[لامارا]

جـــآمـــعـــة تااايــــم ....

في افخـــم القـــصووور رجع من السياره ووقف عند باب القصـــر ويطالع بساااعتـــه الجلــد البنيــه : دي فييينهاا

_ نادى على الشغاااله وجاتـــه _ : فينها راماا ؟
الشغاله : i don't know mr
اسامه بحزم : اطلعييي ناديها بسســرعه قوليلها اني بسياااره
الشغاله : ok
طلعت بخطووات سريعـــه لغرفـــه رامااا دقت الباب مرتيــن ولا احد رد عليــهاا فتحت شويا الباب وخرجلها الهواا الباارد فتحت الباب كلو واتفااجئـــت إنو راما لسسساتها ناييمه اتوجهتت لسريرها وهيا تناديها بصربعه : مسسسز راممااا مسسز راماااا
راماا في سابع نوومه : اممممممم
الخدامه :مسستر اسامه في السياره بلييز ويك ااب
راما فتحت نص عينها وهيا مو مستوعبه شي : ايشش ؟
الخدامه : مسسستر اساامه مره معصب متأخره كتير عن الجامعه
راما رفعت يدها بكسسل وشافت الساعه طالعت فيها ولساتها مابرمجت اللي شافته : الساعه 8 _ سكتت ثواني وبعدها دفت اللحاف وهيا مفجووعه عنهاا وقامت من على السرير ورفعت شعرها عن وجهها : وااا راااحت علييا نوومه
الشغاله زيها متوتره : اوك اتجهزي بسسرعه
راماا اتوجهت للدولاب وبعدها راحت للحمام مو عارفه من فيين تبدأ ...
الشغاله : روحي الحمام وانا بجهزلك لبسسك
راما بصربعه : طيب طي ب_ دخلت الحماااام غسسلت وجهها فرششت اسنانهاا وماقدرت تسوي اكتر من كدااا خرجتت فسخت قداام الشغاااله لبسسست الجيينز الضيـــق وتيشيرت عودي طاافي وقفت قباال التتسريحه رفعت شعرهاا باإهمال حطت ميك اب بسسرعه
ورمت بعضها في الشنطه اخدت حجابها ولبسـتو _ خلصصصت
كانت بتخررج من الغرفه الا الشغاله نادتها : مسز راما شووزك
خارجه بدون ماتلبسس شي برجلهاا ضربت يدها على جبينها بنسيااان : وااااه ايش الغبااااء دااا
اخدت بدون تفكيير شووز ابيـــض ونزلللت جرررري الدرج وهيا بتعدل حجابها .. خرجت من القصــر شافت السياره مكاانها
اتوجهت لها فتحت الباب ودخلت وهيا تتنفس بصعووبه : سووري لأني اتأخرت
اسامه مره مطرطع يكره التأخير : دي اول واخر مره استنااكي فييهاا
راماا جلسست عدل بالكككرسي وهيا تعدل بلوزتها : راحت عليا نومه
اسامه : مشكلتك ديي
راما سكتت جفصص يفجعها بردودهـ ... مرت لحظه سكووت بينهم وهما في طريقهم للجاامعــه
طالع فيها بنص عين وهوا مره حااقد عليها قال بدون نفسس : عندك زوق مره خطططير
راما طالعت في نفسها بشك : ابش ؟
اسامه كالعاده الاستفزاز والانتقااد من شيموو :دحين وحده تلبس شوز ابيض وتاخد شنطه سوداا وتلبس تيشيرت عودي ؟ ابى افهم فين التناسق باللبس ولا إنتي كداا زوقك يعني ؟
راماا بلعت ريقها ودوبها انتبهت على نفسها : كنت مصربعه مانتبهت
اسامه : اهااا
راما تبا تبدأ معاه صفحه جديده عشان مصلحتها بالجامعه : كويس انك معايا بنفسس الجامعه ولا كنت من جد حضيع واتوتر و
قاطعهاا : انا حوصلك للجامعه وانتي بطريق وانا بطريــق
راما وجهها رااح فيـــها قالت وهيا بس تبى ترد كرامتها على الاقل : ومين قال ابى اجلس معاك هناك لاتفهمني غلظ
اسامه : كويسسس
