احلام وطموحات الشباب بين الأمس واليوم

[sandy250]

من احلامى انى كان طول عمرى نفسى ادخل كلية الاثار اصل بحب التاريخ كله الفرعونى والاسلامى والهندى وكل الحاجات القديمة بس ماجيبتش مجموع فى الثانوي بس برده حققت نصف حلمى ودخلت اداب تاريخ والحمد لله

[OnLyG!Rl]

شكرا مريم على الموضوع الجميل لكى احلى تقييم وخمس نجوم
انا بقى من وانا صغيره محلمتش انى لما اكبر عايزه ادخل الكليه دى او ادرس ده وعايزه اقولك ان ده تعبنى جدا لان بعد ما دخلت الجامعه فضلت احول من مجال لمجال ، كنت بحاول ادور على حاجه اشوف نفسى فيها طبعا دلوقتى انا فى سياحه وفنادق بس خلاص رضيت بالامر الواقع يعنى مش هفضل اضيع سنين من عمرى كل اما احول بس حلمى الحقيقى ان الناس تفهمنى صح مش اللى هما عايزين يفهمه ، يعنى احنا باى حق بنحكم على الناس وده علمنى انى محكمش على الكتاب من عنوانه


انا هستغل كلامى هنا عشان اوجه دعوه لكل الشباب انهم يتفرجو على فيلم . الفيلم ده قصه حقيقه اسمه Freedom Writers


صف مجموعة طلاب في الثانوية وكل الطلاب يعانو من العنصرة قتل لهم الكثير من الاصدقاء و الاهل وهاذا كله من اجل لون البشرة ان كان اسمر فحياته الجحيم واذا كانت بشرتك بيضاء فأنت تملك الدينا عانو من الضرب و الاهانة بسبب اختلاف لوان بشراتهم البيض يصخرون من ( لن نقول سود فهاذه اهانة بل سنقول سمر) السمر وعندما في ذالك اليوم جائت المعلمة ذات البشرة البيضاء وغيرت حياتهم للابد علمتهم كيف يعاملون بعضهم بحترام دون النظر لبشرتهم وقد نجحو بالفعل واصبح صفهم بالفعل مكان او بيت لهائولاء الاطلاب الفلم عن قصة حقيقية مثلها الطلاب الحقيقيون في المدرسة الحقيقية وتم ذالك عام 2007





شكرا مره تانيه يا مريم

[ميرا جابر]

هلا مريومتى الحلوة

وميرسييييي على الدعوة الحلوة للموضوع الاحلى ده

بصى يا ستى انا بعد الثانوية العامةكنت مقراره ادخل اكاديمية السينما قسم اخراج ع طول

بس بابا رفض وقالى الاول شهاده من كلية نظرية وبعدين براحتك فاخترت الحقوق عجبتنى بصراحه وقتها ما هى مش فارقة اى كلية نظرى وخلاص وكانت الحقوق مشوقه خصوصا المواد السياسية بجد كانت تحفة

واثناء الدراسه حاول بابا انه يغرينى اشتغل اى حاجة تانية واصرف نظر عن الاخراج لدرجة انه استغل شغفى بالكتابة وحبى لها وجابلى شغل فى جريدة ادرب ع الصحافة عقبال ما انهى الليسانس فاشتغلت فى احد الجرائد المستقلة بقسم الحوادث وكنت شاطرة لدرجة وانا عندى 21 سنة كنت نائب رئيس القسم بس بجد تعبت نفسيا من الضغط والمنافسة والحالات الصعبة اللى بنقابلها فى عملى وكنت فى مرحلة الليسانس وقتها فتركت اعمل لارتب افكارى وبعد ترتيبها لم اعود هههههههههههه

ثم حصلت ع الليسانس والعام الماضى انهيت دبلومة فى القانون الجنائى وكنت قدمت اواراقى فى اكاديمية السينما قسم اخراج وقوبلت فيها وانا فى العام الثانى الان فى الاكاديمية واعمل فى احلى مهنة فى الدنيا كلها بحبها اصلى

