[اسطورة !]

مساكم الله بالخير جميع .
اول شي الف الف الف مبروك المكرمات الملكيه .
ثاني شي الله يرفع قدركن ويعز شانكن والله انكن ارضيتن وزود الله يرضى عليكن .
البارت اليوم حاولت انوه يصير اطول منوه دايم .


* آلبآرت آلخآمس وآلثلآثون *


آلقصيم ===> بيت آلعمه نشميه ===> آلسآعه 8 ونص .
توهم رآجعين من عنيزه وحنآن طآقت تسبده من آلطفش .
رآحت لغرفته وتحممت ولبست بيجآمه وآخذت جوآله وآتصلت على موضي : آلوو .
موضي : يآهلآآآ ويآغلآ ببنيت عمتي آللي رآحت لعمآنه وجحدتنآ .
حنآن : هههههههه وآلله آنتم آللي جحدتون.....يآخي ببيت جدتي طفش طفش طفش مآبوه آلآ آنآ آلبنآت كلهن مآجن كل بنآت عمي تزوجن آلآ آنآ وهآلخبله فدوى يآخي حمآرن مآتفهم تقهههر وآلله مآتذكرن آلآ بعربآء همه آنه تضحك .
موضي : هههههههههههههه وكل هآلغيبه بعربآء وفدوى بس علشآنتس طفشآنه؟؟؟تعوذي من آبليس ولآ تغتآبين .
حنآن : يدرن فدوى وعربآء آن مآبوه آحد سآكت عنهم كل آلنآس يبون يغتآبونهم.......تدرين آلبزر تقولي تتحديني آدخل عند آلرجآل بدون عبآه ؟؟؟
قلت يآحمآر حرآم وعيب ومآيصير وليآ دخلتي عندهم بيذبحونتس .
موضي ضحكت : وتشرهين على وحده بآلمتوسط ؟؟؟؟؟
حنآن بعصبيه : يآروحي آنتي آيه آشره على وحده بآلمتوسط كله سنتين وهي بآلثآنويه وبعدين يكفي آنه لبست عبآه وتغطت ليه تدخل عند آلرجآل؟؟
موضي : يآويلتس من آلله هي يمكن شآفتس طفشآنه وتبي تضحكتس .
حنآن : فقعت لي مرآرتي من كثر مآتضحكني حتى تخيلي تضحك على آمه وعلى جدتي وآلله مآخلت آحد مآضحكت عليه عآد قلت لآمه آسمحي لي يآعمه آنآ آبآخذ فدوى عندي آسبوعين وآربيه وآرجعه لتس....قآلت آي وآلله تكفين فكين من شره وتروح آلخبله تبكي عند عمي تقول آمي مآتحبن وحنآن تقول آني مآني متربيه....تصدقين مويضي يوم شفت فدوى قلت وآلله آن عربآء نعمه على آلآقل عربآء عنده عقل .
موضي : كم مره آقولتس لآ تحشين بآحد....آكيد فدوى مآترضى آنتس تتكلمين عليه تسذآ .
حنآن : خلآص آستغفر آلله آلعظيم من كل ذنب عظيم......وفدوى ذي آول مآتجي بيتنآ بستسمح منه وبربيه وآلله حرآم بنت بتفكيره وهي صغيره .
موضي : يآبنت مآسوت شي ولو تحديتيه آكيد آنه تبي ترفض وهي آصلآ لو مآتستحي مآتسآن لبست عبآه .
حنآن : بس يبي له شده شوي علشآن تعرف آلصح من آلخطآء.......آلمهم آنتم بآلقصيم ؟؟؟؟؟
موضي : آيه بآتسر آن شآء آلله نمشي للشرقيه .
حنآن : تكفين موضي تعآلو عندنآ ذآ آلليله مبطيه عنكم .
موضي : لآ آكيد مآحنآ جآيينكم تعآلو آنتم ببيت عمي خلف .
حنآن بآبتسآمه : عريب رآحت للكويت ؟؟
موضي وهي تطآلع بعربآء : لآ بآقي تضف قشه .
حنآن : سلمي لي عليه .


