات
اريج هزت راسها بمعنى ان شاء الله
طلال طالع الدرب:يلا بعد
ا
(استعد)
2
(انتبه)
3
(انطلق)
انطلقت الفرس مع الخيل والتقدم في البدايه كان من حليف طلال لانه يعرف كل الخيول والفراس في الاسطبل وعارف من الاسرع والابطئ
تجاوز هو واريج الحاجز الاول والثاني وطلال كل شوي يلتفت يبغى يشوفها وهي تنط
طلال وهو يطالع اريج:يابطئئئئ بسبقك
اريج تغيرت نظراتها من الفرح للخوف وحاولت تضرخ بس طلع اسم طلال من فمه بصوت واطئ ومقطع:طــ ـــ ـــلــ ـللال
طلال لف بوجهه وهو بعد تغيرت تقاسم وجهه وحاول يوقف الخيل لانه نسى ان الحاجز الاخير مره عالي وهو طلب من العمال يجون بيوم ثاني يصلحونه
الفرس ماكانت راضيه توقف ونطت عالي وتجاوزت الحاجز بس طلال ماكان متمسك فيها زين وطالح منها وتقلب في الارض
اريج بكت ووقفت الخيل ونزلت وركضت صوبه وبدت تهزه
طلال فتح عيونه وهو يتوجع وشاف محمد قدامه وقال:لا تخافين بسيطه
(واغمى عليه)
اريج خافت كثيير يوم قال لا تخافين بس قالت يمكن مع الطيحه يحسبها احد ثاني والتركيز عنده ضعف
وقفت وهي مو عارفه كيف تتصرف حتى التلفون لو دقت وشلون بتتكلم
ركضت ودخلت للحمام واخذت منشفه وسطل مويه وطلعت برى
واول شئ سوته انه رشت شوي على وج طلال وهو فتح عيونه بدوره
مسكت كتفه وهو قام معها ودخلو داخل
طلال انسدح على الفراش الي ينام عليه في الليل وقال:كاني سمعتك تناديني
اريج هزت راسها بـــلا
طلال انسدح بشويش بس قام بسرعه:آآآآآه
طالع ورى ظهره وهو يقول:شكل الشوك مليان في ظهري
مدت اريج يدها وشالت جكيته وكان عليه بلوزتين تعرفون خلاقين الشتاء كثار
شال طلال الاولى والثانيه واريج تساعده
كانت في البدايه عادي بس من شافت صدره ارتبكت شوي ومنظر الدم بين صدره كان مقرف شوي
بداء طلال يشيل الشوك عن صدره وظهره واريج تساعده
يدينها كانت ترجف وطلال حس بهالشئ
لما خلص طلال استسلم لاريج الي تمسح ظهره بالفوطه المبله عشان يروح الدم ..كانت تفز كل يقول طلال(آآآه)
خلصت من ظهره وقلبها بداء يدق من شدت الاحراج يوم بدت تمسح صدره
كانت منزله راسها وهو مانزل عينه منها متأكد ان عيونها ماره عليه قبل فقال:محمد احنا نعرف قبل قبل
اريج رفعت عيونها وطالعت وجه طلال الي كان مره قريب تعلقت عيونها بزراق عيونه شوي
طلال مارمش بعيونه لانه عارف انها تطالعهم
حست اريج انها مصختها وهي تطالع وجهه ونزلت راسه ورجعت تمسح صدره
طلال مد يده ومسك يدها الي فيها الفوطه وقال:احنا شايفين بعض قبل كذا صح احس اني اعرف عيونك
اريج حنت لايامها مع شوق وتذكرت سفرت الامارت وعرفت ان طلال تذكر بس عيونها لانها كانت متلثمه يوم الزواج
