آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-01-15, 11:49 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لايمكن انسى"../ للكاتبة عاشقة قطر ، قطرية مكتملة
التعديل الأخير تم بواسطة لامارا ; 16-02-15 الساعة 12:24 AM | |||||||||||||
|  |
|
09-01-15, 11:49 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ورحمة الله وبركاته * ملاحظة الرواية بدون ترقيم للفصول ،  ، شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . التعديل الأخير تم بواسطة لامارا ; 16-02-15 الساعة 12:59 AM | ||||
|
| |
|
09-01-15, 11:50 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  سلوى قاعدة في غرفتها يدخل عليها عيسى..... سلوى:هلا عيسى.. عيسى:لبسي عباتج ونزلي تحت عادل ينتظرج.. سلوى:ان شاء الله..الحين يايه.. عقب ماطلع عيسى تدخل أميرة... اميرة:ايش يبي عادل جاي؟ سلوى(طالعها بنظرات استغراب):نعم ايش قلتي حبيبتي؟ اميرة(تضحك):نتغشمر.. سلوى:مانبي غشمرتج الثقيلة.. اميرة:عاد متى تملجون ونفتك.. سلوى:الله يسامح اخوي سعد.. اميرة:هذا اخوج مثل رياييل اول على العموم ماباقي شي كلها شهرين وتخلصين من المدرسة وتملجون.. سلوى:الله يسمع منج..يالله خلني اروح.. اميرة:سلمي عليه.. في المجلس سلوى دخلت شافت عادل مع عبدالرحمن.. سلوى:السلام عليكم.. الجميع:وعليكم السلام.. عادل:اشلونج سلوى؟ سلوى:بخير..انت شخبارك؟ عادل:دام انج بخير انا بخير..ذاكرتي؟ سلوى:الحمدلله.. عادل:أي ولي سلمج ذاكري عدل نبي نملج ونخلص.. سلوى:لاتحاتي ان شاء الله كلها شهرين ونخلص.. عبدالرحمن:صار لكم مخطوبين حق بعض من ثلاث سنوات صبروا شوي بعد حبقت على هالشهرين.. عادل:لما تخطب بتعرف هالشهرين ايش كثرهم.. سلوى:ماعليك منه..قولي انت متى بتخلص الجامعة؟ عادل:هذي آخر سنة ان شاء الله..بنتخرج جميع.. في الصالة..... رحمة:يمه ليش مايتزجون مرة وحدة؟ أم سعد:تبين اخوج سعد يذبحنا.. شيخة:عاد يمه سعد مصخها..كفاية صار لهم مخطوبين من ثلاث سنوات.. سلوى تدخل.... سلوى:لاتقولون جذي عن سعد فديته ماخذ مكان ابوي الله يرحمه..خله يسوي اللي يبيه انا راضية المهم اني لعادل وعادل لي.. أم سعد:الله يوفقكم.. سلوى:دايماً نبي هالدعوات.. رحمة:راح؟ سلوى:أي راح ألحين سعد بيي.. ام سعد:اميرة وين؟؟ سلوى:اكيد قاعدة على النت.. سعد يدخل.. سعد:السلام عليكم.. الجميع:وعليكم السلام.. سلوى(تقوم تحب راسه):اشلونك اخوي؟ سعد:بخير.. ام سعد:شخبارك يمه؟وشخبار زوجتك وعيالك؟ سعد:كلهم بخير ويسلمون عليج..شخبارج سلوى؟ سلوى:بخير دام انك بخير.. سعد:رحمة شيخة شخباركم؟ رحمة+شيخة:بخير.. رحمة:اشلونك انت؟ سعد:الحمدلله.. عيسى يدخل.... عيسى:سلوى تعالي فتحي لي الكمبيوتر وطبعي لي هالورقة ابيها ضروري.. سلوى:ان شاء الله.. بكرة العصر مها تزور سلوى..وسلوى تليفونها يرن... سلوى:هلا والله بهالصوت..ماادري متى الله يجمعنا؟.....وأنا بعد اتمنى لكن معليه كل تأخيره فيها خيره..لاتضايق عمرك..يالله ماباقي شي كلها ايام..... أي بسكر...... في امان الله.. مها:سلوى تحبينه؟ سلوى:عاد ايش هالسؤال؟كلكم تعرفون ان نحب بعض من واحنا صغار.. مها:عاد انا باقي لي سنة لين مااخلص الثانوية.. عيسى يطق الباب... سلوى:ادخل عيسى.. مها:هي هي شنو ادخل؟ سلوى:اوه نسيت انج هني لاتدخل عيسى انا جايه.. مها:ياثقل دمج.. سلوى:الحين صدقتي ان عيسى بيدخل.. تطلع سلوى... سلوى:نعم؟ عيسى:نزلي تحت سعد يبيج.. سلوى:انا؟؟ عيسى:أي..الحين.. سلوى:جايه.. تدخل الغرفة... سلوى:مهوي اخوي سعد يبيني بروح اشوفه.. مها:خذي راحتج حبيبتي.. نزلت تحت..سلمت على اخوها وحبته على راسه.. سعد:قعدي جنبي..اشلونج؟ سلوى:بخير.. سعد:تذاكرين؟ سلوى:أكيد أذاكر وبجيب لك أحلى النتايج اللت تحبها.. سعد(يمسح على راسها):الله يحفظج ويوفقج..سمعي سلوى..أنا جاي أخبرج إن ملجتج على عادل بتكون عقب مابتخلصين امتحاناتج بيوم.. سلوى:والنتيجة؟ سعد:ماهي مشكلة إحنا قلنا حق الريال انتظر لين ماتخلص مب عقب مانشوف النتيجة.. سلوى(مستانسة):صدق!!! سعد:أنا آسف لإني وقفت بطريقج.. سلوى(وعينها دموع):لاتقول جذي ياخوي..أنت اخوي العود وبحسبة ابوي لك الحق تسوي اللي تبيه اعتبرني بنتك.. سعد:أنت الوحيدة التي تثلجين صدري بكلامج.. سلوى(وعينها تدمع):فديتك ياخوي.. سعد:سلوى عاد ماابي اشوف دموعج.. سلوى:هالدموع تذكرني بأبوي الله يرحمه يوم إنه يوصيك علينا قبل ليموت.. سعد:انتوا في عيوني كلكم.. سلوى:تسلم ياخوي ماتقصر.. سعد:هاج هذي الفلوس اشتري لج اغراض حق يوم الملجة.. سلوى:ماله داعي.. سعد:يالله خذيهم.. سلوى:عسى عمرك طويل..تسلم.. من بكرة تروح سلوى تتسوق علشان يوم الملجة..عادل وسلوى عاشقين بعض من وهم صغار ومتعلقين بعض بشكل رهيب..وأسرارهم عند بعض وهمومهم عند بعض..وكل واحد فيهم يعد الايام لين يوم الملجة.. الصبح تيي رحمة وشيخة غرفة سلوى... رحمة:قومي يالعروس.. سلوى(تفز):نعم!!! شيخة:يالله أخيراً قلبين عاشقين بيجتمعون.. سلوى:على قولتج أخيراً..وناسة الليلة.. رحمة:يالله قومي تسبحي علشان بتييج الكوافيرة عقب شوي.. سلوى:دقايق وتشوفيني جاهزة.. تحت...... أم سعد:يمه رحمة تعالي خذي بنتج مريوم أذتني.. رحمة:ان شاء الله.. في بيت بومحمد.... أميرة:يبه تامرني على شي؟ بومحمد:لايابوج..ألحين بتروحين؟ أميرة:أي سلوى تنتظرني.. بومحمد:ديري بالج من الطريج.. اميرة:لاتحاتي يبه عبدالرحمن وياي..مع السلامة.. بومحمد:مع السلامة..الله يرضى عليج ويوفقج دنيا وآخرة.. في السيارة........ عبدالرحمن:أقول أميرة.. أميرة:قول.. عبدالرحمن:صج سمعنا انج انخطبتي؟ اميرة(بإندهاش):من متى هالحجي؟؟!!!! عبدالرحمن:اوه ماتدرين صار له اسبوع..ماادري يمكن ينطرون نتايجج.. أميرة(مستانسة):صج عبدالرحمن؟؟ عبدالرحمن:أي والريال غني وعليه ضخامة.. اميرة:وين شفته؟؟ عبدالرحمن:في الحلم...(يضحك) اميرة(انقهرت):صج ماتستحي على وجهك.. عبدالرحمن:العب معاج.. اميرة:ياثقل دمك انت ولعبك..آخر مرة تيي تاخذني..مع هالوجه.. عبدالرحمن يضحك... اميرة:صدقني ان ماسكت بنزل من السيارة وشوف يدك ايش بيسوي فيك.. عبدالرحمن:خلاص خلاص..بل الواحد مايقدر يلعب معاج.. اميرة:لا..زين.. في البيت ام سعد... اميرة:هلا والله بالعروس..صباح الخير.. سلوى:صباح النور..أنا حدي مستانسة.. أم سعد:طبعاً أخيرا بتملجون بعد ثلاث سنوات..عقبالج ياأميرة.. عبدالرحمن يضحك... اميرة(تضربه على كتفه):يالمليق.. سلوى:اشفيكم؟؟ اميرة:ماعليج منه..قولي لي متى بتييج الكوافيرة؟ سلوى:عقب شوي.. شيخة:اميرة شخبار يدي؟ اميرة:بخير..ليش ماتييون عندنا تراه دايماً يسأل عنكم.. رحمة:أي والله من زمان ماشفناه..لازم يوم نروح له.. أم سعد:أميرة انا ماقلت لج خل ابوي يي معاج على الغداء؟ اميرة:قلت له قالي عقب الصلاة بيي..تعالي سلوى نروح فوق.. عبدالرحمن يطالع اميرة بنظرات طنازة.. اميرة:ام سعد خذي ولدج وأدبيه عدل..تراه باط جبدي.. ام سعد:فديته ولدي اشفيه؟ايش سوى؟؟ اميرة:سأليه..امشي سلوى.. عبدالرحمن:ولاشي.. رحمة:اكيد قايلها شي..اعرف حركاتك.. عيسى يدخل.... عيسى:السلام عليكم.. الجميع:وعليكم السلام.. ام سعد:تعال يمه.. عيسى:خير؟؟ ام سعد:ماناوي على الزواج؟ عيسى:زواج؟!! شيخة:أي تتزوج واشفيها يعني ماانت صغير.. عبدالرحمن:زوجوني انا.. رحمة:ماحصلنا حد انزوجه غيرك انت لما تعقل بعدين نزوجك.. عبدالرحمن:يمه شوفي بنتج.. ام سعد:اختك صاجة.. اميرة(تنزل):تستاهل..ألحين بتشمت فيك.. عبدالرحمن:هي هي..انا الغلطان اللي قاعد وياكم.. اميرة(تضحك).. عبدالرحمن:سخيفة.. ام سعد:هايمه ايش قلت؟ عيسى:اللي تبونه بيصير.. شيخة:عيل بالمبارك.. عيسى:ليش انتوا حاطين عينكم على وحدة؟ ام سعد:أي.. عيسى:أي بس انا... ام سعد:بس انت شنو؟ عيسى:انا بعد حاط عيني على وحده.. ام سعد:صج يمه من هي؟اعرفها؟؟ عيسى:أي يمه تعرفينها وتعرفين اهلها عز المعرفة.. رحمة:من؟؟قول تحجى.. سلوى:مها بنت جيرانا.. ام سعد:صج يمه؟؟ عيسى:أي نعم صج.. شيخة:هذي هي اللي احنا حاطين عينا عليها.. ام سعد:بالمبارك يمه تستاهل.. عيسى:متى بتخطبونها لي.. رحمة:اشوف صرت مستعيل.. ام سعد:بكرة ان شاء الله..ليش بكرة الليلة في ملجة سلوى بكلم امها..خير البر عاجلوا.. عقب مايملجون عادل وسلوى..يتمشون بروحهم في الحديقة.. عادل:انا حدي مستانس ومانصدق اخيرا ماسك يدج واشوف هالجمال.. سلوى:الحمدلله..شفت اشلون مرت الايام بسرعة.. عادل:انا احبج ميت فيج..وماني قادر اعيش بلاج.. سلوى:عيل انا شاقول اللي قلبي صفا لك انت بروحك.. عادل:متى نتزوج؟؟ سلوى:ماادري..لازم سعد هو اللي يقول.. عادل:انا رايح اكلمه.. سلوى:لاياعادل خله على راحته.. عادل:كيفج..ايش رايج باللي يقول...جمال الليل في نظرة عيونك ونظرة البدر مرسومة بجفونك..والكون كله مايسوى بدونك.. سلوى:وايش رايك باللي يقول...ياريت قلبي شفاف واللي بداخله ينشاف يمكن تعرف وقتها اني بموت بلاك.. في الصالة....عند الحريم..... ام سعد:هاايش قلتي ياام مها؟ ام مها:والله ياام سعد مااعرف شاقولج لازم اشاور البنت بالاول بعد لكل حادث حديث.. في الحديقة... عادل:ناس تربح المليون وناس تكسب ذهب الكون وانا اخترتك حبيبي كل يوم.. سلوى:يااول حب حبيته وسط قلبي خليته لاغيرك سكن قلبي ولاغيرك تمنيته.. سعد ييهم... سعد:السلام عليكم.. الجميع:وعليكم السلام.. سعد:مبروكين.. سلوى:الله يبارك فيك ياخوي..(تحبه على راسه).. سعد:ادري انكم تفكرون بيوم الزواج..بس معليه صبروا شوي.. عادل:اللي تامر فيه ياسعد هو اللي راح يصير.. سعد:تسلم ياعادل..عن اذنكم.. سلوى:هذا سعد احبه موت.. عادل:نعم!!! سلوى(تضحك):انت ياطيف الحب وحنان الحب الذي حلمت به من قديم الزمان.. ومع مرور الايام ..... عبدالرحمن ينادي سلوى... سلوى:خير؟! عبدالرحمن:عادل ينتظرج برع استعيلي.. سلوى:زين زين..الحين جايه.. وهي تنزل.. سلوى:السلام عليكم..اشلونك سعد؟ سعد:بخير الله يسلمج..من وقت ماملجتي واحنا مانشوفج.. سلوى:شوي انشغلنا بعد.. سعد:والنتايج متى؟ عبدالرحمن:ايش تبي فيها عادل برع ينتظرها.. ام سعد:عبدالرحمن اثقل شوي عيب عليك.. سلوى:بكرة ان شاء الله..لاتخاف اول واحد راح يعرف بالنتيجة هو انت.. سعد:بتروحون بروحكم؟ سلوى:لاطبعاً اميرة ويانا.. سعد:سلمي على عادل.. سلوى:يوصل..مع السلامة.. في بيت مها.. ام مها:هايمه ايش قلتي؟ صار لج اسبوع وانت تفكرين.. مها(وهي مستحية):اللي تشوفونه.. بومها:قصدج اللي تشوفينه انت.. مها وجهها صار احمر ومستحية حدها.. ام مها:مبروك يمه.. عيسى وهو في السيارة..يرن تليفونه... عيسى:نعم شيخة؟...الحين..ليش؟؟...خلاص اكيد جاي...مع السلامة.. في البيت... رحمة:يمه خلي عرس سلوى وعيسى بليلة وحده.. ام سعد:الحجي مو انا اللي اقرره..اخوج سعد هو اللي يقرر.. شيخة:يمه خالتي ام ريلي مريضة ورقدوها بالمستشفى.. ام سعد:عسى ماشر؟؟ شيخة:السكر عندها مرتفع.. ام سعد:اجل ذكريني عقب صلاة المغرب نروح لها.. في المطعم... اميرة:خلكم قاعدين مع بعض انا رايحة اقعد هناك.. عادل:بتاكلين بروحج؟؟ اميرة:مافيها شي.. سلوى:انت من صجج قعدي ويانا.. اميرة:لاتخافون مواعدة رفيجتي بتتغدى معاي..عن اذنكم.. عادل:اشوه ان الناس كلها تدري اني احبج.. سلوى(تبتسم):انا اسعد انسانة بالعالم تعرف ليش؟ لأنك صرت من نصيبي انا وبس..قولي متى حفلة التخرج؟؟ عادل:بكرة ان شاء الله.. سلوى(تضحك):صدق؟؟!!! عادل:ليش تضحكين؟؟ سلوى:لأن بكرة هم نتيجتي.. عادل:عيل نروح من الصبح تشوفين نتيجتج وانا اروح ازهب عمري حق الحفلة.. سلوى:لاياعيوني اول واحد لازم يعرف النتيجة هو سعد.. عادل:دام ان السالفة فيها سعد ماراح اقول شي.. في البيت..عيسى يدخل عقب ماسلم... عيسى:خير؟!! أم سعد:الخير بوجهك.. عيسى:اشفيكم مستانسين؟؟ ام سعد:البنية وافقت.. عيسى(استانس):صدق يمه..وأخيراً بتزوج.. رحمة:بالاول شوفوا بعض.. عيسى:اكيد متى بنروح لهم؟؟ ام سعد:انا قلت حق ام البنية الليلة..وبنروح جميع.. عيسى:خبرتي سعد؟ ام سعد:اي خبرته وقال جاي.. شيخة:مبروك عيسى تستاهل كل خير.. عيسى:مشكورة ياأم حسن.. في بيت أم عادل... ام عادل:يمه موزة قومي ردي بيتج..تحصلين ريلج رد من الشغل.. موزة:ان شاء الله.. لجى عادل سلمي عليه.. ام عادل:ان شاء الله وانت بعد سلمي على ريلج.. في السيارة... عادل:سلوى ابي اقولج شي.. أميرة:خذوا راحتكم اعتبروني محد..تغزلوا في بعضكم قد ماتبون.. سلوى:مب لهالدرجة.. أميرة:لا لهالدرجة العائلة كلها تدري ايشقد تحبون بعض..فخذوا راحتكم.. عادل:تدرين..علموني الساعة ساعة والدقيقة دقيقة لكن ماعلموني الثانية معاك العمر كله.. سلوى:نفسي أرسلك رسالة حروفها ألماس تعبر لك عن اجمل احساس تراني أحبك.. اول مايوصلون بيت يدهم بومحمد ينزلون جميع.... بومحمد:ياهلا بالعرسان يامرحبا..حياكم يبه.. عادل:اشلونك يدي؟ بومحمد:بخير ولله الحمد.. سلوى:اشلونك يدي اشلون صحتك؟ بومحمد:دام انج مستانسة ها أنا بعد مستانس.. سلوى:عسى عمرك طويل ومانحرم من هالحجي الحلو.. أميرة:يبه اشوف الحجي الحلو راح كله لبعض الناس وانا وين رحت؟؟!! بومحمد(يضحك):كلكم في القلب والكل يسمع حجي حلو مني..لاتخافين قولوا لي ياعيال متى عزمتوا على الزواج؟؟ عادل:متى ماالله كاتب.. بومحمد:تنتظرون شور سعد؟ عادل:أي يدي.. بومحمد:لاتضايقون عمركم علشان هالسالفة ترى سعد يسوي زينة العقل.. سلوى:لايايدي ترانا مااحنا متضايقين بالعكس انا راضية باللي يقوله سعد..سعد مثل أبوي ورضاه مهم بالنسبة لي.. بومحمد:طول عمرج عاقلة وواعية وتعرفين الصح من الغلط.. بكرة يوم الوناسة... على طول من تاخذ سلوى نتيجتها تتصل في اخوها سعد... سعد:هابشري؟؟؟ سلوى:طلعت الرابعة على المدرسة.. سعد(استانس):بالمبارك صج فرحتيني اليوم نطري مني مفاجأة.. عقب راحت بيت يدها... بومحمد:بالمبارك تستاهلين يابنيتي..خبرتي سعد؟ سلوى:اول واحد خبرته.. بومحمد:وانت اميرة بشريني.. اميرة:انا ماطلعت من الاوائل.. بومحمد:يعني كم جبتي؟؟؟ اميرة:85.. بومحمد:مبروك..المهم بتدخلين الجامعة سمعتي؟ اميرة:اكيد اسمع.. بومحمد:وانت سلوى؟ سلوى:اكيد داخلة الجامعة وبصير محامية.. بومحمد:الله يوفقج دوم..يالله قومي روحي خبري امج.. يتصل فيها عادل وهي في السيارة.... سلوى:ماني قايلتلك؟؟  عادل:ليش ان شاء الله؟؟ سلوى:إلحين توك تذكرت ان اليوم نتيجتي اظن الساعة صارت 10 ياريال.. عادل:حقج علي كنت اتسبح ولاانت ناسية اليوم حفل التخرج بتشوفين ريلج في التلفزيون وبتفتخرين فيه.. سلوى(بغشمرة):عاد على شنو على الجيد.. عادل(تضايق):مهب عاجبج لايعجبج..  سلوى(استغربت اسلوبه):انزين قولي متى الحفلة؟ عادل:مب لازم تعرفين..مع السلامة..  سلوى:عاد انا ايش قلت علشان تسكر التليفون في وجهي.. ردت البيت...بعد ماباركولها.. أم سعد:هايمه خبرتي ريلج؟ سلوى:عساه مادرى.. عبدالرحمن:ايش دعوة مااسرع ماتهاوشتوا.. ام سعد:انت مالك خص قوم روح دارك يالله.. عبدالرحمن:زين..زين.. ام سعد:يمه اشفيكم ايش صاير بينكم؟ سلوى(تقعد تبجي وتطيح بحضن امها) ام سعد:يمه ايش صاير كلتي قلبي.. سلوى:مااعرف..مااعرف.. راحت فوق دارها وسكرت الباب.. سعد دخل البيت وجاب معاه اغراض علشان الليلة عازمهم بمناسبة نجاح سلوى... سعد:وين سلوى؟ ام سعد:تعال يمه..تعال اقعد.. سعد(يقعد):ايش حالج ياام سعد؟ ام سعد:انا بخير..انت اشلونك وين زوجتك وعيالك؟ سعد:جايين بالطريق..ماقلتي لي وين سلوى؟ ام سعد:ماادري يايمه اشفيها هالبنية من جات من برع وهي تبجي وزعلانة.. سعد(استغرب):ايش صاير؟!! ام سعد:ماادري بس سألتها عادل درى عن نتيجتج قالت لي عساه مادرى.. سعد:سلوى قالت جذي؟؟ ام سعد:أي يايمه.. سعد:هي وينهي فيه ألحين؟ أم سعد:في دارها.. طق الباب.. سلوى(تمسح دموعها):منو؟؟ سعد:أنا سعد فتحي الباب.. سلوى تمسح دموعها بالفاين وترتب شكلها وتروح تفتح الباب.. سلوى:هلا سعد تفضل.. سعد:ليش زعلانة؟ سلوى:ماني زعلانة.. سعد:دموعج ايش معناتها.. سلوى(ظلت ساكتة).. سعد:سلوى موقلنا ماكو حاجز بينا تقولين كل اللي في خاطرج حق اخوج العود..اللي اعتبرتيه ابوج.. سلوى كطت نفسها في حضن اخوها وقعدت تبجي وسعد يمسح على راسها ويحاول يهدي فيها.. سعد:يالله الحين تحجي قولي شالي صار؟؟ تحت عيسى يدخل البيت.. عيسى:اشم ريحة عزايم عندنا عزيمة؟؟ أم سعد:اي يمه اخوك سعد عازمنا بمناسبة نجاح سلوى.. عيسى:صج بالمبارك..يمه.. أم سعد:عيوني.. عيسى:تسلم لي عيونج..يمه متى بملج بمها؟ ام سعد:والله قعدت اتناقش وياأخوك سعد وقالي متى تبون.. عيسى:انزين خلها الاربعاء.. ام سعد:خلاص انا بكلم اهل البنت وبشوف شيقولون..بس يايمه انت عارف شرط أهل البنت.. عيسى:لاتخافين يايمه انا راح اساعدها علشان تخلص الثانوية.. ام سعد:بارك الله فيك.. في غرفة سلوى... سعد:لاتضايقين عمرج..هالاشياء تصير بين المخطوبين عادي.. سلوى:بس ان صار لي مخطوبة ثلاث سنوات وماصارت مشاكل بينا.. سعد:لاتنسين انج انت الغلطانة ليش قلتي له هالكلام انت ماتعرفين ان الريال مايحب المرة اللي تعايره بشي.. سلوى:يعني وش اسوي الحين؟؟ سعد:اعتذري منه.. عقب ماسعد راح..راحت سلوى واتصلت في موزة اخت عادل.. موزة:هلا وغلا بمرت اخوي.. سلوى:اقول أبي اطلب منج طلب.. موزة:آمري.. في بيت بومحمد... أميرة:يالله يبه بنتأخر.. بومحمد:انزين صبري شوي تو الناس..باقي وايد لين صلاة العشاء.. اميرة:يبه انا ابي اكون اول وحدة بالعزيمة.. بومحمد:زين.. تليفون البيت يرن... بومحمد:ردي على التليفون.. اميرة:بقولهم ابوي هو اللي أخرني.. بومحمد:قولي.. اميرة:ألو..هلا سلوى..صج...أوه نسيت..خلاص الحين ..يالله مع السلامة.. تقوم من مكانها وتروح تفتح التلفزيون.. بومحمد:ايش عندج ومن اللي كان في التليفون؟ اميرة:يبه شوف شوف عادل.. بومحمد:اي والله اليوم حفلة تخرجه..الله عليك ياعادل كأنك بليلة عرسك.. في بيت أم عادل..ام عادل تقعد تبجي ماهي مصدقة.. موزة:يمه بسج بجي..ترى بابجي معاج.. ام عادل:بكرة لولدج سالم كبر وتخرج بتعرفين هالدمعة ليش نزلت.. في بيت ام سعد... سلوى:فديته ريلي والله.. عبدالرحمن:بس بس درينا عاد لوعتي جبودنا من كثر ماعتي الفيلم.. سلوى:كيفي.. عبدالرحمن:لامهب كيفج..قومي روحي دارج عيدي قد ماتبين..هني التلفزيون للجميع.. سلوى:يمه شوفي عبدالرحمن.. ام سعد:قومي سلوى روحي دارج ليي اخوج سعد شيقول.. عبدالرحمن:شفتي قومي يالله.. سلوى:زين زين.. بومحمد يدخل مع أميرة.... أم سعد:هلا يبه ايش حالك؟ بومحمد:بخير مبروكين على نجاح سلوى.. ام سعد:الله يبارك فيك..حياك تفضل..هلا أميرة اشلونج؟مبروك على النتيجة.. أميرة:الله يبارك فيج..وينهي العروس؟ أم سعد:فوق بدارها.. أميرة:اشلونك يا.........؟ولا اقولك خلني ساكته أحسن.. عبدالرحمن(يضحك):يكون احسن.. أميرة:الشره مو عليك الشره علي انا اللي قاعدة أسأل عنك.. في بيت أم عادل..عادل يدخل البيت وامه تييب له وهي مستانسة.. أم عادل:هذا أحلى يوم بحياتي تمنيت أبوك عايش علشان يشوفك.. عادل:الله يرحمه..المهم انج انت شفتيني ايش رايج فيني؟! أم عادل:معرس معرس.. عادل(تضايق):معرس!! أم عادل:لاتقولي مارحت بيت خالتك؟ عادل:بالاول اروح عند أمي بعدين الباقي.. أم عادل:لايمه قوم قبل لتفصخ ثوبك روح عند زوجتك بعدين تعال.. عادل:يمه ماني رايح.. ام عادل:ايش له مب رايح؟ عادل:مب الليلة معزومين خلاص مرة وحدة.. ام عادل:عادل.. عادل:زين زين خلاص رايح.. موزة:اصبر شوي اشرب لك هالعصير اللي سويته بنفسي.. موزة بالعمالة وهي تقدم العصير تكته على ثوب عادل وتوصخه.. أم عادل:ايش سويتي في ثوب اخوج الحين اشلون يروح بيت خالتج.. عادل(بصوت واطي):أحسن..  أم عادل:روح بدل.. [بنت الخليلي-عاشقة قطر] | ||||
