قساة اضعفهم الحب........للكاتبة(( ملح الحياه وسكرها))ا

[taman]

	اكثر من اربع ساعات قضاها نايف وهو مع صبا... بس كل واحد كان بعالمه ومابينهم غير الصمت والصمت القاتل!!! كل ماحاول يكلمها بكلمة لقى نفسه عاجز يقول أي شي او يبرر أي تصرف... كان صدها عنه معذبه ومقطعه,,,,طول الوقت لافة وجهها للجهة الثانية وعيونها مغمضة ودموعها تسيل وكل ماحاول يتكلم رفعت يدها واشرت له يسكت,,, اصلا وش كان بيقول؟؟؟ هو بنفسه حاس بتاءنيب الضمير...يمكن انه جاءه ها الاحساس متاْخر بس قاعد يعذبه...يعذبه كثير,,,,, ظل معها لين انتهت الزيارة واستاْذن ووقف على راسها يسالها اذا كانت تبي شي ومالقى غير الصمت,,, كان كل شوي يمسح دموعه لايفضحونه قدامها بس هي ماكانت معها اصلا..هي يكفيها بذاك الوقت عذابها والمها,,,, نايف بصوت مبحوح/صبا انا ماشي الزيارة انتهت تبين شي؟ صبا كانت في صمت مطبق,,,, نايف والندم باين عليه/صبا..اسمعيني بس اسمعي اللي بقوله؟ صبا بحدة وبدون ماتفتح عيونها/سمعت الزيارة انتهت!!!ياليت ماتكلف على نفسك وتجي مرة ثانية وتضيع وقتك؟؟؟عطي زيد خبر يجي ياخذني من هنا لو سمحت؟ تنهد بقوة وظل يناظرها باخر ثواني وبعدها طلع,,,, لوين..مايدري....لااي مكان يتنفس فيه ويطلع ضيقه اللي ذابحه؟ جاسر /يالله نزلنا؟ ليالي/ماابي انزل؟ جاسر/ليه؟ ليالي/...مافي سبب محدد... جاسر/توك تقولين جوعانة وتعبانة وتبين تصلين,,,يوم لقينا مكان ننزل فيه غيرتي رايك؟ ليالي/انا ماقلت لك تعال جيبني فندق!!!توقعتك توديني البيت؟ جاسر/ماانتي يوم طلعتي من البيت رحتي مع متعب للفندق اللي هو فيه ماقلتي شي؟ ليالي/متعب شي وانت شي ثاني؟ جاسر بقهر/شنو يعني هو شي وانا شي ثاني!!! ليالي/يعني خلك واقعي متعب خالي واكثر بعد وطول عمرنا عايشين ومتربين سوا وماافترقنا الا قبل مدة بسيطة والحمد الله رجعنا,,,يعني حياتنا مفتوحة كل واحد للثاني,,,بس انت ياجاسر؟ جاسر /انا شنو؟ ليالي/انت غريب عني؟؟؟ جاسر بضيق/انا ولد عمك وزوجك كيف غريب عنك بالله!!! ليالي/وضعنا فارض علينا نكون اغراب؟ جاسر/انتي اللي فارضة ها الشي مو الواقع؟ ليالي/لا ياجاسر بالبداية انت اخترته...وماصار لك كم يوم من غيرت رايك فيه,,,يعني مو معقولة انا بحياتي لاشفتك ولااعرف عنك أي شي تبيني ابسط العلاقة بيني وبينك مثل ماهي مبسوطة مع متعب؟ جاسر/ولمتى بتظلين حاطة حواجز بينا ان شاءالله؟؟؟ ليالي/مدري... جاسر بهدوء/ليال...هاذي فرصتنا نتقرب من بعض وكل واحد يحكي عن نفسه للثاني ويفهم الثاني شنو وشنو طلباته؟ ليالي/بس في سؤال مهم ياجاسر؟ جاسر/اللي هو؟ ليالي/ليه؟ جاسر ناظرها بتعجب/شنو اللي ليه؟ ليالي/ليه غيرت رايك وشلت سالفة ان زواجنا يكون على الورق بس وتبي تبدي حياة جديدة معي!!!!ليه وش اللي صار وتغير ابي افهم؟ومن حقي اعرف؟ جاسر تنهد بقوة وهو يناظرها وظلت تناظره بثبات.. جاسر بتلعثم/قلت لك...يعني انا يوم شفتك ماحسبتك انتي.....يعني صورتك في بالي شي ثاني.... ليالي/بس انا مااحسه سبب مقنع...وعلشان ارضخ لك ونفتح صفحة جديدة لازم تقنعني؟ جاسر بحدة /معناته قومي ندخل علشان اقنعك؟؟؟ لف للجهة اللي ورى واخذ منها كيس كان موجود ونزل من السيارة وفتح بابها ومد يده لها وسحبها علشان تنزل بدون أي تفاهم,,,, عبير/تصدق يبى لها وحشة اصايل...يمكن انا مااشوفها كل يوم بس تعودت اسمع صوتها وضحكتها,,,, ابو عبدالرحمان/هناك احسن لها من هني؟ عبير/في شنو ياحسرة؟ ابو عبدالرحمان/البنت ماتنترك غير عند اهلها ياعبير..... عبير/أي بس اذا كانوا اهلها فيهم خير؟؟؟وانت تعرف اخوي زين؟ ابو عبدالرحمان/تظل بنته ويظل مسؤل عنها..... عبير/يمكن لو قعدت شوي بس كان جاها نصيبها وتيسرت مع زوجها.... ابو عبدالرحمان/وفكرك ابوها بيوافق على معرس هو مايعرف منو؟ عبير/وليه مايوافق ان شاءالله!!!كلنا نعرف ها المعرس منو ومن ولده؟ ابو عبدالرحمان/بس اخوك عقليته متحجرة وماتقدرين تقنعينه بشي هو مو مخطط له؟ عبير تنهدت/انا نهاية الاسبوع بروح لهم؟ ابو عبدالرحمان/ولاتروحين ولاتذلين نفسك؟؟يعني ماتعرفين اخوك لايحب يستقبل احد عنده ولايقوم بضيافته؟ عبير/انا مو رايحة عنده ولاابيه يضيفني!!انا رايحة اشوفها هي....وافهم شسالفة الروحة المفاجئة اللي صارت وماقال لااحد عنها؟ ابو عبدالرحمان/كلميه على التلفون بدل ماتروحين وتبهدلين حالك؟ عبير/يعني ماتعرف ولدك...مايبي يرد ولاانا ذبحت حالي مع اختي من اول يوم ومارد علينا ولو ماهي عندها جوالها ماكنا تطمنا عليها.... ابو عبدالرحمان/........... عبير/سمعت يبى...جاسر يبي يسوي عرس؟ ابو عبدالرحمان/لمنو؟ عبير/له...هو وليالي؟ ابو عبدالرحمان/غريبة وش الطاري يعني؟ عبير/والله مدري...ها الجاسر قلب مرة وحدة والله يستر من قلبته؟ ابو عبدالرحمان/يمكن الله هداه... عبير/الله يسمع منك...البنت ماتستاهل غير الخير والله..ويكفي ان امه وخواته ناصبين لها الكراهية والعداوة وماهم طايقينها,,, ابو عبدالرحمان/يعني ماهم حاضرين عرسه؟ عبير/والله مدري..هو حدده بعد اسبوعين وحجز كل شي بس الظاهر ان ليالي مااتدري عن شي مااشوفها تكلمت... ابو عبدالرحمان/وانتوا شعرفكم؟ عبير/ولدك اتصل يشره ويعتب يقول ان ام جاسر ماهي بحاضرة لانها زعلانة من ولدها؟ ابو عبدالرحمان/تزعل من ولدها وترمي الزعل عليكم؟؟؟ماتروح تتفاهم مع ولدها؟ ابو عبدالله/انتي شمقعدك لها الحزة بالله؟؟؟قومي انقلعي نامي؟ اصايل بفتور/ماني نعسانة ومافيني النوم؟ ابو عبدالله بعصبية/مصيعة هناك تنسينها هنا يابنت ال.. ام عبدالله/هدي شوي يارجال ماهي مستاهلة منك....خلها وقت ماتنعس هي بتقوم بروحها تنام ماهي صغيرة؟ ابو عبدالله/وانا مااعرف انام ووحدة من البنات صاحية مارقدت!! اصايل/اوووف ياربي,,,يعني بشرد من البيت لاسمح الله!!!منت قافل الباب الف قفلة وفوقهم حاط قفل والمفتاح عندك؟بالله كيف بطلع بنط السور وبكسر عظامي!!! ابو عبدالله/شوف قليلة الحيا ترفع صوتها عليّ شلون؟تعالي هنا خلني ااءدبك؟ اصايل/انا ماقلت شي..... ام عبدالله/استسمحي من ابوك يالله... اصايل/انتي اخر وحدة تتكلمين يالفتانة؟ ام عبدالله بمسكنة/شفت...كل تعبي ضايع مع بنياتك اخرتها اطلع فتانة؟؟؟؟حسبي الله ونعم الوكيل؟لوجه الله ماابي منك ولامن اختك شي؟ اصايل/على اصايل ياام عبدالله!!! ابو عبدالله بصراخ/بنت!!!حاكي خالتك عدل وعدلي لسانك مو رحتي يومين صعتي على كيفك ورجعتي بعد مانسيتي الاداب شلون صايرة؟ اصايل قامت وهي تكلم نفسها/انا فاهمة كيف الاداب صايرة وخل اللي مو فاهم يفهم؟ ام عبدالله/من تقصدين يابنت الناس؟ اصايل/بشنو؟ ام عبدالله/بللي مو فاهم؟ اصايل/ماقصدت احد..وبعدين يكفي اني ماذكرت أي اسم علشان تسووا لي فيها؟ قالتها ودخلت غرفتها وسكرت الباب وراها.. ام عبدالله بعصبية/عاجبك لسانها الطويل عليّ!!ماتحترمني ماكاني حسبة امها؟ ابو عبدالله/انا محد بيوديني بداهية غيرها؟ ام عبدالله/هذا اللي اخذته منك ومن حنتك؟كان ادبتها قبل شوي ... ابو عبدالله/انا مو متعب حالي معها بعد اليوم.. ام عبدالله/شلون يعني بتتركها على كيفها ترمي علينا بكلامها اللي يعل القلب؟ ابو عبدالله/لا...من بكرة بروح ادور لها على معرس يكفيني شرها وشر لسانها ويفكني منها؟ من ورى الباب فتحت اصايل عيونها بقوة,,,,, عريس!!!!لي انا!!!!لا..مو هذا اللي ابيه ولاحلمت فيه ولابنيت حياتي انتظره؟؟؟؟ لو يسويها اذبح حالي ولااخذه؟؟؟هذا من صدقه يشوف لي عريس من واحد من معارفه اللي من نفس طقته؟ غمضت عيونها وهي تستعرض أي اسم تدق له وتخبره بها الخبر...ليالي ولامتعب ولاعمتها ام احمد ولاعمتها عبير ولاتهاني؟ منو فيهم ممكن يفهمها وهي بها الوضع؟ اخر الليل بالفندق,,,, جاسر/وش قاعدة تسوين؟ كانت ماسكة لها بيبسي وواقفة قبال النافذة تشربه,,, ليالي بدون اهتمام/ولاشي..اناظر بالشارع,,, جاسر تمدد على الفراش/ليش فيه شي مميز ها الشارع؟ ليالي/لا...بس جوه غير عن ها الجو؟ جاسر/ليالي...انتي عاجبتك حياة التشتت اللي احنا عايشينها وماكانه زوجين؟ ليالي تنهدت/لاتعيد وتزيد بنفس الموضوع ياجاسر...تكلمنا وانتهينا.. جاسر بهدوء/طيب قربي خلنا نتكلم اكثر ونفهم بعض اكثر... ليالي وهي تناظر/وش تبي تفهم؟ جاسر/كل شي.... ليالي/وليش ماتبدي انت وتتكلم عن حياتك؟ جاسر تنهد/وليش واقفة بعيدة...قربي هنا وتعالي نسولف.... ليالي/. جاسر/صحيح..انا اسف....انا دخلت الملحق وجبت لك من غرفتك بيجاما.... اشر للكيس اللي كان شايله معه من السيارة؟ ليالي بهدوء/ومن سمح لك تدخل غرفتي بدون اذني؟ جاسر/فكرتها غرفتنا اثنينا وانصدمت انها لك بروحك؟ ليالي/انت عارف انها لي بروحي فلاتقعد تلف وتدور... غمضت عيونها وعقلها الباطن يقولها معناته اليوم فتح الدولاب وقولب بكل شي وشاف كل الثياب الموجودة,,,, فتحت عينها على همس قريب منها ويوم فتحتها كان جاسر متقرب منها لدرجة كبيرة,,, ليالي بارتباك/في شي؟ جاسر بخبث/ضايقك اني ادخل غرفتك وافتح دولابك؟ ليالي/لا... جاسر/يعني كلها اسبوع ولااسبوعين وبتكون لنا غرفتنا المشتركة وانا بشوف اغراضك وانتي بتشوفي اغراضي وين المشكلة؟ ليالي/انا ماقلت لك ان في مشكلة من الاساس؟ جاسر بهمس/قومي بدلي....تاْخر الوقت؟ لياليبرواق/تاْخر على شنو؟ جاسر بضيق/واللي كانت تعبانة بالسيارة وين راحت ولاتعبها راح؟ ليالي/بالضبط....مافيني شي وحابة اسهر...وبعدين انا بيني وبينك مااحب انام بفنادق ماارتاح ابدا ومايجيني نوم؟ جاسر بتاْفف وهمس/انتي تبين تجننيني؟ ليالي ببراْة/ليه؟ جاسر بنرفزة/شيلي ها البيبسي من يدك وتعالي انا انتظرك؟ ليالي/لا... جاسر/شنو اللي لا انا زوجك؟ ليالي/ادري انك زوجي بس اذا انت مفكر اني بتجاوب معك وبعطيك شي فاانت غلطان؟؟؟ جاسر/نعم!!!!تهدديني بعد!! ليالي تنهدت/جاسر افهمني...مو قبل مانكون صريحين مع بعض بكل شي ووضعنا يستقر ويتسكر علينا باب واحد؟ جاسر/الباب ومتسكر ومن ناحيتي صريح وماعندي أي شي اضيفه ووضعي مستقر ..الظاهر ها الاشياء انتي تواجهينها بنفسك؟ ليالي بهمس/ليش مستعجل؟ جاسر بضيق/لانك زوجتي!! ليالي بهدوء/وبظل زوجتك الليلة وبكرة ماراح اكون؟ جاسر/ليالي.. ليالي/اذا انا زوجتك بظل زوجتك على طول الا اذا في بالك نية ثانية قولها من اللحين وخلنا على بر؟ جاسر/انتي ليه مو مصدقتني؟ ليالي بثبات وهي تناظر بعيونه/في شي بعيونك يقولي وياكد ان في شي منت راضي تعترف فيه...وانا حابة كثير اعرفه قبل لاابتدي حياتي معك ياجاسر؟ /////////////////////////////////////////////////////////////////////////////////////اصايل بذهول/يتزوجني؟؟؟ تهاني/أي هي قالت كذا!!! اصايل/ضاري قال لها انه بيتزوجني؟ تهاني/علامك؟؟؟أي قال كذا مو بس لها لاامه بعد!! اصايل/يعني حتى امه عرفت اني بنت عمه؟ تهاني/أي....تقول رانيا مثل ماانصدمنا امي انصدمت... اصايل/طيب وماقالت لك اذا كانت امه معارضة ها الزواج ولالا؟ تهاني/ماقالت كل اللي قالته ان ضاري قال بياخذك حتى غصبا عنك انتي!! اصايل/حلو حلو...يعني اذاخلصت من العريس اللي بيجيبه ابوي ماراح اخلص من ضويري؟ تهاني/ماشكلك فرحانة؟ اصايل/هاذي اكبر مصيبة ياتهاني...اني اتزوج ضاري؟ تهاني/بالعكس خلي المواجهة تكون بينكم اكبر؟ اصايل/افهميني بيكون زوجي وبيكون له الحق عليّ بكل شي وانا بكون تحته ضعيفة.... بدون ها الزواج معادلتنا وحدة.... تهاني/تتزوجين ضاري وتكونين بينا ولاتتزوجين اللي بيجيبه ابوك؟ اصايل/بس انا اكره ضاري كيف اتزوجه بالله!!! تهاني/شبتسوين يعني؟ اصايل/مدري....متعب قال انه بيمر يكلم ابوي ..وانا واثقة مليون في المية ابوي ماراح يرضى...بس بهرب مع متعب؟ تهاني/جنيتي ؟؟؟ اصايل/هذا خياري الوحيد...يا اني اهرب معه ولااتزوج واحد مدري وش بيكون ولااتزوج ضاري؟ تهاني/تزوجي ضاري؟ اصايل/لاحووول...شلون اتزوجه وهو اهاني وذلني ؟ تهاني/انتي بعد ذليتيه واهنتيه؟ اصايل/ماابيه...انا مااطيقه؟ تهاني/والحل؟ اصايل/مدري.....ليالي مارجعت؟ تهاني/انتي وش عرفك انها طالعة؟ اصايل/قالت لي انها مع جاسر كانوا يتعشون بالفندق؟ تهاني/ماشكلها بترجع.....المهم خلنا منها.. اصايل/ان شاءالله يكون مجرد كلام ومايسويها؟ تهاني/غبية مثلك ماصادفت!!كيف تدعين بها الدعوة؟ اصايل/وش فيها. تهاني/مافيها شي بس افرضي انه ماجاء تتوقعين ابوك بيزوجك امير يعني!!يمكن يزوجك واحد اصغر عياله اكبر منك وبينه وبين القبر شعرة وماخذ ثلاث غيرك غير اللي مطلقهم؟؟مايسويها ابوك؟ اصايل/.......................اذا اخذت ضاري بطلع عينه كل يوم هوشة؟ تهاني/يبى ان شاءالله تطلعين روحه مو بس عينه بس اخذيه؟ /اليوم الثاني الصباح ,,, جاسر/علامك...شكلك مو نايم؟ نايف/وين اشوف النوم بس ياجاسر؟ ضاري بلامبالاة/ليه شفيك؟ نايف بتنهيدة/بالامس كان المفروض انتظر تسعة شهور ويجيني اللي يحمل اسمي...واليوم مافي غير العذاب اللي انا عايشه؟ ضاري/انت مو قاصد تنزله فلاتحمل نفسك مسؤلية كبيرة..بعدين باول الايام يكون بعده ماتكون ونزلته مايبي لها شي؟ جاسر/وانت بتساعده وبتشجعه بعد!! ضاري/هذا الواقع... جاسر/لامو هذا الواقع!!لو ماتعودت يدك تضربها وتنمد عليها ماكنت خسرتها هي واللي في بطنها؟ نايف بخوف/يعني..انا خسرت صبا؟ ضاري/كيف يخسرها وهي زوجته؟ جاسر/فكرك بترد لك مثل الاول؟كلام الحب واعترافها لك بيرجع!!انسى يانايف... نايف تنهد تنهيدة عذاب وقال/طول الامس وانا ابي منها كلمة وحدة وماعبرتني...كل اللي قالته انها تبي ترجع بيتهم وبس؟؟ ضاري/انت لاتسمع لها ولاترجعها بيتهم ومصيرها بتنسى اذا رجعت معك... جاسر/انت بس وش اللي حادك على الضرب ابي افهم؟ ضاري/ليش ماتسوي مثله يانايف تسحبها معك الفندق وتجيب راسها؟مو عدل ياجاسر؟ جاسر/بالاول وبالاخير هي مرتي... ضاري/بس ماقدرت عليها يارجال ؟؟ جاسر/انا ماابي منها شي غصبا عنها؟ نايف/أي بس هي مرتك وغصبا عنها تسلم نفسها؟ جاسر/ومن قال لك اني برضى اخذها غصبا عنها؟؟؟خلها تطول وتعرض بس بالنهاية تجيني برضاها ماابيها تكرهني من اول ليلة بينا!! ضاري/والله شاطرة بنت العم اللي غيرت كل المفاهيم؟ جاسر/والله ثنتينهم بنات العم شطار؟؟؟واللي اشتاقوا لها ودقوا عليها بالامس علشان يسمعون صوتها ماهي شطارة فيها؟ ضاري/انا ماكنت مشتاق لها؟ نايف/وليش دقيت لها اجل؟ ضاري/بس...اتشمت فيها؟ جاسر/طيب وليه تبي تتزوجها؟ ضاري/علشان اكسر راسها؟ نايف/انا قلت كذا عن صبا...بس ماكانت هاذي نيتي؟ جاسر/يالله اعترفوا اثنينكم ليش قالبينها عليّ انا بس!!!قول انك غرقان بااصايل لين القاع ومتن متحمل فراقها؟؟؟وانت قول منت قادر تتخيل حياتك بعيد عن صبا وكيف بتكون؟ نايف/انا ابي حل؟اليوم بيرخصونها وانا مو عارف شسوي؟ ضاري/ردها معك؟ جاسر/اتركها على راحتها تفكر واطلب رضاها مرة ثانية وشوف؟ نايف/واذا رفضت تجي معي من جديد؟ جاسر/تظل زوجها وانت بيدك كل شي وقضية اخوها تفتحها من جديد؟ ضاري/بس اذا بعدت ممكن... جاسر/انت صاحب كل شي يانايف وبالاول وبالاخير ماراح تطلقها لو شيصير ليش تعند معها وهي بظرف مرض...خلها ترتاح وتبتعد عنك وتغير جو...زورها كل يوم وترجاها كل يوم بس خليها تصفي شوي من الشحنات اللي انت مليتهم عليها قبل؟ نور/ماتشوفين شر ياعمري؟ صبا كانت تبكي..... نور/خلاص ياصبا خلاص...لاتبكين؟ صبا وهي تمسح دموعها/ليش قلت له اني احبه يانور ليش؟؟؟هذا وحش ماهو بانسان؟تعبت جسمي كله انهلك من ضربه؟ نور/لاتقعدين معه منتي مجبورة؟ صبا/واذا مارضى يردني لااهلي ولامارضوا هم يستقبلوني؟ نور/اهلك ماراح يرفضونك بس اهم شي هو يقتنع ويوافق انه يردك لهم؟ صبا/انا تعبانة يانور تعبانة... نور/زين انك دقيتي عليه....بالاول يوم تكلمي تخرعت من صوتك مافهمت ولاشي بس شوي شوي استوعبت كلامك... صبا بتنهيدة/خسرت كل شي معاه...دراستي...شبابي...