مؤلفات الفيلسوف الإنجليزي برتراند راسل

[* فوفو *]

برتراند راسل 1872 - 1970


برتراند ارثر ويليام راسل، ( تالت ايرل راسل ) - بالإنجليزى : Bertrand Arthur William Russell, 3rd Earl Russell - ( تريليك، ويلز، 18 مايو 1872 - بلاس بينرهين، ويلز، 2 فبراير 1970 ). منطقي وفيلسوف وعالم رياضيات وكاتب كبير غزير الإنتاج وداعية سلام وتآخي بين البشر. من أهم مفكرين القرن العشرين. كات له مواقف مشهوره ضد الحروب و الإستعمار و العنصرية والقهر. دخل السجن مرتين، مره بسبب معارضته للحرب العالميه الأولى ودعوته للسلام (1918)، ومره وهو عنده تسعين سنه بسبب معارضته لإنتاج القنابل الذريه (1961). اخد جايزة نوبل في الأدب سنة 1950 على كتاباته المتنوعه و انتصاره للسلام و الحريه الفكريه.

في سنة 1963 أسس منظمة برتراند راسل للسلام وانضم له ووقف معاه الفيلسوف الفرنساوي جان بول سارتر في ادانته لسياسة أمريكا في حرب فيتنام.







ترينتي كوليج - كمبردج


طفولته وتعليمه

ولد برتراند راسل في ويلز في عيله ارستقراطيه فيها لوردات وبارونات وورث عن جده لقبه النبيل " إيرل " - Earl -. راسل بدا تعليمه بطريقه فرديه عن طريق مدرسين خصوصيين في بيت جدته و جده " لورد جون راسل " بعد ما اتوفى أبوه وأمه و ماكانش له اتصالات كتيره بعيال تانيين غير أخوه " فرانك " اللي كان عايش معاه. في فتره العزله دي أفكار راسل ابتدت تتشكل وبدا يهتم بالمعرفه وتحصيل العلوم والتفكير في موضوع الدين، وبقى متمرد وشكاك في كل حاجه و ما يقتنعش بكل حاجه زي ماهي و زي الناس ما بتؤمن بيها من غير تفكير ومن غير ما يقدروا يثبتوها.

في سنة 1890 دخل راسل كلية ترينتي كوليج " Trinity College " في كمبردج، و على طول اظهر ذكاءه وتفوقه وقدراته التفكيريه العاليه بالنسبه لكل الطلاب اللي معاه، و أخد جوايز تفوق في علم الرياضيات. وبعدين في سنة 1893 بعد ما خلص دراسة الرياضيات اتحول لدراسة الفلسفه اللي برضه نجح واتفوق فيها وأخد شهاده في علم الأخلاق سنة 1894. وفي نفس السنة اتجوز واحده امريكانيه ضد رغبة عيلته و خد بعضه و راح أمريكا وبقى يحاضر هناك في علم الرياضيات (الهندسة اللاإقليدية)، وبعد سنتين سافر على المانيا عشان يدرس علم الإقتصاد وهناك اتعرف على الماركسيه عن طريق أتباع الحزب الإشتراكي الديمقراطي وبعدين رجع على إنجلترا وبقى محاضر أول في مدرسة لندن للإقتصاد والعلوم السياسيه " Lodon School of Economics and Political Science ".






راسل عبقرى و داعية سلام.


نشاطه التأليفي والفلسفي


في سنة 1896 نشر راسل أول كتبه " الإشتراكية الديمقراطيه الألمانيه " ، وبعدها بتلت سنين نبذ الفلسفه المثاليه - Idealism - و اعتنق " الفلسفه التجريبيه " - Empiricism - و " الفلسفة الإيجابيه " - Positivism - ، و " الواقعيه الماديه " - Physical Realism - ، وفضل طول حياته على الحال ده. واستمر معتنق المذهب الليبرالي - Liberalism - لغاية ما دخل حزب العمال سنة 1914.