وطموحى احصل على اوسكار احسن اخراج لفيلم من اخراجى

وان الله يعجل بموعد اجلى لالتقى باغلى الاحبه سارة صديقة عمرى رحمها الله

وميرسييييييييييي للموضوع يا احلى مشرفات المنتدى

[walaa.x]

اهلا مريم موضوع حلو كتتير يا قمر انا بقى يا ستى كان نفسى اشتغل فى طب الشريعى او مشرحة مش تضحكى بس بجد بموت فى الجرائم والتشريح والتحنيط بس المجموع بس الحمد لله برضو دخلت قسم تحاليل الدم والحمد لله بشتغل برضو فى مستشفى حكومى فى الاستقبال يعنى حوداث كل يوم وكونت من اوائل الدفعة رقم 7 يعنى علشان كدة اتعين على طوال كويس يعنى والحمد للة فى الماجستير تمهيدى لسة بس الحمد للة بس اللى هتضحكى علية بجد كان نفسى اجوز الشاب خالد ههههههههههههههبحبة اووووووى بس ربنا رزقنى وجوزت ماجد يختلف تماما عن الشاب خالد لما بقولة انى بحب بقوللى بتحبى فية اية المزيت المشحم دة هههههههههه والحمد للة معى مازن انا بحب حيا تى اوى واكيد مش اغيرها ولو الومن رجع مش هغير حاجة شكرا على الموضوع الجميل يا مريم

[واثقة الخطى]

السلام عليكم ورحمة الله وبركاته
مريوم ياروحي انت يا ام الافكار شكرا للموضوع الرائع


انا اول شي كنت بالثانوية العامة طموحة جداااااااااا كانت فكرتي اني اسير جراحة طب عيون او نسب ولادة والحمد لله صارت لي ظروف وماجبتش مجموع الطب البشري وقتها ودخلت اول حاجة كلية الادارة والاقتصاد على قولة بيبو كلية الشعب ههههه وطوال السنة الاولى كنت بعيط وابكي واتتكي للكل على اني مالبستش الثوب الابيض بعد سنة من الزن كنت دخلت المستشفى ولمن خرجت بابا الله يحفظه قالي يابنتي ماتزعليش فتحوا كلية خاصة للطب وطب الاسنان ايه رايك تدخلي طبعا انا وقتها كنت مش مصدقة المهم دخلت والحمد لله وعجبني طب الاسنان لاني حسيت اني بعمل تحف هههههه لاني بحب الرسم جدااااااااااا
ودحين ان شاء الله اذا اتخرجت وربي كتبلي عمر بدي اتخصص جراحة وجه وفكين واحلم اني اسير روائية عالمية يارب امين واروح اتعلم الرسم واشوف الدول اللي بحلم ازورها وطبعا اسرة صغننة حلوة يارب وانه ربنا يحسن خاتمتي امين
معليش اتكلمت كثيرررررررررررررررررررررر رررررر

[هبهوبة]

السلام عليكم ورحمة الله وبركاته

ربنا يكرمك يا مريومة على الموضوع الجميل زي ما اتعودنا منك دايما

عايزة اقول بداية بس ان الفائدة من استرجاع و كتابة احلام الامس و التي صارت اما حقيقة او اما انها لم تحقق بامر الله - و اكيد كله خير - الفائدة هي معرفة و التفكر في الاسباب اللي جعلتنا نوصل للحلم او للهدف ده .... عشان ممكن ببساطة شديدة لو حبيت اني احقق حلم جديد شبيه الى حد كبير بحلم حققه زمان افتكر انا كنت بعمل ايه يعني مثلا الواحد كان عشان يجيب مجموع في الثانوية العامة كان بيذاكر و بيجتهد و بيركز في مذاكرته و بيستعين بالله تعالى في كل خطوة ... فممكن الان و الواحد بيحضر دراسات عليا انه ايضا عشان يتفوق في الدراسات العاليا لازم يجتهد و يركز في المزاكرة و يستعين بالله في كل خطوة حتى يصل الى النجاح و الله المستعان

