البـآآآآآآرت السسسسسابـع
الصبح الساعه 10 الصبح
دآنه قاعده جدآم المرآيه وتعدل بشكلها
دآنه : ساروه ساروه
ساره واهي نايمه : هممممم
دآنه واهي تحط اللمسات الاخيره على خشتها *_&
دآنه : قومي لبسي شينة الحلايا بتجي بعد شوي
ساره واهي تتمقط : يلووووع جبدها شتبي طاقه خشتها وجايه
دآنه : شعليج منها خليها توووولي
ساره : ايي والله خليها تولي مرآح نخرب طلعتنا عشان حظرتها
دآنه واهي عند الباب : خلصي لبسي و تعالي عشان نتريق
ساره واهي دآخله الحمام : أوووكي
......................
دآنه رآحت الصاله تتريق
دخلت
دآنه لقت أحمد قاعد ويتريق
دآنه اليوم مزآجها عال العال وفوق هذا كاشخه يعني قايمه من نومها والموود رآآآآآيق
دآنه تكلمه : ويــن النـآس ..!؟
أحمد واهو ياكل : مدري عنهم
دآنه واهي تقعد على الكرسي : أهاااا , ولا عليك أمر عطني الجاي
أحمد مستغرب منها اشلون امس تعامله بقسوه واليوم عااااادي جداً
دآنه ابتسمت بوجهه : أشفيك متنح ههههه مابي قلاص ابي الجاي
أحمد استوعب : اييييي عبالي ما عندج قلاص
دآنه : لا عندي
أحمد عطاها الجاي وقال : تبين زيتون
دآنه : لا يبا ينفخ مو ناقصه متن
أحمد : هههههههههه اي والله شحلاتج جذي لا تضعفين ولا تمتنين
دآنه ابتسمت ورجعت تكمل أكلها
وهمن أحمد مثل
....................................
أما ساره فصلت وبعدين لبست لها
ليقنز أسود ومعاه تيشريت بني بـ عنابي ومدآخله معاه أسود بسسسيط
ميك آبها مثل دآيم مسكرا قلوس كحله وبلاشر
أما دآنه فهي لابسه برمودا أحمر وبدي أبيض بأحمر بأسود
على شكل زيبرا
ومثل الميك آب
مسكت فونها بعد ما ضبطت شكلها وخافت لا تتصل على يوسف ويكون نايم وأتصحيه قالت أطرش له مسج واذا قايم يتصل فيها
صباح الحب من قلب عشق روحك وتمناها
عشق همسك عشق خطك ومراسيلك يتحراها
صباحك نعمة الرب
صباحك حلو عالقلب
يحفضك ربي بكل درب
هذا دعائي من القلب
ورآحت للصاله
ساره : لا إله الا الله أيـن قوم أمة محمد
دآنه وأحمد : ههههههههه ما ندري
ساره واهي تقعد : خششمي يعورني
دآنه بطنازه : والمطلوووب .!
ساره : بعديج ان شا الله عن قريب لان فيني نششله < زكام
دآنه تبعد عنها : تكفييييييين روووحي هنااااااااااك
لان أنا من دون شي ما عندي مناعه كلش ملش تكفين مو ناقصه
أحمد واهو قايم : يا الله باي
دآنه وساره : باي
..........................................
وصلت عمة ساره ودآنه ووياها فاطمه بنتها
كما عرفتها لكم بالبارتات اللي طافت
مغروره متكبره تسبب مشاكل
فاطمه عمرها 22 سنه ولكن اللي يعرفها ويقعد وياها يعرف أن عقلها صصغير , بفعايلها وأسلوبها خلت الكل ينفر منها , تقرب لهم بنت عمتهم الوحيده
دآيم تسبب مشاكل بينها وبين عمامها , تحب تخرب علاقات المحبه والموده بين عمامها وأمها
مو وآآيد يشوفونها اللهم بس وقت الطلعات ..< شاليه , بر , مزآرع , الاعياد , الاعراس
عمتهم حلييييوه بس مرآت تشيط مع بنتها
وحييل تسمع لها كونها بنتها الوحيده
فاطمه لايعه جبدها وتكلم دآنه وساره : وين أحط هذي
ساره ودآنه بقرف : هناك
اجتمعو الحريم كلهم وقعدو وطبعاً قامو يسولفون
وفاطمه تتفلسف على البنات
وتقول لها على رفيجاتها اللي من الطبقه المخمليه
يعني بنـآت هاي هاي
فاطمه بدلع متصنع : كان عليها نفنوف رههههههيب تدرون بـ جم شرته
دآنه وساره يعطونها على جوها : بــجم ؟؟
فاطمه : دينار كويتي 3000,870
دآنه : أششدعوى !
فاطمه : شنو شدعوى حبيبتي هذولا بنات هوآمير
ساره : خير يا طير بنات هوآمير بس مو بهالفسقه تشتري نفنوف بـ 3000 وأخير شي لبسه وحده وبعدين تروح موضته ويطيح بجبدها
فاطمه : ويييييييه شدرآكم انتم
شفتو نفنوفي اللي بعرس ولد عم أمي
دآنه : اييييي
فاطمه بجذب : مبلغه بــ 2000
ساره : عاد صرآحه وعووووو ما يسوى هالقيمه
فاطمه انصدمت : شنو وعووووو الكل انهبل عليه
ولا يسوى قيمته بعد وأكثر
دآنه : ايييي مع نفسج
وطول قعدتهم وهذي سوآلف فاطمه فلانه شرت نفنوف بالمبلغ الفلاني وتهايط عليهم واجذب واهم يعرفون طبعاً فايخدون ويخلون من هالكلام ويكسرون فيها
دآنه واهي تصب القهوه كان جمبها فون ساره
دآنه : ساره ساره فونج يرن
ساره خذته وطلعت برى
ساره : هلا حمود
أحمد : هلا فيج أقول خليكم جاهزين بوديكم ستار بوكس الجليعه
ساره : صصج وناسسسه فديتك والله
أحمد : فدآج اللاش
ساره واهي تقصر صوتها : بس هاللزقه لا يكون بتروح
أحمد : منووو فطوم .!؟
ساره : اييييييييي
أحمد : فشله نخليها بناخذها
ساره : أوكي باي
ساره تذكرت قبل لا تدخل الصاله تقول لهم وقالت تقتنص الفرصه
تتصل على يوسف
ساره : مرحبا حبيبي
يوسف : هلا عمري
ساره : حياتي مو انته قلت تبي تشوفني ...!؟
يوسف واهو يركب السياره : اييييييي
ساره : تقدر تجي ألحين ستار بوكس الجليعه
يوسف : ايييييي أصلاً أنا ألحين طالع بروح للشاليه ويا الربع
ساره : أووكي أشوفك هناك باي
يوسف واهو يشغل السياره : باي
دخلت عليهم دآخل
ساره : دآنه وفاطمه أمشو بنروح لـ ستار بوكس
فاطمه تنط بدلع مصطنع : وآآآآآآآآآي وناسسسسسسسسسسسسسسسه
دآنه بصوت قصير : يلوووع جبدج
~
|