أفكار راسل الفلسفيه كات بتقوم على تلت مبادىء، أولها وأهمها إن المعرفه البشريه لازم تكون قايمه على التحليل العلمي المادي، ودي شرحها في كتب زي " بحث في معنى الحقيقة " (1940) و أخر أهم كتبه " المعرفه البشريه، نطاقها و حدودها " (1948). والتانيه ان المنطق مرتبط بالرياضيات بحيث ان القوانين الرياضيه ممكن تستنج من عدد صغير من القواعد المنطقيه البسيطه ودي شرحها في كتابه " قواعد الرياضيات " (1903). المبدأ التالت بيتعلق بالتحليل، وملخصه انه ممكن استنتاج حاجات بتختص بالعالم من اللغة ( الصح ) اللي بتوصفها زي جملة " ملك اسبانيا الحالي "، و المبدأ ده شرحه في كتبه " تحليل العقل " (1921) و " تحليل المادة " (1927).

بعد ما راسل خلص من كتابه عن فلسفة " ليبنيز " سنة 1900 بدأ مشروعه الكبير في المنطق والرياضيات ونشر في 1903 " قواعد الرياضيات " - The Principals of Mathematics - وفي سنة 1910 و 1912 و 1913 نشر التلت مجلدات بتوع كتاب قواعد الرياضيات بعنوان لاتيني - Principia Mathematica -. والكتاب ده كتبه مع صاحبه الرياضي والفيلسوف الفريد نورث وايتهيد وده كان أستاذه قبل كده.

من وقت نشر مجلدات " قواعد الفلسفه " وجهة راسل الفلسفيه بقت معظمها تحليليه و أفكاره بقت من مصادر الإلهام للحركه التحليليه في الفلسفه - Analytic Movement in philosophy - ، لكن شويه شويه ابتدى راسل يبعد عن المدرسه التحليلية ويهتم بـ " الأتوميه المنطقيه " - Logical Atomism -.

معظم كتابات راسل في عشرينات وأوائل تلاتينات القرن العشرين بقت متوجهه للقراء العاديين بلغه سهله مفهومه، وراجت شوية كتب من كتبه دول بين الناس، وكان منها " ألف باء الذرات " - ABC of Atoms - اللي اتنشر سنة 1923 و " ألف باء النسبيه " - ABC of Relativity - اللي نشره سنة 1925. ومع الكتب العلميه المبسطه دي ألف كتب تنويريه في السياسه والمجتمع والتعليم والثقافه والدين وغيره. زي " ماهو إيماني " ( 1925) و " الزواج والأخلاق " (1929) و " مستقبل العلم "( 1931) و " التعليم و النظام الإجتماعي " ( 1932). كل الكتب دي كات قويه وبيشع منها ذكاء مفكر كبير عايش مع الناس ومتواصل بأحداث الدنيا والتطورات الثقافيه والإجتماعيه. راسل كان نشيط جداً في الكتابه وطول عمره في أي وقت كان له كتب في المطبعه.

في سنة 1927 راسل ومراته دورا فتحوا جنب بيترسفيلد مدرسه تجريبيه متحرره جداً بمفاهيم أياميها . وبعد ما اتطلقوا سنة 1935 راسل سابها لكن دورا استمرت فيها لغاية ما قامت الحرب العالميه التانيه في 1938.

بعد ما أخوه فرانك ماإتوفى سنة 1931 إتنقل لراسل لقب " تالت إيرل " - 3rd Earl - وإتضاف لإسمه. وإستمر راسل في التأليف و نشر سنة 1934 كتاب مهم إسمه " الحريه و التنظيم، 1814 - 1914 " - Freedom and Organization, 1814 - 1914 -. اللي ساعد راسل في البحث ده وبحث غيره كات واحده اسمها باتريشيا سبينس واتجوزها سنة 1936.







برتراند راسل ندد بالحرب العالميه الاولى.


نشاطه السياسى

في سنة 1907 راسل دخل انتخابات البرلمان وما نجحش، وكان بيطالب بعمل نظام التجاره الحره وبحق المرأه في التصويت في الإنتخابات لإن أياميها كان القانون الإنجليزي لسة بيمنع تصويت الستات. لكن بعدها بسنه انتخب كعضو في الجمعية الملكيه.

