قد علمتنا التجارب ان نتجنب عشق النساء
الجزء الاخير
الفصل الاخير
****************
النهايه...ليست كلمه تدل على توقف الشئ بل تعني نقطه البدايه لطريق جديد
النهايه.. ستكون البدايه
وبدايتي لا تختلف عن كل البدايات
فالكلماتي اندمجة لتكون جمله لم اكن اتوقع لها الظهور الى النور بهذا الشكل
(لا اعلم اذا اعجبتكم كلماتي او لا)
جملي اتحدت في البدايه وتمسكت ببعضها البعض لتصنع لكم روايه نقلتكم الي مخلف البلدان واللهجات
الخيال كان اساس هذا البناء
ولكن
الحقيقه دائماً اغرب من الخيال
فنحن الان في زمن صدق او لا تصدق وكل مانسمع به ونشاهدت في الافلام او المسلسلات ومانقرءه في المنتديات من قصص وروايات ضرب من الواقع وليس المستحيل
فروايتي تحمل اسطر كثيره جداً لاشخاص عاشو قصص ممالثله لما كتبت
نحن بشر نعيش في عالم واحد ونمشي معاً على كف القدر ولكــــــن لانعلم ماهو المكتوب لنا خلف ذالك النفق الذي سنعبره
*
*
*
*
ذكرت في البدايه ان الكره لعبه مستديره يلعب بها الاطفال كما يحبون ويتحكم بها الكبار
ولكن الكبار متناسين ان الصغار احيانا قد يتغلبو على اكبر عقل مدبر بينهم
*
*
*
زرتم معي منزل الجد وشاهدتم القصص المتفرقه فيه وعرفتم مابداخل كل شخصيه في روايتي
*
*
*
حبل الكذب قصير ولقد انتهى عند كلا من مازن (فقد علم الكل انه متزوج بلارا)..وامنه..(وعلاقتها بسليم)..
*
*
*
الله سبحانه وتعالى يمهل ولا يهمل وكل شخص سينال مايستحقه بكل تأكيد
*
^^^^^^^^^
ضحك لحماس الشباب وقال:لهدرجه متحمسين تراه مره قصييير
زياد:اكيد يلا تعال اجلس
جلس سعود على طرف الكنبه وهو يطالع التلفزيون معهم
اشتغل وكانت اول ثلاث ثواني الشاشه سوداء وبداء الفيلم لسعود وهو في السياره يمشي والشاشه عالشارع ويقول:هذا طريق بيت البنت المقصوده
زياد:ههههه لايكون رايح بيتنا تراه على نفس الشارع
الكل:ههههههههههه
سعود:ركزو الحين بقطع التصوير وبنقلكم على طول لها وهي في السياره
مايد عقد حواجبه وهو يطالع التلفزيون حس انه عرف البنت
حتى هادف حس انه يعرفها طالعو زياد على طوول كلهم لما فتحت البنت عيونها وبدت تصيح
سعود كان يضحك ويطالع التلفزيون وكلهم عيونهم على زياد إلي عيونه من العصبيه وقفت عن الرمش وهو يطالع اخته تصيح
سعود للان ماركز بصمت الكل وقال:شفتو شلون البنت غبيه ليش تكتب كل شئ في دفترها
لف بوجهه بيعلق معهم بس شاف زياد واقف جنبه ويمسكه ويشد قميصه صوبه
زياد وشياطين الدنيا كلها راكبه راسه:واطئ حقييييير نــــــــــــذل
سعود استغرب وبعد وجهه عن زياد لانه ينفخ مع كل كلمه يقولها وقال:زياد شفيك مو انت تحديتني اصورها وانتو قبل كنتو توروني مقاطع فيديو لكم اشد بكثيير من هذا
هادف:زياد هد الاصبي هو ما يعرف من هي
سعود طالع هادف وطالع زياد:من تكون وليش اهتميتو فيها بهالشكل
نزلت دمعه من عين زياد وقال وهو يدفه على الارض:هذي اختي يا كلـ....