راماا انكتمت خلاص ماتبى تهــرج معااه مايكفي انها متوتره خلقه لأول يوم لها بالجامعه ودا جاي يكمل عليها
شبكت اصابيعها في بعضها وعينهاا على يدهاا ..مره خااايفه
اسامه انتبه لها حس إنو زودها مايباها تفهمو غلط : شوفي مو قصدي انا بطريق وانتي بطريق عشان مابى اجلس معاكي قصدي ماباكي تختلطي بقروبي ودا لمصلحتك يعني
راما عقدت حواجبها وطالعت فيه تبى ترد فشيلتها: اولا مابى اختلط بقروبك دا تانيا محد قلك تدور فين مصلحتي انا اعرف بزبط اجلس مع مين واسيب مين
اسامه : طيب تمام ماتوقعتك تفكري صرااحه بس كل اللي كنت ابى اوصله انك تحاولي قدر الامكان ماتحتكي في اي شخص انا اعرفه
راما : لو سمحت لو تبى تهرج معايا لاتغلط واحترم الفاظك دي
اسامه خرج جواله ولا رد عليـــهاا قال اللي عنده وخلاهاا تنحرررررق .. واللي قهرها اكتر انو سكت ممكن دقيقتين وبعدها ضحك فجأه وهوا بيقرا شي بالجوال مره ولعت زيييادهـ ... استمممر السكوووت في السياااره
وقفـــت السيـــآره عند الجـــآمعه ..اسامه فتح البـــآب وهيا قلبـــها بدأ يددددق بسسسسرعه ...
خـــرجت بعد ماااخـــرج هوواا وشااافت العالم التـــآني .. بدون ماتحس بنفسسها مشيت ورا اسامه
وعينها يمين وشمال تطالع في البنات والشبااااب ... وحركات غريبه من صباااح ربناا
مناااظر تسد النفسسس ومناااظر تفتح النفـــس
اسامه حس انها بتمشي ورااه دار جسمو وطالع فيـــها : على فيـــن ؟
اما هيا مااشيـــه ودايره وجهها علـ يمين صدمت فييه ورجعت خطوى على ورا وهيا مفجووعه : معليشش
اسامه ولا اتحرك من مكااانه : لما تمشي طالعي قدامك
راما بطاعه وبدون ماتحس بنفسها : طيب
اسامه : وليش ماشيه ورايا ؟
راما مره متوتره : مابمشي ورااك _ قدمتتت ومشيت قباااله ومو عارفه لفيين راايـــحه
ابو اسامه جهزلها كل شي بالجامعه وجبلها جدولهاا خرجت الورقه من الشنطه وهيا تطالع بالجدوول مو عارفه لأي مبنى ترووح بزبط .. طالعت في اساامه إللي مشي باإتجاه معااكس لاإتجاهها (( ياااربي فيين اروووح ))



اســـآمه رااح لمكــآنه المعتـــآد ... طاوله خشبيـــه يجتعوو فيها القروب بدون نزاار اللي مايدرس بالجامعه
جلسس على الكرسي الطويل الخشبي المتصل مع الطاوله : اتأأأأخرت
يزززن وماازن واليين على كرسي الطوويل وقبالهم رودينا واسامه
اسامه : اعرف يااشيخ مشي حاالك بسسس
مازن : ترا االيوم ماححضر ولا محاضره انسسسسووو
رودينا : وايش جايبك ان شالله
مازن : تركي زن علييا اجي فاجييت
يزن : ومن متى تسمع لأحد ؟
مازن : حزنت علييه
الين : ارحممممني يابو مشاعر انتا
مازن : هههههههههههههههههه
الين بتقلب بالكتاب اللي على الطاوله : ترا مو فاااهمه شي
اسامه : بلطي كمان دي السنه انتي ومازن
رودينا : لو الين بتعيد سنه حعيد معاها
الين : ياحياااتي انتي من جد الصديق وقت الضيق اسمعو بتعييد معايا مالت علييكم
يزن مفجوع طالع بالين وبعدها رودينا : ومن متى انتو تهرجو مع بعض ؟
مازن : ليش متى اصلا اتضاربو ؟
الين : هههههههههههههههه اصلا ماقدر اناام ورودينا زعلانه مني
رودينا : اساسا ماقدر ازعل منك ياقلبي
