[ام مزن]

البـآآآآرت الثـآآآآني
نزلو البنات يتعشون

أم ساره : هلا والله ببناتي الغاليات
ساره ودآنه : هلا فيج
ساره : يما الا أقول غريبه ما أشم ريحة شنو ماكو عشا ؟؟

أم ساره : وييييه أمبلى نطري نطري خليني أسأل كوماري
كوماري كوماري

كوماري: نأم ماما سنو فيه ؟

أم ساره : كوماري سويتي عشا !


كوماري : لا ماما مافي سي سلاجه

أم ساره : ويهد ان شا الله لييش ما تكلمتي ؟؟

ساره : ألحين شناكل بالله عليج

كوماري : دقي مدأم

دانه : ايييي خووو تلقينها كلت الاكل وتبي تفتك ما تبي تطبخ ما تعرفون سوآلف هالخدم

ساره : لوووووول ايي والله صاجه

ساره : يمما أنزين ملينا من البيت اذا بنطلب مطعم نبي نتعشى برى تكفيييييين يممما والله بطت جبدي الناس عطله وخير واحنا منثبرين بالبيت وعليا علينا أنا وياج يا دنون

دانه : اييييييي والله الله يخلف بسس

أما ساره : هههههههههههه بدوا يطلقون سمفونيتهم المعتاده

شوي ولا أبو ساره دآخل

أبوها : الله حيهم

دانه وساره : يحييك

ساره نطت عند أبوها : يبا واللي يسلم عمرك نبي نتعشى برى بروح أنا ودنون

أبوها : أمممم جم الساعه ألحين ؟؟؟

دانه : عمي الساعه 9 بالضبط واحنا ميتين جووع

أبوها : ههههههههههه خلاص روحو بس على شرط 10 ألقاكم بالبيت

ساره تبوس رآس أبوها : فديييييييييتك أنا

دانه تحب راس عمها : عسانا ما انخلا منك

أبوها : ههههههههههههه اششدعوى لو أدري جذي بتستانسون جان من زمان قايل لكم روحو

صعدو البنات يلبسون ملابسهم الطلعه ويتكشخون

نزلو ولا أمها تقول : يما ساره السايق مو هنيه طلع

ساره : لااااااا

دانه : ويييييييه يا فرحه ما تمت

ساره : يا الله طيب حمود اهنيه ولا برآ

أمها : لا جنه بالديوآنيه

ساره : بروح له دنون أمشي وياي

دانه : لااااا وييه فشششله

ساره بكل دفاشه سحبتها : جب دآآآآآنو عشتو مستحيه أمشي اهووووو لا أعطيج خووش شلووتي

دانه : هههههههههههههه دفششششششه

ساره : مثلج يابنت عمي المصون

دانه : هههههههههههههه

دخلو الديوآنيه على أحمد

ساره : حمود شسمه فديتك يا أخوي الوحيد يا عضيدي

يا عزوتي يا سنافي


أحمد : ساااارووه اختصري واللي يسلمج

شعندج ؟!

ساره تلف على دانه : شفتي عارف لي فديييييييييته والله


دانه : ههههههههههههه

أحمد : وييييييييييييه دانه اهنيه

سوري ما انتهت لج خوو هذي اللي قبالج < يقصد ساره
خذتني بالكلام

دانه : هههههههه لا عادي

أحمد : أشلونج وأشلون عمي وخالتي ؟؟

دانه : الحمدالله بخير

ساره : انزين كلهم بخير بس خلصو علي

حمود نبيك تودينا للمطعم اذا ممكن يعني

أحمد : أمممممممم موآعد الربع نطلع للشاليه

ساره ودانه : لاااااااااااا

أحمد تفرقز : ووجععععااااااااا

ساره : تككككفى أنت أملنا الوحيد

دانه : أنت رجانا الاخير

أحمد : كاااااااااااك اششدعوووى يبااااااا ههههههههههه

ساره : تكككفى ترى تككككفى تهز رجاجيل

ولولى ظروف الوقت ما قلت لك تكفى

دانه تصفر: الله الله عليييييييييج

أحمد : هههههههههههههههه خلاص أجيب سويك سيارتي وانروح

ساره : يا جعععععععلني ما أخلا من خشتك يا أخوي

أحمد : ولا من فرتج هع

دانه : هههههههههههههه مههههبل

طلعو البنات من الديوآنيه بيروحون للسياره

اشوي ولا جايهم أحمد

رآحو للمطعم وتعشو بالسياره واهم رآدين

دانه جاها اتصال من ابوها

دانه : هلا يبا

أبوها : هلا فيج حبيبتي وينج ؟

دانه : يبا تونا رآدين من المطعم السايق ببيت عمي محمد مو!

أبوها : لا سيارتنا امنجره ووديناها لللتصليح منو موديكم المطعم

دانه : أحمد

أبوها : أوكي قولي له يقطج على البيت

دانه : أأأأأأأأ انزين

سدته ومسكت التلفون وطرشت مسج لأمها

^^يما قولي لأبوي فشله أقول للصبي يوديني للبيت كافي مطلعنا ومعشينا

صرآحه مستحيه اذا فاضي أبوي خليه يمرني ولا عليه أمر لاني حححدي منحرجه منه ^^

أمها وصل لها المسج

وقالت لأبوها

أبوها مسك التلفون ودق على أحمد

ساره : من دآق عليج ؟

دانه : أبوي

أحمد : خير ان شا الله اشفيه ؟!

