[لامارا]

التفت للي عمتي وفرح ابي ادخلهم المجلس عشان ناصر يدخل مجلس الرجال بس شفت عبدالله جاي لعندنا وكانت نظراته ناريه وكان يهدد يمه خفت وش فيه قلب توه كان وش زينه
سلم على امه وعلى فرح وقرب مني قال : وش موقفك تحركي للمجلس
مشيت بسرعة وفتحت انوار المجلس ودخلو فتحت الباب بخرج بس شفت ناصر قفلت الباب بسرعة يوووو نسيت وربي على بالي دخل طالعت فرح وقلت لها تشوف دخل والا وانا من الداخل بموت رعب احس متوتره مو قادرة اركز في شي قدمت لهم وتونست الا اني احس بالخوف من نظرات عبدالله قلت لي فرح تنام معاي بس عشان تنقذني من اخوها بس الهبله رفضت تقول عشان يرميني برا البيت من جدها ماعنده امان حتى اخته تخاف منه اجل انا وش اقول يمه والله ببكي الحين يحسب طلعت لناصر قاصده هذا وانا ماسويت شي كان بيقتلني من نظراته اجل كيف الحين يوم طلعت وناصر شافني ي ويل حالي

صارت الساعه 9 العشا وبعدها استأذنه وراحو لان ناصر اتصل على فرح وقال يلا انزلو بس مستغربه ناصر وعبدالله يجتمعو من غير خصام غريب امرهم
خرجو البيت وانا جلست بالمجلس مابي اطلع واشوفه والله بنذبح بس ماقدرت افكر وش اسوي حتى الا والباب انفتح بقوة فزيت واقفه طالعت فيه جا زي البرق وكف طيحني بالكنب حنى جسمه علي وسحبني بقوة من يدي وقفني وقال: تخونيني وببيتي
فتحت عيوني على الاخر وش هالكلام متى خنته
قال وهو يصرخ واحس كل العمارة تسمع صوته: لو تموتي شفتي لو تبوسي رجلي ماخليتك تتهني انتي وياه مع بعض والله لي اخلي يبكي دم ومايلمس شعره منك
دفها بقوة وتفل عليها : لاتتوقعي راح اخليك بيوم مو حب بس عشان يذوق جزء من النار للي بداخلي زي ماحرمني من حبيبتي بحرمكم من بعض

مشى بس كانه تذكر شي التفت وقال: والله ثم والله لو عرفت انك تتكلمي معاه او بس تناظري حتى موتك مايكفيني سامــعه وبصراخ هز البيت*سامـــعة
قالت وهي ماسكه خدها من الوجع :ســــ ـــــامـــ ــــعـــ ـــه
خرج من الغرفة وكأنها ماصدقت عشان تنفجر بالبكاء مو مستوعبه وش قال وش قصده بالكلام أي حب واي خيانه من يقصد انا ماعمري تكلمت مع حد من يوم ماتزوجته الله ياخذك ي عبدالله على قد ماحبيتك كرهتك الله ينتقم منك عايشه طول حياتي رعب والحين متهمني بالخيانه اه ياربي
مااقدر استحم اكرهــك

.
.
.

ماقدر يقاوم حبه وبدون مايحس نطق لسانه بكلمه كان يتمنى حد يقوله هالكلمة له ولها مو لها وبس قالها بس حس كل حرف نطقه يجرحه
مع هذا فرح يوم سمع صوتها حب يطمن عليها تنهد مع انه ماقالت شي كبير الا ان سؤالها عنه يعتبر شي كبير رد عليها وبعدها سمع صوت عبدالله حس بالقهر والحقد اخذ حبيبته ينتقم منه
انفتح الباب وظهر عبدالله دخله استغرب الهدوء للي فيه بالعادة يطيح فيه ضرب وخصام ماينتهي الا بموت حد
وقفه بنص الصاله وقال له: دخلته عشان تشوف بيت السعادة مع حبيبتك
ناصر رفع عيونه وطالع فيه وقال:وش تستفيد
عبدالله: وش استفيد استفيد اشياء كثير زي مافرقت بيننا انا ومايا راح تموت وتتمناها طول حياتك ماتحصلها
ناصر: اذا ماتبيها ليش تخليها بذمتك
عبدالله بسخريه:هه هه عشان بسهولة كذا تتزوجها
ناصر ابتسم: قلب اسود
عبدالله :مو اسود منك
ناصر: راح يجي اليوم للي يثبت لك مالي يد بموت مايا
عبدالله: كل الادله ثابته عليك تدري لو مو ابوي وامي كان ماتنازلت عن حقي ورحت فيها قصاص
ناصر: مشكلتك اذا للحين مصدق راح اقولها لك كل مره اشوفك فيها مايا ماتستحقك خانتك
عبدالله يضغط على يده: لاتستفزني بكلامك ترا جالس احاول قد مااقدر امسك نفسي
ناصر تنهد: بس تدري لو جا اليوم ذا ماراح اسامحك طول عمري
عبدالله يضحك:هههههههه لو جا وانت عايش وقتها لاتسامحني
والحين عطني ظهرك وتوكل مايشرفني وجودك ببيتي
ناصر التفت وقال: ولا انا