|
| |
|
09-01-15, 11:51 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| أول ماراح فوق عادل علشان يبدل ملابسه يفتح الباب يشوف ورقة كبيرة فيها: والله موقصدي أنا آسفة ماكنت أعرف أنك ماتحب الغشمرة على العموم مبروك وعقبال الماجستير والدكتوراه على فكرة أنا طلعت الرابعة على المدرسة..مبروك علي.. وهذي هدية بسيطة علشان تخرجك.. زوجتك:سلوى.. عادل:فديتها زوجتي..طول عمرج حبيبتي وقلبي.. بدل على طول وراح بيت خالته..عقب ماسلم.. عادل:عبدالرحمن ناد سلوى.. عبدالرحمن:ايش تبي فيها ذبحتنا هالبنية عادت شريط تخرجك 25 مرة ماادري بتقدم فيه امتحان.. عادل(ماصدق):روح نادها روح.. عبدالرحمن(راح فوق):قومي بدلي هذا اللي تشوفينه تحت روحي شوفيه على الطبيعة..ماادري شتشوفين كأن مصورينه في البيت الابيض..ماادري من شايفة بن كلنتون.. سلوى:ريلي احسن وافضل منك ومنه شالي جاب السماء بالارض.. تحت... سلوى:السلام عليكم.. عادل(قام):وعليكم السلام.. عبدالرحمن:ايش دعوة أول مرة تشوفون بعض؟ سعد:عبدالرحمن اثقل شوي.. عبدالرحمن:أصلا انا طالع زين.. سعد:وين رايح؟ عبدالرحمن:طالع عن الربع.. سعد:والعزيمة؟؟ عبدالرحمن:بيي عقب ساعة.. سعد:عبدالرحمن متى نتايجكم؟ عبدالرحمن:بكرة..مع السلامة.. سعد:عن اذنكم.. عادل:مشكورة يابعد هلي وطايف هلي كلهم.. سلوى:أنا آسفة يابعد عمري.. عادل:ايش رايج فيني؟ سلوى:قمر والسامع يذكر الله..  في الصالة... شيخة:هلا يدي اشلونك؟ بومحمد:توكم عارفين عندكم يد؟ رحمة:اعذرني يايدي انت تدري بالحياة ومشاغلها.. شيخة:أدري ان حنا مقصرين بحقك لكن والله دايما على بالنا.. ام سعد:اعذرهم يايبه انت تدري زواج وعيال وبيت ومسؤولية.. بومحمد:آخر مرة..المرة الياية ماراح أسامحكم.. ام عادل:سمعوني كلكم أنا عازمتكم جميع بكرة على العشاء عزيمة تخرج ولدي من الجامعة.. عند الشباب... سلمان:قوم عبدالرحمن خذلك هالسيجارة تراها تمشي لك هالمزاج.. عبدالرحمن:سيجارة!! سلمان:اي سيجارة واشفيها؟؟ عبدالرحمن:لامشكور ماابي.. يوسف:قوم ماتبي تصير ريال..دخن وشوف الرجولة..امسك تراه خوش سيجارة من نوع جديد.. عبدالرحمن(مسك السيجارة لكنه تذكر كلام سعد له:أنا ماعطيتك هالسيارة الا لأني واثق فيك وعارف عبدالرحمن زين وعارف انك ماانت ناسي وصية ابوي لك..تذكرها زين..اسمعني ياعبدالرحمن لاتخلي الشباب يلعبون بعقلك ويعطونك سيجارة..ويقولون لك رونا رجولتك بالسيجارة..تراهم يخدعونك وبكرة ماراح ينفعونك بشي..اوعدني ياعبدالرحمن انك راح تمشي باللي يرضي رب العالمين).. عبدالرحمن(وبصوت عالي):أوعدك ياخوي ماراح أدخن..(وكط السيجارة وطلع).. سلمان:اشفيه؟ يوسف:خله مهب صاحي كملوا كملوا ماعليكم هذا ياهل.. عبدالرحمن رد البيت..وراح عند سعد.. سعد:خير عبدالرحمن؟ عبدالرحمن:سعد أبي اقولك شي.. سعد:قول.. عند العرسان.... عادل:قالوا انسى ذكره مانت به ملزوم..قلت العفو منكم ياحاسدين مابدل القمر بنجوم..  سلوى:سميتك قمر خفت تختفي وسميتك شمس خفت تغيب فسميتك حياتي وبغيابك اغيب.. عند سعد وعبدالرحمن.. سعد:كفو وشهم..والله انك ريال باللي سويته..الحين كبرت بعيني ياعبدالرحمن.. عبدالرحمن:رضاك على ياسعد.. سعد:راضي عليك دام ان رب العالمين راضي عليك..هاك(يمد يده ومعاه فلوس).. عبدالرحمن:ماابي عندي اللي يكفي.. سعد:هاك انت تستحق وتستاهل..(يبتسم له).. يوم الاربعاء...هو يوم ملجة عيسى ومها..عقب ماملجوا خلوهم قاعدين مع بعض بروحهم..مها خجلانة وظلت ساكتة.. عيسى:اشلونج مها؟ مها(وهي مستحية):بخير.. عيسى:اشفيج منزلة راسج..رفعيه شوي.. مها(وجهها صار احمر) عيسى:عاد انا صرت ريلج..ايش دعوة تستحين..مها عاد.. مها(رفعت راسها):خير؟ عيسى:الخير بوجهج يابعد عمري..فديت هالطلة.. في الحديقة..عادل وسلوى... عادل:لي ذاكرة ماغبت عنها دقيقة اشغلتها بالحيل في كل الافكار..ولي قلب لوينسى البشر والخليقة الا انت ماينساك او صار ماصار..  سلوى:علمتني ان الوصل يعني صعود المستحيل وعلمتني ان الجفا يعني بداية انحدار وعلمتني ان بقربك ادري ان قلبي بخير شف وشكثر علمتني ..يامعلم الورد والعبير ياكبر حظي فيك لو حظي من الدنيا صغير.. عبدالرحمن(ييهم على غفلة):بوم تحس بضيق وانك حزين والدمعة بتنزل من عيونك اتصل بي لأني ابيع مناديل.. سلوى:هي هي سخيفة شالي يايبك هني؟ عبدالرحمن:روحي عيسى يبيج.. سلوى:عن اذنك حبيبي.. عادل:اذنج معاج حياتي.. عند عيسى.... سلوى:خير عيسى؟؟ عيسى:انا رايح شوي وراد..خليج عند مها.. سلوى:من عيوني.. عقب ماعيسى راح.. مها:سلوى لحقي علي قاعدة اموت.. سلوى:اشفيج؟؟ مها:انا استحي..كلكم طالعين وهاديني مع اخوج.. سلوى:واشفيها؟؟لاتنسين هذا اخوي هو ريلج الحين.. مها:سلوى والله استحي من اخوج..هو وعليه يتكلم وانا كله ساكته..مااعرف شقول.. سلوى:قولي كلام حب..مثلي انا.. مها:ياريتني مثلج..لكن انت وين وانا وين..انا عند دكتور الاسنان اجرأ من عند عيسى.. سلوى:عادي مع مرور الايام بتتعودين.. عيسى يدخل .... عيسى:أشوف من دخلت مها سكتت ونزلت راسها..علميها شوي ياسلوى.. سلوى:ماعليك منها دلع بنات.. عيسى:خلاص الحين روحي.. سلوى:بالتوفيق.. عيسى(يمد يده):هاج.. مها:شنو؟ عيسى:انزين رفعي راسج وشوفي شنو.. مها(رفعت راسها وشافت خاتم ألماس):لي؟ عيسى:أكيد..ايش رايج؟ مها:مشكور.. في الحديقة...عادل يكون قاعد وسلوى تيي.. عادل:لي روح وانفاس لي قلب واحساس لي كلمة بين اقواس(وحشتونا)يااغلى الناس.. سلوى:مااسرع مااشتقت.. عادل:كل دقيقة تغيبني عني اشتاق.. سلوى:أقولك مها وحدة حييه وماتتكلم مع عيسى أبد.. عادل:صدق.. سلوى:اي والله.. ومع مرور الايام...في بيت بومحمد.. أميرة: يبه ولي سلمك ودني هالصيف مكان.. بومحمد:وين تبين اوديج وانا ريال عود.. اميرة: يبه لاتكبر عمرك توك شباب.. بومحمد:شباب!!وين تبين تروحين؟ اميرة:سفرني.. بومحمد:اي عاد وين؟؟ اميرة:ايش رايك نروح فيينا؟ بومحمد:لاايش رايج نروح لندن مب احسن؟ اميرة:تطنز يبه.. في بيت ام سعد..عادل يدخل... عادل:السلام عليكم.. عبدالرحمن:هلا وعليكم السلام..صبر دقيقة وبناديها.. عادل يضحك.. سلوى تدخل.. عادل:صباح الخير.. سلوى:صباح النور.. عادل:سمعي ماني مطول كلها دقايق ورايح.. سلوى:خير؟ عادل:انا بكرة مسافر.. سلوى(مستغربة):مسافر وين؟؟ عادل:العمرة مع الربع.. سلوى:ومتى بترد؟ عادل:عقب اربعة ايام.. سلوى:شوف اول ماتوصل على طول تتصل فيني سمعت.. عادل:سمعت..لاتحاتين اول وحدة انت بتصلها.. سلوى:ان شاء الله تروح وترجع بالسلامة.. عادل:ماتامريني على شي؟ سلوى:بعدين بكتب لك بالمسج.. عادل يسافر العمرة ومايتصل في سلوى لما يوصل..وسلوى تقعد تحاتي وتخاف.. ام سعد:اشفيج معصبة؟ سلوى:اقولكم عادل مااتصل.. ام سعد:واشفيها يمكن ماوصل.. سلوى(عصبت):فال الله ولافالج.. رحمة(تسكتها):سلوى.. سلوى:يمه أنا آسفة.. بس ليش تفاولين عليه..من الصبح رايح والحين المغرب وتقولين ماوصل لو بالسيارة جان وصل.. أم سعد:يمكن انشغل ويمكن واحد من ربعه مرض..اعذريه.. سلوى:ماأبي..ماأبي.. تليفونها يرن... شيخة:يمكن هو.. سلوى:آلو هلا مها بخير......اشفيني عادل من وقت ماسافر مااتصل..انزين انا فوق..(سكرت)..لجات مها انا فوق.. زلما تييها مها.. مها:يالله بسرعة قبل ليي عيسى..اشفيج؟ سلوى:ماابي ليش لهالحزة مادق؟ تليفونها يرن.. مها:هذا هو اسمه.. سلوى(تحطه على السبيكر):آلو..نعم ايش تبي؟ عادل:اشفيج حبي؟ سلوى:لاتوك تذكرت ان لك حبيبة تنتظرك جان نطرت لبكرة الصبح.. عادل:بس انا مافضيت.. سلوى(عصبت):اذا علشاني انا مافضيت تفضى لمنو..يعني انت مستانس مخليني على اعصابي قاعدة احاتيك..انا غلطانة.. عادل(عصب):سلوى اشفيج قلت لج انا كنت مشغول.. سلوى:ايش فيه مشغول؟؟ عادل:هدي اعصابج بالاول.. سلوى:ماابي..(قعدت تبجي) عادل:سلوى تبجين..سلوى..يالله عاد.. مها(بصوت واطي):سلوى تحجي.. عادل:والله ماني مسكر التليفون لين ماتكونين راضية.. سلوى:ايش تبي..روح عند ربعك خلهم ينفعونك.. عادل:محد راح ينفعني غيرج.. مها:سلوى مسكي الفاين مسحي دموعج.. عادل:يالله يابعد عمري.. سلوى:ماابي.. عادل:قالوا وش تحب فيه؟قلت يالطيف قلبه نظيف(مها تطلع)ودمه خفيف واللي يكرهه والله سخيف قالوا شكلك تحبه حيل..قلت اموت واحيا على شانه..قالوا ياترى يحبك قلت شوفو رده الحين؟ سلوى:مااحبك.. عادل:عجل اسكر.. سلوى:تعال اتغشمر..اذا مااحبك احب منو؟  عادل:خلاص صافية لبن؟ سلوى:صافية عسل.. اول مامها طلعت من البيت واجهها عيسى... عيسى:اشوف الحلو كان في بيتنا..ياهلا ويامرحبا.. مها:عن اذنك راده البيت.. عيسى:اوصلج.. مها:البيت قريب.. عيسى:على الاقل قولي شخبارك.. مها:شخبارك؟ عيسى:بخير..اكيد جايه علشان سلوى مو علشاني.. مها:عيسى انا رايحة قبل لحد يشوفنا.. عيسى:مع السلامة.. سعد ييهم البيت... سعد:اشفيكم؟ ام سعد:اختك ذبحتنا بأعصابها..(سلوى تنزل وهي تغني)ها ألحين جات وهي تغني معناته انه بخير.. سلوى:هلا سعد اشلونك؟ سعد:بخير شيمسويه فيهم؟ سلوى:انا ولاشي.. رحمة:كلتي قلوبنا على عادل..ها كلماج؟؟ سلوى:اي وسلم عليكم.. ومع مرور يومين عادل يرد من السفر وعيسى يزور مها عندهم في البيت.... ام مها:ياهلا بوليدي عيسى..اشلونك يمه؟ عيسى:بخير الحمدلله.. ام مها:اشلون الوالدة؟والاخوات؟ عيسى:بخير ويسلمون عليج.. ام مها:الله يسلمهم.. مها(تيي):السلام عليكم.. عيسى:وعليكم السلام.. ام مها:عن اذنكم.. عيسى:ياهلا ومرحبا..اشلونج؟؟ مها:بخير.. عيسى:بدينا بالسكوت..انزين سأليني شخبارك شمسوي.. مها  :شخبارك شمسوي؟عيسى:انا بخير اذا اشوفج بخير.. أما الحال عند سلوى تتكلم في التليفون مع عادل.. سلوى:انت وين؟ عادل:انا مشغول شوي ايش تبين؟ سلوى(استغربت اسلوبه):ايش ابي؟!! لا سلامتك ماابي شي..بس مو من العادة ترد من السفر وماتيي عندي.. عادل:اوه نسيت..خلاص بحاول امرج عقب صلاة العشاء.. سلوى:مع السلامة..ياربي ايش صار في عادل ليش يحاجيني جذي!!! في بيت بومحمد.... بومحمد:اميرة يااميرة.. اميرة:لبيه يبه.. بومحمد:تعالي خذي.. اميرة:تذاكر سفر..على وين؟؟ بومحمد:بنروح مصر..ايش رايج؟ اميرة:مصر مصر..مانقول لا.  .ياسلام..(تحبه على راسه)مشكور يبه..بنروح بروحنا؟في بيت ام سعد..... ام سعد:حيا الله من ياينا اشلونك يمه؟ عادل:بخير.. ام سعد:تقبل الله.. عادل:منا ومنكم.. ام سعد:عبدالرحمن روح ناد أختك.. عبدالرحمن:ان شاء الله.. أم سعد:العمرة كانت حلوة؟ عادل:وايد..وايد.. سلوى تنزل وهي متضايقة.... سلوى:السلام عليكم.. عادل:وعليكم السلام.. ام سعد:عن اذنكم.. عادل:هلا بالطش والرش.. سلوى(ساكتة وتقعد على الكنبة) عادل:ماتخيلين ايشقد استانست ان شاء الله المرة اليايه نروح مع بعض.. سلوى(تنادي الخدامة):ميري جيبي العصير.. عادل:سلوى:اشفيج؟ سلوى:ابد مافيني شي..اسمعك.. عادل:لا فيج شي وانا متأكدة قولي لي..بعدين تعالي تقولين لي مافيج شي..اول مرة تييني وانت ماحاطة مكياج.. سلوى:كنت مستعيلة.. عادل:سلوى عاد اشفيج..مو بالعادة تخشين علي شي.. سلوى:مصر تعرف ايش فيني؟ عادل:اي نعم مصر.. سلوى:أسأل روحك.. عادل(استغرب):أسأل روحي؟!! مافهمت.. سلوى:عادل رجاءاً لاتتغابى علي.. عادل:سلوى اشفيج جنج قاعدة تحجين بالالغاز انا ماني فاهم شي.. سعد يدخل البيت عقب مايسلم... سعد:قعدوا ايش فيكم واقفين..سمعوني انا ياي اقولكم ان خلاص تقدرون تحددون موعد العرس.. عادل(استانس على عكس سلوى):صج سعد؟ سعد:اي..انت اختاروا اليوم وخبروني يالله عن اذنكم.. عادل(مسك يد سلوى):أخيراً بنتزوج..(استغرب هدوء سلوى)سلوى اشفيج فعلا ماانت طبيعية..انت عارفة سعد ايش قال؟ سلوى(ودموعها بعيونها):اي عارفة..بس مو عارفة شالي صار بعادل.. عادل:ليش تبجين؟سلوى ايش صاير؟قاعد اترجاج من الصبح.. سلوى:عادل انا اللي أسألك شالي صاير اشفيك ماانت عادل اللي كان موجود عندي قبل ليسافر شنو يعني اوه نسيت امرج..(عادل نزل راسه)هذا مو حجيك..ماتقولي..ليش ساكت.. عادل:كنت معصب على شغلة.. سلوى:وطلعت حرتك فيني..موجذي؟..يمكن لأني استحق الكلام اللي سمعته.. عادل:لاوالله ..انا آسف..عذريني والله اني احبج واموت فيج.. سلوى:اي بس هذا اللي فالح فيه احبج واموت فيج.. عادل:اذا قصرت في وصلك طلبتك بس تسامحني..تراك عزيز وعشرتك ماشي يساويها..واذاماوفيت بوصفك طلبتك بعد تعذرني تراك عظيم الوصف وحقوقك صعب اوفيها.. سلوى(لان قلبها):الله لايحرمني من خمسة..قلبك ووحبك وودك وقربك ولسانك العسل.. في الصالة... ام سعد:هايمه متى قررتوا العرس؟ عيسى:ليحين بدري خلها بالاول تخلص المدرسة بعدين يصير خير.. سعد:زين تسوي.. سلوى تيي وتقعد معاهم.. ام سعد:عادل راح؟ سلوى:اي راح.. عبدالرحمن:مااسرع.. سلوى:مالك خص.. سعد:على ايش قررتوا؟ سلوى:ليحين تو الناس.. سعد:غريبة قبل لأتكلم كنتوا بتموتون عل انكم تعرسون شالي غير رايكم؟ سلوى:خلنا نفكر بالاول عقب يصير خير.. عبدالرحمن:ليكون خايفة عقب ماتتزوجين تشتاقين لي.. سلوى:هي هي..عاد انت الوحيد اللي ماراح اشتاق له.. ام سعد:دريتوا ان ابوي واميرة بيسافرون بكرة مصر؟ سلوى:اميرة قالت لي..لو خبروني قبل جان رحت وياهم.. عبدالرحمن:انا رايح معاهم.. سلوى:صج؟؟ ام سعد:اي صج يدج حجز له بقول محتاج حد يكون معاه..فختار اخوج.. عبدالرحمن:الله يخليه لي يدي.. سلوى:عن اذنكم..رايحة انام.. سعد:سلوى.. سلوى:لبيه.. سعد:ايش صار على الجامعة؟ سلوى(بخوف):عادل مايبني ادرس جامعة..  سعد:يعني خلاص بتتركني حلم حياتج مب انت اللي قلتي بسوي بوصية ابوي وبصير محامية.. سلوى(بحزن):ان شاء الله راح اقدر اسوي بوصيته بس يبيلي وقت لين مااقنعه.. سعد:بنشوف.. ومع مرور الايام عادل ينشغل شوي عن سلوى..لكن عيسى كل يوم يقترب من مها..وهم قاعدين في الحديقة.. عيسى:تصدقين ياحظي فيج.. مها:لهالدرجة؟ عيسى:واكثر بعد..انت بالنسبة لي شريكة حياتي اللي كنت احلم فيها.. اما عند سلوى وعادل... عادل:عذريني مااقدر اشوفج اليوم..لأن في محاضرة في المسجد عندنا.. سلوى:انزين عقب المحاضرة.. عادل:عقب المحاضرة عندنا جلسة قراءة قرآن في المسجد.. سلوى:انزين خلاص بكرة.. عادل: بشوف مع اني مااعتقد.. سلوى:اقول انا راح اسكر لقررت خبرني مع السلامة.. عقب يومين يي عادل ويقعد بالحديقة ويتصل في سلوى.. سلوى:ماني نازلة..  عادل:لاتكوني سخيفة.. سلوى:كيفي انا سخيفة.. عادل:قلت لج نزلي ابيج في سالفة.. سلوى:قلت لك ماني نازلة عندي شغل.. عادل:بس انا ابيج.. سلوى:وانا كنت ابيك وانت مابغيت..  عادل:يعني وحدة بوحدة؟ سلوى:سمي اللي تسميها.. عادل:تعالي ابيج في شي ضروري..شوفي كاهو سعد ياي.. سلوى:مع السلامة.. [بنت الخليلي- عاشقة قطر] | ||||
|
| |
|
