[اسطورة !]

* آلبآرت آلثآني وآلثلآثون *

عبدآلرحمن : تعوذي من آبليس خلآص .
عربآء : لآ آبعلم عليك آبوي يوريك شغلك .
عبدآلرحمن آبتسم وهو ينآظره : تحسبين آبوي بيضربن لآ علمتيه علي ؟؟؟
عربآء : وليه مآيضربك وآنت صآبن قلبي ؟؟؟
عبدآلرحمن : وليه مآنضربتي وآنتي مروعتن كل آلبنآت ؟؟؟؟ ولآ آلبنآت مآعندهن قلب مثلتس ؟؟؟
عربآء : وآلله لآوريك يآعبدآلرحمن وآلله لآسوي بك آلمقلب آللي تكرهن عقبوه .
عبدآلرحمن : تو آدري آن زعلتس شين .
عربآء وهي زعلآنه عليه : علشآن مآتزعلن مره ثآنيه .
عبدآلرحمن : إن رضيتي هآلمره وآلله مآزعلتس مرة ثآنيه .

__

آلريآض===> بيت بدور خآلة فهد ===> آلسآعه 8 بآلليل .
جآلسين بآلصآله على كنب آلوآجهه فهد وبجنبه عهود وجآلسه يمين فهد بدور آللي تقهويهم .
قآلت بإبتسآمه : حيآ آلله عهود .
عهود بهدوء وبإبتسآمه من قلبهآ لآن آللي تجلس قدآمهآ آخت عمتهآ بدريه آللي تكن لهآ حب من آعمآقهآ : آلله يحييتس ويبقيتس يآخآله .
بدور صبت لهآ فنجآل ومدتوه لعهود وهي تقول : سمي .
أخذتوه منه عهود وهي تقول : سم آلله عدوتس .
وصبت لفهد آلفنجآل وآخذوه وهو يقول : مع قلّ سنعتس وآنتس تعطين آلفنجآل للمره قبلي لكن بعديهآ لتس مآهو علشآنتس لآ وآلله آلآ لني شفقآن على آلقهوه لي خمسة آيآم مآذقت قهوه تطلق آلخآطر .
بدور بصدمه : آفآآآ ؟؟ ليه مآتقولي وآلله لآسوي لك كل يوم ؟؟؟
آبتسم فهد وقآل وهو ينآظر بعهود : يومين وتآتي آمي آن شآء آلله ولآني بحآجتس لآ آنتي ولآ بنت عمي آللي مآتعرف تطبخ .
آنقهرت منوه عهود كيف يتكلم عليه تسذآ قدآم خآلتوه .
قآلت بدور تلطف آلجو آللي بدأ يتوتر وهي مآهي غبيه وضح لهآ ضيق عهود من كلآم فهد : وآنت صآحي تخلي هآلقمر تطبخ لك وهي توه عروس ؟؟؟ آنت مآعندك آسلوب ؟؟ دلع مرتك شوي .
فهد بجديه : حنآ مآعندنآ دلع لفلآنه وعلآنه هي مره وشغلهآ تقدمه على آتم وجه ولآ حنآ نصرف عليهن وهن مآيشتغلن مثل مآلهآ حق آلمصروف لي آنآ حق عليهآ وحقي آنه تطبخ وتنفخ وتنظف وتغسل.....مآحنآ بزمن جآهلي علشآن نقول مآلهآ آلآ آلشغل لكن وش آلبيت بدون مره تتصرف فيه بوآجبهآ وش هي آلمره وهي مآتطبخ ولآ تعرف تطبخ ؟؟؟ يعني حنآ نصرف ونشتغل ونشقى ولآ نلقى مقآبل وتقدير لتعبنآ ؟؟؟ طيب فرضنآ آني آبخلي عهود على كيفه ولآ هي طآبخه وش فآيدته بآلبيت ؟؟؟
بدور آنفعلت من كلآموه : لآ وآلله ؟؟
فهد آبتسم : شفتي مآرضيتي بحتسيي..........طيب لو رجلتس يترك آلوظيفه ويتربع بجنبتس وش تبين تسوين ؟؟؟؟
بدور ترآجعت عن كلآمه آللي كآنت تبي تقولوه لفهد : وآلله مآ آرضى ولآ رآح آرضى وش فآيدته وهو مثل آلحرمه ؟؟؟؟
فهد : نفس آلمره آللي مآتشتغل بآلبيت .
نآظرت بدور بعهود آللي سآكته ولآ تتكلم : آلله يعينك على فهود يقلب آلموآضيع بآللي هو يبي .