قامت بسرعه بس طلال للان ماسك يدها
مدت يدها الثانيه وقالت له بالاشاره بس شوي
تركها طلال وهي راحت لشنطتها وكتبت في الورقه كلام ومدت له
اخذ طلال الورقه وقراء:لازم نروح لصيدله انا من البدايه كنت ابغى اروح والحين لازم اروح اشتري لك شئ نعقم فيه جروحك ونغطيها
طلال وقف:يلا نروح
اريج هزت راسها بلا وكتبت:انا اروح انت اجلس
طلال:لا انا سيارتي ما اخلي احد يسوقها لو سرقتها (وابتسم)تراني اقولها مزح
اريج نزلت راسها متوهقه وشلون بتشتري غرضها وطلال معها
طلال ترك البلوزه الي فيها دم ولبس الثانيه وفوقها الجكيت:يلا بسرعه باقي نص ساعه على اذان الظهر
استسلمت اريج وركبت معه
طلال ركب وتألم شوي وهو يتسند على المرتبه
اريج تطالع حواجبه المعقوده وقالت بالاشاره انا اسوق
طلال:تعرف تسوق
اريج هزت راسها بنعم
تبادلو الاماكن ومشت اريج لاقرب صيدليه ووقفت عند الباب وقالت له بعد بالاشاره لا تنزل انا اجيب الاغراض
طلال:محمــــد
اريج لفت وطالعته
طلال:معك فلوس
اريج ابتسمت وهزت راسها باي
دخلت وهي مبسوطه انه مادخل وراها واشترت المعقمات وتيب الجروح والشاش واخذت لها حاجه خاصه بالبنات ودفعت السعر بدون ماتكلم الصيدلي لانها تشوف سعر كل شئ وتحسبه في مخها وطالعت وركبت لسياره
طلال:ايش فيه الكيس الثاني عطني اياه
اريج مدت له كيس المضمدات وخلت الكيس الثاني معها
طلال رفع حاجبه:افهم من هالحركه انك ماراح تخليني اشوف ايش في الكيس
اريج هزت راسها بالايجاب وشغلت السياره ورجعو للسطبل
بعد صلاة الظهر
عند باب بيت عماد وهناء الي كانو متزوجين عرفي بهالفتره
كان زياد ينتظر عماد في السياره عشان يمشون للمطار ويسافرون سواء
(في الصاله)
هناء تعدل الكرفته لعماد:ههههه تروح وترجع بالسلامه واذا رجعت تشوف مفاجئه سعود
عماد:بتضني يوفي بوعود ويصور البنت الي طلب منو زياد بعد مافاز بالرهان يصورها
هناء:يمكن سعود مبسوط معنا واحنا قلنا ان الرهان عندنا شئ مهم والي مايوفي يطلع برى
عماد يتنهد:آآه ثاني ضحيه راح نخلص منها ويبئا جاسر المارد
هناء ابتسمت:هذا اهم واحد
عماد رفع حاجبه:بتتذكري لما الت لالك انو راح انتقم منو وراح اهددو بشئ مهم ..وهمست بأذنك وخبرتك ان اهم شئ الشرف عند الخليجين
هناء:أي فهمت وعرفت انك بتسوي شئ في بنته الوحيده جور
عماد ضحك:ههههههههه لا
هناء استغربت:لا!!! اجل ليش قلت لي قبل هذا الي راح يكون
عماد طالعها بجديه:انتي ليه اخترتي طلال بالذات ليه هو الوحيد الي ما اربتي منو مثل بئيت الشباب
