[لامارا]

تمملت منها ومن طلباتها :خلص افتحي عيونك

بملل نفخت عليها : حشا حشا ولو انه يوم زواجي خلاص ما ابي كل ذا الميك

تنرفزت العامله : ي ستي شو اعمول فيكي هيدا امك بداها هيك وانتي كل مرا عم تبكي اتركيني باء اكمل شغلي

بعد وقت قالت العامله : خلص ي اميره خلصنا

قامت "واخيرا فكه" التفتت لنفسها ف المرايا
مظهرها هادي ونعوم تجنن بمعنى الكلمه
سوت لها شعرها مجعد و ضفيره على جنب بما انه طويل
ولابسه فستان ابيض هادي بدون اكمام وقصير لتحت الركبه وعليه في النص حزام اسوود
ومشجر من تحت بالاسود ولابسه كعب اسود
والميك حقها مرا هادي كريم اساس و لاينر اسود و روج وردي فاتح وبالقوه خلتها تحط لها بلاشر مشمي

شافتها امها ودمعت عيونها : ما شاء الله تبارك الله واحلا عروس والله

كشرت بوجهه امها ودمعت عيونها : اي مرا واحلا رميه على ولد الناس

امها تضايقت على بنتها : يلا هذا شكله السواق يدق امشي

مسحت دمعتها ولبست عبايتها خارجه مع امها بعد ما دفعو للمشغل وطلعو ..

مشاعل فرحت شافت سيارت ماجد مو السواق

جات بتركب ورا بس شافت وحده نايمه دوبه متسدحه وغاطه في سبات عميق

ناظرت لماجد وامها بصدمه : يممممه مين هذي

امها الي ماسكه الباب بتركب وراحت لجهه مشاعل وشافتها : وشو

ام ماجد ببعد وقت وبهمس : مااااجد مين هذييي

ماجد جا لجهتها وباس راسها : يـ...

ام ماجد بصراخ : مين هذي اقولك

ماجد : يمه صلي على النبي اركبن الحين السياره وبشرح لكم السالفه

ام ماجد كتفت يدينها : ماني متحركه من هنا حتى تفهمني وهالحين

ماجد باس راسها : يالغاليه وقفتنا هنا ما تنفع اركبي انتي ومشاعل قدام والله والله ف السياره احكي لكم عنها

ام ماجد بحزم : مشاااعل بسرعه اركبي خل اشوف وش سالفته ذا

ركبو السياره وحكى لهم عن سالفت ليلى

مشاعل دمعت عيونها : يي حرام شكل ابوها مات

ام ماجد : وش السواة الحين ؟!

ماجد : الحين بنخليها ترتاح ب بيتنا ضربة راسها موجعه شوي الحين خصوصا وهي عندها خياطه براسها

ام ماجد : المسكينه رحمتها







رجعت لبيتهم بعد ما تأكدت من الترتيبات مع ياسمين وجالسه تجهز نفسها

شوي الا فجعتها ضربت الباب ودخلت بقوه معصبه : شذى !! بسم الله الرحمن الرحيم

جات لعندها معصبه و وجهها محمر جات بتعطي روان كف بس م قدرت بكت بحرقه وضمت روان

روان مستغربه : وش فيك

شذى بعذ ماهدت مازالت ضامتها : سلمان خطبني

روان ناظرت فيها مصدمه : لا لا اكيد تمزحين انتي

شذى : صدقتي ؟ انتي ولا واحد منهم اصلا

روان : لا ماصدقت طبعاً ومستحيل فهد يخطبك لانه يحب اروى

شذى تناظر للارض : ادري

روان ضمتها : اكيد امي قالت لك المهم الدنيا حظوظ ونصيب وترا اروى ما تطيقه

شذى : اوف وليش ؟

روان تناظر للمرايا وتمشط شعرها : انا ادري عنها

روان : المهم لا جات خالتي اجلسي مع امي وقومي بواجب الضيافه ههههه انا بروح عند شعلول

شذى تجلس على السرير : طيب كلمتي امي ؟

روان : اي اعطيتها خبر اني رايحه

شذى : اوك بشوف اروى تجهزت والا لا

روان : اوكي قفلي الباب وراك

شذى ابتسمت وقفلت الباب رايحه لاختها

روان ابتسمت وهي تختار وش تلبس "الله يعوضكم ي اخواتي بالي يسعدكم واشوف كل وحده وعيالها ههههه "