09-01-15, 11:52 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اضطرت تنزل علشان سعد جى مابغت يعرف ان اكو شي بينهم .. سلوى:السلام عليكم.. عادل:وعليكم السلام..كل هاي علشان تنزلين.. سلوى:يمكن كنت مشغول او قاعد تقرا قرآن.. عادل:تطنزين حضرتج؟ سلوى:لاأبد..انا اطنز.. عادل:انت اشفيج؟ سلوى:أبد مافيني الا العافية..نعم قلت تبيني في موضوع خير؟ عادل:ليش مانحدد يوم العرس؟ سلوى:ليش مانحدد يوم العرس؟..ومن اللي قال اني ابي احدد يوم العرس.. عادل:شيتقولين؟ماني فاهم؟ سلوى(بكل قوتها وجرأتها):اسمع ياعادل أبي اقولك شي وياريت تفهم اللي ابي اقوله..(بكل جدية)..أنا ابي افصخ الخطبة.. عادل:نعم!!!!!!!!!!..ايش تفضلتي؟ سلوى(بخوف):اللي سمتعه.. عادل:لا أنا ماسمعت..أنا اقاعد احاجي سلوى ولا وحده غيرها.. سلوى:ياعادل في شي صار بحياتنا مااعتقد هذا الشي يخلينا نكمل طريقنا.. عادل:وشنو هذا اللي صار بحياتنا؟؟َ!! سلوى:ابتاعدك عني واهمالك لي..انت تصدق ان صار لنا شهر ماشفنا بعض وكلها اسباب غير مقنعة وين كلمات الحب والغزل وين؟؟انت مب عادل اللي اعرفه وين عادل اللي يحب ويضحك ويعطي وكل الناس حولينه..لكن الحين انا قاعدة اشوف عادل ثاني معليه انا مستانسة انك صرت مدين ومطوع وكل شي بس في حدود انت اهملتني وهذا مايرضي ربي..احنا صار لنا مخطوبين حق بعض من 3 سنوات صار لنا مالجين سنة..يعني المفروض نكون متزوجين مو مالجين..اعتقد ان اكو عائق بحياتنا وانا فكرت وايد وخلاص قررت(افصخت الخاتم) تفضل..عن اذنك.. عادل:سلوى..انت من صجج؟؟ سعد يطلع من البيت ويشوفهم بهالمنظر.. سلوى:خلاص اللي بينا انتهى.. عادل:انت ايش قاعدة تقولين انت عارفة باللي قاعدة تقولينه؟ سلوى:عز المعرفة.. عادل:ماانت بصاحية..تهدمين 4 سنوات بلحظة غضب.. سلوى:مب انا اللي نسيت توك ياي تقولي سلوى خلنا نحدد يوم العرس وينك قبل خمس شهور وين؟؟؟(تبجي وتروح) سعد يستغرب من تصرفاتهم..يروح عند عادل.. عادل(معصب):عن اذنك سعد.. سعد يدخل البيت مرة ثانية.. ام سعد:ايش صاير؟؟ سعد:سلوى افصخت الخطبة.. ام سعد(تخرعت):انت ايش قاعد تقول.وين رايح؟ سعد يروح عند سلوى تفتح الباب.. سعد:ممكن افهم شالي صار؟ ام سعد:سلووا شالي سويتيه؟؟ سعد:يمه معليه تخلينا بروحنا.. ام سعد:بشوف أخرتها معاها.. سعد:سلوى ممكن افهم شالي صار؟ سلوى:ماصار شي مااحنا اول مخطوبين ننفصل.. سعد:اي صح كلامج بس اعتقد ان اكو سبب.. سلوى:ماعاد بينا تفاهم خلاص.. سعد:ياسلام يعني اذا مافي تفاهم خلاص نهدم حياتنا .. سلوى:سعد رجاءاً.. سعد(عصب):انت اللي رجاءاً سمعي انا ماني طالع من عندج لين مااعرف السالفة كلها وبالتفصيل.. سلوى:انا بقولك كل شي وانت احكم واعرف الحق مع منو؟..من وقت ماسافر العمرة وهو متغير علي..ماهو عادل اللي اعرفه..كل ماتصل فيه يقولي في المسجد قاعد أقرا قرآن عندي محاضرة في المسجد..أنا استانس انه صار مدين بس مهب لهالدرجة انه ينساني ولايفكر انه يتصل..تخيل صار لنا شهر ماشفنا بعض قبل خمس شهور جيتنا وقلت لنا اختاروا يوم العرس..ماجى عندي الا اليوم يقولي يالله خلنا نختار اليوم..انا مخطوبة حق منو مو حق ولد خالتي..ليش هذا التأخير؟..عادل مهملني بشكل غير طبيعي..وانا فكرت وايد خلاص قررت ابي انفصل.. سعد:يمكن الريال عنده ظروف علشان جذي تأخر.. سلوى:حتى بُعده عني ظروف!!..خلاص ماعاد ابيه.. سعد:وين حبج له..مب انت كنتي تبينه؟ سلوى:كل شي نصيب ياسعد.. سعد:يعني هذا قرارج الاخير؟ سلوى(تسكر عينه وتهز راسه بمعنى نعم) سعد:خلاص انا رايح ابلغهم.. سعد طلع من الغرفة وسلوى قطت نفسها على السرير وهي تبجي بحرارة..سعد راح بيت خالته... ام عادل:هلا يمه سعد حياك.. سعد(وهو يقعد):اشلونج خالتي؟ ام عادل:بخير الله يسلمك.. سعد:وين عادل؟ ام عادل:فوق في داره من شوي رد من برع وماادري اشفيه مهب عاجبني.. سعد:أنا الحين بروح له وبشوفه..عن اذنج.. في غرفة عادل.... سعد:منو الغلطان؟ عادل:والله ادري اني الغلطان بس.... سعد:هي فعلا متضايقة..مب بسهولة تغير رايها.. عادل:والحل؟ سعد:تفاهموا لكن لاتهدمون حياتكم بسهولة.. في بيت ام سعد... ام سعد:تدرين لو خالتج درت ايش بيصير فيها؟ سلوى(ودموعها نازلة):وانا مب هم عندكم مشاعري انا وين راحت؟؟ ام سعد(لان قلبها):يمه هدي بالج شوي وتفاهمي معاه.. سلوى:خلاص ماعاد في بينا تفاهم.. رحمة:سلوى انت مب ياهل انتوا كنتوا تحبون بعض.. شيخة:شالي غير رايج بس علشان تغير؟! سلوى:محد فيكم يعرف عادل قدي ومحد يعرف اشلون تغير قدي..رجاءاً لاتضغطون علي خلوني على راحتي.. سعد يدخل البيت... سعد:روحي دارج..خلوها تفكر على راحتها المسألة محتاجة وقت.. في بيت ام عادل... موزة:والحل؟؟ عادل:ماني عارف ياموزة انا متضايق.. موزة:انزين تبيني اكلمها؟ عادل:ياريت لو انا اللي اكلمها.. موزة:انزين اتصل فيها.. عادل:ليش هي ترد؟ولاتبي تسمع صوتي.. ومرت الايام بجفاء عجيب الكل متوتر ومحد يعرف ايش ممكن يصير..هل فعلا راح يتركون بعض؟؟!!!! برع في الكوفي شوب.... عادل:ولي سلمك ياعيسى كلمها قولها شي.. عيسى:كلمناها وايد..معنده معنده ياعادل.. عادل:بس انا ابيها ولايمكن اتخلى عنها..او اني انساها.. عيسى:انت كلمها وقولها هالحجي.. عادل:انت ايش قاعد تقول هي ماترد على مكالماتي ولاتبي تشوفني.. عيسى:انزين انا بكلمها مرة ثانية وبشوف شيصير.. في غرفة سلوى.... سلوى:يعني ايش بيصير؟ عيسى:خالتي.. سلوى:خالتي مريضة اعرف بس انا شنو؟ عيسى:انزين عطيه فرصة يقولج اللي يبيه أنت نسيتي الحب نسيتي عادل اللي كنت تحدين الدنيا علشان تتزوجينه بسرعة شالي غير رايج؟؟؟ سلوى:وانتوا ليش كلكم تحطن الغلط علي ليش ماتحاجونه هو ليش انا حرام عليكم..حرام عليكم(تنزل راسها وتنزل دموعها) عيسى:يعني خلاص ماتبينه..بتقولين حق الحب بلا عودة؟ سلوى:.............. عيسى:على راحتج..اللي علي سويته.. عادل يطرش لها مسج.... أرجوج ياسلوى عطيني فرصة أخيرة علشان اوضح لج شي.. سلوى طرشت له مسج.. أنتظرك بعد ساعة في الحديقة.. عادل ماصدق على طول راح يبدل هدومه ونزل تحت..شافته امه وموزة.. ام عادل:وين رايح يمه؟ عادل:اليوم بعرف ان انا حق سلوى وسلوى لي.. موزة:اشلون؟ عادل:بروح اشوفها.. ام عادل:وافقت تشوفك؟ عادل:اي يمه ادعيلي.. ام عادل:طول يومي ادعيلك..يمه موزة قومي خلنا نلبس وخلنا نروح جميع.. الكل راح بيت ام سعد..ام عادل وموزة دخلوا داخل وعادل ظل برع شاف سلوى قاعدة تمشى بين الشجر.. عادل:السلام عليكم.. سلوى(من غير ماتشوفه):وعليكم السلام.. عادل:عطيني فرصة أخيرة أثبت لج اني ماتغيرت عليج أرجوج ياسلوى لاتضيعين 4 سنوات في لحظة غضب.. سلوى:واللي صار بينا؟ عادل:انسيه خطأ يصير بين كل اثنين مالجين.. سلوى:تتوقع هذا الشي ينسي؟؟ عادل:انا احبج ولايمكن اتخلى عنج او انساج يوم..وانت عارفة هالشي وين الحب اللي كان بينا..وين كلمات الغزل والاشعار وينهم؟؟معقولة هذا كله راح وانتهى بالنسبة لج..نستي يوم رحنا الشاليهات وقعدنا نركض على البحر واحنا نضحك..نسيتي يوم سافرنا كلنا ماليزيا ورحنا ذاك الجبل اللي كنت خايفة انج تركبينه ويوم شفتيني ركبته ركبتي..(سلوى ادمعت عينها وهي تسمع عادل)..نسيتي يوم عصب عليج سعد علشان ماجبتي علامة زينة بالرياضيات وجيتني علشان اشرح لج..ونسيتي يوم طحت من على النخلة قعدتي تبجين ورحتي ناديتي البيت كله علشان يسعفوني..وغيرها من المواقف اللي كانت بينا..شكلج تبين تنسين كل الذكريات اللي تربطنا بعض..لكن انا ماراح انسى..تعرفين ليش؟؟لأنها خلاص انحفرت في قلبي..والشي اللي ينحفر لايمكن يمحي..سكوتج دليل واضح..أنا آسف خذت وقتج..مع السلامة.. سلوى(قعدت تفكر بكل الذكريات اللي قالها عادل..يعني خلاص بنفترق للأبد بس أنا احبه):عادل.. عادل(وقف وقلبه وقف):وافقتي؟؟ سلوى:على شرط.. عادل:مااتخلى عنج ايش ماصار.. سلوى (تعطيه وجها وتبتسم له من قلبها ودمعتها على خدها وعادل يقرب منها ويمسح دمعتها ويمسك يدها ويمشون)الكل قاعد في الصالة وهو ينتظر النتيجة..الباب ينفتح والكل وقف..ودخلوا عادل وسلوى وهم ماسكين يد بعض..الكل لاحظ ان النتيجة ايجابية..أميرة تيبب.. أميرة:ألف الصلاة والسلام عليك ياحبيب الله محمد..(والكل يبب) ام عادل:بالمبارك..أن شاء الله دوم مستانسين.. اميرة:صافيه لبن.. عبدالرحمن:لاصافي دانون.. سلوى:هي هي.. عادل:لاياعيوني صافية عسل..ياعسل.. ام سعد:لك الحمد والشكر..يارب.. عادل(يطلع من مخباته الخاتم اللي فصخته سلوى ومسك يدها ولبسها) الكل يبب.. موزة:متى العرس؟ عادل(يشوف سلوى):ان شاء الله عقب شهرين.. أميرة:وايد.. سلوى:مايمديني اتزهب.. رحمة:ألف الف مبروك تستاهلين سلوى.. سلوى:مشكورة.. ومع مرور الايام.... عادل وهو في السيارة يتصل في سلوى.... عادل:يالله سلوى كل هاي تتزهبين؟ سلوى:زين زين الحين جاية..باي.. وهي تنزل... أم سعد:مو طولون.. سلوى:ان شاء الله.. أميرة:والله في خاطري اروح وياهم.. سلوى:انزين تعالي..ماكو حد غريب..كلها انا وعادل وعيسى ومها.. اميرة:لا ياعيوني كل واحد فيكم قاعد مع خطيبته انا اجابل منو؟ ام سعد:الله يرزقج مثل مارزقهم.. سلوى:انا تأخرت مع السلامة.. اميرة:عاد انا خلاص راحت علي.. ام سعد:استحي على ويهج توج صغيرة عمرج 20 سنة.. اميرة:اتغشمر ..الا وين بناتج اختي؟ في بيت ام عادل.... ام سلطان:ايش حال عيالج ياام عادل؟ ام عادل:بخير الله يسلمج..هذا عادل قرب زواجه.. ام سلطان:ومتى ان شاء الله؟ ام عادل:عقب اسبوعين ان شاء الله.. ام سلطان:بالبركة..الله يسعدهم الا ماقلتي لي اشلون صحتج؟ ام عادل:شقول والله ياام سلطان شاشكي بالحال.. ام سلطان:عسى ماشر..اشفيج؟ ام عادل:والله قلبي ذابحني..واخذ هالادوية ومامنها فايدة.. ام سلطان:روحي المستشفى.. ام عادل:ماابي اخرب وناسة عادل..خله لاهي مع خطيبته لتزوج عقب يصير خير.. ام سلطان:بس هذي صحتج ياام عادل والصحة ماتتعوض.. ام عادل:أدري بس هم سعادة ولدي ماتتعوض..انا ماصدقت انه خطب واتفقوا على موعد العرس.. في المطعم...سلوى وعادل قاعدين يتعشون مع بعض وعيسى ومها قاعدين مع بعض يتعشون... مها:عيسى هدّ يدي..عيب جدام الناس.. عيسى:كصي على عمرج..الستاير مسكرة من بيشوفنا الا قولي مستحية.. مها:تليفوني يرن..هدّ يدي.. عيسى:مااسمع.. مها(قصت عليه):عيسى خلنا نتعشى.. عيسى:انا لو ادري متى تنفك عندج مشكلة الخجل زين.. عند الحبايب..... عادل:ياويل قلبي لو تناساك لحظة..الموت افضل من حياته بلياك..حكمت قلبي وانت مقياس نبضه وادخلتني من عالم الحب دنياك..طيفك يسهر الليل ومضه والفكر لو يختل مااظن ينساك.. سلوى:أحبك ياأغلا من سكن داخل الروح..يامن هوى روحي تشابك بروحه ويامن بنى له فاالحشا عرش وصروح ويامن تربع وسط روحي بروحه.. عند العصافير... عيسى:مها متى الزواج؟ مها:مااعرف.. عيسى:اشلون ماتعرفين.مو لازم نحدد متى بنعرس؟ مها:لسه بدري.. عيسى:اشلون بدري وانا كبرت.. مها:توك شباب وانت وين والكبر وين.. عيسى:فديت هاللسان اللي ينطق هالكلام..(مها نزلت راسها استحت)..ياريتني لو ماقلت شي.. مها:ليش؟ عيسى:بس اتحجى تنزلين راسج.. مها(تبتسم) عيسى:ماني قايل شي.. في بيت ام سعد.... بومحمد:اشلون اختج ام عادل؟ ام سعد:بخير يبه..ليش هي ماتزورك؟ بومحمد:صار لها اسبوع مابينت.. ام سعد:غريبة بالعادة تزوك كل يومين.. بومحمد:ماادري عنها انت متى آخر مرة شفتيها؟؟ ام سعد:قبل عشرة ايام..لكن بينا اتصال ودوم أسأل عنها عند عادل.. بومحمد:ليكون تعبانة وماتحجى هذي بنتي واعرفها.. ام سعد:لامااعتقد يمكن مشغولة بشغلة لاتحاتي انا بكرة العصر بروح لها.. سعد يدخل ويسلم على يده وامه.. سعد:اشلونك يدي؟ بومحمد:بخير ياولدي..انت شخبارك وشخبار زوجتك وعيالك؟ سعد:بخير..وين اميرة؟ بومحمد:ماادري عنها وين راحت ياام سعد؟ ام سعد:عند التلفزيون.. سعد:ماتبي ادخلها الجامعة؟ بومحمد:بلا على هالسنة ان شاء الله.. في بيت ام عادل..تكون ام عادل تعبانة وتحس بألم في القلب..ومايكون عندها حد فتحس عليها الخدامة... الخدامة:شنو في ماما؟؟ ام عادل(بألم):اتصلي في ام سلطان..بسرعة..(وتمسك قلبها) الخدامة:ان شاء الله ماما.. تتصل بسرعة وهي خايفة على ام عادل.. ام سلطان:اشفيج ياسالي..تحجين بسرعة شوي شوي.. الخدامة:ماما واجد تعبان تعال بسرعة.. ام سلطان:تعبان اشفيها؟؟......خلاص انا الحين جاية.. تلبس عباتها وتروح بيت ام عادل..ام عادل تطيح على الارض والخدامة تصرخ تسمع صوت الجرس تروح تركض تفتح الباب وتخبر ام سلطان وهي تبجي..ام سلطان تتصل في ولدها سلطان ويتصلون بالاسعاف وياخذونها المستشفى.. اما العشاق قاعدين عند البحر... عيسى:تدرين مها وايش كثر الحياة حلوة.. مها:اكيد الحياة حلوة.. عيسى:مها شنو تتمنين تصيرين؟ مها:دكتورة.. عيسى:توقعين بخليج؟ مها(استغربت):ليش انت بتمنعني؟ عيسى:لا مااقصد..بس ليش طب؟ مها:امنية امي وابوي..وبعدين مجموعي يدخل.. عيسى:ياحظي فيج تدورين على رضا امج وابوج.. في بيت ام سعد... بومحمد:يالله يبه اميرة مشينا.. اميرة:يالله..ام سعد لردت سلوى البيت خليها تكلمني.. ام سعد:ان شاء الله.. يرن تليفون البيت..يرد عبدالرحمن... عبدالرحمن:هلا وعليكم السلام..اي نعم هذا بيت ام سعد.. الكل يلتفت لعبدالرحمن.. عبدالرحمن:انا ولدها..من بغيت؟سعد..اي لحظة شوي..سعد في واحد يبيك.. سعد:منو؟ عبدالرحمن:مااعرف.. سعد:السلام عليكم. سلطان:وعليكم السلام..حضرتك سعد.. سعد:اي نعم من معاي؟ سلطان:انا سلطان جار عادل ولد خالتك.. سعد:ياهلا اخ سلطان.. سلطان:بصراحة يااخ سعد ام عادل تعبانة شوي وخذناها المستشفى..واتصل في عادل تليفونه مغلق.. سعد:خالتي اشفيها؟؟ سلطان:بصراحة هي تعبانة واتمنى انكم تييون بسرعة المستشفى.. سعد:يالله دقايق..مشكور اخ سلطان..ماقصرت مع السلامة.. ام سعد(بخوف):سعد اشفيها خالتك؟ سعد(ينزل راسه وعقب يرفعه):خالتي تعبانة..وهي في المستشفى.. بومحمد:بنتي في المستشفى؟؟!!! على البحر.... مها:عيسى صج سمعت انك تبي تسافر تركيا مع ربعك؟ عيسى:وانت منو قالج؟ مها:سلوى قالت لي.. عيسى:وايش قالت لج بعد عني..(يرن تليفونه)..هذا حزته..آلو..هلا سعد..احنا عند البحر..اي احنا مع بعض..ماادري ليش؟..صج؟!!!(يفتح عينه)من متى هالحجي؟؟...خلاص خلاص الحين جايين.. مها:ايش صاير؟ عند عادل وسلوى.... عادل:ياريت تمر الايام بسرعة علشان نسافر لبعيد ونتم بروحنا بروحنا.. سلوى:ان شاء الله تمر الايام بسرعة.. عيسى يي وشكله حزين.... عيسى:عادل يالله نمشي.. عادل:بدري.. عيسى:لامعليه خلنا نمشي.. عادل:عيسى اشفيك..ليكون متزاعلين؟ سلوى:صج مها متزاعلين؟؟ مها:لا.. عادل:عيل اشفيكم؟؟شكلكم مو طبيعي.. عيسى:عادل..خالتي تعبانة شوي ودوها المستشفى.. عادل:أمي!! عيسى:اي نعم.. عادل:عيسى اشفيها امي؟؟ عيسى:مااعرف لازم نروح المستشفى بسرعة.. عادل تخرع وركض بسرعة للسيارة..وهو خايف على امه.. في المستشفى..الكل برع ينتظر طلعة الدكتور..وكل واحد فيهم قاعد على اعصابه..اول مايطلع الدكتور عادل يوصل مع عيسى ومها وسلوى.. عادل:دكتور طمني.. الدكتور:ولدها؟ عادل:اي نعم.. الدكتور:هي تعبانة شوي..والحين هي في العناية.. عادل:دكتور شالسالفة؟؟ الدكتور:تفضل معاي.. الدكتور ماقدر يتكلم يوم شاف الجو برع متوتر والكل دموعه بعيونه خايفين..فخذاه على جنب.. عادل:دكتور انت ايش قاعد تقول؟؟!!! الدكتور:ارضى بالمكتوب يااخ عادل.. عادل(مندهش من كلام الدكتور):يعني خلاص؟؟؟؟؟؟ الدكتور:الاعمار بيد الله..انا قلت لك القلب خلاص ماعاد يتحمل خلكم حولينها..لاتتركونها.. عادل:نقدر نشوفها؟ الدكتور:بس شخص واحد..لأن حالتها ماتتحمل.. عادل:حاضر.. عادل متفاجأ من كلام الدكتور وده يبجي يصارخ..يمه لاتموتين..الكل ألتم حول عادل.. بومحمد:عادل يبه طمني الدكتور ايش قالك؟ عادل(قعد على الكرسي وهو تعبان):الحمدلله.. ام سعد:شنو الحمدلله..شكلك بقول غير جذي.. بومحمد:تحجى ياعادل مافيني اتحمل.. عادل:ادعوا لها..(ونزلت دمعه من عينه) بس شافوا دمعته عرفوا السالفة كلها..وقعدوا يبجون..سلوى تروح عند عادل..وتواسيه وعقب..يرن تليفونه..ترد سلوى... سلوى:السلام عليكم.. موزة:وعليكم السلام..هلا سلوى..هلا بالعروس..شخبارج؟ سلوى(بحزن):بخير.. موزة:وينه عادل عن تليفونه؟ سلوى:عادل عندي.. موزة:عطيني اياه.. سلوى(تأشر على عادل انا موزة تبيه يأشر لها انه مايقدر يكلمها):موزة عادل شوي مشغول.. موزة:ماراح اعطلكم بس خمس دقايق بس ابيه بشغله..ابي أسأله عني امي.. سلوى(ماقدرت تقول شي حق موزة فعطت التليفون حق عادل):خذ.. عادل:هلا موزة.. موزة:هلا بالمعرس.. عادل(معرس!!!):خير.. موزة:عادل بغيت أسألك عن امي..اتصل البيت محد يرد حتى الخدامة ماترد.. عادل:موزة..موزة.....(يسكت) موزة:عادل اشفيك؟؟..ليكون صاير شي بينك وبين سلوى؟؟ عادل:احنا بخير.. موزة:أجل اشفيكم؟؟ عادل:عطيني ريلج.. موزة:حاجني انا شالي صاير صوتك موعاجبني.. عادل(يعصب):موزة عطيني ريلج.. موزة:زين.. عقب ماعطت السماعة حق ريلها.. عبدالعزيز:هلا عادل.. وقعد عادل يشرح السالفة ومافيها حق عبدالعزيز..وعقب ماسكر التليفون.. موزة(متخرعة):عبدالعزيز عادل ايش قالك؟ عبدالعزيز:قومي لبسي.. موزة:ليش؟ عبدالعزيز:امج شوي تعبانة وودوها المستشفى.. موزة(بخوف شديد):امي!!! في المستشفى......... سعد:عيسى خذ خطيبتك وخواتك ودهم البيت.. عيسى:ان شاء الله.. سعد:وخذ امي ويدي وياك.. بومحمد:انا ماني متحرك من مكاني.. ام سعد:ونا راح اظل لين ماتقوم اختي.. سعد:خلاص انت خذ خطيبتك وخواتك واميرة وردهم البيت.. سلوى:معليه سعد انا بظل هني.. عيسى:يالله مع السلامة.. سلوى تروح تشتري ماي وعصير وتييب لهم..محد قادر يشرب شي سلوى تروح تقعد عند عادل.. سلوى:عادل قوم توضى وصل لك ركعتين وادعي لها.. عادل:ريلي ماتشيلني ياسلوى.. سلوى:قول يالله وربي بيساعدك.. عادل راح يتوضى ويصلي..بومحمد قاعد يقرأ قرآن..وام سعد قاعدة على اعصابها..وسعد هم قاعد..موزة توصل مع ريلها وهي تبجي.. موزة:وين امي؟؟ سلوى:بالعناية.. موزة(يزيد عليها البجي):يمه.. ام سعد(تقوم وتروح تحضنها):بس ياموزة امج ان شاء الله بتكون بخير.. موزة:خالتي هذي امي مالي غيرها بالدنيا.. ام سعد:ان شاء الله تقوم لكم بالسلامة.. موزة:اشلون وهي في العناية.. بومحمد:ذكري الله يايبه.. موزة:ونعم بالله.. ام سعد تمسح على راسها وتقعدها..وعقب ماهدت.... موزة:وين عادل؟ ام سعد:راح يصلي.. عادل يي..موزة تقوم وتروح له... موزة:عادل..(وتقعد تبجي) عادل(يحضنها ويمسح دموعها):ادعي لها بدل لتبجين.. الدكتور يدخل لعند ام عادل..وعقب مايطلع..الكل تجمع عنده.. بومحمد:طمني ياولدي.. الدكتور:هي قامت..(الكل استانس)..بس... عادل:بس شنو يادكتور؟؟ [بنت الخليلي-عاشقة قطر] | ||||
|
| |
|