سعود انتفض وطالع زياد بخوف وقال:زياد ماكنت اعرف انها اختك
صرخ زياد بقهر بين دموعه الي ما وقفت وقرب من سعود وبداء يضرب فيه ويضرب وسعود يدافع عن نفسه ويرد الضرب لزياد ..بس الكل ماوقفو يتفرجون وفزعو مع زياد اكييييييد
وعماد سحب عمره وطلع من بينهم وهو يضحك لانه اخذ الكاميرا وهم مايدرون
&
&
&
صرخ بكل قهر ورمى الجريده على الارض
هالخبر مو راضي يصدقه ابد ابد
احمد:خيييير وين الناس فيه انا خاطبها قبل والبنت وافقت
ساميه وعيونها تلمع متضايقه من ردت فعل اخوها لما عرف ان هبه بتتزوج واحد غيره:احمد اهدى الله يخليك
احمد يلبس غترته :انا بروح لها الحين(ولف وطالع اخته وصرخ عليها)دقــــــــي عليهـــــــــا الحين ولو ماحصلتها في المكان الي دووم نلتقى فيه بنتف لج شعرج فاهمه
ساميه خافت كثير:فاهمه فاهمه
احمد يطالعها بعصبيه:ماشوفج تحركتي يلا كلميها
مسكت ساميه التلفون ودقت رقم بيت اهل هبه وقالت:الوو..قوه خالتي خديجه هبه قريبه منج..اوكي بنتظر
احمد ارتبك وصار يدور في الصاله ويطالع ساميه الي عيونها بعد على اخوها الرايح والجاي
ساميه:الوو.هلا هبه ....
في بيت ام طلال
بعد الغداء
متعب يسأل:طلال مو سعود قال بيتغداء هنا
طلال:هو متهور شوي تلقاه مصاحب له واحد او ثنين وجالس يتغداء معهم..بعدين كان ماسك الكاميرا اكيد عنده شغل ضروري او واجب للجامعه
متعب:ان شاء الله يطلع كلامك في محله
طلال:متعب انت تعرف شئ وبتقوله لي الحيييين
متعب:بصراحه مو بس بقول لك شئ في اشياء ابغاك تشوفها
طلال عقد حواجبه:اشياء..
متعب وقف:امش معي غرفة سعود
طلال استغرب ومشى وراه
طلعو الدرج وكان مستغرب ان متعب يطلع درجتين بدل وحده وكانه مستعجل ..
مرو من غرفة جور وسمع متعب صوت جور وابتسم وطلال بعد توسعت ابتسامته وهو يسمع اريج تسولف مع خالد
متعب وقف عند باب الغرفه وفتحها وقال:ماراح يعجبك ايش بتشوف جواتها
&
&
&
جور:متى بتقولين له انك عمته الحقيقيه
اريج وعيونها على خالد الي يلعب بالسياره الي بيده:بخليه يقول لي عميمه شذاء واذا كبر وعرف ان وليد متوفي بيعرف بعد في وقتها ان كلمة عميمه مو كذب واني عمته بجد ..صعب نعيشه بأحزان وآهات وهو بهالسن الصغير
جور دمعت عيونها:بقول لك شئ
اريج طالعتها
جور وهي تطالع خالد:تعرفين اني كنت ادعي الله ليل نهار انه يجمعني بوليد اخوك كان انسان رائع طيب همه يرسم الابتسامه على وجهه أي شخص يشوفه ..محترم كثير له سنين ساكن معنا ولا فكر يحاول يشوفني فيها .. وانا اطل من الشبابيك بس عشان اشوف لو زوله من بعييد.....كان لما يبغى شئ يكلمني على جوالي ويطلبه مني بس كل الكلام إلي بينا يكون لخالد يعني انا اسأله اذا كان عادي اخذه معي لصديقتي او اكلمه يوم كان يدرس مع طلال واقول له ولدك نجح ولدك اليوم طاح سنه..ولدك مشتاق لك وفي نفسي اقول وانا بعد مشتاقه (مسحت دمعتها)اريج انا كنت احب اخوك واتمنى اني اكون زوجته بيوم ماتدرين قد ايش موته اثر علي ماكنت اقدر اصرخ وابكي مثل طلال قدام الكل كانت اخبي حزني واهاتي بقلبي
