نــــرجـــع للجـــآمعــــه ..
يـــزن دخلل لمحاضــرتو الممــله .... جــآلس في اخر صـــف وفي عاالم تاااني مرهـ جاتو رساله على جواله
" عجبني التيشيرت عليــك "
قرأ الرساله واستغــرب !!
ارسل " مين؟ "
بعد دقيقه ردت " معاك في المحاضره "
رفع عينو من عل جوال وطالع حوليـــنوو ماكان احد ماسك جوالو
ارسلها " طيب ؟ "
ارستلتلو " بس حبيــت اوصـلك االي سويتو قبل شهرين تراني اعرف عنو "
بس قرا الرساله انفجع مــرهـ حاول مايبن الارتبــآك فيــه ارسلها " عن ايش تتكلم ! "
ارسلتلو " اناا بنت بس اللي راح بين يدك ولد "
قرا الرساله مره مرتين وقلبـــه تزييــد دقاااتـــه ..لااراديا طالع حوليـنو وهوا يحااول يتفقققد اللي موجودين
ويشووف مين إللي في يدو جوال .. دق على الرقم إللي بيرســله ومافي اي صووت بالمكــآن غير صوت الاستاذ
حاول بقدر الامكاان مايبن خوفه وتوتره وقللقه وارسل " مو فاهم شي "
ارسلتلو " ليش يدك بترجف طيب ؟ عل عموم انا خارجه من القاعه "
يزن مو قادر يوقف رجفـة يدو الموضوع بحد ذاتـــه يخليـــه يرجــف .. وكماان دحيين احد دري بالموضوع !
رفــع عيــنو من على شاشه الجوال وشاف بنــت كانت بالمقدمه
تقووم من مكــآنهاا واتــوجهت بدون استئذان لبرا القااعــه
قااام من مكــــــآنه بردة فــعل سريــعه بدون ماياخد كتبــه ولا اي شي ... اللي بيدو جواله وبـــس
صوت جهوري في القاعه ناداااهـ : لووو سمحت
يزن ماااهتــم بللي واقف في المكـــآن يبى يلحقق البنــت
فتــح الباب وكان فيـــه تجمـــع مجموعه شباب وبناات في المكــآن
طالع يمين ويســـآر وهوا يدور على البنت إللي ماشاف الا قفاها وشعرها الاسود ..ماقدر يميــزها
رجع دق على جوالهاا ..مقفـــل
كلمــه خـــآيف قليـــله
صووت تنفـــسه كآن مسموووع في المكـــآن ونظرااتـــه مشتته يطالع حوليــنه وهوا مو قادر يتحررك من مكــآنه
رفــع جواله واتصل : رودينا ؟ فيينــك ؟
حاسس نفســـه مخنوووق ..اتوجه لمكــآن رودينا وكانت واقفه مع اليين وشادن : روديناا تعااالي
كلهم استغــربو من شكـــلو بااين إنو فيــه شي
رودينا خافت : ايش فيي ؟
يزن مسكها من يدهاا وسحببــها وراااه
رودينا : يزززن ايششش بككك سيبــني
يزن ماااشي ويبا مكــآن فااضي وهاادئ .. ورودينا خايفه منو وبنفسس الوقت من انظاار اللي طالعو فيــهاا
رودينا : يزززن انا حممشيي سيب يدي
يزن ساب يدها وهيا ورااهـ تمشي وتهرج : ايش في ؟
يزن مااهــرج اكتفــى بالمشي وهوا مصمم يدور مكاان فاضــي
رودينا : يززن اهررج لاتخووفني كداا
يزن وقف مشي فجأهـ وهيا كانت بتصقع فيــه إلا رجعت خطوىى على وراا : ايش سااير
يزن طالع فيــهاا ووجهو رايج فيـــهاا باين الخووف فيــه : انتي هرجتي لأحد عن اللي سار
رودينا عقدت حاجبها : عن ايش ؟
يزن : في الجبل ؟
رودينا قالت بردة فعل سريعه : لا والله
يزن قال مابين اسنانه : رودييناا لاتكزززبي علييا
رودينا حتى هيا تخاف من دا الموضوع : والله يايزن مافتحت فمي لأحد ايش اقول بلله
يزن رفع شعرها على ورى بتوتر داار جسمـو وهوا يااخد نفـــس
رودينا قدمت وجات قبالو وهيا تبى تفهم : ايش سااار ؟
يزن : ماتدري يعني
رودينا رفعت صوتهاا: قلتلك والله ماقلت لأحد ايش بك
يزن لساته مصمم انو هيا اللي هرجت : انتي الوحييده إللي تدري ماكان في غيرنااا