هناء نزلت راسها:لاني حسيته حبني بجد مو مثل البقيه يعلملوني بوحشيه وهمهم الاول والاخير الرغبه
عماد:ههه وانتي شوو همك
هناء هزت كتوفها:الفلوووس
عماد رجع يضحك:ههههه لا مو المصاري
هناء تغير وجهها عماد داهيه واكيد عرف عنها شئ
عماد يمد يده ويمسح على خدها :هنوو حبيبتي انا بعرف كل شئ ..بعرف كيف تغيرت حياتك ميه وتمانين درجه ...في البدايه ماعرفتك ولما تكلمت معك كمان ماركزت منيح بس بالفتره الاخيره عرفتك اكتر واكتر يا هياء..مو هيك اسمك هياء مو هناء هياء المارد
&
&
&
هناء قلبها دق بسرعة قطار الحديد:وشلون عرفت
عماد:المرحوم باسل كان صديئي (رفع يده وطالع الساعه)تاخرت(قرب منها وباس خدها)باي هيووو
مشى صوب الباب وفتحه وقبل لايسكره قال:لا تأربي من اولاد خيك وتركينا نشتغل سواء
سكرت الباب وهناء بدت تنتفض وشلون عرف وشلوووون
*
*
*
تخيلو معي مروج ذات بساط اخصر ورياح ترقص وتغني مع العصافير ..والشمس ترسل خيوطها الذهبيه في كل مكان ..اما الفراش والنحل مدعوين عند الزهور
في هذا المكان توجد فتاه بريئه متمسكه بيد الشخص الي تثق به ..تسلط كل الهامها اليه وهو يشعرها بكل الحب والثقه ويحاول حمايتها من كل شئ ...كلاهما يشعران بأن الاخر خلق له وان ابواب السعاده مفتوحه له
ولــــــــــــــكن
يجب على كل من يدخل بوابه هذا العالم ان يتخظئ بعض الثغرات لكي يعيش بسلام
@
@
@
لكل شخص هدف في هذه الحياه والحياه قد تغير هذا الهدف وتسير به لمكان بعيد جدا او قرب
########
هياء محمد المارد بنت وحيده بين شابين اكبر منه بالسن
كانت دلوعت اخوانها اكثر من ابوها
اخوانها الكبار (ابو طلال وابو متعب)متزوجين وكل واحد لاهي بحياته
بعد وفات امهم وابوهم باعو البيت وصارت هياء تتنقل بين بيت لثاني
وهذا الشئ ترك لها مساحه كبيره من الحريه فلو طلعت تقول رحت لاخوي الكبير او الصغير..وهي بالاساس كانت تقابل شاب سعودي اسمه باسل كانت مغرمه فيه بشكل كبير وهو اوهامها بالحب والزواج ...ومن شدت حبها له ضحت بأغلا ماعندها ..(شرفها)
بس بعد مده اكتشفت ان باسل نصاب وكل ماتفتح سيرة الزواج يتهرب او يهددها بالصور ومقاطع الفيديو
سكتت سنه كامله بس اخوانها في الاخير عرفو كل شئ بعد ما شافها جاسر في مطعم جالسه مع باسل وكاشفه وجهها
اخوانها جن جنونهم وضربو باسل الي هرب للبنان عند صديقه عماد
وهياء ضربوها اخوانها ورموها في البر عشان تموت بعد ماتتعذب كثير من الخوف والجوع والعطش
بس هياء قدرت ترجع لرياض وتستخدم حسابها الي مايعرفون اخوانها عنه شئ ..وسحبت كل الي فيه وسافرت لبنان وتزوجت باسل بس توفى بعد ثلاث سنوات
غيرت اسمها من هياء لهناء..