اريج طالعت جور وهي تتذكر نفسها حبت مازن كثيييير ودعت ربها بعد انه يجمعها فيه بس للاسف مازن اختار طريق غير طريقها
جور تكمل كلامها:تصدقني اني لما اسمع هذي المقوله احسها تحذير لي او تنبيه عشان اكون قريبه من متعب كانت المقوله تقول(لا تندم على من حبيت وهو تركك اندم على إلي حبك وانت رديته)
اريج رحمتها:جور مافي شئ بالغصب حتى لو كان متعب يحبك اهم شئ راحتك النفسيه
جور:انا ماراح ارتاح الا لما يبعد عنا كل ماشوفه قريب منا اتضايق ما ابغى أي خدمه منه أحسه يسوي كل شئ عشاني وانا عارفه انه ماجاء من الرياض للكويت الا عشان يطلبني مره ثالثه من اخواني
اريج:بتوافقين
جور هزت راسها:اكيد لا ..هالانسان ما عنده احاسيس مايحس انه بيفرض نفسه بالغصب على ليش يبغى يهين نفسه
اريج:وانتي يا جور لا تربطين نفسك عند اقرب شجره حرري نفسك وطلعي من عالم وليد انتي بنت حلوه وصغيره ومايصير تسوين بنفسك كذا
جور:وانتي
اريج استغربت:انا !!
جور:لو خطبك احد بتتزوجين
اريج ابتسمت بحزن:انا الحين خليني القى لي مكان احس فيه اني مو غريبه ادور لي على بيت دافي اعيش فيه انا وخالد بدون مانضايق احد
جور:اريج لاتسمعك امي تقولين هالكلام ترى جد جد بتزعل
سكتت اريج وهي تطالع الشباك وقالت:لو اطلب من طلال يوديني اشوف امي وابوي بيوافق
جور:يمكن بتشوفينهم من بعيد
اريج:لا انا قررت اتكلم معهم واضم اخوي سيف
(لالا يما سعووود يما ولدي سعوود سعوود)
اريج عقدت حواجبها:مو كان هذا صوت امك
جور دق قلبها بسرعه:الا صوتها
طلعو البنات بسرعه من الغرفه وطلعو بعد طلال ومتعب إلي سمعو نفس الصوت
شافو باب الصاله مفتوح وطلعو في السور وشافو بعد باب الشارع مفتوح بعد
وام طلال جالسه عالارض وتحاول تصحي سعود الطايح على الارض وكله دم
ام طلال تصيح:سعود يما قم قلي لي من سوى فيك كذا سعود سعود
طلال ركض وجلس جنب امه وهز سعود:سعود سعود ياخوي تسمعني
متعب:طلال لاتهزه كثير يمكن عنده كسور لازم ناخذه للمستشفى على طول
جور صاحت:طلال طلال الله يخليك قول انه يتنفس
طلال مرر يدينه عند انف اخوه:أي الحمد لله يتنفس
متعب:مرت خالي ادخلي داخل
مشت اريج صوبها ومسكتها:خالتي دشي داخل
قامت ام طلال معها ودخلت معهم جور كانو يصيحون واريح تحاول تهدي انفسهم
ومتعب وطلال اخذو سعود لاقرب مستشفى
&
&
&
هبه مارضت تقابل احمد لحاله وطلبت من ساميه تكون معهم
كانت جالسه على كرسي في حديقه كبيره والمكان الجالسه فيه كان معزول والشجر فيه مسويه حواجز
احمد كان واقف ومعطيها ظهره وساميه وقافه بينهم ماتدري ايش تسوي
احمد:والله اني استاهل اشقى واتعب واسهر واستاهل اعاني بعد من بلاويك
هبه تصيح:احمد لا تقول كذا
احمد لف وطالعها:اسكتي ..اسكتي لا تتكلمين انا غلطان وندمان وما انكر والنار ماتحرق الا رجل واطيها
ساميه:احمد لاتصرخ وتتكلم بصوت عالي
عض احمد شفايفه وغمض عيونه واخذ نفس سريع
بعد عيونه عن هبه لانه كل مايشوفها يتضايق اكثر:مدري ليش انا اذا حبيت ما افكر معقوله المحبه تذل راعيها ..مدري شبلاني ولا ادري ليش ما اصبر اتسرع احيانا واعشق وابتلي انا فيها