ولدي... مابقى لي شي؟ نور/ليش تقولين ها الحكي ياصبا...انتي ماخسرتي شي؟ صبا/........ نور/كل شي قدامك..المستقبل بكبره قدامك...بترجعين تداومين السنة هاذي وبتعيدين كل شي وحياتك بتمشي طبيعي لين يجي ولد الحلال اللي.. قاطعتها صبا/انتي وش قاعدة تقولين؟أي ولد حلال وانا على ذمة نايف؟ نور/ليش ماهو مطلقك؟ صبا/والله مدري..... نور/اذا مارضى يطلقك هدديه انك بتفضحينه عند اهله واذا قال لك مابتوصلين لهم قولي له انك خبرتيني واني انا اللي بقول لهم وهو مابيوصل لي وعلى مايوصل اكون بلغت اهله؟ صبا/نايف مايجي ابدا كذا انا اعرفه؟ نور/وشلون يجي بالله!!!بااحبك؟؟؟؟مااشوفها سوت شي غير انها نزلت اللي في بطنك؟ صبا تنهدت/احسن له مايعيش...حرام ينحبس معي بحياتي اللي انجبرت عليها,,,, نور/انتي هدي اللحين وسمي باسم الله مسوية لك سلطة مكرونة اللي تحبينها... صبا/أي والله ميتة جوع خبرك انا مااكل اكل مستشفيات؟ نور/هههه انتي كل شي ماتاكلينه مو بس المستشفيات؟ صبا وهي تمسح دموعها/احس عمري صار اربعين ومابعد دخلت العشرين؟؟؟ نور/خلاص صبا..اذا بنقعد نحاتي همومنا ونركض وراها تراها ماتخلص... صبا/منو جابك؟ نور/اخوي محمد... صبا/شلونه مالقى له وظيفة للحين؟ نور/الله يسمع منك.....لالقى له وظيفة ولاهو قادر يشوف عياله اللي اخذتهم مرته ومايدرون وينها فيه,,,, صبا/صدق محد خالي بها العالم بس مصيبة عن مصيبة تفرق....الله يمون بعونه.... نور/صبا...قومي بالسلامة ترى اشتقت لك ولسوالفنا.. نايف دخل بها اللحظة وكانت صبا توها بتحط الملعقة بفمها وبس شافته شالتها بسرعة وتنهدت بقوة,, نايف/عفوا؟ نور وهي قايمة/انا بمرك بكرة.....اذا بغيتي شي اتصلي فيني؟ صبا/بلغي امي اني هنا طيب... نور/يالله...ماتشوفين شر؟ بعد ماطلعت.. نايف/منو هاذي؟ صبا/............. نايف/سالتك منو هاذي؟ صبا/.... نايف/طيب شلونك اليوم؟ صبا/.............. تقرب منها وجلس على حافة سريرها ومسك الملعقة بياْكلها بنفسه وصدت عنه للجهة الثانية... نايف بحسرة/صبا... صبا وهي مغمضة عيونها/لاتنطق اسمي لاني اكرهه كل ماسمعته منك؟ ترك الملعقة وتنهد وطلع جواله... نايف/امك تي تكلمك... لفت له بسرعة... وعطاها الجوال.. نايف/دقي على زيد انا قايل لهم بس اوصل لك بخليك تكلمينهم؟ مسكت جواله اللي بيده واول مالامست مسك يدها وسحبتها هي بسرعة منه باشمئزاز.. تنهد وتركها... دقت على رقم زيد وجاوبتها امها اللي من سمعت صوتها قامت تبكي وماتكلمت ولاكلمة,,,, اخذ منها الجوال وهو يمسح على شعرها وهي مسكرة وجهها بيدينها وتبكي.. نايف/لا بس تعبانة شوي......لا...ماله داعي اليوم بيرخصونها وانا بشوف الاجراءات وبس تخلص بعطيكم خبر....... سكر وضمها لصدره وهي تبعده.. نايف بهمس/خلاص ياصبا خلاص... صبا ببكي/بعد عني...انت اكثر انسان اكرهه بها العالم!!ياليتك موتني معه وفكيتني من شوفتك مرة ثانية؟؟؟ باقي ربع ساعة ويجي جاسر... لازم تبدين معه سياسة جديدة ياليالي,,, سياسية تقربينه وتبعدينه على كيفك وبمزاجك..لين يعترف ويقولها... وش عندك من ثياب حلوة يابنت عمتي..... شالت لها تنورة قصيرة سودة مع قميص كريمي ستاني بياقة وبدون اكمام...واخذت لها بوت ولبسته.... اليوم يومي بما ان عمتي طالعة ومافي غير تهاني وبسمة هنا... خله يجي ويرتاح وبعدها نطلع على شنو مستعجلين,,, تهاني دخلت/ها..اشوف ناس سراقة تبوق اغراضي!! ليالي/شنسوي مالنا غيرك؟ تهاني/تعالي انتي اللحين منتي متزوجة الرجال وبتنتقلين معه؟ ليالي/أي... تهاني/ماناوية تجهزين لك ثياب جديدة وحلوة وحركات؟ ليالي بحزن/بدون اصايل؟ تهاني/هذيك بنجيبها لو من شعرها... ابتسمت لها..... تهاني/يالله عاد ودي اتسوق من زمان عن الطلعة؟ ليالي/اصايل ماراحت غير من يومين يعني صار لك يومين بس ماطلعتي؟ تهاني/الله يذكرها بالخير ها البنت اللي تجنن دوم نطلع ونستانس مو مثل بعض الناس صاكين يدهم بيد ها الزوج ولايدرون عن احد؟ ليالي/حرام عليك؟؟؟بس ولايهمك بكرة نطلع من الضهر بعد المعهد ومانرجع؟ تهاني/وجويسر؟ ليالي/خله يولي... تهاني/هههه أي كذا تعجبيني خلك ثقيلة؟ ليالي رفعت جوالها اللي يدق.... ليالي/هلا جاسر......اي ادخل شوي..بس لان عندي شغلة مع تهاني وماابي اتركك بالسيارة؟ تهاني/ليش تكذبينه عليه؟ ليالي ابتسمت ووقفت/مالك شغل؟ تهاني وهي تناظرها/على شان يشوفك كذا صح؟بالسيارة عليك عبايتك بس هنا...اممم.. ليالي/انتي كل شي تعرفينه؟ تهاني/تحسينها مشكلة صح؟ ليالي/الا مشكلة ونص؟ دخلت له المجلس بعد خمس دقايق من وصوله وانتظاره ولقته يناظر صوب الباب اللي هي بتكون جاية منه... توقفت عينه عليها وعلى لبسها,,,,تقربت منه ومدت يدها تسلم عليه وهذي اول مرة تسلم عليه مصافحة .. مد يده لاشعوريا وهو يناظرها ومايدري اذا كان رد السلام ولاقال شي ثاني.... ليالي/معليش انا اسفة اخرتك جاسر/مالبستي للحين...قالها وهو بعده يناظرها... ليالي/وباْخرك شويتين اذا ماعندك مانع؟ جاسر/في شي؟ ليالي/سلامتك بس سالفة بيني وبين تهاني ولازم نخلصها اللحين... جاسر/اممم...ضرورية يعني؟ ليالي/عطيني بس عشر دقايق...ولو حبيت ناْجل موعدنا لغير يوم؟ جاسر تسند/لالا ماعندي مشكلة بظل انتظرك هنا....عمتي ماهي هنا؟ ليالي/لا ..طلعت.... تنهد بقوة يوم وقفت وقال اسمها بهمس واستغرب كيف لفت عليه لانه ماكان سامع نفسه وهو يناديها/ليالي.. ليالي/خير... جاسر باهتمام وبغيرة/انتي تتجولين بالبيت بها اللبس؟؟؟ ليالي ناظرت نفسها ورفعت راسها وقالت له /مافهمت عليك وش تقصد بالضبط؟ جاسر بتنهيدة/يعني زوج عمتي واحمد.... ليالي/لاتطمن انا طول وقتي بالعباية بس لاني عارفة ان زوج عمتي بالبحرين اليوم وماهو راد الا اخر الليل عنده عرس معزوم عليه وماخذ احمد معاه....تطمنت ولافي شي ثاني؟؟؟ جاسر/............. ليالي/اقدر اروح اخلص شغلي ولابعده التحقيق جاري؟ جاسر/ليش عادته تحقيق عاد!!زوجك ولي الحق اسالك على مااظن؟ ليالي/بس مو باللهجة ذي اللي تحسس الطرف الثاني انه مجرم؟ جاسر ببراْة/انا حسستك كذا!!! ليالي/ليش متصور انك حسستني بشي ثاني؟ جاسر/لاعاد...يمكن اكون غلطان بتصوير مشاعري بس مو معناته ان هذا قصدي... ليالي لفت عنه واكبر ابتسامة على وجهها وقالت بلااهتمام وهي تمشي صوب الباب/صار خير...بخلص وبجيب عبايتي؟ //////////////////////////////////////////////////////////////////// طول الطريق من المستشفى للشقة وهي ساكتة وسرحانة بعالم ثاني... اول سؤال سالته نفسها ليش بيوصلني بنفسه ماخلى السايق؟وليش مجلسني جنبه معقولة ماهو خايف يشوفه احد ولايبي يكسب رضاي مثل مايقولون؟؟ اتركي عنك نايف ياصبا وكل شي يتعلق فيه.....وفكري هل بيحقق لك طلبك وبيوصلك عند اهلك ولالا...لانك ماراح تكلمينه ولابنص كلمة بعد اليوم؟حط يده على يدها وظل ماسكها طول الطريق.. نايف/خاطرك بشي اخذ لك اياه؟ صبا/............... نايف/ودك تاكلين شي معين؟ صبا/............. نايف/تبين شي ...قولي انا مو فاهم شي من سكوتك؟تعبانة تبين تردين المستشفى ولاتروحين مستشفى ثاني؟ صبا/............. تنهد بقوة وهو يناظرها...كان وضعه معها اشبه لو كان قاعد يكلم تمثال من صخر ماينطق!!!! كانت مارة عليه ها الحال من قبل مع صبا وجرب حقرانها وصدها.... بس مو بها الطريقة ...صحيح كانت زعلانة منه بالمرة اللي فاتت بس ها المرة غير...ها المرة جت بعد اعترافها بحبه والاكيد انها خبرت حبه وشوقه اللي فاضحه لها ومو بعيد ان اعترف لها بلحظة من لحظاتهم الخاصة وماانتبه على نفسه!! ها المرة جاية بعد تعب صبا ومعاناتها....ماهو قادر يشوفها كذا وهو يحس انه المذنبوكان بيموتها هي بعد بهمجيته وضربه.... تنهد بقوة يوم وصلوا للعمارة اللي هم ساكنين فيها... رفعت راسها وناظرت المكان بحزن..... وقالت بنفسها يعني ماتغير شي ولابيتغير ياصبا بترجعين لنفس الوضع ولنفس الذل والمهانة.... تنهدت بقوة ونزلت يوم فتح لها الباب ومشت بدون ماتناظره... ركبت وهي حافظة المكان بقلبها وتمشي وعيونها مغمضة,,, متى ربي بيخلصني من ها السجن اللي تتمناها الف وحدة متى؟؟؟؟ فتح لها الباب ودخلت ولقت ثنتين هناك تقربوا منها...وحدة كانت تشيل عبايتها....ومبين عليها الشغالة اللي جايبها نايف...والثانية كانت ممرضة ...اللي اخذتها من يدها وودتها على فراشها علشان ترتاح.. كانت عيونها قبال عيون نايف ذيك اللحظة وهي تقوله بلغة العيون موهذا اللي ابيه يانايف صدقني!!!! نايف/ليلي ديري بالك على مدام صبا؟ ليالي/من عيوني استاز ...بدي جيب لك شوربة تشربيها... قامت وتركتهم بروحهم وتقرب منها وقعد على طرف فراشها... كانت الدموع بدت تنزل منها وقالت بهدوء وهي تمسح دموعها/تقدر تبعد لان قربك صار يخنقني!!!!! غمض عيونه بالقوة...اول مرة يحس بالجرح بكرامته,,,,,يمكن يسمعها باي موقف ومن أي انسان ومايهتم بس من صبا وبها الوضع كان لها تاْثير ثاني...حتى دموعه تجمعت بعيونه بس ماكان فيه مفر هو اللي ابتدى المعركة وخسارته باينة وواضحة.؟ نايف/صبا... صبا/...... نايف/صبا انا كلمت زيد وهو جايب امك واختك بيقعدون معك كم يوم لين تطيبين..... قالها وتمنى يشوف منها أي انفعال بس ظلت مثل ماهي تمثال مايتكلم..تنهد بقوة وهو يرفع يدها الباردة لعنده ويقول برجى/قولي أي شي ياصبا بس لاتظلين ساكتة؟ //////////////////////////////////////////////////////////////////////////متعب/يعني شلون ياام عبدالله؟ ام عبدالله/ابوها مايتفاهم من رجعت وانا مدري ليش رجعها يعني انها ترد من جديد هاذي سامحني فيها؟ متعب/انا اقولك بتقعد معي شاري لها بيت بنقعد فيه بروحنا؟ ام عبدالله/وبكم شريت البيت؟ متعب/يعني اللحين أي الاهم بكم شريت البيت ولاانها تقعد معك هنا وتضيق عليك؟ ام عبدالله/مدام انك صريح معي يامتعب خلني اكون صريحة معك ياولدي هي مضيقة عليّ نعم مضيقة عليّ!! وودي بطلعتها من البيت اليوم قبل بكرة بس شسوي في ابوها اخليه يذبحها ويفكنا منها؟ متعب تنهد/حاولي..اقنعيه بقد مافيك انتي املي الوحيد؟ ام عبدالله/متعب بسالك وجاوبني.. متعب/خير.. ام عبدالله/باعت ذهبها هي واختها اللي من عند امهم؟ متعب/أي؟ ام عبدالله/انا قايلة ماهو بالبيت قلبت عليه الدنيا؟وين كان؟ متعب/عند عمتهم عبير... ام عبدالله/اووووف....وكم عندها اللحين ووين راحت فلوسها؟ متعب/فلوسها موجودة ماراحت مكان؟ ام عبدالله/يعني اذا ماتت اللحين بيورثها ابوها صح؟ متعب/لا...الظاهر انها موصية مايجوون لاابوها؟ ام عبدالله/شفت هاذي مافي مثلها بنكران الجميل......حتى ماتبي ترد الحقوق.. متعب/يابنت الناس البنت عايشة الله يطول بعمرها وانتي تتكلمين بورث وماورث؟شها الحكي عاد!!! ام عبدالله/اقول متعب يمه وش ها الاغراض اللي جايبهم معك؟ متعب/ابد والله شوية اغراض لك وللبنات...مو من مقامكم..بس ماعليه... اخذت الاغراض وماعلق.. متعب/اقول ام عبدالله اقدر اشوف اصايل ولالا؟ ام عبدالله/اللحين بناديها بس لاتطول ابوها قربت جيته قوم اطلع قبل لايجي؟ متعب/وانتي لاتنسين تقنعينه ترى الحلوان كله لك؟ /////////////////////////////////////////////////////////////////////////// في السيارة,,, ليالي/بكرة بتوصل غرفة النوم صح؟ جاسر/أي... ليالي/بكرة ماراح نطلع ياجاسر.. جاسر باعتراض/ليه؟؟ ليالي/بطلع السوق مع تهاني..... جاسر/ومايصير اجي معكم؟ ليالي/............. جاسر/وش بتاخذون من السوق؟ ليالي/بس شوية ثياب وشوية اغراض يعني وش بناخذ؟ جاسر/الثياب لك ولالها؟ ليالي/لي ولها... جاسر/مدام لك يعني جيتي ضرورية؟ ليالي/ليه....قالتها بتعمد.... جاسر بهمس/علشان اشوف وش بتلبسين لي اذا صرنا في بيت بروحنا مثل اليوم مثلا؟ ليالي/...................... حط يده فوق يدها وسكتوا اثنينهم.... جاسر/ليالي... ليالي/نعم.... جاسر/وين سرحتي؟ ليالي/موجودة؟ جاسر/طيب وكم بتاخذين بالسوق؟ ليالي/بعد مااخلص بروح البيت وبرتب اغراضي فيه واغراض متعب... جاسر/وانا اغراضي من بيرتبهم؟ ليالي/انت وديتهم البيت؟ جاسر/لا... ليالي/اذا بتوديهم برتبهم لك مافي مشكلة؟ جاسر/يعني بكرة بعد ماتخلصين من السوق بتروحين البيت؟ ليالي/أي.... جاسر/حلو.....معناته الاربعاء بنطلع على بيتكم... ليالي/صدق!!!! جاسر/جربتني قبل وعدتك وماوفيت؟ ليالي/أي.. جاسر/أي!!! ليالي/يعني قلت ان عرسنا بيكون على ورق وبس!!!وغيرت رايك اللحين؟ جاسر بتنهيدة طويلة/مابتنتهين من ها السالفة؟ ليالي/لين اعرف وش اللي غير كل الامور.... ///////////////////////////////////////////////////////////////////////////نايف/هذا صوت الباب اكيد وصلوا... تمنى ترفع راسها ولاتقول بشي بس ظلت مثل ماهي...... صاحبت فتحة الباب ضجة واصوات تبين اصحابها... لف نايف لعند الباب واول من دخل زيد... زيد/السلام عليكم... نايف/وعليكم السلام...قالها بدون نفس.. زيد باحرات/شلونك عم نايف؟ هني بس رفعت راسها تناظر بزيد بكره وحقد عم نايف عاد!!!ليه!!!!بس ماقالت أي شي...وماغاب ها الشي عن نايف اللي كان يراقبها.. نايف/حمد اختك السلامة... زيد مسوي مهتم/سلامات صبوي ماتشوفين شر؟ زين انها قدرت تقوله/الشر مايجيك؟ ام زيد/وينها صبا يمه.. زيد/تعالي يمه صبا هنا... ام زيد/وانت تركتني واقفة مع اختك ودخلت عنا......يمه صبا شفيك يمه..... اول ماوقفت امها عند الباب وهي تلهث من التعب شالت الغطاء من عليها بتروح لها وماانتبهت انها كانت تبكي...بس انتبهت على يد نايف اللي كانت مانعتها من القومة.. نايف بهمس/شوي شوي على نفسك توك طالعة من المستشفى؟ رمت عليه نظرة حقد اكبر من اللي ناظرتها بزيد ولانها تبكي كانت نظرتها اشد تاْثير...شال يده من عليه وقامت لاامها ورمت نفسها بحضنها وقامت تبكي بصوت عالي... ام زيد/ماتشوفين شر يايمه....قولي الحمد الله على كل حال؟ صبا وهي تشاهق/يمه لاتتركيني؟ ام زيد/هذا انا جنبك يمه....تعالي ارتاحي لاتبكين مو زين لك توك طالعة من المستشفى وتعبانة..... وصلتها لعند فراشها وجلست جنبها من الجهة الثانية لان نايف ماغير مكانه..... ام زيد/هدي يمه هدي.......يو سامحني ياولدي ماشفتك...شلونك؟ نايف باقتضاب/بخير.... ام زيد/اكلتي شي؟ صبا/لا.... ام زيد/انا مسوية لك عصيدة خل اقوم اجيبها لك... صبا/انتي قعدي...خلي زيد يجيبها وش عنده... زيد/أي وش عليه قعدي تدلعي علينا...بس ولايهمك اجيبها... نايف/اسمعني زيد..انا طالع اللحين وبترك صبا بامانتك وعهدتك...وش ماتبي سوي لها....وجيب لها...برد الليل..واذا تعبت دق لي تلفون...والممرضة هنا موجودة..... زيد/سم طال عمرك؟ اول ماطلع نايف من الباب سمعها تقول لزيد بحقد وعصبية/سم الله بدنك ان شاءالله قول امين!!!! زيد/ها صبا مصدقة حالك؟ صبا بعصبية/انا قعدة هنا مو قاعدة سامعني؟؟؟تنطق انت وياه ماتهموني؟؟؟خلاص اكثر من كذا مااتحمل سمعتني مافيني اتحمل أي شي... ام زيد/سمي بالرحمان يايمه وهدي.... دق قلبه بقوة وهو يقفل باب الشقة...معقولة تطلع؟؟؟؟لامستحيل زيد هنا وهو عارف اني اذا قلت سويت ماراح يطلعها؟؟؟؟ليش ياصبا تكرهيني ليش؟؟؟؟ صدقيني انا غرقان فيك...عطيني فرصة اقولك واشرح لك؟ ////////////////////////////////////////////////////////////////////// منى/صدق مو وجه نعمة ابدا!!! صبا/......... منى/اللحين عايشة بها المكان الفخم اللي يرد الروح وتبين تردين بيتنا المكسر؟ صبا/جربي عيشي بها السجن يوم واحد واحكمي وش تختارين؟ زيد/مايبيلها كلام هنا طبعا!!! صبا بنرفزة/اصلا انتوا اثنينكم الكلام ضايع معكم؟ منى/بعدين انتي كيف سقطتي!!! صبا/وليش تبين تعرفين؟ زيد/لانك مجنونة تحملين من نايف التميمي وتسقطين الولد؟يبى هذا بيورث الخير كله بعدين كيف تخلينه يروح؟ منى/هذا من غباء اختك اللي ماتفهم شي بها الدنيا؟ ام زيد/خلوا اختكم تعبانة ولاتضيقون خلقها؟ صبا/يوم اني ماافهم شي بالدنيا ليش رميتوني عليه؟ زيد/رجعنا لنفس الموال...هاذي الشغالة شقالت اسمها؟ منى/تينا... زيد/ياتينا...ياتينا وصمخ... الشغالة/نعم بابا.. زيد حط رجل على الثانية /سوي لي شاي... الشغالة/ان شاءالله بابا... زيد/تعالي وين رايحة ؟سالتيني وش ابيه انا؟؟؟يمكن احمر ويمكن اخضر؟علطول بتروحين ماتدرين؟ الشغالة وقفت منحرجة... منى/زين تسوي فيها تاخذ فلوس على قعدتها....من زمان وهي عندك ياصبا.. صبا بتعب/لا...اليوم جابهم هي والممرضة؟ زيد/أي زيد ذكرتوني قايل بروح اتفلسف عليها ذيك الثانية شوي؟ ام زيد بقهر/يمه..عن الطياشة اللي مالها داعي وخل بنت الاوادم بحالها؟ماهي هنا علشان تلعب زوج اختك جايبها تداري اختك؟ منة/وش فيها اختي عاد!!كاهي شزينها وش حلاوتها مافيها الا العافية؟ صبا/................. ام زيد/تتوجعين يمه؟ منى/يمه لاتدلعينها انتي كل مادلعتيها كبر راسها وقالت بترك ها البيت وبرد معكم!! صبا باصرار/وها المرة انا عند كلمتي!!برد يعني برد مو منتظرة يذبحني حضرته؟ ام زيد بحسرة/يضربك ياصبا؟ تنهدت صبا وقالت بقهر/وش اللي نزل اللي في بطني غير ضربه عاد يايمه؟ سكتوا ثلاثتهم وماحد علق بشي... زيد/يمكن انتي تعاندين وترفعين صوتك عليه؟؟يعني لو انتي مرتي وتسوين كذا اكيد بتنرفز منك وبمد يدي عليك؟ منى بتاْييد/أي صادق زيد اكيد انتي السبب؟ صبا باصرار/لو شيكون السبب...انا مع ولد ها الناس مو قاعدة لو شيصير بالعالم واذا اجبرتوني لاتلومون الا نفسكم ؟؟؟ ///////////////////////////////////////////////////////////////////// اليوم الثاني,,,,, في بيت الرميجي.. كانت ام جاسر وبناتها قاعدين.... نزل جاسر وبيده شنطة ثيابه... شمايل/مسافر؟ جاسر ابتسم/لا... ام جاسر/وين شايل اغراضك اجل؟ جاسر/بخلي السايق يطرشهم....وينه مادخل؟ ثامر/كاهو عند الباب ينتظرك خل الشغالة تطلعهم له... جت الشغالة وشالت الشنطة منه وقعد جاسر جنبهم وبيده مظاريف حطهم على الطاولة.... ام جاسر باهامام/ماقلت وين مودي اغراضك؟الجمعية؟ جاسر/أي جمعية يمه؟ هتون/اجل وين موديهم؟ جاسر/بيتي؟ ام جاسر/بيتك؟أي بيت؟ جاسر/يمه شفيك..البيت اللي شريته انا ومتعب...انا قايل لكم؟ ام جاسر/وليش موديهم هناك؟ شمايل/مايبيلها كلام يمه...معناته خلاص بينتقل هناك... جاسر/أي بنتقل... ام جاسر بعصبية/شنو؟؟؟تنتقل؟؟؟وليش بالله!!! جاسر/يعني ليش يمه؟بروح اسكن مع زوجتي ولاانتي عاجبك كل واحد فينا ببيت؟ هتون بعصبية/يعني هذا شورها بنت الاصول؟انها تطلعك من عندنا وتتفرغ لك بروحها؟ جاسر/وش ها الحكي الماصخ؟ ام جاسر/انا مو موافقة؟ جاسر/يمه انتي ماتبينها هنا صح ولالا؟ ام جاسر بعناد/جيبها هنا...بس لاتقعد معها هناك بذاك البيت؟ جاسر/ليش غيرتي رايك؟انتي ماكنتي تبينها... هتون/خلاص كاهي غيرت رايها امي وروح جيبها وتعالوا.... جاسر بنرفزة/هاذي بطايق العرس بيكون الاسبوع الجاس لاتقولون بعد ماتدرون؟ طلع وتركهم...... ام جاسر/هذا اللي قاصر بعد...علشان يقولون لو مايبيها ماحط لها بيت بروحها؟ شمايل وهي تقراْ البطايق/وازيدك من الشعر بيت يمه...العرس بقاعة السيف؟ هتون/جاسر جن....اكيد مسوية له شي ها الساحرة انا اعرفها ام سحور من يوم يومها؟ ام جاسر/انا شقول للعالم اللحين؟الله يصلحك بس ياجاسر على ها المصاايب... هتون/دق على السايق ياثامر وقول له تقولك هتون بس توصل الاغراض ترجع لها....انا بقوم البس عبايتي؟ شمايل/وين بتروحين؟ هتون بحقد/بروح ااءدب ها البدوية....على بالها ساكتين وراضين بللي تبيه وتقرره؟ //////////////////////////////////////////////////////////////// ام نايف/انت تعال انا بيني وبينك سالفة؟ نايف وهو يطفي سيجارته/في شي... ام نايف قعدت قباله/انت مو ملاحظ انك ها اليومين زعلان ودايم شارد وها السيجارة ماتفارقك؟وابوك يقول حتى الشركة ماتروح؟ نايف بضيق/مالي نفس شي يمه... ام نايف/علامك يمه...كلمني ..صارحني انا امك؟ نايف بتنهيدة طويلة/شتبيني اقولك يعني يايمه؟ ام نايف/شفيك؟ نايف/ولاشي.. ام نايف/وش اللي مضايقك؟ نايف بشرود/ولاشي... ام نايف/مايصير....حالتك ماهي بعاجبتني يمه...وانا قايلة اليوم بتفرغ لك لاني طالعة ولاني رايحة اهم شي اعرف شفيك؟ نايف/يمه....وبدون مقدمات انا متزوج؟ ام نايف بصدمة/متزوج!!!!يعني البنت اللي بالمستشفى ماكانت مجنونة يانايف؟ نايف/............ ام نايف/واذا منت حاطها بشقتك وين حاطها؟ نايف/في بيت اهلها؟ ام نايف/حلو حلو..عاش ولدي والله!!انت تقعد عند نسباك يانايف؟انت ولد العز والخير...ولد التميمي تسكن عندهم؟ نايف/ماعندي خيار ثاني؟ ام نايف/ياسلالااااام؟وش اللي مضايقك اللحين؟ نايف بضيق/تعبانة... ام نايف/زوجتك..اقصد طليقتك؟ ناظرها بدون مايرد عليها... ام نايف/وشنو فيها بالله؟ نايف بتنهيدة/سقطت!!!!كانت حامل وسقطت؟ ام نايف/........باي شهر؟ نايف/توها ماكملت حتى الاول..... ام نايف/من زمان انت متزوجها؟ نايف/صار لي شهرين ونص.... ام نايف/وليش كذبت عليّ يوم سالتك وجيتك الشقة؟ نايف/........... ام نايف/متى بتطلقها؟ رفع عيونه وقال بذهول/اطلقها!!!منو قال اني بطلقها عاد!!! ام نايف/ياسلااااام...تبي تخليها على ذمتك لمتى ان شاءالله!!!لين يعرف ابوك بها السالفة؟ نايف/خله يعرف....وش فيها..انا متزوجها بالحلال؟ ام نايف بصرامة/نايف... نايف بعصبية/سمعي يمه...انا ماقلت لك علشان تقولين لي طلق....انا قلت لك علشان تعرفين ان في وحدة بحياتي,,,,واني ظالمها معي كثير علشانكم؟بس مافيني اظلمها اكثر بعد؟ ام نايف/وش ها الحكي؟انت عارف ابوك اذا عرف وش بيسوي..اول شي روحة الشركة مابتروح ...و قاطعها نايف/انا بقوله ومن قال لك اني بسكت!!!انا ابي اطلع من ها الشركة؟ابي اطلع من عالمكم؟ابي اطلع من ها البرستيج اللي خنقني!!!!تعبت....خسرتها...ذليت� �ا واهنتها كثير وانا احبها بس علشان برستيجكم انتوا اللي عيشتوني فيه وخليتوني احسب له حساب وانا ماابيه!!! ام نايف/اسمعني زين... نايف/ساعة المنى اللي انفصل بحياتي عن شركة ابوي...وبعدين من قال لك انه بيتخلى عني...كل الشركة انبت بتعبي انا ولاهو غرقان مايدري هو اللي عليه يمول المشاريع ويطلع برى السعودية وانا اللي عليّ كل شي؟ابوي مايقدر يستغني عنه وهذي انا ضامنها... ام نايف/وش القصد من ها الحكي؟ نايف/انتوا تبوني اتزوج وحدة ثانية...بس لاتنتظرون اني اطلق زوجتي علشانها ولاانها تقعد معي بالسر اكثر من كذا!!!!بتكون الاولية بحياتي وبقلبي الوحيدة.واذا بسوي شي ثاني علشانكم بس طلاق ماراح اطلقها؟؟؟ ////////////////////////////////////////////////////////////////////////////كانوا بالحديقة ذيك اللحظة يرتبون فيها الكراسي .. تهاني/انا بدخل اجيب لي شي اشربه...تعبت وانا اساعدك؟ ليالي/مشاءالله...تعبك مايبيله شي؟ تهاني/انا عطيني الثياب وابتعدي عني...بس رتبي هنا وجيبي وحطي مو من خصوصايتي؟مشاءالله شغالتنا ماهي مقصرة؟ ليالي/درينا عاد لاتقعدي تعايرينا كل شوي بشغالتكم؟ تهاني/هههه للتذكير ليس الا.... ليالي/جيبي لي شي انا بعد اشربه مت من العطش؟ تهاني/خلي خالك يروح يجيب لنا عشى؟ ليالي/يكون يعني مستحية تقولين له؟والله محد مستحي الا هو مسكين...ماغير سوي وجيب وحط...وهو مايدري عنك نحيسة؟ تهاني/الله يسامحك......مت وانا اقنع في امي تتركني اروح معك بكرة لااصايل مارضت تقولي المرة رايحة مع زوجها انتي ليش بعد بالنص؟ ليالي/صادقة عليك عمتي مغثة مرة؟ تهاني/زين لكن؟قالت لي اذا مااقتنع خالك من ليالي وزوجها بتروح هي وبتحاول تقنعه... ليالي/والله اني خايفة ابوي مايرضى بس جاسر طمني ووعدني خير.. تهاني بخبث/جاسر وجاسر ...نشوف وش النهاية؟ قالتها ودخلت...وليالي قامت تفرش المفرش فوق الطاول,,وسمعت جرس الباب بس ماراحت له لانه متعب موجود والشغالة موجودة وجاسر عنده مفتاح ولو وحدة من عماتها بتكلم قبل.... جاها صوت هتون من وراها بقوة/هذا اللي تبينه؟بيت بروحك؟ لفت لها وماقالت شي...... هتون بحقد/اكرهك....وماكرهت احد بالعالم كثرك؟ ليالي/أي... هتون/حتى اختك ماهي مثلك...دايم تدعين الطيبة ومغطية وجهك بها القناع وانتي اصلا عقرب سام؟ ليالي/خلصيني وش بغيتي؟ هتون/ليش قلتيلي انه ارتبط بوحدة ثانية؟تبين تقطعين عني كل امل؟ ليالي/ليش انتي للحين عايشة على الامل؟ هتون/حياتي انا ومتعب انتي مالك شغل فيها؟ ليالي/لي....متعب اخوي وماارضى احد يذله ولايكذب عليه ويعلقه وبالنهاية يرميه...وبعدها يجي يبي يرده من جديد....متعب ماهو لعبة بيدك ياهتون؟انتي رفضتيه من البداية لااسباب محد يعرفها غيرك ولااحنا مستعدين نسمعها بعد!!!خلاص اتركيه يكمل حياته بعيد عنك ولا حلى بعينك اللحين؟ هتون/طول عمرنا نحب بعض لاتوقفين انتي بالنص بينا!! ليالي/يمكن انتي تحبين...بس هو شالك من تفكيره خلاص؟ هتون بتهديد/ليالي انتي مالك شغل؟ولاتحلمين تقعدين مع جاسر هنا بترجعين البيت وبنتصافى من جديد؟ ليالي/وبامر منو ارد بيتكم ان شاءالله؟بامرك ولابامر امك ولاخالتك؟انا امشي ورى زوجي...وهو اللي طلب مني نكون هنا؟ هتون/واذا زوجك غير رايه وقال لك تعالي نروح هناك بتمشين معه صح؟ ليالي/بس انا ماجاني منه خبر...اصلا توه جايب لي اغراضه ارتبهم....ليش بيتعب نفسه وبينقل وبيحوس.... هتون/بتندمين ياليالي صدقيني.... متعب من وراهم/اقول ليالي....تبون شي انا طالع؟ وقف قلب هتون اللي ماتوقعت وجوده هنا.... ظلت ليالي تناظر بمتعب وبهتون.... متعب/اسالك تبين شي انا بطلع مشوار وبعدين برد؟ ليالي/....... متعب/تهاني تبين شي؟ هتون حست بضيق وتغيرت ملامح وجهها...... ليالي/متعب انا بندم؟ متعب/تندمين؟ليش بتندمين؟ ليالي/مدري اسال هتون هي تقول اني بندم؟ متعب/هتون؟؟؟هتون وش يدخلها بالسالفة؟ قعدت ليالي على الكرسي اللي جنبها وهي تناظر بمتعب اللي ماتحرك من مكانه وهو مو فاهم عليها وبين هتون اللي جمدت بمكانها... طلعت تهاني بها الوقت ومعاها اثنين بيبسي... تهاني بصدمة/هتون؟وش تبين؟يعني اقصد وش جايبك لنا؟ متعب بصدمة/هتون؟؟؟؟؟؟؟ ليالي/تيسر مانبي شي واذا بغينا دقينا عليك بس لاتبطي ولاتسرع؟ مايدري أي موقف انحط فيه ولاوش ممكن يسوي...بس زين انه قدر ياخذ نفسه ويمشي قبل لايسمع صوتها ولايشوفها؟؟؟؟ نايف/مبسوطة ان اهلك معك؟ صبا/................ نايف بهمس/صبا لاتجننيني...ابي اسمع صوتك؟ صبا/............... نايف/انا جايبهم هنا علشانك وقلت بيغيرون نفسيتك؟ صبا/..... نايف بتنهيدة/وش تبين...تبين صاحبتك تجيك...بروح اجيبها لك بنفسي؟ صبا/................. نايف بتذلل/صبا مايصير كذا...انا صاير مثل الذليل تحتك..كل اللي ابيه اني اسمع صوتك ولك يومين من طلعتي ماتكلميني؟ صبا/.............. نايف بتنهيدة/قولي لي وش اللي تبينه..وش اللي بيريحك؟ اخذت ورقة وقلم كانوا جنبها وكتبت له(ابي اروح عند اهلي ماابي اقعد معك) وعطتها اياها.... نايف بضيق/حتى ماتقدرين تتكلمين معي تكتبين لي اللي تبينه بورقة؟ صبا/............ نايف/طيب اهلك وعندك ليش تبين تروحين هناك؟ صبا/...................... نايف/في كلام كثير ابي اقوله لك وابي نتفاهم عليه؟ صبا بحدة/اضربني منو ماسكك؟.لاوجود اهلي ولاوجود أي شي يمنعك من ها الشي؟ نايف/انا...انا ماقلت ها الشي؟ صبا بنفس الحدة/انت قلت نبي نتفاهم!!وانا من عرفتك بغير الضرب ماتتفاهم؟؟؟؟ تنهد بقوة وحس ان الجدار اللي بينهم كل ماجاه يكبر اكثر واكثر.... نايف/صبا....اذا مفكرة اني بتخلى عنك فاانتي غلطانة؟ صبا/.............. نايف/عارف اني تعبتك معي كثير بس معليش....انا عارف غلطتي بس اتركينا نتفاهم؟ صبا/.............. نايف/وش رايك نسافر يومين نغير جو فيهم....ونتفاهم ونرد بعدها...وين تبين تروحين؟ اليوم اللي بعده في بيت ابو عبدالله.... جاسر/يعني انت عارف ياعمي... ابو عبدالله/لا ياجاسر البنت مكانها هنا؟ جاسر/وانا قايل لك باخذها عندي!!!انا ابيها تساعد اختها بالبيت وبعدين انت الاسبوع الجاي بتنزل علشان تحضر العرس وبتشيلها معك مرة وحدة ولامنت ضامني يعني؟ ابو عبدالله/السالفة ماهي كذا ياجاسر...وبعدين وش له العرس بتسوونه؟ جاسر/كنا مشغولين شوي وماقدرنا نسويه من البداية...بس مو معقولة مانسوي عرس...... ابو عبدالله/....... جاسر/هي كلها اربع ليالي بتكون عندنا وانت اذا جيت بتاخذها.... ***************************عند الحريم... ام عبدالله/حتى العباية تغير ت ياليالي؟ ليالي/......... ام عبدالله وهي تقولب بالشنطة/وش ذي بعد؟ اصايل بهمس/ان شاءالله جويسر يسوي نتيجة لاني بختنق؟ ليالي/هو وعدني خير.... ام عبدالله/اقول ليالي....احنا بنجي العرس بعد؟ ليالي/اكيد ياخالتي بدونكم ماراح يتم؟ ام عبدالله/صدق؟ ليالي/انا جايبة للبنات كل وحدة ثوب تلبسه ماابيهم يطلعون اقل من غيرهم هناك؟ ام عبدالله/وي عساني مااعدمك ان شاءالله اثمرت فيك تربيتي وجيتي تردين الجميل مو مثل غيرك؟ اصايل/أي جميل؟؟مصدقة حالك انتي مربيتنا؟ ام عبدالله/اصلا خواتك دايم يسالون عنك وينها ليالي ووين ليالي..وليش ليالي نستنا وليش ليالي ماتسال فينا؟وانا دايم اقول لهم هي تسال عنكم ولاليالي ماتنسى احد بس اكيد منشغلة؟ ليالي ابتسمت لها/واضح ياخالتي بكمل ساعة من جيت ماشفتهم حتى سلموا عليّ!! ام عبدالله/ها...راحوا يقايسون الثياب اللي جبتيهم فرحانين فيهم؟ اصايل/أي عاد خواتي كل شي يفرحهم؟ ام عبدالله/وانتي بتنظرينهم؟ اصايل/شعليه ياحسرة؟الحمد الله.... ام عبدالله/اقول ليالي البيت اللي بتقعدين فيه كبير؟ ليالي/الحمد الله..ز ام عبدالله/كم غرفة فيه؟ اصايل/مافينا نتكلم بروحنا؟ ام عبدالله/يعني اشيل شيلتي واقوم؟ اصايل/روحي انتي بعد قيسي ثوبك علشان لو ماناسبك تدبر لك ليالي غيره مني للعرس؟ ام عبدالله/أي وانتي الصادقة؟اقول ليالي انتي وزوجك قاعدين هنا لمتى؟ ليالي/ليش تسالين؟ ام عبدالله/يعني خبرك ابوك مايحب يستقبل احد عنده ولايبي يسوي ضيفة...انتي عارفة ابوك؟ ليالي/لا من ها الناحية تطمني اصلا جاسر يبيه بكلمتين بس وبس يخلصونهم بنروح الرياض وبكرة بنرجع الشرقية؟ اصايل بهمس/والله مالكم امل اذا وافق ابوي ارد معكم تروحون الرياض واصير انا مثل العواذل بالنص؟ابي اشوف اخبار الشرقية؟ ليالي بنفس الهمس/تمويه يابابا؟ على الساعة عشر بالليل..... كان ضاري قاعد بالبيت وجاه مسج من جاسر وقام مرة وحدة... ام ضاري/يون يمه... ضاري/طالع؟ ابو ضاري/وين بتروح؟ ضاري بعجلة/عندي مشوار بخلصه وبرد...لاتنتظروني اذا بتتعشون؟ اخذ سيارته وعلى الكورنيش لان جاسر قال له انهم وصلوا وتهاني واصايل مثل المشفوحين وراحوا الكورنيش علطول.. ضاري بنفسهزين قدرت تقنع عمك وتجيبها......تدرين اني اشتقت لك ياالبدوية؟ كل افكاره راحت انه بيشوفها... وقف سيارته قريب من الموقف اللي قاله جاسر انهم فيه ..ونزل يمشي يدورهم...لقى جاسر وليالي يتمشون بروحهم وليالي ماانتبهت لضاري وجاسر اشر له بعيونه انهم قدام شوي وراح هناك... كان الجو ضحك وووناسة لاسيما انهم ماشافوا بعض من كم يوم.... اصايل/الحب عجب...الحب لهب...الحب هو راحة وتعب... الحب لو ماهو حلو ماغنى فيه اهل الطرب,,, تهاني/الله الله الله على الحب الكبير...الله الله الله على الحب الكبير.. اصايل بشماتة/تكفين سكتي؟صوتك ماينبلع؟ تهاني/من زين صوتك عاد!!! اصايل بثقة وهي نافخة حالها/صوتي الملايين ودهم يسمعونه ومنحرمين منه؟احمدي ربك انك تسمعينه؟ تهاني/أي من حق بعد!!وش مفكرة نفسك بالله!!! اصايل/ولامفكرة ولاشي عارفة نفسي زين وعارفة قدري...انا اصايل يابنت العالم اصايل.... كل الكلام كان يدور وضاري وراهم علطول وكان ورى تهاني بكم خطوة...وهو في بالها يتنهد مع كل كلمة تقولها... رفعت راسها والتقت عيونهم في بعض... اصايل بفزع/ضاري؟؟؟؟؟؟

