29-07-10, 02:38 PM | #1 | ||||
نجم روايتي
| ذهاب الوالدة الى السوق شوفو شو صار في يومن من ايام الرياض الحاره والمليئه بالسموم أنتشر خبر مدوي في كل أبوو أرجآء المنزل يفيد بروحة الوالده المصون للسوق اللي جنبنا اللكل فرح وسعد بالخبر ألا الوالد!! >> لانه داري انه فيها دفعت درآهم . أختكم فالله من سمعت ان فيه روحه ألا وهي نازلة من الدرج تفحظ ومشغله العداد عالأخر . جلست جنب الوالده .. انا : يمه يقولون انكم بتروحون للسوق >> يعنني ماآدريت المامآ بكل الكره الدفين : آآيه !!! أنا : تراني بروح معكم الماما : وشووله ؟ مهب لازم أنا : لا يمه لازم .. ناقصني أشياءن واجده وكلها اساسيه ابي سماعات للاب وابي شباصات وابي نعله للحمام وابي بف باف للبعوض وابي أقلام وأبي سراويل وكمآن أبي مزيل عرق حتى شمي <~ الوالده : خلاص ! درينا .. المهم اللي يبي يروح السوق يستعد من يوم مآيئذن بنصلي ونمشي ! انا : أف ! يمه حرام عليك شمووس ! يعني مايكفي أننآ بنمشي على رجلينآ للسوق ؟ الوالده : تبينه وألا أقعدي بالبيت .. انآ : لا .. خلاص أبيه وأمري لله !! الوالده : دوري نعآل أخوتس برهومه ترآه بيروح معنآآآ !! برهومه: أنآ : لا يمه تكفين مآبيه خليه ينظق بالبيت .. ماله داعي وشوله يروح أصلا الماما : له داعي هو المحرم !! حرام عليك يمه اي محرم بزرن ابو خمس سنوات انقلب محرم يآعزتآه لنا منذا المحرم وبعد العصر . من يوم مآشد المأذن على آذنيه بيرفع الاذان وتوه قايلن : ألله أك ... أآ انا ظايرتن أصلي أخاف تسحب علينا الوالده ولا شيئ ألا تشوفني بالمرصاد قصدي عند البوابه وبعد نص ساعه من الانتظار خرجت الوالده بعبآئتها الكبيره وبجانبهآ محرمنآ البظل والهمآم صآحب أكبر شركة لتوزيع الخظظ الاجراميه البحته على عيال الحي لتعذيب افراد المنزل >> آنظلقنآ الى ارض المعركه .. ! قصدي السوق والشمس تدغ دغ قلتي الشقراء والقظاآآوه تصدح بموأئها اللي ينافس محمد عبده في الابدااع والشارع ماتشوفونه من كثر مالناس تمشي فيه زحمه ! زحمه موووت المهم اننا وصلنا لسوقنا الحبيب اللي من يوم مانقبل عليه يصرخ بأعلى صوته حتى ان الصدى يتكررفي اسواره أرجعوو مآأبيكم تقضينا وكلش ورجعنا للمنزل وفي ظريق العوده وبينما انا اتأمل جدران حارتنا المتقشره ألا وشوف جيرانا مفتوحن بابهم وحوله خمة بزارين ينقلب راسكم لاشفتوهم من كثرهم عاد انا اللقافه تشتغل ابغى اعرف وش سرهم ؟ الا ويقوم واحد من ذا البزارين يلوح لي ببراءة عاد انا ماتحمل هالحركات >> حساسه قمت ولوحت له بس ولد الحلال ماوقف تلويح علق ! وبينما هو يلوح الا ويظهر ذاك المزيون من خلف البزارين . أختكم فالله من شافته انعفظت رقبتها وهي تمشي نعود للبزر . البزر ( قلب علي) عقب ماكان يلوح صار يتفل عاد انا تحسفت عالتلويح ! الا ويظلع ذالمزيون وينآظرنـــي وآنا منكسرن خآظري ويقوم كنه البخت >> يالبيه والله ويرفع يده ويعظيـــه بأم خمس عاد انا استانست حدي >> من جد حاله ! ويقوم ويخمهم جووى ويهاوشهم ويناظرني .. ويناظرني .. ويالتفت يناظرني وآنا يعنني مآشووف وسرحة بيوم العرس .. والفستان والعيال >> ماعندها وقت ! وماصحيت الا على صرخة المحرم : أدخلي ياوصخـــــــــه ! أثره التسلب فاهم كلش من الصبح ألتفت : وشفت خشت برهومه وعرفت ان مالي امل وهالمحرم موجود . | ||||
06-08-10, 01:32 AM | #7 | ||||||||||||||
مراقبة ومشرفة سابقة ونجم روايتي
| ههههههههههههههههههههههههه يسلمووووووووووو شفتي امك معها حق انها تاخذ معكم محرم تدري ماينوثق فيك | ||||||||||||||
07-08-10, 11:28 PM | #10 | |||||||||
مشرفة اقسام الروايات الرومانسية المترجمة والمكتبة الإنجليزية وعضوة فى فريق الروايات الرومانسية المكتوبة وفريق ترجمة الروايات الرومانسية والعالمية
| ههههههههههههههههههه حلللللوه كانما كاعده عندج بالبيت | |||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|