وحياتها تغيرت كثير من البرائه لنجاسه
صارو الشباب الاغبياء مصدر رزقها توهمهم بالحب وهم يرمون عليها الفلوس
كبرت وحقدها على اخوانها يكبر
بالذات على ابو طلال لانه هو الي رماها في البر
رجعت بعد سنين وشافت طلال وتقربت منه
كان كل فلس يطلعه من جيبه مايكفيها وتطلب الكثير لانها عارفه ان هذا نصيبها من ورث ابوها مو لهم ولعيالهم
تعرفت على طلال الي تعلق فيها وماشك بكبر سنها لانها ايام حبها لباسل كان عمرها 16وباقي القصه انتم تعرفونه
*
*
*
*
لبنــــــــــــان
عزاء سامي المحروسي
الكل كان متواجد الجد والجده والبنات لميس وولدها غيداء وتركي وسلمى وامها واهل لبنان واخو سامي ابو سليم وعائلته
الصدمه كانت كبيره على الكل وتضايقو بشده على فقدان شخص طيب وله وجود كبير في حياتهم
سلمى قربت من شوق وقالت:في واحد يقول اسمه سالم ومعه وحده بيعزونكم
شوق تمسح دموعها وتهز راسها
سلمى تغطت وقالت لهم يدخلون
عزت عفراء سلمى الي استقبلتهم وراحت تسلم على شوق وتعزيها
شوق من شافت عفره تذكرت اريج وزاد صياحها وعفره ضمتها وهي تذكرها بأن هذا قضاء وقدر
سالم:شوق عظم الله اجرج
شوق:جزاك الله الف خير
سلمو عفره وسالم كلى كل الموجودين وعزوهم وكانو كلهم في مكان واحد الرجال والنساء
الكل كان موجود الا فااارس
نرجع للكويت
جور لابسه عباتها:يما اكييد مافي شئ ناقص انتي عارفه اني بروح مشئ مو ارجع وتقولي ناقصني كذا وكذا
ام طلال:لا بس ذول طلباتي وارجعي بسرعه قبل لايقوم سعود ويسوي لنا سالفه
جور:لا ماراح اطول من بعد المحل عاد (ولفت الطرحه عليها ولبست نقابها:يلا مع السلامه
ام طلال:الله يحفظك
طلعت جور ومشت مشئ ..وكان في سياره سوداء ومظلله كمان بأسود وداخلها واحد مو مبين وجهه
مشى وراها وهي ابد مو حاسه فيه
بعد 15 دقيقه
دخلت جور السوبر ماركت
واخذت العربيه وبدت تملاها بالاغراض
مشت وهي تبتسم ..يوم كانت في الرياض ماكان ابوها يخليها تروح لبنده وكانت تشوفها من بعيد
مدت يدها للاشياء الضررويه وبدت تجمع من الخضار والفاكهه واغارض للبيت ثانيه من بهارات و شمبوات ومنظفات الارض ..وماتنسى التسالي (الشبس والشوكولاته والعصاير والمشروبات الغازيه )
بعد ماخلصت راحت عند الكاشير وبداء يحاسب ويحط الاكياس في العربيه
جور:كم الحساب
الرجال:الحساب مدفوع
جور سكتت شوي وقالت:وشلوون من دفعه
الرجال :واحد اشر عليك من بعيد وانتي جايه وقال انه بيدفع الفاتوره
جور:يعني للان مادفع شئ
الرجال:أي مادفع بس بيدفع وقال مانخذ منك شئ
جور:انا ما اشحذ من الناس كم السعر
الرجال:خمسمه وسبعه واربعين دينار
جور:اووف ما خذت شئ كثير
(طلعت الفلوس من بوكها ودفعت وطلعت وهي تتلفت يميم وشمال تبغى تعرف اذا كان هالشخص يراقبها او لا )
ظنكم من بيكوون؟؟؟؟
*
*
*
*
*نحن عشقنا ولكن من نعشقهم لا يحبوننا فهل هذا نصيبنا في الحب *
*
*
*
طلعت جور من السوبر ماركت والاغرض مره كثيره معها مو قادره تمشي فيهم
شافت هندي واقف عند الباب وقالت:جيب عربيه
دخل الهندي عشان يجيب لها عربيه بس قرب منها الشخص الي كان يلحقها وقال:بتمشين بالعربيه من هنا لبيتكم
لفت جور وشهقت وطاحت الاكياس من يدها
ابتسم وهو يطالعها وقال:اسف ماسلمت..السلام عليكم كيفك جور
جور مرتبكه كثير وقالت بصوت متقطع:الحــ ــمــد الــ ــلــ ــه بــ ــخــ ــير
نزل وشال الاكياس من قدامها وقال:يلا خليني اوصلت بالسياره
جور:لا متعب ماله داعي
متعب وقف وهو يبتسم:ليش لا ..