يزن وقف : اقولكم انا ماااشي من هنااا
الين مسكت بلوزتو : ههههههههههههه بنمززح اهجدد بسسس
يزن جلسس : مجااغه بنااات
اسامه : الله يصبرناا بسسس
الين : ايش رايكم محد يروح لمحاضرتو اليوم
اسامه : بعد الاختبار المزفت اللي اختبرتو مو مستعد صراحه اشوف وجه الدكتور
الين : هههههههههههههههههه قالو انو اختباركم كان مره صعب
اسامه : الله يفقد عمروو ياشيخه مدري من فيين جاايب الاسئله
يزن : ياشيخ انا ابى ابطل دراااسه خلاص والله طفششت
مازن : تبى تلحق نزار
يزن : هوا انا اقققددددر
رودينا : كلم سيدك
يزن طالع فيها مو مستعدد يهرج معاها بس رد علييها بعد ماعطاها كدا نظره خلتها تشيل عينها من عليه : كلمتو بس حالف يمين ازا سويت زي نزاار مالي جلسه عنده في البيت
الين : ههههههههههههههههههههه وربي سيدككك احبببببببو بس دا نزاار مدري كيف مشا كلامو علييه
اسامه : ياأومي نزااار مشغووول ماله وقت للدراسه
شادن جات وهيا على سنقة عششرهـ : هاااي قاااييز
كلهم طالعو فيها كانو بيردوو بس انكتمو لما شافووهاا
مازززن اول معلللقققق كالعاده : ينفففع الرقمممم يااشااادن
شادن ضرببتو بخفه على راااسو وراحت جلسست جمب رودينا : مع نفسسك مره
ييزن : ايش الشيااكه دي لا لا مره ماقدر على كداا
اسامه عارف ليش متشكيه : دا كلوو عشان فوار ؟
شادن طالعت فيه : اسمو مروووااان
اسااامه : وات ايفرررر
الين : مين مرووان دااا احنا اخر من نعللم ولا كيف
شادن باإبتسسامه على وجهها : دااا معجبببب يااستي مره متحمسه اشوفو الييوم
مازن : معجب من الجامعه ؟
شادن : ايوا
يزن ماعجبو الوضع : ودي الشياكه كلها له ؟
شادن : هوا معجب فييا من فتره طوويله وقبل امس قللي وليا كم يوم مبكلمو عل جووال واتفقنا نتقابل اليوم مو عارفه حتى شكلو
الين بتفكير : ترا مره شكلك حيسير بااايخ دحيين
شادن : وي ليشش
الين : يعني هوا اكيد يشووفك كل يوم ..وعششانه اليوم اتشيكتي مره حيسير باايخ متشكيه عششانه حتعطيه اكبر من حجمو
شادن فرصعت عينها مافكرت بدي النقظه : واااه من جدددك _ قربت من الطاوله وهيا تطالع يمين ويسسار _ لايكون بس شاافني
مازن : ههههههههههههههههه وربي انك هببله
شادن اخدت مندييل وسارت تمسسح الميك اب والظل الي بعينها : يارب ياارب ماشااافني
مازن فارط ضحكك : وااه لايكون داااك _ اشر على وااحد جاالس يطالع فيهم _
شادن طالعت بالولد : لا لا هوا قلي شعرو اسود دا اشقر
رودينا خرجتلها ربطه شعر : هههههههههههههه لمممي شعععرك بسسس
شادن اخدت ربطه الشعر ولمت ششعرها كلو على ورااا
اسامه : ياااشيخه ياارب يطلعلك واحد ماينشااف
شادن : لا حسيت من كلامو امس انو مزز
اسامه : ههههههههههههههه يمكن تكون ثقه فييه
شادن : اسامه انكتم مز ولا مو مز عاجبني
يزن : عارفه انك هبله
شادن : انتا التاني مالك فيا لاتسوي الغيره دحين قاتلتلك وتروح تازي الولد
يزن : انا مو اغار عليكم افهمو اخاف عليكم
الين بصووتها كلو : االلله واكببببببر
يزن رفع حاجبه : ماعجبك كلامي
الين : انكتتتم بس الغيره تخرج من عيونك لما تشوف وحده فينا واقفه مع واحد وتهرج معاه