و الحمد لله رب العالمين فيه كتير احلام تخص دراستي ربنا وفقني في تحقيقها ..يعني مثلا طول عمري كان نفسي ابقى مهندسة زي اغلب العيلة عندنا ... فالحمد لله بقيت مهندسة و ان كان تخصصي في الاول لم يعجبني و كنت حزينة جدا في البداية و لكن تفاجات اني تفوقت جدا في تخصصي و كنت مش بقل في كل سنة عن تقدير امتياز او جيد جدا و الحمد كله و الفضل كله بيد الله سبحانه و تعالى

و اكيد ليس كل ما يتمناه المرء يدركه .. يعني في امور الواحد كان نفسه تتحقق زمان و لكن يرجع يقول ان الرضا بما قسمه الله هو اغلى حاجة في الدنيا دي الواحد ممكن يدركها .. و اللى ربنا اختاره لي اكيد هو افضل شئ لحكمة لا يعلمها الا هو ... يمكن يكون اي اختيار آخر او وضع آخر غير اللي انا فيه دلوقتي كان يبعدنى عن الله او يشغلني عنه و لا يقربني منه و هكذا .. ففعلا المقادير و النصيب ده بايد ربنا لحكمه عنده كلها فيها خير لنا ان شاء الله

قالَ رَسُولُ اللهِ: (عَجَبًا لأَمْرِ المؤمنِ إِنَّ أمْرَه كُلَّهُ لهُ خَيرٌ ليسَ ذلكَ لأَحَدٍ إلا للمُؤْمنِ إِنْ أصَابتهُ سَرَّاءُ شَكَرَ فكانتْ خَيرًا لهُ وإنْ أصَابتهُ ضَرَّاءُ صَبرَ فكانتْ خَيرًا لهُ) رواهُ مُسْلِمٌ


يمكن الاشياء اللي تخلي الواحد يسعى دائما الى تحقيقها هي شغل الوقت بما ينفع ... لو بشغل نفسي او غيري يبقي اشغلهم بشئ نافع و خاصة في مرحلة الشباب ... لان ببساطة الواحد لما يتوفاه الله هيُسأل عن وقته مرتين .. مرة عن عمره بشكل عام و مرة اخرى عن وقت و فترة الشباب بشكل خاص و تحديداااا لان مرحلة الشباب تعتبر طاقة البشر فيها مضاعفة و ممكن يحققوا في وقت صغير انجازات كبيرة و يغتنموا الجنة في فترة شبابهم

قال صلى الله عليه وسلم: " لا تزول قدما ابن آدم يوم القيامة من عند ربه، حتى يُسأل عن خمس: عن عمره فيم أفناه؟ وعن شبابه فيم أبلاه؟ وعن ماله من أين اكتسبه وفيم أنفقه؟ وماذا عمل فيما علم؟".(رواه الترمذي وصححه الألباني).


لانها مرحلة قوة كما وصفها القرآن الكريم ..الشباب هو زمن العمل، لأنه فترة قوة بين ضعفين، ضعف الطفولة وضعف الشيخوخة،


قال رسول الله صلى الله عليه وسلم: " اغتنم خمسا قبل خمس: شبابك قبل هرمك، وصحتك قبل سقمك، وغناك قبل فقرك، وفراغك قبل شغلك، وحياتك قبل موتك" (رواه الحاكم وصححه).


و لذا فترة الشباب هو وقت القدرة على الطاعة و هي فترة تمر سريعا ان لم نغتنمها تحسرنا على ذلك .. و أسأل الله لي و لكم السلامة يارب


ففعلا لو تنبهنا الي كم الاحاديث و الآيات التي ذكرت عن فترة الشباب و اهمية اغتنامها لتعجبنا !!!!!