[taman]

	غدا بمشيئة الله اكمل تنزيل الرواية

[توآقهَ ♥ لِــ ♥ لُقّياكـْ]

نايف تستاهل الحقران يالهمجي ..:a555:....عسى الحب يعدلك
جاسر ..خخخخخ اعجبني وهو يخطب وحده واللي يبيها زوجته >>>حلو ليال ما عطتك وجه
ضاري ..مسكين ياولد العز جابت راسك بدويه !


ليال واخيرا صارت موجوده رفعت ضغطي بسلبيتها ..طيبتها تموت
اصايل ملح الروايه ..يعجبني الناس الشامخه
هتون ..ياليت فعلك مثل وجههك جميل >>>هذا اذا كان وجهك حلو اعتقد انك بومه
متعب ..اش رايك بتهاني
ام عادل يالحيزبون عشتتي براسهم فكرة السحور
الجد :زين انه صار متصل بالشبكه والا اول غير متصل ويمكن الخدمه مفصوله خخخخ
صبا : اكثر وحده تالمت معها ..احسها بطلة الروايه >>عاد اخوك ما يبي له الا السجن ويشيل معه منى تراها عاله قلبي:bm bo:

[taman]

	المشاركة الأصلية كتبت بواسطة ^ارجوانا^ نايف تستاهل الحقران يالهمجي ..:a555:....عسى الحب يعدلك جاسر ..خخخخخ اعجبني وهو يخطب وحده واللي يبيها زوجته >>>حلو ليال ما عطتك وجه ضاري ..مسكين ياولد العز جابت راسك بدويه ! ليال واخيرا صارت موجوده رفعت ضغطي بسلبيتها ..طيبتها تموت اصايل ملح الروايه ..يعجبني الناس الشامخه هتون ..ياليت فعلك مثل وجههك جميل >>>هذا اذا كان وجهك حلو اعتقد انك بومه متعب ..اش رايك بتهاني ام عادل يالحيزبون عشتتي براسهم فكرة السحور الجد :زين انه صار متصل بالشبكه والا اول غير متصل ويمكن الخدمه مفصوله خخخخ صبا : اكثر وحده تالمت معها ..احسها بطلة الروايه >>عاد اخوك ما يبي له الا السجن ويشيل معه منى تراها عاله قلبي:bm bo: تسلمى يا عسل على مرورك والله انك سكر ((دمك شربات)) وتعليقك على الرواية رسم البسمة على وجهــى باين عليكى عسولة خالص ودمك خفيف لك منى اجمل تحية

[taman]