مازن يدافع عن اخووه : الين بيقوولك انو يخاف علييكم لاترجمي على كيفك
الين : والللهي يغاار
مازن : بيقولك مايغاار
الين مصممه : وربي انو يغااار
مازن : يااابتي لاتحلفي
بيهرجوو ويزن بينهم وسااكت يبا يشووف نهايتهم الاتنين بيهرجو عن لسسسانو وشويا يتضاربو
الين : يعني انتا متشوف حركاتو لما نجيب سيره ولد
مازن : ايوا عشان يعرف انكم زي الريششه كلمه تجيبكم وكلمه تودييكم فاعشان كداا يخاف علييكم
الين شهقت : انااااااااااا خفيييييييييييفه
مازن : البنااات مو بس انتي
رودينا : تراك بتغلط عليا وانا مابهرج معاااك
شادن : مازن تراني احبك لاتخليني اقلب عليك
اسامه : لأول مره اتفق مع مازن في حــآجه
مازن : هاا اسااامه بكبروو معااياا ايش تبو اكتتر من كدا اثباات
الين : اقولكم غيروالموضوع عشان لانقلب مضاربه هناا
يزن اتثاوب : ابى انااام


العيـــون اغلبــها عليـــهم .. ونظرات اللي حوليـــنهم لعــده اسبــآب ..
* لأنهم قرووب معرووف في الجامعه ومايختلطوو بغيرهم كتيــر
* لأنــهم معرووفين من اي طبقــه مندرجـــه
* واللي مايعرف دا الشيين فيهم يكتفي إنو ينجذب لأشكــآلهم وملامحـــهم واكتر شي معروفين فيه القروب التوأم إللي يشبهو بعض يزن ومازن

قطــع كلامـــهم صووت الولد إللي دخل فجأهـ بينــهم : السلام
محد رد عليه غير يزن : وعليكم السلام ؟
الولد بتردد: ممكن اجلس !
رودينا : شايف في مكان تجلس فيه ؟
الولد ابتســم : اجيب كرسي عاادي
محــد عارضوو وماازن استقبلو باإبتسامه : جيب يااسيدي
الولد سحبلو كرسي بلاستييك وجلس في مقدمه الطاوله كانت عن يمينه الين وشماله شادن حط كوب الفهوه حقو على الطاوله : سوري على الدخله إللي مره غللط
شادن همست لرودينا : لايكون دا مروان ؟
رودينا بهمس : اسأليه
شادن : لا استحي
رودينا : بس تراا لو هوا مره الله يعينك
يزن : طيب دخلتك الغلط دي وراها حاجه ولا بس كدا عبط ؟
الولد انفجــع بس اخدها بروح رياضيه : تقدر تقوول عببط
الين كانت تمضغ لبانه خرجت جوالها واكتفت تلعب فييه وماتطالع في وجه الولد مره ماتحب تتعرف على احد ولا تحب الدخلات الغلط ديي ..ارسلت مسسج لمازن + بللهي قولو كلمه كداا تقومو من هناا +
مازن قرا الرساله وارسلها + اصبري الولد الييف وماستفزني لدحيين +
الين ارسلتلو + شووف دحين بلله ايش اسووي انتبه ليدي +
مازن قرا الرساله وعينو على الين االي مبتســه ..الولد يطالع في اسامه وداخل جو بيهرج معااه
اما الين خرجت اللبانه من فمها ورمتها بكوب الولد بحركه سريعه ومحد انتبهلها غير مازن اللي تنح
الين قاطعت اسامه : ماقولتلنا ايش اسسمك
الولد اخد الكووب واخد رشفه منــو وماازن فررط ضحككك واليين بعدها ضحكككت ومحد فهمم ايش بهم
رودينا : سلامات ؟
الين كتمت ضحكتها : لا ولاشي ايوا ايش اسسمك
الولد : احمد
شادن دوبها ارتااحت نفسيااا
الين طالعت في رودينا تباها تستلم الولد
رودينــآ ماحتقصر شغلتها التحطيم : وايش تشتغل ولا بس تدرس ؟
الولد بكل فــخر : لا كمان اشتغل
الين : مره كوويس طيب ايش شغللتك