لما قامت الحرب العالميه الاولى راسل كان من المناهضين لها والمطالبين بالسلام و ندد بيها فاتقبض عليه واتغرم 100 جنيه وده اياميها كان مبلغ كبير. وفي سنة 1918 إطرد من كلية الترينتي كوليج اللي كان بيشتغل فيها محاضر وأخد ست تشهر سجن. وهو في السجن انتهز الفرصه و ألف كتابه " مقدمه في الفلسفة الرياضيه " (اتنشر 1919) وبدا يقرا ويجهز كتابه " تحليل العقل " (1921). وبعد ما طلع من السجن " قابل دورا بلاك " - اللي اتجوزها بعد كده (1921) - وسافروا سوا الصين سنة 1920، وبعدها زار الإتحاد السوفيتي، و في نفس السنه نشر كتابه " الممارسه والنظريه البلشيفيكيه " اللي انتقد فيه النظام الشيوعى وأدان الأعمال القمعيه بتاعة ستالين .

كداعية سلام بيحب الخير للبشر وقف راسل ضد تهديدات قيام الحرب العالميه التانيه ، لكن بعد الحرب ما قامت وقف ضد هتلر و قال إن هتلر ده لازم يتغلب " كتمهيد لأي شىء كويس ". لكن اتطرد من كلية سيتي كوليج في نيويورك بعد ما اترفعت عليه قضايا من ناس ماعجبتهومش توجهاته فاتهموه بإنه بينشر اللا أخلاقيه ودخل في محنه ماليه كبيره بسبب الطرد من الكليه والقضايا دي، ما انقذهوش منها إلا عقد عمل كمحاضر في مؤسسة بارنس في بينسيلفانيا. لكن الفرحه ما كملتش وفضلوا وراه لغاية ما إتطرد تاني سنة 1943 ، بس استخدم محاضراته في تأليف كتابه " تاريخ الفلسفه الغربيه - History of Western Phyilosophy - اللي نشره سنة 1945 وعمل ضجه كبيره في بريطانيا و أمريكا واتباعت منه نسخ كتيره جداً جابت له دخل محترم لمده طويله. ولما رجع إنجلترا من أمريكا عينته كلية ترينتي كوليج محاضر فيها فإرتاح مادياً بعد المحنه اللي صابته بسبب ناس ماقدروش يتعاملوا مع أفكاره.







برتراند راسل ندد بتجربة أمريكا الهيدروجينيه في جزيرة بيكينى في 1954.


جايزة نوبل وحملته ضد السلاح النووى


برتراند راسل اتشهر جداً وبقى يطلع في برامج راديو البى بى سى يناقش مواضيع فكريه وخد جوايز تقديريه اتوجت سنة 1950 بجايزة نوبل فى الادب على أعماله الكتابيه الكبيره ونشاطه في مجال السلم العالمى ودعوته للحريه و عدائه لقهر الشعوب والناس وفرض المعتقدات عليهم.

لما إتنشر كتابه " المعرفه البشريه، نطاقها وحدودها " سنة 1948 استقبل استقبال كويس بس مش بحراره. ده لإن راسل من أيام الحرب العالميه التانيه و موقفه منها خلاه مش مقبول عند ناس كتير. راسل من أياميها ركن الفلسفه و بدا يوجه جهوده للسياسه الدوليه. من حوالي سنة 1952 السلطات والنظم الحاكمه بدت تهمله وتتجاهله لكن الشباب والناس المتنوره و اليساريين في كل الدنيا بقم بيحبوه ويحترموه وبقى بالنسبه لهم أمل ورمز من رموز الحريه والعداله. وبقت توصله ألوفات الجوابات و كروت التحيه من ناس عاديه من كل أرجاء الدنيا .

في سنة 1954 لما أمريكا عملت تجربه لقنبله هيدروجينيه فى جزيرة بيكينى فى المحيط الهادى ، وجه راسل نداء مشهور للعالم في راديو البي بي سي، أدان فيه بقوه تجارب القنابل الهيدروجينيه، وانضم له العالم الكبير البرت اينشتين وجمعوا العلما والمفكرين من أنحاء العالم وعملوا مؤتمر اترأسه راسل في بوجواش سنة 1957 أدانوا فيه التجارب النوويه. وفي سنة 1958 إترأس راسل حملة نزع السلاح النووي من العالم.

في سنة 1961 وراسل عنده تسعين سنة اتقبض عليه هو و مراته واتحكم عليهم شهرين سجن. لكن الحكم اتخفف لسجن سبع ايام لظروف راسل الصحيه وكبر سنه. والقضيه كان سببها انهم عملوا عصيان مدني عشان يحتجوا على التجارب النووية وجمعوا مؤيدين وقعدوا في الشارع وسدوا الطريق.