__

آلكويت===> آلشويخ ===> آلسآعه 8 وربع بآلليل .
ملآك جآلسه بين مهآ ووضحى : آقول يآبنآت وش رآيكن آي مشغل آحجز ؟؟؟؟
ضحكت مهآ : وآلله آنش متحمسه وآجد يآوخيتي.........شوفي مرة إخيش مآشآءآلله عليهآ آلوضيحي وآلله مآجهزت لعرسهآ آلآ قبل آلعرس بشهر.
ملآك ضحكت ثم قآلت : آلوضيحي مآعليهآ شرهه .
وضحى : حدش يآبنت عمي وليآمنش جبتي آسمي حطي يدش على رآسش آنتي تحكين عن عمتش وشيختش وضحى .
ملآك بمزح : ترآ منتي آلآ آلوضيحي مرة جآبر .
وضحى وقفت وهي تشيل ولده مسآعد آللي رقد على رجله : آنآ آبروح آنوم مسآعد بغرفتش .
ملآك قآمت وآخذت مسآعد من وضحى : ولدش هذآ دجآجه يرقد آول آلليل ويصحي آلفجر .
وضحى وهي تجلس : ههههههههههههههه يقولون طآلع على عمته ملآك .
قبلت ملآك خد ولد آخوه : جعلني مآذوق حزنك يآمسآعد .
جلست وجلسته وهو نآيم وتحآول تصحيه لين مآصحى قآلت مهآ : علآمش على آلبزر ؟؟؟
ملآك : مآبغآه يرقد ذآ آلحزه وحتى علشآن يتعود قبل عرسي وأبيه على آلإستقبآل من آلعصر .
قآلت مهآ وهي وده تحرج ملآك : لآ يآعيوني آلآستقبآل يصيرون عليه آهل آلمعرس .
ضحكت وضحى : مهآوي شوفي وشلون غدآ وجه مليك كنه طمآطه .
دخلت آم جآبر وهي تقول : آلسحآ زينة آلبنت .
وضحى : آنشهد .

__

آلقصيم ===> بيت خلف ==> غرفة عبير ===> آلسآعه تسع بآلليل .
عربآء آللي جآلسه على سرير عبير : وآلله لآوريه دحيّم وآلله لآعلموه وشلون يخرعن تسذآ .
عبير ضحكت : خلآص يآبنت تعوذي من آبليس من جيتي وآنتي تتوعدين بوه وآلى آلحين مآشفت شي .
آخذت عربآء جوآله آللي جنبه وقآلت وهي تتصل : هلحين تجيتس آلعلوم .
ورد آللي هي متصله عليه : هلآ عروب .
عربآء بزعل : دبرلي شوفه لآبوي آنآ لآزم آحتسي مع آبوي هآليله .
عبدآلرحمن بآبتسآمه : تعوذي من آبليس وآنسي آلسآلفه .
عربآء : مآ آكون آخت علي آن مآخليت آبوي ينسيك آسمك.........صرف عيآل عمك آللي بآلدوآنيه ولآ ترآ دخلت وهم موجودين .
ضحك عبدآلرحمن : وآلله مآهي ببعيدتن عليتس يآعروب .
عربآء : مآعليك من ذآ آلهرج وصرّف آلعيآل بسرعه .
عبدآلرحمن : على أمرتس .
قفلت عربآء آلمكآلمه ونآظرت بعبير : آلحمآر عهيد وين رآحت آتصل عليه من آليوم مآترد .
عبير بآبتسآمه : توني مكلمته على تلفون بيت عمي......وآبشرتس تسآمحنآ آنآ ويآه .
عربآء : هين آنتي وعهود وآلله آنكن بزآرين آلسآعه هذي متزآعلآت وآلسآعه آلجآيه متسآمحآت .
عبير بضحكه : آشوآ منتس آللي على مقلب تستآهلينوه زعلتي .
رن جوآل عربآء وهي تقول : تخآوينن لعمآني ؟؟؟
آبتسمت عبير وهي تقوم : وآلله مآهي شينه .
ردت على عبدآلرحمن وهي تنزل آلدرج بجنب عبير .