السلام عليكم هذي اول مره اشارك بهالمنتدى وحابه آنزل روايتي الاولي بقلمي واتمنى ان تنال اعجابكم
البارت الاول،،،،،،،،،،
الساعهِ 4 بالضبط آلتقت مع صديقاتهاِ
آلي لها عنهم فتره وبااصرآرهم رضيت تطلع معاهم وصلها خالها الي حذرها ماتبعد علشان يجي ويآخذها آول مآشافتهم تفأجئت بشلة بنات وهي الي بس تعرف مي ورنا وهذول ماتعرفهم
سلمت عليهم سألت مي
من ذول يالمى
لمى ردت بضحكه عاليه صاحباتنا
أستغربت منهم لانها اًول مره تشوفهم ماتذكر انها شافتهم حتى في المدرسه
قعدو على طاوله كبيره اصواتهم عاليه
مارتاحت في ألقعده معاهم بس حاولت تتكيف مع الجو علشان مي ورنا الي كانوا مستمتعات كثير
فجاه قاموا بصوت واحد يلا خلونا نروح سالت مي وين نروح سحبتها بيدها
خليها مفاجاه كل شيء ياساره راح يذهلك كانت ماسكه بيد مي وهي
ماتدري على وين طلعوا من المطعم طالعت فيها واحده من البنات قالت انتي ياهيه طيحي العباه على كتوفك ردت ساره لا بخليها كلهم لبسهم فيه مياعه حتى رنا ومي بس مارضيت تسوي آي حركه من حركاتهم وهي الي ماتدري وين بيودوها
وقفت سياره وركبت معاهم السواق هندي طبعاً فكرت يمكن يروحن على بيت واحده من البنات سالت مي وهي متوتره مي على وين بنروح
مي ردت وهي مرفوع ضغطها منها
يوه ياساره وشبك كنك بزر خلي كل شيء بوقته
سكتت وهي الي واثقه في مي مثل ثقتها في نفسها
بعدت السياره ودخلت بر وكل مابعدت زاد توتر ساره وقفت السياره عند مخيم كبير
بدأن البنات يضحكن واخيرآ وصلنا
لاحضتهم يضبطون المكياج سالت مي مي للمره الاخيره بسالك احنا وين
ردت الليله غير وناسه ورقص وراح نرجع بدري ابشرك
وساره الي برائتها مافي مثلها على طول فكرت انهم بنات واجتمعوا ابتسمت
ونزلوا كل البنات وسحبت رنا يد ساره ساره تكفين فسخي العباه وحطي مكياج صارخ علشان تبهرين الكل
طلعت المكياج وحطت لها رنا بطريقه كثيفه طالعت فيها مي وي ياساره راح تلفتين نظرهم ماراح يطالعون وهي مستغربه من كلام مي قالت رنا معليه احنا كل خميس اهي اول مره تجي
نزلوا سمعت أصوات ضحكات البنات واصوات شباب دخلت رنا
اما ساره الي جمدت اول ماسمعت صوت شباب مي نادتها يلا ساره وشبك
مي انا اسمع صوت صوت شباب مب بس بنات
مي اي لاتخافين والله بس قعده وضحك يوه ياساره ماتدرين وش قد نتونس هنا
ساره وهي ماهي مصدقه لا يامي تكفين قولي انك تمزحين والله يامي ماازعل منك
مي على طول وهي الي تدري بساره وش كثر محافضه والله ياساره اني من حبي لك انا ورنا نبغاك تنبسطين وتغيرين جو معاد قدرت تحملها رجولها وهي تسمع صوت ضحكات واصوات غنج ومياعه بنات طاحت على وجهها
مي تصرخ ساره وشبلاك وهي خايفه دخلت تناديهم يلحقونها
تعالوا سساره طاحت طلع واحد وشالها
قال واحد من الشباب بسخريه بكره تتعود وضحكوا كانت في آخر الخيمه ومي ورنا قبالها يرشونها بالمويه ويترجون فيها تصحى وبعد ربع ساعه صحيت اول ماطالعت وهي تدعي يارب يكون حلم
قالت مي ساره قومي والله نرجع بس قومي قعدت وتطالع والشباب ضحك هم والبنات وكل ثنين قريب من بعض
غطت وجهها كامل اول ماقامت بتطلع ووراها مي ورنا سوت حالها زعلانه منهت من كثر ماترجتها تقعد وماراح يصير شيء
كانت تمشي وهي تدعي ربها من الخوف تدعيه خافت احد يمسكها جات في بالها الف فكره شيطانيه فجاه انفتح باب الخيمه كانوا خمسه رجال بس هذول مو اي رجال هذول الشرطه الي وصلوا
هذا الي ناقصتيه ياساره صرخوا البنات والرجال حاولوا يهربوا بس خافوا من السلاح خذو البنات في سياره والشباب في سياره البنات الي تبكي والي تقول معليه بس ليله وقف في مركز الشرطه والي تلوم صاحبتها
اما ساره الي ماهي داريه ومهي مستوعبه وش صار والا كيف وصلت لهني
نادت مي مي انتي ليه تسوين في كذا انا وش سويت لك
مي والدموع مغطيه وجهها سامحيني ياساره انا والله كل قصدي اونسك وتنبسطين مادريت انه بيصير كذا
نزلت راسها وهي تقول حسبي الله يارب كن معي ولاتكن علي
