البارت الثاني
مرت ساعتين بعض البنات تتمددوا وناموا
فتح الباب
شرطيه تنادي ساره محمد... قفزت
اكيد انه خالي الي جا حطت العباه وهي تمشي وتدعي ربي يكون في عونها
طلعت فوق وصلت للمكان الي حققوا معاهن فيه بس ماكان لاخالها ولا اي احد موجود سوى الضابط نفسه الي سجل الاسماء
طالعت وهي ترجتف خايفه ابغى ابغى خالي وينه خالي
تكلم وهو ماحتى يطالع فيها
راح يجي اكيد راح يجي
ضلت واقفه لين آشر لها تقعد
تقدم من الكرسي حست برهبه منه. ومن عصبيته المفاجاه
جلس قبالها سألها انتي من متى وانتي تروحين لهم
ردت لالا والله انا ماروح هم خذوني وانا مانا داريه بشيء
بس للاسف ياساره ذي الاجابه كل البنات قالوها وهي سمعتهم بنفسها يعني مارح يصدقها
قام من مكانه وهو يقول اكيد اكيد بتطلع تربيتك كذ وش ننتظر
دخل خالها قامت من مكانها خالي
بس ماعطاها وجه
سلم على الضابط وشكره وهي دخلت في نوبة بكاء قادها خالها وهي تصيح وتبكي
ركبت معاه وهي الي ماتدري وش تقول والا كيف تتكلم
!!
كان ساكت وكان سكوته يذبحها اكثر واكثر
وقفت آلسياره عند بيتهم المتوآضع
قبل لاينزل وقفه صوتها وهي تناديه خال
رد عليها ارتاحي ياساره ماهو وقت شيء الحين
كانت خالتها تنتظرهم اول ماشافتها اخذتها بالاحضان وساره تبكي وتصيح في حضنها
مانامت الا لمن علمت خالتها بكل شيء
خالتها الي تعرفها وتعرف تربيتها صدقتها على طول وقعدت تتحسب على صاحباتها
ساره وهي تحس انها ارتاحت لانها طلعت الي في قلبها لخالتها
بس ياخاله ابغى خالي حمد يدري بالسالفه مابيه يضل زعلان وهو ماهو داري بشيء
هدتها خالتها انا بعلمه انتي ولايهمك
تركتها بعدما حست انها بدأت تنعس
طلعت آريام من الغرفه طريقها لاخوها حمد
لقته في الصاله مع عيالها كل عيالها يطالعون بودهم يدرون وش الي صار
بس هي ماعطتهم فرصه يعرفون شيء
لانها آمرت كل واحد يروح على غرفته
قعدت قبال حمد
جات بتتكلم هو الي قاطعها لاتقولين شيء
ذي ساره الي ربيتها انا بيدي شلون اصدق فيها والله لوشفتها بعيوني ماصدقت
اريام وهي مبهوره من كلامه
والله ياحمد انها ذابحه حالها بالبكاء
وكله علشانك ماتبيك تصدق فيها
ابتسم حمد وستآذن يبي ينام
صباح اليوم آلثاني يوم دآفى
يحمل بين طياتهًُ آمالاً بنيتِ وآحلامآ هدمت آناس ينتظرون بفآرغ الصبر آبتداء هـذا اليوم وآخرون يتمنون لو آن يتًوقف الزمن
وهـكذا هم البشر يوم جميل وآلعكس
ولاكن آلبعض يجعلون التفائل وحسن الظن شعارهم في الحياه فلا يتعبون ولايرهقون وفي الآخر ينُالون!
