[لامارا]

(داخل البيت)
طلال:يماااا يماااا

ام طلال تنزل مع الدرج:هلا يما هلا
طلال يسلم على امه ويحب راسها:هلا فيك يالغاليه اتشووو
ام طلال:كذا تجلس يومين مانسمعها فيها الا صوتك ولا نشوفك
طلال:ههه هذاني جيت بس ماتتوقعين من معي
ام طلال عقدت حواجبها:من

(هنا جور كانت بتسلم على طلال بس وقفت من بعيد تسمع ايش بيقول)

طلال:الوصيه
ام طلال:وصيه!!!!!
طلال:أي يمه وصيه وليد الله يرحمه لقيت اخته شذاء
جور حطت يدها على فمها وقلبها بداء يدق بسرعه

ام طلال نزلت دموعه:صدق يما لقتها وشلوون ووين
طلال:السالفه طويله بس البنت عند الباب اروح اجيبها
ام طلال فرحت:أي يما روووح
ابتسم طلال وحب راس امه:الله لا يحرمني منك خفت ماتبغينها تدخل

ابتسمت امه وهو راح يركض للباب
جور قربت من امها:والله مو مصدقه
ام طلال:حتى انا
جور تمسك صدرها:قلبي يدق بسرعه متحمسه اشوووفها


*
8
*

منصور:طلال ماوصيك عليها
طلال :اتشووو اتشوو..الحمد لله ..لاتخاف امي فرحت كثير وبتهتم فيها
منصور ابتسم:يرحمك لله شكلك مزكووم
طلال:أي زكمت يوم تبللت ثيابي
اختفت ابتسامت منصور وهو يتذكر شكل طلال وهو ماسك اريج وملابسهم مبلله وكلها طين
طلال:اقلط
منصور بعد هالصوره من بين عيونه:لا بروح للبيت بس بمر اشوفها بعدين
طلال:حياك الله بأي وقت
منصور:يلا مع السلامه
طلال:مع السلامه

ركب منصور سيارته وهو يشوف طلال يفتح الباب لاريج الي نزلت من السياره ودخلت معه للبيت بدون ماترفع راسها وتطالعه عالاقل


طلال:حياك حياك
جور طالعتها من بعيد وقربت بسرعه لهم:هلا طلال
طلال يسلم على اخته:هلا فيك والله وحشتوني بهاليومين
جور:واحنا اكثر
اريج طالعتها وعرفتها على طوول وقالت هذي البنت الكيوت الي لابسه اصفر بزواج عفره

جور طالعت اريج:مرحبا
اريج مستحيه منهم:اهلين
طلال:جور خذيها لغرفتك خل تبدل ملابسها لا تمرض اتشووو

جور ابتسمت:انت الي مرضت والله
اريج طالعت طلال بقلق خافت لاتكون زكمته قويه ويتعب بسببها لانه هي إلي طالعت في المطر وخلته يركض وراها

جور:شذاء شذاء
طلال:ناديها اريج هي ماتعودت على اسم شذاء
اريج طالعت طلال وبعدها طالعت جور الي قالت لها:تعالي اعطيك ملابس تلبسينها قبل لاتشوفك امي وتجلس تسولف معك من اليوم الي بكره
ابتسمت اريج وطلعت معها فوق

وقف طلال يطالعها بستغراب ماكان مستغرب منها ...كان مستغرب من نفسه وشلون اصلا تعلق فيها بسرعه وليش قال لها قصه هناء وعلى أي اساس دخل فكره الزواج براسه ومستغرب اكثر من سرعت طلبه للزواج منها ندم كثير على تسرعه لانه ماكان يعرف انه بداء يتعلق في البنت الي حبها صديقه طول العمر

سكت شوي وهو يتذكر عيونها .....الحين عرف وين شافهم في زواج عفره يوم كانت مع شوق..شوووووووووووق

طلال:يالله شووق وشلون راحت عن بالي كانت تعرف ايج وتحبها كثير واكيد تضايقت لمااختفت للمره الثانيه ..لازم ادق عليها وخبرها لازم بس وشلوون مامعي رقم تلفونها..مالي الا سالم اكلمه وخليه يخبرها بالمفاجاءه .