الولد مستغرب من شغل التحقيق بس واثق من نفسسو : انا اشتغل في اذاعه مذيع يعني صح القناه مو مره معروفه بس
روددينا قاطعت كلامو بضحكتها : مزيييييييييع ! من جددددك ! مبتدء كمان ؟
الولد ثقته شويا اتزحزحت من ضحكتها الغريبه : لساتي ليا يمكن 4 شهور
الين : وجاي تجلسس معانا باأي صفه يعني
البقييه سااكتيــــن متعودييين محد يقدر يطير ويكره الناس في القروب غير رودينا والين
رودينا بتريقه : بصفه انك مزيع ؟
الولد حسبهم بيمزحو : مذيع مبتدء كمان
رودينا قالت بكل جديه : عارف الجزمــه الي برجلي بقيمة راتبك كل شهر
الولد وجهو راح سته في سبــعه
رودينا كملــت : ممكن دخلاتك الغلط دي تجربها على غيرنا ؟
احمممد كاان نفســو يقووم يضررب الين ورودينا بذات بس طالع في اسامه ومازن ويزززن واترااجع عن قراره
وقف واخد كووب القهوه بدوون مايرد لــهم اصلا مو عارف ايش يقووول
مشــي والين دفت الكرسي البلاستيك : مره عينو قويه جاي يجلس بكل ثقــه
يزن ماحب يعللق لأنو حيهرج مع رودينا وهوا مايبى يهرج معاها
ماازن : لو اني في مكان الولد كان قومت وجريت وانا ابكي
اسامه اتخيل شكل مازن يجري ويبكي : ههههههههههههههههههه اسكت بللهي
شادن كالعاده ماعجبها الوضــع : مره ماتستحو والله الولد شكلو طيب
الين : طيب على نفسسو مو عليينا
رودينا : مره عبييط مسويلي داخل عررض ويبى يتعرف
شادن شويا وتبكي : حرااام عليييكم
مازن تفكيره منحصر على شي واحد: هوا لو بلع اللبانه ممكن احزن علييه
الين : ههههههههههههههههههههههههه هههههههه
رودينا : اي لبانه ؟
الين : اللي كانت في فمي رميتها بكوبو
يزن دفاها من كتفها بقــرف : ااااااااااااللله يقرررفك ياااشيخخخخهه
الين انفلتت منهاا ضحكه من قلللللللبهاا : ههههههههههههههههههههههههه هه
اسااامه مو مصدق : من جدك ؟؟
شادن تطالع في الولد وهوا يشرررب بكل ثقه من الكووب حطت رااسها على الطاوله وهيا تضحكك : ههههههههه يعععع شوفوو بيشرب
اليـن : اصلا من اول ابى ارميها بس مو عارفه فيين
اسامه : كويس لقيتيلك مكاان تحطيها فيه
مازن وقف : عندي محاضره دحيين الين رودينا يلاا
اليين : لاااااااا ماابى ارووح
رودينا وقفت واخدت كتاابها وشنطتها : يابتي اخر جملي في دي الماده
اسامه : اليين احضري على الاقل دي المحااضره مايكفي انك احتمال كبير راسبه فيها
الين قفلت الكتاب اللي قبالها : طيب راييحــه
اتــوجهو التــلاته للمحــآضرهـ ... الين ورودينا زي عادتــهم في عاالم تاااني هــرجهم كلو عن الأزيـــآء
ماازن مره طففش من هرج الأستاذ وهرج رودينا واليــن ..انتبه لمطااط على الطاوله ابتسسم بخبـــث واخده قطــع
ورقــه من كتــآبه وهمس لرودينا والين : شوفو شوفو
حط الورقه في المطاااط وهواا يختاار فريسـته ..شاف وحده قدااام ومره مندمجه مع الدرس وجايبه شعرهاا على اليمين
اغرتــو رقبــتهاا بدون تفكيير سحبب المطاااط على وررى وبعدين فلتـــو وصرررختتتت البببنت عللت في المكاان
حطت يدها على رقبتهاا ومفنجله عينها مفجووعه من اللسسعه اللي جاتها
الاستاذ انفجع : ايش فيي ؟؟؟!!!
