[فيتامين سي]

بدريه : ألو

فيصل : مرحبا

بدرية : مرحبتين يا هلا

فيصل : أختي بغيت أسألج وصدقيني مراح أخذ من وقتج كثير ؟

بدرية : تفضل أسأل

فيصل : أنا اختي أمس تعبت وشفت مسجين على تلفونها وحبيت أعرف منو انتي وأبي أعرف شسالفه أنا أخوها وخايف عليها

بدرية : تقصد شيخه

فيصل : أي نعم منو انتي ؟ وشسالفتها أمس ؟

بدرية : أنا بدرية صديقتها وأسفه ما اقدر أقولك سالفه خاصه بيني وبينها

فيصل عض على شفايفه وقال بنبرة تهديد : والله ثم والله لو صار لها شي بتندمين طول عمرج

بدريه : ليش شيخه شفيها

فيصل : تقولين رفيجتها تعالي البيت وشوفي حالتها
بدرية : انا اسفه مو قصدي إني أتعبها

تبدي بدرية تبجي فيصل حن عليها

فيصل : عالعموم حصل خير

بدريه من بين شهقاتها : والله اسفه مو قصدي

فيصل : خلاص يا قلبي ولا يهمج

بدرية انصدمت قلبه

فيصل تدارك : سوري بس صوتج مثل صوت اختي لمن تبجي وما احب احد يبجي وانا اكلمه

بدرية ابتسمت شكله كيوت : اوكي باي

فيصل : بتييين بيتنا ؟

بدريه : ان شالله باي

فيصل ابتسم حس براحه

ملاحظه ما ننسى إنه بدرية عمرها 19 وفيصل 16 بس الطريف بالموضوع انه اللي يشوف فيصل يقول عمره 22 وفيصل وسيم وطويل وحنطاوي ونبرة صوته رجولية طبعا أكيد بتقولون الزبدة بنعرفها بعد ما تيي بدرية بيت بو فيصل 

_ _ _ ----- __ ----- -____ -_ - ____-- --


الساعه 9 مساءا

في بيت بو خالد ::

بو خالد : شخبار أبوج يا ساره

ساره : الحمدالله عمي

بوخالد بابتسامه : جهزتي للملجه لباجر ؟

ساره باستحياء مصطنع : ايه عمي

بوخالد : يا عبدووو

عبدو : نعم يا سيدي

بو خالد : اتصل على بدرية وخالد قولهم ينزلون

ساره بقلبها واااي امبيه

بوخالد : انا أترخص يا ساره ياحرم ولدي خالد قصدي يا أم أحمد

ساره : أذنك معاك يا عمي

خالد ونازل طفشان وماكان يدري انه ساره عندهم راح للصاله وقام يغني غنية وحشتيني

ساره : احم احم نحن هنا

خالد منصدم : إنتي اهني

ساره بصدمه : ليش متضايق مني

خالد : لا شدعوه اخذي راحتج

ساره : وين رايح

خالد بعصبيه : نعم

ساره : يعني الساعه 9 وين بتروح ؟

خالد : ماما ساره بروح الجمعيه اهىء اهىء أروح واله لا

ساره : انت ليش تكلمني جذي

بدرية : سارة خليه على راحته أهو تعبان روح يا خالد

خالد : باي

سارة : بدرية ليش أخوج يعاملني جذي في واحد باجر ملجته يعصب على زوجته المستقبلية

بدرية : ما ادري يمكن تعبان مثل ما قلت لج

ساره وحاسه كرامتها انداست على الأرض : نزين بدرية دقيتوا على عماتي وقلتو لهم عن باجر

بدرية : أبوي ما قصر سوى بالواجب وأكثر

ساره : نزين وين ضحكتج أنتو شفيكم اليوم ؟

بدرية : تعبانين يا شيخه

ساره : الله يقطعج شالاسم هذا شنو شيخه

بدرية متوهقه : لا سوري غلطت

ساره : اليوم انتو حالتكم حاله

بدرية : الله يعين يا ساره


..................................................