خرج من عند اخوه والقهــر بقلبه كل يوم يكبر كل ماشاف غايه مع عبدالله والطامة الكبرى يوم عرف انها حامل ماتوقع عبدالله يلمسها كان متوقع انتقام يجلس معاه كم شهر ويطلع غمض عيونه ورجع بذاكرته
وكلام عبدالله يتردد بباله للحين

... تدري من راح اتزوج..
ناصر يبتسم: اخيرا قدرت تنسى مايا مين
قالها بكل برود وهو شاق الحلق ويمد بالحروف: غــــــــــــــــــــايــ ه
لحظة صمت مرت وهو يطالع بااخوه مو مصدقه كيف غايه
رد عليه :كيــف
عبدالله بضحك: قبل شوي رجعنا من عندهم الخطبة صارت وبعد شهرين الزواج
ناصر :هه تمزح اكيد
عبدالله :ليــش
ناصر مسكه من رقبته: ي خاين شلون تسوي فيني كذا اخوك انا مو عدوك امس اقولك بحبي لها واليوم تروح تخطبها
عبدالله حط يده على يد ناصر وبعد يده بقوة وقال: لسى ي ناصر ماشفت شي راح تندم انت وكمان هي بتقول وش ذنبها بقولك ذنبها انك تحبها
زي ماحرمتني من مايا راح احرمك من غايه طول عمرك

ماقدر يتحمل ومد يده ودخله بصراع ومن بعدها بدات الحرب بينه وبين عبدالله للي محد يدري بحب ناصر لي غايه الا عبدالله لان ناصر قال لي عبدالله

صحى من سرحانه وحس دمعه نزلت من عيونه رفع اصبعه ومسحها بسرعه ركب سيارته وصار يضرب الدريكسون بكل قوته يفرغ القهر والغضب عليه

.
.
.
بــــــــــــاريس
الســــاعه 9 صبـــاحا
بتحديد بالمطار
جالسه بطاولة تنتظر انس راح يجيب فطور لان رحلتهم بعد ساعه تقريبا
عيونها تدور بين الناس بضياع مو عارفه وش تسوي ولا راضيه تتقبل الوضع تنهدت نزلت راسها لطفلة كانت واقفه قبالها وتمد يدها لها ابتسمت واخذت الورده الحمراء وصندوق صغير مره تعودت على الاشياء ذي لان كل ماخرجت تجيها هدايه بالبدايه كانت تستغرب وتحاول تعرف مين بس للاسف ماقدرت وحتى بالشقه يجي لها هدايه ومع الهديه تكون صورها كلها وبكل الاماكن للي راحتها وكل حركه تسويها تتصور حتى لدرجة كانت تستغرب هي سوت كذا
استنشقت من ريحة الوردة وحطها بطاولة فتحت الصندوق الصغير وكان سلسال رفعته وهي تبتسم بفرح شكله مر حلو كان مكتوب على
السلسال (23-8 وتحت التاريخ حرف h) مره السلسال يجنن حرفه اتوقع دخلت يدي لصندوق وطلعت الظرف ابيض برضو صغير
فتحته وكان مكتوب بخط يد وبالعربي يعني الرجال للي يرسل عربي
شي حلو على الاقل عرفت شي عنه
كان كاتب
للموت انا لك حبيبي صورةٍ حيّه ميّت بحبك وحبّك صِرْت انا اسعى له
يا بو عيونٍ مثِل عين الدمانيّه حورا هَدَبْها مظلّ ودعْج قتّاله
كاسِنّك الحِسْن واوصافك خياليّه ومن راد يوصف جمالك أيتهيّا له