لانا طالعت حولينها ومره رقبتها تحرقهاا وبنفس الوقت مكسسوفه من صرختهاا اندلعت صوت ضحكااات بعض الشباب في المكاان
وماازن ولا كأنو مسسوي شي
لانا باإحرااج : سوري استااز
كمـــل درســـه وهوا معققد حوآجبـــه ...اما لانا ماشالت يدها من على رقبــتهاا تمرر صباعها مكان اللسعه تحسها منفوخه ...
اما ماازن عجبتو الحكايه ماختااار وحده تانيه لا يباها نفســـهاا قطع ورقـــه ,,سحب المطاط على ورىى وفلتو للمره التانيه
وصررررررررخت لاناااااا كانت اعلى من اللي فاتت عششان جاات على خدهاا ..مازن بالقووهـ كاتم ضحكتـــو
اما رودينا والين ضحكووو بصووتهم كلللووو وانمزجت ضحكاتهم بضحكااات الاستهزااء في المكااان

لانا حاطه يدها على خدها ومره مستحييييه وبنففس الوووقت مصنقررره
الاستااذ بصرررخه خلى كل القااعه ينكتموو : ايششششششش سااااااير هنااااا !!!!
لانا شويا وتبـــكي : استاااز في شي لسسعني والله مدري ايش هوااا
رجعوو الكل يضـــحكوو ومااازن بكل براائئه مبتسسسم وبدون اي ضحكـــه
رودينا همست لألين : شوفي ايش حسوي دحيين _ رفعت يدها _
والاستاااذ حوآجبه مقروونه في بعضضها : نعممم
رودينا قالت بكل برااائه : استااز دا ماازن إللي بيآزيها
مازن اختفت الابتسسامـــه من وجهـــو وطالع برودينا مفجوووع
كل اللي في الـقاعه طالعــو فيـــه ... لانا طلعت فيـــه ونظراتها كلو وعيــد
اما الاستاذ من غيــر نقاااش : مازن اطلع برااا
مازن مو مصدوم لأنه احد عرف ولاهموو اصلا بس مصدوم من دخله رودينا الغللط .. مازن قام من مكااانـــه ورما تعليق وهوا يحلف يميين انو رودينا حسبها بعدين : بس كنت بجرب المطااط
الاستااذ كرر كلمتوو بصوت اعللى : ماازن اطلللع برااا
مازن ضحك : COME DOWN هاا بخررج _ جالس اخر شي نزللل الدرجاات ليين ماوصل حد لانـا كانت جالسه بطــرف رفع يده وخربط شعرها ومشي _



لانــــآ كآآنت مرره معصـــبه بس لما سوا حركتـــو دي رمشت بعيــنها ورا بعض ..رفعت يدها بتردد وعدلت شعرها
والمدرسس سار يشـــرح وهيا تحك خدها اللي لساتو لاسعهاا وفي عاالم تــآني .. طبعها كداا تنسسى عصبيتها بلحظه
وتنســى العشـــره كلها ممكن في لحظه غضــب ..


التكمله الصفحه الي بعدها