######

عند البحــــــــــر

فتح سعود الباب الي من جهة روان بعد ماطلع الكاميرا وبداء يصورها

ضرب خد روان على خفيف وهو يقول:ياقمر اصحى
رمشت روان بعيونها وفتحتها وشاف سعود قدامها ومسلط الكاميرا بوجهها كانت تبغى تتكلم او تتحرك بس ماقدرت لانها مربوطه بالكرسي وفمها عليه تيب

مرر سعود يده على شعرها الاجعد وقال:بس خمس دقايق اصورك فيها واتركك بس عشان مايكون الفيلم ممل خلينا نسوي حاجه تمتع عيون الناظرين لهشريط بعدين

روان نزلت دموعها وهي تشوف سعود يضحك

سعود:ليه تصيحين ماله داعي هالدموع تمشين بفخر وتدعين العفه وانتي العكس

مشى صوب الكبوت واخذ الدفتر من فوقه:هنا كل حياتك ياحلوه ودووم يقولون الحريص يغلط في يوم من الايام..انتي لعبتي ولعبتي وفزتي بس لانك غبيه وحبيتي تقلدين حركات الافلام مسكتي لك مفكره وكتبتي فيها كل شئ مافكرتي انها تضيع او تسرق مثل ماصار الحين

رفع الدفتر وفتح وحده من الصفحات وقراء بصوت عالي:انا اقنعت امي اني اسافر مع خالتي لامريكا عشان الدراسه وخالتي ساعدتني كثير بس مو عشاني لحالي عشان ولدها اياد ..هي اكتشفت اني احبه كثير وهو مايستغني عني بس فصلت بينا بالغصب ولما عرفت بقصه اقترابه مني بشكل محرم سفرتني معها للخارج عشان تسوي لي عمله ترجع فيها بكارتي وتبعد ولدها عني بس الصدمه انه طاع كلام امه وراح بعيد عني

روان هنا انقهرت كثير وصارت تتحرك بسرعه عشان يفك الحبل بس سعود رابطه بقوه وشاد عالعقده

سعود:تدرين بعمري ماقربت من بنت او ضايقتها وكنت اقول في بدايه معرفتي لك اني بوقف حرام البنت مالها ذنب هي تخاف على حساب ضحكتي..بس من عرفت الماضي حقك ماراح اندم بالعكس راح اعذبك الحين كثييير وبخلي هالشريط حاجه اهددك فيها ودفترك هذا(رماه بحضنها)خليه لك الشريط اهم بكثير وحتى لو مانفع عندي نسخه من يومياتك المشوقه

ضحك بقهر:هه تدرين ان قلبي بداء يحبك بس من عرفت كل شئ كرهتك ..كنت جاي لك وانا افكر اسمعك قصيده حلوه واهديها لك بس بعد هاليوميات تعكر مزاجي ..وتذكرت قصيده لنزار تنفع لي ولك كثير

تعرفين ايش تقول القصيده تقول

(قرب منها وحط عينه بعينها بعد ماثبت الكاميرا من بعيد عشان تصورهم سواء)

