صغيرات على الحياة / للكاتبة المبدعة أم وسن ، مكتملة

[بلازا]

تركي:دقيت على وافي بتفاهم معه مثل ماقالي أبوي،

وافي:ماصدقت تركي يدق علي تركت الشغل اللي بيدي وجيته طيران،

تركي:والله ياالوافي حالكم مايسر عدو ولاصديق والبنت جتنا زعلانة وماندري شالسبب مو راضية تتكلم وماعندها سيرة غير طلقوني منه وأنت شهر لاجيت ولاسألت ورافض تدخل حمد وأحنا مايرضينا حال بنتنا كذا فإمساك بمعروف أوتسريح بإحسان

وافي:بتنهيده اللي بينا ما لأحد دخل فيه وطلاق مافيه وقلها تجهز بجيها ال...وقطع كلامي
جوال تركي وهو يرد عليه
هلااااا
إن شاءالله تامرين
خلاص تجهزي عشر دقايق وأنا عندك
عن أذنك وافي بجيب حنين من المستشفى

وافي:أنا بجيبها هات مفتاح سيارتك

جواد:لازالت وسن تسيطر على تفكيري مستحيل أخذها وفكرت بكذا طريقة أتخلص منها وطرت ببالي فكرة دام أني أعتبر زوجها وماشفتها شوفة شرعية فمو كثير هالطلب ودقيت لوليد.

جواد:هلاااا أبوخالد إلك وإلا للديب

وليد بتمثيل:باطل! يخسا الديب

جواد:كفو والله أبي خدمة صغنونة منك.

وليد:أمر ياالنسيب

جواد:أبي أشوف صورة وسن

وليد بخبث:تامر أمر بس كذا

وافي:دق تركي عليها وقالها السيارة برا ووصف مكانها،وأنا ثلثمت بغترتي ولبست نظارتي الشمسية وعيوني تدور عليها من بين الحريم وبسرعة صديت لماشفتها،

حنين:سوري تروك عطلتك عن دوامك ..وماعطيته فرصة يرد ..على فكرة عرفت نوع الجنين بس مو قايلتلك عشان تصير مفاجأة بس بقول لأمي وأبوي.

وافي:طلعت من مواقف المستشفى قلت وأنا أفك غترتي وانسفها على راسي عشان يبان وجهي

وبابتسامة:ولاحتى أبوه؟

حنين:كنت اتعبث بشنطتي بس رفعت راسي بصدمة يتهيأ لي سمعت صوت،،،بس قطع تفكيري صوته وهو يقول : شخبارك حنون؟

حنين:بقهر وين تركي؟

وافي:حطيت ايدي على كرشتها احسها كبرت مررره بهاالشهر اللي ماشفتها وابتسمت لما حسيت بحركة عنيفة من الجنين وكأنه يرفس يدي : هههههههه شفيه ولدي حركته كثيرة شكله بيطلع نشيط على أبوه!

حنين:بعدت يده عني وقلت:وين تركي ليش ماجا ياخذني؟

وافي : شدعوه ! مافيه شخبارك ، اشتقنالك ، بعدين أنا زوجك مو تركي وكل مواعيدك أنا أوديك لها مو أخوانك ، سامعة،

حنين: لا طبعا،أنت مالك دخل فيني،وطلقني لوسمحت،

وافي:تعوذت من الشيطان لاأتهور وأتوطاها بكفر السيارة،بس الشرهة مو عليها على اللي ياخذ بزر،لو إني ماخذ وحدة من سني عاقلة أفكارها مقاربة لأفكاري،مو هالدلوعة!مارديت عليها لأنا قربنا من بيت...!!؟

حنين :هي هي وين موديني قلتها وأنا أمسك الدركسون وألف به.

وافي بعصبية:يامجنونة بغيتي تقلبينا!

حنين:رجعني لبيتنا رجعني!

وافي:سفهتها وأنا أدخل السيارة مع باب الريموت
واتهجت لبابها:هذا بيتك!!فاهمة.