	البارت السابع والاربعين,,,, اصايل بفزع/ضاري!!!!!! لفت تهاني بسرعة وشافت واقف وراهم وصارت تناظر بااصيل... ضاري بغرور/أي ضاري ولاماهو عاجبك؟ اصايل بلامبالاة/وانا مالي.... ضاري/على بالي بعد كورنيشك صار وماتبين احد يجي الا باْذنك؟؟؟ اصايل تكلم تهاني/يالله نروح مكان ثاني صار الجو هنا يخنق؟؟؟ ضاري/لاوالله!!! اصايل/أي والله... ضاري/انتي ليه ماتغطين وجهك ولاعاجبك ان كل العالم يشوفونك؟ التقت عيونهم في بعض وهم يذكرون نفس ها الموقف واللي صار لم على الكورنيش بعد واسكتوا ماردوا... ضاري/ولا يعني فصختي الحيا مرة وحدة؟ اصايل/مالك شغل فيني؟ ضاري/انتي ليه رجعتي مو قلنا لك البنت ماتنحفظ الا في بيت اهلها؟ اصايل/ومن قال لك اني ابي ارد هنا من زين الوجوه اللي بشوفها ولابقابلها؟؟؟بس شسوي حظي الردي جابني هنا مرة ثانية غصبا عني!!!! ضاري/يعني تحاولين تقنعيني ان ديرتك احلى من هنا... مشت عنه وهي تقول/مايهمني اقولك علشان اقنعك اصلا!!!! ضاري بعصبية/انا ماقلت لك امشي علشان تمشين؟ اصايل لفت له وهي بعدها تمشي/ماابي احد يتكلم عليّ اذا طولت بوقفتي معك ؟مو كل الناس تدري اني بنت عمك ؟؟؟ شمايل في غرفة هتون.../شصار؟ هتون ببرود/ولاشي... شمايل جلست قبالها/شلون ولاشي...من رجعتي من عندهم امس وانتي مانطقتي بحرف ومسكرة عليك غرفتك... هتون تنهدت... شمايل/هي قايلة لك شي ضايقك ولازعلك؟ هتون بتاْفف/قلت لك لا... شمايل/يعني شنو...رحتي وانتي ناوية عليها ورجعتي وانتي وحدة ثانية؟ هتون في بالها/ياليتني مارحت اصلا!!!لو كنت عارفة انه بيكون موجود هناك واني بقابله ماكنت رحت ياشمايل؟؟؟؟ خلاص كل شي بينه وبيني انتهى...كل امل يجمعني فيه انقطع؟وهي السبب...اي هي السبب ..حتى اختها مو مثلها..لابسة لي قناع الطيبة قدامه وهي اخبث الناس من وراه وهو مصدقها؟ هي سبب فراقنا مو انا!!!! لازم تندم ها الليالي بحياتها لازم....لازم تخسر جاسر مثل ماخسرتني متعب؟؟ وحدة بوحدة ياليالي وانتي اللي بديتي؟؟اخذتي متعب مني ومن حياتي وانا لازم ابعد اخوي عنك باي طريقة..... فتحت عيونها اخر الليل وهي عطشانة تبي تشرب مويه...ولقت نفسها قاعدة بحضن نايف اللي كان يلعب بشعرها... نايف بهدوء/تبين شي؟ اكتفت انها تناظره بدون ماتقول شي وبعدها تحركت علشان تقوم ومسكها يمنعها من القومة.. نايف بهمس/وش تبين؟ سكرت عيونها علشان لاتشوفه... نايف بتكرار/تبين شي؟ صبا بصوت خالي من أي عاطفة/ابي اشرب مويه ولاممنوع؟ نايف بهدوء/اللحين اجيب لك مويه بعد ليش تقومين انتي.... رفع راسها وحطه على المخدة وقام بهدوء وسط تنهيداتها... وش اللي قلبك يانايف وغيرك؟؟؟الا كيد مو وجود اهلي بينا!!!! نايف/تفضلي... رفع راسها علشان يساعدها تشرب.. صبا/اعرف اشرب بروحي!!! هو اللي تنهد ها المرة... شربت المويه وحطت الكاس جنبها ورجعت حطت راسها على المخدة بدون ماتغمض... نايف/في شي يوجعك؟ صبا/مالك شغل؟ نايف/أي بس... صبا/بس شنو؟انت اللي بتحس بتعبي يعني؟ نايف/ومن قال لك اني مااحس؟انا حاس فيك؟ لفت وجهها للجهة الثانية وقالت بشماتة/باي حلمة حسيت!!! نايف بترجي/صبا...سمعيني؟ صبا/طلقني!!!!سمعتني طلقني ماابيك ولاابي اسمع صوتك ولاطاريك حتى؟ نايف بتنهيدة قوية/انتي سمعيني ياصبا وبعدها قرري..... اليوم الثاني... اصايل/يعني بتلبسين ثوب عرس؟ ليالي/وهو خلى لي مجال ماالبس !!!حجز القاعة وعماتي ماقصروا كملوها وحجزوا فرقة والبطاقات توزعت؟ اصايل/وانتي ليش مضايقة نفسك كذا!! ليالي/مدري بس جيت هتون امس قلقتني... اصايل/وش عليك منها... ليالي بتنهيدة/تتزوجين واحد اهلها مو راضين وهو بالبداية ماكان يبيك؟وتبين تكونين مرتاحة؟ اصايل/هو اعترض لانه مايعرفك...بس يوم شافك وعرفك اصر عليك.. ليالي/وتتوقعين يضل معي ولايتخلى عني!! اصايل/لو بنيته يتخلى عنك مااصر على انه يسوي لك زواج هذا اولا؟ليش بيخسر حاله ها المصاريف كلها اذا يبي يرميك بالنهاية؟وبعدين ليش بياخذ لك بيت بروحك بعيد عن اهله رغم انهم يبونك تكونين معهم..غير انه شاري سعادتك ياحظي!!! وليش رفض بنت خالته؟ وليش مادخل عليك للحين لانك مو راضية رغم ان رفضك ما المفروض يشكل له أي شي..... ليالي/شي واحد ابي اسمعه منه علشان ارتاح... اصايل/انه يحبك؟ ليالي/انا حاسة فيها وبقوة بعد...من ذيك الايام اذا شافني كنت احس بعيونه وميض غريب وشعور ثاني ويوم تقربنا من بعض صرت احس فيه اكثر واكثر...بس لو يقولها يريحني؟ اصايل/مافكرتي تقولينها انتي يالغرقانة بالاول؟ ليالي/طبعا لا......كفاية ذل انذليته من البداية....اذا هو ناوي يقولها خل يقولها بالاول..... اصايل/مقدر انا على العشاق المجانين؟ ليالي/اقول بسك ها..لااقلب الموجة عليك انتي وضويري؟ اصايل/قطع لاتجيبين طاريه تراني مااتحمله؟ ليالي/صدق ماتحبينه ولابس قدامنا؟ اصايل/يعني انتي ماتعرفيني ياليالي؟؟؟انا ماعندي لف ودوران....مااحبه ولاراح احبه بيوم من الايام لو شسوى علشاني؟ ليالي/حتى لو صار زوجك ؟ اصايل/حتى اذا صار ولو اني استبعد انه يصير بما ان الوالد الله يطول بعمره شاغل باله يدور لي عريس!!! بس مااتوقع اني بلحظة يدق قلبي لضاري....هذا اهاني وذلني وبحياتي ماراح انساه ولاانسى كلامه عني!!! جاسر/صار بينكم شي البارحة؟ ضاري/غير طوالة لسانها لا... جاسر/وش ناوي تسوي؟ ضاري/ابي اشوفها اليوم بعد؟ جاسر/أي والقصد؟ ضاري/أي يعني انت عارف وين بتكون موجودة اكيد ليالي بتقولك عن برنامجهم... جاسر/انا وليالي برامجنا انتهت لين ليلة الجمعة؟ ضاري/وحتى التلفونات بينكم انتهت!! جاسر/لا هاذي ماتنتهي.... ضاري/ضروري تعرف لي تحركاتهم اليوم ابي اشوفها...لاتنسى ان ماعندي وقت من هنا ليوم الخميس لازم اشوفها كل يوم قبل لاتروح.. جاسر/ومتى بتخطبها؟ ضاري/بعدين... جاسر/متى يعني؟ ضاري/خل ااْدبها شوي قبل لايبتدي الشي اللي بينا رسمي؟ جاسر/لين تروح منك؟ ضاري/هاذي بنت عمي وماتروح مدام ان عندها ولد عم يبيها ويقول خلوها لي!! جاسر/أي بس انت ماتضمن عمك وش يسوي؟ ضاري/هو بنفسه خاطبها لي بالمرة الاولى ..تبي اذا قلت له ها المرة ابيها مايعطيني اياها؟ جاسر/أي براحتك...بس لاتبطي كثير واستقر بحياتك؟ ضاري/وادخل قفصكم اللي متعذبين فيه؟ جاسر/احلى عذاب والله!!! نايف/صباح الخير... زيد/صباح الانوار.... ام زيد/حياك يمه... كان ينتظرها بس ترفع راسها وتشوفه بس هي طنشته ولاكانه موجود بس لكزتها منى بخاصرتها علشان تحسسها انه كان يناظرها... صبا/أي.. منى بهمس/ووجع زوجك يناظرك وانتي حتى مارديتي عليه سلامه؟ صبا بضيق/ماسلم عليّ بروحي... منى بنفس الهمس/ولو المفروض تردين عليه وتقومين وراه تشوفين وش يبي؟ صبا بلامبالاة/قلعته!!!لااقوم وراه ولايقوم وراي؟ منى/صدق غبية؟ صبا/............. نايف/شلونك اليوم؟ رفعت راسها ولقته واقف قبالها.... ماردت عليه ومنى قامت من مكانها علشان يقعد نايف جنب صبا... ام زيد/اسوي لك فطور يمه؟ نايف/فطرتي صبا؟ ام زيد/عجزت معها ومااكلت شي كاهو الاكل قدامها مثل ماانحط شوف كان قدرت تقنعها انت..انا ماهي راضية تسمع لي!!! قالتها وقامت بعد مااشرت لزيد ومنى يقومون معها... نايف/ليه كذا!! اكتفت انها تناظره بدون ماتتكلم... نايف/ماتبين تطيبين يعني! صبا بدون نفس/لا... نايف وهو يشيل لا كاس حليب ويقدمه لها/ليه ماتبين تطيبين؟ صبا/ماابي شي ابي اطلع من ها المكان اللي خانقني؟ نايف تنهد ورجع الكاس مكانه/قلت لك خلنا نسافر وانتي مو راضية؟ صبا بنرفزة/ماابي اسافر..افهم انا ماابيك...وجودك هو اللي متعبني ومضايقني؟ابي ابعد عنك فاهم شنو يعني ابعد عنك؟ متعب/شكلنا بنصير منبوذين يااصايل؟ اصايل/ليه؟ متعب/معاريس عندنا بالبيت بعد اربعة ايام لازم نتركهم بروحهم؟ ليالي/افا بس..... اصايل/والله مانتركهم الا نقعد على قلبهم ونضيق خلقهم بعد!!!! متعب/ههههه ليالي/صدقت ان اصايل لايمكن توقف معك باي مخطط تبي تسويه اصايل/اللحين مو هذا موضوعنا؟ متعب/أي وش موضوعنا ياحضرة الانسة اصايل؟ اصايل/انت!! متعب/انا!!!انا شفيني؟ اصايل/مصدق انك بتضل كذا!!! متعب/مافهمت شلون يعني كذا!!! اصايل بجدية/انت لازم تتزوج؟ متعب بضيق/سكروا ها السالفة؟ ليالي/مابنسكرها...واذا لنا قدر عندك خل نتكلم بالموضوع؟ متعب/وش تبون نتكلم فيه؟ ليالي/لاتفكر اني مو عرفة عن ضيقك من شفتها قبل يومين هنا.... اصايل/انت لازم تنساها...كيف تحب انسانة باعتك انا مو فاهمة؟ متعب بتنهيدة/انا نسيتها ...ماعدت احبها؟ ليالي/ياليتنا نقدر نصدقك؟ متعب/ليال.... اصايل/صعبة تنساها وانت كذا....تزوج غيرها واستقر وبتلاقي نفسك نسيتها.... متعب/قصدك اعذب معي انسانة ثانية مالها ذنب؟ اصايل/شوف متعب اذا بنظل مقابلين جرحنا ماراح ننساه...بس لو نسيناه ولاحاولنا...بنتحرر منه شوي شوي...وهذا اللي لازم انت تسويه.... متعب/اصايل... ليالي/انت اختار لك وحدة واحنا بنخطبها لك... اصايل/ولا مانبيك تتعب حالك احنا نختار لك..شرايك ب.. متعب/انا مابي وحدة من قرايب هتون يااصايل؟ اصايل/ليه؟؟؟ متعب/ماابي.... اصايل/شوف النذالة انا كنت بقولك اخطب اختها واكسر راسها وراس اختها؟ ليالي/مشاءالله عليك قوية مووت..... اصايل/هههههه متعب/بفكر بالموضوع.. اصايل/متعب انا مافيني اروح وانا ماتطمنت عليك؟ متعب ابتسم لها/قلبتي تتكلمين مثل العجايز؟ في بيت الرميحي,,, على سفرة الغذى في بيت بو ضاري..... رانيا/يبه... ام ضاري/مو قلنا الف مرة مانتكلم واحنا نتغذى؟ ضاري بشماتة/قولي لناس تفهم مو لبنتك؟ رانيا/اوووف.... ام ضاري بنرفزة/شعندك انتي؟ رانيا/ابي فلوس بروح السوق؟ ابو ضاري/وش عندك؟ رانيا/باخذ لي ثوب لعرس جاسر وليالي.. ام ضاري/أي العرس...الا ماقلت لي يابو ضاري هي ام جاسر بتحضر العرس ولالا؟ ابو ضاري/والله مدري هي ماتبي ها العرس بس جاسر مصر عليه.. ضاري/بالنهاية بتجي لو مهما سوت يضل ولدها الكبير... ام ضاري/على قولتك...وجاسر شقرر بيرجع عندهم ولابيسكن في البيت اللي شراه هو وخالها؟ ضاري/لا ماهو راد البيت.... رانيا بقهر/اللحين انتوا نسيتوني ونسيتوا سالفتي وقمتوا تتكلمون عن العرس؟ ام ضاري/انا السايق باخذه اليوم عندي مشاوير من العصر لليل واختك بتجي معي بتجين معنا؟ رانيا باعتراض/لا.... ام ضاري/قلعتك؟ رانيا/بخلي تهاني تمرني...هي واصايل وليالي طالعين اليوم مع عمتي عبير.....ابي الموافقة بس؟ ضاري/واصايل رايحة معكم؟ رانيا/أي... ام ضاري وهي تناظر بولدها/معناته تروحي معهم ويمرك بعدين ضاري يجيبك....صح ياضاري؟ ضاري بارتياح/ووين بيروحون؟ رانيا/ماادري مااقالوالي بس فيني اسالهم اذا دقيت على تهاني ولاعلى عبير .... بالغرفة.... نايف برجاء/لمتى يعني ياصبا؟ صبا/................ نايف/لمتى بتظلين صادتني ومطنشتني؟ صبا بعصبية/لين الله ياخذ روحي ولاانك تفهم وتردني من المكان اللي جيت منه؟الخيار عندك؟ تنهد بقوة ووقف قبالها وحاول يحط يده على كتوفها بس هي بتعدت عنه بسرعة وقالت بعصبية اكبر/لاتلمسني!!ولاتحاول اصلا تلمسني؟ نايف وهو يتنهد/طيب هدي...هدي...خلينا نتفاهم مثل العالم يابنت الحلال؟ صبا/معك مافي أي تفاهم يانايف وبعدين انا تفاهمك عارفته شلون يكون؟ نايف بمسكنة/لاتظلميني ياصبا حرام عليك.... صبا تنهدت وابتعدت عنه.... نايف/انا مو قادر اتكلم معك بشي ياحاقرتني يامعصبة؟ صبا/........... نايف بضيق/شفتي هذا انتي رديتي لحقرانك وصدك وتطنيشك؟ صبا/............. تقرب منها وركع على رجله وصار بمستواها ... نايف بحزن/اسمعيني بس....... صبا بانفعال/ماابي...مو غصب؟صار لي اكثر من شهرين وانا اسمعك وش اللي اخذته منك ماتقولي!! نايف بهدوء وهو يحاول يلم ذرعانها لعنده/اذا مفكرة اني ماكنت ابي البيبي اللي في بطنك فاانتي غلطانة؟ ناظرته بحقد وكانه ذكرها بشي تبي تنساه... نايف بصدق/انا يمكن اكون تهورت بالبداية بس بعد ماطلعت وفكرت بهدوء بيني وبين نفسي لقيت اني ابيه وابيه بقوة بعد.....بس يوم رجعت كان الاوان فات....... توها بتتكلم وترد عليه قطعهم صوت الباب اللي اندق والممرضة اللي كانت داخلة.. الممرضة/عفوا...بس المدام لازم تاخذ حبوبها... نايف بضيق/جيبيهم..... ام عادل/يعني البطايق توزعت خلاص؟ ام جاسر/اه يااختي لاتذكريني؟ ام عادل/الله ياخذها ام السحور قلبته علينا مرة وحدة؟ ام جاسر بتنهيدة/والله انا مو عارفة شسوي حتى العرس قلت له اني مو ناوية احضر.... ام عادل/وليش ماتحضرين ان شاءالله!!علشان تبين له انها احسن منك؟لاتعطينها مجال؟ ام جاسر/بس مو قادرة اشوفه معها يااختي...انا ماتمنيته غير لحنان؟ ام عادل/بيرجع لعقله وهو بيضل كذا علطول؟وخالته بتسامحه اذا رجع ماهي شايلة عليه هذا مهما كان ولدها..... ام جاسر/الله يخليك يااختي.... ام عادل/المهم انك تقنعينه يسكن هنا معك علشان تشوفينها كل يوم وتورينها شغلها ومقدارها شنو.... ام جاسر/انا قلت له بس مااشوفه رد... ام عادل/ماعندك وقت كلمية مرة ومرتين وثلاث....لين يجي اكيد وسويها بعدين شغالة تحت رجلك وعلميها قدرها زين؟ ام جاسر/الله يسمع منك يااختي....انا حاس اني بموت من ضيقي؟؟؟ ام عادل/هاذي حسابها بيجي بعدين...لاتفكر ان احنا بنسكت لها بسالفة العرس بنعدي لها الموضوع...الا بنخرب لها العرس كله؟ ام جاسر/شلون يعني نخربه كله؟انتي ناسية ان العرس عرس ولدنا ياام عادل؟ ام عادل/عرس ولدنا صحيح بس محنا عازمين احد المعازيم كلهم لااهل زوجك.. ام جاسر/أي بس.... ام عادل/انتي سمعيني وبعدين قرري؟ في مجمع الراشد... وتحديدا بالدور الثاني قبال كون زون.... اصايل/يالله اخلص ماصار ذا ايسكريم؟ تهاني/وانتي دايم جوعانة؟كل محلين ثلاثة وقفتي تاكلين لك شي؟ رانيا/أي بس مايبين عليها جسمها حلو؟ اصايل/......... رانيا باحراج/اناب روح مع عبير وليالي كاهم نزلوا؟ تهاني/اخذيني معك...اذا خلصتي اصايل هانم احنا تحت؟ مشت رانيا بالاول...وتهاني همست لااصايل/شفيك منتي طايقتها؟ اصايل بهمس/ثقل دمها مثل ثقل دم اخوها شسوي؟ تهاني/حرام عليك رانيا حبوبة وهذا مو اول موقف من تسوقنا اليوم وانتي مطنشتها؟ اصايل/ولاراح يكون اخر موقف بعد!! تهاني/انا بمشي ونتفاهم بعدين..... اخذت اصايل ايسكريمها ومشت بعد مامشوا وجاها صوت من جنبها تعرفه زين....ولفت له ولقته ضاري يمشي جنبها.... ضاري بعصبية/يعني مصدقة خالك انتي مع ها الوجه المكشوف؟ اصايل ناظرته بدون ماترد عليه وقامت تاكل بايسكريمها... ضاري/غطي وجهك بسرعة لااعلمك شغلك؟ اصايل بثقة/وباي صفة بتعلمني شغلي؟؟؟؟ ضاري/سمعي الكلام احسن لك؟ اصايل/تسوي فيني خير اذا دقيت لاابوي وقلت له تعال خذ بنتك لاني بجد مو طايقتكم يااهل الشرقية؟ ضاري/مدري من جمالك ولامن حسنك اللي تاركتلي الوجه مفتوح.... اصايل بثقة/والله واثقة من جمالي وماانتظر شهادة احد؟ ضاري/أي قلتيلي؟ اصايل بشماتة/شلون دانة ياضاري؟بعدك تكلمها ولا قطعتوا؟؟؟ ناظرها بنظرة غريبة مافهمتها.....كانت نظراتها كلها شوق وحب بس اصايل مافهمتها ابدا!!!! اصايل/سلم عليها لاشفتها لاتنسى...يالله بخاطرك انا نازلة؟ ضاري/ومن قال لك نزلي!!! اصايل/ليش منو قال لك اني اسمع كلامك اذا امرتني اسوي شي؟انت اخر انسان اسمع له بالعالم؟ ضاري/تعرفين انك... قاطعتها وهي تمشي بسرعة/وفر كلامك لنفسك لاني مابسمعك؟؟؟ قالتها ومشت بس رعة ونزلت لهم وظل هو واقف مكانه يناظرها لين نزلت... كانت بتطلع من البيت يوم كان متعب بيحط يده على جرس الباب... متعب قبل لايرفع راسه/عفوا انا جاي اخذ اغراض بنت اختي؟ ماسمع رد ورفع راسه ولقاها واقفة قباله تناظره... متعب بصدمة/هتون؟؟؟ هتون/............ تنهد بدون مايقول شي..... زين تحرك لسانها وسالته بصوت نازل/متعب شلونك؟ متعب بتنهيدة/انا جاي احذ اغراض ليالي... فيني ادخل اشيلهم؟ هتون اللي تنهدت بقوة ها المرة.... متعب ظل واقف مكانه مثل التمثال وماعرف شيسوي ولاشيقول...]رجع ولايدخل ولاشيسوي بالضبط؟ هتون بضيق/تهاني؟ متعب رفع راسه/تهاني أي تهاني؟ هتون بتعب/تهاني اللي اخترتها تكمل معك حياتك؟مبين طايحة الميانة بينكم!! متعب بانفعال/انتي شقاعدة تقولين؟ هتون وهي تمسح دمعة نزلت منها بكبرياء/على فكرة ماتناسبون بعض ولابشي؟ متعب/انا ماقلت اني ابيهم!!! هتون/أي....صح...بس هم قالوا.....صح ولالا؟ متعب/هتون... هتون وهي تلف وتعطيه ضهرها علشان لايشوف دموعها اللي تجمعت بعيونها/ادخل شيل اغراضها...... متعب/منو قال لك اني برتبط بتهاني ولابغيرها؟

[taman]