___

آلقصيم===> شآرع آلملك فهد ===> بسيآرة عيسى .
عيسى يسوق وعلى يمينوه علي ولد عموه .
عيسى بآبتسآمه : ههههههه مثل مآقآلت مويضي شكل عرسنآ يبي يصير جمآعي .
ضحك علي : وآلله مآلومه عرسي وعرسك وعرس يوسف ولآ آلسلوقي دحيم يبي عرسه بعطلة شهر خمسه .
عيسى بشجن : وآلله مآلوموه لو عجل بعرسوه آللي هو بيآخذ شمعة آلدنيآ آلله لآيحرمن منوه .
علي بآبتسآمه : شقول عن آللي بتآخذه بس .
عيسى بضحكه : لآ عربآء وآصلتن آخبآره ودحيم مآنيب معدي لوه مقلبوه بس خلّ لين عربآء تآتي ببيتي وعقبه يصير خير .
علي بآستغرآب : لعنبو آبليسك من آللي يعلمك ؟؟؟
عيسى : هههههههههههه آعرف آخبآره آول بأول .
علي : وآلله آن ملآك بنت خآلتي مآعرف عنه شي بس آعرف عن آمور درآسته .
عيسى : آوووه عربآء عآرفن كل شي يخصه .
علي بضحكه : وتدري آن مرتك نآقصة آلعقل آلبآرح مجرجرتن عبدآلرحمن بآلسوق؟؟؟
عيسى : بعدي آخذتن حقه من كل آلنآس .
علي بجديه : وآلله آنآ مآتعجبن آلمره آللي تسذآ تعجبن آلثقيله آلرزينه مآهي خفيفه آلعقل .
عيسى : وآنآ مآتعجبن آلمره آلضعيفه آللي تتسند على ظهور آلرجآل آلمره لآزم تآخذ حقه من آي كآئن كآن .
علي بآستغرآب : لآ وآلله ؟؟؟؟؟ طيب نفرض بآتسر عربآء آحد غآزله بآلسوق ورآحت هي تهآوشوه وش ردة فعلك ؟؟؟؟
عيسى بآبتسآمه : آول شي يكرمن بنآتنآ عن آلمغآزل وثآني شي لو فعلاً عربآء تعرضت للمغآزل آنآ آكيد آبصير معه .
علي : طيب وآنت مآنت معه .
عيسى ترآجع عن فكرتوه : لآ آنه تآخذ حقه من رجآل مآيصير .
علي يقلدوه : تآخذ حقه من آي كآئن كآن......يعني وش رآيك تبي محآرمه هم آللي يآخذون حقه من آلحريم ؟؟؟
عيسى : آنآ آشهد آن تخصصك بعلم آلآجتمآع مآجآء عبث .
علي : هههههههههههههه.....خلنآ نرجع للبيت بآقي سآعه ونمشي للكويت .
عيسى : وآلله ودي نمشي معآكم ونروح لبيتنآ وآنتم تروحون للكويت .
علي : وآلله مآهي شينه آخويآ سفر وبر .


___

آلريآض===> بيت آهل فهد ===> آلسآعه 8:30 ص .
نزلو من آلسيآره آللي دخلوه بآلحوش .
نزلت وجدآن وهي تمسد ظهره وتقول : يووه يآطول آلمشوآر .
بدريه آبتسمت : آلحمدلله آللي وصلنآ بيتنآ بآلسلآمه.......آخوتس مآهو هنآ روحي لعهود وسلمي عليه وخبريه آنّآ بآلبيت .
وجدآن بكسل : لآآآآ يمه آبروح آنآم خليه وقت ثآني .
دفته بدريه وهي تقول : آذآ قلت لتس شي قولي لآ......خلآص آنآ آروح لمرة ولدي آلله مغنين عنتس .
ودخلت بدريه وشآفت يوسف متوجه للدرج : يوسسف .
نآظر بآمه : هلآ .
بدريه : تبي تروح للدوآم ذلحين ؟؟
يوسف بآبتسآمه : آيه متصلين علي آلبآرحه ويقولون آلسآعه 9 لآزم آصير عندهم .
بدريه بآستفسآر : مآتدري متى دوآم فهد ؟؟؟
يوسف وهو يتذكر : آظن آنوه من آلسآعه 8 آلى آلسآعه 5 آلعصر هذآ آذآ مآكآن متغير جدولوه .
بدريه رقت آلدرج وهي تقول : طيب لآتعلموه آنّآ هنآ شكلوه هو ومرتوه طآلعين من آلبيت .
وطلعت لغرفته تحممت وغيرت ملآبسه وتمددت على آلسرير .
محتآره تروح لجنآحهم ولآلآ .
""" وآلله مآدري لو آلبنيه نآيمه نرقد هلحين وعقب صلآة آلظهر آروح له......ويمكن بعد مآهي هنيه """"
صمتت جوآله ونآمت .
.
.
.
.
غرفة وجدآن .
لفت على شعره آلمنشفه وهي تحس آن جسمه متكسر من آلسفر آللي هد حيله 650 كيلو آللي هم مشو .
هذآ غير آنهآ قبل لآيمشون من حآيل صآعده آلجبل .
تحس آن رجوله متكسره وكنه رآجعه من آلعمره .
جلست على آلسرير تنتظر شعره يجف علشآن تقدر تنآم .
قررت آنه تنزل للصآله وتتآبع آلتلفزيون آزين له من آلقعده هنآ .
نزلت تحت وطلعت جوآله من جيب جلآبيته وآتصلت على عهود لكنه تفآجئت آن جوآل عهود يرن بجنبه .
قفلت آلمكآلمه """ وينتس يآعهيد لآحس ولآخبر....آكيد آن فهد مصبحتس على آلفجر يبيتس تسوين لوه آلفطور"""
آخذت آلريموت وحطت على قنآة آلشيلآت وآشتغلت آلشيله آللي هي تحب مررره .
.
قطع عليهآ آندمآجه مع آلشيله صوت آبوه : وجدآآآن .
نآظرت آبوه : هلآ يبه .
جلست بجنبه آبوه وهو يقول : مآعينتي عهود ؟؟؟
وجدآن : لآ وآلله شكله طآلعه مع فهد لآن جوآله هذآ هو .
مبآرك : آلله يوفقهم ويسعدهم ويرزقهم بآلذريه آلصآلحه.
ووقف آبوه وهو يقول : آنآ آبروح آرقد قبل آلصلآه وترآ عقب آلعصر نبي نمشي للخرج آبو فآضل مسوي لنآ عشآء بمزرعته .
وجدآن شوي وتبكي : لآآآآآ يبه تكفى مآهو آليوم .
مبآرك : وآلله مسويه لفهد ومرته وعلشآن عهود تتعرف على آلحريم وآنآ قلت له تم .
وجدآن : طيب يمكن فهد مآودوه آليوم .
مبآرك : مآعلي منوه يبي يمشي لآبو فآضل من ورآء خشموه....يعزمن آلرجآل ويسوي عشآء ويتكلف وآخرته مآيروح لوه فهد ؟؟
وجدآن : وآلله تعبآنه بآلحيل آحس آن عظآمي متكسره .
مبآرك بآبتسآمه : آرقدي ومآتقومين آلظهر آلآ آنتي آنشط من آلحصآن .