حنين:تكيت براحة عالمرتبة وقلت:هذي جلسة إن شاء الله للفجر بس ماني نازلة!

وافي:انحنيت وشلتها من مرتبتها:ياثقلك صرتي دبا كسرتي ظهري هههه.

حنين:نزلني وافي عند الباب وتمسكت

بمساكة الباب:والله ما ادخل بيت طردت منه..
ونزلت بسرعة ماكني حامل.

وافي:انقهرت وركلت الباب برجلي بكل قوتي ولحقتها وركبت السيارة.

وافي:وبعدين يعني والحل معك؟

حنين:طلقني وفكني.

وافي:التفت عليها وأحس عيوني بتطلع من مكانها من العصبية ومسكت يدها ولويتها بكل

قوتي:خبلة أنتي لاعاد أسمع هالكلمة منك بتركك اسبوع تريحين أعصابك والخميس بجي آخذك.

حنين:سفهته أخاف أعانده ومايردني لأهلي.

وافي:مسكت خط الديرة كنت أبي أقضي معها وقت أطول يمكن نتفاهم وخذت لي قهوة بالطريق تروقني وخذت لها عصير جوافة اللي تحبه.

وطول الطريق وهي صادة عني وشكلها سرحانة بأفكارها وأنا عيني شوي عليها وشوي على الطريق حبيت اقطع الصمت

وحطيت يدي على بطنها :بنت وإلا ولد؟

حنين:بعدت ايده عني مالك دخل مو أنت ماتبيه.

وافي:ركنت السيارة على جنب لأني فقدت السيطرة على التركيز وبعصبية مسكتها من أقرب شي لي كتفها:منهو اللي ماله دخل؟قسم بالله إن ما قلتيلي أن ارجع بك الرياض وماتشوفين نور الشمس لين تولدين.

حنين:خفت منه هذا عصبي ومتهور وشايف نفسه عالناس ويسويها:بنت بنت!

وافي : فكيتها وارتخيت عالمرتبة وبابتسامة على خوفها..حلو أنا أحب البنات بس أبيها حلوة على أمها..كم باقي وتالدين؟

حنين:أربعه شهور.

وافي:أوكي..يمديني أجهز غرفة البنوتة.

حنين:ماله داعي!

وافي:كيف ماله داعي!وإلا بتنام معنا إن شاء الله؟

حنين:سفهته وماعاد كلمته لين وصلنا.

وافي:دخلت أسلم على عمي وأم حنين وناديت حنين قبل لاأدخل عارف أنها ماراح تطلع
مره ثانيه إذا دخلت!

ودعتها وداع حار رغم مقاومتها بس فكها مني عمي إلي طلع لنا وأحنا بوضع محرج وبسرعة فكيتها وسلمت وأنا منحرج.

أبوتركي:ها وافي بتاخذ حنين؟

وافي: ياليت ياعمي بس أصرت تقعد هاالأسبوع وبجيها الخميس

[بلازا]

وليد:فبركت صوره لوسون ولما كملت تركت الماوس وأنا مبسوووط هههههههه.وأغني)

جواد:فتحت إيميلي أشيك عليه بانتظار صورة وسن وابتسمت لما شفت رسالة من وليد

وبسرعة فتحتها:
طيرت عيوني يممممه من ذي!مااصدق معقولة هذي وسن! وشلون وأخوانها كلهم حلوين؟

يمكن طالعة على خوالها!بسم الله تخوف حتى حواجبها الحمدلله مافيه فاصل بينها والجبهة لعنبو بليسها ساحة مطار مو جبهة وزقمها طويل كنه زقم حمار يالبيه العيون يبي لها مايكروسكوب نشوفها فيه أستغفرررر الله ياربي الحمدلله اللي أحسن خلقي.

صدق لاقالو(كان اللي بالشارع قرود ترا اللي بالبيت غزلان والعكس صحيح) بس شكلها مو أختهم ولاتعرق فيهم يمكن أمها غلطانة بها بالمستشفى جايز تصير وكثير بعد بس بعذرك

ياوليد يومك تكرهها شكلك حاس أنها مو أختك!سبحان الله!ربي أنقذني منها!