09-01-15, 11:53 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اضطرت تنزل علشان سعد جى مابغت يعرف ان اكو شي بينهم .. سلوى:السلام عليكم.. عادل:وعليكم السلام..كل هاي علشان تنزلين.. سلوى:يمكن كنت مشغول او قاعد تقرا قرآن.. عادل:تطنزين حضرتج؟ سلوى:لاأبد..انا اطنز.. عادل:انت اشفيج؟ سلوى:أبد مافيني الا العافية..نعم قلت تبيني في موضوع خير؟ عادل:ليش مانحدد يوم العرس؟ سلوى:ليش مانحدد يوم العرس؟..ومن اللي قال اني ابي احدد يوم العرس.. عادل:شيتقولين؟ماني فاهم؟ سلوى(بكل قوتها وجرأتها):اسمع ياعادل أبي اقولك شي وياريت تفهم اللي ابي اقوله..(بكل جدية)..أنا ابي افصخ الخطبة.. عادل:نعم!!!!!!!!!!..ايش تفضلتي؟ سلوى(بخوف):اللي سمتعه.. عادل:لا أنا ماسمعت..أنا اقاعد احاجي سلوى ولا وحده غيرها.. سلوى:ياعادل في شي صار بحياتنا مااعتقد هذا الشي يخلينا نكمل طريقنا.. عادل:وشنو هذا اللي صار بحياتنا؟؟َ!! سلوى:ابتاعدك عني واهمالك لي..انت تصدق ان صار لنا شهر ماشفنا بعض وكلها اسباب غير مقنعة وين كلمات الحب والغزل وين؟؟انت مب عادل اللي اعرفه وين عادل اللي يحب ويضحك ويعطي وكل الناس حولينه..لكن الحين انا قاعدة اشوف عادل ثاني معليه انا مستانسة انك صرت مدين ومطوع وكل شي بس في حدود انت اهملتني وهذا مايرضي ربي..احنا صار لنا مخطوبين حق بعض من 3 سنوات صار لنا مالجين سنة..يعني المفروض نكون متزوجين مو مالجين..اعتقد ان اكو عائق بحياتنا وانا فكرت وايد وخلاص قررت(افصخت الخاتم) تفضل..عن اذنك.. عادل:سلوى..انت من صجج؟؟ سعد يطلع من البيت ويشوفهم بهالمنظر.. سلوى:خلاص اللي بينا انتهى.. عادل:انت ايش قاعدة تقولين انت عارفة باللي قاعدة تقولينه؟ سلوى:عز المعرفة.. عادل:ماانت بصاحية..تهدمين 4 سنوات بلحظة غضب.. سلوى:مب انا اللي نسيت توك ياي تقولي سلوى خلنا نحدد يوم العرس وينك قبل خمس شهور وين؟؟؟(تبجي وتروح) سعد يستغرب من تصرفاتهم..يروح عند عادل.. عادل(معصب):عن اذنك سعد.. سعد يدخل البيت مرة ثانية.. ام سعد:ايش صاير؟؟ سعد:سلوى افصخت الخطبة.. ام سعد(تخرعت):انت ايش قاعد تقول.وين رايح؟ سعد يروح عند سلوى تفتح الباب.. سعد:ممكن افهم شالي صار؟ ام سعد:سلووا شالي سويتيه؟؟ سعد:يمه معليه تخلينا بروحنا.. ام سعد:بشوف أخرتها معاها.. سعد:سلوى ممكن افهم شالي صار؟ سلوى:ماصار شي مااحنا اول مخطوبين ننفصل.. سعد:اي صح كلامج بس اعتقد ان اكو سبب.. سلوى:ماعاد بينا تفاهم خلاص.. سعد:ياسلام يعني اذا مافي تفاهم خلاص نهدم حياتنا .. سلوى:سعد رجاءاً.. سعد(عصب):انت اللي رجاءاً سمعي انا ماني طالع من عندج لين مااعرف السالفة كلها وبالتفصيل.. سلوى:انا بقولك كل شي وانت احكم واعرف الحق مع منو؟..من وقت ماسافر العمرة وهو متغير علي..ماهو عادل اللي اعرفه..كل ماتصل فيه يقولي في المسجد قاعد أقرا قرآن عندي محاضرة في المسجد..أنا استانس انه صار مدين بس مهب لهالدرجة انه ينساني ولايفكر انه يتصل..تخيل صار لنا شهر ماشفنا بعض قبل خمس شهور جيتنا وقلت لنا اختاروا يوم العرس..ماجى عندي الا اليوم يقولي يالله خلنا نختار اليوم..انا مخطوبة حق منو مو حق ولد خالتي..ليش هذا التأخير؟..عادل مهملني بشكل غير طبيعي..وانا فكرت وايد خلاص قررت ابي انفصل.. سعد:يمكن الريال عنده ظروف علشان جذي تأخر.. سلوى:حتى بُعده عني ظروف!!..خلاص ماعاد ابيه.. سعد:وين حبج له..مب انت كنتي تبينه؟ سلوى:كل شي نصيب ياسعد.. سعد:يعني هذا قرارج الاخير؟ سلوى(تسكر عينه وتهز راسه بمعنى نعم) سعد:خلاص انا رايح ابلغهم.. سعد طلع من الغرفة وسلوى قطت نفسها على السرير وهي تبجي بحرارة..سعد راح بيت خالته... ام عادل:هلا يمه سعد حياك.. سعد(وهو يقعد):اشلونج خالتي؟ ام عادل:بخير الله يسلمك.. سعد:وين عادل؟ ام عادل:فوق في داره من شوي رد من برع وماادري اشفيه مهب عاجبني.. سعد:أنا الحين بروح له وبشوفه..عن اذنج.. في غرفة عادل.... سعد:منو الغلطان؟ عادل:والله ادري اني الغلطان بس.... سعد:هي فعلا متضايقة..مب بسهولة تغير رايها.. عادل:والحل؟ سعد:تفاهموا لكن لاتهدمون حياتكم بسهولة.. في بيت ام سعد... ام سعد:تدرين لو خالتج درت ايش بيصير فيها؟ سلوى(ودموعها نازلة):وانا مب هم عندكم مشاعري انا وين راحت؟؟ ام سعد(لان قلبها):يمه هدي بالج شوي وتفاهمي معاه.. سلوى:خلاص ماعاد في بينا تفاهم.. رحمة:سلوى انت مب ياهل انتوا كنتوا تحبون بعض.. شيخة:شالي غير رايج بس علشان تغير؟! سلوى:محد فيكم يعرف عادل قدي ومحد يعرف اشلون تغير قدي..رجاءاً لاتضغطون علي خلوني على راحتي.. سعد يدخل البيت... سعد:روحي دارج..خلوها تفكر على راحتها المسألة محتاجة وقت.. في بيت ام عادل... موزة:والحل؟؟ عادل:ماني عارف ياموزة انا متضايق.. موزة:انزين تبيني اكلمها؟ عادل:ياريت لو انا اللي اكلمها.. موزة:انزين اتصل فيها.. عادل:ليش هي ترد؟ولاتبي تسمع صوتي.. ومرت الايام بجفاء عجيب الكل متوتر ومحد يعرف ايش ممكن يصير..هل فعلا راح يتركون بعض؟؟!!!! برع في الكوفي شوب.... عادل:ولي سلمك ياعيسى كلمها قولها شي.. عيسى:كلمناها وايد..معنده معنده ياعادل.. عادل:بس انا ابيها ولايمكن اتخلى عنها..او اني انساها.. عيسى:انت كلمها وقولها هالحجي.. عادل:انت ايش قاعد تقول هي ماترد على مكالماتي ولاتبي تشوفني.. عيسى:انزين انا بكلمها مرة ثانية وبشوف شيصير.. في غرفة سلوى.... سلوى:يعني ايش بيصير؟ عيسى:خالتي.. سلوى:خالتي مريضة اعرف بس انا شنو؟ عيسى:انزين عطيه فرصة يقولج اللي يبيه أنت نسيتي الحب نسيتي عادل اللي كنت تحدين الدنيا علشان تتزوجينه بسرعة شالي غير رايج؟؟؟ سلوى:وانتوا ليش كلكم تحطن الغلط علي ليش ماتحاجونه هو ليش انا حرام عليكم..حرام عليكم(تنزل راسها وتنزل دموعها) عيسى:يعني خلاص ماتبينه..بتقولين حق الحب بلا عودة؟ سلوى:.............. عيسى:على راحتج..اللي علي سويته.. عادل يطرش لها مسج.... أرجوج ياسلوى عطيني فرصة أخيرة علشان اوضح لج شي.. سلوى طرشت له مسج.. أنتظرك بعد ساعة في الحديقة.. عادل ماصدق على طول راح يبدل هدومه ونزل تحت..شافته امه وموزة.. ام عادل:وين رايح يمه؟ عادل:اليوم بعرف ان انا حق سلوى وسلوى لي.. موزة:اشلون؟ عادل:بروح اشوفها.. ام عادل:وافقت تشوفك؟ عادل:اي يمه ادعيلي.. ام عادل:طول يومي ادعيلك..يمه موزة قومي خلنا نلبس وخلنا نروح جميع.. الكل راح بيت ام سعد..ام عادل وموزة دخلوا داخل وعادل ظل برع شاف سلوى قاعدة تمشى بين الشجر.. عادل:السلام عليكم.. سلوى(من غير ماتشوفه):وعليكم السلام.. عادل:عطيني فرصة أخيرة أثبت لج اني ماتغيرت عليج أرجوج ياسلوى لاتضيعين 4 سنوات في لحظة غضب.. سلوى:واللي صار بينا؟ عادل:انسيه خطأ يصير بين كل اثنين مالجين.. سلوى:تتوقع هذا الشي ينسي؟؟ عادل:انا احبج ولايمكن اتخلى عنج او انساج يوم..وانت عارفة هالشي وين الحب اللي كان بينا..وين كلمات الغزل والاشعار وينهم؟؟معقولة هذا كله راح وانتهى بالنسبة لج..نستي يوم رحنا الشاليهات وقعدنا نركض على البحر واحنا نضحك..نسيتي يوم سافرنا كلنا ماليزيا ورحنا ذاك الجبل اللي كنت خايفة انج تركبينه ويوم شفتيني ركبته ركبتي..(سلوى ادمعت عينها وهي تسمع عادل)..نسيتي يوم عصب عليج سعد علشان ماجبتي علامة زينة بالرياضيات وجيتني علشان اشرح لج..ونسيتي يوم طحت من على النخلة قعدتي تبجين ورحتي ناديتي البيت كله علشان يسعفوني..وغيرها من المواقف اللي كانت بينا..شكلج تبين تنسين كل الذكريات اللي تربطنا بعض..لكن انا ماراح انسى..تعرفين ليش؟؟لأنها خلاص انحفرت في قلبي..والشي اللي ينحفر لايمكن يمحي..سكوتج دليل واضح..أنا آسف خذت وقتج..مع السلامة.. سلوى(قعدت تفكر بكل الذكريات اللي قالها عادل..يعني خلاص بنفترق للأبد بس أنا احبه):عادل.. عادل(وقف وقلبه وقف):وافقتي؟؟ سلوى:على شرط.. عادل:مااتخلى عنج ايش ماصار.. سلوى (تعطيه وجها وتبتسم له من قلبها ودمعتها على خدها وعادل يقرب منها ويمسح دمعتها ويمسك يدها ويمشون)الكل قاعد في الصالة وهو ينتظر النتيجة..الباب ينفتح والكل وقف..ودخلوا عادل وسلوى وهم ماسكين يد بعض..الكل لاحظ ان النتيجة ايجابية..أميرة تيبب.. أميرة:ألف الصلاة والسلام عليك ياحبيب الله محمد..(والكل يبب) ام عادل:بالمبارك..أن شاء الله دوم مستانسين.. اميرة:صافيه لبن.. عبدالرحمن:لاصافي دانون.. سلوى:هي هي.. عادل:لاياعيوني صافية عسل..ياعسل.. ام سعد:لك الحمد والشكر..يارب.. عادل(يطلع من مخباته الخاتم اللي فصخته سلوى ومسك يدها ولبسها) الكل يبب.. موزة:متى العرس؟ عادل(يشوف سلوى):ان شاء الله عقب شهرين.. أميرة:وايد.. سلوى:مايمديني اتزهب.. رحمة:ألف الف مبروك تستاهلين سلوى.. سلوى:مشكورة.. ومع مرور الايام.... عادل وهو في السيارة يتصل في سلوى.... عادل:يالله سلوى كل هاي تتزهبين؟ سلوى:زين زين الحين جاية..باي.. وهي تنزل... أم سعد:مو طولون.. سلوى:ان شاء الله.. أميرة:والله في خاطري اروح وياهم.. سلوى:انزين تعالي..ماكو حد غريب..كلها انا وعادل وعيسى ومها.. اميرة:لا ياعيوني كل واحد فيكم قاعد مع خطيبته انا اجابل منو؟ ام سعد:الله يرزقج مثل مارزقهم.. سلوى:انا تأخرت مع السلامة.. اميرة:عاد انا خلاص راحت علي.. ام سعد:استحي على ويهج توج صغيرة عمرج 20 سنة.. اميرة:اتغشمر ..الا وين بناتج اختي؟ في بيت ام عادل.... ام سلطان:ايش حال عيالج ياام عادل؟ ام عادل:بخير الله يسلمج..هذا عادل قرب زواجه.. ام سلطان:ومتى ان شاء الله؟ ام عادل:عقب اسبوعين ان شاء الله.. ام سلطان:بالبركة..الله يسعدهم الا ماقلتي لي اشلون صحتج؟ ام عادل:شقول والله ياام سلطان شاشكي بالحال.. ام سلطان:عسى ماشر..اشفيج؟ ام عادل:والله قلبي ذابحني..واخذ هالادوية ومامنها فايدة.. ام سلطان:روحي المستشفى.. ام عادل:ماابي اخرب وناسة عادل..خله لاهي مع خطيبته لتزوج عقب يصير خير.. ام سلطان:بس هذي صحتج ياام عادل والصحة ماتتعوض.. ام عادل:أدري بس هم سعادة ولدي ماتتعوض..انا ماصدقت انه خطب واتفقوا على موعد العرس.. في المطعم...سلوى وعادل قاعدين يتعشون مع بعض وعيسى ومها قاعدين مع بعض يتعشون... مها:عيسى هدّ يدي..عيب جدام الناس.. عيسى:كصي على عمرج..الستاير مسكرة من بيشوفنا الا قولي مستحية.. مها:تليفوني يرن..هدّ يدي.. عيسى:مااسمع.. مها(قصت عليه):عيسى خلنا نتعشى.. عيسى:انا لو ادري متى تنفك عندج مشكلة الخجل زين.. عند الحبايب..... عادل:ياويل قلبي لو تناساك لحظة..الموت افضل من حياته بلياك..حكمت قلبي وانت مقياس نبضه وادخلتني من عالم الحب دنياك..طيفك يسهر الليل ومضه والفكر لو يختل مااظن ينساك.. سلوى:أحبك ياأغلا من سكن داخل الروح..يامن هوى روحي تشابك بروحه ويامن بنى له فاالحشا عرش وصروح ويامن تربع وسط روحي بروحه.. عند العصافير... عيسى:مها متى الزواج؟ مها:مااعرف.. عيسى:اشلون ماتعرفين.مو لازم نحدد متى بنعرس؟ مها:لسه بدري.. عيسى:اشلون بدري وانا كبرت.. مها:توك شباب وانت وين والكبر وين.. عيسى:فديت هاللسان اللي ينطق هالكلام..(مها نزلت راسها استحت)..ياريتني لو ماقلت شي.. مها:ليش؟ عيسى:بس اتحجى تنزلين راسج.. مها(تبتسم) عيسى:ماني قايل شي.. في بيت ام سعد.... بومحمد:اشلون اختج ام عادل؟ ام سعد:بخير يبه..ليش هي ماتزورك؟ بومحمد:صار لها اسبوع مابينت.. ام سعد:غريبة بالعادة تزوك كل يومين.. بومحمد:ماادري عنها انت متى آخر مرة شفتيها؟؟ ام سعد:قبل عشرة ايام..لكن بينا اتصال ودوم أسأل عنها عند عادل.. بومحمد:ليكون تعبانة وماتحجى هذي بنتي واعرفها.. ام سعد:لامااعتقد يمكن مشغولة بشغلة لاتحاتي انا بكرة العصر بروح لها.. سعد يدخل ويسلم على يده وامه.. سعد:اشلونك يدي؟ بومحمد:بخير ياولدي..انت شخبارك وشخبار زوجتك وعيالك؟ سعد:بخير..وين اميرة؟ بومحمد:ماادري عنها وين راحت ياام سعد؟ ام سعد:عند التلفزيون.. سعد:ماتبي ادخلها الجامعة؟ بومحمد:بلا على هالسنة ان شاء الله.. في بيت ام عادل..تكون ام عادل تعبانة وتحس بألم في القلب..ومايكون عندها حد فتحس عليها الخدامة... الخدامة:شنو في ماما؟؟ ام عادل(بألم):اتصلي في ام سلطان..بسرعة..(وتمسك قلبها) الخدامة:ان شاء الله ماما.. تتصل بسرعة وهي خايفة على ام عادل.. ام سلطان:اشفيج ياسالي..تحجين بسرعة شوي شوي.. الخدامة:ماما واجد تعبان تعال بسرعة.. ام سلطان:تعبان اشفيها؟؟......خلاص انا الحين جاية.. تلبس عباتها وتروح بيت ام عادل..ام عادل تطيح على الارض والخدامة تصرخ تسمع صوت الجرس تروح تركض تفتح الباب وتخبر ام سلطان وهي تبجي..ام سلطان تتصل في ولدها سلطان ويتصلون بالاسعاف وياخذونها المستشفى.. اما العشاق قاعدين عند البحر... عيسى:تدرين مها وايش كثر الحياة حلوة.. مها:اكيد الحياة حلوة.. عيسى:مها شنو تتمنين تصيرين؟ مها:دكتورة.. عيسى:توقعين بخليج؟ مها(استغربت):ليش انت بتمنعني؟ عيسى:لا مااقصد..بس ليش طب؟ مها:امنية امي وابوي..وبعدين مجموعي يدخل.. عيسى:ياحظي فيج تدورين على رضا امج وابوج.. في بيت ام سعد... بومحمد:يالله يبه اميرة مشينا.. اميرة:يالله..ام سعد لردت سلوى البيت خليها تكلمني.. ام سعد:ان شاء الله.. يرن تليفون البيت..يرد عبدالرحمن... عبدالرحمن:هلا وعليكم السلام..اي نعم هذا بيت ام سعد.. الكل يلتفت لعبدالرحمن.. عبدالرحمن:انا ولدها..من بغيت؟سعد..اي لحظة شوي..سعد في واحد يبيك.. سعد:منو؟ عبدالرحمن:مااعرف.. سعد:السلام عليكم. سلطان:وعليكم السلام..حضرتك سعد.. سعد:اي نعم من معاي؟ سلطان:انا سلطان جار عادل ولد خالتك.. سعد:ياهلا اخ سلطان.. سلطان:بصراحة يااخ سعد ام عادل تعبانة شوي وخذناها المستشفى..واتصل في عادل تليفونه مغلق.. سعد:خالتي اشفيها؟؟ سلطان:بصراحة هي تعبانة واتمنى انكم تييون بسرعة المستشفى.. سعد:يالله دقايق..مشكور اخ سلطان..ماقصرت مع السلامة.. ام سعد(بخوف):سعد اشفيها خالتك؟ سعد(ينزل راسه وعقب يرفعه):خالتي تعبانة..وهي في المستشفى.. بومحمد:بنتي في المستشفى؟؟!!! على البحر.... مها:عيسى صج سمعت انك تبي تسافر تركيا مع ربعك؟ عيسى:وانت منو قالج؟ مها:سلوى قالت لي.. عيسى:وايش قالت لج بعد عني..(يرن تليفونه)..هذا حزته..آلو..هلا سعد..احنا عند البحر..اي احنا مع بعض..ماادري ليش؟..صج؟!!!(يفتح عينه)من متى هالحجي؟؟...خلاص خلاص الحين جايين.. مها:ايش صاير؟ عند عادل وسلوى.... عادل:ياريت تمر الايام بسرعة علشان نسافر لبعيد ونتم بروحنا بروحنا.. سلوى:ان شاء الله تمر الايام بسرعة.. عيسى يي وشكله حزين.... عيسى:عادل يالله نمشي.. عادل:بدري.. عيسى:لامعليه خلنا نمشي.. عادل:عيسى اشفيك..ليكون متزاعلين؟ سلوى:صج مها متزاعلين؟؟ مها:لا.. عادل:عيل اشفيكم؟؟شكلكم مو طبيعي.. عيسى:عادل..خالتي تعبانة شوي ودوها المستشفى.. عادل:أمي!! عيسى:اي نعم.. عادل:عيسى اشفيها امي؟؟ عيسى:مااعرف لازم نروح المستشفى بسرعة.. عادل تخرع وركض بسرعة للسيارة..وهو خايف على امه.. في المستشفى..الكل برع ينتظر طلعة الدكتور..وكل واحد فيهم قاعد على اعصابه..اول مايطلع الدكتور عادل يوصل مع عيسى ومها وسلوى.. عادل:دكتور طمني.. الدكتور:ولدها؟ عادل:اي نعم.. الدكتور:هي تعبانة شوي..والحين هي في العناية.. عادل:دكتور شالسالفة؟؟ الدكتور:تفضل معاي.. الدكتور ماقدر يتكلم يوم شاف الجو برع متوتر والكل دموعه بعيونه خايفين..فخذاه على جنب.. عادل:دكتور انت ايش قاعد تقول؟؟!!! الدكتور:ارضى بالمكتوب يااخ عادل.. عادل(مندهش من كلام الدكتور):يعني خلاص؟؟؟؟؟؟ الدكتور:الاعمار بيد الله..انا قلت لك القلب خلاص ماعاد يتحمل خلكم حولينها..لاتتركونها.. عادل:نقدر نشوفها؟ الدكتور:بس شخص واحد..لأن حالتها ماتتحمل.. عادل:حاضر.. عادل متفاجأ من كلام الدكتور وده يبجي يصارخ..يمه لاتموتين..الكل ألتم حول عادل.. بومحمد:عادل يبه طمني الدكتور ايش قالك؟ عادل(قعد على الكرسي وهو تعبان):الحمدلله.. ام سعد:شنو الحمدلله..شكلك بقول غير جذي.. بومحمد:تحجى ياعادل مافيني اتحمل.. عادل:ادعوا لها..(ونزلت دمعه من عينه) بس شافوا دمعته عرفوا السالفة كلها..وقعدوا يبجون..سلوى تروح عند عادل..وتواسيه وعقب..يرن تليفونه..ترد سلوى... سلوى:السلام عليكم.. موزة:وعليكم السلام..هلا سلوى..هلا بالعروس..شخبارج؟ سلوى(بحزن):بخير.. موزة:وينه عادل عن تليفونه؟ سلوى:عادل عندي.. موزة:عطيني اياه.. سلوى(تأشر على عادل انا موزة تبيه يأشر لها انه مايقدر يكلمها):موزة عادل شوي مشغول.. موزة:ماراح اعطلكم بس خمس دقايق بس ابيه بشغله..ابي أسأله عني امي.. سلوى(ماقدرت تقول شي حق موزة فعطت التليفون حق عادل):خذ.. عادل:هلا موزة.. موزة:هلا بالمعرس.. عادل(معرس!!!):خير.. موزة:عادل بغيت أسألك عن امي..اتصل البيت محد يرد حتى الخدامة ماترد.. عادل:موزة..موزة.....(يسكت) موزة:عادل اشفيك؟؟..ليكون صاير شي بينك وبين سلوى؟؟ عادل:احنا بخير.. موزة:أجل اشفيكم؟؟ عادل:عطيني ريلج.. موزة:حاجني انا شالي صاير صوتك موعاجبني.. عادل(يعصب):موزة عطيني ريلج.. موزة:زين.. عقب ماعطت السماعة حق ريلها.. عبدالعزيز:هلا عادل.. وقعد عادل يشرح السالفة ومافيها حق عبدالعزيز..وعقب ماسكر التليفون.. موزة(متخرعة):عبدالعزيز عادل ايش قالك؟ عبدالعزيز:قومي لبسي.. موزة:ليش؟ عبدالعزيز:امج شوي تعبانة وودوها المستشفى.. موزة(بخوف شديد):امي!!! في المستشفى......... سعد:عيسى خذ خطيبتك وخواتك ودهم البيت.. عيسى:ان شاء الله.. سعد:وخذ امي ويدي وياك.. بومحمد:انا ماني متحرك من مكاني.. ام سعد:ونا راح اظل لين ماتقوم اختي.. سعد:خلاص انت خذ خطيبتك وخواتك واميرة وردهم البيت.. سلوى:معليه سعد انا بظل هني.. عيسى:يالله مع السلامة.. سلوى تروح تشتري ماي وعصير وتييب لهم..محد قادر يشرب شي سلوى تروح تقعد عند عادل.. سلوى:عادل قوم توضى وصل لك ركعتين وادعي لها.. عادل:ريلي ماتشيلني ياسلوى.. سلوى:قول يالله وربي بيساعدك.. عادل راح يتوضى ويصلي..بومحمد قاعد يقرأ قرآن..وام سعد قاعدة على اعصابها..وسعد هم قاعد..موزة توصل مع ريلها وهي تبجي.. موزة:وين امي؟؟ سلوى:بالعناية.. موزة(يزيد عليها البجي):يمه.. ام سعد(تقوم وتروح تحضنها):بس ياموزة امج ان شاء الله بتكون بخير.. موزة:خالتي هذي امي مالي غيرها بالدنيا.. ام سعد:ان شاء الله تقوم لكم بالسلامة.. موزة:اشلون وهي في العناية.. بومحمد:ذكري الله يايبه.. موزة:ونعم بالله.. ام سعد تمسح على راسها وتقعدها..وعقب ماهدت.... موزة:وين عادل؟ ام سعد:راح يصلي.. عادل يي..موزة تقوم وتروح له... موزة:عادل..(وتقعد تبجي) عادل(يحضنها ويمسح دموعها):ادعي لها بدل لتبجين.. الدكتور يدخل لعند ام عادل..وعقب مايطلع..الكل تجمع عنده.. بومحمد:طمني ياولدي.. الدكتور:هي قامت..(الكل استانس)..بس... عادل:بس شنو يادكتور؟؟ [بنت الخليلي-عاشقة قطر] | ||||
|
| |
|