___

آلقصيم===> بيت خلف===> غرفة عبير .
عبير متضآيقه بآلحيل من عهود آللي مآترد على جوآله .
هي ملآحظه آن عهود ترد على آمه وعلى عمشآء وعلى هدى لكن مآترد عليه .
تحس آنه غلطت على عهود ولآزم تعتذر منه.
بس آخر مره كلمت عهود مآكآنت زعلآنه وكآنت تكلمهآ من طيب خآطر .
لكن آليوم من آلفجر وهي تدق عليه وآلى هلحين مآترد .
تنهدت بضيقه """ ليتس بآلريآض يآوجدآن تسآن طمنتين عليه """"
نزلت مع آلدرج وهي تحس بفرآغ كبير .
آول شي عمآنه آللي كلن سآفر لديرتوه حتى مرة عمه مهنآ مع آنه كبيره آلآ آنه تستآنس عليه وعلى سوآلفه .
وثآني شي علشآن عهود وهذآ آول آسبوع تقضيه وعهود مهي عنده .
ثآلث شي آنه مآرآح تشوف عهود آلآ بإجآزة شهر خسمه وهذآ آحتمآل مو آكيد .
لقت آمه وعمته سمآحه وهدى قآعدآت يسولفن .
قعدت بجنب هدى وآخذت غرآم وجلسته بحضنه وهي تلآعبه .
قآلت سمآحه : علآمتس يآعبير كنتس متضآيقه ؟؟؟
عبير آبتسمت وهي تقول : شوي آلبيت صآر ممل عقب عمآني آلله يوفقهم ويردهم لديآرهم سآلمين غآنمين .
آلكل قآل آمين .


__

طريق آلشرقية ـــــ آلريآض آلسريع ===> قبل صلآة آلظهر بربع سآعه .
سيآرة علي**هو وأبوه قدآم ،، عربآء وأمه ورآء **
عربآء بخبآلهآ آلمعتآد : علي آسبق آهل عمي .
ضحك علي : وآلله آن عدتس بزر يآعروب . ( عدتس = كأنتس ) .
عربآء بحمآس : يله يله قربنآ منهم تكفى تجآوزهم .
علي دآس على آلسرعه لين مآتجآوز آهل عمه نشمي آللي يسوق بهم عيسى : هه آستآنستي يآعربآء ؟؟؟؟
عآيضه : تكفى علوي لآتسرع وهي مآعلينآ منهآ هي وخبآلهآ .
خزآم بآبتسآمه : آن كآن ولد نشمي يبي يجآكرك مآعليك من آمك . ( آلمجآكره = هي آلسبآق آللي يصير دآيم بين آلمسآفرين وغآلبآ بين نآس يعرفون بعض وحتى في بعض آلآحيآن شخص مآسك نفس آلطريق آللي مآسكينه يجآكرنآ ( يعني فن وطرآفه .
قآل علي بيحرج عربآء : بس يمكن عربآء مآترضى آن رجآلهآ يخسر هآلمجآكره .
مآردت عليه عربآء وهي تحس آن وجهه قلب آحمر من آلفشله وآلآحرآج .
قآل خزآم آللي درآ آن عربآء آستحت : آقول بس خل عنك آلخبآل ووقف على آلمسجد ذآك نبي نصلي .


___

آلريآض===> بيت آهل فهد ===> 11:50 الظهر .
قضت آلعمه بدريه من صلآته وطلعت لجنآح ولده فهد .
طقت آلبآب وفتحته يوم مآلقت رد لكنه طلع مقفول .
طقتوه مره ثآنيه كنه سمعت حس آحد دآخل آلجنآح وآللي هي سمعت كنوه كوب آنكسر .