كانت رايحه تزور فاطمه وشافته وقلبها دق بقووه

جالس على كبوت سيارتهم ويناظر للرايح والجاي

و كل ما مرت بنت يخزها بعيونه قامت مشت من عنده

بعد ما عدلت برقعها وجات ناحيته تبي تستغل الفرصه دامه لحاله : لو سمحت

التفت لها و وقفت عيونه سرحانه فيها

اسماء استحت مرا وبهمس : لو سمحت انت محمد؟

محمد تجنن عليها: ي عيون محمد انتي

اسماء مرا استحت وبدلع: بيت ابو صالح وين

محمد وقف لها : اصير لك بيت ابو صالح امشي معي اوصلك

ومد يده لها وشوي الا تجي وحده تشوفه وتكلم للي معاها بصوت عالي : هذا مو محمد الي بيتزوج نوره ؟!

الثانيه : قصري صوتك الا هو بس تعرفينه خروف مايترك بنات الديره بحالهم

اسماء ناظرت لهن بكرهه ومحمد ناظر لهم والتفت لها ب ابتسامه "ههه الله ياخذ هالبنات ان شاءالله ": يلا اوصلـ..

قاطتعه بدمع : انت صدق بتتزوج نوره ؟

محمد سكت مبتسم لها : لا ومين هذي نوره انا ما اخذ احد غيرك

اسماء قربت لعنده : كذااااب

وعطته كف ب اقوى ماعندها ومشت

محمد انصدم منها وبسرعه لحق وراها
التفتت ورا شافته يجري وراها وبسرعه فسخت نعالها وجرت ههههههه


وكل ذا صار تحت نظر شخص وطلع وراه يلحقهم ....

وبسرعه ما بقى الا شوي وتوصصل لبيت ابو صالح
الا يمسكها محمد ...





تتابع مسلسلها المفضل وتاكل شبس شوي الا سمعت صوت باب يندق خفضت صوت التيفي: مييييييين؟

من ورا باب جناحها : انا شذاا

اروى " افتح والا لا " سمعت الدق مرا ثانيه " اوووووف " قامت وفتحت الباب لاختها

سمعت صوت المفتاح وابتسمت : هلا اروى

اروى شافتها متكشخه وكشرت بوجهها : نعم وش بغيتي

شذا : ما بتخليني ادخل يعني

اروى :لا و رجاء ما ابغا اي ازعاج ويلا عطيني مقفاك

شذا ابتسمت : طيب انتظري

وصفرت شوي الا يجون 2 عاملات

اروى ب استغراب وخوف : وش تبغون

شذى ابتسمت : انتي عارفه

اروى جات بسرعه بتقفل الباب بس دفو الباب عليها الثلاثه ودخلو ومسكوها ههههههه يجهزوها غصبن عنها

وحده لشعرها والثانيه لوجهها واروى تصرخ يفكونها هههههه بس مافيه فكه طبعا
وشذى مروقه تختار لها لبس من دولابها




في الحوش
فسخت عبايتها معصبه : شكل هالزفت مو جاي

رفعت جوالها تبي تدق الا تسمع صوت ضحك من المجلس

راحت لهناك بخطوات هاديه يوم قربت ميزت صوته وفرحت وبسرعه دقت الباب

وجاها صوته : ميييييييييييييين

: تركي تعال وصلني السواق ذا مدري وين طس

ماسمعت رد احد

ورجعت اخذت عبايتها وهي خارجه تكلمت عند باب المجلس: طيب انا رايحه مشي سلام

وطلعت تمشي وبيت ابو رائد على اخر الشارع

وعلى نص الطريق حست احد يطاردها التفتت الا شافت شاب متلثم وراها بمسافه ويمشي بشويش
...خافت "يمه مين ذا" واسرعت بخطواتها




