[لامارا]

الـبارت الـسـادس .
.
.
قراءة ممتعة
.
.
استلموا

صرخت بصدمة وهي تضع يدها على صدرها : نعم ؟!.... انا البس هيك ؟!
شهرزاد وهي على وشك البكاء : وليش ماتلبسي ؟
هزت فيروز رأسها بنفي : لا مستحيل كيف بدي البسو
جلست شهرزاد باستسلام وهي تتنهد من قلبها فهذا الفستان الألف الذي تعرضه على اختها وترفض ارتدائه ... تكلمت بضيق : فيروز مشان الله ... انتي مانك صغيرة .. الفستان بجنن
صفقت فيروز بيديها وهي تضحك بصوت عالي : يابنت الحلال مابناسبني ... شوفي كيف لونو بلمع
شهرزاد بعصبية وهي تقف : يعني على شان بلمع مابدك تلبسي ؟!
جلست فيروز على الارض وهي تبتسم بسخرية : اذا لبستو ما رح ارتاح .. ورح اتوتر .. وارتبك .. وافقد ثقتي بنفسي .. اقصد الباقي من الثقة الي حطمها سيف ..!... واذا حدا اطلع فيني بستحي وما بعرف اتحرك او احكي وبصير أتلعثم بالكلام ..!
تكلمت وهي تنظر لشهرزاد الفاتحة عينيها بتبلد : مالك ؟!
ضحكت شهرزاد بقوة وهي تضع يدها على بطنها : والله ... كانك ... كانك عم .. ههههه .. كانك عم تمثلي مسلسل
فيروز وهي تميل براسها : مافهمت شي .. خلصي ضحك بعدين تفلسفي
شهرزاد وهي تمسح دموعها : بس هاي المشكلة ؟ ... بسيطة
اردفت وهي تضحك : بس قسم بالله شكلك كان تحفة قبل شوي
فيروز وهي تهز كتفيها للأعلى : لاني حكيت الحقيقة
شهرزاد وهي تقف بحماس : يلا خلينا نبلش شغل .. انتي هلأ رح تقيسي الفستان .. وبعدين بتصبغي شعرك وبتقصي وبتتحني بالصالون وانا بروح معك وبس
وقفت فيروز بصدمة وهي تهتف : شعري
شهرزاد وهي تضحك : لا شعري ..! عيونك رح يطلعوا من مكانهن يا بنت
استدارت فيروز بتجاهل تمام لاختها وهي تصعد للأعلى
شهرزاد : هي لوين رايحة ؟
فيروز بهدوء : عالمريخ ! المهم ما اعمل الي بتحكي
شهرزاد بصراخ غاضب : مو على كيفك والله لتلبسي هيك وتصبغي شعرك وتقصي وتتحني كمان
•*•*•*•*•*•*•*•*•*•*•*•*� �*•*•*•*•*••*•*•*•*•*•*
تأفأف بملل : استغفر الله العظيم ... تضربي منك لرفقاتك
ابتسمت بسذاجة وهي تحك شعرها : معليش الله يعينك .... روح تمشى بالحديقة
صرخ بحدة : انوار
ضيقت عيناها وهي تعض شفتيها وتقلده : محمد
سحب الاب توب الخاص به وهو يهتف : اني بقعد بغرفة امي ... بس يروحن ناديلي
انوار وهي تهز راسها لتتطاير بعض خصلات شعرها : لا لا لا مابصير .... بدنا ناخد راحتنا
هتف علي الخارج من الحمام وهو يجفف شعره : وأنا ؟
انوار بابتسامه ساخرة وهي تسحب المنشفة من على راسه : انت بتقعد معنا جوا
اجابها ببرود : ههه ضحكتيني .. اكوي قميصي مشان روح مع رفقاتي وهوينا ..( هوينا = انقلعي من هنا )
تنهد محمد للمرة العاشرة وهو يقف : انا طالع عالحديقة بكمل شغلي هناك
انوار وهي ترفع يديها للأعلى بمسرحية : روحوا الله يوفقكم ويستر عليكم ويرزقكم ويبعتلكم ولاد الحلال قصدي بنات الحلال و....
