آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-01-11, 10:53 PM
| #21 | |||||
 
|  اقتباس:
هلا والله باهل الاسكندريه ومصر منوره يسلمو حبيبتي على متابعتك لي وانتي منوره زي عادتك ودي لكي | |||||
|  |
|
08-01-11, 11:59 PM
| #22 | ||||
| يسلموا يالغلا بارت رائع لكن ما أدري ليش حسيته قصير ! أتوقع مو بس بيثق فيها إلا يمكن حتى التوكيل يسويه ليها وبيقدمها على أولاده كلهم سمر شكلها مقدور عليها والعنود أكيد بتتعبها في البداية بس بذكائها بتقدر تكسبها لكن المشكلة سليمان... أتوقع إن اللي جاي والشرر بعيونه هو سليمان الخوف إنها تحمل ويتعقد الموضوع في انتظار المزيد من إبداعك مع تحياتي | ||||
|
| |
|
09-01-11, 12:11 AM
| #23 | |||||
| اقتباس:
منوره حبيبتي واذا كان قصير ان شاء الله المره الجايه يكون اطول ما انحرم منك ولا من طلتك وتوقعاتك ودي لكي | |||||
|
| |
|
12-01-11, 08:49 AM
| #24 | ||||
| &&&&&&&&&&&&&&&&&&&&&&&&& أنين ..........كره ........انتقام..........حب ........نهاية مجهوله (لعبة الشطرنج) &&&&&&&&&&&&&&&&&&&&&& البارت الخامس اتمنى ينال اعجابكم (قراءه ممتعه) قامت من النوم على صوت المنبه وخذت لها شور وغيرت ملابسها ونزلت تحت تفطر مع أمها غزلان:صباح الخير يا أحلى أم في الدنيا ..وهي تحب رأس أمها أم ناصر: صباح الخير غزلان:فديت هالوجه والله ما أحلاه أم ناصر وهي تناظر بنتها :وش عندك منتي خاليه غزلان:يمه ابغى أروح لسمر أم ناصر:لا غزلان:ليه يا يمه لا تنسين ان سمر ما لها علاقه في زواج أبوها وبعدين هذي بنت أختك ولا نسيتي أم ناصر بعد تفكير:زين روحي بس زوجته هذي مالك شغل فيها سامعه غزلان سامعه يا الغاليه انا لي شغل في سمر وبس أم ناصر أشرت برأسها برضا غزلان وهي تبوس يد أمها:لا خلا ولا عدم يا الغاليه ..وكملت فطورها &&&&&&&&&&&&&&&&&& قاعده في الفصل وهي ما تدري عن هواء شرح المعلمه المعلمه:العنود قومي قولي الاجابه العنود سرحانه:لا رد المعلمه بصراخ:العنود العنود طالعتها وهي بروحها نفسيتها زفت:نعم المعلمه:قومي قولي الاجابه العنود:ما اعرف المعلمه:أول شي قومي أوقفي وأنتي تكلميني العنود:ما دامني ما اعرف الاجابه ليه أقوم وبعدين ما ادري ليه تخلونا نجاوب ونذاكر وإحنا بمدرسه خاصه يعني احنا اللي ندفع رواتبكم المفروض تريحونا المعلمه عصبت :عمري ما شفت بنت بقلة أدبك العنود:شكرا المعلمه: برا اطلعي برا العنود:والله انا ما ني طالع إذا أنتي بتطلعين كيفك بس انا ما دفعت فلوس علشان أنطرد المعلمه:أنتي ما تربيتي العنود:ما سألتك رايك في تربيتي المعلمه عصبت وقبل ما تطلع:فصل أنتي فيه ما يشرفني ادخله العنود:حيا الله من زار وخفف طلعت المعلمه وراحت الاداره تشتكي زيها زي باقي المعلمات اللي العنود مطفشتهم وزي اغلب المدارس الخاصه يتغاضون عن الموضوع &&&&&&&&&&&&&&&&&&& قاعده في الصاله