06-04-10, 06:54 PM
| #12 | ||||
|  فيه تشبيه دايما اكتبه اذا عدد الردود ما ارضي طموحي وما ارضى طمعي الكاتب مثل السياره الكشخه والقراء مثل البنزين الكاتب اللي هو (ألسياره الكشخه) بدون الناس (ألبنزين) ما يقدر يكمل واللبيب بالاشاره يفهم عموما متى تبون البارت ال 2 لني افكر اني اوقف القصه وبعدين اقول خل اعطيهم وقت | ||||
|
|
06-04-10, 08:59 PM
| #13 | ||||||
| روايتي مؤسس ومشرفة سابقة وقاصة في منتدى قصص من وحي الاعضاء  
| اقتباس:
ألا نكفى نحن الآن لتمشية السيارة ؟؟؟  إستمر أخى ... و إن شاء الله قريباً يزيد عدد القراء و المتابعين ... أحمد متابعاك و شكراً لك | ||||||
|
|
|
06-04-10, 09:00 PM
| #14 | ||||||||||||||
| مراقبة ومشرفة سابقة ونجم روايتي  
| انا معاك انو الردود هي البنزين حق الروايه ولاكن اذا انت تبي تترك تكملتها لانك لم تجد اي تفاعل من البدايه فاعتقد انك لن تتمكن من اكمالها ابدا فالنجاح لاياتي من اول مره بل العكس صحيح فالفرد لابد من ان يلاقي مايعثره فالسلم لا نصعده مره واحده والا فشلنا فشل ذريع واعتقد انك من النوع الذي يتقبل اي تحد برحابت صدر فاعتبر هذا تحد وانت انشاء الله قدهذا التحدي البسيط | ||||||||||||||
|
|
|
07-04-10, 09:56 PM
| #15 | ||||
| اوكي الحين بكمل القصه لعيونكم يا غالين ملاحظه انا قلت اني افكر اني اوقف القصه مو لني مو واثق من قصصي لا ولكن لنه انا اوردي عندي موقع خاص فيني يعني انا مو بحاجه لنشر القصص ولكن اللي بيخليني انشر قصصي اهني اني انصدمت انه اخواننا العرب يفهمون قصصي عشان جذي راح استمر اهني لنه هالشي طيرني من الوناسه وحسسني انه الزين يفرض نفسه لنه تقريبا كل اهل الكويت قروا قصصي وما كنت اظن انه اخواننا العرب راح تستهويهم قصتي ولكن راح انشرها اهني وهالشي يشرفني ولكن عطوني ساعات قليله جدا وبنشرها باذن الله | ||||
|
|
|
07-04-10, 11:51 PM
| #16 | ||||||
| روايتي مؤسس ومشرفة سابقة وقاصة في منتدى قصص من وحي الاعضاء
| اقتباس:
و نحن بإنتظارك أخى أحمد ... | ||||||
|
|
|
12-04-10, 08:18 PM
| #18 | ||||
| في الافنيوز راحوا الشباب واحجزوا فلم مصري الساعه 9 ونص وكان يصادف يوم الاثنين مطلق: ياخي شوف اشكثر الناس بس عشان التذكره بدينار ونص صج عيال فقر نواف: اشفيك كابتن لا تتكبر ترا قبل فتره كنت حالك من حالهم اتدش ابو دينار ونص بس الحين لازم اتدش ابو 6 دنانير لنك مو تعبان فيهم مطلق:بسوي روحي ما سمعت نواف: وان سمعت شبتسوي مطلق:ههههههه ما راح اسوي شي نواف:كااااااك كاااك شوف هذي مطلق: أي وحده نواف: المتحجبه مطلق: متحجبه خل تولي شلي فيه نواف: انت شوفها اول مطلق: ههههههههههههه متعب: شفيكم أي وحده مطلق:هذيج اللي جبالك بالظبط متعب:هههههه اشفيها لابسه حجاب وبرمودا؟ نواف:يعني نيو ولوك ههههههه شكلها مصخره مطلق ومتعب:ههههههههه متعب:اجل شوف هذي مطلق: لا عادي عادي هذي تشتغل بجمعيه نواف: ههههههههه تقصدون ذيج اللي حاطه قواطي روب فوق الحجاب متعب:ايه نواف:ههههه ما ادري البنات شلهم بهالحركات المصخره شكلها تقول صاروخ مو راس يخرب بيتها اسكتوا الشباب صارخ مطلق: مو بخاطركم البحرين نواف: اشفيك جنك مقروص مطلق تنهد: يعني ما تدري (بخبث) تلفت حواليك متعب: جني سمعت البحرين مطلق: ايه البحرين متعب: وأني ذاك ايوم اقوللك يلله مشينا قلتلي ما اقدر مطلق: لسه فاكر كان زماااان ..