قاطعها محمد وهو يسحب جهازه ويخرج : مع السلامة
نظرت بطرف عينها لعلي وهي تبتسم بغباء
علي: اكويلي قميصي بعدين بروح
اونوار وهي تضحك بسخرية : هسع بحرقوا
هتفت القادمة من المطبخ وهي تخلع مريول الطبخ : انا بكويلك ياه
ابتسم علي ابتسامة حانية وهو يقترب منها ويتناول المريول : الله يسعدك انتي ... محدا غيرك بشتغل
ابرار باحراج وهي تبتسم : صح بس انا الي بكرف بهالبيت الباقي بقولو : عندي دراسة ، عندي واجب ، عندي امتحان ، بدي نام عالمدرسة
علي بذات الحنان وهو يربت على شعرها : يعطيكي العافية و عقبالك ... ان شاء الله السنة الجاية بتسجلي بالجامعة
وضعت انوار يدها على بطنها وهي تنحني على الارض بتمثيل : بدي استفرغ .. يع يع قرف
ضحكت ابرار برقة : حرام عليك
بينما رمى علي علبة المناديل بوجهها وهو يصرخ : قرف بوجهك
•*•*•*•*•*•*•*•*•*•*•*•*� �*•*•*•*•*•*•
نزلت بخفة من على الدرج وهي تنظر حولها لترى عبير واقفة اعلى الدرج .... نظرت لعبير وهي تغمز وتشير لها باصبعها علامة good
رفعت عبير اصبعها وهي تبتسم بتشجيع وتشير بذات العلامة
ارجعت شام شعرها للخلف وهي تسمي بالله .. ثم تقدمت للأمام حيث صالة الجلوس ... جلست على الكنبة وهي تتزفر بتمثيل .... هتف اسامة الجالس منتصف الصالة : مالها شام ؟
شام بمواصلة لتمثيلها وتضع يدها هلى خدها بملل : ملل وخنقة بالبيت .. صارلنا زمان ماطلعنا
تنهد ياسر بصوت عالي بينما حول اسامه وشام أنظارهم عليه
ياسر بسرعة قبل ان يتكلم والدة : انا مشغول
اسامة : دايما مشغول ما شاء الله ... هالكم يوم ماعندك رحلة روح طلع خواتك
ياسر بضيق : يابي انا لازم ارتاح قبل مايكون عندي رحلة .. ولا بدك ياني اتعب وانا عم سوق الطيارة ويمكن نام من التعب
قطب اسامه حاجبيه : خليك مدلع
هتف ياسر بصدمة : انا مدلع ... اردف بهدوء : تعبان بعدين بطلعهم
حاولت شام اخفاء ابتسامتها .. فالأمور تجري حسب تخطيطها .. نزلت عبير وهي تضبط على وجهها علائم التعب والملل .. جلست بجانب شام وهي تتكلم بصوت مسموع : ملل صح ؟
شام بسكون : صح
عبير وهي تتذكر : ليلى اتصلت فيكي اليوم الصبح صح ؟
شام بذات السكون وهي تحاول اخفاء ابتسامتها فردات فعل ياسر تغيرت تماما عند ذكر اسم ليلى : ايوا اتصلت
عبير ونظرها لياسر : شو كانت بدها ؟
شام وهي تلعب بشعرها : بدها ياني روح معها لعند انوار
عبير بحماس مصطنع : ياي ياي خديني معك شمشوم
شام بهدوء وداخلها يكاد ينفجر ضاحكا فعينان ياسر ستخرجان من مكانهما : قلتلها يمكن ما اقدر اروح .. لانو مافي حدا يوصلني
تفاجئ كلتاهما بصراخ ياسر : بالله شو ؟ كيف مافي حدا يوصلك ... شو انا مو رجال .. ولا مو معبي عينك انتي وياها
شام وعبير انفجرتا ضاحكتين على شقيقهما صاحب الدم الحار
اسامة باستغراب : مالك انت التاني .. من شوي وانت بتصرخ مابدك توصلهن..
ياسر وهو يهز راسه : يعني اذا انا ما وصلتهن مين بدو يوصلهن .. انت تعبان ولازم ترتاح
عبير وهي تمسح عيناها : الله على هالتغير الله
شام وهي تضرب كفها بكف عبير : تحت السواهي دواهي
هتف ياسر بصدمة وللآن فقط هو فهم لعبتهن : لحظة انتي وياها كنتن ....
قطع كلامه وهو يضحك : بسيطة انتي وياها .. مردودة
•*•*•*•*•*•*•*•*
اذا كانت شام استخدمت هذا الاسلوب مع شقيقها......فغنوة هذا الاسلوب لا ينفع البتة مع اشقائها...فأخوتها ربما اذا ذهبت لوحدها لن ينتبهوا على غيابها...كلن مشغول بشاغله !!!