تشرب الكوفي وسمعت صوت ودخل وشافته قدامها والشرر يتطاير من عيونه وانين تطالعه ببرود وهي تشرب الكوفي وتوقعت علطول انه سليمان سليمان يطالعها بسخريه وكره مشى باتجاهها ببطء لحد ما وقف قدامها وانين لحد الحين تطالعه ببرود وهي جالسه سليمان بوقاحه:لا لا ما توقعت ان أبوي ذويق لها لدرجه الحين عرفت كيف استخف وطار عقله اثاريه مأخذ قمر قامت أنين من مكانها :أكيد انت سليمان سليمان:لا تجيبين اسمي على لسانك اسمي اشرف من انه يجي على لسان وحده مثلك انين ابتسمت وما ردت عليه وهي لحد الحين عينها بعينه سليمان:ابغى اعرف شي واحد ليش تزوجتي أبوي انين في نفسها :هذا أكيد مو زي سمر يلعب عليه والشي اللي ما اقدر اكسبه أحاربه أحسن انين بتكبر :مالك شغل كيفي عجبني وأخذته سليمان وهو يطالعها من فوق لتحت وبهمس:انا واثق ان فيك عيب وما صدقتي لقيتي واحد شيبه خبل قلتي العب عليه وأخليه يستر علي انين طالعته بحقد وهي ناويه على الشر وبهمس:لا وأنت الصادق قلت اسلي نفسي شوي وأغير الروتين الممل في حياتي وأبوك ....وهي تبتسم : مثل المخيم الصيفي عندي جايه فيه وقت وبعد ما أمل برميه سليمان اسود وجهه من كلامه وهو يصر على أسنانه:تخسين أنتي اللي لعبه يلعب بك وبعد ما يمل منك يرميك مثلك مثل غيرك وكأنك جزمه قديمه وحاب يغيرها انين وهي تقرب وبثقة:تؤ..تؤ..تؤ..انا غير سمعوا صوت ابو سالم ينزل من الدرج ومشت اتجاهه بابتسامه ابو سالم رد لها الابتسامة والتفت لسليمان:أخيرا شرفت ليه ما جيت أمس سليمان وهو يطالع انين:ما قدرت ابو سالم:ما قدرت ولا عناد كأني ما أعرفك يا سليمان سليمان ساكت وهو يحرق انين بنظراته وأنين تبتسم له بنصر ابو سالم :انا الحين مو فاضي لما ارجع نتفاهم ...والتفت لأنين:يله حبيبتي توصين بشي انين بابتسامه جذابه:سلامتك حياتي ..وتبوسه على خذه سليمان يطالعها بغموض:هذي مو سهله قلبت في ثواني من شافها ما قال هذي اللي قبل 5 دقايق كانت تكلمني هذي شكلها بتعبني بس ولله انا لها مشى وصعد الدرج ابو سالم:مع السلامه....وانين أشرت له برأسها وأول ما صك الباب انين بصوت مسموع وكره:روحه بلا رده ان شاء الله والتفتت وتفاجات بشوفته سليمان واقف على الدرج ظل يناظرها وهي تبادله النظرات بتكبر وسخريه لأنها مستحيل تبين انها خايفه أو متوتره بعد لحظات صعد الدرج لغرفته وأول ما صعد تنهدت وغمضت عيونها وراحت تسوي جوله في البيت &&&&&&&&&&&&&& جالس في شغله ورن جواله ناصر:هلا ولله وغلا سالم:هلا فيك وش أحوالك وأحوال الأهل ناصر:تمام بخير جعلك بخير ها وش اللي خلانا نطري على بالك سالم:ابد بس قلت أخذ رايك ناصر:بوشو سالم:وش رايك انا وأنت وهاني نرح للبحر الجو اليوم مبين عليه حلو ويعني تغير للروتين ناصر:والله فكره حلوه خلاص انا ما عندي مشكله سالم:تمام وهاني انا بكلمه ونلتقي في مطعم(....) الساعه أربع العصر وبعدها نروح ناصر: تمام خلاص اشوفك الساعه