[لامارا]

الــــــبــــارت الـــــسابـــــع








طالعها بندر : والله طول عمرك حلوه .
انحرجت نوف ولا كأنه زوجها اللي يكلمها ووقفت : عن اذنك .
بندر : لا لا نوف وين رايحه ؟
نوف : بروح متأخره كثير الساعه 7 إلا وانا لسه هنا .
بندر : خلاص روحي البسي بسرعه انا انتظرك بالسياره وقولي للينا ان ابوي بيجي ياخذهم .
نوف : اوك .. وطلعت لجناحهم : سلام عليكم .
لينا والكوفيره : عليكم السلام .
نوف : لينا يقول بندر عمي يجي وياخذكم اوك .
لينا : ههههه كم مره يكررها .
نوف وهي تاخذ عبايتها : لا تنسون اسامه هنا جيبوه .
ضحكت لينا : ههههههه ماراح ننساه .

**

**

**

كانو ع الاستقبال عبير وام عامر وام عبدالله جات ام وليد وسلمت عليهم : مبروك .
ام عامر : الله يبارك فيك .
ام وليد : وين العزوف الماس بتروح معاها .
كانت العزوف جايه تمشي سمعت كلامهم " هذي اش قاعده تقول "
راحت لها الماس وسلمت عليها : اش اخبارك ؟
العزوف : تمام .
الماس : تصدقين العزوف انا صرت متقبلتك واحبك مثل اختي ليلى الله يرحمها .
العزوف بقرف : وانا احبك بعد .
الماس : تحبيني كبنت عمك واخت زوجك ولا اعجاب .
استغربت منها العزوف وطالعتها : فيه وحده تعجب ببنت عمها .
الماس وهي تمسك يد العزوف : ما اخفي عليك انا من معجباتك .
العزوف بعصبيه وهي تسحب يدها من يد الماس : اخوي يوم خطبك اهبل مجنون .
خافت الماس انهم يفسخون الخطوبه : لا لا العزوف وربي لأترك الاعجاب بس ماجد لايعرف بشي .
دفتها العزوف ومشت وخلتها والماس واقفه بمكانها ومنصدمه من العزوف " طيب هي حلوه ليش ترفض الاعجاب ومعجباتها كثار وانا اش غلطتي يوم تقول اخوي اهبل يوم خطبك ياربي مايفسخون الخطوبه العزوف علاقتها باخوها مو مثلي انا واخوي وتقدر يخليه يفسخ الخطوبه الليله "
جات ام وليد : الماس اش قالت لك العقربه ؟
الماس : يمه ولا شي وماقالت شي .
ام وليد : انا شفتها يوم دفتك ومشت البنت كانت معصبه انتي اش قلتي لها .
الماس بخوف من امها : ماقلت لها شي بس قلت اني بــ بـرجع لبيت ابوي اليوم وهي زعلت .
ام وليد بعصبيه : على كيفها ؟ والله لآوريها نجوم الليل بعز الظهر .
الماس خايفه على العزوف : لا لا يمه الله يخليك اذا كان تحبيني وتعزيني لاتسوين لها شي .
ام وليد : هذي اكــيد ساحرتك البنت هذي تكرهك وانتي تحبينها ومعتبرتها مثل اختك بس دواها عندي .
الماس : يمه الله يخليك لا تسوين لها شي والله هي طيبه واللي خلاني احبها طيبتها .
ام وليد : قال ايش قال طيبه وهي ماتحترمني وين طيبتها انا زوجة عمها وام زوجها وماتحترمني .
الماس : يمه حرام عليك والله انها طيبه وانها محترمتك بس انتي تظلمينها
بالجهه الثانيه من القصر كانت نوف جالسه مع سعاد : ياقلبي اش فيك ترجفين تراه زواج مو ساحة قصاص .
ابتسمت سعاد وهي ترجف : عارفه بس انا خايفه .. خايفه مره .
نوف : اقري المعوذات والاذكار وتعوذي من الشيطان مو معقوله كل هذا خوف .. سعاد انتي وعامر تكرهون بعض ولا اش السالفه ؟
سعاد : لا والله انا احبه ومن يوم خطبني وانا احبه ليش تسألين ؟
نوف : لا بس مستغربه من خوفك هذا والله مافيه شي يخوف وهذي ليلة العمر المفروض تفرحين .
سعاد وهي تهز راسها : ايه انا فرحانه بس خوفي اكبر من فرحي .
نوف وهي توقف : الله يهديك .. عن اذنك حبيبتي .
وطلعت نوف من جناح العرسان ودخلت بالصاله وراحت المنصه وبدأت الطقاقه بأول اغنيه ترحيبيه وبعدها اغنيه عن العرسان ورقصو اهل العرسان وجلست نوف جنب جدتها ع الكنب : نوف هذي الماس بنت ولدي ؟
نوف باستغراب : ايه جدتي هذي هي ليش ؟
ام عبدالله : وخزيـــاه اشلون تلبس كذا والله عيب والبنات مايستحون شوفي لبس العزوف بس اشوا من الماس وهذي بنتي الغاليه اكيد لبسها بيعجبني لو انه قصير بس ماهو قصير مــره مثل الماس .
طالعت نوف بلبس الماس وفعلآ كان قصير مره لابسه فستان ابيض فوق ركبتها وكات ونص ظهرها طالع " اللهم لاسخط "
جات العزوف : نوف اش فيك كأنك عجوز قومي ارقصي .
نوف : لا ما اقدر ارقص خلاص .
ام عبدالله : ماتقدرين ترقصين ؟ وابتسمت .. ان شاء الله انك حامل .
نوف بابتسامه : ايه يمكن ليش لا " لو تدرين ياجدتي عن حالي انا وبندر كان عرفتي اني ماراح احمل منه مره ثانيه خلاص احنا شبه منفصلين "