	البارت الثامن والاربعين,,,,, هتون وهي صادة عنه/ادخل ...البيت بيتك يامتعب؟ متعب تنهد بقوة وظل بمكانه... لفت له وهي ماسكة نفسها لاتبكي...... ظلت تطالعه من فوقه لتحته وكانها تودعه للمرة الاخيرة... متعب بهمس/هتون.. هتون بلهفة/تذكر كلامك اللي كنت تقوله لي!!!!تذكر حبك اللي قلت لي انه ماراح ينمحى من قلبك ابدا وانك مابتنساني؟تذكر ها الشي يامتعب ولانسيته؟تذكر انك قلت لي ان حبي بيظل معك لااخر نفس؟هو كان صدق ولامجرد كلام؟ كانت تتكلم بلهفة ودموعها قربت تنزل هذا اذا ماكانت نزلت صدق.... بس هو ظل بمكانه.... ماهو عارف شيقول ولاشيسوي...كل اللي طلع معه ها الكلمتين اللي قالهم وبعدها دخل داخل وتركها بروحها,,,, ارفع جبينك فوق وامسح دموعك... طعم الهزيمة ذاق دمعك وذقته... ولا لاتقول ان الليالي تلوعك.. ذل المشاعر انتهى اليوم وقته... وخذها نصيحة لاتبين خضوعك... للناس يكفي ماعلنته وقلته... وهزم همومك قبل تهزم جموعك... وحارب لجل خطوة وشي وصلته... دور نهارك قبل تطفي شموعك... وعانق شعاع اخر الليل شفته... والغيمة اللي هي السبب في رجوعك... هلت قراح للاسف ماشربته... ومابه ثمر يكفيك ويسد جوعك... الارض قفرا والشجر مازرعته... ونصف الشهر ليلة تحري طلوعك... كان السما اسود ونورك هجرته... اول شعور منحبس في ضلوعك... واخر شعور في ضميرك قتلته!!! في مجمع الراشد,,,, تهاني بهمس/ووجعتين وش ها الاخلاق الشينة اللي فيك على البنت؟ اصايل بنفس الهمس/اخوها هنا؟ تهاني وقفت/ضاري؟ اصايل/ليش عندها غيره؟ تهاني/أي بس يمكن هي ماتدري عنه....يعني هذا مو سبب علشان تعاملينها كذا يااصايل؟ اصايل/وانا ماقلت لك انه سبب.... تهاني/طيب وراك صايرة كذا ماتعطينها وجه؟ اصايل بدون نفس/لاني مااحبها؟ تهاني/وش سوت لك عاد؟ اصايل/يااخي المحبة من الله...مو لازم تسوي لي شي علشان احبها؟ تهاني/انتي ناسية انها كانت تبي تجمعك مع ضاري؟ اصايل/وشسويلها يعني؟ تهاني/اففف منك ومن عنادك...... اصايل/............ تهاني/رانيوا علامك بعيدة قربي...احنا صايرين بجهة وانتي بجهة؟ رانيا وهي تناظر بااصيل/قلت يمكن عندكم شي تبون تتكلمون فيه براحتكم؟ تهاني/بذمتك وش بنقول يعني؟بس خبرك اصايل مابعد تعودت عليك؟ ابتسمت رانيا لااصايل اللي لفت عنها... رانيا/مع اني احس اني اعرفها من زمان...من يوم ماعرفت ليالي؟ تهاني لكزت اصايل علشان تقول شي... اصايل بدون نفس/المعرفة وحدها ماتكفي؟ رانيا/شلون يعني؟ اصايل بدون اهتمام/مدري...... رانيا وهي تناظر بتهاني وتكلم اصايل/يمكن ناخذوقت على مانتفاهم مع بعض بس الاكيد ان احنا بنوصل لشي مشترك بينا...انا واثقة؟ اصايل بحدة/لاتوثقين بزيادة؟ماله داعي تكون بينا اشياء مشتركة؟ كانت قاعدة بغرفتها بروحها بما ان امها مريحة شوي وزيد ومنى مايقعدون معها الا على هواش حتى بشقتها اللي مستضيفتهم فيها.... غمضت عيونها بالقوة وهي تفكر...بس في شنو ماتدري؟ كل اللي تعرفه انها مو طايقة ها الوضع ولازم ينتهي بس شلون ماتدري.... لااول مرة حاسة ان وجود اهلا هنا غلط وغلط كبير بعد....هي ماتبي احد يمن عليهم بشي...ونايف اللحين ساكت وبس ترجع المياه لمجاريها ويرجع لطبيعته بيقعد يعايرها فيهم وبقعدتهم هني؟؟؟ شتسوين ياصبا...اهلك وكرامتهم.....طيب وانتي....كرامتك بعد محتاجة منك تتخذين موقف....وموقف جاد بعد!!! ياربي انا طلبت منه الطلاق....بس هو القرار عنده اللحين؟ لا...هذا مو حكي ارجعي اطلبيه مرة ثانية وثالثة وعاشرة لين يطلقك....حياتك مع نايف غلط واكبر غلط بعد ياصبا؟ من اخذتيه للحين وش استفدتي وشنو خسرتي؟ مااستفدت بشي..حتى قضية زيد ماادري اذا كانت انتهت ولا بعدها معلقة؟ وش خسرت....خسرت كثير كثير....خسرت نفسي...خسرت كرامتي...خسرت دراستي....خسرت ولدي؟ وش بعد باقي ماخسرته.... انا مااصدق اني مابعد دخلت العشرين للحين؟كل لحظة لي مع نايف تحسسني اني بالخمسين من كثر العذاب اللي شفته..... يارب....والله مافيني اتحمل اكثر....صحيح حبيته وكانت غلطة مني اني صارحته....بس مقدر اكمل...خلاص وصلت لمرحلة انا عاجزة اقنع نفسي فيها اني اكمل أي شي.... ياربي انت اهديني وسوي اللي فيه خير لي وله....... ليالي/وش رايك في ذي؟ عبير/وراك انتي هابة لي بها البيجامات؟؟؟خذي لك قميص نوم انتي متزوجة؟ ليالي/والبسه قدامه؟ عبير/لاقدامنا احنا !!كل ماجيناك لبسيه لنا!!ليالي شفيك؟ ليالي بتنهيدة/انتي وش تتوقعين بيصير ياعبير؟ عبير/هاذي نبرة تشاؤم؟ ليالي/يمكن تكون بس فعلا انا خايفة؟ عبير/خايفة من قربه ولامن شي ثاني؟ ليالي/............ عبير/خوفك طبيعي ولاتكبرينها كل بنت تخاف من ها اللحظة ياليالي....وبالنسبة لها الزواج شي ماراح تقدر تنجح فيه...انتي بس هدي وتطمني ولاتشغلي بالك بالموضوع؟ ليالي/انا خايفة من جاسر نفسه ياعبير؟ عبير/.............. ليالي بتنهيدة/انا عارفة انه في شي غيره...ويمكن اكون حاسة بمشاعره....بس اذا صار واخذ مني اللي يبيه مابيرميني من جديد؟ رميتي بالاول كانت اهون علي!!!اذا صار شي بينا اللحين ورماني ورجع لتفكيره الاولي احس اني بنهار...فعلا ماراح اقدر اقاوم؟ عبير/ليالي.....لاتخلين الشيطان يزرع براسك افكار سودة من اللحين؟ ليالي/.................... عبير/وش اللي بيخليه يجيك ويعتذر منك ويطلب زواج علني قدام الله وخلقه ويصرف كل ها المصاريف!!!اذا له نية يذلك مثل ماتقولين ويرجع جاسر القديم وترجع له افكاره فاابسط شي يسويه انه يدخل عليك بدون أي شوشرة ومحد بيقول له لا..انتي زوجته بالشرع؟ ليالي/يمكن هو يبي فضيحتي على شكل اكبر ويخلي العالم كله يحكي فيني؟ عبير/لامن جد انتي داخلك شيطان ومنزرع براسك؟يابنت الناس انا ماصدقت تكونين ايجابية بحياتك وتتغيرين معه...يبى ردي لذاك التغير مانبي سلبية ليالي وتفكيره اذا كان كذا!!! ليالي/انا خايفة ياعبير واقسم لك خايفة.... عبير/خلاص حبيبتي...انا فاهمتك وحاسة فيك وبرجع ادق على جاسر مرة ومرتين وعشر واتطمن من ناحيته علشانك وعلشان ترضين,,,,,يالله خلصينا خل نكمل ترى بنتي شوي وتنفجر بكي... بنفس المجمع بس في مكان ثاني...... رانيا/وش رايكم ندخل ها المحل..دايم اغراضه مميزة؟ تهاني/ليش لا... اصايل بدون نفس/انا بقعد تعبت من المشي؟ رانيا/................. تهاني/عجوز انتي !!كل كلمتين وقلتي تعبانة؟ اصايل/انا ماابي ادخله اللي يبي يدخله يروح؟ليش لحتى نلتزم ندخل اماكن مانبيها؟ رانيا/خلاص مو مشكلة اذا ماتبين ندخله ماندخله؟ تهاني بحدة خفيفة/اصايل؟ اصايل/سمعتيها شقالت مو لازم ندخله؟ تهاني بعصبية/انا بشوف خالتي عبير وينها لانكم صايرين ماتحتملون؟ اصايل ببرود وهي تناظر برانيا/يكون افضل لاني بعد ابي اشوف ليالي وش مسوية؟ في المستشفى.... متعب/ادق لك على ام احمد ولا على على ام روعة؟ ابو عبدالرحمان/لاياولدي مايحتاج مدامي بطلع بعد شوي...لاتخوفهم على الفاضي؟ متعب/ماعليك باس يابو عبدالرحمان... ابو عبدالرحمان/الله يسلمك....ماقصرت ياولدي اتعبتك معي!! متعب/افا بس ياجدي تعبك راحة لنا...لاتقول ها الحكي؟ ابو عبدالرحمان بتنهيدة/انا متاءكد اني شفت هتون طالعة وناديتها تسندني يوم حسيت اني تعبان وسمعتها واقفة تسولف عند الباب بس مدري شبلاهم ها العيال مايواطنوني بعيشة الله؟ متعب /يمكن انها ماسمعتك ياجدي... ابو عبدالرحمان/من قبل لاتوصل الباب وانا اناديها يامتعب ياولدي معقول ماسمعتني!!!!اه بس اه راحت الايام اللي كنا نربي عيالنا وعيال عيالنا علشان يقومون فينا..... متعب/لاتشغل بالك يابو عبدالرحمان ماتسوى السالفة... ابو عبد الرحمان بتنهيدة/لو انك مادخلت وشفتني طايح على الارض ياولدي كنت رحت فيها؟ بالاول كانت الشغالة تظل عندي طول اليوم...اللحين استكثروها عليّ وماقامت تجيني الا بالوجبات وبس!!! متعب وهو سرحان/وش ها الاوادم هذولا؟معقولة مايحسون؟ ابو عبدالرحمان/اقول يايبى دق على السايق يجي ياخذني من المستشفى.. متعب باصرار/لاياجدي انا قاعد معك لين تخلص علاجك وانا اللي بوصلك.. ابو عبدالرحمان/ماابي اكلف عليك ياولدي.. متعب/مافيها كلافة ولاتزعلني منك... ابو عبدالرحمان/أي بس انا ماابي اعطلك عن اشغالك؟ متعب/لا تطمن ماوراي اشغال انا متفرغ لك وبنطرك لين تقوم وبوصلك..ريح انت بس ... ام عادل/انتي علامك مع ها السرحان؟ هتون بتنهيدة/في شي؟ ام عادل/أي في ...اقولك فكري لي بشي يخرب ها العرس من اساسه؟ هتون بحدة/خالتي العرس عرسنا واذا صار فيه شي محد بيكون بالواجهة وبينحرج قدام الناس غيرنا؟ ام جاسر/هذا اللي انا اقوله وافكر فيه بعد؟ ام عادل بنرفزة/ياسلاااام!!ونخليها تاخذ جاسر باردة مبردة؟ هتون/مانقدر نسوي شي؟ ام جاسر/لاتنسين يااختي ان معارفنا كلها بتحضر العرس؟ ام عادل/أي بس ها القروية لازم تفهم ان الله حق ؟ هتون/اذا جت عندنا علمناها وفهمناها ان الله حق بس مو بليلة العرس؟ها الشي مو في صالحنا وبيضرنا بدل ماينفعنا؟ ام عادل/انتي مو حاسة وش معناة ان جاسر بيطير منا؟ هتون بحدة/لا فاهمة وحاسة فيك....بس لعلمك ياخالتي هو حتى اذا تركها ماراح يفكر في حنان اخوي وانا اعرفه؟ ام عادل ناظرتها بحدة وقامت عنها وتركت لها المكان.... ام جاسر بحدة/ووجع ان شاءالله!!!انتي ماتستحين تقولين لخالتك ها الحكي؟ هتون/هذا الصدق يمه ليه بعد تظل خالتي راسمة على جاسر وكانها بتناله بيوم من الايام؟؟؟ ام جاسر وهي قايمة عنها/ولو ...المفروض تتكلمين باأدب اكبر معها ولانسيتي انها خالتك وخايفة على اخوك من ها البلوة اللي بيبلي نفسه فيها؟؟؟ شردت بافكارها بعيد.....لهناك....لعنده....متعب. ..متعب خلاص ياهتون محى كل ذكرى لك عايشة فيه.....وانتي السبب؟ ليه تركتيه من البداية؟؟؟ليه مادافعتي عن حبه لك وحبك له؟ليه كابرتي وكابرتي؟هاذي النتيجة يابنت الناس .... يمكن قسيت... يمكن نسيت... انك ولولا خالقك ماكان في الدنيا حبيت... الله يايمه.... اشكي لك لو اشكي لزماني... واليوم ضاعت فرحتي... وين الطريق لضحكتي... وياكيف ضيعته حناني... لاماقسيت..لامانسيت... انك ولولا خالقك ماكان في الدنيا حبيت... يمه طموحاتي عدم...ماعاد للدنيا طعم.... وين الوله في نظرتي... والطيب داخل عبرتي.. حتى الحبيب اللي ابيه...واللي رسمته بدمعتي... اصبح الم؟؟؟ يمكن قسيت.....يمكن نسيت... اني ولولا دنيتي ماكان بالدنيا شكيت!!! / كان واقف قبالها بنفس المكان ودق لها.... رفعت تناظر المتصل ويوم شافت اسمه رفعت راسها وشافته واقف قبالها... عطته بيزي ومااهتمت له وكملت مشيها... رجع يدق لها مرة ومرتين وثلاث وهي مطنشة وهو صار بركان من قمة الغضب..... مشى بسرعة لين صار جنبها... ضاري بغضب/ماتشوفين ولاماتعرفين تقرين اسم المتصل؟ اصايل بسخرية/يمكن ماحبيت اخسرك؟يعني بما انك قبالي ليش ارد عليك وانت تقدر تقول اللي عندك بدون تلفونات؟ ضاري بعصبية/تعدلي وتكلمي معي مثل العالم!! اصايل/ليش شلون شايفني احكي بالله!! ضاري/............. اصايل بحدة/بغيت شي؟ ضاري/أي...اصعدي فوق بنقعد شوي نتكلم؟ اصايل وهي تبتسم له بسخرية/اسفة..... ضاري/خير؟ اصايل/البنت مايربيها غير بيت ابوها ياضاري؟ ضاري/وش يدخل هذا بهذا اللحين؟ اصايل/ولاشي بس حبيت اذكرك بكلمتك اللي رميتها اخر يوم ... ضاري/ومصر عليها بعد ومن بيت ابوها لبيت زوجها ان شاءالله علشان يكسر راسها.... ناظرته وهي تضحك بشماتة ومشت عنه بلامبالاة وسط عصبيته من تجاهلها وحقرانها,,,, اخر الليل..... بشقة صبا وتحديدا بغرفتهم اللي صارت المكان الوحيد اللي ممكن يختلي فيه براحته وبعيدا عن اهلها.... نايف بحنان وهو يقولب بشعرها/شلونك اليوم؟ صبا صدت بعيونه لسقف الغرفة وماردت عليه.... تنهد بقوة واعتدل بقعدته.... نايف/صبا..... صبا/...... نايف/صبا فيك تروحين معي الرياض؟ لفت له بسرعة وقالت بحدة/طبعا لا؟ نايف/لانك تعبانة ومابعد طبتي؟؟؟ولافي شي ثاني؟ صبا/أي بعدني تعبانة....وش لك عندي؟ نايف/عندي اجتماع بكرة مع مندوبين الشركة ومافيني ااْجله اكثر من كذا ياصبا....يعني مضطر اروحه.. صبا بلامبالاة/وانا مالي؟ نايف بهمس/ابيك تكونين معي...ابي اتطمن عليك وعلى صحتك؟ صبا بضحكة سخرية/من متى؟ تنهد بقوة وتقرب منها وقال بهمس/معك حق ماتصدقيني...بس اللي انتي ماتعرفينه.. قاطعته/بروح عند اهلي.... نايف/يعني معزمة ماتجين معي؟ صبا/نايف انت عارف كم يوم صار لي من طلعت من المستشفى؟ نايف/عارف انك تعبانة ياروحي....بس ودي اكون بجنبك... ماتدري ليش ظلت تناظره بدون ماتتكلم....هل لانه قال لها روحي!!!هل فعلا هو يقصدها؟ نايف/ودي اتطمن عليك ياصبا بيظل قلبي معورني لاني بطول يعني من اربعة ايام لااسبوع حسب مايطلع معنا....قالها وماانتبه للكلمة اللي قالها قبل وخلتها تسرح... صبا/................. نايف حط يده في يدها... نايف/مقدر اجبرك وانتي بها الظروف بس تاْكدي انك بتكونين في بالي علطول... صبا/نايف... نايف/عيوني....قالها بهمس ورفعت راسها تناظره وتنهد.... صبا/بروح عند اهلي.... نايف/ليه؟؟اهلك معك هنا؟ صبا بضيق/اكره ها المكان؟وهاذي فرصة اني اروح هناك مدامك منت موجود.... نايف/............مابيكون هنا اريح لك؟ صبا/لاطبعا.... نايف باستسلام/خلاص....بكرة السايق يشيلك انتي واللي معك... صبا/وهذولا اللي هنا...اقصد الممرضة والشغالة؟ نايف/بيجون معك.....بعدك تعبانة ومحتاجة احد يقوم فيك.. صبا باعتراض/انا مو بحاجتها... نايف/لاتحاولين انا ماراح ارضى,,,,, صبا/................. عطاها جوال وناظرت فيه... صبا باستفسار/شنو هذا؟ نايف بهمس وهو يتقرب منها/ابي اسمع صوتك طول الوقت ياصبا؟يعني مو معقولة اكلمك على جوال زيد...طيب باخر الليل اذا بغيت اسمع صوتك شسوي؟ صبا بتنهيدة وهي تحط الجوال بعيد عنها/الافضل لك انك ماتسمعه.. نايف بحسرة/ليه عاد ياصبا؟ صبا بحدة/علشان تتعود على الطلاق؟؟؟؟ متعب/وين ليالي.. اصايل/ابي افهم انا مااملي عينك بالله تسالني عنها؟ متعب/هههه وش ها الغيرة يابنت الحلال؟ اصايل/مدري عنك.... متعب/شفتك قاعدة بروحك قلت اسال عنها مالها بالعادة تتركك بروحك؟ اصايل/ماهي هنا.... متعب وهو يقعد قبال اصايل/وينها فيه؟ اصايل/مع تهاني ... متعب/وليه ماتنام هنا؟ اصايل/وش باقي على عرسها وعلى انها تجي هنا...خلها تستغل ها الايام وتنام برى البيت؟ متعب/اكيد فكرتك.... اصايل/ياربي ليش ظالميني كذا!!!لهدرجة مكتوب على جبيني صاحبة الافكار الخبيثة؟ متعب/هههههه اصايل/الله يسلمك هو الحقيقة ان عبير قالت لها لاتنام هنا لين ليلة العرس وتجي هي وزوجها مرة وحدة..... متعب/اممممم عليكم افكار مدري من وين... اصايل/متعب......شفيك؟ متعب وهو يحاول يكون طبيعي/شفيني ....مافيني شي؟ اصايل/مو عليّ...قول شفيك؟ تنهد بقوة وقال لها/شفتها اليوم؟ اصايل بنرفزة/ياربي منها ومن سيرتها...... متعب/.............. اصايل/قلتوا شي لبعض..... متعب/اصايل....لو تكونين مكاني شتسوين؟ اصايل بحدة/الا كرامتي يامتعب...مااسمح للغريب يدوسه مابالك بالحبيب اللي اعزه واغليه...اكيد ماراح تهون علي!!! متعب/مافهمت عليك... اصايل بتنهيدة/اذا انداست كرامتك وتساوت بالارض ساعتها مالك لاقيمة ولااعتبار.....ليش حتى تعطي فرصة ثانية وتسامح..... متعب/أي بس... اصايل/وش اللي يضمن لك ان ها المرة بتكون غير...مابيكونون تعودوا على الجرح وعلى انك تسامح؟خلاص مابتفرق بيصير الجرح عادي مرة ومرتين وثلاث.... متعب/انا تعبان يااصايل تعبان..... اصايل/متعب...نصيحيت لك ترتبط...باسرع فرصة...اشغل قلبك بغيرها علشان تنساها....هي داستك ..لاتظل تعطي قلبك امل انكم بتكون لبعض..... متعب/ارتبط؟طيب بمنو؟ اصايل/هاذي حلها عندي...عندي لك خوش عروس انت بس قول تم... متعب/أي بس ماتكون وحدة من قرايبنها؟ اصايل/ليه؟ متعب بتنهيدة/كذا....ماابي شي قريب منها.....بظل اذكرها دايم وسيرتها بتجي عندي اذا اخذت وحدة من قرايبها....ابي وحدة بعيدة احسن يااصايل... اصايل/أي مو مشكلة.....اقول لعمتي تعرض علينا كم بنت من معارفهم ونشوف.....والله يتمم بخير... ضاري/علامك شاردة؟ رانيا رفعت راسها.... ضاري/سالتك وين شاردة وليه؟ رانيا/ضاري انت كنت بالراشد اليوم صح؟ ضاري بثقة/أي..... رانيا/............ ضاري/في شي...بتحاسبيني ليش اني رحت؟ رانيا/لا....بس ...انا متضايقة ياضاري؟ ضاري/من شنو؟ رانيا/هي تكرهني؟ ضاري/اصايل؟ رانيا/أي.....ولايمكن تحبني بعد!! ضاري/من قال لك انها تكرهك؟ رانيا بتنهيدة/كل تصرفاتها وكلامها معي اليوم يثبت ها الشي؟ ضاري/بعلمك فيها اذا جت هنا لااخليها... رانيا بترجي/ضاري انت ماتناسبها؟ ضاري بسخرية/نعم... رانيا بتنهيدة/اكثر وحدة تمنتكم لبعض هي انا!!!واكثر وحدة تقولك انكم ماتناسبون بعض انا!!!مو علشان انها ماتحبني ولاماعبرتني اليوم لا؟؟؟علشان انا حسيت انها تكرهك....تدري يوم تضايقت وقعدنا هي قالت لي اخوك هنا وبدل ماينطط من طابق لطابق خله يردك البيت؟ ضاري/وهي وش عليها ان شاءالله؟ رانيا/ضاري....اصايل فعلا تكرهك......يعني مانست اهانتك لها ولابتنساها بعد!! ضاري بلامبالاة/مايهمني.....اذا صارت عندي بنسيها كل شي بعد مااربيها من جديد؟ اليوم الثاني..... جاسر/صباح الخير.... ام جاسر بدون نفس/صباح النور... جاسر قعد قبالها/في كلمتين ابي اقولهم لك؟ رفعت راسها تناظره.... جاسر/يمه..... ام جاسر/نعم.... جاسر/ياليت مانخسر بعض علشان موضوع ليالي؟ ام جاسر/أي بس احنا خسرنا بعض ياجاسر؟ جاسر/يمه....ليالي في لها الف بديل...بس اذا انا رحت منك مااظن بتلاقين لك بديل عني!!ولاانا بعد بلاقي ام بدالك؟؟؟ ام جاسر بحدة/ويوم ان ليالي لها الف بديل ليش ان شاءالله معزم على ها العرس الا تتمه وتزعلني منك؟ جاسر/المفروض انا اللي ازعل منكم يمه؟انتوا شفتوها قبلي وشفتوا انها غير مو مثل ماكنا متصورين وحاطين في بالنا!!ولاوحدة فيكم جت وكلفت على عمرها وقالت لي ترى ياجاسر ليالي مو مثل مااحنا متصورين..ليالي كذا وكذا وكذا.....انا بروحي انصدمت يوم شفتها...وانصدمت اكثر يوم تقربت منها وحكيت معها.... حسيت اني مغفل وكنت مسير وسط كلام فاضي....ياليتني ماسمعت كلام احد من البداية؟ ام جاسر/هذا يعني انك منت مطلقها ياجاسر؟ جاسر/اللحين بكرة العرس يمه وانتي تتكلمين عن الطلاق؟؟؟ ام جاسر/بتاخذها مابقولك لا والموقف محرج خصوصا بعد ما البطاقات توزعت بس بتطلقها بعدين ياجاسر مو هاذي ام عيالك يايمه؟ جاسر/ومنهي ان شاءالله ام عيالي!!حنان بنت خالتي!!! ام جاسر/على الاقل عارفين نسبها ونسب خوالها وعمامها... جاسر/يمه....اتمنى تكونين بكرة اول الحضور وانتي اللي تزفيني لليالي؟ فتحت عيونها بثقل بعد ليلة طويلة قضتها بالسهر هي وتهاني ... ماقدرت تفتحها غير يوم سمعت صوت الجوال يدق... كان الرقم غريب بس ماتدري ليش ردت... ليالي بصوت نايم/الو.... ام عادل وهي تبكي/انتي نايمة ولاتدرين وش اللي صاير؟ ليالب بفزع/وش صاير؟ ام عادل/جاسر بالمستشفى ياليالي؟

[taman]