صحيت ساره على صوت الباب
قلبت تشوف الساعه ولقتها الساعه 11
أستغربت آنها استغرقت كل ذا الوقت في النوم فتحت الباب كانت بنت خالتها الي عمرها 8 سنين
تناديها تبيها تصحى
لان آمها جات فرحت ساره ان امها جات بنفس الًوقت الي هي محتاجتها
بعدما مامات أبو ساره ضلت امها 4سنوات وبعده تقدم لها واحد يقرب لها وتزوجت وعمرساره 11
كانت تبي ساره تعيش معاها بس ساره رفضت وضلت عند خالها الي رباها زي البنت له وامها كانت تجي كل نهاية الاسبوع تزورهم عندها ثلاث أخوان من امها تحبهم كثير غيرت بسرعه وراحت ع المجلس تحضنت أمها بقوه
وبوست خوانها حكت لامها كل شيء صار
امها ليه ياساره تطلعين معاهم كنتي مفروض ماتروحين مكان الا وعندك علم وبين انها زعلت كثير
ساره بس يمه انا واثقه فيهم كذا رحت مدري شصارلهم وتغيروا
امها بعصبيه احمدي ربك انها جات على كذا وطلعتي بسرعه بدون فضايح
حمدت ربها
قالت امها انها راح تروح الساعه 2 بالضبط
ساره حست انها تبي تغير جو لانها متعوده اذا تضايقت تروح لامها
قالت بعد تفكير
يمه آبغى معك ذا الاسبوع
امها وهي مبوسطه طيب جهزي اغراضك
طيب بس بعلم خالي اول
راحت تدوره اكيد انه في غرفته
دقت الباب دق خفيف
على طول عرف انها ساره لانه يعرف
دق آريام وعيالها يرجفون الباب رجف
كان على السجاده
ينتظر صلاة الضهر
قال أدخلي ياساره دخلت وهي منزله راسها
باسته على رآسه وقعدت قباله
حست انه تعبان مبين من وجهه
تكلمت وشفيك ياخال فيك شيء
رد عليها لامافيني شيء
وهي الي تخاف عليه لان عنده فشل كلوي وتخاف عليه آن حالته تتطور تشوفه كل يوم يتدهور اكثر واكثر
بس مافي اليد حيله
مآحبت تكلمه في موضوعها لانه مبين انه
ماهو مهتم ولا زعلان منها
خالي امي هني
ابتسم لانه يحب آخته بشاير كثير
طيب بصلي الظهر وجيت اسلم عليها
قامت تبي تروح
وقفها ياساره لاتشيلين هم شيء
أنتي شريفه وبتضلين شريفه
حست آن كلامه رد لها أعتبارها وماعليها لويتكلمون آهل الارض عليها
أبتسمت له وقالت في صوت كله طاير من آلفرح ربي يخليك لي
وقت الغداء آخوانها مع عيال خالتها آريام مسوين ضجه
آجتمعوا وكانوا مبسوطين بالجمعه دق الباب
رآحت اريام تشوف سمعوها ترحب وتهلي بشخص
قال خالها تركي ، اكيد انه ولدها ماجد اعرفها ماترحب كذا الا اذاهو دخلوا آول ماشافته ساره تضايقت
جا وسلم على خاله وخالته بشاير
ووجه نظره لساره
وسألها كيفك
ردت ،بخير قررت تروح تروح مع امها وهي الي ماتحب آتشوفه وهو يحاول يتقرب وكم مره قالت له انها تشوفه كأخ لها بس هو مأحس باليأس لانه يحبها ويحبها من زمان وكلم أمه تقنعها فيه بس ماقدرت وقالت لخالتها أنها ماتقدر ماتقدر تنظر له كغير أخ
كلمت خالها انها بتروح مع امها مكه،
مامانع هو يحب الي يريحها
تجهزت وطلعت مع آمها وزوج آمها
بتروح لمكه مكه الي ينشرح لها قلبها الي تحس بالرآحه فيها ولو مآحب خالها خلت جده وعاشت مع آمها،
قضت آسبوع كامل مع أمها وخوانها
كانت مبسوطه كثير وهي تساعد امها في خوانها وفي ترتيب ألبيت
بعد الاسبوع رجعت مع زوج أمها على جده ،
اليوم الثاني رآح خالها تركي المستشفى وماجد ولد اخته معاه
وفي ألعصر كانت قاعده مع عيال خالتها تلعب معاهم وتدرسهم تساعد خالتها في درآستهم
جا مشاري ولد آريام الي عمره 12
يناديها،
ساره فيه شخص يقول انه قريبك يبي يشوفك!!