مالي عينيكي على الارض بديل

كل حب غير حبي لكي مستحيل

فلماذا انتي ياسيدتي بارده

حين لايفصلني عنكي سواء حبتين رمل وبستاني نخيل

ولماذا تلمسين الخيل اذا كنتي تخافين الصهيل

طالما فتشت عن تجربه تقتلني

واخيـــراً جئتي ياموتي الجميل

فقتليني نائماً او صاحياً

اقتليني ضاحكاً او باكياً

اقتليني كاسيا او عارياً

فلقد يجعلني القتل ولين مثل كل الاوليا

ولقد يجعلني سنبه خضراء او جدول ماء

وحماماً وهديــــل

سأبداء من اول السطر اذا كنتي تعتقدين

بأني سقطت امام التحدي الكبير

سأبداء من اول الخصر اذا كنتي تعتقدين

بأني تلعثمت مثل التلاميذ

سأبداء من قمة الصدر ان كنتي تعتقدين اني تصرفت مثل الاغبياء

امام دمووع المرايا او شكوى الحرير

سأبداء من شفتيكي نزولا اذا كنتي تخشين من غربت الليل

والزمهرير

سأبداء من قدميكي صعودً اذا كان علي ان اموت لاربح هذا الرهان الكبير

تصورت حبك طفحاً خفيفاً على سطح جلدي

اداويه بالماء او الكحوول

وبررته بختلاف المناخ

وعللته بنقلاب الفصول

وكنت اذا سألوني اقووول

هواجس نفس

وضربت شمس

وخدش صغير على الوجه سوف يزول

تصورت حبي لك نهر صغير

سيحيي المراعي ويروي الحقول

ولكنه اشتاح بر حياتي

فأغرق كل القرى

واتلف كل السبوول

وجر سريري وجدران بيتي وتركني

وخلفني فوق ارض الذبول

تصورت في البدائي ان هواكي يمر مرور الغمامه

وانكي شط الامان وبر السلامه

وقدرت ان القضيه بيني وبينكي سوف تكون ككل القضايا

وانكي ستذوبين مثل الكتابه فوق المرايا

وان مرور الزمان سيقطع كل جذور الامان

ويغمر في الثلج كل الزوايا

تصورت ان حماسي لعينيكي كأي انفعال

وان كلامي عن الحب كان كأي كلام يقال

واكتشف الان اني كنت قصير الخيال

فما كان حبكي طفحاً يداوا بماء البنفسج او اليانسون

ولا خدش خفيف يعالج بالعشب او الدهون

ولا نوبت برد سترحل مع رحيل رياح الشمال

ولكنه كان سيف ينام بلحمي

وجيش احتلال

واول مرحله في طريق الجنون


بعد سعود عنها بعد ماعطاها نظرت تهديد قويه وراح للكاميرا وقفلها ..ورجع لها وفك التيب الي على فمها

سعود طالعها بستغراب:وين السب والشتم متوقع علاقل بتتفلين بوجهي
رواون تصيح وهي منزله راسها:ليش تسوي فيني كذا
سعود:قلت لك يابنت الناس كنت اضايقك لاني بديت اميل لك بس الحمد لله عرفتك صح قبل لا يطيح الفاس بالراس واتعلق فيك كثير ..وراسك هذا خليه دووم كذا لان مايحق لك ترفعين راسك ..بس لاتخافين مني كثير ماراح اقول لأهلك شئ

رواون رفعت راسها:والشريط ليش تبغاه وليه صورتني
سعود ابتسم:اعيد القصيده ..الشريط هذا عشان اكسب في رهان..وارهان كبير جدا مبلغ مايتفوت كل شخص بيشوفه بيدفع لي يالله بتجر في ثواني

روان :حرام عليك هذا تشهير استر علي
سعود:راح استر عليك قدام اهلك بس المجموعه إلي معي لازم يعرفونك عشان يبعدون عنك ههههه اوصلك للبيت
نزلت روان راسها وقالت:ايه
سعود طالعها وانفجر بضحكه استفزتها كثير:ههههههههههه هههههههههههه ههههههههههه




اضحك يا سعود اضحك انت بعد هذي اخر مره ترفع فيها راسك لان إلي بينزل راسك قريب منك كثييير وانت بنفسك دليته على طريقك الوعر


انتهى هذا اليوم وبداء صباح يوم جديد

جور كانت سهرانه مع اريج الي حكت لها كل قصتها وعرفتها جور وقالت لها انها شافتها بعد في زواج عفره بس اريج ماحكت لها ان طلال طلب يدها لزواج

طلعت جور من غرفتها الساعه 11 ونص وتركت اريج تنام نزلت تحت ولقت امها وطلال جالسين

طلال:هي للان ماشافت خالد صح
جور تشرب الشاي:مسكينه قالت لي كل شئ من طق طق لسلام عليكم
ام طلال:وش قالت لك
جور قالت كل شئ لامها وطلال ساكت ويسمعها ايش تقول لانه مايعرفها زين وفضوله مخليه يحط اذنه بينهم

حكت لامها قصتها مع ام شوق وعرفت ليه تكرها قالت لها كيف عرفت انها مو بنتهم من زياد وكيف عاملها باسلوب مو محترم وقالت لها عن البنات هناك وشوق بذات وانها بكت يوم بدت تحكي عن امها وابوها الي ربوها وسيف اخوها وانها كانت تنام عندهعم في البيت وتشوف احوالهم من بعيد لبعيد