دانه : لا خير ان شا الله بس يسأل ويني فيه

أحمد : أهاااا

ولا داق فونه

ساره : منوو ؟

أحمد : عمي رآشد

دانه بقلبها " وآآآآآآآآي يا الفششله "

أحمد : لا عمي اشششدعوى عاااااااادي ما ورآي شي ...... ايي خلاص ألحين نقطها أوكي لا تحاتي .... مع السلامه

أحمد عرف أنها مفتشله ما حب يقولها شي بعد

وساره كانت مشغوله بفونها ترآسل صديقتها اللي متعرفه عليها بالمنتدى

ساره ^^ أقووولج فطووم الولد طرش لي رساله بس مادري شيبي ؟^^

فطوم : ^^ شوفي أنا ألحين شابكه على المنتدى والصبي موجود لا جيتي للبيت بسسرعه اشبكي وشوفي شيبي لاني بصرآحه صار عندي فضول شيبي منج بالذآآت أنتي ^^

وصلو لبيت دآنه ونزلت دآنه

وصلو البيت ساره وأحمد

أحمد شل شلايله ورآح للشاليه

أما ساره كانت مية شغله أدور برآسها بتعرف شيبي مسموح منها

اصعدت لغرفتها ودشت للمنتدى

وهمن وصلت لها رساله

&& سسوري أدري أزعجتج

بس اذا دخلتي طرشي لي رساله &&

ساره : لاااااااا ويييه أكيد فيه شي

&& هلا والله لا عادي ماكو ازعاج بس شبغيت مني ممكن أعرف حالياً &&

بعد 10 دقايق وصلت لها رساله

&& أول شي حبيت أقولج أنا معجب بشخصيتج صرآحه

ردودج ومشاركتج بالمنتدى كانت لها انطباع مميز

صرآحه حاب أتعرف عليج

أدري بتقولين ان ماعندي شغل ومغازلجي لكن والله مو جذي السالفه بس حبيت أتقرب منج لا اكثر ولا أقل

لج حرية الاختيار سوآء رفضتي أو لا

انتظر رد على رسالتي &&

ردت ساره && تسسلم

أها

أوكي عادي بس تكون بحدود من كلامك باين أنك محترم ومو مال سوآلف هالمغازل &&

مسموح :&& الله يطول بعمرج بس ما عرفتينا عليج

معاج يوسف , وعمري 20 سنه , بكلية العلوم الاجتماعيه سنه ثانيه جامع

وأنتي ؟؟ &&

ساره : && يا هلا تشرفنا

معاك : ساره وعمري 19 سنه بكلية العلوم الاجتماعيه سنه أولى جامع

=) &&

مسموح : لا لا معاي بنفس كليتي شهالصدفه سبحانه

ماشاالله ماخذه هالسنه صيفي ولا لا ؟؟ &&

ساره : && اي ماخذه 3 موآد وأنت ؟؟ &&

مسموح :&& حلوووو اي أنا ماخذ بس ماده وحده

الا أقول أي دكاتره يدرسونج ؟؟&&

ساره :&& الدكتور خالد , والدكتور نايف , والدكتور ناصر .&&

مسموح :&& الدكتور خالد ما غيره خالد الجوهر &&

ساره : && اييييي ما غيره &&

مسموح : && ههههههههه ألحين أنا ماخذ عنده هالماده

يا الله قولي شلابسه خليني أشوفج باجر &&

سساره بقلبها " وييييييه هالوووهقه " && هههههههههه لا مو لازم تعرف &&

مسموح :&& لووووول عادي باجر أكيد الدكتور بيقول أسمج وبشوفج هههههه ياالله سارونه أخليج ألحين ورآي باجر محاضره من الساعه 8 مع السلامه

وباجر أشوفج بالمحاضره =) &&

ساره اقتبست كل كلامها وكلامه وطرشته لـ فطوووم اللي وياها بالمنتدى على المسن

فطوم : وييييييييه مصصيبه عليه عرفج

ساره : لووووول اييي بس ماشي عادي أحسه دخل قلبي فطووم

فطوم : يا شقووول مسسرع توه ما صار لج ساعتين من عرفتيه

ساره : هههههههههههه حب من أول رساله

فطوم : كاااااااااااك خببله الا أقول وين دآنوه عنج ؟

ساره : هههههههههه خليها بعدين أقولها لو قلت لها السالفه بيطلع لها عقر بقر ههههههههههه

فطوم : هههههههههههههه ايييي

بس ترى خووش ولد والله عمري ما شفته يتكلم ويا بنت بخصوص أني مديره عامه فأشوف رسايل الاعضاء

ساره : صصصج أنا مدمغه ليش ناسخه الكلام اللي بينا دآمج اتشوفينه كله

فطوم : هههههههههه لانه الشبكه علقت علي وما قدرت أدش المنتدى ألحين

ساره : أهااااا فطوم ودي يجي باجر بسسسرعه بششوفه

فطوم : سووير اركدي بسم الله عليج لا أتصيرين ملقوفه عاد

ساره : ههههههههه انزين باي بروح أنام عشان بسرعه يجي باجر وأشوفه ههههههههه

فطوم : يا جاااااااهل هههههههههه سوآلف أول نروح انام عشان يطلع الصبح بسرعه ههههههههه

ساره :ههههههههههههه مع السلامه فطوم

وصكته وناااااااامت

البـآرت الثاني انتهى وعرفتو شكان يبي مسموح من ساره أو بالاصح أخت السنافي

من البارت اللي طاف تبدأ قصتنا =)

مابي أتكلم وآيد أخاف أقول الآكو والمآكو لووول وتحترق عليكم الروآيه

بس أنطروني بــ البـآرت الثالث *_*