هبه وقفت:احمد انا سويت كذا عشان امي وابوي
احمد طالعها بقهر:وانا..وانا مالي عندك خاطر
طالع ساميه وصار يشكي لها
احمد:متى بدت حكايتنا ما اذكر ومع اني ما اتذكرها زين بس بحكيها..ايوه تذكرت (لف وطالع هبه الواقفه قدامه)شفتها وصرت متخدر ومن دون ما اشعر فؤدي والله معطيها بينت اني معها والله اتبعثر وانسى اذا جتني بدنيا وما فيها ..واني اذا شفتها بعيونها ابحر وارفع شراعي ولا اللقى موانيها ..وانها في بالي وكل مايخطر ولو تتمنى حاجه والله اعطيها
هبه سدت اذانها وصرخت:خلاص اسكت اسكت
احمد قرب منها:لا ماراح اسكت انتي اخترتي واحد غني علي لاني ما املك نص مايملك
هبه بين دموعها:مو عشان فلوسه عشان ارضي امي وابوي هم اختاروه لي وقالو انه...
احمد:كملي ليه سكتي احسن مني بكثييير ...(لف وطالع ساميه الضايعه بينهم وقال)ساميه رفيجتج هذي ياليتني ما عرفتها وياليتها ماعرفت نقاط ضعفي..عرفت اني امووت بهواها واغترت وصارت دووم تتكبر قولي لها تراني اقدر اتغير في لحظه وقول وبكل سهوله بس خلااص ما ابيها واللعب بعصابها وقول بهجر وانا اصلاً ما اقدر اهجرها قولي لها عطيتها احساسا ماظني عليه تقدر وان قلت بنسيها والله بنسيها ...وهي تعرفني وتدري زين وتتذكر ..اني اذا قلت بسويها اسويها ..قولي لها وانصحيها خليها تتحذر والا انا كم بنت تمر قدامي وتعجبني واغلب البنات يتمنون اشاره من يدي وانا اطنش وقول هبه هي إلي اغليها (هنا صوته بداء يتغير لانه ماسك نفسه قدام البنات) انا تسرعت كثيييييييير وحبيتها وبينت لها حبي استاهل اني اسهر واشقى واتعب وقلت قبل النار تحرق واطيها وانا وطيت جمر مشتعل ولو تحسبني بنساها والله ماراح انساها صدق المحبه تذل راعيها ..
مشى بسرعه وبعد عنهم وهبه نادت:احمد احمد (مدت يدها لفمها وهي تحاول تكتم صرخات الالم بداخلها وتصيح بقهر)
ساميه طالعتها بحزن وقالت بعين دامعه:مع السلامه هبه والله يسامحج على إلي سويتيه بأخووي ولا تنسين انا توئمه وإلي يضايقه يضايقني
وطلعت هي الثانيه ورى احمد وتركوو هبه تندم مليوون مره على قرارها إلي اتخذته بعقلها مو بقلبها
في بيت ام طلال
رجع طلال ومتعب راح للمخفر والكل كان يستناهم
دخل طلال وستلمته امه بالاسئله
*
*
ام طلال:ها يما وش قالو عنه
طلال:مافيه شئ حتى كسور الحمد لله مافيه بس شوية رضوض وكم سن مكسور
جور:متى بيطلع من المستشفى
طلال كاتم غيضه على اخوه:بعد يومين ان شاء الله
اريج:الحمد لله على سلامته يا جماعه
الكل:الله يسلمك
ام طلال:من سواء فيه كذا
طلال:ما ندري بس في حارس عند باب غرفته يحرسه عشان محد يقرب منه
(طلال قال كذا عشان مايخوفهم بس الشرطه كانت موجوده لان الدكتور بلغ عن سعود لانه بعد ما كشف لقى في دمه نسبت مخدر كثيييره ومتعب راح للمخفر يحاول معهم يتركون سعود في حاله وانهم مستعدين يراقبونه ولو فكر يطلع راح يطلع لمكان ثاني غير السجن او البيت )
ام طلال ارتاحت وجلست وجور جلست جنبها اريج كانت بتروح فوق بس طلال وقفها:اريج...