دموعها نشفت من الصدمه كانت اكثر واحده ساكته فيهم وهي اكثر وحده منهم انذبحت وانغدرت هم جو برضاهم الا هي الي مهي داريه بشيء
وقفت السياره عند مركز الشرطه نزلوهم
دخلت وهي تفكر في خالها وخالتها الا امها لادرت وش بتقول لها
قعدن على كراسي كثيره ورايحة العطور ماليه المكان كانت في وضع ماينحسد عليه مر شرطي وهو معصب انا كل ماقلت اني بخلص جبتوا لي بنات شوراع ثانيه
طعنتها ذي الكلمه وهي الي مافي تربيتها والكل يشهد لها
رمى الملف بقوه قال لا الصراحه انا مليت اليوم كم دوريه جات هاه
مسك الجوال واتصل
تكفى نايف تعال خلص ذول بس محد رضي ياخذ مكاني وشكل ماهو راضي يجي قال بترجى تعال والله اليوم ملكة اخوي وخل الحق ومنها تشوف وشلون الوضع بجده وتحمد ربك على الي عندكم وطالع فيهم باشمئزاز
سكر الجوال وطلع وهو مبسوط
ساره قعدت تستغفر وتدعي ربي يخلصها وكل ماكلمتها رنا ومي ماردت عليهم
دخل بعد نص ساعه شخص مبين انه ضابط كبير طالع فيهم باحتقار
وقعد على الكرسي والبنات بداوا صياح وبكاء والي تقول والله اخذوني غصب والي تحلف انها ماهي معاهم بس ضلموها اجل انتي ياساره وش بتقولين وهم جابوا نفس الي بتقولينه وش خلوا لك وهو يسمع وهو يضحك بسخريه وهو الي يدري انهن يكذبن ومبين في وجيهن
كانت ساره قاعده بعيد وش تقول وهو ماصدقهم اكيد بيقول تكذب مثل صاحباتها
وماحتى تكلمت والاحاولت تتكلم مثل البنات سمعت واحده تقول عادي نبات في السجن بس ماتخبروا اهلي
بس هي ماتبي ذا الشيء شلون تبات عادي وخالها وخالاتها الي مارح يخلون مكان لها
طالعت الا وكل واحده تقراء اسمها بالكامل مع رقم الاهل والضابط يسجل
اجا دورها نبهتها مي ساره يلا ينادوك
ماطالعت في مي قامت من مكانها الشرطي المرافق غريبه انتي ماحاولتي تبرين نفسك ردت بقوه وحزم وهي الي تدعي ربها يقويها انا ماسويت شيء علشان آبرر ضحك الشرطي ضحكه عاليه رد الضابط يالله خلصووني ونضراته اشمئزاز واحتقار
سالها الاسم كامل
ردت ساره لما كانت بتنطق اسم ابوها خنقتها العبره لانها تدري مايستاهل اسمه يتلوث في الي ماانذكر بشيء شين
لاحضها الضابط قعد يتكلم الشرطي يقول انا مستغرب يانايف يتفشلون اهني ولمن يروحون لهناك ينعدم الخجل
رد الضابط نايف يالله خلصينا جاوبت ساره محمد سلمان التميمي
....
كان يكتب وقف لمن سمع الاسم الثلاثي قال جيبي الاسم الرباعي
قالته وهو الي ماهو مستوعب ومنصدم ويقولها متاكده ان هذا اسمك
رمى الملف وقال للشرطي روح جيب لي اي شيء من البقاله وكان قصده يصرفه
كانت راجعه للبنات وقفها وسالها للمره الثانيه هاتي الاسم كامل وكان مبين انه معصب لاخر درجه وكان قبل انسان رايق وبس يسخر منهن وش الي قلبه ياترى ؟؟
بعد ما عادت اسمها بالكامل قررت تقوله انها اهي الي بتتصل على خالها تكلمت ممكن اتصل بخالي انا
هو الي كان حاط يدينه على راسه رفع راسه وش تقولين انتي
ردت ابي اكلم خالي انا مابي احد غيري يعلمه
قال لها وليه انتي الي تعلمينه خايفه ينصدم ماهو متعود اكيد على ذي الاخبار
كان يقولها بعصبيه
ماهتمت على كثر تفكيرها بخالها فكرت انه كلام سخريه ماجا في بالها انه يمكن يكون الدافع الي خلاه يقول كذا شيء ثاني
تاكدت انه ماراح يرضى تكلم خالها على طول دخلوهن السجن دخلت ساره الي ماهي مصدقه وشهي فيه
اجتمعن البنات يتكلمن مع بعض وكل واحده تقول وش راح يصير الي لفت نضرها انها سمعت واحده تقول حسبي الله كل شهر اجي مزوره لهم
قالت في نفسها ليه ليه يامي انتي ورنا تسوون فيني كذا لاحول ولاقوة الا بالله وبدات تبكي وتصيح جات مي تسكتها بس ماقدرت مرت ساعات الحين الساعه 9 وماهي داريه وش بيصير لها وقلبها عند خوالها الي بينشغلون عليها
مرت ساعتين بعض البنات تتمددوا وناموا
فتح الباب
خلص البارت الاول اذا شفت في احد عجب عليها
راح انزل الثاني على طول
روابط الفصول
الفصل الاول .. اعلاه
الفصلين الثاني والثالث .. في المشاركات التالية