مـــرت الليله الصاخبه بالفرح وجــــاء الموعد وقت الزفه الســــاعه 3 فجـــــرآ .
نزلو مع الدرج سعاد وعامر ووصلو الكوشه وجلسو بعد ماقبل عامر يدها وجبينها وهي منحرجه وتحس انها بتنشل من الحيا : الف مبروك حبيبتي. سعاد وهي ترجف : الله يــبارك فـ فـ فيك .

**

**

**

طلع متعب وراح لبيت ابو اسامه ودخل بعد مافتحت له الباب الخدامه وراح لغرفة اسماء ودخل : سلام عليكم .
اسماء : عليكم السلام هلا وغلا .. اش اخبارك ؟
متعب بعد ماسلم عليها : بخير دامي اشوفك بخير .
طلع متعب جواله وحطه ع الطاوله : حبيبتي متى بترجعين لبيتك والله لك وحشه .
ابتسمت اسماء : هانت ياقلبي مابقى إلا اسبوعين وارجع .
رن جوال متعب والمتصل اسامه واخذ جواله ووقف : عن اذنك .
اسماء ولأول مره وبتشوف رده عليها : ميـــن ؟
ارتبك متعب : هــاا هذا واحد من اخوياي .. وطلع متعب .
واسماء تأكدت انه متزوج " سفراته لامريكا كثيره .. واكيد ست الحسن والدلال جات لألمانيا وهو هناك "
خذت اسماء جواله واتصلت على متعب وكان انتظار " له ربع ساعه يكلم لا لا اكيد وراه مصيبه "
دخل متعب : سلام عليكم .
اسماء بقهر : بدري كان ماجيت .
متعب : اسماء حبيبتي اش فيك ؟
اسماء ودموعها متحجره بعيونها : متعب انت متغير حيل .
جلس متعب جنبها وحضنها : اسماء والله انتي اللي متغيره .. انا مثل ماكنت .
بكت اسماء بحضنه : الله يخليك لي ولا يحرمني منك .
مسح متعب ع شعرها : ولا يحرمني منك انتي اكيد خايفه اني اطلقك وتصيرين مثل بنت عمك .
اسماء وهي ترفع راسها وتطالع بمتعب : متعب انت تذكرني باسامه كثيـــر يمكن تسوي نفسه اسامه كان يحب نوف بجنون ماتوقعت في يوم من الايام انه يخليها بدون سبب .
متعب " ياليت فيني صفه وحده من اسامه وفي ومخلص "
قطع عليه تفكيره اسماء اللي سندت ظهرها ع السرير وتقول : متعب خلاص بنسكر الموضوع هذا .
طالعها متعب وابستم وهو يوقف : عن اذنك حبي بروح لأمي .
ابتسمت اسماء : اذنك معاك .
وطلع متعب واسماء خذت جوالها واتصلت على نوف : الوو .
نوف : هلا حبيبتي اش اخبارك ؟
اسماء : الحمدلله بخير .. هاا خلص الزواج ؟
نوف : ايه من ساعه خلص الزواج .
اسماء : ياقلبي سعاد خايفه مره .
ضحكت نوف : لاتنسين نفسك يوم زواجك .
اسماء : انتي ماشاء الله يوم زواجك انتي واسامه كنتي مبسووطه بالمره .
نوف : آآآه ياحلات الايام ذيك ياليت ترجع والله اشتقت لأسامه كثيير خلاص ماعاد فيني صبر .
اسماء : الله يرحمه .
نوف بغصه : بس اسامه مامات لاتتمنون عليه الموت هو موجود وراح يرجع .
اسماء : الله يجبر بخاطرك يانوف .