اريج لفت وطالعته:نعم
طلال:انا بسافر اليوم وبرجع في نفس الوقت وابغاك تكونين معي
ام طلال:تروح وتخلي اخوك
طلال:يما سعود ماراح يضيع والشرطه حوله ومتعب معكم
جور:اوووف
اريج مستغربه:يعني ضروري اروح معك
طلال:جور قالت لي انك تبغين تشوفين اهلك إلي ربوك ومنصور قال لي انهم مو بالكويت
اريج عقدت حواجبها:اذا كنت بتاخني للبنان فأنهم هناك صح
طلال:أي يحضرون عزاء
اريج تغيرت ملامحها وخافت:عزاء..اي عزاء ميييين مات؟؟
طلال:سامي المحروسي ابو شوق
اريج انصدمت وجلست على اقرب كرسي حولها
طلال:بتروحين معي الرحله بعد ساعه
&
&
&
&
وصل عماد للبيت وماحصل هناء وعرف انها هربت منه فضحك على غبائها ومشى لتلفون ودق الرقم
طوووووط طووووووط
الووو
عماد:الو السلام عليكم ..شركه جاسر المارد لتصدير ..ممكن اتكلم معووو ضروري ..اول لوو من طرف الاهل ...ايه ايوه ..شكراً راح انطر..
#
#
#
في بيت ابو زياد
ام زياد:انت وين كنت
ابو زياد:مسافر برى اوسع صدري فيها شئ
ام زياد كشرت وطالعت التلفزيون تحسه ابرك من وجهه
روان:بابا اذا رحت مره ثانيه خذني وياك امل هني
ابو زياد:ان شاء الله (وتفحص وجه بنته)انتي تعبانه
ام زياد:من امس وجهها كذا اصفر تعرف بنتك ماتاكل كثير تخاف تسمن
ابو زياد طالع روان:جد
روان:أي الكرش يخلي شكل جسمي قبيح
ابو زياد:تحرقين اكلك بالرياضه افضل من الرجيم
هنا دخل زياد وهو معصب وركض لروان إلي ما انتبهت انه جاي صوبها ومسكها مع كشتها:لييييه ليييه
روان تصرخ:اااي هدني ااااااي
ام زياد ترمي الرموت عالارض :زياد فكها ليش تسوي جذي
زياد:انتي شب ولا كلمه بس طالعه راده بهالمناسبات وتاركتها بروحها
روان:زيااااد هدني
ابو زياد بصوت عالي قال:هد البنت وفهمنا وش صاير
زياد دفها على الارض ورفس بطنها:وش صاير الا وش بيصير فينا كلنا بعد ماتنتشر الفضيحه
ام زياد عقدت حواجبها :فضيحه أي فضيحه
زياد:فضيحه بنتك سود الله وجهها يما انتي عارفه ان اياد كان على علاقه معها وانها ماراحت لاريكا الا عشان عشان..