**اتمنى السلسال ماينزل من رقبتــك**
قفلت الورقة والتفت على الناس ابي اشوفه بس ماشفت حد يخليني اشك انه هو التفت على صوت انس وهو يجلس قال: وكمان حتى هنا جاتك هديه
ابتسمت وقلت: ايواا
انس وهو يفتح الاكل:ماعرفتي من مين
عذبة تقرب الاكل لعندها: لا ومايهمني اعرف

اخيــــــــــــــــــــــ ــر وصلت وحشوني اهلي وصحباتي

اول مانزلت وصلتني رساله بجوالي

**الحمدالله على سلامتــك**
استغربت لهدرجة مراقبني التفت ادور ماحصلت حد
اخذنا تاكسي وصلنا بيت اهلي سلمت عليهم وجلست تقريبا ساعتين وكنت
وبعدها انجبرت اروح مع انس عند اهله
وياليت مارحت كانت نوف بنت عمته موجوده هذه نوف تموت بشي اسمه انس بعمره تقريبا وكان الكل يعرف بحبه له واكيد الحين انا ماراح اسلم منها والصراحه من حقها تقول للي تقوله كاني سرقت حبيبها وياليت عاد واحد بعمري واحد اصغر مني للحين احس بالقهر والله اني متحمل بس عشان امي لاتطلق واكون السبب غبنه بقلبي يارب ماعاد اتحمل والله العيشه معاه سلمت عليهم ويوم وصلت لي نوف بعدت عني وجلست بكنب منفرده رجل على رجل ونظراتها ناريه
ماحاولت اعطيها اهتمام جلست جنب عمتي وبنت عمتي
خديجة*ام انس*: كيفــك ان شاء الله انبسطي
جاملتها باابتسامه: أي الحمدالله
نوف بغرور: اكيد تنبسط ماخذه واحد اذا تزوجت كان جابت بعمره
خديجة:نوف وش هالكلام
نوف: أي جد الكلام الصح ماحد يعجبه على فكره مو بس انا اقول كل الناس مصدومه الصراحه كيف ولد بعمره المراهقه يتزوج وحده عمرها 26 سنه كبيــره لو انا مكانك الله لايقول كان مت ولا تزوجته وخليت نفسي مصخره للكل

عذبة: اجل الحمدالله مش بمكاني
التفت لي عمتي وقلت: انا استأذن بروح ارتاح تعبانه
خديجة: طيب روحي واذا جهز العشا صحيتك

راحت غرفتها ورمت شنطتها على الكنب وجلست تنهدت ونزلت دمعة من عيونها الله يادنيا انا عذبة اصير سالفة الناس هه صدق الزمن مايرحم
راح اعيش بيت عمتي دام انس صغير مايستطيع يفتح بيت اخو الكبير حسن متزوج وببيت لحاله والتاني خاطب يقوله خطب بعد زواجي بكم اسبوع وعايش بالدور التاني يعني اخذ راحتي هنا بس عطوني غرفه وحده كبيره اما باقي الاشياء مشتركه بيننا يعني كاني جالسه بيت اهلي مو بيت خاص فيني

رفعت عيونها للباب وكان انس داخل شافها ابتسم لها وقرب منها

انس: شكلك حلو
رفعت حاجب من مت هالكلام :تسلم
وقفت بتروح السرير تنام سحبها من يدها وقال: وين
عذبة تمسح على شعرها: معليش مصدعه وابي انام ممكن
انس يقرب منها: بس انا
قاطعته:انس الله يخليك مو وقتك
انس:ليش
عذبة :انس ابي انام تعبانه
انس سحبها لجهة السرير: ننام مع بعض
عذبة تسحب يدها: لا تفكر قلت مصدعه وابي انام
ماسمع كلام وسحبها لعنده صح صغير بالعمر الا انه بالجسم اطول منها لان عذبة اقصر منه ماتقدر تمنعه لان ببساطه هذا حق من حقوقه مع ان ودها ترفض لان انس يحس الزواج بس الشيء ذا مايعرف الا هذا ساعات ودها تخنقه من القهر طفل بس يوم يكون وقت النوم يكون رجال ناضح وعارف وكل شي


**الله يسامحك يا يبـــه**
هذه الكلمه كانت ترددها بقلبها من القهــر
.
.
.
السبت-27-2014
في دبـــــــــــــــــي
الساعه 10 مساء
في برج الــــ.....