المغرب

خرج من بوابه المستشفى وهو ضايق

وقفه صوت احد : لو سمحت اخوي

التفتت وبعيونه الضيق: نعم

الحارس : بتسئل عن احد ؟

راشد فقد الامل : اي بنت خالتي ضاعت هنا

الحارس ابتسم : الحمدلله واخيراً البنت ب امان لا تخاف

راشد مو فاهم : تعرفها ؟

الحارس مسك يده : اسمع

وحكى الي صار لراشد

فرح مرررا ودمعت عيونه ماعرف كيف يشكره وضم الحارس من الفرحه : والله ما اعرف كيف اشكرك

الحارس : ما تشكرني اشكر دكتور ماجد هو قال لي كذا ولو انه دوامي خلص بس عشان نلاقي اهلها انتظرت من يسئل عنها

راشد بسرعه وبفرح : بالله عليك دق بسرعه عليه

الحارس : اهدا اهدا ههههه الحين ندق عليه






الرياض - مطار الملك خالد الدولي

كانت خارجه بسرعه من مصصلى النساء تبي تهرب لكن للاسف شافت جاسم جالس على الكراسي مستني

رجعت للمصلى بحزن وجلست تناظر للحريم
كلهم فرحانين بسفرهم الي يزور اهله والي يغير جو برا والي يدرس والي والي وكلن له هدف
الا هي ما تدري و ين الله حاطها لا تعرف احد سوا هالجاسم الكريه

فتحت شنطتها واخذت جواز سفرها وشافت كيف صورتها لما تصورت مكشره كانت وخطرت ببالها فكره

وابتسمت لكن سرعان م تلاشت ابتسامتها يوم سمعته يناديها
وبسرعه قامت خايفه يكشفها ودخلت جوازها المزور بالشنطه

وخرجت له

جاسم بتذمر : وينكك من اول استناك

عايشه : كونت اصلي

جاسم ينزل السيجاره من فمه : حشا ولا هي صلاه قيام

عايشه ناظرت له بكرهه ومشت للكراسي وجلست

وهو كمل سيجارته وجا جلس جنبها

عايشه لسه الفكره تدور براسها : ابي الحمام

جاسم : طيب لا تتأخرين

عايشه انبسطت ودخلت الحمام الله يعزكم مبسوطه وبسرعه جات بتفتح شنطتها الا تدخل حرمه طويل

وجات ورا عايشه وهمست ب اذنها : جسوووم يقولك رميتي الجواز والا لسه

عايشه انفجعت والتفتت لها : بسم الله مين انتي

الحرمه ابتسمت : مو شغلك المهم ترا كل حركاتك مراقبه ( وغمزت لها وطلعت)

عايشه خرجت وقلبها لسه خايف وتدعي بداخلها على جاسم




آوجع قلبي كثيرا، مع ذلك آحب? ♡/


كانت في ابو صالح تستنها تجي
بعد ماقالت لها انها بتكلم امها
سرحانه فيه ومو راضي يبعد عن بالها
ورجعت ذاكرتها لورا

اسما بصراخ : فكني فكني

محمد بعصبيه ماسكها : انتي مين عشان تمدين يدك

اسماء بحقد : انا نوره

محمد ب ابتسامه يمشيها لها : اوف زوجتي هنا

وقرب وجهه من وجهها ومسك برقعها : خلينا نشوف زوجتنا الحلـ..

قطع صوته صراخ احدهم : اتركها مهب رجل الي يتعدا على مره

التفت الا يجيه بووكس منه بوجهه ويدفه بعيد عنها ويطيح فيه ضرب

واسماء مصدومه ولمحته انه ناصر : خلااااااص ناصر اتركه خلااااص ناصر

وناصر مردغه ضرب ومحمد شوي مستسلم وشوي يرد له الصاع صاعين

شوي الا يدفه محمدد الي سال الدم منه ويهرب
وناصر يتأوه من الالم وبعصبيه: طول عمرك حقير لكن حسابك على يدي يالي ماتستحي

والتفتت ل اسماء وبصراخ : ادخلي بيتكم

اسماء قربت من جهته وبهمس : تعورت ؟

ناصر لف بوجهه عنها : لا

اسماء دمعت عيونها : انا اسفه

ناصر تنهد وعيونه للارض : روحي الحين لبيتكم

اسماء بهمس تمسح دمعتها : مشكور م تقصر

ناصر : العفو

صحت من سراحنها على صراخ فاطمه ونزلت تحت تشوف وش صاير

فاطمه ب بكا جلست على الارض وكفوف يدها على وجهها : لااااا لااا حرام عليكم كيف ما لقيتوها الارض بلعتها يعني