رودينا : كان في صاحب الولد و
يزن قاطعها : كان سكرااان ومو بوعيو انتي الوحيده إللي تعرفففي
رودينا بلعت ريقها : يعني ؟
يزن خلاص منعمـــي ماحد في راسسسه غير رودينا اللي فتحت فمهاا : لو عرفت إنو انتي اللي هرجتتي والله ابوكي محد حيفضحو غيري
ماتدري رودينا اييش دخل دا في الموضوع انكتمت ماعرفت ترد عليــه من كتر ماهي مصدومه
يزن لما يعصب يدخل كل شي في بعضـــو : وهاا انا قلتلك
رودينا كانت لسساتها تبى تخفف عليه بس بعد ماهددهاا مو مهتمه بللي يسير فيــه قالت بقهر : الغلط مني اللي خايفه علييك بس من جد شكرا على كلامك دا كل مالك بتكبر في عيني صراااحـه .. حرام فييك الصداقه اللي بيننا
مشيـــت وسابـــته واقف لوحـــدو فـــي المكـــآآآن ...
خايف
متوتر
مخنوق
كل شي يحــس فيـــه دق جواله برقــم مازن عارف إنو مازن متصل عليــه لأنو حاسس فيـــه بس ماقدر يــرد عليـــه
خـــرج من الجـــآمعــــه
اما رودينـــآ رجعت لألين وشادن وهيا مضــآيقــه من تصرف وتهديد يـــزن
اليـن : ايش بك ؟
رودينا معقده حوآجبها والاخلاق ضاربه : ولاشي
اسامه انضــم لهم وهوا كماان متنرفز من بنت عمـــه ..رما كتبه على الطاوله وجلس : اليوم مره غبي
رودينا : مو مره جددن غبي
الين :بالعكس انا مبسسوطه شوفو اريام شايله شنطه من لويس فيتون حق السنه اللي فاتت هههههههههههههه
اسامه : لو الناس تضحك على اشياء تافهه زي اليين كان العالم كلو مبسسوط
الين اختفت الابتسامه من وجهها وكشرت : اسامه انتا اخر انسان تتخاطب معايا
اسامه : ومين قال اني بهرج معاكي ؟
الين شمقت : انكتم بللهي
شادن : ايششش بكككم دحيين
رودينا : سلاامتك
اسامه : ايش سويتي مع فوار ؟
شادن تتنرفز من الاسم العبيط إللي يقولو اسامه بس حاولت تطنش :آآآآآه على فواااري يجنن
اسامه : قلك احبك ؟
شادن : وي مو لدي الدرجه
الين : بس الولد لزيز كدا يتأكل
شادن : ايوا من جددد
الين : عرفيني عليه
شادن بردة فعل سريعه : مع نفسسسك ايش بي مجنوونه
الين : هههههههههه ماحسويلي والله شي بس اهرج
شادن : لا تسسلمي شوفي كدا من بعيد يكفي
الين : سررري
رودينا : يعني الولد مايحبك ولاكيف ؟
شادن : معجب في فرق بين الحب ووالاعجااب يانااس ايش بكم انتو
اسامه : وكيف يعجب مع وحده ماهرج معاها ؟
شادن : ها هرج معايا اليوم
اسامه : بلله انحرقي انتي وهوا
شادن : اسامه تراني اكرهك
اسامه : ههههههههههههه كويس
الين كالعاده تفصفص النااس بنظراتها : هند تستفزني بحجابها ماتعرف تتحجب نفسي اعدل طرحتها
رودينا : ايوا قد لاحظت عليها
اسامه : اصلا ماتعجبني البنت اللي تتحجب وهيا لابســه جينز وتيشيرت يعني ياأتحجبي عدل ولا لاتتحجبي
التلاته البنات طالعو فيـــه
الين: مو من جدك صح ؟
اسامه انفجع من نظراتهم : ايش بكم ؟؟ غلظ كلامي
شادن : بللهي كدا تفكر ؟
اسامه : اييوا مالو داعي الحجاااب
رودينا : استغفر الله ياأسسامه ايش بك بتخررف
اسامه : لا دي وجهة نظري
شادن : بلله خليها لك لحد يسمعك
الين : ايششش هوا اللي يخليها له يعني دحين بفهم لو انا محجبه ايش كان سويت ؟
اسامه : ماكان مشيت معاكي
شادن ورودينا والين فرصعو عيــنهم مفجوووعيـــــــن اكتــــــــتر شي
شاادن لأول مره تحس إنو اسامه كلمه غبي قليله فيــه : بتستهبل شكلك ؟!