وعدّ صلى الله عليه وسلم في السبعة الذين يظلهم الله في ظله يوم لا ظل إلا ظله: " شابا نشأ في عبادة الله".
 وعن  ابن عباس رضي الله عنهما قال: " ما آتى الله عز وجل عبدا علما إلا شابا،  والخير كله في الشباب، ثم تلا قوله عز وجل: "قالوا سمعنا فتى يذكرهم يقال  له إبراهيم"، وقوله تعالى: "إنهم فتية آمنوا بربهم وزدناهم هدى" ، وقوله  تعالى: "وآتيناه الحكم صبيا".
 قالت حفصة بنت سيرين: "يا معشر الشباب اعملوا، فإنما العمل في الشباب"، وقال الأحنف بن قيس: " السودد مع السواد". 
(أي: من لم يسد في شبابه لم يسد في شيخوخته).
 وهل كان صحابة رسول الله صلى الله عليه وسلم الذين آمنوا به وعزروه ونصروه واتبعوا النور الذي أنزل معه إلا شبابا؟!.

اما عن احلام المستقبل االي نفسي احققها اني بجد افيد الاسلام و المسلمين سواء في دراستي او تعاملاتي او كلامي او كتاباتي و عندما يجئ الاجل و يتوفاني الله اليه .. يكون ليا " علم ينتفع به " دي نية و امنية يارب يوفقني في تحقيقها و ان شاء الله ربنا ينولها لي و ينولها لكم





و شكراا مريومة الجميلة و آسفة للإطالة

[ام رناد]

صباح الجمال الموضوع شدني جدا
بداية انا بنت وحيدة
ولما خلصت جالي كلية في القاهرة وانا من محافظة بعيد عنها
طبعا ماما قلبت الدنيا واضطريت اقدم في معهد في نفس المحافظة
ولما قربت اخلص بابا كان مسافر الامارات قالي خدي الشهادة
وليكي شغل هنا في اكبر الشركات
وبقيت انام واقوم وانا بحلم اخلص علشان اسافر
لكن للأسف
لا تأتي الرياح بما تشتهي السفن
وبابا تعب وجاتله زبحة صدرية والحمد لله عدت بسلام
بس رجع مصر وقرر انه يستقر ويبطل سفر
وطبعا جت على دماغي
وخلصت الدراسة وبدأ شغل أمي وأبي الشاغل
العريييييييييييييس
يا عالم انا لسه صغيرة
واخيرا اتخطبت في 2006 الحمد لله
بس بردة الفرحة مبتكملش امي فارقتنا الله يرحمها في شهر رمضان في نفس السنة
وجت 2007 واخيرا اتجوزت ومحدش له عندي حاجة
والحمد لله انا عندي رناد عندها 3 سنين وبستنى في بيبي تاني ان شاء الله
واكتر حاجة ربنا أكرمني بيها هي زوجي وبنتي (هما دول المستقبل )
واللي مقدرتش احققه في حياتي بإذن الله ولادي يحققوه بس تكون أحلامهم

[لولا]

بالأول احب اهني الخت الحبيبة مريم على الأشراف
والله وبدون مجاملة تستحقين الاشراف حبي
بصمتك واااااااااضحة جدااا في المنتدى وما يليق فيكي غير منتدى الشباب على افكارك النيرة والي تخدم اغلب الشباب


ثانياً بالنسبة لاحلامي ....