**

**

**

الســاعه عشــره الصباح صحت العزوف من نومها وخذت لها شور ولبست بنطلون لونه سماوي وبلوزه بنص فخذها لونها زهري وشعرها اللي يوصل اخر ظهرها تركته مسدول ورفعت قصتها بطوق لونه زهري ولبست كعب عالي لونه زهري ونزلت تحت : صباح الخير عمي . وسلمت على راسه .
ابو وليد : هلا وغلا صباح النور .
جلست العزوف ع الكنبه جنب عمها : عمي عندي طلب اتمنى تنفذه .
ابو وليد : انتي تامرين امر .. اطلبي اش تبين ؟
العزوف : ابيك ترجع عمتي لولوه والله بيتها بدونها مايسوى .
ابتسم ابو وليد : لو تعرفين ان لولوه تكرهك وماتبيك زوجه لولدها بيتغير كلامك ؟
العزوف : لا ماراح يتغير .
ابو وليد : حاااضر راح ارجعها بس انا ما ادري هي تبيني الحين ولا لا .
العزوف : اكيد انها تتمنى ترجع لبيتها .
ابو وليد : ان شاء الله العصر وعمتك هنا .
ابتسمت العزوف : الله يخليك لنا ياعمي .
ابو وليد : الله لايخليني منكم وان شاء الله اشوف عيالك انتي ووليد .
العزوف : ان شاء الله .
دخل وليد : سلام عليكم .
العزوف وابو وليد : عليكم السلام .
وليد : يبه اختي الماس تعبانه وهي الحين بالمستشفى .
وقف ابو وليد : سلامات اش فيها الماس ؟
وليد وهو يجلس ع الكنبه وبتعب : فيها فقر دم .
العزوف : من متى وهي بالمستشفى ؟
وليد : تو دخلت من ساعه .

**

**

**

مهند : يمه موافقه اخطب اسيل ؟
ام اسامه بابتسامه : والله ماراح القالك احسن من بنت عمتك .
اسماء : بس ولد عمها خاطبها .
ام اسامه باستغراب : مــتى ومين اللي خاطبها ؟
اسماء : ريان .. لآنه يوم العيد قالت لي انه خطبها ريان ولد عمها .
مهند : لا لا مو مخطوبه بس اخطبوها لي .
ام اسامه : وانت اش دراك عن البنت .
مهند : يمه لاتنسين ان عبير عندهم وتعرف كل اخبارها .
ابتسمت عبير : لا يمه اسيل مو مخطوبه وموافقه على مهند .
طالعتها ام اسامه : لا يــكون خاطبه اسيل لمهند من وراء ظهري .
عبير ضحكت : لا يمه اش دعوه اخطب له بدون علمكم .
مهند وهو يوقف : بروح لجدتي ببيت عمي فهد .
عبير : انا بروح معاك .
مهند : انا بجيب جدتي هنا هي تقول بتشوف اسماء .
عبير : تنام عندنا ولا ترجع ؟
مهند : لا اعتقد بتنام هنا .
ام اسامه : حياها الله بس لاتتأخر .
رن جوال ام اسامه : الوو .
ام متعب : هلا حبيبتي مساء الخير .
ام اسامه : مساء النور والسرور .
ام متعب : اش اخباركم ؟
ام اسامه : الحمدلله بخير .. اش اخبارك ؟
ام متعب : تمام .. انا بجيكم الحين بشوف بنت ولدي وامها .
ام اسامه : حياك الله .
ام متعب : مع السلامه الحين بجيكم .
ام اسامه : مع السلامه .

**

**

**

بــــــعد مــــرور ثلاث ســـنوات
نوف على حالها ومازالت تحب اسامه وهو غايب عنها ثمان سنوات
ام وليد رجعت لبيتها
عامر جاته بنت سماها مها