09-01-15, 11:55 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الدكتور:هي قاعدة تحتضر وتبي تشوفكم.. ام وسعد وموزة وسلوى قعدوا يبجون..وبومحمد نزلت دموعه..وعادل مذهول من الكلام..وماهو مصدق..وسعد مسك بومحمد.. الدكتور:رجاءاً ماابيكم تبجون عندها ودخلوا عليها بهدوء.. عادل:ادخل يدي انت بالاول.. بومحمد مسح دمعته ودخل عقب ماطلع نزلت دمعته على حال بنته..تذكر زوجته يوم توفت..وعقب دخلت أم سعد.. داخل.... ام عادل:أختي ام سعد..ماوصيج تزوجين عادل وسلوى..وموزة بنتي ديري بالج عليها.. ام سعد:خل عنج هالكلام..عيالج هم عيالي..وعادل وسلوى بيتزوجون وانت بتكونين بينهم.. عقب ماتطلع ام سعد وهي تبجي وتقط نفسها في حضن ابوها..تدخل موزة وهي خايفة ودموعها بعيونها.. موزة:يمه.. ام عادل:هلا بنيتي.. برع..... بومحمد:بس يايبه خلاص..قطعتي قلبي.. سعد:يمه خلاص لاتسوين في عمرج جذي.. ام سعد:غصب عني يايمه..هذي اختي.. موزة تطلع وهي تبجي من حر قلبها..فيدخل عادل ومعاه سلوى.. ام عادل:اوعدني ياعادل انك ماتتخلى عن سلوى وتحطها بعيونك.. عادل(في وده يبجي بس تمالك نفسه) :سلوى بعيوني وان شاء الله بتكونين في العرس وبتوصلينا لين غرفتنا..ام عادل:انا خلاص يايمه شكلي بألحق بأبوك لاتنسى أختك تراها مالها غيرك.. عادل:يمه فكري بحالج..ماعليج منا.. ام عادل:خلوني انام.. الممرضة:لو سمحتوا ممكن تطلعون.. سلوى ميته من الصياح وعادل دموعه على خده..عقب ربع ساعة يطلع الدكتور.. الدكتور:البقى براسكم.. عادل:ماتت!!!!!!!!!  موزة(تطيح بحضن ريلها):يمـــــــــــــــــ ـــه. .(وتبجي)والكل قاعد يبجي..محد قدر يمنع نفسه من البجي..هذي ام عادل الانسانة الطيبة اللي تحملت وايد بحياتها وربت عيالها وهي بعمر صغير من عقب ماتوفى ريلها بحادث طريق..إنا لله وانا اليه راجعون.. في بيت ام سعد عز الحريم..وبيت بومحمد عز الرياييل.. في بيت أم سعد وفي غرفة سلوى..قاعده سلوى مع اميرة ومها..اميرة كانت تبجي ومها تواسيها .. مها:خلاص اميرة يكفي ادعي لها.. سلوى(تتصل في عادل):هلا عادل..اشلونك؟ عادل:بخير.. سلوى:عادل لخلصت تعال عندنا.. عادل:ان شاء الله.. سلوى:دير بالك على نفسك.. عادل:ان شاء الله.. سلوى:مع السلامة.. عقب ماالناس راحوا..راحت ام سلطان تقعد عند موزة وتهدي بالها.. موزة:الله يرحمج يايمه.. ام سلطان:دوم ادعيلها ياموزة انت وعادل.. موزة:ومن يقدر ينسى ام عادل ياام سلطان.. ام سلطان:يالله عن اذنكم.. ام سعد:ماقصرتي ياام سلطان اذناكم معانا في المستشفى.. ام سلطان:ايش هالحجي ياام سعد ام عادل الله يرحمها كانت مثل اختي يالله مع السلامة.. الرياييل يدخلون..والبنات ينزلون.... سعد:مها ابوج برع ينتظرج.. مها:ان شاء الله..يالله مع السلامة..اشوفكم بكرة الصبح.. ام سعد:مع السلامة يايبنيتي.. عبدالرحمن:سلوى روحي الحديقة عادل يبيج.. سلوى:ان شاء الله.. راحت ومعاها عصير برتقال..شافته منزل راسه.. سلوى:يعطيك العافية.. عادل(رفع راسه وشكله مرة مهموم وتعبان حيل):الله يعافيج.. سلوى:اشرب هالعصير..أنت محتاج شي يقويك.. عادل:والله مااشتهي.. سلوى:علشان خاطري..اليوم آخر يوم للعزاء وانت تعبت وايد ومحتاج شوية فيتامينات.. عادل:حاضر..ألحين بشرب..(وهو يشرب) سلوى:عادل ايش رايك نأجل العرس؟ عادل:هذا اللي كنت ابي اقولج اياه..خلينا نأجل جم اسبوع عقب يصير خير.. دخلت سلوى البيت..... سلوى:يمه احنا أجلنا العرس.. ام سعد:زين سويتوا.. سعد:معليه كل تأخيره فيها خيره.. ام سعد:الله يرحمج يااختي..كانت تتمنى تشوف عادل ماسك يد زوجته وهم على الكوشة.. سلوى(بحزن):موزة عادل ينتظرج برع.. موزة:يالله رايحة.. ام سعد:يمه تمي عندنا.. موزة:معليه خالتي..مااقدر عيالي ينتظروني..مع السلامة.. ام سعد:مع السلامة.. بومحمد:يالله اميرة خلنا نمشي.. ام سعد:لايبه خلكم عندنا الليلة.. بومحمد:لايابوج انا ماارتاح الا في بيتي..وانت عارفة.. ام سعد:هالجم يوم خلك عندنا على الاقل.. بومحمد:معليه مرات يايه..يالله اميرة.. اميرة:ان شاء الله يبه.. الكل رد بيته..وقعدت ام سعد بالصالة تفكر بأختها ام عادل.وايش وصتها فيه..سلوى قاعدة في غرفتها حاولت تنام ماقدرت نزلت تحت شافت امها قاعدة ودموعها على خدها..سلوى تروح تقعد جنبها.. سلوى:يمه تبجين.. ام سعد:هذي اختي ياسلوى..المحبوبة عند امي وابوي..كانت غير عنا كلنا..وحدة مطيعة وتسمع الحجي ودوم تخدم الناس..كانت ام وابو لعيالها..هي مسكينة لما توفى ريلها عيالها كانوا صغار..وهي كانت بعز شبابها.. سلوى:كم كان عمرها؟ ام سعد:كانت 38 سنة.. سلوى:وكم كان عمر عادل وموزة؟ ام سعد:موزة كان عمرها 12 سنة..وعادل 10سنوات.. سلوى:الله يرحمها.. ام سعد:تعبت وهي في عز شبابها تشتغل علشان عيالها..جاوها خطاب لكن رفضت قالت عيالي لازم اربيهم واكبرهم..وفعلا ماقصرت بحقهم والحين عيالها كبار وكل واحد ماشي بطريقه..قومي يابنيتي رقدي..شكلج تعبانة من الصبح ماراقدة.. سلوى:وانت يمه؟ ام سعد:بروح اصلي ركعتين قيام ليل.. سلوى:تصبحين على خير.. ام سعد:وانت من هله.. في بيت ام عادل الله يرحمها..موزة قاعدة على السجادة ورافعة يدها لرب العالمين تدعي لأمها ودموعها على خدودها..يجيها عادل وهو حزين.. عادل:تقبل الله.. موزة(تمسح دموعها):منا ومنكم..صحيت؟ عادل:ليش انا نمت علشان اصحى.. موزة(تقوم من على السجادة وتروح تقعد عند اخوها):ليش ياخوي؟ عادل:امي ياموزة كان مناها تشوفني في ليلة عرسي..(نزل راسه) موزة(تحاول تهديه):حبيبي عادل المهم انها تطمنت عليك وعرفت من بتاخذ.. عادل:موزة انا فقدت ابوي وانا كنت صغير..والحين فقدت امي وانا كبير لكن محتاج لهم..بالذات امي اللي كانت لي ام وابو واخو وكل شي..ويوم قرب عرسي ماتت.. موزة:هذي قسمة رب العالمين ياعادل تعترض؟ عادل:استغفر الله..اعوذ بالله من الشيطان الرجيم.. موزة:بتأجلون عرسكم؟! عادل:اي ولا تبينا نسوي عرس واحنا بهالحالة.. موزة:لا طبعا..امي الله يرحمها كانت تعبانة وماتحجت.. عادل(مستغرب):انت ايش دراج؟ موزة:ام سلطان قالت.. عادل:ايش قالت لج؟ موزة:قالت ان امي كانت تعبانة بس ضغطت على عمرها.. عادل(بتعجب):وليش ضغطت على عمرها؟؟ موزة(مابغت تقوله علشان عرسه):امي وتعرفها زين..تقول بصير احسن ماله داعي للمستشفيات.. عادل:الله يسامحج يايمه.. في بيت بومحمد..يقوم بومحمد يصحي اميرة علشان تقوم تصلي الفجر..يرن تليفونها..ترد..وعقب ماتسكر..ابوها يدق الباب.. اميرة:هلا يبه تفضل.. بومحمد:من كان في التليفون؟ اميرة:هذي سلوى.. بومحمد:ايش بغت؟ اميرة:ولاشي تقول تعالي.. بومحمد:خلاص صلي الفجر ولما ارد من المسجد اوديج لها.. اميرة:ان شاء الله.. الاجواء مرة حزينة وكل واحد مفتدق ابتسامته من اسبوع..والعرس تأجل حتى اشعار آخر..عادل انشغل عن سلوى بسبب وفاة امه..صار يحب يطلع بروحه يحب الوحدة..وسلوى سكتت عنه وماقالت له شي..خلته على راحته..لين مايهدى..ودوام الجامعة بدا..واميرة ومها يداومون مع بعض في الجامعة..وسلوى قاعدة في البيت تنتظر شور عادل.. يوم من الايام تكون عائلة ام سعد متجمعة في بيت ام سعد..واميرة في غرفة سلوى..مرة وحدة..... تنزل اميرة وهي تصارخ وخايفة..والكل يلتفت لها.. رحمة:اميرة اشفيج؟؟!!!!!!!! اميرة:لحقوا علي سلوى اغمي عليها.. ام سعد(تخرعت):وي بنتي.. الكل يصعد فوق ويشوفونها طايحة على الارض يحاولون يكتون عليها ماي او يرشون عليها عطر..يالله يالله لين مافتحت عينها وشكلها باين انها تعبانة.. ام سعد(وهي خايفة على بنتها):يمه شيخة قومي اتصلي في عيسى خله يوصلنا المستشفى.. سلوى(بتعي):ماله داعي..الحين بصير احسن.. رحمة:انت ناوية على عمرج..شيخة مالج خص فيها روحي.. سعد يدخل البيت مع زوجته وعياله ويشوف البيت فاضي يستغرب.. سعد:وينهم؟!!! فاطمة(زوجة سعد):ليكون طالعين؟؟ سعد:وين طالعين انا اللي اعرفه انهم كلهم هني.. شيخة تنزل تحت تشوف سعد.. شيخة:الله يابك.. سعد:وينكم فيه؟ شيخة:سعد الحق علينا.. سعد(تخرع من هالكلمة):اشفيكم؟؟ شيخة:سلوى تعبانة.. سعد(هد زوجته وعياله وركض لسلوى فوق) فاطمة:سلوى اشفيها شيخة؟ شيخة:ماادري يافاطمة اغمي عليها مرة وحدة.. فاطمة:خلنا نروح نشوفها.. سعد يدخل الغرفة وهو خايف على سلوى.. سعد:ايش صاير اشفيها سلوى؟؟ ام سعد:ماادري عنها مرة وحدة اغمي عليها.. سعد(يروح عند سلوى):سلوى اشفيج؟ سلوى(بتعب):مافيني شي..آآآآآآآآآخ راسي.. ام سعد:وين يعورج يمه؟؟؟؟ سلوى:راسي يمه.. سعد:قومي خلني اوديج المستشفى.. سلوى:ماابي ماابي.. سعد:مو على كيفج..يالله قومي.. سلوى:ماابي الحين بصير احسن.. رحمة:شوفي شكلج اشلون صاير..وتقولين بصير احسن.. عيسى يدخل الغرفة.. سعد:عيسى ساعدني انشيلها نوديها المستشفى.. سلوى(بخوف):ماابي اخلوني هني.. عيسى:شوفي عمرج تعبانة وتبي تقعدين.يالله سعد.. وياخذونها تحت سلوى ماقدرت تتحمل طاحت مغشي عليها وحاولوا يصحونها لكن ماقامت..اطلبوا لها الاسعاف..والكل راح المستشفى..لكن عادل مايعرف شي عن طيحة سلوى..الدكتور يطلع.... الدكتور:من ولي امرها؟ سعد:انا دكتور.. الدكتور:والدها؟ سعد:لا اخوها..خير؟ الدكتور:تفضل معاي.. ام سعد:شنو يعني كل ماطلع الدكتور ياخذ حد على جنب..ياخي هذي بنتي..(تبجي) رحمة:هدي بالج يمه..ان شاء الله ماعليها شر.. في غرفة الدكتور.... سعد:من شنو صادها فقر الدم؟ الدكتور:من الاكل ماكو اكل صحي..وجهها صاير اصفر..وعندها نقص فيتامينات وحديد..انت تتخيل ان هيموجلوبينها واصل 7.. سعد:ليش الطبيعي كم؟ الدكتور:تقدر تقول 12,13.14 لكن مو 7.. سعد:والحل؟ الدكتور:احنا وصلنا لها دم..وبتقعد معانا جم يوم لين ماتتحسن حالتها.. سعد:مشكور يادكتور.. الدكتور:ياريت تهتمون بصحتها اكثر شوي.. سعد(وهو يقوم):ان شاء الله..مشكور.. اول مايوصل سعد الكل يلتم حوله.. سعد:لاتخافون مافيها شي بس عندها فقر دم.. ام سعد(تخرعت):فقردم؟؟!!!...ياويل� � ايش منه؟ شيخة:ماتدرين عن بنتج يمه من قلة الاكل..وحبسة الغرفة.. ام سعد:ابي اشوفها.. الدكتور يطلع من عندها..... الدكتور:هي الحين نايمة محد يقدر يشوفها..روحوا البيت وعقب تعالوا تطمونا عليها.. ام سعد:انا قاعده هني ماني متحركة من مكاني..لين مااشوفها.. سعد:خلاص عيسى انا رايح عندي شغل ويمكن ارد عقب ساعة او ساعتين وباخذهم معاي انت تم هني مع امي.. عيسى:ان شاء الله.. سعد:يالله.. اميرة:سعد انا بتم عند اختي..علشان ماتكون بروحها.. سعد:على راحتج وانتوا شيخة ورحمة روحوا عند عيالكم..عقب تعالوا..يالله مع السلامة.. في السيارة... فاطمة:سعد ايش قالك الدكتور؟ سعد:اللي قلته.. رحمة:عجل ليش خذاك على جنب؟ سعد:مااعرف.. شيخة:سعد لاتخش علينا.. سعد:مافيها شي البنية.. في المستشفى..... ام سعد:عيسى يمه اتصل في عادل وخبره.. عيسى:ان شا ءالله..(يطلع تليفونه) عادل:يكون في البيت مع موزة وريلها وعيالها.. عادل:هلاعيسى..الحمدلله...انت شخبارك؟...انا في البيت..ليش؟؟ عيسى:بغيت اخبرك ان سلوى تعبانة ودخلناها المستشفى.. عادل(تخرع يوم سمع اسم سلوى):سلوى؟؟؟؟...اشفيها؟؟...ا شفيها ياعيسى؟..خلاص خلاص انا الحين جاي... موزة:عادل ايش صاير اشفيها سلوى؟؟ عادل:في المستشفى.. موزة:اشفيها؟ عادل:ماادري ماادري..انا رايح.. موزة:خذني معاك..عبدالعزيز..معليه دير بالك على الياهال لين ماارد.. عبدالعزيز:روحي.. عادل يسوق بسرعة جنونية..وهم في السيارة.... موزة:عادل شوي شوي..ان شاء الله ماعليها شر.. عادل:سلوى ياموزة..انت عارفة من سلوى؟ موزة:عارفة بس رجاءاً سوق بحذر مب لهالدرجة.. واخيرا وصلوا المستشفى وراح ركيض لعند غرفة سلوى... عادل:عيسى اشفيها سلوى؟؟ عيسى:فقر دم.. عادل(مندهش):فقر دم!!!!!..لايمكن.. موزة(تروح عند اميرة):شالي صار؟؟ يرن تليفون عيسى تكون مها... عيسى:غريبة انج متصلة بالعادة كل انا اللي اتصل.. مها:يعني اسكر.. عيسى:لايامعودة ماصدقنا.. مها:عيسى.. عيسى:عيون عيسى.. مها:اتصل بتليفون سلوى ماترد..اتصل بيتكم هم محد يرد وينهم ماتعرف؟؟ عيسى:قولي انج متصله علشان سلوى..مو علشاني.. مها:لاتزعل مني بس امي اللي بغت امك.. عيسى:اجل بسامحج علشان خالتي بس..الله يسلمج محد في البيت.. مها:ليش؟؟ يدخل الدكتور لعند سلوى يشوفها صحت.. الدكتور:حمدلله على السلامة.. سلوى(بتعب):الله يسلمك.. الدكتور:اشلون تحسين نفسج الحين.. سلوى:احس ان جسمي مكسر.. الدكتور:معليه شوي شوي وبتصيرين احسن..بس سمعي ياسلوى لازم ديرين بالج على عمرج.. سلوى:ليش دكتور شالي معاي؟ الدكتور:معاج فقر دم.. سلوى:أنا؟!!! الدكتور:شكلج ماكنت تاكلين عدل صح؟ سلوى(ظلت ساكتة لأن فعلا ماكنت تاكل عدل) الدكتور:سكوتج دليل ثابت ان كلامي صح..على العموم ماابي اعاتبج بس ديري بالج من اليوم ورايح اكل صحي وفيتامينات.. سلوى:ايشقد بتم هني؟ الدكتور:لين ماحالتج تتحسن..يمكن يطول اسبوع..انت وشطارتج.يالله ماراح اطول عليج هلج برع.. سلوى:مشكور دكتور.. الدكتور:بمرج بكرة الصبح..مع السلامة.. الكل دخل لعند سلوى..وسلوى استانست لما شافتهم وبزود لما شافت عادل لأنها من زمان ماشافته.. ام سعد:هايمه اشلون تحسين الحين؟ سلوى:الحمدلله.. موزة:حمدلله على سلامتج.. سلوى:الله يسلمج.. اميرة:ام سعد دام انا تطمنا عليها خلنا نرد البيت نريح شوي ونجيب لها ملابس ونرد.. عيسى:اي يمه اميرة صاجة.. م سعد(عرفت اميرة ايش تقصد علشان عادل يتم مع سلوى بروحهم):عجل قوم وصلنا عيسى.. موزة:انا بعد وصلوني بطريجكم.. اميرة:مع السلامة سلوى.. سلوى:مع السلامة..اميرة لاتنسين تليفوني.. اميرة:ان شاء الله.. عقب ماالكل طلع..راح عادل قعد عندها ومسك يدها وقعد يمسحه على وجهه.. عادل:سامحيني سلوى.. سلوى:أسامحك؟! على شنو؟؟ عادل:على اهمالي لج في الاونة الاخيرة.. سلوى:عادي ياعادل لاتشيل هم انت كنت مار بظروف صعبة وانا عاذرتك..قولي اشلونك؟ عادل:انت اللي اشلونج؟ليش ماكلتي عدل ليش وصلتي عمرج لهالمكان؟ سلوى:غصب عني ماكنت اشتهي.. عادل:كان لازم اسمع هاالخبر؟ سلوى(نزلت راسها) عادل(يرفع راسها):ليش منزلة راسج؟ سلوى:عادل كل يوم يزداد حبي فيك.. عادل:أنا شقول..اللي قاعد اموت على فراقج.. سلوى:أجل ليش مانتزوج؟؟  عادل:نتزوج ليش مانتزوج..هذا كان حلم امي الله يرحمها.. سلوى:الله يرحمها..ومتى نتزوج؟؟ عادل:متى مابغيتي.. سلوى:لو بودي الليلة.. عادل:يالله الليله الليلة.. سلوى(تشوف عمرها وهي بهالحالة دمعت عينها) عادل(مسح دمعتها):معليه حبيبتي..ان شاء الله لطلعتي نتزوج..قولي لي في شي ناقصج؟ في بيت ام سعد.... رحمة:يمه احنا نروح ولانتظرج؟ ام سعد:صبري شوي قاعدة اسوي لها الشوربة.. رحمة:وانت شيخة ايش قاعدة تسوين؟ شيخة:اسوي لها سلطة فواكة البنت محتاجة فيتامينات.. عبدالرحمن:يمه انا رايح عند سلوى.. ام سعد:انزين..بس لاتطول عندها وراك مذاكرة.. عبدالرحمن:ان شاء الله..مع السلامة.. يرن تليفون البيت.. ام سعد:رحمة يمه ردي على التليفون.. رحمة:ان شاء الله.. فاطمة تدخل المطبخ.. فاطمة:عمتي تبين مساعدة؟ ام سعد:لاحبيبتي بس جربي الشوربة شوفي طعمها اشلون؟ في بيت مها.... مها:يمه ولي سلمج خلنا نروح لها.. ام مها:مها حبيبتي صبري اتحصلين اهلها حولينها عقب العصر نروح لها.. مها:مافيني للعصر.. ام مها:اتصلي في عيسى خله يوديج.. مها:لاخلاص بنتظر للعصر.. ام مها:انت لي متى بتظلين مستحية منه؟ مها:ماادري.. ام مها:الله يهديج.. في المستشفى... سلوى:عادل ماعليك أمر معليه تطعيني ماي.. عادل:من عيوني.. ينطق الباب.. عادل:تفضل.. سعد(ومعاه سلة حلويات عوده):السلام عليكم.. سلوى:وعليكم السلام..ليش متعب نفسك ياخوي مشكور.. عادل ياخذ السلة من يد سعد.. سعد(يسلم عليها ويحب راسها):لاتعب ولاشي..كم سلوى انا عندي..حمدلله على السلامة سلوى:الله يسلمك.. سعد:خرعتينا.. سلوى:خلاص آخر مرة..ماراح أعيدها.. عادل:لابعد عيديها..(يمد يده بكوب الماي)..تفضلي.. سلوى:مشكور.. وقعدوا يسولفون لين ماوصل عبدالرحمن وعقب ماطلع سعد راح بيت امه..في البيت.. فاطمة:رحت لها؟ سعد:اي رحت.. ام سعد:اشلونها؟ سعد:بخير تنتظركم.. ام سعد:يالله احنا رايحين..اميرة حطتي كل أغراضها.. اميرة:اي.. فاطمة:انت بتقعد هني؟ سعد:اي..بس حطولي الغداء وروحوا..برتاح شوي وعقب بروح الشغل.. أم سعد:روحي فاطمة نجبي الغداء حق ريلج.. فاطمة:ان شاء الله عمتي.. ام سعد:شيخة وين عيسى؟ شيخة:برع في الحديقة.. سعد:اي برع قاعد يسولف في التليفون.. ام سعد وبناتها وفاطمة واميرة يروحون عند سلوى..ويدخلون غرفتها يحصلون عادل قاعد وياها.. ام سعد:شخبارج يمه ان شاء الله احسن.. سلوى:الحمدلله.. ام سعد:سويت لج شوربة لذيذة.. سلوى:مشكورة يمه..بس مااشتهي الحين.. عادل:لاحبيبتي غصب عنج لازم تشتهين.. شيخة:وانا سويت لج سلطة فواكة..ولازم تاكلينها.. سلوى:بس الشوربة غيره مااقدر.. عادل:ماعليج منها شيخة بتاكل.. سلوى:عادل.. عادل:سلوى..سمعي الكلام..ولاتبين تقعدين هني اسبوعين.. ام سعد تقعد تشرب سلوى الشوربة والكل قاعد يسولف.. عادل:يالله انا ماشي..وراجع عقب صلاة العشاء.. سلوى:ليش رايح؟ عادل:يمكن حد يبي يزورج..واحنا قاعدين هني محد يقدر يدخل.. ام سعد:عادل صاج..حتى انت عيسى قوم.. عيسى:ان شاء الله.. عادل:في امان الله.. عيسى:في امان الله.. ام سعد:الله يحفظكم.. سلوى:بسي يمه.. عادل(يرجع مرة ثانية):خالتي تعطينها لين مايخلص الصحن..واذا ماخلصت قولي لي.. ام سعد:ان شاء الله..يالله سمعي كلام ريلج..ولاتبينه يزعل منج.. عادل يرجع البيت يرن تليفونه..وعقب مايخلص..تيي موزة... موزة:من كنت تحاجي؟؟ عادل:واحد من الربع.. موزة:اشلونها سلوى؟ عادل:الحمدلله..رايح لها عقب صلاة العشاء.. موزة:بروح لها عقب شوي..عادل متى ناويين على الزواج؟ عادل:مااعرف..ليحين ماقررنا خلها بالاول تطلع وتتحسن حالتها عقب يصير خير.. موزة:خير ان شاء الله.. عادل:من بوديج؟ موزة:عبدالعزيز.. عادل:وعيالج؟ موزة:بهدهم عند خالتي ام ريلي.. عادل:انا رايح انام.. موة:ماتغديت.. عادل:كلت بالطريق.. في المستشفى يزورونها ام مها ومها ونسيابهم وربعها..عادل يروح عند ربعه ويقعدون حلقة ذكر في المسجد..يشوفه واحد من ربعه قاعد سرحان يروح له ويقعد عنده.. طارق:عادل اشفيك ياخوي؟ عادل:ها..مافيني شي.. طارق:اشلون مافيك شي وشكلك يقول شايل هموم الدنيا على راسك.. عادل:خلها بالقلب ياطارق.. طارق:ايش رايك نطلع برع نتمشى.. عادل:ماعندي مانع.. وراحوا يتمشون برع حول المسجد..والجو كان حلو.. طارق:ليش ماتقول يمكن اقدر اساعدك.. عادل:هذي هموم ماهي مشاكل.. طارق:طلع همومك يمكن ترتاح..قولي وانا اخوك.. عادل:متضايق بس من شنو ماني عارف..كنت مستانس حيل قبل وفاة الوالدة الله يرحمها..والحين مااعرف ايش صار فيني.. طارق:الله يرحمها ويغمد روحها الجنة..بس الموت حق علينا كلنا..واحنا ان شاء الله بهم اللاحقون.. عادل:أدري بس كنت أبيها تفرح وهي تشوفني ماسك يد زوجتي وانا بثوب المعرس.. طارق:لتزوجت ان شاء الله بتفرحها بقبرها.. عادل:والحين زوجتي بالمستشفى مريضة.. طارق:سلامات خير ان شاء الله.. [بنت الخليلي-عاشقة قطر] | ||||