هاه نروح نواف: والله انا ودي مطلق: هذا نواف ضمناه ايوجه كلامه لمتعب سرينا متعب: امممم والله ما ادري مطلق: كابتن انت وياه كل واحد فيكم يجيب اللي بمخباته وانا ازيدكم وانروح على سيارة متعب لنه ابوه معطيه توكيل متعب:خخخخخ سوالي توكيل لنه ضامن اني ما عندي فلوس اطلع بره الكويت بس خلاص اعتمد هاه نواف نواف: شسوي بعد الحياه فرص دام الامير مطلق ويانا عز الله اني ماني عايف خوته متعب: الحين صار الامير مطلق هاه الله واكبر منو اللي امسميه بينك بانثر نواف: هاه انا اعوذ بلله هذا الامير مطلق مطلق: المهم بس نسري بكره؟ نواف: خلاص بكره بكره متعب: بكره بس هاه انروح وانرد بنفس اليوم مطلق: اكيد ما يبيلها حجي احنا اصلا رايحين سياحه محنا عايشين هناك نواف: يا زين السياحه زيناه واضحكوا لنه شكل نواف وهو يقولها وتعابير وجهه تموت ضحك وبعدها بفتره كانوا ب كريسبي كريم مطلق: يا الله شباب تاخرنا عالفلم متعب:تو الناس مطلق: شنو تو الناس ما تشوف الساعه جم 9 وثلث ما بقى شي احم احم احنا حاجزين شنو يا نواف vipمتعب: نواف:احم احم مطلق: يا هيلق صج اللي ما عمره تبخر تبخر واحترق متعب يتكلم مثل الشعراء الشيوخ:انا ما تهمني الفلوس تبيني أنا ادخل قبل لا يبدا الفلم لا تنسى برستيجي بالمجتمع نواف يتكلم بنفس الاسلوب: انا يمكن اعطي الهندي تذكرتي لني انا ادش السينما عشان ارفه عن نفسي صح متعب متعب: لنه الح مطلق: اقول اقول لا تعيشون الدور والله لو بحلف ما عمركم دشيتوا ال vip نواف يتكلم عادي: هييه انت بتمن علينا محنا داشين متعب : ايه والله خلنشوف منو بيدش وياك مطلق عصب حده: الشرهه علي زين لا***م لابو معرفتكم انا بمشي نواف مسكه من ايده وحب خشمه مطلق: مشكلتي ارضى بسرعه نواف:يبا يسلم راسك كم مطلق عندي أنا عشان تدري اني اعزك محد بيدفع حسابنا الا انت متعب:هههههه يعني بتكحلها عميتها مطلق:انا بدفع حسابكم انتوا وين وكريسبي كريم وين انتوا حدكم كنافه وواجد عليكم متعب:تمون يا (يتهجاها)ع م ي نواف:هههههههه مطلق: ترا انا ماني غشيم ادري ليه ضحك نواف تقصد لا صارت حاجتك عند ال نواف قاطعه بسرعه: عندك متعب:هههههههههه وبعدها نواف: مطلق مو تنسى انا متعود على نفيش كراميل ما اعرف اكل النفيش العادي مطلق: اقص ايدي اذا انت تعرف نفس كراميل نواف:هههههههههه اقرا هالمسج (نفيش كراميل مع ملح يا عسل عمري كله البرنسيسه ) مطلق:ههههه حتى لما تبي تاكل تدز لها مسج واتنقيلك اكلك هههه نواف: والله لما اكل بدون ما اشاورها احس الاكل ماله طعم مو تنسى الملح مطلق: ملح مع نفيش كراميل ما يركب نواف: مالك شغل انت مو عازمني انا ابي اكله جذي وبالسينما مطلق:تكفى ابي اذوق نفيشك نواف:يا ولد لا تطالع اللي عند غيرك مطلق: تكفى ابي اشوف ذوق حبيبتك تكفى نواف: اخذ جعله ما يحدر ومد ايده مطلق وكلا من بوب كورن نواف مطلق:والله حبيبتك مهي بهينه احلى نفيش كليته بحياتي مع انه عسل وحاطين معاه ملح بس رهيب نواف:ما قلت شي جديد هي ام الذوق لو مو ذويقه ما اختارتني مطلق:هههههههههه دقيقه وراد نواف: وين؟ مطلق: بروح احط فوقه ملح نواف:ههههههههههه متعب: اسكتوا يا هيلق وبعدما خلص الفلم كل واحد رد بيته فبيت نواف نواف كان لابس دشداشة نوم وواقف عند عتبة باب بيتهم ما يعرف يكلم البرنسيسه الا عند الباب !!! كان نواف بعالم ثاني (عالم البرنسيسه)) البرنسيسه تعنيله السعاده ما يضحك من قلب الا معاها البرنسيسه هي الحب الصادق هي الوحيده اللي لونت دنيته بالوان الطيف قبلها ياما وياما دش بتجارب مع (الجنس الاخر) ونتيجتها فشل ذريع ولكن البرنسيسه هي فوزه بسنين خساراته..البرنسيسه الوحيده اللي تقدر تنسيه همومه كلها بضحكه وحده منها اصلا هو لما يسمعها تقول (الو) ينسى الكوون بللي فيه! وحزتها نواف...بدنيا العشاق وما ادراك عن دنيا العشاق وعن جنونهم! نواف: هههههه يخرب بيتج اشسويتي فيني انتي دشيت الفلم وطلعت منه وما ادري اشصار اشوف البطله اتخيلج البرنسيسه: ههههه يعتمد على نوع البطله نواف:سميه الخشاااااب تعرفين يعيني شنو سميه الخشاب البرنسيسه: نعم نعم اتقارنها فيني نواف:وربي انج بعيني ملكة جمال الكون البرنسيسه: ايه قص علي نواف: اممم شيقول علوش..هبلتي فيني نسيت البيت ااا شيقول ؟ والله نسيت بنظري كل الوجيه مخلوقه تسوي لوجهك دعايات البرنسيسه: اوووه علوش من ينساه تذكر قصيدة اخذيني ؟ ايااام نواف: عمري. ورب الكعبه اني اعتبر نفسي انولدت مره ثانيه معاج ما اذكر أي شي الا لما حبيتج البرنسيسه: يا عمري انت انته الهوا اللي اتنفسه ما اظن اثنين حبوا بعض مثلنا بس مره ثانيه لا تشبهني بسميه الخشاب ههه نواف:هههه مره ثانيه بشبهج بحياة الفهد ههه البرنسيسه :لا لا خلنا على سميه الخشاب هههههههههه نواف:فديت هالضحكه انا اوعديني ما تخليني البرنسيسه:وهذي محتاجه وعد؟ انت نور عيني فيه وحده تعيش بدون نور عينها نواف:ما ادري بس والله كل يوم اخاف اني افقدج اول ما اقوم من النوم اشيك على تلفوني اذا لقيتج دازتلي مسج الصبح اقوم مبسوط واذا ما لقيت شي اتدوده وادق عليج على طول اخاف تخليني انتي امي اللي ما حسيت فيها وابوي ودنيتي البرنسيسه:فديييتك وانا ما احبك قاطعها نواف: نعم نعم البرنسيسه:هههههههه خلني اكمل انا ما احبك جد جد انا ما احبك انا اعشقك انا اموت فيك ا ما ادري شقول بس ما احس اني احبك احس بكلمه محد قالها قبلي احسك توامي احس روحي واستمروا نواف والبرنسيسه بالكلام لي الصبح بدون ملل!!! البرنسيسه ونواف عانوا بحياتهم واااااااجد ولما لقوا بعض عوضوا بعض لنهم روح بجسدين !! .................................................. ........... ترقبوا في الجزء القام سفرة الشباب الى البحرين واحداثها وبشكل عام كل جزء احداثها مختلفه وبالاجزاء القادمه راح تبدا الحبكه وال.......... ما راح اقول اخليكم تكتشفون هالشي بانفسكم اي ملاحظه اتمنى تكتبونها لي | ||||
|
|
|
12-04-10, 10:30 PM
| #19 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| مشكور أحمد على البارت ... من هى البرنسيسة و كيف تطورت علاقتها بنواف لهذه الدرجة ؟؟؟ منتظرة رحلتهم للبحرين و شو راح يصير فيها ... الله يستر على شبابنا و بناتنا من الفراغ اللى عايشينه ... أحمد متابعاك و شكراً لك | |||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