ببيت ابو اسامه
بــــيوم ملكة مـــهند واســـيل

اسيل وهي ترجف : والله خايفه ياعبير ما ابي اوقع .
عبير : اسـيل اش خايفه منه يله وقعي .
مسكت اسيل القلم ووقعت وهي ترجف ودخلت سعاد : يله اسوله مهند بيشوفك .
وقفت اسيل : ايــش يشوفني ؟
عبير : ايه يله امشي معاي .
اسيل وهي تطالع فستانها : بس مو مقتنعه بفستاني .
عبير : اسيل يله امشي معاي .
نزلو تحت ودخلو بالمجلس اللي فيه مهند وطلعت عبير وراح مهند لأسيل ومسك يدها وباسها : الف الف مبروك .
اسيل بخجل : الله يبارك فيك .
مشت مع مهند وجلسو ع الكنبه ولبسها دبلتها وباس يدها وخذت اسيل دبلت مهند وكانت ترجف ومسكت يده بخجل وخوف ولبسته الدبله وقامت وقالت وهي ترجف : عن اذنك .
ضحك مهند : اذنك معاك .. بس ماراح اخليك باخذ رقمك من ابوك وياويلك اذا مارديتي علي .
طلعت اسيل وراحت تركض لغرفة سعاد وسكرت الباب وجلست ع السرير " آآه يايمه يالتيك تشاركيني فرحتي الحين "

اتصل متعب على اسماء : هلا حبيبتي وينك ؟
اسماء : عند الحريم يعني وين بكون .
متعب : تعالي بالحوش مسوي لك مفاجئه .
اسماء : اوك دقايق وانا عندك .
كان متعب بالحوش وفرحان مره والكل ملاحظ فرحه ولا احد يدري اش سر هالفرحه جات اسماء : هلا حبيبي .
متعب : انا مسوي لكم مفاجئه كبـــــيره واتمنى ماتقولين لأحد لآن المفاجأه خلاص شوي وتكمل .
اسماء : متعب ممكن اعرف اش سر سعادتك هذي عساها دوم .
متعب بابتسامه : شوي وتعرفين .. خلاص روحي يمكن يجون رجال .
مشت اسماء من عنده وجا ابو اسامه : متعب .
طالعه متعب : هلا عمي .
ابو اسامه : اش فيك واقف هنا بروحك ومهند يقول انك تبيني .
متعب : ايه بيجي رجال وابيك تستقبله .
ابو اسامه : متى بيجي .
رن الجرس : متعب هذا هو الرجال وصل .
فتح ابو اسامه الباب وطال السكوت لحظات وانتهى وقت الانتظار ونزلت دموع ابو اسامه وفتح يدينه : هلا والله بالغالي .

**

**

**

ام وليد وهو تسكر باب غرفة العزوف وتنزل تحت : خلاص كملت الخطه يالماس .
الماس : يمه حرام اللي تسوينه بالعزوف .
ام وليد : انا ابيها تطلق ابي بنات مها يتطلقون كلهم انتي مخطوبه لك ثلاث سنوات وبتبقين معلقه كذا مو اللي تطلقت وشافت حياتها ولا اللي تزوجت وعاشت حياتها .
الماس : يمه يكفي ان خطيبي اخو العزوف .
صرخت ام وليد : العزوف هذي اش مسويه لك ؟ ساحرتك ولا اش مسويه لك .
الماس : يمه انا احب العزوف هذي زوجة اخوي واغلى البشر عندي .
ام وليد : انتي اكيد انهبلتي انتي من يوم عرفتي العزوف وانتي هبله مجنونه .
الماس : يمه والله ماراح تضرين العزوف بشي وانا موجوده .
ام وليد : انتي اش فيك بتجننيني ولا بترفعين ضغطي اشلون ما اضر العزوف وانتي موجوده يعني بتمنعيني .
الماس وهي توقف : لا يمه انا ماقلت امنعك بس العزوف ماتستاهل .
ام وليد : وين بتروح مني والله ما اخليها .
راحت الماس لغرفتها .. هي مستحيل ترضى للعزوف بشي يكدر خاطرها وكل خوفها انها تطلع من بيتهم .
خذت جوالها واتصلت على العزوف : الوو .
العزوف : هلا .
الماس وهي تبكي : العزوف وينك ؟
استغربت منها العزوف : انا ببيت عمي عبدالله .
الماس : طيب متى بترجعين ؟
العزوف : الماس اش فيك وليش تبكين ؟
الماس : العزوف انا خايفه عليك لاترجعين اجلسي عند اهلك يومين كذا وبعدين ارجعي .
العزوف : اش اللي صاير يا الماس تكلمي .
الماس : ما ادري امي ماراح تخليك بحالك .
العزوف : مع السلامه حبيبتي .
الماس فز قلبها : نعم اش قلتي .. العزوف انا بحلم ولا بعلم عيدي كلامك .
العزوف باستغراب : ماقلت شي اقول مع السلامه .
الماس تحطمت : العزوف ياقلبي اش فيك ؟
العزوف : الماس انتي اللي اش فيك .
الماس : العزوف انا احبك والله احبك وما اقدر على فراقك .
العزوف : اوك مع السلامه .
الماس " فديتك " : مع السلامه .