جور نزلت راسها وسكتت وش تقول له ماتبغى منه أي خدمه لانها عارفه انه يحبها ولا تبغى أي شئ منه .هي ماتكرهه بس ماتقدر تحبه
متعب:جور مسألة رفضك لي مازعلتني وهذا رايك الخاص (كان يكذب عشان توافق تركب السياره) يلا يابنت عمي وين لعبنا وضحكنا وحنا صغار لاتخلين هالشئ يأثر علينا احنا قرايب
جور للان مرتبكه:بس بس
الهندي قرب ومعه العربيه ومتعب قال له:شيل هذي الاكياس(واشر على سيارته)وحطهم في هذي السياره
جور حمر وجهها من الاحراج ومتضليقه في نفس الوقت وتفكرفي شكلها راكبه مع متعب في شياره وحده
في اقل من ثواني حط الهندي الاكياس في السياره ومتعب يسأل جور عن الحال والاحوال
الهندي مشى بيدخل العربيه بس متعب ناداها وعطاه فلوس لانه نقل الاغراض والضعيف فرح فيها كثيييييييير لان مافي احد يعطيه بقشيش
مشت جور ورى متعب وفتحت باب السياره بس انصدمت ان الاغراض كلها معبيه المكان ورى وقدام فاضي
متعب وقف:وش فيك(وطل داخل السياره)اوووه ليش سواء كذا ولا يهمك لحظه
مشى ومر من صوبها ووقف قريب منها وبداء يخفف من الاغراض ويحطها قدام الى ان صار لها مكان وجور تطالع فيه
متعب طالعها:تفضلي
ركبت جور وهي ساكته وركب متعب قدام بعد ماسكر لها الباب بنفسه وشغل السياره كان يسوق على مهله وجور منقهره منه لانها عارفه ان هالحركه مقصوده
متعب:شخبار خالد ؟؟
جور:زين
متعب:اكيد تضايق يوم عرف ان ابوه مات
جور:مايعرف
متعب استغرب:ماقلتو له ليش والا ماتبغونه يتضايق
جور:اي
متعب: توه على الم الفرقا والحزن بس اذا كبر بيفهم هالشئ بنفسه صح والا وش رايك
جور لاحظت انه يبغى يتكلم معها بأي طريقه وهي تجاوب في البدايه بأجوبه مختصره بس ملت وصارت ماترد عليه
متعب لاحظه ان قطرات المطر بدت تنزل وتبان على زجاج السياره
متعب:المطر بينزل وشكله بيقوى بعد شوي
تنهد جور وهي تقول في نفسها:اووف منه يعني وش بيغاني اقول أي والله المطر بيقوى
وصلت للبيت ونزلت من السياره ونزل متعب معها وشالت بعض الاغرض ومتعب يشيل معها من الباب الثاني
وقفت جور عند الباب ودقت الجرس
فتحت امها الباب وقالت:جيتي بدري
جور معصبه:لان الاخ اصر يوصلني
ام طلال:أي اخر
متعب من ورى الباب:مساء الخير مرت عمي
ام طلال دووم تلبس طرحه وتغطت فيها ووقفت عند الباب:هلا والله بولدي متعب حياك حياك
( ام طلال تشوف الشارع :مشاء الله اللهم يزيد ويبارك لاجيتك علينا خير وبركه )
دخل متعب وهو مبسوط :تسلمين والله
ام طلال تسكر الباب:قال لي طلال انك بتجي اليوم او بكره زين جيت يمه وش خبارك واخبار امك وابوك
