[اسطورة !]

مساكم الله بالخير جميعاَ .
اسفه على البارت القصير مثل قبل بس ابشرو ببارتين باتسر واذا كتب الله بارت بينزل قبل صلاة الفجر .

* آلبآرت آلسآدس وآلثلآثون *

آلريآض===> بيت آهل فهد ===> 11:50 م .
قضت آلعمه بدريه من صلآته وطلعت لجنآح ولده فهد .
طقت آلبآب وفتحته يوم مآلقت رد لكنه طلع مقفول .
طقتوه مره ثآنيه كنه سمعت حس آحد دآخل آلجنآح وآللي هي سمعت كنوه كوب آنكسر .
رجعت ورآء خطوتين وهي تفكر """ آكيد آنه عهود آللي دآخل ومآتدري آنآ وصلنآ..يوووه وآلله آني خوفت آلبنيه """"
رجعت وطلعت آلبآب مره ثآنيه وهي تقول : عهووود يآمي آفتحي آلبآب آنآ عمتس .
مآلقت جوآب ونزلت تحت وهي تفكر """ آكيد آنه من آلخوف تخبت بمكآن ومآسمعتن """
جلست بآلصآله نآظرت بسآعته 12 وعليهآ .
قآمت تسوي آلغدآء وهي تفكر بعهود وفهد .
""" عهود صغيره ومآهي متعوده تعيش ببيت لحآله وآكيد آنه خآفت بسس ليه مقفلتن آلبآب ؟؟؟
آلله يوفقهم وش لي بهم يجي فهد آلعصر وآعرف منوه كل شي """
تذكرت كلآم آبو فهد قبل لآ ينآمون وآنهم بيروحون للخرج عند صديقوه آبو فآضل .
مبآرك : آسمعي يآم فهد تري عقب صلآة آلعصر نبي نمشي للخرج عند آبو فآضل .
بدريه برجآء : وآلله تعبآنه وتونآ وآصلين من سفر تعذر لنآ منوه .
مبآرك : خلآص آنآ وآلله مستعزم عن آلرجآل وهو لزم علي آنكم تجون . ( مستعزم = يعني وآفق على آلعزيمه ) .
بدريه يوم شآفت آن مبآرك مستعزم : آللي تشوفوه بس ترآ وجدآن وعهود مآهن رآيحآت .
مبآرك بآصرآر : مآيقعد لونوه وآحد .
بدريه : آللي تآمر بوه يآبو فهد .
-
-
-
آلآآن .
بدريه طلعت للصآله وهي تنتظر وجدآن تجي .
لكن آنفتح آلبآب ودخل فهد آللي تفآجئ بوجود آموه : يآآآهلآ ويآآآغلآ .
وقفت آموه وسلمت عليه : يآهلآ بك .
فهد : مآشآءآلله متى وصلتو .
بدريه : من آلسآعه 8 آلصبآح........ترآ طقيت آلبآب على عهود وآكيد آني خرعته .
فهد بآرتبآك : هآه ؟؟؟ عهود مآجت تسلم عليتس ؟؟؟
بدريه نآظرت بفهد وبعد مآ تأكدت : لآ مقفل عليه وشلون تقدر تطلع .
فهد حب رآس آموه : شكلتس فآهمه غلط .
بدريه : لآ وآلله آلآ فآهمه آلصح يآوليدي ووجهك آكبر دليل عهود آنآ سمعت حسه بجنآحكم .
فهد : آيه هي تخآف تقعد لحآله وآدري به لو خآفت بتطلع من آلبيت وآريح لي وله آقفل عليه .
بدريه بعصبيه : وشلون لو آحترق آلبيت وهي بدآخلوه .
قآلت وجدآن آللي تنزل مع آلدرج : ليش مقفل على عهووود ؟؟؟ علشآنه تخآف ؟؟ طيب تسذآ آنت تخوفه زيآده .
فهد نآظر به نظرآت كله توعد : آنآ آشوف آنوه آلآفضل آقفل عليه .
بدريه : آلله يصلحك بس ترآ آللي آنت تقفل عليه آلبيبآن عمره 19 يآروح آمك مهي 9 سنين .
حب فهد رآس آمه مره ثآنيه : ولآيهمتس آروح آفتح آلبآب .
ومشى فهد وقآلت وجدآن بقهر : يمه علآمه على عهود ؟؟؟ ترآ وآلله لآعلم عليه آبوي .
بدريه نآظرت بوجدآن وهي تقول بعصبيه : بسسس ولآ كلمه لآ شفتي ولآسمعتي هم مآهم بزآرين نعلم عليهم هذي حيآتهم وكيفهم فيهآ...دآم عهود مآهي متكلمه ومآهي قآيله شي لآهله آنتي تسكتين .
وجدآن : لآ وآلله آلوضع هذآ مآينسكت عليه......يمه تقفيلتوه للبآب مآله آلآ تفسير وآحد آنوه مآهو وآثق به .
بدريه : بسس ولآ كلمه يآبنت وقدآم عهود يآويلتس لو تفتحين هآلسآلفه آكيد آنه متفشله .
وجدآن : خلآص مآرآح آفتح فمي بكلمه .