تصوير برنامج اتهـــامات على قناة .....

اضـــاءات وكاميرات بكل مكان جالسه على كرسي اسود عريض من الجلد ومقابله طاوله صغير فيها كوبين من القهوة وكاس مويا
وجالسه قباله مقدم البرنامج بــدر وبيده اوراق
وحوله جماهير جالسين

بدر يبتسم وعيونه على اكرم: التهمه التــــــاني
.
الكاميرا جات على اكرم ابتسم لها وقال: الله يستر من تهماتك
بدر يضحك:ههههههههه انا مالي يد
التهمه التانيه تقول ان رجل العربي رجل الشرقي رجل الغناء يقع في حب فتاة امريكيه

اكرم يعدل جلسته: تهمه باطله انا ماوقعت بالحب ابد الا بعد الزواج من زوجتي الله يرحمها وبعدين مره كبيره اجنبيه مره وحده
بدر: يعني هذا باطل
اكرم:نعم
بدر: طيب قالو انك كثير مغرور ماترد على معجبينك وانك دوم تمثل الانسان المشغول
اكرم يضحك:هههههههه من وين تجيب اتهماتك هذه
بدر يبتسم:جاوب
اكرم بجديه: اول انا فعلا مشغول ماعمري امثل زي ماقالو لدرجة ماحصل وقت اجلس فيه مع عيالي بحكم الاشغال الكثير سوا هنا بالسعوديه او بالخارج مو فاهم كيف ارد على معجبيني وانا اصلا ماعندي حسابات