اسامه ضحك : لا
رودينا : لك عيين كماان تضحك ترا مره استصغرتك
الين : تفكيرك مره حمار يعني ماكزب عليــك دايما افكر اني اتحجب بس ماقدر لأني اتعودت على كدا
اسامه : لاتفهموني غللط انا قصدي انو وحده تبى تتحجب تتحجب عدل تلبس عبايه وانتهينا
رودينا رفعت حاجبها : يعني لو إنها محجبه ولابسه قصير بقول يمكن بس انو محجبه وجينز وتيشيرت مافيها شي
اسامه: اقولكم قفلو الموضوع دا تفكيري وبسس
الين : لا ماحنقفلوو انتا بتقول لو انا محجبه ماحتمشي معايا يعني انتا تستحي تمشي جمب محجبه ؟!؟!
اسامه يعيد هرجو: لو متحجبه ولابسـه عبايه عادي
الين : لااااا انتا بدييت تخررف
اسامه : لابخرف ولاشي _ وقف _ مابى اتفلسف معاكم اكتــر
رودينا : بلله روح من هناا كرهتك
اسامه : مصيرك تكلميني
رودينا : طيب طيب
اسامه رااح من عنـــدهم وهما لســآتهم يتناقشــو بموضوع الحجاااب ومفجووعيــن من رد اســـآمه ...
الين اخدت كوب الكوفــي حقــتها وراحت تســئل عن شي في الماده إللي بتدرســها ..
فـــي احد اركـــــآن الجــآمعـــه .. دآآخـــل الجـــآمعه اللي يحــلم فيــها وهوا صــغير
اخوه اشتغل عشانه ودبرله فلوس مايدري من فين وكآن سبب في تلات ارباع مبلغ دي الجامعه ..
ابوهـ اشتغل في وظيــفتيــن وكمان اديــن من اللي كان يشتغــل عنـــدهـ
وكلهم اعطوه فلوس تسجيله في دي الجامعه
وماحيخرج منــها إللي وهوا محقق حلــمه وحلم اهــله فيـــه
حتــى اهل الحــآرهـ حاطين امــل فيــه هوا الولد الوحيــد إللي بيدرس في جاامــعه زي كداا ..
خــلص من تلــخيص الكتآآب اللي بيدهـ ..قفل الكتآآب ورفع نظارته المعوجـه اللي نزلت كالعاده في طرف خشممــو
رفع راسه للسمــآ واتنهد (( يااارب ســآعدنــي .. يااارب يوفق رنيــم فين ماتكوون يااارب وفقها ولاتضرها ))
يدعيلها اكتــر من مايدعي لنفســه
خــلص كل واجبــآته بدري عشــآن اليــوم حيروح يشــتغل بدآل ابــوهـ ..وحيكون دوامــه من بعــد الجــآمعه لين 2 الليل .. على شكــلو المبــهدل بس كــآن ملفــت بجســمو بطولو وعــرضه بس بعد ماينتبهو للبــسو يغضو البصــر عنـه
سمع استهزااء كتيــر عن شكــلو بس يسوي نفســه مايســمع ويكمل طريــقه .. قام من مكـــآنه
ورايــح دحيـــن للبروفيسور ..لم الأورااق ودخلها وسط الكتاب .. ومشــي
دعــس على كيــس وهوا مااشي عقققدد حوآجبــه وكمل طريقه وهوا يحاول يحك شوزه بالارض مانتبه للي كانت تمشي قبااله
وهيا مانتبهت تمشي بكل ثقــه وكالعاده عارفه انو كتيــر بيطــآالعو فيـــهاا ..