___

مسجد على آلطريق آلسريع .
خلصو من صلآتهم .
وقآلت عربآء لدلآل آللي جنبه : يووه يآبعد آلمسآفه بآقي ميتين كيلو على آلشرقية وست ميه للكويت يآخي قهر قلت لعليوي نبي نرتآح بآلبيت شوي وقآل لآ يآليتنآ مع آلدحمي يحترمني شوي مآهو مثل عليوي من يومنآ مشينآ وهو بس مستلمن وكل مآتكلمت فشلن .
دلآل بآبتسآمه : وآلله آنتس تستآهلين......وعبدآلرحمن وآلله لوني مكآنوه لآزعل عليتس .
ضحكت عربآء : يآعيني يآدلول زعلآنه علشآن فلوس رجآله .
دلآل : بعيد عن آنوه عبدآلرحمن بس آرفقي بأخوتس وآلله مآيصير آللي تسوينوه .
عربآء : لآ وآلله ؟؟؟؟ وهو ليه يخوفن ويعمل بي مقلبوه آللي مثل وجهوه ؟؟؟؟
قآلت عآيضه آللي توه خلصت مكآلمته : يله يآعربآء مشينآ .
سلمت عربآء على بنآت عمه ومرة عمه جـــمــيعــه .
وطلعت مع آمه وهي تقول : يمه تكفين قولي لعلي آنآ بنرتآح لونوه سآعتين ببيتنآ .
عآيضه : آنتي بنت بطني وآعرفش زين وآلله مآقصدش آلرآحه بس وش تبين من آلبيت ؟؟؟
عربآء بآصرآر : يمه تكفين تكفين قولي لعلي ولآ ترآ وآلله لآقول لآبوي ويخلينآ نروح للبيت غصب عن علي وآنآ مآودي آزعل علآوي .
عآيضه : خلآص آللي تبين بس وش آللي ورآش يآعريب .
عربآء بآبتسآمه : بس آبي آرتآح بآلبيت شوي ترآ مبطيه عن بيتنآ .
وركبو بآلسيآره ويوم مشو مسآفه قآلت عآيضه : علي ودي آنّآ نروح للبيت ونرتآح شوي .
علي بآبتسآمه : آللي تآمرين بوه يآلغآليه .
قآل خزآم : يمآل آللي مآنيب قآيل من آليوم وعروب ترتجيك وآنت معيي .
علي بشفآفيه : آلغآليه مآنقوله لآ .
عربآء : يآسلآآآم يعني وآنآ مآني غآليه ؟؟؟
علي بآبتسآمه : دوري غلآتس عند غيري .
عربآء ضحكت وقآلت : آهم شي آن آبوي يغلين .
خزآم : آنشهد آن مآعندي آغلى منتس يآعربآء وآن ربي جعلتس آقرب آلنآس لي.....آنشهد آنتس من غلآ سميتس وآغلى .
آبتسمت عربآء وهي تقول : آلله يرحمه جدتي .


__

آلقصيم ===> شقة هدى .
هدى خلصت من كنس آلصآله طفت آلمكنسه وشآلته وحطته بآلمخزن .
رجعت للصآله وجلست ورتبت آلطآوله .
دخلت غرآم تركض : مآآمآآ مآآمآآآ عمه عبير مآتت .