[بلازا]

وافي:طول ها الأسبوع وأنا أدق على حنين ومطنشتني إما تعطيني مشغول أو ماترد أو جوالها مقفل.

وصلت لبيت عمي العصر بس مارضت تكلمني أو تطلع لي واللي قهرني أكثر عمي

أبوتركي : والله البنت حالتها حالة مو راضية تكلمنا ولاتاكل إلا لما وعدتها تجلس عندنا لين تولد لأن نفسيتها بالمرة زفت ومو راضية تقول سبب زعلها.

وافي:اسمح لي عمي ماراح اتركها لين تولد واللي بينا مشاكل عادية بس هي كبرتها وأنا بحلها بنفسي بس خلها تطلع لي نتفاهم.

حنين:تنهدت وقلبي دق بقوة لما دريت أنه هنا وبعد إصرار أبوي أني اطلع اتفاهم معه قررت اواجهه...لبست فستان حمل قطن كحلي نص الساق وجزمة سبور واطي مع شرابة كحلي ورفعت خصلة من شعري بكليب فضي فيه فص كحلي وحطيت قلوز وبلاشر وشدو وردي أحب الوردي يطلعني كيووت كحلت بالسايل ومسكرت رموشي وتعطرت وطلعت.

وصلني أبوي باب المجلس واستأذن وخلانا لحالنا

وافي:ماتوقعتها بتطلع لي بها السهولة خاصة أنها عنيدة بس أنا أعند وماني ناوي اطلع بدون مااكلمها.. فزيت وسلمت عليها وسحبتها من يدها بجنبي وكلمتها وأنا العب بخاتمها وأصابعها...هاه شنطك جاهزه نمشي لبيتنا؟

حنين : لا طبعا سبق وقلتلك ماني راجعة وفكني!

وافي : يابنت ترا تحملت من دلعك مايكفي تعوذي من الشيطان وارجعي معي!

حنين:لا يعني لا

وافي بعصبية:في الشيطان تبيني اترجاك خيسي ببيت أبوك وطلاق لاتحلمين به وبنتي باخذها أول ماتولدين..

حنين وهي تقاوم دموعها:ماتقدر تاخذها وطلاق بتطلق طال الزمان وإلا قصر وطلعت

وافي:ركبت سيارتي ومشيت ميت من القهر.

حنين:مو قادرة انسى اللي سواه بي واهانته لي رغم حبي الجارف له بس كرامتي فوق قلبي.

[بلازا]

وسن:دقيتها صداقة مع البنت الجديدة فاطمة وصرنا مع بعض على طول
د
فتو:سونا عندنا طق بزواج ها الخميس شرايك تخاوينا ترا فلة ووناسة.

وسن:حلو تصدقين مشتهية أطق بزواج عاد أنا ماعرف أطق بس صوتي حلو يعجبك!بس ماأظن أهلي بيوافقون لي.

فتو:ياهبلة قولي صديقتي عازمتني زواج أختها وسمي لك اسم عايلة يثقون فيها هلك

وسن:وين زواجكم ! بعدين شلون بدخل بدون بطاقة دعوة.

فتو ضربتها على راسها:شغلي هالكور شوي أنتي بتروحين على أنك تبعنا يالطقاقات والزواج بالرياض بقاعة فخمة

وسن: طيب كيف وضعي!يعني شلبس؟

فتو:عادتن احنا نكشف ونكشخ بس عشانك بنتغتر! شقلتي!

وسن:أوكي..بس اخاف يكشفني تروك ثم يسويني كفتة!

فتو:ههههههههههههه ولايهمك اسويه لك شاورما هههههه

[بلازا]

وسن:أحب المغامرات وكسر الروتين زنيت على راس أبوي عشان يودينا للرياض على أساس أحضر زواج صديقتي ووافق رغم معارضة أخواني وجهزت برقع سارقته من أمي مع طرحة مزركشة ولبستها عند مدخل النسا بعد ماانتظرت فتو عند الباب عشان تدخلني.