قطع تفكــيرها الشخص اللي صقعت فيــه وانكب كل كوبها عليـــه بعدت عنو على طوول خافت على ملابسها اللي بقيمتو واكتر بنسبه لها : ماتشوووف
اما هوا خااف على الكتااب الي بيده بعدوو ومسك بيدو التانيه التيشيرت السماوي الباهت الكوفي كان مره حااار وانكب كلو عليــــــه : آآآآ
الين عقدت حآجبــها : غبي انتا ماتشوووف
مايلبـــس شي تحت التيشيرت صدره حســـو انـــحرق كآن يهرج بدون مايطالع فيـــهاا : معليـــش
الين طالعت بالكوب المكبوب عند رجله وماهتمت هيا حرقتــه ولا لأ : فين اصرفها ديي
هتان انفــجـع من ردة فـعلها رفع عيــنه عليــها وطالع فيــها من فوق لتحت مايحب ياخد ويدي مع دول الناس : قلت اسـف
الين مره ماعجبها تفاهمو تبا تضاارب مع اي احد انتبهت لشوزها الشمواه كيف عليه قطرات كوفي : شووف كيف عدمتني
هتان قال وهوا مفجوع منها والكوفي كلو انكب علييه وهوا اللي انحرق : انا اللي انحرقت
الين : مشكلتك دي انتا عارف انا ميين
هتان اخر مره اتضاراب كان حينفصل من الجامعه وماحيسويها دي المره ويتضارب كمان مع بنت . طنشها ومشي
مره انقهرت من ردة فعــلو ومن نظراتو اللي استحقرتها ..انتبهت دخــل لدورات المياه إللي كانت قريبــه منها
معصبـــه ماقدرت تمشي بس عيونها علـ بااب إللي دخــل منـو هتان
تتنرفز بســـرعه وكمان واحد شكلو تافه بنسبه لهاا وماينشااف إللي استفزهاا
فتح باب دورات الميااه ولد ومانقفل الباب كآنت بتكمل طريقها وتمشي انتبهت لهتان فســخ التشيرت وغسلو بالمويه وبعدها حطو عل مغسل وبعد عن المغســله ..جات في بالها فكرره كداا ع طااااااير
انتبهت لواحد خارج من المكاان على طول نادته الولد شك واشر على نفســه : انا !
الين بشكلها البريــئ اشرت بوجهها ايــوا وابتســـامتها الجذابه جذبت الولد لها على طول : ايوا ؟
الين باإستعجال : جبلي التيشيرت إللي على المغسله _ واشرت على دوراة مياه الرجال _
الولد طالع وراه وبعدها طالع فيــها : ليش
الين : بسسرعه بليييز بعدين حقولك لييش
الولد دام الهرجه فيها بعديين يعني صداقه وحركاات بدون تفكـــير دخلل دورة الممياه وكان هتان في التواليت
اخد التيشيرت وخرجلها وهوا راسم ابتسسامه على وجههو وكأنو سوا انجااز : هاا خديها
الين بقرف رفعت يدها : لا لا _ طالعت حولينها _ امم ايوا ارميها على دي الشجرهـ
الولد ضحك :ههههههههه وليش دا كلو
الين : بعدين بعدين اقولك يلا بسسرعه
الولد قرب من الشجــرهـ ورماها على الشجره ورجع لأليــن : خلاص ؟
الين : ثانكسس مره
الولد : يلا حكيني ايش الهرجه
الين بتصريفه : بكراا اقوولك دحين مرا مشغوله
الولد ماعنده اشكال : اوكي وانا كمان رايح المكتبه تجي ؟
الين : لا عندي محاضره
الولد مشــي وهيــآ ضحكت بينها وبين نفسسها .. انتبهت للدكه خرجت منديــل من شنطتها ومسحت المكان من الغبرهـ
وجلســـت تمووت وتشووف ردة فعــل هتـــــــــآن ...