|
| |
|
10-01-15, 12:01 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في المستشفى....تم ام سعد مع اميرة وبومحمد وسعد عند سلوى... ام سعد:يالله وقت العشاء.. سلوى:يمه ولي سلمج شبعانة ..مافيني آكل شي.. سعد:اذا لي خاطر عندج تعشي.. سلوى:صدقوني ماني مشتهية.. اميرة:انت ناسية كلام عادل؟ سلوى:ماهو موجود الحين.. سعد:سلوى وين طاعة الزوج؟ سلوى(استحت من الكلام اللي قالته):مااقصد.. سعد:يمه عطيها العشاء.. ام سعد:سمعتي..يالله.. بومحمد:يايبه لازم تشدين حيلج علشان تتحسن حالتج نبي نفرح فيكم.. سعد:ويدي صاج.. أميرة:أم سعد انت ردي البيت وانا بتم عند سلوى.. ام سعد:والجامعة؟ اميرة:ماعندي الصبح عندي عقب الظهر.. سعد:اي يمه ان تعبانة ردي البيت..وتعالي الصبح.. ام سعد:خلاص..ان شاء الله..دام ان اميرة بتم عند سلوى يبه انت تعال وياي البيت وبات عندنا.. بومحمد:ان شاء الله.. سعد:يدي شخبار المزرعة؟ بومحمد:زينة الحمدلله..من زمان مازايريينها انتوا.. اميرة:لازم يوم كلنا نروح المزرعة علشان نغير جو.. سعد:خوش فكرة..بس تطلع سلوى ونروح.. سلوى:يمه بسي خلاص..عطيني ماي.. سعد ياخذ يده وامه ويورحون البيت..وتم اميرة عند سلوى.. اميرة:سلوى اشفيج؟ سلوى:عادل تأخر..قال بيي عقب صلاة العشاء..والحين صارت 8 وماجى.. اميرة:يمكن انشغل بشي.. سلوى:ماادري..عطيني تليفوني.. أميرة:لحظة..خذي.. يدق الباب.. أميرة:تفضل.. عادل:السلام عليكم.. سلوى:وعليكم السلام..وينك حبيبي تأخرت.. عادل(وهو ماسك عصير كوكتيل طازج):شسوي المطعم كان زحمة.. تدخل الممرضة ومعاها باقة ورد كبيرة.. سلوى:مِن مَن هذي؟ اميرة:صبري خلني اروح أقرأ البطاقة.. سلوى:مِن مَن؟ اميرة:من ريلج.. سلوى(تناظر عادل):ريلي؟؟ عادل(يمد يده):تفضلي يابعد عمري.. سلوى:ليش متعب عمرك..توني متعشية وشبعانة.. عادل:عندي انا محد يعرف الشبع..(يمد يده لأميرة)..خذي اميرة هذا نصيبج.. اميرة:وايش دراك اني هني؟ عادل:اتصلت بيت خالتي وسألت من قاعد عند سلوى وقالوا لي انت.. اميرة:انا طالعة برع اشرب العصير وبرد.. سلوى:ان شاء الله اشرب هذا العصير في بيتنا قريب.. عادل:ان شاء الله.. سلوى:يوم تحس بضيق وانك حزين والدمعة بتنزل من عيونك ساعتها أعرف اني قتيل حبك.. عادل:ياأرق من النسمة وانعم من الطير..حبيت بس اقولك اني اموت فيك(يشربها).. سلوى:مش مهم انك حلو ومش مهم انك شيك..المهم انك صادق وهذا اللي عاجبني فيك.. عادل:صحيح دروبي عنك بعيدة وزياراتي ماهي عديدة بس محبتك بقلبي أكيدة.. سلوى:عادل فيك شي؟ عادل:انا ..لا.. سلوى:أحس انك متضايق.. عادل:انا بخير..المهم انت اهتمي في صحتج تراني انتظرج بفارغ الصبر.. تدخل الممرضة وتشوف جو رومانسي عجيب.. الممرضة:آسفة قطعت عليكم.. عادل:لاعادي.. الممرضة:وقت الزيارة انتهت.. سلوى:لسه بدري.. المرضة:هذي اوامر الدكتور..والحين انا جايه اعطيج ابرة وابيج تنامين عقبها.. سلوى:لاعاد تعبت من الابر.. عادل:سلوى احنا نبي نخلص من المستشفى وانت تبين تقعدين.. سلوى:خلاص ان شاء الله.. عادل:يالله انا ماشي..بشوفج بكرة الصبح..بييج قبل الدوام..مع السلامة..نامي عدل.. سلوى:مع السلامة..دير بالك من الطريق.. عادل:ان شاء الله..تصبحين على خير.. سلوى:وانت من هله.. الصبح يي عادل ويشوف سلوى ويروح الدوام وعلى الساعة 7 ونص يدخل الدكتور لعند سلوى وتطلع اميرة علشان الدكتور كان بيكشف على سلوى وعقب ماخلص... سلوى:دكتور طمني اشلون صرت؟ الدكتور:الحمدلله أحسن من أمس بوايد..شكلهم عرفوا يأكلونج عدل.. سلوى:ذبحوني بالأكل والعصاير.. الدكتور:زين يسوون فيج.. سلوى:متى راح اطلع.. الدكتور:تو بدري..ماصار لج يومين.. سلوى:دكتور تعبت من القعدة.. الدكتور:سلوى انت بالجامعة؟ سلوى:لا.. الدكتور:ليكون تتركين دراستج؟ سلوى:لا ان شاء الله.. الدكتور:يالله اهتمي بصحتج عدل..مع السلامة.. سلوى:مع السلامة.. ام سعد توصل مع رحمة وشيخة ويقعدون يسولفون مع بعض واميرة ترجع البيت علشان تروح الجامعة..وعادل يستأذن من شغله ويروح البيت..ينام كان تعبان..موزة تلاحظ عليه التعب..وتروح تسوي له عصير ليمون وتروح تقعده علشان قاعد يأذن العصر.. موزة:تفضل حبيبي.. عادل:مشكورة ياام سالم.. موزة:ماقلت لي اشفيك تعبان؟ عادل:الظاهر مزكم.. موزة:أكيد من الجو..الله يعينك ياخوي..روح المستشفى.. عادل:ان شاء الله بروح عقب الصلاة وهم بمر على سلوى.. موزة:ماتبي ايبلك الغداء؟ عادل:لامشكورة..ماني مشتهي.. موزة:على الاقل اسويلك شوربة علشان ترتاح شوي.. عادل:اللي تشوفينه ..ماعليج امر ياأم سالم عطيني تليفوني في مخبات ثوبي.. موزة:من عيوني..هاك.. عادل(يفتح تليفونه):6 مكالمات لم يرد عليها.. موزة:معقولة ماسمعت؟ عادل:من التعب ماحسيت بشي.. موزة:عن اذنك.. عادل(يتصل بسلوى):هلا سلوى اشلونج؟ سلوى:عادل اشفيه صوتك؟ عادل:مافيه شي كنت نايم.. سلوى:نايم!!..وينك اتصل فيك من الساعة 1.. عادل:ماسمعت رنة التليفون..ألحين بروح اصلي العصر وعقب بمرج..مع السلامة.. العصر عبدالرحمن وعيسى يزورون سلوى..وأم سعد تكون قاعدة.. عبدالرحمن:وين بناتج يمه؟ ام سعد:راحوا بيوتهم..قولي تذاكر ولا لا؟ عبدالرحمن:أفا عليج ياام سعد..اشلون ماذاكر ماتبيني أصير مهندس.. أم سعد:امنيتي. عبدالرحمن:ان شاء الله بتحقق.. سلوى:عيسى اشلونها مها؟ عيسى:أخبارها عندج..انا من المفروض أسألج عنها..عندج انت تتحجى ولا عندي أنا ساكتة.. سلوى:عادي عقب فترة بتتعود عليك.. عيسى:بانتظر..بس ياريت تعلمينها شوي.. ام سعد:عبدالرحمن يمه عطني فاين.. عبدالرحمن:ان شاء الله يمه.. عادل يدخل وعقب مايسلم أم سعد ترجع البيت مع عيسى وعبدالرحمن..علشان تغير وبترجع في الليل.. سلوى:عادل شكلك تعبان.. عادل:مزكم.. سلوى:وأنا اقول صوتك فيه شي..انزين روح الطبيب.. عادل:لاتخافين رحت.. سلوى:وايش قالك؟ عادل:عطاني ابرتين..والحمدلله صرت احسن.. سلوى:الحمدلله..جان ريحت في البيت؟ عادل:حبيت اتطمن عليج..(ويحط راسه بحضن سلوى وسلوى تمسح على راسه) سلوى:ان شاء الله نتجمع في بيت واحد ونعيش للأبد.. عادل:قلبي أصيل وماضي الحب ماانساه..والصاحب اللي تشيله عيوني..اشتاق له وارفق لصوته وطرياه واقوله هو دنياي وشموع كوني رفيق دربي ماتناسيت ذكراه لو العرب في رفقته يعذلوني.. في ام سعد..عيسى قاعد بالصالة يسولف في التليفون.... عيسى:مها وينج أكو أصوات ازعاج.. مها:في السيارة.. عيسى:وين رايحة؟ مها:رايحة عند سلوى.. عيسى:لما انا ارد البيت انت تروحين لها..حضرتج متفقة وياها؟ مها:لا ايش دعوة راده من الجامعة ورايحتلها.. عيسى:خلاص انا الحين ياي.. مها:لا وين تيي..لبغيت تشوفني تعال بيتنا..يالله مع السلامة..لأني وصلت.. عيسى:سلمي على سلوى..مع السلامة..يمه انا طالع.. أم سعد:وين؟ عيسى:رايح عند الربع.. ام سعد:لاتروح بعيد بعدين ابيك توديني عند اختك.. عيسى:ان شاء الله.. في المستشفى..مها تدق الباب وتدخل وتشوف عادل قاعد مع سلوى... سلوى:هلا مها حياج.. مها:لاخلاص بروح وبعدين برد.. عادل:مها تعالي أنا رايح أصلا..يالله سلوى ديري بالج على روحج..مع السلامة.. سلوى:نام عدل حبيبي وتغطى عدل علشان ماتبرد.. عادل:تامرين أمر..مع السلامة.. سلوى:مع السلامة..تعالي مها.. مها:الله يخليكم حق بعض.. سلوى:آمين.. مها:ياريت لو أقدر أكون مثلج.. سلوى:تقدرين ليش ماتقدرين..عيسى دوم يتكلم عنج وميت فيج ويحبج.. مها:عيسى وعليه ماعليه قصور انا اللي اسمع صوته او اشوفه مااعرف شيصير فيني.. سلوى:ماانت اول وحدة تستحي من خطيبها مع مرور الايام بتنسين الخجل.. مها:ياريت.. عادل يروح عند دكتور سلوى..ويدخل مكتبه.. عادل:اي نعم انا خطيبها.. الدكتور:والله هي في حالة تحسن..بس احنا ننتظر هيموجلوبينها يرتفع علشان تقدر تطلع.. عادل:يعني بتطول هني؟ الدكتور:مو وايد يومين ثلاث..لاتخاف ان شاء الله راح تكون بخير بمساعدتكم لها.. عادل:مشكور.. في السيارة..يرن تليفون عادل.... عادل:هلا موزة..اي رحت..ولاشي عطاني ابرتين..اي الحمدلله احسن...عشر دقايق وبكون في البيت..مع السلامة.. في بيت سعد..قاعد سعد مع زوجته..يرن تليفون البيت.. فاطمة:هلا يمه..اشلونك؟...أنا بخير الحمدلله..انت طمني اشلون دراستك؟....شد حيلك يمه..أبوك عندي..ان شاء الله انت بعد دير بالك على روحك..مع السلامة.. سعد:هلا يبه..اشلونك؟..احنا بخير..لاتخاف..انت اشلونك واشلون الدراسة معاك؟...ماانت محتاج شي؟...أكيد..ايشي بغيت قول..راضي عليك دنيا وآخرة..ماانت ناوي ترد؟..متى؟...ان شاء الله...ولاشي...ماكو اخبار..بس سلوى شوي تعبانة وهي في المستشفى..معاها فقر دم..لاتحاتي..اتصل فيها..ان شاء الله..دير بالك واهتم بدراستك..مع السلامة.. فاطمة:ايش قالك؟ سعد:توه كلماج.. فاطمة:بس مقالي انه بيرد.. سعد:اي يقول بيرد الشهر الياي..عندهم اجازة كريسمس.. فاطمة(دمعتها نازلة):فديته ولدي تغرب عني وهو صغير.. سعد:هذي كانت رغبته يدرس الثانوية هناك وبعدين هذي آخر سنة له..ماباقي شي قومي لبسي عباتج..خلنا نروح عند سلوى..انت ادعي له بس..هو محتاج دعواتج.. في المستشفى..في غرفة سلوى...يرن تليفونها... سلوى:هلا والله بالغالي ولد الغالي..مشتاقة لك وايد..الله يسلمك..ماكو شي..لا الحمدلله صرت احسن...بشرني اشلون الدراسة؟...اي نبيك تشد حيلك ...طبعا ماكو خوف عليك..اهتم بدراستك زين..مع السلامة.. مها:من هذا فارس؟ سلوى:اي..من زمان ماشفته..هذا رفيج طفولتي.. مها:ماعرفنالج..من رفيج طفولتج..عادل ولافارس؟ سلوى:عادل زوجي..بس فارس رفيجي..فارس يعرف عني اشياء محد يعرفها..واللي يزيد الطين بلة..رايح يدرس الثانوية مع تمريض..وعقب بيدخل الطب..وانا مااداني هالتخصص.. مها:احسن جان زين لو هو محرم لي..جان درسنا مع بعض..يوم ان نفس التخصص.. عقب ساعة يدخل سعد مع فاطمة..وعقب مايسلمون.. سعد:اشلونج ألحين؟ سلوى:الحمدلله.. فاطمة:اشلونج مها؟ مها:بخير..انت شخبارج؟ فاطمة:ماشي حالنا.. سعد:سلوى فارس اتصل وسلم عليج.. سلوى:من ساعة كلمني.. سعد:صج!..هو سألني عنج وانا قلت له.. سلوى:حبيبي ماقصر واتصل..تصدق ياخوي اشتقت له وايد.. فاطمة:احنا شنقول اللي قلبي متقطع على فراقه.. مها:الله يرده لكم بالسلامة.. فاطمة:ان شاء الله.. ومع مرور يومين تتحسن حالة سلوى ويسوون لها تحاليل وفحوصات علشان يتطمنون عليها..وعادل يحاول انه يزورها كم مرة في اليوم..مها واميرة في الجامعة يتمشون بين الشجر..فيرن تليفون مها.. اميرة:أكيد عيسى.. مها:اي.. اميرة:عيل انا ماشية.. مها:وين؟ اميرة:عندي محاضرة عقب شوي..سلمي عليه..باي.. مها:باي..السلام عليكم.. عيسى:وعليكم السلام..اشلون الحبايب؟ مها:بخير.. عيسى:وينج؟ مها:بالجامعة.. عيسى:ادري انج بالجامعة وين بالضبط؟ مها:بين الشجر.. عيسى:أقول حبي..جن من زمان ماطلعنا مع بعض.. مها:وين تبينا نروح؟ عيسى:اي مكان ان شاء الله طلعة مطعم.. وقعد عيسى يتغزل فيها..ومها وجهها صاير احمر..ساكته ماترد عليه.. عيسى:مها ليش وجهج احمر؟ مها(مستغربة):وانت ايش دراك؟ عيسى:أعرف مها زين..تعلميني فيها.. مها:عيسى ماوراك شغل؟ عيسى:أنت كل شغلي.. مها:متى بتسافر تركيا؟ عيسى:الاسبوع الياي ايش رايج نروح مع بعض؟ مها:لاياعيوني..(استحت من اللي قالته..ظلت ساكته) عيسى:فديت عمرج..ولي سلمج عيديها.. مها:..................... عيسى:بل كل هاي مستحية..أنا متأكد أنها بالغلط..لكن معليه.. في المستشفى..... الدكتور:سلوى تقدرين تطلعين..بس راح أعطيج موعد لأسبوع الجاي..ولازم تيين.. عادل:راح أجيبها بنفسي.. الدكتور:ولازم تهتمين بصحتج أكثر..وماابي هالطيحة تتكرر مرة ثانية.. سلوى:ان شاء الله.. الدكتور:وكاتب لج على ادوية وفيتامينات..تاخذينها اول بأول..يالله سلامات ماتشوفين شر..مع السلامة.. عادل:مع السلامة..يالله قومي بدلي ملابسج علشان اردج البيت.. سلوى:بروحنا؟ عادل:اي صح نسيت موزة برع جات معاي خلني اروح اناديها.. سلوى ردت البيت وامها استانست واعزمت العائلة كلها بيتهم في الليل على طلعة سلوى من المستشفى.. في غرفة سلوى..سلوى منبطحة على السرير وقاعدة معاها مها واميرة ..تيي رحمة.. رحمة:ايش حالكم بنات؟ البنات:بخير.. رحمة:سلوى:تقدرين تنزلين تحت تقعدين في الغرفة الفاضية.. سلوى:ليش؟ رحمة:علشان عمي يبي يزورج..وهم علشان عادل.. سلوى:عمي!!شالي يايبه؟ رحمة:ماادري عنه..شكله متغير وايد عن قبل..لشفتيه عقب بتعرفين..ألحين تقدرين ولا لا؟ سلوى:انزين نازلة..بس شوي دايخة مايصير عيسى ولا عبدالرحمن يساعدوني.. رحمة:الحين بنادي عيسى علشان محرم حق مها.. وراحت رحمة تنادي عيسى وجى يساعد سلوى ونزلها تحت..وتحت قاعدة ام سعد ودخل عمها سعود وعقب السلام... سعود:اشلونج ياسلوى؟ماتشوفين شر.. سلوى:الشر ماييك عمي.. سعود:من زمان ماشفناج.. سلوى:انت ماتبين.. سعود:الدنيا اشغلتني.. ام سعد:والدنيا اشغلتك عن بنات اخوك ياسعود؟ سعود:والله أدري انكم عتبانين علي.. سلوى:هذي خمس سنوات ياعمي.. سعود:أنا آسف أنتوا ماتعرفون شالي صار فيني انا تغربت عنكم..سافرت برع وفي ناس قصوا علي وطيحوني بمشاكل ودخلت السجن فترة وقبل سنتين طلعت وحاولت اشتغل واجمع فلوس.. سلوى:سجن ياعمي؟ليش شنو صار؟ سعود:مشاكل.. سلوى:ماتزوجت؟ سعود:لا.. سلوى:عمي ماانت صغير عمرك 40 سنة.. سعود:أدري بس شسوي مافضيت للزواج.. أم سعد:وألحين رديت الديرة وين قاعد؟ سعود:قاعد في بيتنا العود بروحي.. ام سعد:تزوج واستقر.. سعود:على ايدج ياام سعد.. ام سعد:على يدي انا؟!! سعود:مالي حد في هالدنيا غيركم أبغى مساعدتكم ..ايش رايج ياام سعد؟ أم سعد:بشوف.. سعود:سلوى اهتمي في صحتج اي نسيت مبروك على الملجة.. سلوى:الله يبارك فيك.. عقب ماراح سعود..دخل عادل لعند سلوى... سلوى:عادل ابي افاتحك بموضوع بس خايفة.. عادل:خير ياسلوى؟ سلوى:عادل ايش رايك أكمل دراستي وادخل الجامعة و...... عادل(يقاطعها):أنا كم مرة قايل لاتفتحين معاي هالموضوع.. سلوى:هذا مستقبلي ياعادل.. عادل:وانا ابي زوجتي تقعد في البيت.. سلوى:لخلصت الجامعة بقعد لك في البيت.. عادل:سلوى خلاص سكي الموضوع..(قام) سلوىوين رايح؟ عادل:مع السلامة.. تيي شيخة واميرة... اميرة:اشفيه ريلج؟ سلوى:مافيه شي.. اميرة:طالع من عندج معصب.. سلوى:ماكو شي...شيخة روحي نادي عيسى خله يوديني داري..ماابي اقعد هني.. شيخه:انزين.. اميرة:اشفيكم؟ سلوى:ماكو شي اميره(عصبت)يوووووه.. عادل طلع وراح بيته وفضل انه ينام..وسلوى ماجاها نوم وقعدت تفكر في دراستها وماهي عارفة شيتسوي..على الصبح سعد راح يزور سلوى..فحصلها تقرأ كتاب.. سعد:صباح الخير.. سلوى:صباح النور.. سعد:اشلونج؟ سلوى:الحمدلله.. سعد:ان شاء الله احسن؟ سلوى:ان شاء الله.. سعد:ياييج ومعاي خبر بيفرحج.. سلوى(مستغربة):خب بيفرحني!!شنو؟؟ سعد:أمس اتصل فيني عادل وقال أبي احدد موعد العرس.. سلوى(تضايقت):موعد العرس!! سعد:اي موعد العرس ليش تقولينها وانت متضايقة؟ سلوى:لاعادي..كمل.. سعد:فقلت له تفاهم مع سلوى..حددوا اليوم وانا ماعندي مانع.. سلوى(بشجاعة):انا عندي مانع.. سعد(مستغرب من ردة فعل سلوى):عندج مانع؟على شنو؟ سلوى:سعد انا الحين تعبانة ولين مااتحسن يبيله وقت وفي اشياء ناقصتني ولازم اروح السوق..فحالياً انا مو مستعدة للعرس.. سعد:بس انت كنت جاهزة قبل وفاة خالتي..شالي تغير؟ سلوى:ماكو شي تغير..بس خلنا نأجل العرس بعد شوي.. سعد:مع اني ماني فاهمج لكن كيفج عندج عادل تفاهمي معاه..انا مالي خص..يالله انا تأخرت..مع السلامة.. سلوى:مع السلامة.. قعدت تفكر سلوى بكلام سعد.."ياربي انا شسوي أحب عادل موت بس ماادري ليش أخر الزواج..طيب ودراستي..معقولة خلاص اتخلى عن حلم حياتي والوعد اللي وعدته سعد اني بسوي بوصية ابوي الله يوحمه..انا محتارة ماني عارفة شسوي عادل دوم حزين مامعقولة اتزوج واحد حياته كل حزينة..عادل لازم يتغير قبل الزواج لازم".. ام سعد تروح عند سلوى..وتستفسر عن تأخير الزواج... سلوى:يمه خليني على راحتي.. ام سعد:شنو أخليج علىراحتج..انت لازم تتزوجين صار لكم مالجين سنة ونص ماهي معقولة..الناس شتقول.. سلوى:تقول اللي تقوله.. ام سعد:سلوى انت كنت بتموتين على عادل وكنتي تبين الزواج الليلة شالي غير رايج؟ سلوى:انا ماغيرت رايي.. ام سعد:سلوى خالتج الله يرحمها وصتني اني لازم ازوجكم لبعض..وانا لازم اسوي بوصيتها.. سلوى:واذا ماسويتي بوصيتها شنو يصير؟ ام سعد(عصبت):ايش قصدج يعني؟ سلوى:هدي بالج يمه..مااقصد شي..انا اقصد ان انا هم لازم اسوي بوصية ابوي.. ام سعد:قصدج دراستج؟ سلوى:اي يمه..يمه عادل ماهو موافق اني اكمل دراستي..انا شسوي..ماقلت حق سعد علشان مايتهاوش وياعادل.. ام سعد:اي صح كلامج لازم تسوين بوصية ابوج بس هم لازم تتزوجين ترى ماهي من مصلحتكم ان تطولون فترة الملجة..بسكم جى وقت الزواج..انزين انا بقولج شي..ايش رايج اروح اتكلم معاه.. سلوى:لايمه..خلي مشاكلنا احنا نحلها..اخاف يعصب او يقول شي.. ام سعد:على العموم فكري عدل ولاتأخرين زواجج أكثر من جذي.. في بيت أم عادل الله يرحمها..عادل قاعد على الكنبة يقلب بهالقنوات..وموزة تكون جاية من المطبخ.. موزة:متى ناويين على الزواج؟ عادل(وهو يشوف التلفزيون):انتظر سلوى تقرر.. موزة:ليش انت كلمتها؟ عادل:لا كلمت سعد.. موزة:غريبة..ليش ماكلمتها هي؟؟!!! عادل:جذي.. موزة(حست ان عادل متضايق):عادل اشفيك؟في شي مضايقك قول..ترانا مالنا حد بهالدنيا الا بعض.. عادل:موزة..ابي اقول شي بس خايف.. موزة(مستغربة):خايف!!قول حبيبي.. عادل:أبي أسافر العمرة.. موزة(ابتسمت):هذا يخوف؟..مافيها شي لتزوجتوا ان شاء الله سافروا مع بعض العمرة.. عادل:لا..انا ابي اسافر بروحي.. موزة:وسلوى؟ عادل:لفكرت بموعد الزواج بعدين نروح مرة ثانية مع بعض.. موزة:أخاف لدروا انك رايح بيشكون فيكم ان في شي بينكم.. عادل:موزة انا محتاج لهالسفرة..افهموني..(قام) موزة(اول مرة تشوف عادل بهالطريقة):خلاص خلي الموضوع علي.. عادل(وقف):ايش بتسوين؟ موزة:راح اقولهم..... [بنت الخليلي-عاشقة قطر] | ||||