أربع ان شاء الله سالم:على خير مع السلامه ناصر:مع السلامه صك الجوال وهو حاس بضيق ولد خالته بس وش يقدر يسوي ولا شي تنهد ورجع يكمل شغله &&&&&&&&&&&&&&&&&&& قاعد مع ابو سالم ويشتغلون دق جواله وصار يطالعه ابو سالم بابتسامه:هلا حياتي انين بصوت خجول:هلا ابو سالم:أمريني انين:ما يأمر عليك عدو بس بغيت أروح بيتنا علشان أجيب شوية أغراض نسيت أجيبها يوم جيت البيت ابو سالم:ما طلبتي شي روحي حبيبي انين:تسلم حياتي بس بسالك بتجي على الغداء ابو سالم:ان شاء الله بجي ليه هو الغداء معاك يتفوت انين:انا قلت لو نطلع نتغدى برا يعني في مطعم مع بعض ابو سالم:ايه ليه لا حبيبتي خلاص صار انين بفرحه:خلاص حبيبي بروح مشواري واخلص بسرعه وانتظرك ابو سالم:خلاص يله مع السلامه يا روحي انين:مع السلامه بس لا تطول....وبصوت خجول:بشتاق لك ابو سالم:وآنا أكثر صك التلفون ورجع للشغل بشار في نفسه:وله مو هينه يا أختي ههههه الرجال رجع مراهق والله انك صدق بتجيبين رأسه وهو يبتسم بخبث:كفؤ عليك &&&&&&&&&&&&& رجعت لكتابها تكمل قرايته بعد ما صكت التلفون من بنت خالتها غزلان اللي قالت بتجيها العصر وسمعت الباب يطق سمر:تفضل انين بابتسامه:ممكن ادخل سمر تفاجات:ها ..ايه ادخلي انين:شكرا...وجلست على الكرسي القابل لسمر وسألتها:وش تقرين سمر:اقرأ انين:ايش تقرين سمر: يعني شوية كتب انين وهي تأخذ الكتاب وتشوفه:تدرين هذا الكتاب قريته من قبل مره حلو سمر:صدق انين:ايه أصلا ما في أحلى من القراءة يقضي الواحد وقته فيها سمر :معاكي حق انين وهي ترجع الكتاب لها:انا بطلع وقلت أمر أسالك إذا تبغين أجيب لك شي معاي من برا وآنا راجعه سمر بابتسامه باهته:لا سلامتك انين:طيب حبيبتي أخليك تكملين قراءه مع السلامه سمر:مع السلامه سمر بعد ما طلعت انين:معقوله اللي قالته صحيح تبغانا نكون كلنا عائله وتكون وحده منا والله ينكسر خاطري عليها أحسها تحاول المسكينه تنهدت ورجعت لكتابها &&&&&&&&&&&&&&& قاعد في عيادته ورن جواله هاني:الو سالم:السلام عليكم هاني بابتسامه:وعليكم السلام سالم:أخبارك يالقاطع هاني: ههههههه والله أشغال بس انا الحمد لله وأنت أخبارك سالم بنبرة ضيق:الحمد لله على كل حال هاني حس ان فيه شي:وش فيك عسى ماشر سالم:ابد انا داق اقولك ترى انا وناصر عزمنا على طلعت بحر ونبغاك معانا هاني: وانتو تقررون وبعدين تقولون لي يمكن مو فاضي سالم:مو على كيفك بتجي ولا انا بجي وبسحبك سحب هاني: ههههههههههه لا خلاص صار سالم:خلاص موعدنا الساعه4 عن مطعم (......)