ام صالح تجلس وتبكي معاها وتضمها : ماعليك الحين صالح يدور ابوك بالديره ونشوف حل معه الله ينتقم منه

فاطمه تبكي وساكته وقف بكاهم صوتها : مالقيتوها

ام صالح تبكي وتمسح دموع بنتها : وش اقولك ي اسماء خليها على الله

<<طبعا ماحد يدري بضياع عايشه الا اسماء وبيت ابو صالح من الديره





سحب يدها وبحزم : ادخلي

دمعت عيونها : يبه حرام عليك ما ابيه

ابو رائد يكتم حزنه :قلت لك ادخلي

شافت باب المجلس متضايقه

<<مجلس الرجال بالحوش وجنبه على طول بيت شعر وبينهم باب فاصل

ابوها فتح باب المجلس وبصوت عالي : حي الله رامي والله

شمت ريحت عطره وسمعت صوته وهو معطيها ظهرها و واقف مرا ب اخر المجلس : الله يحيك

ابو رائد التفت لها : ادخلي وانا شوي وجاي

عيونها فيها دمعه وماقدرت تقول شي

خرج ابوها وهي ظلت تناظر للي معطيها ظهرها

شوي الا التفت لها وقرب منها : ما تبين تسلمييين شعلولتي ؟

مشاعل نزلت عيونها تبكي وساكته

وهو قرب منها وضمها بقووووه

مشاعل بين دموعها دفته :اتركني ما تستحي انت

وهو اعجبه الوضع باسها على خدها وهي انصدمت وصرخت : وجاااع اتركنـ...

قطع صوتها يوم شالها : ما عرفتيني ؟

ناظرت فيه وصرخت مو مصدقه : عيسىىى !!! انت من جد عييسى

وقاعده تضرب وجهه

عيسى ضحك ومشى وهو شايلها لين وقف عند الباب الفاصل : اي عيسى ي روح عمك انتي

نزلها وما خلا لها مجال تعبر عن فرحها او تضمه

ع طول فتح الباب لها والدنيا ظلام : ادخلي بسرعه

وراح وتركها مقفل الباب وراه

استغربت وناظرت الباب الي تقفل وبخوف : عيسى وينك

شوي الا تسمع تصفير واصوات الصفقااات تتعالى

التفتت وشافت شموع مشتعله حولها وبصوت واحد :
Happy Birthday to you
Happy Birthday to you
Happy Birthday to Mashael
Happy Birthday to you

تولعت الانوار وشافت اهلها وسمعت زغاريد امها وبكت نسيت الهبله هههه انو اليوم ميلادها

وكلهم جو ضموها وبكت بحضن امها

شافت قاتوه مرا يجنن عليه صورتها وهي صغيره وقاتوه ثاني وهي بحضن ابوها

جا ابوها وضمها: اجل كذا تسوي فيني هاه

ابو رائد ضحك : كله من هالسوسه ياسمين ومجيد والا انا قلبي على شعلول ما يطاوعني

ناظرت ل اختها بنظرات تخوف وبوعيد : اوريك انا

كلهم ضحكو ياسمين بضحك : احمدي ربك حد سوا لك حفله هههه

امها ب ابتسامه: يلا الحين قطعي التاتوه

مسكت السكينه ومسكو يدها معاها ياسمين وماجد : تمني امنيه ههه

تمنت ف نفسها وغمضت عيونها" يارب كل حياتي خير ويرجعون اثير وروان زي اول واحسن "

وقطعت الكيكه وصرخو مبسوطين واكلو منها شوي الا شافت امها طالعه : يمه وين رايحه

امها من عند الباب ابتسمت لها وبهمس : عمك جاي

" يعني جد عيسى جا هههههههههههههه مسوي رومنسي الاخ "