وكنت خايفة في البداية إني انكشف أو أحد يعرفني أو يصير أي شي بس بسرعة

اندمجت مع الطق والطرب كانت المطربة أخت فتو ترفة وأنا وفتو نرد وراها بس طلبت من تروف تعطيني المايكرفون بعد مامنا على

بعض وغنيت:
لا لاتضايقونه**ترفي لاتضايقونه



ومن الحماس قمت أهز وأرقص وأنا بمكاني.

وعجبني صوتي بعد مامدحوه فتو
وتروف.

بس كبر راسي لما قالت أخت العروس
لترفه خلي هذي البيضا تغني في أخو العروس فهد وخفت لما قالو بيدخل ومعه رجال أحنا مااتفقنا على كذا فتو!

فتو:كلي تبن بس الحين بتنافسين أحلام وتقولين مااتفقنا!غني بس!

وسن بحماس:

قام فهد سريع وبهر الدلة**جاب صينيتن وأذناب خرفاني..

وغنيت للعريس بروقان لأني أحب أغاني أبونوره:
عريسنا يابدر بادي**...ت لياليك السرور
أخذتها وأنت الموفق **حوريه من بلاد النور


وسهرنا بوناسة لحد الساعة ثنتين بس فتو وفرقتهم كملو سهر للفجر.


وسن:وااااو صدق وناسة وجو حلو بس لو يدري تروك بيكسر رجلي عشان ماأخطي عتبة الباب.

[بلازا]

(‏بعد أربعه شهور)



حنين:من أمس وأنا أحس بمغص ببطني بس خفيف واليوم زاد هالشهر كله وأنا بشقة أهلي بالرياض أنا وأمي ووسن اللي تطورق يوميا للديرة مع نقل معلمات


بس موقادرة أتحمل رحت لغرفة أمي لقيتها نايمة وكسرت خاطري مقدرأصحيها..وأبوي

في الديرة


هو ووليد..عبدالعزيز بالشرقية..ومحمد وتركي أدق لهم محد يرد..وبكيت ياربي شسوي! طرا علي وافي ودقيت بسرعة يارب جواله مفتوح.


وافي:من تزاعلنا أنا وحنين وحالتي مقلوبة أسهر بالليل وأطلع من الدوام سيدة أنام
أصحى الساعة عشرة بالليل أكلي يعتمد عالحليب أو القهوة مع حبة شوكولا حتى أهلي أجلس أحيانا يومين ماشفتهم ارهقني التفكير بوضعي وقطع سرحاني صوت جوالي وفتحت عيوني عالأخر معقول حنين أخيرا حنت علي ودقت وإلا يمكن أحد من أخوانها؟ وبسرعة رديت؟

[جرح الذات]

اااااااااااااااااخ ليش وقفتي كنت خاشه جو

وسن و وليد والله انهم فله والله ضحكت من قلب على حركة وليد في ساره

هههههههههههههههههه جواد الحين وش يسوي اذا شاف وسن الحقيقيه بيذبح وليد

وسن لو اهلك دروا كانت صارت علوم انتبهي لاتسويها مره ثانيه

بلازا يعطيك العافيه على البارتا الروعه

منتظرينك
لك ودي

[بلازا]

تفضلوا هذا البارت يامتابعاتي الغاليات


حنين:ألووو

وافي:هلااااا أخيرا طرينا عالبال!

حنين:حسيت بالعبرة تخنقني يوم سمعت صوته!وبكيت!

وافي تكفى تعاااال مالقيت أحد يوديني المستشفى

وافي:بسم الله عليك شفيك؟

حنين:الظاهر ولادة أنا بشقة أهلي بسرعة تكفى.

وافي:يلا البسي عباتك جاي الحين

حنين:تسحبت بشويش لاتدري أمي وخذت شنطة البيبي وصل وافي وساعدني أركب السياره وطول الطريق إذا حسيت بطلق شديت بقوة على يد وافي

وافي:تحملي شوي وصلنا وعلى الطواري على طول.