انا من زمان كان نفسي اكون رسامة او عندي مختبر اقوم فيه باعمالي الفنية او على الاقل اشتهر في هذولي المجالات
حقيقه من كنت بالابتدائية وانا بخيط واقوم باعمال فنية حتى كانو المعلمات يتعجبون من اعمالي ومره دخلت دورة لتعليم الخياطة وطلت الاولى عليهم بالرغم من الي كانو معي كلهم اعمارهم كبيرة وانا الوحيدة الصغيرة يعني تقريباً عمري 8 سنوات
وشويه شويه تطورت باعمالي حتى بدءت بالنحت على الصابون واعمل تماثيل الكل يتعجب كيف اعملها وكمان اعمل اعمال من لا شيء غلى شيء آخر
وإلى الان اقوم بأعمال لصديقات ماما الي يحتاجون اعمل فنية لكن مو بكثرة مثل قبل
المشكله الي عندي انه من كنا بالحصار ما كان عندنا استيراد للمواد اللازمه للاعمال لذلك كنت اعمل الاعمال الفنية بمجهود بدني كبير ههههههههههههههههه وما اقللكم على الاصابات ههههههه يعني لازم اجرح نفسي في كل عمل :a555:
لكن الان بعد زواجي وحملي قل نشاطي يعني ممكن ارسم لكن وقت الفراغ قليل جداااااااا
والان بحضر المواد اللازمه للاعمال الفنية عشان لو جبتي بالسلامة حتكون عندي اجازه سنة من الشغل فا حتفرغ للاعمال الفنية والحمد لله الان كل شي متوفر في الاسواق يعني كل شي اريده موجوده وبالخدمه ههههههههههههههههههههههههه هههههههههه
ادعولي القى وقت فراغ ههههههههههههههههههههههههه ههههههههه

على فكره انا كنت ناوية ادخل كلية فنون جملية / فرع تشكيلي ( يعني رسم ) لكن بابا ( الله يخليه ) منعني فا دخلت على معدلي في الثانوية كلية علوم حاسبات وبقى في نفسي ادخل ومره قدمت لكن صادف خطوبتي وانلغى الموضوع من قبل زوجي

شكراااااااااااااااا حبي عل الموضوع

وان شاء الله تتحقق جميع الأماني لجميع الاعضاء

[لولو22]

جيت متاخره مريومتي معليش زحمة المواصلات ههههههه
حبيبتي كان احلاميالي بتراودني من وانا صغيره اني اكون
صحفيه ومش اي صحفيه كنت نفسي جدا اكون ناقده
بحب ايحاجه ما اعديها الا لما احللها واناقش فيها هههههههههه
كنت مطلعه روحهم فيالبيت ما حد يخلص مني ابدا
وطبعا تحطمت الامال عليصخرة الواقع دخلت اداب وبعدين
الحياه اخدتنا بداوامتها لكن الحمد لله بروايتي قدرت احقق
ولو قدرمن حلمي بقسم الحوارالجاد وبحاور واناقش احبائي
والله يعينهم عليا !!!!!!!!!!!!!!
طبعا الحياه مليئه باحلام متجدده نفسي اقرا اكبر قدر من الكتب
ويكون عنديمعرفه ..نفسي اكمل ان شاء الله حفظ القران
نفسي اشوف اخواتي باعلي مكانه نفسي اسافر وازور فرنسا
بحبها اوى ونفسي يتحقق الحلم ده .. نفسي اسافر للاردن
اقابل صديقه وام ليا عرفتها هنا بالمنتدي ومن احلامي اني
اقابلها في ارض الواقع مش علي بس
دي احلامي المتواضعه وان شاء الله تتحقق
تسلمييا مريووووومتي عجبني كتير موضووووووووعك
وده مش غريب عليافكارك الحلوه يا جميله

[جيجي22]

انا حلمى انى اشتغل فى مجال تخصصى فى المحاسبة يعنى و انى اكتب قصص كتير تلاقى القبول عند القراء
و انى اتقدم فى اسلوبى فى الكتابة و ان يتم نشر قصصى ان شاء الله فى المستقبل و انى افضل اكتب لحد ما يكون
عندى سلسلة تصل الى 100 قصة هانت يعنى ناقص لى 97 بس هههههههههههههههههههههه
و بتمنى انى ما اخفش من السواقة و اسوق عريبتى المركونة تحت فى يوم من الايام ههههههههههههههه
و بتمنى ان اكون راضية و ان ربنا يرضى عليا بس كده ...تسلمى يا مريومة على الموضوع الرائع ده