بدر: ليــش؟؟
اكرم سكت شوي: مدري بس احس فضاوه
بدر:يعني كل الناس مسويه حساب بتويتر او فيس او انستغرام فاضيه
اكرم:لاطبعا مو الكل لاتدخلني بمشاكل مو الكل
بدر: شوف انا قالو راح يتعبك اكرم بس انا قلت لا ماراح يتعبني يعني لي ساعه اتكلم معك تعطي اجابه مختصره
اكرم يضحك : طيب وش اجاوبك انت تسأل اسئله مالها جواب
بدر: اول كتاباتك كان بتجاه معاكس تماما حنا للي نعرفه الشخص الكاتب كااول تجربه له كاتب وناشر بدول العربيه اما انت اول كتاباتك واول تجربه كانت اجنبيه روايه اجنبيه ليـــــــش؟؟
اكرم ابتسم وقال: مو لازم الواحد يمشي على نهج واحد والشاطر للي يطلع بشي جديد انا كنت من عشاق الروايات الاجنبيه قرات كثير حتى جات فكره وعجبتني وطورتها وخليتها روايه اجنبيه والحمدالله نجحت
بدر ابتسم:الحمدالله وهذا فخر لنا وبعدها بثلاث سنوات نزلت كتاب الاسود
ونجح بالخليج نجاح كبير وبعدها وقفت لك الحين فوق الخمس سنوات ماقلت اذا في فكره او راح تنزل شي
اكرم: لا حاليا مافي فكره
بدر:طيب التهمه الثالثه حسب ماوصل ان ابوك كان يحط الريال فوق الريال يعني بالعاميه بخيل لكذا الحين انتي من اغناء رجال العالم
اكرم: من قال طبعا لا في فرق بين البخل وبين الحريص الوالد الله يرحمه ابد ماكان بخيل يعطي بس بالاشياء للي راح تفيد يعني مايعطيك مبلغ وهو عارف انه مو ضروري يعطيك المبلغ ذا هنا يكون حريص وبعدين ابوي كان تاجر كبير شوي شوي وصارت تجارته عالميه والحمدالله
بدر: اكرم لك معجبات كثير حط خط عند معجبات بنات الكثير يتمنى يتزوجك في اكثر من شخص هنا حلمها تتصور معاك توافق على الطلب ذا
اكرم ابتسم: اتوقع الحلم يكون اكبر من كذا
بدر:عاد هذا الشي ء المعقول في ناس تبي تتزوج بتوافق
اكرم ضحك:ههههههههه اجل بالتصوير اهون
بدر:ههههههههههههه طيب عيالك نغم والبراء ليش تحاول تبعدهم عن الكاميرات
اكرم يتنهد: لان مااشوف راح يعطيهم شي
بدر:بس حسب مصادرنا البراء له حساب انستغرام وتقريبا الكل عرفه عيالك نشوف بعض الصور
ظهرت الصوره كبيره على الشاشه كان البراء خانق نغم ويضحك ونغم مطلعه لسانها وماسكه عروسه بيده
اكرم :تصدق مااعرف اه من البراء
بدر يبتسم:متعبك
اكرم:كثير خلها على ربك بس
بدر: بس الاب الحريص يكون منتبه على عياله ولو كنت حريص كنت عارف بحسابه
اكرم: مو شرط
بدر:التهمه الرابعه والاخيره في مقابلتك بجريدة... قلت اعتزلت الزواج صح ؟؟
اكرم ابتسم : وش تبي ي بدر وش تبي
بدر:ههههههههههههههه ابي سلامتك
اكرم:اه منك
بدر:اعتـــزلت
اكرم:لا
بدر:كيف وانت بلسانك قلت اعتزلت الزواج
اكرم:ليش ماكملت الكلام انا قلت اعتزلت الزواج في حال ماحصلت البنت للي تكون ام لي عيال
بدر:الحين انت لو تدق باب حد تحصل موافقه مايحتاج
اكرم:هههههههههههه
بدر: زوجتك الله يرحمها من ماتت لها خمس سنوات ليش للحين اكرم ماتزوج هل في حياته وحده او لان حبك لزوجتك الله يرحمك يمنعك
اكرم: الله يرحمها هذا السؤال اكثر من مره جاوبت عليه ماافكر بزواج حاليا مشغول بالمشاريع وعيالي وان شاء الله اذا حصلت بنت الحلال ليش لا
بدر: وش ممكن تقدم خبر يفرح جمهورك الحاضر او للي يتابعك
اكرم يطالع الجمهور وابتسم :اممم *لف لي بدر وقال* يستاهله كل خير
بما ان الكثير طالب اعمل حساب راح اسوي حساب بتويتر والخبر التاني راح يكون ان شاء الله اذا ربي اراد برنامج برمضان
بدر :شي حلو حصري
اكرم:أي حصري اول ناس تعرف انتم
بدر:جميل
الجمهور صفق بحراره
بدر: اكرم اسعدني جدا تواجد معي واذا كنت ثقيل عليك معليش سامحني ترا الاسئله كثير وبسبب ضيق الوقت ماقدرت اسألك
اكرم يبتسم:حبيبي بدر وانا اسعد وترا من متابعين البرنامج وبالعكس انت من الاشخاص للي احب تقديمه ومسامحك من غير ماتقول لا اجل الحمدالله حسيت الاسئله بدات تتعمق شوي ههههههههههه
بدر:هههههههههههههه مشاهدينا شكرا جدا لمتابعتكم لنا طاب اوقاتكم
وتصبحو على خير انتظروني بحلقة جديده مع ضيف جديد الاتنين القادم الي القاء
كان معكم بدر ....


قام من الكرسي وتصافح مع المقدم وشوي تكلمو مع بعض واخذو صور
انتشرت الحراس لمنع الجمهور

فتح جواله وحصل اتصال من البراء اتصل عليه وبعد رنيتن رد
اكرم:هلا
البراء: بابا تاخرت ترا طفشانين مره
اكرم يكمل:وتبغو تخرجو
البراء:ايوا كنا بنطلع بس الحارس قال مافي
اكرم:لا تطلع انا قلت لك اليوم مشغول ذاكرت
البراء بزعل:ايوا
اكرم:ونغم
البراء :ذاكرت لها نايا
اكرم :يلا نام انا طيارتي بعد ساعه يعني بوصل متاخر
البراء:طيب
اكرم:تصبح على خير