حنين:فكو مني ساعتي وسلسالي وخواتمي حتى جوالي خذوه عطيت النيرس خمسين ريال عشان أخلي جوالي معي وأقفله طبعا

وافي:مو قادر أجلس أروح وأجي وأنا قلقان وطار قلبي لمن سمعت صراخها يارب هون عليها،يارب يسر ولاتعسر،يارب فرج لها،شفت نيرس طالعه من الغرفه وسألتها ماعطتني وجه تقول لسا،

حنين:أول ماطلعوني من غرفة الولادة فتحت جوالي وأول واحد دقيت عليه وافي

وافي:دق جوالي رفعته بعطيه مشغول بس شفت عالشاشة(حنيني يتصل بك)رديت بلهفهة: بشري؟

حنين بصوت تعبان : ابشرلك بولدين،

وافي:لحظات مارديت بس استوعبت

قلت: صادقة وإلا تمزحين!

حنين بتعب:مو وقت مزح مرهم بالحضانة شفهم

وافي والضحكه شاقة الوجه :كفو والله،بس بتطمن عليك أول،

اتصلت ابشر أمي وأبوي وعمي وعمتي وأرسلت لخواني وخواتي رسايل أبشرهم أكيد ألحين قايمين،

حنين:شفت وافي داخل علي وباينة الفرحة بعيووونه ووجهه قرب مني وباسني (مبروك يأم الشباب يتربون بعز والديهم إن شاء الله)بعدين قرص بعيوونه لي وحط يده على رقبتي كنه بيخنقني أجل بنت ها!وأنا طول هالشهورأهوجس
باسمها وشكلها ومن بزوجها!وأنتي مرتاحة!

حنين:ماقدرت أمنع ابتسامتي اللي طلعت غصب وبعدت يده عني:كيف العيال؟

وافي:مابعد شفتهم قلت أطمن على أمهم بعدين أشوفهم،

وتوني بقوم بس دخلت بهم النيرس ووراها الثانية وكل وحدة معها ولد قمت أشوفهم ياربي يدنووون كل واحد أحلى من الثاني ياربي أممممواااااه وبستهم على خدودهم

النيرس:يلا مدام رضاعة بيبي

حنين:استحيت أرضع ولدي قدامه،

وافي أطلع برا برضعهم

وافي:وأنا معييك؟أعين وأعاون،

انتشر خبر التوأم وطلعت حنين للبيت ووافي مسنتر عند أهلها بحجة شوفة عياله وحنين تطلع له العيال وماتطلع بحجة الزوار وأحيانا يمسي عندهم على أمل يسهر وياها لو ليلة،

وافي:قاهرتني سافطتني على جنب ماكني أبوعيالها وأهم من كل الناس تطلع لي العيال لحالهم بس هين باقي عشرة أيام وتطلعين من الأربعين وأخذك وأصك عليك سنة ماتشوفين من يقول ربي الله عقابا لك،آه بس متى تقضى هالأربعين ياطولها،

جواد
"]خزنت صورة وسن بحافظة شخصية وما حذفتها مدري ليش!مع إني ناوي أزحلقها،
اتصل علي وافي وبشرني بعياله وكان باين عليه الفرح يستاهل والله من زمان مافرح الله يوفقه مع هالحنين وترجع له،

[بلازا]

بشار:من دريت أن حنين حامل وزعلانة عند أهلها انتابني شعورين بنفس اللحظة فرح لانها زعلانة وطالبة الطلاق،وقهر لأنها جابت شي يربطهم بعض طول العمر تنهدت ودخلت أسلم على خالتي اللي كثرت جياتي لهم بسبب حنين آه بس لويصير اللي ببالي،


عساف:على البركة أبوتركي وإلا أبو جسار؟

وافي:ههه كلهم خير وبركة أبوهم كلهم،

عساف:هب عليكم،متزوجين بعدنا بشهر وتسعة شهور وجبتو اثنين مو واحد لايكون داخل عليها ياولد قبل زواجكم؟

وافي قام وزنطه بحلقه:اذكر الله على مرتي وعيالي لايجيهم شي!والله لأذبحك!