شوي الا دخل عمها وياسمين ما كانت تدري شافته وانصدمت : بسم الله مين ذا

شافت مشاعل تضمه عرفته بعد وقت وصرخت فرحانه وضمته : عيساوي وحشتنا

عيسى بضحك :بدري تستوعبين ي سمن العريك هههههههههه

رائد : سلامت الاسفار والله

عيسى : يسلمك ربي من الشر

مشاعل: ليش ماقلت لنا

عيسى : والله سبرايز ومن حظكك انه مع يوم ميلادك ههههههههه

شوي الا ياسمين سحبت اختها : يلا نخليكم سلام

مشاعل : هي ي هبله على ايش مستعجله م شبعنا من عمي

ابو رائد ب ابتسامه : روحي معها والليله بنسهر معاه ان شاء الله

مشاعل ابتسمت وراحت ورا اختها : اوكشين

عمهم عيسى 33سنه ومو متزوج لسه
يدرس بكندا وجا منها بعد ما اخذ اجازه اسبوع وقال بس لاخوه بسفره هذا





عند اميرتنا النائمه فتحت عيونها على بكاء طفله صغيره "اااخ راسي وين انا؟ "

قامت وحطت يدها على راسها حست بشي مربوط عليه م اهتمت
وقفت وبراسها صداع والم
تشوف من وين مصدر هالبكا

شافت طفله ملبسينها روب نوم قصير وردي وشراريب ورديه صغنونه لرجولها
ومنسدحه على سرير صغير تبكي
ابتسمت ب الم " ي زينها اسم الله عليها "
باستها وضمتها لحضنها "ي زينك زينااه يا يا واش اسميك اوكي طفلتي حلوه هاه ههه وه ي ناس عليها تتمغط "
وجلست تهز فيها وتتمشى ف الغرفه
رودي هدت ورجعت نامت في حضن ليلى بهدوء

شوي لوله وهي تمشي شافت شكلها في مرايا كبيره كانت وسط الغرفه
انفجعت من مظهرها كانت لابسه قميص نوم وردي وشوي قصير
وشعرها الاسود الطويل مفتوح
ومربوط على راسها شاش طالع شكلها كيوت
" هذي انااا؟ مين ملبسني كذا انا شكلي قاعده احلم انا وين ليش كذا راسي وش صار لي"
مشت وحست برجلها شي وضحكت : ههههههههههه مين ملبسني كذا؟ يجنن هالشبشب فيه ارنوب و وردي
"لا ي ليلى شكلك بقصر خل اشوف وين نهايته"

طلعت من الغرفه وبيدها رودي الي نايمه ب استسلام

سمعت اصوات صراخ وضحك من تحت خافت "يوو بسم الله من وين هالصوت خليني اشوف"

نزلت تحت وكان على يمينها المطبخ شافته مليان اكل تجننت مبسووطه هههه شافت كيكه شوكلاه مقطعه
اخذت قطعه "يم يم"واكلت منها صار شوي من وجهها فيه شوكلاه هههههه

وتركت القطعه يوم شافت باب ثاني في المطبخ فتحتو وهب عليها الهوا البارد
وبسرعه حضنت رودي لحضنها اكثر وطلعت
اول ماطلعت شافت حديقه مليانه ورد وزرع ونخيل
وتجننت ع الورد احمر واصفر وابيض وفيه الجوري ع طول قطفت ورده بيضا وحطتها ع شعرها
و ورده حمرا حطتها على شعر رودي
وجلست تتمشى في الزرع والبرد جمد سيقانها هي وردي
شوي الا سمعت صوت باب يتقفل
و بسرعه تخبت ورا النخل
وفيه صوت احد جاي خافت وقلبها بدا يدق بقوه كل ما قرب الصوت
"ياربي سترك في احد جاااي ياويلينا ي طفلتي "


نهاااااايه البااااارت
اعذروني لو كان قصير
واتمنى يعجبكم ولا تحرموني من ردكم

توقعاتكم//
سيف ليش رافض يتزوج خوله ؟؟

ناصر وش بيسوي بمحمد ؟؟

عايشه وش ينتظرها في دبي وبتوصل والا تسوي شي يوقف سفرها؟؟

ليلى هي وردي من يشوووفهم ؟؟


وبالتوفيق يااارب للي لسه يختبرون ^.^
دمتم بود وبخــير