ابو زياد:عشان شووو
زياد وهو حابس دموعه:عشان عمليه اعادة بكاره
ام زياد شهقت وضربت صدرها:لالالامو معقووله
زياد:معقوله ونص
روان بين كل كلمه ينطقها اخوها يزيد صياحها وشهقاتها
ابو زياد جلس يطالعهم:الله اخذ حق كل البنات إلي لعبت عليهم يا زياد الله مانسى يعاقبك كل عرض انتهكته الدنيا لفت ودارت و رجعت لك و لختك الحين ..مثل مافضحت وهددت ناس جاء دوورك الحين
زياد سكت وهو يسمع كلام ابوه ويمر شريط ذكريات الفساد قدام عيونه خمر..بنات..افلام..وتصوير
حس انه لازم ينتقم من سعود لازم يبرد حرته ويفضحه في عرضه مثل مافضحه
زياد:اوريك ياسعود اوريك
ام زياد انصدمت وقالت:سعوود
%%%%%%%%
بعد ساعه
كانت هناء في المطار فعلا انحاشت من البيت امس بس ماحصلت موعد لرحله الا في اليوم الثاني
كانت لابسه بنطلون جينز سكيني وجكيت جلد بيج ولابسه بوت نص ساق بيج وتاركه شعرها المفلول يتمايل بحريه مع حركه جسمها ..جلست على الكرسي وهي تكلم في جوالها:الووو هلا وغلا ..انا في المطار الحين..لالا لسى ماركبت الطياره..اهم شئ الشقه جاهزه ..كنت بروح عند عصام الغبي بس تراجعت..حبيبي انت اووكي امووه هههه يلا باي
وراها بالتمام كان جالس طلال وسمع كل كلمه قالتها وعرف صوتها تجمد في مكانه هالحظه انتظرها من زماااااان بس كلامها شل جسمه زياده وحسسه انه اكبر غبي في العالم ..حس بحركتها وراه وهي تقوم وتمشي ..وقف بسرعه وشافها وهي تروح تشتري لها كم مجله..هذي هناء بلحمها وشحمها ...كان بيروح لها بس ضاع الكلام لو وقف قدامها بيتلعثم وماراح يعرف ايش يقول مع انه عرفها على حقيقتها الا ان جزء من قلبه للان متعلق فيها
جت اريج وهي لابسه عبايه ولافه الطرحه على راسها وواضح من وجهها انها متضايقه:طلال يلا الرحله فتحت
طلال كان مركز على هناء ومو حولها
اريج تابعت نظرته وشافت هناء قدامه وقالت:هذي..هذي
طلال نطق اسمها بكره:هناء
استغربت اريج من طريقه نطقه ولاحظت نطرات الكره بوجهه وتذكرت كلامه لها بالاسطبل وقالت:تكلم معها الحين صدقني بترتاح
طلال هز راسه:لا مو الحين هناك في لبنان لاني سمعتها من شوي تكلم واحد وتقول له انا جايه
سكتت اريج ومشت ورى طلال إلي كل شوي يلتفت يدور على هناء بين المسافرين
طارت الطياره صوب لبنان وراح تحط بعد كم ساعه وبما ان طلال وهناء واريج في الطريق خلونا نروح عند فارس....
صرع قوي بداخله وكلمات كثيره يبغى يعبر عنها
الصراع الداخلي في صدره اقوى بكثير من المد والجر إلي يشوفه قدامه
كان جالس مع واحد عند البحر ويحكي له عن شوق..الرجال طالعه بستغراب من هو عشان يتكلم معه في خصوصياته هو شافه جالس لحاله وسلم عليه وسأله ليه شكلك متضايق
فارس ماصدق احد سأله صار يتكلم بشكل مو واضح الرجل إلي قدامه ماعرف هو يكره او يحب البنت إلي يتكلم عنها
فارس:في الليل لو طاحت النجمه راح امسكها بيدي ..وبتلمع بقوه والقمر بيخجل في البادايه ..انا بيغرني قوه لمعانها وشكلها الحلو بس مافكرت ولا مره انها تنتمي للقمر ولازم في يوم ترجع له وتكون جنبه