عساف:كح كح كح وجع إن شاءالله من زينكم نحسدكم! تف عليكم ماشاء الله تبارك الله.

تركه وافي وهو يبتسم :إيه كذا تعدل.

عساف:ياالخايس بغيت تموتني تبيع أخوك عشان مرتك وعيالك تراي أقرب لك قبلهم.

وافي:هههههه أبيعك وأبيع طوايفك بعد عشانهم.

حمد:اسمع أنت وياه جواد بيجينا زيارة شهر وقال لأبوي بيجي الخميس الجاي ويبي يرجع بمرته معه.

وافي:داري أجلت تمايم عيالي عشانه بس والله البنت توها صغيرة أم خمس طعش وعوبا وجواد مهوب ساكت لها إن عاندته.

حمد:الله أكبر!هذا أنت خذت أختها أم سبع طعش وجابت اثنين ماشاء الله ما ضرها وأنت نفس طبايع جواد وبعد هو أوسع منك خاطر.

وافي:يا هالولدين اللي بتنقزونهم بعيونكم كن محدن جاه توأم إلا أنا ... سولف بس لاتطري عيالي على لسانك!

حمد:هههههه يارجال وسع صدرك!هذا اللي يهاوشنا لا قلنا بنقرا على عيالنا من العين ويقول شيحسدونهم عليه!وين حكيك!وألا عيالك غير!

وافي:هذا إنت قلتها عيالي غير!

[بلازا]

حنين: e
بكرة بطلع من الأربعين وتركي وجسار هالكيني بالسهر وقدم لي وافي على مربية.

وافي:بكرة بتطلع حنين جبت عمال ينظفون البيت ويمسحون الجدران وأنا توليت تنظيف غرفتنا وغيرت مفرش السرير بمفرش أورنج حرير بما أنه يمشي مع ديكور الغرفة السكري نوعا ما!وأتفقت مع مطعم على طلبية الغدا بكرة ومريت حلويات سعد الدين وطلبت تورتة وكتبت عليها>كل الحب لك<أبوجسار ومريت الرميزان وخذت طقم ألماس حلو وفخم وغلفته.
وطلعت ثيابي الجديدة لأن القديمة صارت واسعة بعد مانحفت في الستة شهور اللي ما كانت حنين عندي.

وفتحت غرفة العيال قربت لسرايرهم آآآه اشتقت لهم تلفت حولي وابتسمت ولأمهم بعد!وأرسلت لحنين إني بجي آخذهم بكرة العصر.

وافي:بكرة الصباح قمت الساعة عشر وفزيت بسرعة أخذت ثوبي وغترتي البيضا للكواي ورحت للحلاق ضبطت السكسوكة ونظفت بشرتي وطلعت للبيت كانت الساعة وحدة انسدت نفسي من الفرحة شربت كابتشينو وخذت شور ولبست وتعطرت ولبست كبكاتي الفضيه وجزمتي الجديدة طالعت نفسي بأعجاب وااااو كني عريس طالعت الساعة ثنتين ونص حلو اوصلهم ثلاث ونص ركبت سيارتي ومشيت.. ‏

حنين:أووف هاالأربعين تطفش كنها سجن اليوم إفراج طبعا شفت مسج وافي وطنشته مو عشانه عارف إني أحبه يخليني ملطشة ويشوف نفسه علي ويهيني تشيكت عالآخر وأحترت وين أروح خذت عيالي وشغالتي ووسن وطلعت للملاهي كلمت زميلاتي بالكلية وأتفقنا نطلع سوا،

وافي:دقت أمي تبيني أجي للغدا قلتلها مشكورة ياالغلا رايح أجيب مرتي وعيالي تامرين شي،

أم حمد:الله يبشرك بخير وبكت عشان حال ولدها اللي مايسر،وبشرت أبوه اللي فرح،