متعب:الحمد لله بخير ..مرت عمى وين المطبخ عشان احط الاغراض
جور تدخلت وقالت:ماله داعي تتعب عمرك اتركها هنا وانا اخذها لهناك
متعب مد لها الاغراض بس هي مادمدت يدها
فـــ
حط الاكياس عالارض وجور اخذتها وراحت هنا
في ارض الكويت نفسها
بيت ابو منصور
كان منصور جالسه في الصاله وماسك الرموت ويقلب في قنوات التلفزيون وساره كانت حاطه يدينها على الشباك الكبير في الصاله وتطالع المطر بس من ارعدت ركضت وجلست على الارض وحولها اوراق كثير ترسم فيها
دق تلفون البيت على نغمه تدل ان الاتصال من نفس البيت مو من برى
ضغط منصور الاسبيكر وقال:ها يماا
ام منصور تكلمه من المطبخ:منصور يا بوك الا لا
منصور يثاوب:لا يما بعده ما يا بس متى تنجبن الغداء يوعااان
ام منصور:اصبر شوي خلنا نتغداء يميع مو كل واحد لحاله
منصور يمسك بطنه:يما اليوووع كافر
ام منصور:معليش اصبر يما كله دقايق ويوصل ابوك ونتغداء ساره عندك
منصور:أي لا تخافين ماتلعب برى
ساره تمسمعها وقالت بصوت عالي:يديده انا هنيييي برى في مطر عشان جذي مارحت اللعب
ام منصور:هه عفيه عليج يلا بشوف مشبوس الدياي لا يحترق
منصور:أي يلا يلا روحي لا يحترق لو يحترق انا الي برووح فيها
سكر منصور ورجع يقلب في التلفزيون مر على قناة دبي وشاف برنامج اسامه السيد وشاف الاكلات الي يطبخها
منصور:اوووف دوم طبخك خرابيط ويوم يعت جبت شئ روعه
غير القناة ووقف على قناة سبيس تون وهو يسمع اغنية الاطفال الي تقوول :
جاءنا فصل البروووده
ناصعاً بين الفصووول
حاملاً معه الجليد
زائراً كل الحقول
تلمع الاضوء في المدينه
تجمعنا في البيت كل مساء
يسمع حكاياتنا واغانينا
مرحبـــــاً فصل الشتاء
سكت منصور وهو يتذكر اريج دووم كان يغني لساره معها أي شئ لما تجيهم في البيت ..تذكرها ..تذكر يوم كانو بلبنان غنو سواء هذي الاغنيه
ساره رفعت راسها وهي تطالع التلفزيون:عمي انت واريج غنيتوها لي في التلفون صح
منصور ابتسم بحزن:أي غنيناها
ساره تحك راسها:انا ماشفت اريج هي الوحيده الي مايت تشوفني يوم فتحت عيوني بس..(وسكتت شوي)
منصور ويده على خده:بس شنوو
ساره تقوم وتقف قدامه:تتذكر اني اول عشان اعرفكم المس ويهكم جذي(ومدت يدها صوب منصور ولمست وجهه)
منصور :أي اذكر
ساره:لما سألني الصبي الي اسمه خالد هناك شلون اعرفكم قلت له جذي ولمست ويهه وقلت بعرفك من انفك لانه وااايد صغير وطلال بعرف بعد بس يوم مسك الريال الثاني وانا مغمضه عيوني ....