	البارت التاسع والاربعين عبير بصدمة/شنو؟ ليالي وهي تبكي/لحقيني ياعبير انا مو عارفة شسوي؟ عبير بنفس الصدمة/ووينك اللحين؟ ليالي/انا اخذت السايق وجيت على وجهي للمستشفى اللي قالت لي فيه خالته..... عبير/معك احد؟ ليالي وهي تبكي/لا...انا جيت بروحي ماشفت احد وانا طالعة... عبير وهي تحاول تكون اكثر تماسك/انا رايحة بيت اخوي اللحين بكلمك لو عرفت شي وانتي اذا صار معك شي كلميني... ليالي/عمتي الله يخليك تعالي بسرعة انا مو عارفة شسوي ولا شنو بشوف؟ عبير/انا جاية ياليالي جاية...لااله الا الله......وش ها الخبر الشين ياربي.... منى/صباح الانوار...اسفرت وانورت... زيد/ارتحتي يومك جيتي ها البيت؟ منى/انا مدري شعليه ها الحنة اللي فيك تبين تقعدين هنا مو هناك؟خبلة والله...احد يترك ذاك العز كله ويجي ها الخرابة برجله؟ صبا/هذا البيت اللي عشت فيه طول عمري من انولدت لهذا اليوم ويساوي بعيني قصور العالم؟ منى/أي صدق....اصلا انتي الحكي معك ضايع؟ زيد/ضايع ونص....الا انتي معك مفاتيح الشقة؟ صبا/وش تبي فيها؟ زيد/مدام نايف مو هنا بروح اسهر فيها انا والشباب الليلة؟ صبا/لاماهم معي ..... زيد ومنى ناظروا في بعض واسكتوا وطول سكوتهم... حست بالضيق اخذت بعضها وراحت تشوف امها اللي كانت نايمة.... راحت غرفتها وسكرت عليها الباب,,,,,, قعدت على سريرها وتنهدت بقوة.... صادقين والله...وش ها الحنة على ها المكان اللي مانا شايفة منه الا الضيق والكتمة؟؟؟ وينك بس يانايف.....انا فعلا غلطانة...انا عمري كله مالقيت هنا حب وحنان...ولقيتهم هناك عندك حتى لو ماصرحت فيهم بلسانك بس كنت حاسة فيهم من كل لمسة وكل همسة منك... تنهدت بقوة وغمضت عيونها.... هل فعلا بيكون القرار بالايام الجاية قرارك انتي ياصبا وبيوافق عليه نايف؟؟؟ لا...لا....دق قلبها بقوة....ماابيه يطلقني....ماابيه يتركني....ابيه بس يتندم على معاملته لي!! ابيه ورب الكون ابيه....انا مقدر اعيش هنا بعيدا عنه انا حياتي صارت له وتحت يده.....لازم مايقتنع بسالفة الطلاق,,,,لازم مايتركني ولاساعتها صدق بموت.... ابيك بس تتندم على اللي كنت تسويه فيني يانايف ونرجع مثل ماكنا مع بعض.... عادي انك تتركني طول اليوم وماتسير عليّ الا اخر الليل....يكفيني ها الشي منك بس لاتتركني بها البيت البارد؟ جاسر/الو.. نعم عبير وهي تبكي/ثامر وش اللي صاير؟ جاسر/عمتي انا جاسر مو ثامر بس انتي ليه تبكين شفيك؟ عبير بصدمة/انت منو؟ سكتت شوي علشان تركز بالصوت.. جاسر بثقة/للحين صوتي يشبه صوت ثامر ياعبير الله يهداك؟ عبير/شلون؟ جاسر/عبير شفيك؟ عبير/انت...انت مو.... جاسر/انا شنو؟ عبير تنهدت بقوة... جاسر/عبير شفيك..... عبير/الصدق الصدق ياجاسر انت صار لك شي اليوم؟ جاسر/صار لي شي اليوم؟شي مثل شنو يعني؟ عبير/يعني ماصار لك حادث لاسمح الله؟ جاسر/عمتي... عبير بدفاع/جاسر انا مو قصدي بس خالتك دقت على ليالي وقالت لها... جاسر/ليالي؟شفيها؟شقالوا لها؟ عبير بتنهيدة طويلة/يعني انت مافيك شي ياجاسر متاءكد؟ جاسر/قولي ليالي شفيها؟ عبير/اسمع السالفة ياجاسر واحكم بنفسك بس خلني اتصل لليالي اطمنها بالاول؟ جاسر/اول تقولين لي بعدين تدقين لها.....من اللي اتصل فيها وشنو قال لها.... قعد بالاجتماع وخلص وهو مو عارف شقال ولا أي كلمة طلعت منه!!! كل تفكيره كان رايح عندها..هي وبس!! ياترى وش قاعدة تسوين اللحين ياصبا؟ نايمة ولاصاحية؟مبسوطة ولامتضايقة...؟ ارتحتي خلاص انك في بيت اهلك......اه ياقلبي اه... ادق لها اللحين واسمع صوتها ولااتركها شوي بعد... انا مو قادر اقاوم اكثر علشان اسمع صوتها... واحشني من البارحة ماسمعته.... لايانايف اتركها شوي ترتاح وتفكر بهدوء بعيد عنك....تفكر؟ بشنو تفكر وهي بعيد عني!! انها تتركني وتتخلى عني!! مستحيل انا ماراح اخلي لها مجال بها الشي ابدا!!! صبا لي ولي لوحدي ماراح ياخذها مني أي احد لو شيصير بها العالم؟ انت لازم ترجع الدمام بسرعة يانايف وتعتذر منها وتركع تحت رجلينها وتتندم وتطلب السماح....والاهم من هذا كله وقبل هذا كله....تصارحها بحبك لها؟؟؟؟ حبك اللي متعبك ومتعبها معك.....حبك اللي من شفتها باول يوم وانت تحاول تخفيه وتبينه كره وحقد وهو العكس تماما!! خلاص يانايف ماعاد في مجال للتراجع وعدم الاعتراف لان كل شي ماهو بصالحك اللحين..... اصايل/صباح الخير متعب/صباح الخير على الناس العجزانة والكسلانة؟ اصايل/اوووف.. متعب/أي والله..ولاالناس النشيطة من زمان صحت من نومها؟ اصايل/تبي تقنعني انك من زمان صحيت وانت توك تشرب قهوتك؟ متعب/أي طبعا من زمان صحيت وكنت انتظرك تصحين بس مامنك فايدة؟ اصايل/كان جيت صحيتني؟ متعب/تعرفيني اخاف منك انت تعضين اذا احد صحاك بدون ماتقومين من نفسك؟ اصايل/تراك مسوييني اجرامية بقوة؟ متعب وهو يضحك/انتي عندك شك فيها يابنت العالم؟ اصايل/طيب....بنشوف من يقعد معك كل يوم... متعب/مافمت؟ اصايل بحزن/نسيت ان بكرة اخر يوم لي هنا....مضت الاربعة ايام بسرعة وبكرة برجع مع ابوي الديرة... متعب تنهد..... اصايل/........... متعب/في سالفة ابي اكلمك عنها يااصايل.. اصايل/شنو؟ متعب/في معرس طالب يدك؟ اصايل/طالب شنو؟انا!!!! في مستشفى المانع... كانت واقفة في الاسعاف حق الرجال قبال سرير عليه رجال مغطى وحوله الممرضات ووجهه مو باين.... هذا هو المريض الاخير اللي باقي ماشافته وتعرفت عليه.... كانت تمسح دموعها وكل تفكيرها مو معها..تفكيرها كله عند اللي ممدد اللحين على سرير المستشفى..... قلبها متقطع عليه وقاعدة تدعي ربها انه يكون مجرد حادث بسيط ومايروح فيها صدق!! لو راح ساعتها وش بتسوي هي بنفسها؟؟؟؟ دق جوالها وردت بسرعة ولهفة وهي تمسح دموعها/ها..عبير عرفتي شي؟ أي قولي اسمعك...انا بعدني بمستشفى المانع......شنو؟انتي متاْكدة من ها الحكي؟ بدت ملامحها تتغير شوي شوي ....وتنهدت تنهيدة قوية وقالت/طيب....يالله انا طالعة... سكرت التلفون وهي في حالة ذهول من اللي سمعته ومن اللي هي جاية علشانه... صوت واحد بس رجعها ورجع عقلها للواقع... جاسر /تنتظرين احد هني؟ يوم رفعت راسها تنهدت بقوة ونزلوا دموعها بقوة وقهر اكثر من قبل.... تقرب منها ومسك يدها ومشاها معه...... وصلوا لعند باب المستشفى بيطلعون ووقفت مكانها... ليالي بصوت متقطع/جاسر... لف لها.../كلمتني عبير...يعني انا مو عارف شقولك...بس...عطيني الرقم اشوفه؟ ليالي وهي تمسح دموعها/انا خفت عليك...خفت لاصدق تكون رحت مني!!! جاسر بفرح مخبيه وابتسامة منعها تطلع لاتفضحه/صدق!!!خفتي عليّ!!! ليالي/طبعا...انت ولد عمي اولا واخير... جاسر بنفاذ صبر/وبعد!!!بس لاني ولد عمك بتخافين عليّ!!! غطت وجهها بيدها علشان تبكي براحتها وتقرب منها وضمها لصدره وعلى صوتها بالبكي...... جاسر وهو يهديها/خلاص ياليالي انا هنا ...انا بخير مافيني شي,,,,اذكري الله..... عبير بعصبية/هذا تصرف سخيف جدا!! ام جاسر/واختي وش لها بالسالفة عاد ياعبير؟ عبير بانفعال/اختك هي اللي دقت لليالي الصباح وقالت لها؟ ام جاسر/لاعاد...مو تروح تقط بلاها بنت اخوك علينا وعلى اختي؟يعني بالعقل لاقدر الله بيصير شي لجاسر واختي بتدري قبلنا!!! عبير/أي بس هي قصدها شي ثاني.....شمايل/عمتي خلينا واقعين...وش ها السالفة الغريبة اللي جايبتها ليالي ؟هاذي قاعدة تفاول على اخوي؟ عبير/يعني انا اكذب؟ شمايل/لاياعمتي ماقلنا كذا!!!بس هي يمكن تبي تلفت النظر لها وتسوي اكشن ومدري شنو... عبير بحدة/البنت بكرة عرسها....ماتقولين لي وش غرضها اذا سوت كذا ؟ شمايل/يمكن انها تبي تروح تشوف احد بالمستشفى وحطت ها السالفة حجة ولامحد كلمها ولااحد قال لها شي؟ ام جاسر باعجاب/أي والله يمكن.... عبير/انا طالعة ياام جاسر وماعندي شي اقوله بعد مدام هاذي نظرتكم لها...بس بقولك شي ترى جاسر متعلق فيها ويبيها فلاتخربين بينهم لانه مصر عليها بقوة وانتي تعرفين ولدك...فلاتوقفين بوجه سعادته.... ام جاسر بحدة/هاذي نزوة شباب ياام روعة بكرة بيتملل منها وبتشوفين...انا ولدي ماياخذ ها الاشكال؟ تهاني/خلاص هدي..... اصايل بانفعال/الله ياخذها الحقيرة...... ليالي بهدوء/طاح قلبي يوم سمعت انه مات ماعرفت شسوي...وهي تقولي روحي تودعي منه بالمستشفى.... تهاني/وانا ويني؟ ليالي/كنتوا طالعين انتي وعمتي ودقيت على عمتي عبير خبرتها...واصايل ومتعب ماردوا عليّ.... اصايل/خل اشوفها بكرة بالعرس اذا مااعضها لكم..... تهاني/من صدقك انتي عاد....ماراح تجي؟ اصايل/لاوالله ها الاشكال ماتستحي ابدا ياتهاني بتلاقينها اول الحضور.... ليالي/................ اصايل/خلاص لاتشيلين هم وانسي الموضوع..... ليالي/حاسة قلبي يدق بقوة للحين..... تهاني/نخاف نخفف قوته ويوقف علينا وانتي بكرة عرسك مافينا شدة... اصايل/هههههههه تهاني/اهم شي متعب وش قال؟ ليالي/قال لي لاتهتمين وانا بروح اكلم خالتي ولاتزعلين ومن ها الحكي.... تهاني/خلاص اهم شي كلامه مدامه طمنك وحسيتي معه بالامان.. ليالي غمضت عيونها/الله لايحطكم بها الموقف ابدا...بلحظة حسيت روحي بتطلع مني... دق الباب ودخلت الشغالة ومعاها بوكيه ورد عطته عبير وطلعت... تطلعت العيون كلها لعند البوكيه وشالت ليالي الكرت من وسطه علشان تشوف من عند منو وعيون اصيل وتهاني تقراْ معها..(يمكن كلمات الاعتذار ماتوفيك يابنت العم...بس عرفنا قدرنا اليوم عندك) اصايل/سخيف.. تهاني/جدا.. ليالي/انتي وش يخصك انتي وياها؟ اصايل/نبدي ارانا... ليالي/ومن طلبها عاد؟ تهاني/يعني شلون بتجي اللحين السوالف عند جويسر وبنقلب الحكي؟ ليالي/قلبي وجهك انتي وياها زوجي وبكيفي؟ اصايل/اقول مالت ثم مالت بس.... جاسر/تصدق ماعرفت شسوي؟ ضاري/خالتك غريبة....وش ها الحركة يعني؟ جاسر/والقهر يوم رحت اكلمها تقولي مرتك تكذب يعني انا بتمنى لك الموت ياولد اختي!!!ماغير هي تبي تفرق بينا؟ ضاري/والرقم؟ جاسر/هذا رقم سايقهم اللي كانت متصلة منه..... ضاري/وهي شلونها اللحين؟ جاسر/كانت متضايقة....بس ان شاءالله تكون هدت اللحين انا دقيت لعبير وقلت لها تاخذ بالها منها... ضاري/أي بعد بكرة ليلة العرس ومانبي ضيقة خلق اكثر من كذا!! جاسر/............ ضاري/مت نايف بيجي؟ جاسر/ليلة بكرة؟ ضاري/يعني بيحضر؟ جاسر/أي اكيد.... ضاري/وانا متى بشوف اصايل؟ جاسر/متى؟ ضاري/يعني بكرة كيف بشوفها..... جاسر/وانا تفكيري مع اصايلك ولامع ليالي ... ضاري/أي دبرني.... جاسر/خلي اختك تدبرك انا بكرة مالي حيلة ابدا!!! ضاري/اوووووف... جاسر/بتكلم عمي بكرة عنها؟ ضاري/ليش هو بيحضر؟ جاسر/أي انا قايل له..... ضاري/لا... جاسر/ليه؟ ضاري/لاني رايح دبي بعد يومين وانا ابي اكلمه واخذها علطول ماابي اكون مرتبط كذا باشغال ثانية؟ اليوم اللي بعده كان الكل مشغول بلبسه وثوبه ومكياجه واللي مشغول بتفكيره وشنو بيسوي الليلة..... كانت القاعة مزدحمة على الاخر..وحتى ام عبدالله وقفت بالاستقبال مع ام احمد وعبير وسط نظرات الاحتقار بالجهة المقابلة من ام جاسر اللي جت وهي ماتتمنى تكون هنا ولاان ليالي تتغير.... اصايل بروحها كانت مالكة القاعة بتاْلقها وجمالها كانت لابسة ثوب مشابه للثوب اللي لابسته تهاني بس باللونين البنفسجي والبرتقالي... اليوم بس حاسة باحساس غريب وهي تشوف ليالي بثوب العرس قدامها...يوم حلموا فيه ثنتينهم وكاهو تحقق لوحدة منهم بوسط ومكان ماكانوا يحلمون فيه ابدا بتخيلاتهم.... حست ان دموعها بتنزل باي لحظة وماحبت تبقى بالغرفة معهم استاْذنت بتطلع تشوف الجو شلون صاير برى.. وطلعت....مشت شوي لين صادفت وحدة ماتوقعت تلتقي فيها ابدا.... ام ضاري/حيا الله اصايل؟؟؟ اصايل وهي تناظر ام ضاري وتالقها وهيبتها /هلا والله باام ضاري... ام ضاري/عاش من شافك؟ اصايل بثقة/عاشت ايامك..... ام ضاري/عقبالك....وعقبال مانشوفك عروس؟ وقفت اصايل تناظرها بحرج وهي مو عارفة شتقول وسط نظرات ام ضاري اللي كانت تتفحصها بكل مكان... عبير/ليالي.. لفت لها ليالي بتوتر,,,/ها... عبير عطتها بوكيه الورد الاحمر اللي كان بيدها.. ليالي وهي تناظره/شنو هذا؟ عبير/وصل لك قبل دقايق.. ليالي/لي انا؟؟ عبير/أي لك انتي..ولا شايفة انك ماتستاهلينه ياعروستنا الحلوة؟ ناظرته باستغراب وهي تدور بالكرت اللي فيه ويوم شالته قالت لها لها عبير وهي ماشية/تجهزي ترى ماباقي وقت كثير على الزفة,,, رفعت الكرت وتنهدت وهي تقراه... لانه كان من جاسر؟؟؟ (بنتظارك الليلة على نار ياليالي......الف مبروك لك ولي) غمضت عيونها وهي تتخيله واقف قدامها ويقول لها ها الكلام بنفسه... وش اللي بعد ها الحكي والورد ياجاسر.....وانتي وش تنتظرين بعد ياليالي....!!!! ياربي انا مو عارفة شسوي...والقلق ذابحني والخوف متملكني...ساعدني يارب وعدي ها الليلة معي على خير,,,, تهاني/وينك انتي... اصايل رفعت راسها بهدوء.. تهاني وهي تتقرب منها/قلبت المكان ادورك واخرتها انتي هنا بالحمام؟شتسوين؟ اصايل تنهدت وماتكلمت... وقفت تهاني قبالها/صاير شي مااعرفه؟ اصايل وهي تناظر بنفسها بالمرايا اللي قبالها/ام ضاري... تهاني/شفيها؟ اصايل/شفتها قبل شوي.... تهاني/أي.....وصار بينكم شي؟ اصايل/لا... تهاني/قالت لك شي؟ اصايل/لا... تهاني/وش اللي مضايقك اجل؟ اصايل بتنهيدة/مدري......حسيت بكلامها شي غريب....كانها سخرية ولاشماتة ولامدري شقولك؟ تهاني/.......... اصايل/ماكان بودي اقابلها ولااحط لساني بلسانها ابدا بس صار ووقفنا قبال بعض.... تهاني وهي تجرها من يدها/وبتقابلينها مرتين وثلاث وعشر الليلة...يعني مو معقولة تظلين حابسة نفسك هنا يااصايل؟ اصايل/طيب شوي بس لين ... تهاني وهي تجرها/لين تخلص علينا الحفلة وينتهي الجو الحلو...امشي بس امشي ولاناسية انك رايحة مع ابوك الليلة؟ ياترى وش قاعد تسوي اللحين يانايف.... تفكر فيني ولا مو على بالك؟ بترجع لي مثل ماقلت اول ماتنزل من الرياض ولابكون على حافة اشغالك ومهامك؟؟؟ اشتقت لي ولتعذيبك لي ولا انا اخر اهتماماتك؟؟؟ اه يانايف اه...اه من قلبي اللي ذابحه التفكير فيك.....ياليتك تنصفني وتكون انت بعد تفكر فيني مثل ماانا افكر فيك..... انفتح الباب ورفعت راسها تشوف اللي جاي وكانت امها ووراها منى.... ام زيد/يمه صبا...ليش قاعدة بروحك هنا تعالي قعدي معنا بدل ضيقتك؟ منى/بنتك مو من مقامها تقعد بوسطنا بعد ماصارت زوجة ولد التميمي؟صارت تشوف حالها علينا!!! ام زيد/صبا انتي متوجعة يمه...حاسة بعدك بالم؟ صبا/لايمه...انا بخير الحمد الله..... ام زيد/قومي قعدي معنا يمه...ترى قعدتك بروحك تضيق صدرك وتمرضك...قومي يمه... منى بحدة/مافتحتي الجوال لسه؟ صبا بعناد/ولاراح افتحه!!!احد له عندي شي؟ منى/أي بس زوجك يبي يكلمك؟ صبا/وانا ماابي اكلمه؟ منى/يمه فهمي بنتك...ترى ان راح مابيرجع ولاتفكر انها اذا سوت ها الحركات بيحبها وبيتعلق فيها تراه تطفشه زيادة؟ صبا/يكون احسن انا ابيه يطفش ومايرجع انتي وش مضيق خلقك؟ منى بعصبية/شوف اللي ماتستحي... ام زيد/استهدوا بالله يابنات علامكم!!! منى/ماتسمعينها شتقول؟ صبا/حياتي وبكيفي ... منى/لاماهي بكيفك...وفكري عقلي ياالمجنونة ترى الفرصة ماتجي غير مرة وحدة بس!!!! ام عادل بهمس/كله من العقربة عبيروا..لو ماجات كنا بنفر عقله عليها ؟ شمايل/شلون خالتي؟ ام عادل/يعني لو ماكانت درت بالسالفة كنا بندق على جاسر ونقوله ان اللي انت بتاخذها رايحة تقابل غيرك وويم بالمستشفيات!!!بس عمتك خربت كل شي؟ شمايل بدون نفس/ كنتي فكرتي بها الشي قبل تبدينه صرتي انتي الخسرانة قدامها ياخالتي؟ ام عادل بقهر/شتقصدين انتي الثانية بعد!!! شمايل/ولاشي..... ام عادل/اه منهم اه....شوفيهم شلون يخزوني من فوق لتحت وكاني مو عاجبتهم؟ شمايل/.............. ام عادل/حتى ها القروية ام عبدالله رازينها جنبهم وكانها فاهمة وش اللي قاعد يدور حوالينها وانا السلام ماسلموا عليّ وانا خالة العريس!!!! شمايل/هذولا مو بيت الراجحي...بروح اسلم عليهم... ام عادل/امك وينها؟ شمايل/شفتها واقفة مع ام ضاري زوجة عمي بس مدري وينها اللحين؟ ام عادل/شوفيها وقولي لها خالتي تبيك لانها معصبة واحتمال تمشي!! شمايل وهي تتمتم/مااعتقد لو كنتي بتمشين ماجيتي من الاساس!!! ام عادل/انتي وش قاعدة تقولين؟ شمايل/هذا انا بشوفها وبقول لها ياخالتي..... ضاري/اللحين انت ماتقولي ها الابتسامة ليش؟ جاسر بفرح/لاني معرس بعد ليش؟ نايف/يعني انت معرس واحنا لنا الله!!! جاسر/انا ماقلت كذا..... ضاري/احنا بعد بيجينا ها اليوم وبنصير معاريس..... نايف بهدوء وشرود/تتوقع ,,,, ضاري وهو يناظره/ليش لا.....فيك تسوي مثل خوييك ماسوى؟ نايف/أي بس جاسر ماوصل للي وصلت له معاها بعلاقتنا ياضاري؟ جاسر/اللي اعرفه ان الاصرار يجيب نتيجة....جرب ... نايف/.......... ضاري/ابوك عرف عن السالفة؟ نايف/أي قبل لااروح الرياض قلت له؟ ضاري/وماقال لك شي؟ نايف/سووها قضية مشابهة لقضية فلسطين بالطول والعرض وطلبوا مني اطلقها بس انا رفضت... جاسر/وهم رضخوا؟ نايف/مالهم شي عندي....وبالنهاية هم الخسرانين....انا المدير العام لمجموعات الشركات وعندي اكثر من توكيل من ابوي نفسه يفوضني اسوي أي شي.....وابوي مابيستغني عني بها السهولة.....يعني هو اللي بيراجع نفسه وحساباته؟ ضاري/وامك؟ نايف/مصرة اني اتزوج وباسرع وقت مدام اني مابطلق صبا؟ جاسر/لاخلاص لاتجيبون طاري الطلاق وانا الليلة عرسي!!! نور/مبسوطة؟ صبا بزعل/لا نور/ليه؟؟؟هذا انتي رديتي مكانك اللي تبينه؟ صبا بتنهيدة/غلطانة....مو هذا المكان اللي ابيه؟ نور/صبا....لاتقولين انك تبينه ومسامحته؟ صبا/يعني مو مسامحته ...بس ودي يرجع يعتذر.. نور/شيلي ها السالفة من بالك مو نايف اللي بيرجع يعتذر؟ صبا اكتفت بانها تتنهد.... نور/دق لك على الجوال من راح؟ صبا/انا قفلت الجوال من عطاني اياه علشان لااسمع صوته... نور/وماكلم على جوال زيد؟ صبا/بلى...بس انا ماكلمته ولاعطيته أي مجال يسمع صوتي..... نور/.......... صبا/وش تتوقعين يصير؟ نور/متى بيجي؟ صبا/مدري هو قال يومين ثلاثة....بس بالضبط ماادري.... نور/انتي ليش متضايقة؟ صبا بتنهيدة/طول عمري مو قاعدة معهم بوفاق وحب مثل باقي الاخوان يانور....انتي ماتشوفين كلامهم لي...كاْن نايف متصدق عليّ بها الزواج وانا رافسة النعمة برجلي!!وبالروحة وبالجية يحسسوني اني غبية ومو قادرة اتفاهم مع رجال مثله واكسبه....اه يانور اه.....ابيه يرجع بسرعة وياخذني وبتحمل اعتذاره لو طول؟ نور بجدية/ولو مااعتذر؟؟؟؟ وقف قلبها من ها الكلمة,,,,,لو مااعتذر...كيف بتمشي امورها.....بتكون طلعت من البيت على الفاضي وماجابت أي نتيجة...وكرامتها انداست بدل المرة مرتين وثلاث,,,,,, متعب/ممكن اكلمك بكلمتين قبل لاتمشي.. لف له جاسر اللي كان بيركب السيارة..... متعب/انا عارف انك تدري وش بقول لك بس انشاء الله ماعندك مانع اعيده لك مرة ثانية... جاسر/في عيوني يامتعب... متعب/........... جاسر/ليالي بعيوني....انا عارف انك جاي توصيني عليها!! متعب/يزعلك ها الشي؟ جاسر/لاابدا انا عارف قيمتها عندك وقيمتك عندها..... متعب/جاسر...تراها ملاك....وبتعرف قيمتها اذا قدرت تصونها.... جاسر حط يده على كتف متعب/ادعيلي....ادعيلي اقدر اصونها واحفظ قيمتها وقدرها..... متعب/عسى الله يوفقكم يارب..... جاسر/عقبالك ان شاءالله..... متعب/ان شاءالله....قريب,,, برى القاعة وبعد ماطلعوا كل المعازيم ومابقوا غير العيلة اللي بدوا يطلعون... كانت طالعة هي وتهاني يدورون سيارة ابوها....وهم يغنون ومبسوطين على الاخر... وكان قبال الباب واقف ينتظر يشوف لو يسمع صوتها وكاهي طلعت... من سمع صوتها وشاف طيفها تكهرب مرة وحدة ومايدري وش جاه.... صوت ضحكها العالي وداه لمكان بعيد,,,,,,واستوقفه صوت غناهم ثنتينه... تهاني/عاشت عاشت بلادي... اصايل وهي تكمل/الله معانا يحرس خطانا... تهاني انتبهت على ضاري اللي قبالهم ولكزت اصايل علشان تنتبه هي الثانية ورفعت راسها ولقته يناظرها... كملت بدون اهتمام منها لشوفته وبصوت اعلى /حرة ابية...يالسعودية... تهاني/عاشت عاشت بلادي... اصايل/لي صاحب خذني بزينه عن كل مزيون ورعبوب...روحي غدت لاامره رهينة..والقلب من نظراته يذوب.... قامت تناظره والتقوانظراتهم بها اللحظة وكملت بقوة,,, اصايل/قلبي معه ربي يعينه..عليه صابر صبر ايوب...مجبور يتحمل ضنينه ..لو هو غدى بالحب مشغوب,,,,تهاني بهمس/نروح نسلم عليه؟ اصايل بنفس الهمس/ليش لا؟ مشوا لين وصلوا عنده... وهو اللي بداهم بالحكي اصلا.. ضاري/الغطى ببلاش عندكم انتوا مدري ليش متغطين؟؟ تهاني/علشان حاطين مكياج؟ ضاري/أي صح وانتوا تمشون وترفعون فيه وماظل احد ماشافكم؟ اصايل /يعني شلون تبينا نطيح وتكسر؟ ضاري/ان شاءالله... اصايل/الحكي ضايع معك... ضاري/خير,, اصايل/اقول ضاري امك وخواتك راحوا مع السايق انت ليش واقف هني؟؟ ناظرها وسكت وحس انه مرتبك بس شاف ابتسامتها من ورى غطاها الشفاف قال لها/وانتي وش يخصك بالله!!!بكيفي اوقف بالمكان اللي يعجبني وانتظر اللي ابيه انتي مالك شغل؟ اصايل/ادري مالي شغل بس قلت يمكن تبي اشوف لك وحدة معينة اذا طلعت ولالسه؟ ضاري/لاشكرا فيني اصرف اموري بنفسي.. اصايل/اممممم...طيب انت منو تنتظر؟ ضاري/ياشين اللقافة...موتي بنارك مو قايل لك؟ اصايل/وليش اموت عاد!!!!ادري انك تنتظر دانة؟التقوا ها المرة نظراتهم وكانت نظرتها هي الثابتة والقوية ونظرته المرتبكة والمكسورة... اصايل/هاذي مو سيارة ابوي ياتهاني؟ تهاني وهي تناظرهم/أي... اصايل/معناته حبيبتي اشوفك على خير.... تهاني/ها المرة مو زعلانة لاني عارفة ان لقانا قريب وقريب بعد.... اصايل/الله يسمع منك......يالله باي... ركبت سيارة ابوها وظلت تناظره من النافذة كان واقف مكانه ماتحرك من بعد ماطرت له دانة...وهذا اللي كانت تبيه انه يظل ساكت وتكون الكلمة الاخيرة لها هي وبس!!! في بيت جاسر وليالي.... ام جاسر/مبروك يمه... جاسر/الله يبارك فيك يمه.. ام جاسر/مبروك يا...ليالي... ليالي بهدوء/شكرا.... ام جاسر/انتبه على نفسك.... ام احمد/انتبه على ليالي ياجاسر تراها امانة عندك اللحين؟ جاسر/بعيوني... ام احمد/يالله اذا ماتبون شي احنا بنمشي... كان السكون ماليهم وتمنت ليالي تقول لا بس ماطلعت معها وابتسمت ام احمد لهم وطلعوا هي وام جاسر... ظلت واقفة مكانها مثل الغريبة...اصايل رجعت مع ابوها ومتعب راح الليلة يبات في الفندق رغم انها ترجته يظل جنبها بس مارضى.. وكاهم عمتها وام جاسر طلعوا وظلت معه بروحهم في ها البيت,,, انتبهت على صوته يكلمها ويوم رفعت راسها لقته شايل وردة حمرة بيده ومادها لها.... رفعت راسها تناظره بخوف وترقب وتقرب منها وباس جبينها وهمس لها/مبروك.... ليالي/الله يبارك لك... عطاها الوردة وشالتها منه ويوم تقرب منها بيمسك يدها ابتعدت عنه وقالت له/بروح ابدل ثيابي.... جاسر/تبين اساعدك؟ ليالي/لاشكرا... جاسر/بنتظرك هنا....لو ماعندك مانع الا اذا تبين اقعد بالصالة؟ في سيارة نايف على الكورنيش... كان صوت المسجل يلعلع بقوة على اغنية نبيل شعيل... ياقلبي وش فيك متغير على فلانة... قوم حبها واعتذر منها ودلعها,,, مجنون تضحك واحلى بنت زعلانة,, واللي معاه مثل هاذي مايزعلها,,, لف نايف لضاري بسرعة/اروح لها؟ ضاري بشرود/منهي؟ نايف/يعني منهي صبا؟ ضاري/اللحين؟مو بصاحي انت!!البنت في بيت اهلها والساعة ثلاث الفجر؟ نايف/أي بس هي زوجتي؟ ضاري/أي بس مامعهم خبر انك جاي والناس يمكن تكون نايمة؟ نايف بقهر/طيب شسوي.... ضاري/انتظر يطلع الصباح وروح لها؟ نايف/والله مافيني صبر.... ضاري بتنهيدة/انا بعد مافيني صبر عنها وكاهي راحت بعيد عني.... نايف/ليش تركتها تروح؟ ضاري/مدري.....تصدق تحسفت اللحين اني ماكلمت عمي...يمكن كانت معي اللحين لو كلمته اعرفه بيعطيني اياه بنفس الوقت؟ نايف/غلطان والله....ضيعت على نفسك فرصة العمر شوف اللحين بتنتظر اربعة خمسة ايام لين ترجع من دبي؟ ضاري/................. نايف/انت تحوس بالاشرطة شتبي؟ ضاري/ماعندك شريط رعبوب حق راشد الماجد؟ نايف/لا... ضاري /اوووف...المشكلة المحلات مسكرة اللحين... نايف/وش تبي فيها عاد الاغنية قديمة..... ظل ضاري يغير بالمحطات يمكن تطلع وخاب امله لانها ماطلعت بس اثارت انتباهه اغنية ثانية تركها وشرد لبعيد.... لعبها صح وخلاني... هويته وصار يهواني,,, تجننت بغرامه بجد,, ولافكرت في ثاني,,, كانت قاعدة بغرفتها وتتذكر احداث الليلة...رغبتين بداخلها تحاربوا وحدة تاْييد روحتها عرس جاسر بقوة والثانية ترفض ها الشي... بس اللي صار ان الرغبة الاولى طغت على الثانية..... وكان لازم تروح وتشوف ها الليالي اللي ماخذة كل شي شلون بتصير... فعلا ليالي ابهرت الكل....بس مع ذلك ماابهرتها هي اللي للحين مو قادرة تحبها وتتقبلها... حتى امها حستها معجبة فيها.....لاوالقهر انها راحت معهم تزفهم لبيتهم ويوم سالتها ليش تنزلتي لها قالت لها كلام غريب... شقالت لي امي يوم اسالها ياربي.....اي قالت لي...جاسر قال لها كلمتين قبل امس وظلت تفكر فيهم...قال لها اذا هي خسرته ماراح تلاقي بدالها ولد لو شيصير...لان الولد مايتعوض..بس هو لوخسرها بتكون ليالي هي البديلة لها بحياته....تقول فكرت زين بكلامه ولقته على حق اذا هي خسرته مابيعوضها أي شي وفرحته هي فرحتها اللي تنتظرها من زمان..... معقولة ياربي...امي صار تفكيرها كذا وماقدرنا نبدلها الليلة لااحنا ولاخالتي!!!! وش عندك بعد ياليالي....منو بعد ينتظر بالدور تسحرينه وتغيرين رايه فيك؟ دوري ها العالم كله بس لاتنتظريني!!!لانك سرقتي مني اجمل فرحة...انتي سرقتي متعب وحبه وكنتي الفاصل بينا ولاتنكرين ها الشي لاني مابسامحك عليه طول عمري!!! كانت متسندة على باب غرفة التبديل ومغمضة عيونها.... ودها ان الوقت يتحرك بسرعة وهي حاسته بطيء... سالفة الورد معك ياجاسر مدري وش نهايتها؟؟ ناظرت بالوردة اللي بيدها وشمتها وحطتها جنبها.... ناظرت بثياب النوم اللي اخذتهم مع عبير وهي محتارة وش تلبس,,,, تنهدت بقوة وهي تترحم لاامها بذاك الوقت وتتمناها تكون معها الليلة وجنبها ..... شالت لها ثوب سكري ناعم طويل و بخيوط ضعيفة وهي تتمنى انها تطلع وتلاقيه نام...ظلت واقفة تمسح بمكياجها وكل فكرها شارد لبعيد,, اخذت لها حمام سريع وطلعت لغرفة النوم وكل تفكيرها قدامها بس وماتبي تلتفت يمين ولايسار... قعدت قبال المرايا ومسكت الفرشاة تمشط شعرها... وتنهدت بقوة يوم مسكت يده الفرشاة وقام يمشط هو لها شعرها... جاسر بهمس/تاْخرتي فكرتك نمتي داخل؟ ليالي/............... جاسر/تصدقين تغيرتي عليّ بالماكياج اللي كنتي حاطته حتى قلبي دق وقلتي شكلهم بدلوني.. بس اللحين تطمنت انك معي!!! ليالي بنفاذ صبر/ليش مانمت؟ جاسر /لاني انتظرك؟ التقت نظراتهم بالمرايا وقالت له بهمس بعد مانزلت عيونها/أي بس انا ماابي انام!! جاسر وهو يحط الفرشاة على جنب/ولاانا بعد!!نسهر وش ورانا؟ ليالي بسرعة/خلاص اجل انا نعسانة وتعبانة وبروح انام؟ جاسر وهو يبتسم/تصدقين حتى انا احس اني متكسر وتعبان من كثر الوقفة؟ ليالي تنهدت وقالت بياْس/ارسي لك على بر؟ جاسر تقرب منها وهمس لها باذنها/وش مابتختارين بكون معك فيه؟ ليالي باعتراض/لا... جاسر/ليه.... ليالي/ماهو عدل؟ جاسر/ليه متى عاد؟ترى صبري بداء ينفذ معك ياليالي.... قامت بعصبية من مكانها وطفت الانوار اللي صادفتها قبالها ودخلت فراشها,,, فتحت عيونها يوم ثاني الصبح وهي حاسة بشي جنبها ... تلفتت يمين وشمال ولقت سلة ورد حمرة جنبها.... انسدحت على بطنها وهي تقلبها بيدينهاوشالت الكرت اللي فيها.... فقدتك يااعز الناس...حس بقيمتك قلبي... عرفت اني انا بلاياك...اضيع وينتهي دربي... انا وش لي بكل الناس ..مدام اني فاقد روحي... انا روحي معك انت..ولو جات منك جروحي... احبك يامعذبني...يحبك قلبي وعيوني... ومايغنوني عنك الناس...ولو كلهم يحبوني,,!! شالت الكرت بيدها واعتدلت بجلستها...ظلت تقراه وتقراه وتقراه ورفعت راسها تبي تفهم كيف وصلت السلة بكبرها هنا وتفاجاءت ان نايف اصلا كان قاعد قبالها على الفراش وهي ماانتبهت له,,,, صبا بذهول/نايف!!!! يتبــــــــــــــــــــــ ـع