عبدالإله بجامعته ودراسته وفريق كرة القدم الخاص به.....وبلال الاكبر مشغول مشغول بعمله واجتماعاته وعلاقاته الاجتماعية.....والاب يقضي معظم وقته في المضافة مع الكبار....اما الام فوقتها عند تلك الصديقة او عند تلك الجارة....او البحث عن عاروس بمواصفات سحرية لبلال الذي يرفض الزواج....او ان تأخذني معها في مشاويرها...قاصدة ان تبحث لي عن عاريس يكون اكثر من ممتاز واكثر من غني واكثر من وسيم ليصبح كأبنها كما تقول ....
تأفأفت وهي ترى بلال متجه نحوها....بلال وهو ينظر بطرف عينه : يعني هالكشرة بس شفتيني؟؟
غنوة وهي تلوي شفتيها : لا محشوم....عادي توديني لعند صاحبيتي؟؟
بلال وهو يرتشف من كاس الماء الذي بيده : مين هي؟؟
غنوة ويديها على خاصرتها : بنت احمد الـ*****
بلال وهو يهز راسه : اهل درعا !
غنوة : اي نعم
بلال وهو يضع كاس الماء على الطاولة : مشغول احكي لعبد الإله
غنوة وهي تمنعه من المغادرة : شو بدك باعملك مقابل توصلني
بلال وهو يزيحها بابتسامة : ما بدي شي تسلمي
غنوة وهي على وشك البكاء : بس هالمرة...انا تفئت مع البنات نلتئي هنيك !
بلال وهو يسحب اوراق من على الطاولة : بشرط؟
غنوة وهي تفهم مقصده تماماً : حاضرة انا برتب هالوراق وبعمل الي بدك ياه وبرتب غرفتك كمان
بلال وهو يضحك : ياعيني عليكِ .. اي ساعة حابه تروحي ؟
•*•*•*•*•*•*•*•*•*•*•*•*
ارتدت قلابيتها الزرقاء الفاتحة وربطت شعرها البني ..... شمرت اكمامها للاعلى فهي على وشك خوض معركة حقيقية.....خرجت من غرفتها وهي تتجه لغرفة اشقائها....فتحت الباب بهمجية واوقفتها صرخة انس وضحكة غياث....اغلقت الباب بحرج وهي تسب وتشتم نفسها - غبية يعني لازم افتح الباب هيك.....يافشلتي-
فتح انس الباب بعصبية : يعني مابتعرفي تدقي الباب ولا صغيرة لازم نعلمك
ليلى وهي ترفع للاعلى وهي تتكلم بسخرية تخفي احراجها : sorry
انس باستعجال : شو بدك ؟؟ اساعدك بالمطبخ ؟ لا مافي
ليلى وهي تقلده بسخرية : لا مافي
انس وهو يرفع حاجبيه : نعم؟ تتميخري حضرتك
ليلى وهي تقتحم الغرفة وتقف في المنتصف : حدا يوصلني لبيت رفيقتي...ضروري البنت مريضة بدي ازورها
انس نظر لغياث بينما غياث هز راسه بلا
ليلى ويدها على خاصرتها : شو يعني ؟؟
انس وهو يفتح الباب : يعني تفضلي برا...مو فاضينلك
ليلى بعصبية : كيف يعني مو فاضينلي؟؟؟ لكان بس انا الي فاضيتلكون.....زاتة دراستي واهتمامي بنفسي قاعدة بس مشان اخدمك انت وياه .......طبخيلي هي وعمليلي كاسة شاي..رفقاتي جايين رتبي البيت منيح واعملي قهوة..ولا تنسي الحلويات....رتبيلي غرفتي واكويلي قميصي...وانا بس اطلب توصلوني...بتحكو لا مافي ؟!