**

**

**

اسامه وهو يرمي نفسه بحضن ابوه : يبه اشتقت لك .
ابو اسامه : الحمدلله على سلامتك يالغالي تو مانورت الدنيا .
اسامه وهو يبوس راس ابوه ويدينه : منوره بوجودك يالغالي .
وسلم اسامه على متعب : هلا والله بصاحبي اش اخبارك ؟
متعب : الحمدلله بخير .
ابو اسامه والدنيا مو ساعيته من الفرحه : يله خلونا نروح نسلم على الرجال .
دخلو ابو اسامه ومتعب واسامه والكل مستغرب وراح مهند لأخوه وسلم عليه : الحمدلله على السلامه .
اسامه : الله يسلمك يالغالي .
وسلم على عيال عمامه وعلى عمه وبندر واستغرب اسامه " بندر اش جايبه .. ايه يمكن عشان مهند خويه "
وجلس على يمينه متعب وعلى يساره عامر : اش اخبارك ؟
اسامه : الحمدلله بخير .. انتم اش اخباركم .
عامر : الحمدلله كلنا بخير .
وقف اسامه : عن اذنكم بروح اسلم على امي .
وطلع معاه مهند وفرحته لاتوصف : يــــــمه .
ضحك اسامه : لاتصارخ .. انت عريس اثقل .
ابتسم مهند : اش دراك اني عريس ؟
اسامه : اخباركم كلكم توصلني .
مهند : امي ماراح تجي انت ادخل بالمجلس كل اللي موجودات محارمك وبنات عمك .
كــانو الحريم جالسين بالمجلس ام اسامه , ام عبدالله , ام عامر , ام بندر , ام متعب , نوف , اسماء , عبير , سعاد , العزوف .
وسمعو صوت اسامه : يـــاولد .
وقفت نوف وهي تبتسم : يمه اسامه جا صوت اسامه .
تغطو العزوف ولينا وام بندر و نوف ودخل اسامه وامه مو قادره توقف تحس انها انشلت وقفت وضمته وهي تبكي : هلا والله بولدي هلا بحبيبي الحمدلله على سلامتك .
اسامه بابتسامه : الله يسلمك يالغاليه .
عدل شماغه وسلم على جدته وخواته ووقفت نوف : اسامه .
فز قلب اسامه " يالبيه " وطالعها وكانت متغطيه وتبكي تحت غطاها وراحت له ومسكت يده : ليش خليتني ؟
اسامه اللي وده يضمها ويلمها ويعوضها عن كل اللي راح ويشوف وجهها بس حرام هي ماتحل له الحين وبهمس : ياقلبي يانوف لاتبكين جعلني ما ابيكيك وانا راح اعوضك عن كل اللي راح .
نوف بهمس : اسامه .
اسامه بهمس مماثل : روح وقلب اسامه .
نوف : لاتزعل علي .
جات ام عامر وسلمت على اسامه وسحبت نوف : اش اخبارك يا اسامه ؟
اسامه : الحمدلله بخير .. عن اذنكم .
ام اسامه : وين بتروح تعال عندي .
اسامه بابتسامه : يمه بروح عند الرجال بعد مايروحون راح تملين مني .
وطلع للرجال وجلس بمكانه ودخلو عبدالله ولد عبير واسامه ولد نوف وراحو لأسامه وسلم عبدالله على اسامه .
وطالع اسامه بولد نوف : تعال حبيبي .
راح له اسامه وسلم عليه ومسك يده : انت من ولده ؟
اسامه : ماما نوف وبابا بندر .
جلس اسامه ع الارض على ركبه وضم اسامه وهو يبكي .
وجا متعب وجلس جنب اسامه : خلاص يا اسامه .
اسامه ترك ولد نوف وطالع بمتعب : ليش ماقلت لي انـــها تزوجت .
متعب : خايف عليك والله خايف عليك .
جلس اسامه جنب عامر ومسح دموعه : من متى ونوف متزوجه ؟
عامر بعد مابلع ريقه : من خمس سنوات .
طلع اسامه من عندهم ولحقه متعب : اســــامه .. اســامه .
وقف اسامه وجا متعب : تكفى لاتزعل والله خايف عليك .
اسامه تذكر كلام نوف " لاتزعل علي " : ماراح ازعل عليكم بس لو قلت لي احسن .
متعب : انا خايف عليك وخايف انك ماترجع .

**

**

**
يتبع....