[taman]

	البارت الخمسين,,,, صبا بذهول/نايف؟؟؟؟ نايف تقرب منها ولامست يده خدها وهمس لها/تفاجئتي من وجودي؟ صبا بارتباك/يمكن ماتوقعت اني اصحى من النوم والاقيك قبالي!! نايف وهو يتقرب منها اكثر/طيب هذا انتي لاقيتيني قبالك مافي حمد الله على السلامة,,, ماردت عليه بس ظلت تناظره وذاكرتها تسترجع كلامها اللي بالكرت مكتوب.. نايف تنهد وتقرب منها يضمها....بس مالقى منها أي شي...كانت كتلة جمود بتجاوبها معاه... بس من داخلها كانت تحترق...واخيرا رجعت يانايف ...الحمد الله...هذا انت جايني ومبين انك تغيرت....ياربي لاتخذلني معه ولاتغيره عن ها الحال... نايف بعد عنها /اشتقت لك؟ صبا بدون تصديق وهي تعاند نفسها/ماصارت ذي يومين اللي مااهنتي وضربتني فيهم؟؟؟لحقت تشتاق لتعذيبك؟ نكس راسه للارض وتنهد بصوت عالي.. نايف بدفاع/صبا... صبا/ماله داعي تقول أي شي...اهم شي انك فكرت زين بموضوعنا... نايف/انا مفكر من قبل لااروح وخالص....بس ماصار وقت اقولك عن اللي بخاطري والظروف كانت ضدنا... صبا وهي حابسة نفسها/أي..وشنو قررت؟ نايف/قررت؟ليه انتي وش تقصدين؟ صبا/انت وش عنه تتكلم؟ نايف/عن مشاعري نا.....انتي وش تقصدين؟ صبا بتنهيدة/اقصد موضوع الطلاق ليش في غيره؟ نايف/صبا...خلينا نتفاهم بمكان ثاني غير هني؟ صبا/لا... نايف/الله يخليك.....هنا مابنعرف نتفاهم..عطيني ها الفرصة الاخيرة بس نتكلم فيها برى بيتكم ,,,,,, كانت قاعدة بالصالة بروحها وكل فكرها شارد لبعيد.... انتفض جسمها فجاْة يوم حضنها جاسر من وراها وهمس لها/صحيتي بدري!! ليالي بخجل/قصدك مانمت!! جاسر وهو يقعد قبالها/اوووف ليه عاد!!! ليالي وهي تهز كتوفها/مدري.... جاسر وهو يرفع يدينها بين يدينه ويبوسهم/وش اللي مصحيك؟ ليالي/الوضع غريب شوي وماعرفت انام!! جاسر/قصدك اني معك بروحنا بالبيت؟ ليالي/أي... جاسر/طيب بنظل بروحنا علطول...يعني ماراح تنامين علطول؟ ليالي/يبيلي وقت اتعود؟ جاسر/خايفة اقوم اذبحك وانتي نايمة يعني؟ ليالي بخجل/لامو هذا قصدي....بس بالامس كنتي مع متعب ومع عماتي وبنات عمتي واختي واليوم انا بروحي معك..... جاسر/قول دوم ان شاءالله.... ليالي بتنهيدة/جاسر... جاسربرقة/عيوني.. ليالي/بتتركني .. جاسر وهو يهمس لها/كل بنت يوم صباحيتها تسال ها السؤال ولاانتي بس!!! ليالي بخوف/انا خايفة من اللي جاي؟ جاسر/حتى وانا جنبك؟ ليالي/مو اذا وعدتني انك ماراح تتركني... جاسر وهو يشد على يدها بقوة/بذمتك انا اقوى افرط فيك اللحين؟ //////////////////////////////////////////////////////////// ام ضاري/ها يمه وصلت بالسلامة؟ ضاري/أي يمه وصلت.. ام ضاري/الحمد الله...وشلون رحلتك عسى ماتعبت؟ ضاري/يمه وين رايح انا لندن؟؟؟كلها بكلها دبي؟ ام ضاري/دبي عاد ولاغيرها اهم شي انك ماتعبت ورحلتك كانت كويسة.. ضاري/ماشي الحال.. ام ضاري/اقول يمه...تراها البارحة كانت مولعة بالقاعة؟ دق قلب ضاري بقوة/من تقصدين؟ ام ضاري/اقصد بنت العم ليش في غيرها انت قايل تبيها؟ ضاري مسوي انه مو مهتم/تولع بروحها وانا مالي!! ام ضاري/على امك ها الكلام؟؟؟ليش كنت واقف البارح من تنتظر غيرها حضرة جنابها؟ ضاري تنهد وسكت.... ام ضاري/انا العرس اللي بسويه لك مايجي نص عرس جاسر البارح....ابي كل الشرقية يحكون فيه.... ضاري/................ ام ضاري/يكفي ان العروس بتسكت عيون كل المعازيم... ضاري/أي بس انا ماابيها تنزف وتتجلس مع الحريم اخاف عليها من عيونهم يمه؟ ام ضاري/شلون يعني....لاعيوني لازم الكل يشوف ضاري وش اختارويشوفون انها زينة البنات... ضاري/طيب وغيره... ام ضاري/لارجعت بنتناقش بباقي التفاصيل.... ضاري/يمه انا برد وبروح اخطبها مباشرة حطي في بالك ها الشي.... ////////////////////////////////////////////////////////// ام احمد/الحمد الله ان البارحة عدت على خير عبير/انا كنت حاطة يدي على قلبي.... ابو عبدالرحمان/ليش عاد؟ عبير/خفت لايصير شي خبرك هم مايبونها.. ابو عبدالرحمان/بس مدامه هو يبيها ماراح يسمع كلامهم.... ام احمد/صح كلامك يبى بس هاذي ام عادل ينخاف منها؟ عبير/يعني ناس بها الشكل وبها العقل انا مالقيت...يااخي مايبي بنتك خلاص انسحبي من حياتي وخلي الوضع طبيعي انتي مهما كان خالته ليش تبين تهدمين سعادته اللي اختارها...ماتخافين لو اخذ بنتك علشانك انه مايسعده وماترتاح معه؟ ابو عبدالرحمان/وهي تبيه لشنو بالله...علشان فلوسه بس لاتروح عليها.... عبير/أي والله وانت الصادق....ام احمد انتي لمنو تدقين صار لك ساعة؟ ام احمد/ادق لمتعب بشوف شلونه...البارحة طلع ينام بالفندق علشان يتركهم براحتهم... ابو عبدالرحمان/والله ها المتعب يسوى اخوانكم وعيالهم...رجال نشمي واصيل... ابو عبدالرحمان/ان شاءالله نبشرك عنه يبى قريب قول امين... ابو عبدالرحمان/امين.... عبير/تصدق يبى...متعب كان يبي هتون؟ ابو عبدالرحمان/هتون بنت اخوك؟؟؟لاوالله ماتستاهله ها الشينة؟ عبير/ليالي قالت لي انه كان يبيها وكانت تبيه وفجاءة غيرت رايها عنه ويوم التقوا من جديد حطت السالفة براس ليالي اللي ماتدري عن الموضوع شي.... ابو عبدالرحمان/هاذي حالها حال اهل امها يوم لقت الولد ماوراه احد وعنده خير وكل يوم الله يزيده قالت تبيه... عبير/ماهم نصيب بعض.. ام احمد/الله يوفقه ان شاءالله احنا عارضين عليه كم بنت وهو قال بيشوف الانسب وبيتوكل على الله..... ابو عبدالرحمان/وذيك..... عبير/تقصد اصايل يبى..... ابو عبدالرحمان/أي وش سالفتها بعد.... /////////////////////////////////////////////////////////////////// في شقة نايف... دخلت معه الشقة ولااول مرة كاْنها اميرة مو جارية... كل خطوة تخطيها ينحسب لها الف حساب.... نايف بهمس/نورتي المكان يانوره.. صبا/....... مشت عنه ودخلت داخل وقعدت بالصالة بدون ماتشيل عبايتها... جاها وقعد قبالها على الارض... نايف/اشيل عبايتك؟ صبا بحدة/نايف انت قلت بنتكلم؟ نايف/وليه نتكلم كذا وانتي مستعجلة؟ولاناسية ان البيت هذا بيتك؟ صبا/ماهو بيتي وماابيه؟ تنهد بقوة ومسك يدها بين يدينه وصدت بنظرتها عنه..كانت عارفة انها تكابر كبرياء ناجم عن جرحها بس رجوعه واعتذاره بحد ذاته هم اللي عطوها الثقة انها تتغلى بها الطريقة,,,, صبا/هذا احنا ردينا خلنا نتفاهم.... نايف/.................. صبا/يالله قول اللي عندك الوقت يمشي بسرعة بدون مانحس له؟ نايف/خليه يمشي....وش ورانا؟ صبا بتنهيدة/نايف.... نايف/امريني.... صبا/وش قررت... نايف/لا... صبا بفرح داخلي كبتته/شنو يعني لا... نايف بتنهيدة/انتي تطلبين المستحيل ياصبا... صبا/ليه؟حريتي صارت شي مستحيل؟ نايف/لاني مقدر اتخلى عنك مهما صار؟ صبا/أي بس انا بعد مقدر اعيش معك اكثر من كذا... نايف/انا عارف ومقدر ها الشي ولعلمك من ها اللحظة كل شي بيتغير ياصبا.....بس شيلي فكرة انفصالنا عن بعض من بالك انا لااقدر اعيش بدونك ولاظني انك تقدرين... صبا بكبرياء زايف/اقدر....اصلا انا مقدر اعيش معك؟ نايف وهو يناظر بعيونها مباشرة/والحب اللي قلتيلي عنه وين راح؟ صبا/الحب.....هذا اللي بغى يموتني؟ياليتني ماقلت لك عنه؟ نايف بتنهيدة/بس انا ودي اسمعه واقولك عن اللي بقلبي..... ////////////////////////////////////////////////////////////////// بعد يومين .... وتحديدا بدبي,,,, دق جواله وكان بعيد عنه واستثقل يجي يرد عليه بس بلحظة قام مرة وحدة ويوم شاف اسم المتصل دق قلبه... معقولة...تكون اصايل بنفسها داقة عليه!!!طيب ليه!!وش تبي!! رد بلهفة ماقدر يخفيها.../هلا.. اصايل/هلا.. ضاري/في شي... قالها وتندم لانها قلبت الموجة بسرعة.. اصايل/لاتخاف ماهو شي ضروري بس كان عندي شي وبشاورك فيه؟ ضاري/ليش ان شاءالله شايفتني الاخصائي الاجتماعي لك؟ اصايل/لا بس ولد عمي وبحسبة اخوي!!! ليه تقولين ها الكلمة يااصايل ليه!!!انا حسبة اخوك ماابي اكون اخوك ابي اكون حبيبك وبس,,,كان يردد ها الكلام بداخله وهو معصب... ضاري/طيب وش عندك... اصايل/شكلك مشغول... ضاري/ليه على بالك مثلك فاضية طول الوقت ومايشغلني شي؟ اصايل/أي بس انت اجازة وبدبي على مااعتقد؟ ضاري/تهاني ماتقصر كل شي تقوله؟ اصايل/مو موضوعنا دبي ولاغيره...... ضاري/وشنو موضوعنا بالله!!! اصايل/ولاشي بس كنت بقولك ان في عريس جاي لي وحبيت انك تدري فيه!!!! //////////////////////////////////////////////////////////////////// جاسر/اقول ليالي... لفت له وهي قبال المرايا/هلا.. جاسر تقرب منها/وين ثوبك الحمر؟ ليالي/أي ثوب؟ جاسر/ذاك اللي كنتي لابسته اول مرة بالبيت هناك؟ ليالي/انا كنت لابسة ثوب حمر؟ جاسر/أي...اول مرة شفتك فيها كنتي لابسته....مدري وش كان في مناسبة بالبيت وكنتي لابسته يوم اشوفك بالحديقة؟ ليالي بعد صمت/أي...صح....ليه تسال عنه؟ جاسر حوط خصرها بيدينه/ودي اشوفك عليك من جديد... ليالي/أي بس مااحتفظت فيه... جاسر بخيبة/ياحرام ليه عاد!!! ليالي/كان عندي فيه ذكرى سيئة جدا وماحبيته؟ جاسر/ليه...انتي مو كنتي قاعدة معهم مدري.. ليالي/لاوانت الصادق كانوا منحشيني من البيت وعمي طلعني للمجمع ونساني هناك لااخر الليل؟؟؟ رانت فترة صمت بينهم.. ليالي هزت كتوفها/عموما الموضوع انسى من زمان ليه فتحته من جديد؟ جاسر بجدية/ليال... ناظرت بعيونه مباشرة...هاذي اول مرة يقول لها ليال فيها.. ليالي/ليال....اول مرة اسمعك تناديني فيها؟ جاسر وهو يهمس باذنها/وبظل اناديك فيها علطول...مرتي وبكيفي اناديها بللي ابيه صح ولاانا غلطان؟ ليالي/صح..... جاسر/انا جنبك ياعمري...وبنسيك كل اللي جاك من ورى ارتباطنا بالبداية... كل شي جرحك واهانك بينتسى صدقيني.... ليالي وهي تمسك يده/جاسر انا ماالومك ولااحاسبك على أي شي صدقني....عارفة انك كنت مجبور على ها العرس مثلي ومن حقك تعترض على وحدة بحياتك ماتدري عنها أي شي..... جاسر/خلينا نسكر ها السيرة ونكمل شهر عسلنا ولا..... ليالي/طيب والموضوع اللي كلمتك فيه؟ جاسر/بعد شهر العسل بنتكلم فيه؟ ليالي وهي تضحك/أي بس شكلك مطول مع شهر ها العسل وماهو منتهي الا اذا انتهت حياتي!!! /////////////////////////////////////////////////////////////// اليوم اللي بعده... في بيت الرميحي.... رانيا/اوه ه ضاري هنا حمد الله على السلامة؟ ضاري/صباح الخير انا من زمان واصل موتوني؟ رانيا/وانا محد قال لي...المهم وش جبت لي معك من دبي... ضاري/جبت لك سلامتي.. رانيا بهمس/وانا شسوي فيها؟ ضاري/نعم... رانيا/اقول يازين ماجبت والله.....تنتظر احد.. ضاري بضيق/انتظر ابوك طبعا؟ رانيا/ليه؟ ضاري/لانه طالع وناسي موبايله هنا...بذمتك احد يطلع بدون تلفونه؟ رانيا/ابوي.... ضاري/......... رانيا/وش تبي فيه؟ ضاري/لاتكثرين اسئلة واللي يعافيك.... ام ضاري/ها ماوصل للحين؟ ضاري بضيق/لا... ام ضاري/وين راح هذا بعد...ماله عوايد يتاْخر ها الكثر... رانيا/اووف حتى انتي تنتظرين ابوي؟ليه وش صاير؟ ام ضاري/ماصاير شي... ابو ضاري/السلام عليكم... وعليكم السلام.. ام ضاري/وينك انت؟وليه ناسي تلفونك ماشلته معك؟ ابو ضاري/والله نسيته...حمد الله على سلامتك يبى... ضاري/الله يسلمك...يالله مشينا؟ ابو ضاري وهو يناظره/مشينا وين؟وين بنروح؟ ضاري بعجلة/بنروح عند عمي؟ ابو ضاري/أي عم؟وليه؟وش صاير؟ ام ضاري/ماصاير الا الخير وانت دايم كذا قالب .... ضاري/بروح اخطب اصايل.... ابو ضاري بتردد/أي بس... ام ضاري/بس شنو...لاتدق على اخوك تعرفه بخيل ومايبي يضيف احد بيقولك انا بجيك وانا وانا واحنا بنخلص من ها السالفة,,,,, ابو ضاري/مو كذا السالفة...بس اصايل انخطبت....ملكتها كانت قبل يومين؟ ضاري بذهول/شنو؟ ام ضاري بعصبية/وانت ليش ماقلت لنا؟ ابو ضاري بتردد/انتوا ماتحبون بيت اخوي ولاسيرتهم قلت مابغثكم بها السالفة؟ ضاري بعصبية/شنو يعني انخطبت؟؟؟وانا!! ابو ضاري بخوف/انت مو قلت ماابيها ياضاري... ///////////////////////////////////////////////////////////////////// نايف بهمس/تعبانة؟ صبا وهي مغمضة عيونها/لا نايف/نعسانة.. صبا/شوي.... نايف/اقول صبا....متى بتروحين تشوفين الفيلا.. صبا بدون نفس/أي فيلا... نايف/فلتنا اللي بنسكن فيها؟ صبا/انا مالي شغل فيك؟ نايف بتنهيدة/صبا...لمتى بترضين عني!!! صبا/.................. نايف/عارف اني تعبتك معي كثير بس والله صدك عني اكبر تعب جاني بحياتي وقاعد اقاسيه؟ صبا بنفسها احسن ذوق شوي من اللي ذقته منك؟ نايف/صبا...انا قلت لااهلي عن زواجنا.... ناظرته والصدمة باينة عليها بس ماتكلمت بشي..... نايف وهو يبوس يدينها/صبا صدقيني بنفتح صفحة جديدة انا وانتي.... صبا/وماقالوا لك اهلك اني ماانفع لك ولاني من مقامك؟ نايف/انتي تعرفين ان العالم كله مايهمني بللي يقوله...انا احبك وقلت لك اني حبيتك من اول ماشفتك ببيتكم ذاك اليوم..انتي وبراءتك وعنادك وعصبيتك تركتيني فيني شي مو طبيعي...اصراري عليك كان له دافع كبير....لاتفكيرين اني تزوجتك علشان اذل اخوك ولاادفعه الثمن...صبا انا كنت ابيك وابيك تكونين لي ولوحدي...حرمتك من كل العالم وعيشتك هنا بروحك بعيدا عن كل شي علشان تظلين لي لوحدي....صدقيني بكل مرة اغلط عليك فيها ولااقسى كانت في مشاعر بغيضة تجتاحني ويظل ضميري علطول ماْنبني...احبك ياصبا صدقيني احبك... ماردت عليه بس لفت وجهها للجهة الثانية علشان تداري دموعها لايفضحونها قدامه....كانت حاسة بها الشي وكاهو قاعد يعترف فيه بين كل لحظة والثانية....خلاص ياصبا ولابعد...صار له يومين يترجى ويطلب السماح....لمتى ؟؟؟ ///////////////////////////////////////////////////////////////////////// كان بقمة انفعالاته وعصبيته وهو يسوق رايح للديرة اللي فيها عمه.... معقول تكون متقصدة ها الحركة؟هي مادقت له وقالت له الا وهي انخطبت؟ابوه يقول انها ملكت من يومين يعني بنفس اليوم اللي كلمته فيه؟ رفع جواله ودق على رقمها بعصبية مرة ومرتين وثلاث بدون مايرد عليه احد وعصبيته تزداد لحظة فوق الثانية وبالمرة الرابعة شالته... اصايل براوق/خير ان شاءالله؟ ضاري بعصبية/ليش رديتي ؟كان تركتيه يدق براحته مو مافي ناس تنتظر ؟ اصايل/بشويش ها...ترى مالي خلق عصبية وانا توني صاحية من النوم؟ ضاري/لاوالله وصرتي تسهرين بعد!!! اصايل بتريقة/شتبي بعد!!هذا الناس الفاضية وش عندها غير السهر والنوم؟خلصني شبغيت؟ ضاري وهو كاتم انفعالاته/ليش ماقلتيلي!! اصايل/عن شنو بالضبط؟ ضاري/عن ملكتك؟ اصايل /ماقلت لك؟؟؟معقول....يعني قلت لك عن العريس ونسيت اقولك اني بملك الليل؟يمكن نسيت تصدق!!!عموما هذا انت دريت وين المبروك؟ ضاري/مبروك الطل بعينك.....لاتخافين انا جاي بالطريق يعني فرحتك ماراح تدوم يابنت القرى؟ اصايل بعصبية/لاتغلط عليّ!! لو سمحت؟وبعدين مدام اني بنت القرى ومتخلفة بنظرك علامك شاغل بالك فيني؟ تندم انه قال ها الكلمة وبها الوقت بالذات بس شيسوي ماقدر يمسك لسانه... اكتفى انه يتنهد... اصايل/شبتسوي يعني...بتطلقني منه غصب؟؟؟؟حريمتك؟ماي البحر اقرب لك مني روح شربه ياولد الهم؟ ضاري/انا ولد الهم يااصيل؟زين بنشوف؟ اصايل بنرفزة/بللي مايحفظك انت وتهديداتك ان شاءالله على بالك خوفتني مالت عليك وعلى اللي يعطيك مجال تتكلم ويسمعك؟ سكرت السماعة بوجهه وزادت عصبيته...كان عارف انه هو السبب بالمشادة اللي صارت وانه هو اللي غلط عليها..بس هي اللي جرته لها الشي واللحين ماعنده الا انه يوصل بيتها باي طريقة ويحاكي عمه؟ /////////////////////////////////////////////////////////////////////////// على كورنيش الخبر... جاسر/علامك انتي والبطة سوى تمشون؟ ليالي/ان شاءالله تبيني اراكض قدام الرجاجيل؟شقالوا لك مااستحي؟ جاسر/ماقلنا راكضي بس حركي شوي انا وين وانتي وين كل واحد بجهة؟ ليالي/والله هاذي طاقتي وماعندي غيرها؟ جاسر/كم عمرك؟ ليالي/اربعين؟ جاسر/وطبعا غشوني فيك ماعليك ضمان؟ ليالي/ههه اقول عدل لسانك وحكيك معي لابيجيك شي ماتتوقعه؟ جاسر/ههههه بطة يعني وش بتسوين؟ ليالي/يضع سره في اضعف خلقه؟ جاسر/مشاءالله....اقول ماغيرتي رايك وبتخلينا نسافر لنا يومين.. ليالي/لا...لاحقين على السفر...الواحد اذا كان بيكون سعيد ومبسوط وين ماراح بتظل سعادته معه مايفرق المكان........ جاسر/لاتقولين بعدين ماوديتك شهر عسل ؟ ليالي/يكفيني تكون قربي هذا العسل اللي انا ابيه؟ جاسر/كذا بترجعينا البيت؟ ليالي/لاخلاص انسحبت؟ جاسر/أي خليك عاقلة؟ ليالي/جاسر...شوف ها للي ماتستحي على وجهها كيف تخز فيك بدون حيا ولامستحى؟ جاسر/وينها؟أي هاذي اللي قبالنا... ليالي/هاذي اللي قبالنا؟؟؟علامك فرحان كذا ماصدقت على الله... جاسر بخبث/وش رايك ارقمها؟ ليالي/كملت؟ جاسر/على الاقل قاعدة تمشي بسرعة ماهي بطة مثل اللي جنبي!! ليالي/زين لكن انا بطة؟..رفعت صوتها وهي تكلم البنت اللي تناظر بجاسر/.اقول يابنت الناس مضيعة لك شي بوجه زوجي وتدورينه؟ مشت البنت بعد ماسمعت كلام ليالي وجاسر مات ضحك جاسر/ههههه والله....وبعد وش عندك؟ ليالي/اقول ترى مالك الا البطة واعقل لاتقلب عليك هي بعد؟ ابو عبدالله/خير ان شاءالله؟ ضاري/الخير بوجهك ياعمي....بس مافيها تفضل؟ ابو عبدالله/انت قول اللي عندك خلصني وبعدين يصير خير؟ ضاري /انا جاي اخطب اصايل؟ ابو عبدالله/خير.... ضاري/اللي سمعته... ابو عبدالله/وقبل لاتاخذ ها المشوار وتجي ابوك ماقال لك انها انخطبت؟ ضاري/بلى.... ابو عبدالله/وبعدين... ضاري/يعني انا قلت ولد عمه اولى من الغريب... ابو عبدالله/أي بس هي ملكت خلاص وتيسرت... ضاري/بس ياعمي...انت كنت تبيها لي.. ابو عبدالله/وانت رفضتها؟ ضاري /ماكنت بعقلي يوم رفضت ياعمي وهذا انا جاي اصلح الامور واخذها؟ ابو عبدالله/على بالك الدنيا سايبة ياولد الحلال؟قلنا لك خذ البنت وانت قلت ماابيها خلاص بنتي ماهي متوقفة عندك جاها نصيبها وتيسرت؟ ضاري/بس ياعمي انا ول عمها؟ ابو عبدالله/ان شاءالله جدها..انا ماادوش حالي لامعك ولامع غيرك قلت لك خذها وقلت لي لا جاها نصيبها اللحين واخذته وراحت انشاءالله تبيني اطلع بين العرب ماني برجال واطلقها من زوجها واعطيك اياها؟؟؟اقول تيسر بس نسبكم مانبيه!! اصايل من ورى الباب/كفو والله يابو اصايل هاالشي الوحيد اللي سويته بالدنيا عجبني!! ام عبدالله/هذا تخبل يقول عطوني اياها بعد ماانخطبت؟ اصايل/وانتي بتشرهين على مجانين؟ ام عبدالله/لو يخيرك ابوك تختارين سليمان لو ضاري يااصايل؟ اصايل بثقة/سليمان طبعا؟؟؟واللي ردني مرة بحياته انا ماابيه ولايلزمني... ام عبدالله/اكيد بتختارين سليمان فقير مسكين مايرد كلمة تقولينها؟ اصايل ابتسمت/لاتغرك المظاهر ياام عبدالله.. ام عبدالله/لاوالله باين عليه وش ماقال له ابوك قال حاضر ومن دخلتي له انتي بعد قام يتراجف؟ اصايل/هههههههههه /////////////////////////////////////////////////////////// في المستشفى... كانت العيلة متجمعة تقريبا لمرض الجد وحتى عياله جوو هم وعيالهم من باب المجاملة .... هتون/انا طالعة برى الغرفة تخنق؟ ناظرتها ليالي بدون ماتقول شي؟ ام ضاري/وين عبير؟ ام احمد/جاية بالطريق؟ برى الغرفة... تسندت على الجدار بملل وانتبهت على الشخص اللي جاي ومعاه بنت تمشي جنبه ودق قلبها بقوة.... شيعته بعيونها لين دخل غرفة جدها .... عبير من وراها/شوي شوي لاتكسرين رقبتك؟ لفت لها هتون بسرعة وارتباك... عبير بحدة/هاذي روان خطيبته...خوش بنت صراحة ماعليها كلام عسى ربي يوفقهم.....عرسه بيكون مع اصايل الشهر الجاي بتكونين من اول الحضور طبعا؟؟ قالتها ودخلت عنها الغرفة... يعني صدق ارتبط بغيرها؟؟؟يعني الخيط الضعيف اللي بقى لها انقطع ومافي غيره؟؟؟؟غمضت عيونها بقوة ولااول مرة سمحت لدموعها تنزل لانها فقدته وللابد؟؟ ////////////////////////////////////////////////////////////////////////// اصايل/والله وصايرة ذويقة تهاني هانم وجايبة لي ورد بس اراهنك انه مو منك من سليمان؟ تهاني/افا..وش شايفتني بخيلة ان شاءالله؟ اصايل/صحيح شخبار جدي؟صار بخير؟ تهاني/أي الحمد الله رخصوه وكاهو معنا بالبيت... اصايل/ادري...قالت لي ليالي.. تهاني/وليه تسالين اجل؟ اصايل وهي تضحك/بس لعانة.... تهاني/المهم امسكي وردك خلصيني ... شالت اصايل الورد من تهاني وحطته فوق الطاولة اللي جنب فراشها ورفعت الورقة اللي بداخله.... مبروك في يوم الفرح من قلبي بفرحلك كثير,, يمكن ابي تبقى معي لكن انا مالي اختيار,, اليوم فرحة خاطرك لازم انا جنبك اصير,, ودي اشوفك مهتني لو احترق بالفين نار,, يكفي انا احبك وانا افرق عن العالم وغير,, مقدر في يوم اعذبك واقول ذا رد اعتبار,, ارحل مع غيري وروح قدرك مثل ماهو كبير,, ودي اللبسك الفرح ثوب من خيوط النهار,, انسى السنين ومامضى سافر مع احلامك وطير,, واترك لعيني مدمعك ليل وعذاب وانتظار,,, باضحك في ظهرك او معك وابدل اشواكك حرير,,, صدقني من قلبي انا راضي على كل اللي صار,, ياجعل عينك للفرح لو صرت عن فرحي ضرير.. واكسر معك صدري جفى لاتلتفتلي باعتذار,, مبروك مو من خاطري بس قلبي يفرحلك كثير,, مالي جدى يااسري دار الفلك ثم استدار,,, شالت الورقة وقطعتها قطعة قطعة... تهاني/شفيك؟ اصايل/مايهمني لاهو ولااللي كاتبه؟ تهاني/بسالك سؤال سالتك اياه من قبل؟ اصايل/لاياتهاني ماحبيته واقسم لك بالله اني ماحبيته,,,مو انا اللي احب انسان جرحني بصدري ومبدون مايهتم..كنت ابي اذله مثل ماذلني وذليته..ماعاد لي فيه أي رجى...لادربه يناسبني ولادربي مثل دربه؟ تهاني/رانيا تقول انه تعب كثير يوم انخطبتي و.. قاطعتها اصايل/يصير له اللي يصير شماتتي فيه وصلت وانتهت ..عندي رجال ثاني افكر فيه ومايشغلني ضاري ولااللي قاعد يحس فيه؟ تهاني/وشلون ولد عمي معك؟ اصايل/اوه ه ه..تصدقين نسخة منك....ساعات احس نفسي قاعدة معك مو معه؟ تهاني/هذا مدح ولاذم؟ اصايل/ههههه الاثنين..بس تصدقين انا مرتاحة معه سليمان طيوب وحبوب.. تهاني/ولد عمي اكيد بيطلع مثلي وشبهي؟ اصايل/عدال انتي وولد عمك علينا لاتموتون؟ /////////////////////////////////////////////////////////////////// دخل الشقة وهي كانت عند الطاولة واقفة وتفرش عليها المفرش,,, حط الورد الي جايبه قباله وحضنها... صبا/انت فاتح لك محل ورد؟ نايف/ليه؟ صبا/اشوفك كل ماجيت تدخل جبت معك ورد؟ نايف/الورد للورد؟ ماردت عليه وكملت فرش المفرش على الطاولة... نايف/انا خبري انا وانتي بالشقة بعد ليش كل شوي قايمة وترتبين من اللي يعفس المكان؟ صبا/انا؟ نايف/ليه بزر انتي؟تحوسين طول الوقت وتخربين المكان؟ صبا/علشان اقوم ارتبه بعدين...اكسر الملل اللي فيني!! نايف/ماباقي شي على السنة الجديدة والملل ينكسر بروحه؟ صبا وهي تناظره/مافهمت؟ نايف مسكها من يدها وقعدها بحضنه/بترجعين تدرسين السنة هاذي ولامو ناوية تصيرين الدكتورة صبا مثل ماتبين وتحلمين؟ وقف قلبها...... قالت له بلهفة/انت تتكلم من صدقك. نايف بجدية/أي.... صبا/.............. حضنها بقوة وبدون أي تعليق منها وهمس لها/قلت لك كل شي بيتصلح وبعوضك اياه....ومثل ماخسرتك السنة اللي فاتت بعوضك اياها السنة هاذي ان شاءالله..... صاح فيها الف صوت داخلها خلاص ياصبا ليني ..كاهو صار خاتم بااصبعك ومثل ماتبين وازود...اعتذر لك وقاعد يعوضك باجمل اللحظات....لاتوقفين كذا علطول.....عطيه فرصة ثانية...انتي تبين تعطينه اصلا خلاص..لاتحرمينه.....كفاية المدة اللي صديتي فيها وهجرتي كاهي ادبته وعقلته,,, ///////////////////////////////////////////////////////////////////////// اصايل/روانوه ماجت؟ ليالي/لا...راحت تشوف ثوبها؟ اصايل/بنت اللذينا متراهنين انا وياها البارح وطلعت اشطر مني؟ ليالي/وراها متعب اكيد بتطلع اشطر منك؟ اصايل/وي لاتذكريني بسليمان...ودي اقوله شي يقولي لا..ولايناقشني فيه...دايم أي واي وبدون أي اعتراض؟ ليالي/هههه حمدي ربك بس لايتغير مو قاعدة تتشكين؟ اصايل/المسالة عناد وقرادة حظ لانه مارضى اسكن معكم وقال عندي شقة في بيتنا مقدر مااسكن فيها ؟ ليالي/مدام امه معك زينة وماعنده خوات ليه ماتروحين..وبعدين اخوانه كلهم صغار..... اصايل/وانتي ومتعبوا هنا ومرتاحين مع بعض طول الوقت؟ ليالي/ياباب اسبوع احنا عندك واسبوع انتي عندنا وش فرقت؟ اصايل/ابي اظل معكم علطول.. ليالي/من عيونك كاهو انفصل البيت وصرنا اذا بندخل لبعض من الحديقة.. اصايل/احسن... ليالي/وانتي هذا اللي علمتك اياه ام عبدالله بس تحسدين؟ اصايل/ههههههه...شخبار جاسر؟ ليالي/بخير.... اصايل/ماخلص شهر عسله للحين؟ ليالي/هههه لالسه....وعدني يفتح لي المشروع اللي في بالي وقلت لك عنه.. اصايل/المركز النسائي.. ليالي/أي....بس قال بعد ماينتهي شهر العسل بيباشر باوراق المحل ومعاملته.... اصايل/هههه معناته مطول جاسر لان شهر عسله مابينتهي... ليالي/هههه شكله كذا... ////////////////////////////// نهاية الرواية**** اتمنى ان تستمتعوا بها الى لقاء فى رواية آخرى

[توآقهَ ♥ لِــ ♥ لُقّياكـْ]

صبا ونواف نهايه سعيده بعد عذاب الحب حلو انها ما نتازلت وانتظرت اعترافاته
ليال وجاسر ...متى بينتهى شهر عسلكم ..خخخ
ضاري توقعتك بتاخذ اصيل بعد الكورنيش بس اللي ما يطول العنب ..حامض عنه يقول ..
سلمان ..شيخصيه غائبه حتى بملامحها بس انتهبه ع اصيل
اصيل ..نلتي وسام الشموخ بجداره
تهاني هاردلك عليك متعب مشكلة ما يبي احد يذكره بيها بس لو منه يسوي العكس عشان تنقهر البومه
بعدين انتي كان اتلحلحتي شوي وسويتي حركات عشان يحبك شكله يبي لك كورس من عند دانه
البومه ..هتون ..The game is over
ام عادل >>>لايقه ها الايقونه لها

ثانكس عزيزتي ع الروايه

[أميرة الحياة]

يسلمووووووووووووووووووووو وووووووووووووووووو