السنوات الأخيرة والموت

نشرت رسل له ثلاثة مجلدات سيرة ذاتية في عام 1967 ، 1968 ، و 1969.يوم 23 نوفمبر 1969 كتب ل صحيفة التايمز صحيفة قائلا ان التحضير لمحاكمات صورية في تشيكوسلوفاكيا كان "مقلقة للغاية". وفي الشهر ذاته ناشد الأمين العام يوثانت للأمم المتحدة لدعم لجنة جرائم الحرب الدولية للتحقيق في مزاعم التعذيب والإبادة الجماعية من جانب الولايات المتحدة في فيتنام الجنوبية. في الشهر التالي ، احتج على الحادث لدى Kosygin اليكسي على طرد الكسندر سولجينتسين من اتحاد الكتاب.

في 31 يناير 1970 ، أصدر بيانا روسل الذي أدان العدوان الإسرائيلي في الشرق الأوسط ودعا الى الانسحاب الاسرائيلي من الاراضي المحتلة عام 1967. وقال البيان ان :

مأساة شعب فلسطين أن بلدهم "نظرا" لقوة أجنبية إلى شعب آخر لخلق دولة جديدة. وكانت النتيجة أن أدلى العديد من مئات الآلاف من الأبرياء بلا مأوى دائم. مع كل نزاع جديد أعدادهم المتزايدة. كم هو أطول في العالم على استعداد لتحمل هذا المشهد الوحشي من القسوة؟ ومن الواضح تماما أن اللاجئين لديهم كل الحق للوطن من التي شردوا منها ، والحرمان من هذا الحق هو جوهر النزاع المستمر. وليس هناك شعب في أي مكان في العالم تقبل الجماهير في طرده من بلدهم ، وكيف يمكن لأي شخص يحتاج الشعب الفلسطيني لقبول العقاب الذي لا أحد آخر يمكن أن يتسامح؟ التسوية الدائمة فقط للاجئين في وطنهم هو عنصر أساسي في أي تسوية حقيقية في الشرق الأوسط. يقال في كثير من الأحيان أننا يجب أن نتعاطف مع اسرائيل بسبب ما يتعرض له اليهود في أوروبا على أيدي النازيين. ما تقوم به اسرائيل اليوم لا يمكن التغاضي عنها ، واللجوء إلى ويلات في الماضي لتبرير تلك الحاضر هو النفاق الإجمالي.
برتراند راسل ، 31 يناير 1970
. وكان هذا البيان رسل سياسي نهائي أو الفعل. وكان يقرأ بها في المؤتمر الدولي للبرلمانيين في القاهرة يوم 3 فبراير 1970 ، بعد يوم من وفاته.

مات رسل من إنفلونزا في 2 فبراير 1970 في منزله ، فى بلاس بنرين ، وكان أحرق في خليج Colwyn في 5 فبراير 1970. وفقا لارادته لم يكن هناك احتفال ديني ؛ تناثرت رماده فوق الجبال الويلزية في وقت لاحق العام.

[* فوفو *]

تنزيل مؤلفاته :



أحلام الإعلام وقصص آخرى














أصول الرياضيات 1














أصول الرياضيات 2











الإنسان












الدين والعلم
















الفوز بالسعادة














المجتمع البشري بين الأخلاق والسياسة














ما وراء المعني والحقيقة













تاريخ الفلسفة الغربية..الكتاب الثالث..الفلسفة الحديثة

[* فوفو *]

حكمة الغرب 1













حكمة الغرب 2














سقرط ابن طفيل












سيرتي الذاتية 1872 - 1914
















عبادة الإنسان الحر















غزو السعادة















فلسفته













لماذا لست مسيحيا












السلطة والفرد














المفكر السياسى : برتراند راسل

المؤلف : رمسيس عوض













برتراند راسل بين الشك والعاطفة

المؤلف : آلان وود

[هوببة]

تماااااااااااام

[نادية الشاعر]

شكررررررررررررررررررررررر رررا

[حلم دنيتي]

شـكــ وبارك الله فيك ـــرا لك ... لك مني أجمل تحية .

[الكاتب الحر]

مشكوووووووووووووووووووووو وووور

[tonytakriz]

Shokran jazilaaan

[هنكي منكي]

ياقمر سود الليالي يابدر بين الأهله