فـــي الحمـــآم خــرج اتوجه للمغسله مانتبه إنو التيشيرت مو فــي .. غســل يدهـ ووجهه طالع في صدره في المرايه
كيف محمـــر (( الله ياخدهاا ).. جا نظره لعند كتــبه وعقد حوآجبه لما مالقى التيشيرتطالع يمين ويســـآر
سئل الولد إللي جمبــه : شوفت البلوزه اللي كانت هنا ؟؟ لونها سمااوي ؟!
الولد سكت للحظات وبعدها قال : كأنو واحد اخدها دوبو وخــرج
هتاان : مو من جدك !!؟
الولد بشك : اتوقع
هتاان مو عارف يتــصرف يخرج يدور عليــها وهوا مو لابــس تيشيرت .. والله حيااخدووه محشه في المكـــآن
مو في حارتــو عشان يخرج بدون تيشيرت ولا في بيت اهــله ..دي جـــآآآمعــــه ومو اي جـــآمعه كمـــآن
فتح واحد باب دوراة الميـــآهـ وزي العاده الباب يعلق ومايقفـــل طالع لجهه الباب وبعدها رجع طالع على كتـــآبه
لمـــح حــــــآجه ع شـــجره رجع بردة فعل سريـــعه طالع ع شجــره وفنجلل عيــنه لما شاااف التيشيرت
مينن دااا اللي ممكن يكون حاااقد عليـــآ لدي الدرجـــه
مســـآلم مع الكـــل ..معقوله تكون زنــآوه وبس يبو يتسلـــو ..
دي الافكاار اللي مرت عليـــه .. حاول مايعطي للي حولــه اهميـــه ودا الشي يكدب فيه على نفســو
لأنـــو تفكيـــره محصور على التيشيرت اللي على الشجره وردة فعل الطلاب لو شـــآفوه بدا الشكـــل
خــرج من الحمــآم وفي ثواااني كل إللي بالمكـــآن سااارو يطالع فيـــه
ماطاالع في آحـــد يمشـــي وعينه بس على الشجره إللي حس بينه وبينها مسااافه مره طووويـــله مع انها قريبـه
وصل لعند الشجـــره ومد يده وسحب التيشيترت ...بدون مايطالع احد حاسس انو في عيـــون عليـــه ماحب يلبــس التيشيرت
على الأقل يعدل الموقف ..حط التيشرت على كتفـــه وابتســـم
كآن واحد جمبــو ويطالع فيــه بغرابه ماقدر يسكت رما تعليق له : تستعرض بعضلاتك يعني ولا كيف ؟
هتــآن مع دا الموقف ماله نفس يضحك بس ضحك مو ع تعليق على نفســه : ههههههههه لا بتشمــس
الولد : اخترت المكــآن الصح
هتان : حلو برضو التغير _ بعد عن الولد ولمـحها جالســه وتضحك وكأنو تقولو اناا إللي سويتلــك دي الحــركه
اتــوجه لهاا وقف قبالها ولبس التيشيرت
وهيا وقفت ضحكتها المستفزه وقالت : شعور حلو لما تخرج بدون تيشيرت
هتان قال بكدب : كنت شايل هم كيف اروح للبريفسور وانا بتيشيرت مبلبل نشف مع الهوا يعني ينفع اقولك شكرا ؟
الين الابتســآمه اللي بوجهها لازادت ولا نقصــت مع ردو اللي قهرها قالت بقهر : عفوا
هتاان راح اخد كتبــه وهوا كاارههها نفسو يقتــولها لأول مره بحيــآته يمر بموقف سخيـــف زي كداا
بس بيحاول قدر الامكــآن مايتمشـــكل مع أحــــد ويعد لخمســه قبل كل رد يخرج من فمــه لأنو اغلب اللي هنا مشكلجيـن
ومن اتفــه شي تيسير مضاربات ودا الشي مايبااه نهائيـــآ..