غياث بملل : انتي كل يوم بتعملي هالموال ؟
انس وهو يشير لها : الباب لسى مفتوح...اطلعي احسنلك
ليلى وهي تجلس بعناد : ماني طالعة
اغلق انس الباب ببرود : احسن....نامي عندنا
.. اخرج معاذ راسه المبلل من الحمام وهو يصرخ : لولو انا بوديكي
لم تكن ليلى الوحيدة التي صدمت بل الاثنان الجالسان صدما ايضا
ليلى بعدم تصديق : عنجد؟؟ عم تحكي جد معاذ
معاذ بابتسامة وهو يغمض عينيه بقوة : طببعاً جد
ومشان تعرفي غلاكِ ترا طلعت من الحمام وشعري شامبو
اعاد ادخال راسه وهو يبتسم....فسماع كلام ليلى سهل مهمة خروجه للتدريب...بدل ان يواجه والده في تحقيقات لا تنتهي..سيخرج ليوصل ليلى
ليلى بصدمة : واو
غياث باستغراب شديد : فعلاً واو
انس وقد فهم استراتيجية معاذ : كلن على همه يسري
•*•*•*•*•*•*•*•*•*•*•*
غادر من عمله الى المقهى فوراً....فهو تلقى اتصالاً مفاجئاً من رائد يطلب منه المجيئ...وهو الان ينتظر في هذا المقهى صاحب القهوة العربية المشهورة...قطع تأمله من نافذة المقهى المطلة على حديقة و ورود شاسعة صوت عريق : السلام عليكم
التفت للصوت وهو يبتسم : وعليكم السلام ورحمة الله وبركاته
جلس رائد مقابل صديقه وهو يبتسم : اشتقت لك
عدي بأبتسامة مماثلة : مداك تشتاق يا نصاب
ضحك رائد وهو يمسح على شعره الاسود الناعم الواصل لرقبته : شو اخبارك اليوم ؟
عدي وهو يتكئ بكلتا يديه على الطاولة بقلق : رائد...بلا مقدمات...احكي شو صار معك؟'
رائد وهو يقترب منه ويتكلم بخفوت : كلشي تمام..بس لازم ناخدلك صورة ونزبط جواز السفر
عدي بقلق : وليش الصورة ؟
رائد باعتيادية: ليش يعني ؟ مشان الجواز
عدي باستسلام : طيب انا عندي صورة الي
رائد بابتسامة جانبية : لا شو صورة...ما بدنا قديم...بدنا نغير شكلك شوي ونصورك
عدي باستغراب وهو يضيق عيناه : كيف يعني تغير شكلي
رائد : سهله....بتحلق شعرك وبتغير تسريحتو
عدي وهو يهز رأسه : طيب ماشي
اكمل رائد وهو يحك دقنه : وتلبس نظارات وتحلق لحيتك
هتف عدي بصدمة : شو ؟
رائد وهو يكتم ضحكته : تحلق لحيتك
عدي وهو يرفع حاجبه وينزل الآخر : بالله شو ؟.... بدك ياني قابل اهلي وانا بلا لحية ؟
رائد وهو يسحب نفس ويطلقه : اي نعم
عدي برفض قاطع : بشرفك يزلم ؟! .... لا مستحيل
رائد : شو اعملك يعني ؟ ... مشان الصورة تطلع مختلفة شوي .. بكون احسن
عدي وهو يرخي رأسه للكرسي : بلا ما احلق
وقف وائد وهو يسحب هاتفه : قوم معي ... خلينا نحلق شعرك ونخفف لحيتك يعني بس سكسوكة .. شو رأيك ؟
عدي بابتسامة : يلا
********عند المساء
العائلة بأكملها مستنفرة .. فالبيت كله يقف على قدم واحدة....وما زالت تلك الابنة الكبرى هي المشرفة
صرخت بصوت عالي وهي تمسح : لاا تفشلوني بس يجو البنات كل وحدة بتقعد ساكتة .. وابرار بتزبط الضيافة...عبدلله انقلع العب برا مع اولاد الجيران لا تلزق عندنا
تبارك وهي تمسح الطاولات السوداء الموضوعة بأطراف الصالة : كأنو جاي عاريس مش رفقاتك
ضحكت انوار وهي تركل تبارك بقدمها : فشرتي...رفقاتي احسن من العاريس
ياسمين وهي تنظر بطرف عينها : طز
شهقت انوار بينما ضحكت تبارك بصوت عالي
ابرار بحدة : ياسمين عيب هالكلمة
انوار وهي تتجه لياسمين وتقرصها بفخذها : طز فيك ياقليلة الادب ......بسيطة رح اقل لامي بعدين
تبارك ومازالت تضحك اخذت نفس : تستاهلي والله ....ياسمين الله يقويكِ لا تردي عليها مابتيجي غير بالعين الحمرة
************
اعتـذر لـ قصر البارت , سأعوضكمـ بالبارت القادمـ ان شاء الله
استودعكمـ اللهـ ..
.
.