منصور دق قلبه بسرعه:ايييه
ساره نزلت عيونها عالارض وغمضت عيونها ومدت يدينها في الهواء:لمس ويهه مرتين مره وانا مفتح والمره الثانيه وانا مغمضه مادري ليه حسيت اني المس ويه اريج
منصور ابتسم :بس هو ريال صح
ساره فتحت عيونها:صح بس يبجي كثييييير
منصور عقد حواجبه:ليه انتي شفتيه يبجي
ساره:ول ماشافني بجى وضمني
منصور سكت شوي وهو يطالع ساره وبعدها وقف بسرعه وطالع لغرفته ركض وبدل ملابسه ونزل مع الدرج وقابلته امه وهي شايله صنية السالطه
ام منصور:يلا ياليوعان الغدى
منصور:بعدين بعدين
ركض وطالع من الباب وتركه مفتوح من العجله وركب سيارته وهو حاط في راسه انه بيروح الحين صوب اسطبل طلال
في لبنان
الكل كان متوجهه لصاله الاكل الا شوق الي ماترضى تحط لقمه بفمها
غيداء:شوق مايصير قوم كلي لك شئ
شوق كانت ساكته وتطالع نقطه معينه في الهواء وتلوم منفسها مليون مره انها السبب في وفات ابوها
غيداء جلست جنبها وبيدها صحن فيه اكل:شووق(ومدت الصحن)يلا قول بسم الله
شوق عصبت ومسكت الصحن ورمته على الارض:ما ابغى ما ابغى اوووووووف(ووقفت وطالعت تركض برى للحديقه)
غيداء جت بتلحقها:شووووق
بس مسكتها لميس وقالت:اتركيها تطلع الي بقلبها
غيداء:هي متأثره كثير
لميس:شئ طبيعي إلي مات ابوها
غيداء:لالا انا حاسه ان فيها شئ ثاني
لميس:غيداء اتركيها بحالها لي فيها مكفيها
تنهدت غيداء:قهرتني يوم كتت الاكل على الارض اذا معصبه على الاقل تحترم النعمه
لميس:لا تحاسبينها هالفتره تراها مو منتبهه لفعالها
في الكويت
اريج كانت جالسه تلف الشاش على صدر وظهر طلال الي اصر انه يجلس تحت شينكوو عشان يتفرج على المطر
كانت اريج ترتجف من البرد ومستغربه من طلال الي مايحس فيه
خلصت لف الشاش عليه واشرت على السماء بعدين عليه ثم مررت يدينها على ذراعها وهي تقصد بحركتها هذي ان الجو بارد عليه
طلال:هههه لا عادي انا احب البرد ليه انتي ماتحبين البرد
هزت اريج راسها بلا
طلال ابتسم بخبث لانه قال لها انتي وهي ما انتبهت:طب ليش ماتحبين البرد اغلب البطلات في الافلام يرقصون تحت المطر
اريج كانت بترد عليه بس استوعبت انه يكلمها بصيغة الانثى
طلال وقف قدامها:تتزوجيني
*
*
*
*
*ارعدت السماء وتلاها برق شديد بين في السماء الي اجتمعت فيها الغيوم السوداء
اريج لفت بوجهها بتنحاش بس طلال مسك يدها حاولت تفك يدها وهي ماتطالع فيه بس هو شد بقبضته وسحبها صوبه والتقت عيونهم ببعض
وقال:من انتي وليش اخذتي شخصيت محمد هذا
اريج بدت تبكي وطلال جلس يراقب عيونها وقال:انا شايفك قبل صح
حست اريج ان يد طلال ارتخت فستغلت الوضع وسحبت يدها وراحت تركض صوب الباب الي يطلعها برى الاسطبل
طلال ركض ورها وكان اسرع منها فقدر يوصل لها واول ما حط يده على كتفها زلقت بسبب الارض الرطبه وطاحت وطاح طلال معها ...
قامت من الارض وملابسها كلها طين بس قبل لا تمشي رجع طلال ومسكها
كان هالمره يرتجف من البرد وشفايفه بعد وصوته الي بداء يتقطع
طلال:اسمعيني انا ماقلت لك قصة هناء عبث انا قررت انساها وقلت لك بتزوج عشان انساها وانا اخترتك انتي
اريج خافت وقالت:اتركني اتركني ارووح
طلال فتح عيونه بقوه من شدت الدهشه:صوتك رجع والا انتي تمثلين من البدايه انك ماتتكلمين
اريج تحاول تسحب يدها:اتركني اتركني
نبح الكلب الي في الاسطبل وهو يمشى ورى سيارة منصور الي دخلت