جالســه على سيـــآرة حمــرا وقبــآلها واحد : ايوا وفين كمان سافرت
: بس
لانا بكدب زي عادتــها : صراحه مره ماعتبر دول الخليج سفر يعني دي تمشيه عاديــه السفره لما تقولي روحت باريس ايطاليا زي كداا يعني
الولد يكره شخصيتها بس مصبرهـ شكلهاا : لعيونك نروح اي مكــآن ياشيخه
لانا ضحكت بدلع مصطنع : ههههههههههه يعني صراحــه مافي شي يخليني اتمسك فيك اكتـر حتى سيارتك مستأجرها
الولد انفجع من ردها : ايش تبي يعني ؟.
لانا قامت من على السياره ولبســت نظارتها الشمسيه الكبيــره : ماسرت من مستوايا يعني
مشيــت وسابتـــو لوحــدوو ..اتوجهت لسيـــآرتها اللي موقفــتها بعيــد عن الجــآمعه حلوه السياره بس موديلها سار قديم وهيا كدبت على صحباتها وقالت اشترت وحده جديده كدا ...ركبت سيارتــها من هرجها الزايد وكدبها ماسار لها صاحب
ياتشوفلها اي ولد عندو فلوس تخرج كم يوم معاه وبعدين تسحب عليه لما يشبعها فلوس ولا تروح تتسوق كالعاده لوحدها
وتروح صوالين تغير لوكهاا داا جنونــهاا
اتـــوجهت للبيـــت واول ماوقفت سيارتها اخوانها كلهم كآنو يلعبـــو بالحديــقه اتوجهوو لهـــاا وهما يصــرخو ويلعبو : لنووووش
مره مالها في اخوانها اصلا تكره الصغـــآر ..
ليناا عمرهاا 5 سنوات
لياان عمرها 9 سنوات
لؤي عمره 12 سنوات
جو يدورو حوليــنها وهيا صــرخت : بعدووو عنــــي
وقفـــو لعـــب
لؤي : لنووش ليش ماتلعبي معانا
لانا معقده حوآجبهاا : دا اللي نااقص العب معااكم
كمـــلت طريــقها واتوجهت ودخلت الفلـــه لقت امها شايله اختها الصــغيره إللي بتفرفر بكااا
لانا رفعت صوتها : اوووووووووووف فييي كل مكـــآن ازعاااج وبعدييين قوليلي ليش ماحب اجلللس في البيــــت
طلـــعت غرفـــتها وقفـــلت على نفسسسها البـــآب شغـــلت اغاني على اااخـــــر الصـــوت عششان لاتسسمع اي شي يسيرر
في الب يـــت ابوها ينادي حتى لو تســـمع تطنشــه وتسوي نقسها مو ســـآمـــعه
فتحت اختها ليان الباب بتردد : لنوش ؟
لانا كانت بتعبيلها ملابــس عشان تستــحم : خيـــر ؟؟؟!
ليان دخلت : مو قلتي اليوم حتآخديني معاكي السوق
لانا حطت ملابســها على السرير اتوجهت قدام المرايه وبتفتح السلسله والاكسسوار اللي لابستــه : قلتلك كدا قدام بابا بسس
ليان لابســه بلوزة رياضــه وجيــنز وشعرها مره ناحتتو : يعني ماحتاخديني
لانا عكسسهاا مره انثى بمعنى الكلمه : لا طبعااا انتي اصلا شايفه شكلك اللي يشوفك مايفرق انتي بنت ولا وولد اطلعي براا بس
لياان انفجعت من ردة فعــل لانا قالت وهيا تدافع عن نفسها : احلللى منـــك _ دا ردها البسيــط وخرجت من الغرفه وهيا تبى تبكـــي من اختـــهاا _
كــرهت الاكسسوار من لانا كرهت الملابس الورديه والفوشيه ..إلخ من لانـــآ
سارت تســوي عكســها ماتحب تتشبه فيــها لأنو لانا تصرخ عليها لما تسوي زيها فاسارت تقلد لؤي
نهاية البارت .. ودا قرووبي على الفيس بوك
حطو لايك ازا حبيتو الروايه .. =)