ام طلال:ياعيني عليها المسكينه جت عندك يا طلال عبالها بتشوف اخوها

طلال:أي مسكينه بس احنا يما لازم مانرجعها لأهلها

جور:وشلون ماترجعها فعلاً وليد وصاك عليها بس اهلها يقدرون يرفعون قصيه وبتخسرها اكييييد

طلال:بس اذا كانت متزوجه ماراح يقدرون يسون شئ

جور قربت الكوب من فمها بتكمل الشاي بس كلام طلال وقفها وخلاها تطالعه بستغراب وتقول:ببتزوجها

طلال:اذا وافقت

ام طلال فرحت واخيرا طلال فكر يتزوج ماهمها بنت مين باخذ اهم شئ يتزوج خصوصاً انه رفض سلمى ام خدود وحلف على امه تنسى السالفه مادام ام سلمى نستها

ام طلال:ان شاء الله توافق ليش متشائم هي اختارتنا بعد ماخيرها ولد عمها بينا وبينهم

طلال:يما حتى ولد عمها يبغاها بس هي لازم تختار يا انا يا هووو

جور:حرام عليك صعب تخير البنت بين ثنين

طلال:ادري بس هي لازم تختار

جور:طيب اجل السالفه هي تعبانه نفسيتها وماراح تستوعب الي بيصير لها

طلال في نفسه(صار وانتهى)..وقف وقال:متعب وصل اسمع صوت سيارته بدخله داخل

ام طلال وقفت:اجل يلا يا جور خلينا ندخل المطبخ ونجهز الغداء

مشت جور مع امها وهي تقول:يما الحين البنت لازم تتعود على عاداتنا مايصير تمشي كذا قدام اخواني سعود للان ماشفها بس طلال شبع من وجهها

ام طلال:ادري يما عشان كذا ودي توافق البنت على طلال من متى طلال يقول بلسانه بتزوج

جور:في هذي صدقتي
*
*
*


*
*
*

دخل متعب مع طلال وهو يسأل:متى يصحى سعود
طلال جلس بعد ماجلس متعب:انت وش فيك اليوم سعود وسعود عندك شئ قله
متعب وجهه متغير:بصراحه عندي شئ بس لازم سعود يكون موجود معنا لما اقوله
طلال عقد حواجبه:كان الموضوع خطير
متعب:ماراح اقول شئ
طلال كان بيتكلم بس دق جواله وشاف ان المتصل سالم فقال:معليش متعب بقطع الكلام بينا برد على صديقي
متعب:خذ راحتك
طلال وهو جالسه مكانه:هلا والله وغلا
سالم:هلا فيك وينك ياريال من رحت للكويت مافكرت تزور لبنان لو يوم
طلال:معليش ياخوي بس والله مشغول في الاسطبل
سالم:ها بشر عساه يربحك كثير
طلال:حاليا شئ خفيف بس امس حطيت حواجز قفز وبخلي الاسطبل نادي بعد لتعليم ركوب الخيل
سالم:شئ حلوو اجل بسوي لك اعلان بكل مكان وبخليك تقول الله يقطعه سالم جاب لي عالم وماصار عندي يوم اريح فيه
طلال:ههههه لا ماراح اقول كذا المهم ابغاك تعطيني رقم شووق او توصل لها رساله صغيره مني واتوقع بتفرح فيها كثيييير

(هنا متعب عقد حواجبه وقال في نفسه :انهبل ولد عمي يجيب وحده من الشارع ويدخلها بيتهم والحين يبغى يوصل رساله لثانيه)

سالم:بصراحه طلال ما اعتقد اني بوصل لها شئ الحين لانها تمر بوقت صعب
طلال:ليه شفيها
سالم:ابوها توفى واليوم ثاني يوم عزاء لو تجي يكون احس بكثير (سالم قال كذا عشان لو جاء لبنان يقول له سالفت الولد الصغير)