|
| |
|
10-01-15, 12:03 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| في بيت ام سعد... سعد:شنو يعني؟ ام سعد:والله ماادري ياولدي..تقول ان عادل رايح مع واحد من ربعه العمرة..تقول رفيجه مريض ويبي يساعده..والله هي قالت جذي.. عيسى:انزين ايشقد بيطول؟ ام سعد:تقول اسبوع..بعدين مافيها شي..لين ماسلوى تتزهب بيكون عادل واصل.. سعد:سلوى درت؟ ام سعد:عادل راح لها وقالها.. سعد:وهي شنو موقفها؟؟ ام سعد:يعني شنو موقفها..عادي.. سعد:عادي!! عيسى:وانا متى زواجي؟ ام سعد:انت؟ في بيت مها.. ام مها:اي انت.. مها:مااعرف مااتفقت ويا عيسى على يوم.. ام مها:يايمه الملجة طولت سنة وشوي..الحمدلله الثانوية وخلصتيها..ايش بقى بعد؟ مها(منزله راسها):يمه انا خايفة.. ام مها:من ايش؟ مها:من يوم العرس..انا جذي استحي جدام عيسى..كيف لو احنا في بيت واحد..بذوب يايمه.. ام مها(تضحك):كلنا قلنا نفس الحجي..عودي لسانج على الكلام الحلو..علشان ماتستحين منه.. في بيت بومحمد..يرن تليفون البيت ترد اميرة... أميرة:هلا سلوى..ألحين؟..ليش؟؟...انزين قولي ليش؟؟....تون راده من الجامعة تعبانة...لو اعرف ليش على الاقل تريحيني.....انزين خلاص..خلاص قلتج خلاص..بقول حق ابوي..يالله مع السلامة.. بومحمد:اشفيها سلوى؟ اميرة:والله ماادري عنها..يبه تقدر توديني؟ بومحمد:امشي.. في بيت ام سعد..في غرفة سلوى.. سلوى:بالاول قولي يدي تحت؟ اميرة:اي..تحجي عاد ماعاد عندي صبر..شالسالفة؟ سلوى:أنا خايفة ان عادل غير رايه فيني.. اميرة:ايش هالحجي؟ سلوى:ايش معناته انه يسافر العمرة في هالوقت؟ اميرة:لاتنسين حضرتج رفضتي تقولين موعد العرس..اكيد تضايق وحب يردها لج.. سلوى:اميرة مااحنا ياهال علشان يردها لي.. اميرة:متى بيسافر؟ سلوى:بكرة الصبح.. اميرة:خلاص انا بروح له الحين وبشوف اشفيه.. سلوى(استانست):صج اميرة؟ اميرة:اي صج..بس نادي عبدالرحمن..أبي اطلع من غير ماحد يعرف.. سلوى:الحين دقايق.. تتصل في عبدالرحمن..يي الغرفة... عبدالرحمن:خير؟ سلوى:عبدالرحمن.ولي سلمك بطلب منك طلب وبعطيك اللي تبيه.. عبدالرحمن:آمري.. في بيت أم عادل الله يرحمها..أميرة قاعدة مع عادل وموزة... عادل:ألحين انت جاية علشان تسأليني هالسؤال؟ اميرة:عادل خلك واضح..وقول اللي تبيه؟؟حنا ماعارفين شالي بينكم؟؟ عادل:اميرة سبق وقلت لج مافي شي بينا.. اميرة:والسفرة المفاجئة اللي جات من غير حس ولاخبر؟ موزة:بس اميرة عادل قالكم هو ليش مسافر.. اميرة:قال صح..بس انا احس في سالفة..في شي..عادل انت مب مثل اول..وين عادل البشوش..اللي كان كل يوم عند سلوى يضحكون ويتغزلون بعض ويدهم بعض..وماعندهم صبر حق ليلة العرس..شالي تغير؟ عادل:مافي شي تغير..سلوى حبيبتي وبتظل حبيبتي للأبد..والسفر لازم أروح..وبعدين لرجعت راح تشوفون عادل الاولي.. اميرة:يعني انت متأكد ان سلوى مازالت بحياتك؟ موزة:عادل رد عليها.. عادل:من غير شك..انا احبها واموت من غيرها.. اميرة:طمنت قلبي.. في بيت ام سعد..تروح شيخة غرفة سلوى... سلوى:خير؟ شيخة:عادل تحت في الحديقة يبي يشوفج.. سلوى(مستانسة):صج..انزين ساعديني انزل.. في الحديقة...عادل مسك يد سلوى وحبها.. عادل:الله لايفرقنا قولي آمين.. سلوى(بوناسة):آمين..مسافر؟ عادل:عقب ساعتين ان شاء الله..سلوى انا جاي اقولج شي..سلوى انا احبج ولايمكن استغنى عنج..انت حبي الاول والاخير..والكل يعرف سلوى ايش تعني لي بحياتي..وان شاء الله لرديت الديرة أجي اسمع تاريخ زواجنا..انزين؟ سلوى(عيونها مليانه دموع):انزين..(تنزل دمعة) عادل(يمسح الدمعة):ليش قاعد اشوف دموع؟ سلوى:عادل انا احبك مستعدة اضحي بكل شي بس اعيش معاك.. عادل:وانا بعد.. طارت الطيارة وراح عادل مكة واعتمر..وراح عند واحد من ربعه في مكة..وقعد يسولف معاه.. عبدالله..ايشلك بالزواج وعوار الراس؟ عادل:الزواج تكملة نص الدين.. عبدالله:بس الزواج ياخذ وقت المؤمن عن وايد شغلات..الواحد شوي شوي يبتعد عن ربه.. عادل:هذوله اباهتنا تزوجوا وجابوا عيال وهم ماشاء الله ماناسيين ربهم.. عبدالله:أباهتنا مب احنا..شوف حريم اول اشلون وحريم الحين اشلون.. عادل:خلنا من هالسالفة..قولي ليش ماتاكل ضعفان وايد.. عبدالله:لا الحمدلله آكل.. عادل:انزين ايش رايك اعزمك على العشاء واي مطعم انت تختاره.. عبدالله:لا آسف مااقدر آكل أكل المطاعم.. عادل:عيل انت ايش تاكل؟ عبدالله:لبن وتمر.. عادل(مندهش):لبن وتمر؟بس؟؟؟ عبدالله:اي بس.. عادل:واشلون عايش؟ عبدالله:هذاني جدامك واقف..اشلون عايش عادي.عادل في فقاره مامحصلين أكل ياكلونه واحنا نروح ناكل أحسن شي.. عادل:اي بس... عبدالله(يقاطعه):لابس ولاشي..احنا مسلمين ولازم نراعي حياة غيرنا ولازم نحصل أجر.. عادل استغرب من كلام عبدالله هل ممكن كلامه يكون صح..يعني حنا مسرفين؟؟!! في بيت مها..قاعدة مها وياابوها وامها يتعشون... بومها:مها يبه اليوم كلمني سعد..وقال لازم نحدد يوم العرس.. مها(تخرعت واستحت) ام مها:سعد صاج.. بومها:ايش قلتي يبه؟ مها(منزله راسها):مااعرف..عن اذنكم.. بومها(يضحك):يحليلها بنتي تستحي.. عادل يروح يتعشى بمطعم ويطلب عشاء وقاعد يفكر بكلام عبدالله..عقب قال للمطعم انه غير رايه مايبي عشاء وراح الفندق..وتذكر كلام عبدالله "ان ليش انا قاعد بالفندق هذا اسراف وحرام علي غيري مامحصلين بيت وانا اقعد بفندق..طلع عادل من الفندق وراح يبات في الحرم..سلوى تتصل فيه.. سلوى:عادل وينك؟؟...بالحرم!!..هالحزة؟...ا نزين اشلونك؟...متى بترد؟؟؟عقب يومين...انا بخير..الحمدلله..ليش؟..(مستغر� �ة)..اي بس انت...انزين خلاص..مع السلامة.. اميرة:اشفيج؟ سلوى:يقولي لاتحددين يوم العرس لين مآرد..غريبة.. اميرة:يمكن يبي يتفق معاج.. ومع مرور الايام...سعد يدخل بيته..تشوفه زوجته فاطمة مو على بعضه... فاطمة:بوفارس اشفيك؟ سعد:مااعرف يافاطمة.. فاطمة:شنو اللي ماتعرفه؟ سعد:شفت اليوم عادل بالمسجد.. فاطمة:واشفيها؟..يعني شالي الغريب بالسالفة؟ سعد:شفت عادل غير اللي سافر.. فاطمة:ماني فاهمة شي.. في بيت ام عادل..موزة تشوف اخوها غريب... موزة:عادل اشفيك؟؟..ماانت عادل اللي اعرفه.. عادل:اشفيني؟ موزة:شفت روحك بالمنظرة؟ عادل:اي.. موزة:وشفت عمرك طبيعي؟ عادل:موزة اشفيج طبيعي والحمدلله.. موزة:عادل انت من صجك كنت مسافر العمرة ولا كنت رايح مجاعة..شوف شكلك صاير ضعفان في اسبوع صار فيك جذي..ومطول اللحية ومقصر الثوب ومطول الشعر..معقولة؟!! عادل:بدل لتستانسين اني تغيرت.. موزة:استانس على شنو..على شكلك واحد مريض..وجهك رايح على داخل..صاير جلد على عظم..ليكون في حد شافك؟ في بيت سعد.... فاطمة:انت متاكد ياسعد؟ سعد:ماتشوفيني متضايق..ماادري لو سلوى شافته ايش ممكن يصير فيها.. فاطمة:ولي سلمك ياسعد..لاتخلونه يزور سلوى تراها ماتتحمل.. سعد:ايش اقدر اسوي..اول مرة احس اني عاجز.. في بيت ام سعد..سلوى قاعدى تشوف تلفزيون تييها امها.. ام سعد:يمه سلوى ريلج رد من السفر؟ سلوى:ماادري اتصل فيه تليفونه مغلق.. ام سعد:عطيني التليفون انا باتصل في موزة..(تتصل وترد موزة وموزة تكون مرتبكة وماهي عارفة شيتقول) موزة(تشوف عادل):هلا خالتي..الحمدلله..انتوا شخباركم؟..عادل؟..اي رد..والله توه راد وهو مريض متزكم تعرفين الجو اختلط بالناس في الحرم..اي عطته ونام..لا لاماله داعي..لحتجت شي باتصل..مع السلامة.. عادل:ليش تجذبين؟ موزة:تبي خالتي وسلوى يشوفونك بهالحالة لايمكن.. في بيت بومحمد..قاعد بومحمد مع سعد واميرة.. بومحمد:يمكن شايف واحد يشابهه.. سعد:يدي انت ايش قاعد تقول..انا متأكد انه عادل اذا مامصدق تعال خلنا نروح له البيت وشوفه بنفسك.. وبالفعل راحوا بيت ام عادل وشافوا عادل وبومحمد ماصدق عينه.. بومحمد:من مسوي فيك جذي؟ عادل:قصدك اني تغيرت وصرت احسن من قبل؟ بومحمد(عصب):عادل..من مسوي فيك جذي؟ عادل:يدي اشفيك..انا تدينت.. سعد:انت مارحت الطبيب.. في المطبخ..قاعدة موزة تبجي واميرة عندها... اميرة:بس ياموزة..هدي بالج.. موزة:شاهدي يااميرة انت ماتعرفين اشلون صاير انت تخيلي من يومين واصل ماحط لقمة بمعدته.. اميرة:ليش؟ موزة:يقولي انت مسرفة..يكفينا اللبن والتمر.. اميرة:عادل مهب صاحي في حد مسوي فيه شي.. في الصالة... عادل:سعد لو سمحت..محد مسوي فيني شي..بدل لتستانسون.. بومحمد:نستانس على شنو؟؟..على الحالة اللي انت فيها.. سعد:عادل لوسمحت لاتيي بيتنا لين ماتغير من حالك.. عادل:بس انا زوجتي عندكم ولازم آخذها.. سعد:آسف مااقدر اعطيك اختي لين ماتغير من حالك.. عادل(عصب):سعد مو من حقك تمنعني إني آخذ زوجتي.. بومحمد:حتى اخلاقك ماهو عادل اللي نعرفه.. ومع مرورالوقت..يدق مسج تليفون عادل من سلوى...وعادل كان قاعد في غرفته..فتح المسج.. أحسدك يارسالة..صرتي بين أحلى يدين وتشوفك أجمل عينين وتقراك أحلى شفتين ودامك وصلتي له بطلب منك حاجتين.. سلامي له توصلينه وعلى خده تبوسينه.. عادل يتصل فيها على طول..سلوى ماصدقت ردت... سلوى:هلا بالغالي..مشتاقة لك وايد وايد.. عادل:حتى انا مشتاق.. سلوى:سلامات ماتشوف شر.. عادل:الشر ماييج.. سلوى:ماانت ناوي تيي ولاتعبان؟ عادل:ان شاء الله جاي..سلوى ايش صار على الزواج فكرتي؟ سلوى:انتظرك علشان نحدد اليوم مع بعض..وهم علشان الحجوزات.. عادل:سلوى..انا ماابي عرس..ابي آخذج ونروح بيتنا.. سلوى(مستغربة):ليش؟ عادل:بس عيلتنا نحتفل حفلة صغيرة وبس..حتى فستان ابيض ماابيج تلبسينه.. سلوى:اي بس(مندهشة)انا فصلت وفستاني جاهز.. عادل:بيعيه..واشتري غيره.. سلوى:عادل انت ايش قاعد تقول.. عادل:وطقم الغرفة بكرة ببيعه.. سلوى(ماهي مصدقه ان اللي في التليفون هو عادل زوجها):تبيعه ليش؟ عادل:مب لازم طقم غرفة.. سلوى:اجل احنا وين بنرقد؟ عادل:على الارض اي مكان.. سلوى(ماهي مصدقة):عادل ماتقدر تيي البيت عندنا نتناقش احسن من التليفون.. عادل:اي ياي..بس مب اليوم بكرة.. تحت في الصالة سعد قاعد ينتظر سلوى تنزل.. سلوى:نعم سعد؟ سعد:دريتي ان عادل رد؟ سلوى(ياريتني لو مادريت):اي نعم.. سعد:شفتيه؟ سلوى:لا..ليش؟ سعد:سمعي لجى عادل خبريني.. سلوى:ليش؟ سعد:مثل ماقلت لج..ليي يزورج خبريني ابيه في سالفة بس من غير ماتخبرينه.. سلوى:هو بكرة العصر بييي.. ام سعد:ليش يمه ايش تبي فيه؟ سعد:بكرة بتعرفين يمه.. سلوى:سعد ليكون انت تعرف شي انا مااعرفه؟ سعد:بكرة ببين كل شي.. سلوى حست ان سعد يعرف شي عن عادل..سلوى ماخبرت حد عن الكلام اللي قالها عادل في التليفون..قالت يمكن اتخيل..انتظرت لين بكرة..لين ماجى ودخل عادل وسعد كان موجود..لكن سلوى ليحين مانزلت..ام سعد شافت عادل ماعرفته وانصدمت بشكله ماهي عارفه اشلون تعلق..الكل ينتظر نزول سلوى.. عادل لمايسمع صوت جوتي سلوى يقوم وناظرها..وسلوى لما شافت عادل وقفت وقعدت تناظره..وتفكر في نفسها"هذا عادل خطيبي ولاشخص ثاني..اذا هو عادل ليش شكله متغير هذا زوجي عادل لايمكن"..بغت تروح دارها... سعد:سلوى..نزلي تحت.. سلوى:لجى عادل نادوني.. سعد:هذا عادل.. سلوى:لا انا ماتعرفت على عادل هذا..عادل اللي اعرفه ماهو موجود لجى نادوني.. راحت فوق..عادل تضايق من ردة فعل سلوى.. سعد:شفت.. عادل:عطوني فرصة اكلمها.. ام سعد:عادل ياولدي شالي صار فيك..من سوى فيك جذي؟ سلوى تمت في الدرج تسمعهم وعيونها مليانه دموع..ودها تبجي على اللي شافته.. عادل:انا ابي زوجتي.. سعد:وانا ماراح اعطيك اياها لين ماتتغير.. عادل:سألوها يمكن موافقة تيي معاي.. سلوى(تنزل):أنا ماراح أروح معاك مكان..لين ماتقولي ايش سويت بعادل خطيبي وين وديته؟؟..ليكون ذبحته؟(تنزل دموعها)..أنا ماني زوجة حد الا عادل اللي راح وماارد.. أم سعد(تروح وتلم بنتها):حرام عليك بتجنن البنت.. سعد:عادل..اذا سمحت تعال معاي برع.. عادل:سلوى بتتخلين عني؟ سلوى:انت..وين عادل زوجي ايش سويت فيه؟(قعدت تبجي) سعد خذا عادل وطلعوا...وقعدت ام سعد تهدي بنتها وودتها دارها..حاولت فيها لين مانامت..راحت ام سعد اتصلت في بناتها علشان ييون.. رحمة:معقولة يمه الكلام اللي اسمعه؟ ام سعد:معقولة انا لما شفته بغت تييني الجلطة الله يعين موزة.. شيخة:خلني اتصل في موزة اكيد تعبانة وايد.. عادل يروح عند رفيجه طارق..ويقعدون يسولفون.... طارق:عادل انت عارف ان دينا دين يسر.. عادل:عارف.. طارق:الله رازقك بفلوس ومعطيك نعيم ليش تخشه ان الله يحب ان يرن نعمة عبده عليه.. عادل:والفقراء؟ طارق:ساعدهم عطهم..لكن لاتقصر بحقك ولابحق زوجتك..حرام عليك اللي تسويه تحصلها الحين عايشة بصدمة.. عادل:طارق انت مب عارف ايشقد احنا مسرفين.. في بيت ام سعد الكل متجمع.... سلوى:يقولي ببيع طقم الغرفة..ونرقد على الارض صارت ذي.. عيسى:موطبيعي الريال.. سلوى:ولابعد يقولي مانبي عرس وفستان ابيض ماابي.. موزة:يهاوشني اذا طبخت يقولي حدج شوربة انتوا مسرفين..تخيلوا اللي عايش عليه لبن وتمر.. سلوى:انا اتزوج عادل علشان اروح قبري على طول.. ام سعد:بسمله عليج يمه.. موزة:ياناس عادل مريض..انا متأكده..ساعدوني انا مالي غيركم..عادل بخطر بيموت وبموتني معاه.. سعد:عادل عنده اعتقادات خاطئة وماادري من هذا اللي مستلمه ومعلمه.. سلوى:سعد انا ماراح اتزوج عادل لين مااشوفه عادل الاولي.. عبدالرحمن:اعرضوه على شيخ.. موزة:ياريت لو يوافق..من متى وانا اقوله وريلي من صوب ثاني يقنعه أبد يقول انا مافيني شي..شغله صار اسبوع ماراح..تعبت تعبت..الله يسامح اللي كان السبب.. ام سعد:يبه انت ايش رايك؟ بومحمد:والله ماادري يابنيتي..ماني عارف شقول.. شيخة:انا عندي فكرة..ليش سلوى ماتقعد معاه وخلهم يتناقشون..وعقبه بنشوف ايش يصير ياهي تقنعه ياهو.. سعد:انت ايش رايج سلوى؟ سلوى:انزين.. راحت سلوى مع عيسى وسعد وامها ويدها بيت خالتها..سلوى قعدت بالمجلس والبقية بالصالة..وراحت موزة تنادي عادل وخبرته ان في ضيف بالمجلس ينتظره..توقع اي شخص الا سلوى.. عادل(استانس):سلوى..ماني مصدق.. سلوى(بضيق):ليش مب مصدق شايفني تغيرت ولاشكلي اللي تغير.. عادل(حس بالنغزة):انت ليش زعلانة؟ سلوى(بضحكة سخرية):ليش زعلانة؟ليش في شي يزعل..خذ راحتك ياولد خالتي.. عادل:ياولد خالتي!!اشوف اسلوبج تغير.. سلوى:يهمك اسلوبي يتغير.. عادل:اشلون مايهمني انت زوجتي.. سلوى:مايعجبك لو اسلوبي تغير؟ عادل:طبعا لا.. سلوى:وانا بعد مايعجبني ان اسلوبك وحياتك تغيرت.. عادل:يعني ماانت مستانسة ان عادل صار احسن من اول.. سلوى:لا..عادل الاولي كان احسن بوايد من اللي اشوفه جدامي.. عادل:............ سلوى:ليش تبي تذبح عمرك وتذبحني معاك..انا ايش سويت فيك هاي يزاتي لأني حبيتك.. عادل:سلوى عطيني فرصة اتكلم.. سلوى(عيونها مليانه دموع) عادل:يابعد عمري ياسلوى..احنا قدوتنا الرسول صلى الله عليه وسلم..ولازم نكون مثله صح ولا لا؟ سلوى:أكيد..بس مب معناته ان ايام الرسول كانوا ياكلون تمر ولبن حنا بعد ناكل..ايامهم ماكان عندهم اكل انت الله معطيك ليش خاشهم تصدق فيهم محد قالك شي بس لاتنسى نفسك وهلك وعقب الفقراء.. عادل:سلوى خلينا نتزوج انا احبج ولايمكن استغنى عنج.. سلوى:علشان تعيشني في خيمة..وتركبني جمل..وتأكلني تمر ولبن موجذي؟؟ عادل:سلوى ايش هالحجي؟ سلوى:هذا الواقع..هذا اللي راح يصير.. عادل:انزين قولي ايش تبين وانا بسويه.. سلوى:اول شي تروح ترجع عادل الاولي اللي كان عندي قبل ليسافر.. عادل:وثاني شي.. سلوى:تغير هالاعتقادات اللي عندك..وتروح تستسمح من اخوي ويدي.. عادل:ومتى الزواج؟ سلوى:لشفت عادل اللي اعرفه.. عادل:يعني لوتميت مثل ماانا راح تتركيني؟ سلوى(تبجي وتطلع تروح الصالة عند اهلها) عادل(يصارخ ويعصب ):سلوى ردي علي ..(الكل يوقف)[بنت الخليلي-عاشقة قطر] | ||||
|
| |
|