أستغربت
بس جا على بالها عمها ناصر الي هو الوحيد من قرآيب ابوها الي يزورها والا الباقي ماتعرفهم تذكر آخر زياره لاهل أبوها في الرياض وهي بثاني متوسط
ورجعت بعد اليومين ومن بعدها معاد شافت آحد منهم
سألت مشاري منو آنت ولامره شفته
قالها لا
اهو وين الحين؟؟
مشاري قعد ولاهي بالالعاب البلستيشن
فتحت له المجلس
قررت اتروح أهو اكيد عمها ماغيره
كانت لابسه بلوزه بيضاء كمامها وآسعه
وتنوره سوداء ضيقه كان جسمها في آلتنوره حلو ومبين خصرها
وشعرها رآدته للورى
اول مادخلت المجلس شافت الشخص الي واقف يطالع من الشباك في الشارع
نفس الطول والعرض الا اكيد عمي ناصر
قالته في نفسها
رحبت بصوت وآطي بالكود ينسمع
هلا
التفت لها جمد كل شيء في جسمها حست آن كانها صاعقه ضربتها
وهي تشوف شخص غريب وماهو عمها
بس هذا وين شافته الا اكيد شفته من قبل
تاكدت هو منو !!!
بس هي لازم تسأله أنت وش جابك
دام هي الي آنحطت في ذا الموقف
تكلمت بصعوبه
أنت وش جايبك وش تبي؟؟
رد وهو يطلع سيقاره هي كلمتين
بقولها وبطلع ،
شنو جاوبت وهي تحس انها بيغمى عليها وخافت يقول آبردك للسجن حصل شيء !!!
جهزي نفسك عمي ناصر بيمرك ذا اليومين وتروحين للرياض معاه !
ماهي مستوعبه هو وش قال ولاحتى فهمت شيء من كلامه
سألته آنت وش تقول؟؟
ومنو عمك ناصر!؟
آظن كلامي مفهوم قالها وهو ماحتى يطالع فيها!'
هي فكرت انها بتروح سجن في الرياض بس ليه يقول عمي ناصر
وش دراه فيه ؟
لاحظ عليها انها مهي فاهمه شيء
حب يوضح بطريقته،
مايكفيك كل هذي الفتره هني
روحي عند عمامك وجدتك
احسن من كل يوم وانتي في مركز من مراكز جده!
هنا توضح كل شيء بس هو منو،؟
بعدها مضروبه على راسه بس كلمته الاخيره وجعته اكثر من كل شيء
قالت بصوت فيه قوه وبنفس الوقت العبره خانقتها،
أنت منو ؟؟؟
حب يجاوب وماقال انا ولد عمك
قال انا سلمان بن فهد عبدالعزيز
توضح لها كل شيء
هذا آلاسم تعرفه تعرف آسم عمها فهد
وش المصيبه الي وقعتي فيها ومع مين
يطلع ولد عمك الله يكون بعونك
قالت بتحدي بس انا ماراح اروح اي مكان.
طالع فيها بأحتقار وليه ماتروحين !!
وشتبين تسوين بعد؟
مآرح آسوي شيء لاني ماسويت شيء من الآصل وأحترم نفسك لاتتكلم معي بذي الطريقه،
هو ماهتم لكلامه قال وهو يبي يطلع جهزي حالك وعلى فكره خالك عنده علم وماقال شيء
شنووو ؟؟؟
مهو معقول ان خالها تركي يدري
ويرضى وشلون يرضى او يكون عنده
علم ومايساوي شيء
قال وهو يطالعها وراي شغل مب فاضي
للجدال معك!
قالت له وهي تحس بغصه بعدما قال لها ان خالها يدري
بس يكون بعلمك مارح اروح انا ماعندي اهل اهل هذول محد غيرهم..
هه اهلك الي مايدرون وين تجين وين تروحين!!
انقهرت من كلامه كثير بس معطاها وقت ترد لانه طلع بسرعه وسكر الباب بقوه
لقت خالتها تنتظرها
خلص حبايبي ولما اشوفه لاقى اعجاب اي احد بنزل البارت الثالث