طلال:لاحول ولا قوة الا بالله (فكر بسرعه)بحاول اكون موجود بكره واوصل رسالتي لها بنفسي يمكن تتحسن نفسياتها شوي
سالم:شنو رسالتك
طلال:خليها مفاجاءه للكل
سالم:براحتك ياريال بس احرص تكون موجود بكره لان انا بعد عندي كلام طويييل لازم ارمسه وياك
طلال طالع متعب:الكل اليوم عنده سوالف مهمه الظاهر
سالم:يلا طلال لازم اسد الخط الحين بودي عفرة لموعد في المستشفى ..آآآآآه يالدنيا وين وليد يسمعني صرت ما اغلط في اسمها
طلال تضايق بسرعه اسم وليد في ثواني يقلب كيانه:الله يرحمه
سالم:اسفه والله عارف اني ضايجتك
طلال:لا يارجال ماصار شئ
سالم:يلا مع السلامه
طلال:مع السلامه

الله اكبر..الله اكبر

متعب:اذن الظهر ياسرع الوقت
طلال:لا الوقت مثل ماهو مايتغير بس احنا بيدنا نخليه سريع او بطئ

سمعو الاثنين صوت ركض احد في الدرج وشافو سعود نازل وبيده شنطة الكاميرا

متعب وقف:سعود وين رايح
سعود ومبين انه توه صاحي من النوم:مشغول مشغول بس وعد عالغداء بكون موجود يلا بااااي

متعب طالع طلال الي طير عيونه على شكل سعود في الرياض يحب يلبس الثوب اكثر من البدله وفي الكويت لبس البدل الغريبه العجيبه

متعب:شفيك
طلال:مو كان سعود نسى يلبس الحزام او انه قلد شباب هاليومين ولبس لو ويست وشراء بروكسات ملونه عشان تبان

متعب عقد حواجبه وجلس:من عاشر القوم يا طلال..وبصراحه انا خايف على اخوك كثييير لا تسألني ليه ماراح اقول الحين




سعود طلع مستعجل وعماد وزياد كانو ينتظرونه في السياره
سعود:هاااي
زياد وعماد:هيااات
سعود:وين هناء غريبه مو معكم
عماد:هناء انا للان ماشفتا لاني من نزلنا من المطار فطرنا بمطعم كتير فخم وهلا حنروح نشوف الفيلم الي صورتو في شئة واحد من الشباب الي بيعرفهم زياد
زياد:بنروح شقه هادف الشباب مجتمعين عنده وهو كلمني وقال خلو الجمعه عالفيلم الحين مادامنا صاحين ..تعال شكلك توك صاحي من النوم
سعود ابتسم:أي والله ياليتكم خليتو الجمعه في الليل
زياد:يلا معليش بس انا متحمس لفيلمك
سعود:تراه مرره قصير بس بيعجبك اكييييد
عماد:شو رايكون امر عالبيت وجيب شئ نشربو مع الفيلم
زياد:ماله داعي هناك في كل شئ تحبه قول انك مشتاق للمدام وبتصبح عليها
عماد:هههههههههه
سعود:ههه صح وش صار على ابوك يا زياد
زياد:دفعنا الكفاله وخليناه يوقع على كم ورقه وهو الحين في طريقه للبيت مارضى يركب معنا السياره
سعود:تحسه تضايق
زياد:شوي بس بعد ماعرف اني بكون مع عماد شريك بالشركه هدى شوي يقول عالاقل يكون احد من العائله فيها
عماد:هووون الشئه
زياد:أي وقف وقف

دخل داخل ومشو صوب الشقه ودخلو وسلموو عالشباب وكلها دقايق والكل جالسين بهدووء في الصاله الرئيسيه وسعود يركب الاسلاك على تلفزيون الشقه الكبير

هادف:ها ياريال تحمسنا
وقف سعود قدامهم وابتسم:صدقوني معي اكبر فضيحه في الكويت لو تنتشر ياللله وش بيصير
زياد:شكلك بتتزعم العصابه وانت اصغرنا ..انا كنت انتقم شر انتقام بس مليت في الاخير في وحده كنت بنتقم منها لان اخوها ضربني في السوق وشكلي بسلمك المهمه لان مبين انك تتسلى بهالاشياء

سعود ضحك:هههه لا خلني بعيد عن الرجال جيب لي ناس ضعيفه حساسه تبكي بسرعه

الكل:ههههههههههه

عماد:يلا سعود شووو انت مابدك تشغل الفيلم
سعود:لا بشغله بس الكل اصرخو اذا كنتو مستعدين
الكل بصوت عالي:مستعديــــــــــــــ� �ن