10-01-15, 12:04 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| سلوى تروح بحضن سعد وتقعد تبجي..وسعد يمسح على راسها ويسكتها.. موزة:عادل هدي اعصابك.. عادل تضايق وطلع من البيت.. بومحمد:خلاص ياسلوى بس كافي دموع.. سلوى:لايمكن اقدر اعيش مع عادل لايمكن.. سعد:يمه انا باخذ سلوى شوي نطلع نغير جو.. ام سعد:كيفك يمه.. سعد وسلوى يطلعون ويروحون يتمشون على البحر.. سعد:سلوى انت تعرفين ان معزتج عندي من معزة فارس ولدي..انت مثل عيالي..اللي احبه لهم احبه لج.. سلوى:ماتقصر ياخوي.. سعد:قولي لي في اللي تفكرين فيه يمكن أقدر أساعدج.. سلوى:ماني عارفة شاقولك ياخوي..انت تعرف انا ايشقد احب عادل ومتعلقة فيه..بس ماحطيت في بالي ان عادل بيطلع يوم من الايام جذي تفاجات..وانا قلت انه بيرجع من العمرة وبيغير رايه في دراستي.. سعد(مستغرب):ليحين رافض؟ سلوى:اي ألحين يقولي البنت لما تتزوج تترك كل شي وتقعد في بيتها.. سعد:وانت ايش تبين تسوين؟ سلوى:ماني عارفه.. سعد:فكري عدل ياسلوى انت تبين عادل وتبين دراستج.. سلوى:بس انا ماابي عادل هذا اللي اشوفه الحين.. سعد:يعني شنو؟ عادل راح بيت رفيجه طارق..وقعد يشكي له همه.. طارق:لاتلومها ياعادل..مصدومة من اللي شافته.. عادل:ايش تقصد؟ طارق:لاتفهمني غلط..هي كانت تحبك مثل ماكنت قبل مب مثل ماانت الحين.. عادل:يعني تتوقع تتطلب الانفصال؟ طارق:يمكن.. عادل:بس انا ابيها..ولايمكن استغنى عنها.. طارق:عادل انت لازم تفكر مع نفسك شوي واعرف ليش احنا قاعدين نقولك تغير.. في بيت ام سعد...قاعدين ساكتين ومحد عارف ايش ممكن يصير في الساعات الجاية..سلوى قاعدة في غرفتها يرن تليفونها بالمسج..تقرأ... ياتي الليل يسألني مالي أراك تسهرني فأجيب بشوق انتظر حبيبا يحن فيراسلني.. سلوى ادمعت عينها وقعدت تبجي..عيسى سمع صوت صياحها فيروح يتصل في مها ويخبرها تيي تقعد عند سلوى.. مها:خلاص ياسلوى كافي بسج صياح.. سلوى:وحياتي وحلمي مع عادل؟ مها:لازم كل واحد فيكم يفكر شوي بالثاني.. سلوى:مها انت والناس كلها تدري اني ابي عادل بأي طريقة..بس شالي صار..(يرن تليفونها يكون عادل).. مها:ردي انا بطلع.. سلوى:خليج قاعدة..(تحطه على السبيكر)..السلام عليكم.. عادل:وعليكم السلام..اشفيه صوتج؟كنت تبجين؟ سلوى:يهمك؟ عادل:سلوى يابعد قلبي انا احبج.... سلوى(تقاطعه):بس يكفي ياعادل من هالحجي..(مها تطلع من الغرفة)ايش فايدة الحب وانت تبي تعيشني معاك في عذاب.. عادل:اي عذاب؟ سلوى:......... عادل:سلوى ليش ساكته خلاص تبين تتخلين عن حلم حياتنا..زواجنا خلاص انساه..لا اسمحيلي مااقدر..انا متمسك فيج ولايمكن أخليج لشخص غيري..انا حبيتج وابيج لي انا وبس..انا مازلت احبج وانت شنو؟(سلوى سكتت)ليش ساكتة ردي علي.. سلوى:وانا بعد كنت احب واحد اسمه عادل كنا مع بعض نطلع مع بعض يدنا بعض..لكن الحين مااعرف هو وين.. عادل(يصارخ):انا عادل ياسلوى..بسج تعذبيني.. سلوى(تبجي):وانت على بالك انا مستانسة بتصرفاتك هذي انا مجروحة ماني متعذبة وبس..(تسك الخط) وتقط نفسها على السرير وتبجي..تدخل مها الغرفة مرة ثانية لما تسمع صوت بجيها..وتحاول تهديها فيدخل عيسى.. عيسى:خلاص بسج..ان شاء الله كل شي بينحل.. سلوى:ماابي..محد حاسس فيني بالهم اللي بقلبي..حرام عليكم..حرام عليكم.. عيسى ينزل تحت ويروح عند امه وسعد... عيسى:يمه..سعد..لازم سلوى ترتاح شوي..ماهي راضية تنام..لين متى..مايصير يي دكتور ويعطيها مهدئ.. أم سعد:جان زين..البنت ذبحت عمرها من الصياح.. رحمة:ماتنلام يايمه من اللي شافته وسمعته.. عيسى:سعد ليش ساكت؟ سعد:تعرف دكتور؟ عيسى:اي اعرف واحد اخو رفيجي.. سعد:انزين اتصل فيه واحنا ننتظره.. وبالفعل يي دكتور ويدخل على سلوى وعطاها ابره مهدئة لين مانامت والحمدلله..تحت في الصالة... ام سعد:ياخوفي فقردم يتكرر معاها.. شيخة:لا ان شاء الله..ادعي لها يمه دعاء الام مستجاب.. عيسى وسعد يدخلون... ام سعد:هايمه ايش قالكم الدكتور؟ سعد:ايش بيقول يعني ديروا بالكم عليها..قال بمرها بكرة الصبح.. ام سعد وينج يااختي تشوفين ولدج وايش صار بحاله.. في بيت ام عادل..موزة قاعدة تعشي عيالها..وعادل يدخل البيت.... موزة:اييب لك عشاء؟ عادل(بحزن وتعب):ماابي شي رايح انام.. موزة:دريت ان سلوى جابوا لها دكتور.. عادل(وقف وتخرع):ليش؟!!! موزة:يقولون كانت تعبانة وايد..(عادل راح عند الباب)..لاتعبك روح هي نايمة.. عادل(وقف):ايش كان فيها؟ موزة:انت اللي كنت فيها..انت مرضها وحزنها.. عادل(تضايق من كلام اخته هداها وراح غرفته).. قعد يفكر بكلام طارق وبكلام سعد وموزة وسلوى..الاهم سلوى.."يعني معقولة كل الناس غلط وانا الصح؟...ياربي أبي اعرف اللي قاعد اسويه صح ولالا..بس انا قاعد اخسر زوجتي حبيبتي اللي كانت ومازالت كل شي بالنسبة لي..انا ابيها ولايمكن أفرط فيها(راح يشوف نفسه بالمنظرة)..الناس معاها حق شكلي تغير وايد ضعفان حتى النور بوجهي ماكو..طارق قالي هذا انتحار ماهو جهاد.. موزة قاعدة تشوف تلفزيون مع عيالها..عادل ينزل تحت ويقعد معاهم بالصالة..يروح حمد ولد موزة وهو عمره ثلاث سنوات يقعد عند خاله..ويمسك يده.. حمد:خالي انا احبك وايد..(موزة انتهبت لحركة ولدها) عادل:وانا بعد حبيبي.. حمد:خالي ليش ماتلعب معانا؟ عادل:ألعب!! سالم:اي خالي نلعب كرة.. عادل:انزين..وين الكرة؟ سالم:برع.. عادل:مشينا.. موزة استانست ماصدقت ان هذا عادل..وقعد يلعب معاهم لين ماتعب ودخل البيت..وقعد ياخذ نفس وراح قعد على الكنبة.. موزة:يعطيك العافية..(تمد يدها وتعطيه عصير برتقال) عادل(يبتسم):الله يعافيج..مشكورة.. موزة(استانست ان عادل خذ منها العصير):ماانت يوعان..اييب لك العشاء؟ عادل:ماابي اتعبج.. موزة:تعبك راحة ياخوي..دقايق ويكون العشاء جاهز.. زهبت له العشاء وراحت ترقد عيالها..ونزلت تحت تقعد عند اخوها... عادل:ريلج مارد من الشغل؟ موزة:لا ليحين..عادل عجباك العشاء؟ عادل:في شي ام سالم تسويه ومايعجبني.. موزة:تسلم يابعد هلي كلهم.. بكرة الصبح تروح ام سعد وهي مستانسة عند سلوى... أم سعد:ايش رايج؟ سلوى(بتعب وحزن):يمه لاتزيدين هم..في حد يتغير بيوم وليلة؟ ام سعد:موزة بروحها ماهي مصدقة.. سلوى:يمه ولي سلمج سكي الموضوع انا تعبانة ومالي خلق شي.. عيسى يدخل... عيسى:سلوى الدكتور يبي يدخل.. سلوى:والدكتور ايش له بعد..حرام عليكم..(دموعها تنزل) عيسى:يمه طلعي برع.. ام سعد:الله يهديج ياسلوى.. سلوى:عيسى ماابي حد يدخل عندي.. عيسى:سلوى عيب الدكتور برع ينتظر.. سلوى:انا خايفة.. عيسى:لاتخافين انا وسعد موجودين.. عيسى يروح ينادي الدكتور وسعد يدخلون..وعقب مايكشف ويخلص.... سلوى:ماابي ابر.. الدكتور(يبتسم):لاتخافين ماني معطيج ابر..سعد معليه شوي.. سلوى:دكتور عندك شي تبي تقوله قوله جدامي.. الدكتور:سلوى انت لازم تسوين لج فحوصات وتحاليل.. سلوى:ليش؟ الدكتور:احتمال يكون عندج فقر دم.. سلوى:مرة ثانية..ليش بعد.. سعد:من قلة الاكل..بعد ليش.. عيسى:يعني انت دكتور تنصحنا ولا تلزمنا نوديها؟ الدكتور:بصراحة ان ماانصح انا الزم عليكم..اصلا شوفوا شكلها..وجهها صاير اصفر..شوف السواد اللي تحت عينها.. سلوى:انا ماني داخلة المستشفى..وبصير احسن.. الدكتور:اتمنى..(يشيل اغراضه)..على العموم انا اللي علي سويته..والباقي عليج ياسلوى..ديري بالج على صحتج..مع السلامة..(يطلع الدكتور وسعد) سلوى(تبجي):عيسى انا مااابي ادخل المستشفى.. عيسى(يحب راسها):لاتخافين ماراح اندخلج المستشفى..انت بس ارتاحي..(يغطيها)..ونامي..زين.. ويطلع..يسمع الدكتور يتناقش مع سعد... سعد:انت شايف جذي؟ الدكتور:والله اذا خايفين عليها..هي شكلها تعبانة وايد..ياريت لو تغيرون لها الجو..ولاتنسون التحاليل اهم شي.. عيسى:دكتور هي مشكلتها تخاف من المسشتفيات.. الدكتور:حاولوا معاها بأي طريقة..يالله انا ماشي اذا صار شي ولاشي واحتجتوني مايردكم الا لسانكم.. سعد:تسلم دكتور ماقصرت.. يرن جرس البيت والخدامة تفتح الباب..فيكون عادل..لما تشوفه ام سعد ماتصدق هذا عادل اللي شافته امس..لايمكن..قعد ينتظر يطلع الدكتور..والدكتور نزل في نفس الوقت اللي دخل عادل البيت..وراح وراه عادل..سلوى كانت زعلانة حاولت تنام بس ماقدرت..قعدت تفكر بعادل ومستقبلهم اللي شكله خلاص راح يمحي للأبد..ينطق الباب.. سلوى:تفضل.. عادل:صباح الخير.. سلوى(استغربت شكله ظلت مثل ماهي):هلا عادل.. عادل:سلامات ماتشوفين شر.. سلوى:.......... عادل:لاتسأل المشتاق ليه جاك اليوم..ولاتعذل القلب اذا باح بأسراره يالله عسى الخير لك يدوم ويدوم..والغالي واجب نتطمن على اخباره..جعل السعادة تضمك في كل يوم..ودوم قلبك بالفرح مشعل انواره.. سلوى(غريبة شالي مغيره بيوم وليلة) عادل:سلوى مااستحق منج كلمة حلوة؟ سلوى:انا تعبانة ومالي خلق اتكلم..ابي انام.. عادل:بس انا ياي علشان نحدد يوم العرس.. سلوى:أنا قلت لك ابي انام..لوسمحت.. عادل(تضايق منها):يعني شنو وانا متى تفضين لي؟ سلوى(عدلت قعدتها):نعم..تفضل هذا انا فضيت لك..خير؟ عادل:اشفيج ليش تكلمين معاي بهالطريقة؟ سلوى:عادل انا راسي يعورني وتوه الدكتور طالع من عندي..وانا مافيني اتكلم..لكن علشانك ..قول نعم؟؟ عادل:متى الزواج؟ سلوى:خلني افكر.. عادل(عصب):ليكون حاطه في بالج اني قاعد اخطبج مرة ثانية؟ سلوى:عادل رجاءاً ماابي اسمع شي..اللي فيني كافيني..واللي جى منك كافي.. عادل:يعني شنو؟ سلوى:يعني ترضى بالفستان الابيض؟ تحت بالصالة.... سعد:يمه اشلون خليتيه يروح لها فوق..انا خايف على سلوى.. ام سعد:خلاص انا الحين بروح فوق.. سعد:اي ولي سلمج يمه.. في غرفة سلوى..... سلوى:انزين ترضى أكمل دراستي؟ عادل:لا.. سلوى:ترضى تعيشني في خيمة وتخليني خدامة مو جذي.. عادل:ايش هالحجي..الظاهر اعصابج تعبانة ومحتاجة راحة..مع السلامة.. ام سعد تشوف عادل طالع معصب دخلت عند بنتها... سلوى(وهي تبجي):تقولون لي تغير..تغير طل.. ام سعد(حضنتها):معليه يايمه تصبري.. عادل يشوف سعد..وهو فوران.. عادل:سعد لو سمحت حددوا موعد العرس..انا ابي زوجتي مافيني انتظر اكثر من جذي.. سعد:انا ايش قلت لك..لتغيرت تعال خذ زوجتك.. عادل:هذا انا جدامك ماتشوف تغيرت..شعري وقصرته ولحيتي وقصرته بعد ايش تبون؟ سعد:محد قالك روح وقصر شعرك ولحيتك..التغير مايي من الظاهر..لاتنسى التغيير الداخلي هو الاهم.. عادل:ايش قصدك ياسعد..يعني ماتبون تعطوني زوجتي؟ سعد:والله انا مالي خص اذا هي موافقة انا ماعندي مانع.. عادل:انزين روح لها كلمها وبعدين انت اخوها العود انصحها ان البنت مالها الا بيت زوجها.. في غرفة سلوى.... سعد:ايش قلتي؟ سلوى:سعد انا قلت لك رايي.. سعد:يعني خلاص؟ سلوى:سعد اقولك الصدق بصراحة طابت نفسي منه.. سعد(استغرب):انت عارفة ايش قاعدة تقولين؟ سلوى:اي عارفة.. سعد:سلوى هذا اللي تتكلمين عنه هو خطيبج اللي كنت تحلمين فيه ليل ونهار.. سلوى:أدري.. سعد:بس في مجال لتغييره.. سلوى:سعد..عادل تغير 180 درجة..وصعب يتحسن في يوم وليلة..وانا مااقدر اعيش مع واحد بعيشني بعذاب..ومافيني انتظر اكثر..صار لي مخطوبة من خمس سنوات خلاص تعبت باقي لي آخر سنة اذا مادرست جامعة راحت علي شهادتي الثانوية.. سعد:ماراح آخذ رايج ألحين..بخليج تفكرين اكثر خذي راحتج في التفكير.. في بيت بومحمد يرن تليفون البيت.... اميرة:هلا سعد..بخير الحمدلله..ليش؟؟...خلاص ان شاء الله...أكيد ألحين بقول حق ابوي..مع السلامة.. بومحمد:خير يبه ايش يبي سعد؟ اميرة:يقولي روحي عند سلوى هي تعبانة ومحتاجة حد يكون معاها..توديني؟ بومحمد:اوديج.. في بيت ام سعد.. ام سعد:حياالله يبه تفضل.. بومحمد:شيخة يبه جيبيلي كلاص ماي.. شيخة:ان شاء الله يدي.. بومحمد:ايش حالج ياأم سعد؟ في غرفة سلوى... اميرة:سلوى أنا ماني مصدقة ان اللي جدامي سلوى اللي كانت تموت على الارض اللي يمشي عليها عادل.. سلوى:أميرة...(سكتت) اميرة:اميرة ايش؟؟..سلوى وين احلامج مع عادل تبخرت؟!! سلوى:ليش جايه تقولين لي انا هالحجي؟..وليش ماتروحين له هو.. اميرة:عادل ليحين يحبج ومتمسك فيج.. سلوى:عجل أنا اللي اكرهه وماابيه.. اميرة:عيل كلامج ايش معناته؟ سلوى:أميرة انت ماتعرفين عادل اشلون صاير.. اميرة:انت زعلانة علشان العرس؟ سلوى:اميرة ماانت فاهمتني..الحين انا برفض عادل علشان العرس..مو مهم العرس..في اشياء اهم بحياتنا..عادل افكاره تغيرت..انا ماادري من غسل مخه..وغير افكاره..اميرة انتوا كلكم عارفين اني احب عادل ولايمكن أفرط فيه..لكن اشلون اقدر اعيش معاه بهالطريقة..جان زين لو اشياء فعلا حرام..اشياء حلال ويحرومونها..(دموعها تنزل) اميرة تحضنها... في بيت ام عادل...اميرة تروح وتقعد تسولف مع موزة.. موزة:انا ايش بيدي اقدر اسويه..بس اقوله شي يعصب علي صاير عصبي بشكل غير طبيعي..عادل ماكان جذي.. اميرة:يعني الحل ياموزة؟خلاص نخلي كل واحد يروح في بطريج؟ عادل(يدخل):لا..سلوى لي انا وبس.. اميرة(وهي تشوف موزة):اشلون؟ عادل:احنا نحب بعض ولايمكن نفرط بعض.. اميرة:عادل انت مب عارف جرح سلوى ايشقد.. عادل:ومحد عارف جرحي انا ايشقد.. موزة:عادل روح لها مرة ثانية تناقشوا بس من غير استفزاز او عصبية.. في بيت ام سعد..يروح عيسى عند سلوى..يطق الباب ويدخل... عيسى:سلوى نزلي تحت وروحي الحديقة.. سلوى:عيسى مااقدر..تعبانة شوي.. عيسى:اشفيج؟ سلوى:دايخة شوي.. عيسى:الله يهديج..ماتسمعين الحجي لو... سلوى(تقاطعه):عيسى.. عيسى:خلاص..عادل تحت يبيج..انا بساعدج علشان تنزلين.. سلوى:قوله نايمة.. عيسى:سلوى الحل مب ان نتهرب من مشاكلنا..واجهيها علشان ترتاحين.. سلوى تلبس عباتها وشيلتها وتنزل تحت بمساعدة عيسى.. ام سعد بالصالة... ام سعد:يالله توفقهم وترجعهم حق بعض.. في الحديقة..عادل لما شاف سلوى واقفة بس ماسكها عيسى..راح لها على طول وهو خايف..فراح يمسكها بدل عيسى..فسلوى ماخلته.. سلوى:عيسى خلاص انا بقعد.. عيسى:عن اذنكم.. عادل:ايش حالج؟ سلوى:بخير.. عادل:ماكو شخبارك؟ سلوى:شخبارك؟ عادل:بخير..انت اشلونج الحين ان شاء الله احسن.. سلوى(كأنه عادل اللي اعرفه):الحمدلله.. عادل(يقرب منها ويمسك يدها):انت ليحين زعلانة علي.. سلوى:........... عادل:صار لي يومين مارقدت احس جسمي مهدود ومافيني حيل.. سلوى(لان قلبها):ليش تسوي في عمرك جذي؟ عادل(استانس):شسوي زعلج هو اللي سوى فيني جذي..سلوى انا احبج ومافيني اقعد اكثر من جذي من غيرج.. سلوى:عادل احنا لايمكن نتزوج لين ماتنحل المشاكل اللي بينا.. عادل:هذاني جيت علشان نحل مشاكلنا..قولي اللي تبينه هذا انا غيرت شكلي بعد شنو تبين؟ سلوى:عادل انا ماقلت شكلك..انا ابيك تقتنع ان اللي قاعد تسويه غلط..ويمكن يدمر حياتك وحياة غيرك.. عادل:احنا اذا ماساعدنا الفقراء نساعد منو؟ سلوى:نساعدهم محد قال شي بس نساعد نفسنا بالاول..مو معقولة اذبح عمري من الجوع علشان غيري يشبع.. عادل:انا مامت من الجوع.. سلوى:صاير جلد على عظم وتقولي ماني ميت من الجوع.. عادل:ياحبيبتي..احنا لازم نضحي.. سلوى:علشان بكرة تموت..وانا ابقى بروحي..(قعدت تبجي) عادل(حضنها):الله لايفرقنا.. في الصالة..سعد وام سعد وبناتها كانوا يشوفونهم من الدريشة..سعد عصب ويبي يروح لهم.. ام سعد:يمه رضاي عليك خلهم..خلنا نشوف ايش بيصير..علشان خاطري يايمه.. في الحديقة... عادل:سلوى أبي منج جملة صريحة..شالي تفكرين فيه؟؟على ايش ناوية؟ سلوى:........... عادل:سلوى صارحيني..احنا ماقعدنا هالقعدة الا علشان نحل مشاكلنا صح ولالا؟ سلوى:انا افكر..ياتنحل المشكلة باللي يرضي فيه رب العالمين..او ان.....(سكتت) عادل:او ان ننفصل مو جذي؟ سلوى:تعتقد لو تمينا مع بعض على هالحالة نقدر نكمل مسيرة حياتنا..لا مااعتقد.. عادل:بس انا ابيج ولايمكن افكر يوم بالانفصال.. سلوى(حاولت توقف بس حست بدوخة وصلها عادل بالوقت المناسب وقعدها):ايهما تفضل ان نعيش مع بعض كل يوم هواش واختلافات والا.....(سكتت) عادل:ولا كل واحد يروح بصوب..ونرتاح..لا ياسلوى لو افترقنا انا بموت(سلوى تسكر عيونها تتألم من كلامه)..انت عارفة يعني شنو بموت..سلوى انت كنت حلم حياتي من سنين طويلة..ألحين اقول مع السلامة حق الحلم..لامستحيل لايمكن.. سلوى:أجل جدامك الاختيار الاول انك تتغير..فكر يمكن في نتيجة..عن اذنك.. حاولت سلوى تمشي كانت تعبانة راحت اختها رحمة تجيبها من الحديقة...وعادل ظل بروحه وهو متألم من كلام سلوى لأول مرة يشوفها قوية..ركب سيارته وراح.. ام سعد:هايمه..بشري.. سلوى(تشوفهم):اللي فيه الخير راح يصير..ابغى اروح داري.. عبدالرحمن يدخل.... ام سعد:عبدالرحمن يمه ساعد اختك تروح دارها.. رحمة:من شكلها ان ماكو نتيجة ايجابية.. ام سعد قعدت تبجي..تروح لها شيخة... شيخة:يمه حبيبتي ليش البجي.. ام سعد:يايمه خالتج وصتني اني ازوجهم لبعض..والحين انا قاعدة اشوف شي ثاني حسبي الله على اللي كان السبب.. سعد:ادعي له بالهداية..بعدين انت ناسية وصية ابوي حق سلوى؟ ام سعد:اذا تزوجوا..بكرة يصير خير وبيوافق وبتكمل دراستها.. رحمة:مااعتقد..شكله راسه يابس.. في غرفة سلوى..تتصل في فارس ولد سعد.. سلوى:فارس وينك فيه؟ فارس:بالسكن..ليش اشفيج سلوى؟ سلوى:فارس متى بترد؟..انت جذبت علي قلت برد في العيد ومارديت.. فارس:صارت لي ظروف وماقدرت ارد..قولي لي ليش ايش صاير؟ سلوى:فارس ابيك ترد أنا بحاجتك.. فارس(تخرع من كلامها):وعادل وينه؟ سلوى(تضايقت):فارس ولي سلمك أرجع بسرعة.. فارس:أصلا خلاص انا على الاسبوع الجاي موجود لأني خلصت.. سلوى(استانست):صج..هذا احلى خبر سمعته..ولي سلمك تعال..انا ابيك في شغلة ضرورية....خلاص انا انتظرك..مع السلامة.. سلوى تفكر بشغله محد يعرف عنها..شي مايخطر على البال..وتنتظر فارس علشان يساعدها..وتمر ثلاثة ايام من غير حس ولاخبر وعادل ماهو مبين..وبيت ام سعد متوتر حيل..وسلوى تنتظر فارس بفارغ الصبر..وفعلا يوصل فارس..وعقب ماراح عند امه وابوه راح بيت يدته..عقب السلام..راحت تلبس سلوى وطلعت من البيت مع فارس..ومحد يعرف شسالفة هالطلعة..الكل حيران..راحوا مع بعض وقعدوا في الكوفي شوب..وقعدوا يسولفون.. فارس(منصدم):عادل!! سلوى:فارس انا قلت كل قصتي معاه..وهو من اسبوع مامبين معناته ان ماهو راضي على الاختيار الاول.. فارس:سلوى معقولة خلاص راح تستسلمين.. سلوى(بحزن):ليش اكو حل ثاني..كل اللي اقدر عليه سويته..ماعاد في طريقة..المهم..خلينا في موضوعنا..ايش قلت؟ في بيت سعد..فارس قاعد مع أمه وابوه.. فارس:هايبه هايمه ايش قلتوا؟ سعد:والله يابوك مااعرف شاقولك..بس انت توك راد.. فاطمة:يمه بشوفتك اكحل عيني..الحين تبي تهدنا مرة ثانية وتسافر..وانا؟ فارس:فديتج انت يايمه..بس يايمه لازم اكمل دراستي مافي مجال اني انتظر خلني اخلص علشان بكرة اشتغل واحقق حلمي.. سعد:اسمع يافارس..سوي اللي تبيه..انا ماعندي مانع..المهم تكون مرتاح..والله يوفقك.. فارس:وانت ياام فارس..(فاطمة عينها دمعت فارس راح لها)..لا ياام فارس ماابي اشوف دموع..ترى خلاص اهون..فاطمة:لايايمه..لاتهون الله يوفقك دنيا وآخرة والله يرضى عليك..ان شاء الله الله يعطيني عمر واحضر عرسك واشوف عيالك.. فارس:ان شاء الله.. في غرفة عيسى..سلوى قاعدة تسولف معاه... عيسى:انت من صجج؟؟ سلوى:اي من صجي..رجاءاً عيسى لاتقولي عادل..انسى الموضوع.. عيسى:يعني انت نسيتي عادل..لايمكن اصدق.. سلوى(في حد ينسى حبيبه):مومهم..المهم انت ايش قلت؟ عيسى:سعد يدري؟ سلوى:خفت اقوله ..جيتك علشان تساعدني ابي رايك بصراحة هذا انت شفت من اسبوعين عادل مامبين.. عيسى:بصراحة مااعرف شاقولج بس تراج تهربين من الواقع.. سلوى:معليه المهم افتك وانسى.. عيسى:والمطلوب مني؟ سلوى:ابيك تساعدني لما اكلم سعد.. عيسى:ومتى؟ سلوى:بكرة العصر او في الليل اروح له البيت وتعال معاي.. [بنت الخليلي-عاشقة قطر] | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