(الرجال اللبناني الي قدامه مافهم ايش يقصد بكلامه بس فارس قصده ان شوق هي النجمه الحلوه إلي طاحت بيده بس هو رجل شرقي بعاداته وتقاليده وهي بنت من اصل لبناني وتحب الحريه ومهما راحت وجت برتجع لاصلها وماتراح الا لما تكون حره مثل قبل مايقيدها احد بعبايه او تبتعد ان مخالطه الشباب وغيره )
*
*
حطت يدها على خدها هي الثانيه وجلست تشكي لسلمى حالها
شوق:اهو ليش كذا انا ماسويت شئ كنت فاقده الذاكره مايفهم ..هو تركني الحين بيعاقبني اكيد (مسحت دمعتها بطرف اصبعها النحيف) اكتفيت خلاص ما اقدر اتحمل ابغاه يرجع ..هو عامض شوي (وابتسمت)ومجنون بحركاته احيانا(لمعت عيونها من جديد)مثل الحكل دوووووووووم لازم يكون في عيني
*
*
*
فارس:سرقتها من حلم الصبح ..وصرت افكر فيها دوووم ..صدق او لا تصدق تخليني احلم فيها في احلامي (تنهد)صدق او لا تصدق هي الجنيه إلي تروي لي قصص خرافيه ..اذا هي النسيم فانا الارض
*
*
شوق:اذا هو السحاب فأنا السماء
*
*
فارس يطالع البحر:غامضه احيانا
*
*
شوق تبتسم بين دموعها:مجنون احياناً
*
*
فارس يكرر كلامه:سرقتها من حلم الصباح...
*
*
شوق تردد :مثل الكحل في عيوني....
*
*
*
(داخل الطياره)
كان طلال واريج في الدرجه الثانيه واغلبها مجموعه شباب مسوين ازعاج بهبالهم ولعبهم واغانيهم...كانو مبسوطين كثير لان إلي حولهم مستمتعين بهالشئ
كان طلال مره قريب منهم واقرب بكثير من هناء إلي مكانها مخليه قدام عيون طلال بس هي ماتقدر تشوفه
الشباب مابقى شئ ماسوه واريج كانت تبتسم وهي تطالعهم بس تذكرت زياد وافعاله قبل معها لما جلسو يغنون
ماندري لما بتفوت منهو عدل منهو يموت
جنها سبع مية فوول كل الطريق تكهربااااا
يما قرصتني عقرباااااا
غمضت عيونها وهي تحاول تنسى اشكالهم لما كانو يدورون حولها ويرقصون ...بس من غمضت شافت منصور بكذا موقف وصوره وفتحت عيونها ببطئ وهي توها تستوعب الحين انه يحبها كثير بس هي ماكانت تفهم هالشئ واستوعابها هذا جاء متأخر كثيير
لفت وطالعت طلال إلي تكلم مع واحد منهم وهو يقول:صوتكم فيه شوي تعتعات وعندكم نشاز خفيف
واحد منهم:مبين احنا ازعجناك
طلال:لا بالعكس كنت معصب كثير وروقتو الجو لي شوي
الثاني:طيب بأيش تنصحنا عشان يطلع الصوت معنا حلو
طلال يطالع هناء من بعيد:غن من قلبك وراح توصل رسالتك ...حب راح يبان حبك حزين تكره كل شئ بيبين من صوتك
الشاب الاول:ومن نظرت العين بعد مبين ودك تفضفض
طلال ابتسم:لا خلوني على جنب ارجعو لفرفشتكم قطعت عليكم
شاب غير الاثنين إلي قبل:لا والله مانبداء الا اذا سمعتنا شئ من كلامك حسيت صوتك حلو
ضحك طلال وقال:بس مره وحده لاتقولون غن ثاني
شاب مغرور بينهم:لهدرجه واثق من حلاوت صوتك وحاس اننا بنطلب منك ثانيه
طلال في البدايه ماكان بيغني بس نظرات الشاب ما اعجبته وعناد فيه بيغني :بسمعكم شئ هادي مو رقص وهبال يعني بغير مودكم شوي
الشاب:يلا سمعنا
طلال تنهد وهو يقصد هناء في اغنيته هو يشوفها من بعيد ويبغاها تشوفه او تسمع صوته بس للاسف ماكان يدري انها حاطه سماعات في اذنها وتطالع المجله ومو حاسه بشئ