عرفته هاني: ايه عرفته سالم:يله اشوفك على خير هاني: على خير مع السلامه صك التلفون وهو حاط في باله يسأله و يعرف وش فيه إذا شافه (هاني صديق سالم من أيام الثانويه يشتغل دكتور نفساني ويحب الكل ودائما يسمع لسالم إذا حس انه مهموم عمره 27 سنه) &&&&&&&&&&&&&&& طلعت وركبت مع السواق وراحت بيتهم ودخلته انين:والله ما أحس إني تركت البيت ابد مهما أروح وارجع يظل هذا بيتي وكأني ما فارقته ولا يوم جلست في الصاله واتصلت قاعد بين الأوراق مع ابو سالم ورن جواله شاف الاسم ورد انين:إذا هو جنبك ما أبيه يعرف إني المتصله بشار بترحيب :هلا وغلا انين:هلا بك بشار وهو يطالع ابو سالم:عاش من سمع هالصوت انين:هههه عاشت أيامك بشار:أخبارك يا ابو عبدا لعزيز انين:اسمع ابغاك تجيني الحين انا في بيتنا بشار:انا الحمد لله الحين ضروري يعني انين:ايه بشار:خلاص جايك انين: في انتظارك بشار:في أمان الله..وصك جواله وقام بشار:انا لازم أروح لواحد من الربع محتاجني أروح له ضروري ابو سالم:خلاص توكل مافي مشكله بشار:مع السلامه ابو سالم: مع السلامه وصل البيت دخل لقاها قاعده في الصاله سلمت عليه بشار:ها وش الأخبار انين: كله تمام بشار: يعني ما في مشاكل انين في نفسها مافي غير سليمان والعنود وآنا متكفله فيهم واوريهم وردت عليه:ابد بشار: تمام انين:ها كل شي تمام وكل اللي خططنا له ماشي بشار: كل شي بخصوص الشركه الوهميه ماشيه مضبوط انين:زين ...زين رفعت جوالها ودقت على ابو سالم ابو سالم وهو يرجع على كرسيه:هلا وغلا بحياتي انين:هلا حبيبي أسفه معطلتك...وهي تطالع بشار وتبتسم بمكر بشار يطالعها وهو ينتظر ويبغى يعرف ايش بتسوي ابو سالم:ابد حياتي بغيتي شي ناقصك شي انين:لابس بغيتك تعزم بشار على العشاء يعني....وبصوت حزين:ما ابغاه يحس بالوحده ويقول إني نسيته وبعدين تدري احنا ما لنا غير بعض ابو سالم :خلاص حياتي ولا يهمك الحين أدق عليه واعزمه ها رضيتي انين بفرح:تسلم حبيبي الله يخليك لي ابو سالم :ويخليك لي أنتي بعد يا قلبي ها تأمرين على شي ثاني انين:سلامتك مع السلامه حبي صكت الجوال وطالعت أخوها بخبث بشار:انين أنتي وش ناويه عليه....وقاطعه رنين جواله بشار:هلا ابو سالم:آهلين اسمع اليوم عشاك عندنا وما ابغى اسمع غير كلمة تم بشار:هههه خلاص تم ولا يهمك ابو سالم:تسلم يله ما أعطلك مع السلامه بشار:مع السلامه ورجع يطالع أخته اللي اكتفت بأنها تبتسم في وجهه بدون ما تشرح له أي شي &&&&&&&&&&&&&& الساعه 1:15 رجعت من المدرسه صعدت غرفتها غيرت ملابسها ونزلت علشان تتغدى دخلت لقت سمر بروحها على الطاوله العنود وهي تجلس على الغداء :خير وين الجماعه سمر:أبوي طلع مع زوجته يتغدون برا وسالم ما يبغى يأكل وسليمان نايم العنود:سليمان جاء سمر:ايه اعتقد الصبح أو الضحى العنود وهي تكب في صحنها :وش عندهم قيس وليلى يتغدون برا سمر:أقول يرحم والديك تراني ميته جوع لا تقعدين تقولين كلام يسد النفس العنود:والله أنتي وتصرفاتك اللي تسد النفس سمر:لا حول الله العنود:خاص خلاص سكتنا افففففففف كملوا أكل وكل واحد مشغول تفكيره &&&&&&&&&&&&&&&&&&& بعد ما رجعوا من المطعم جلست في الصاله حست انها ملت منه ومن مجاملته وصارت تناظر الساعه تبغى الوقت يمشي بسرعه ويجي وقت العشاء ويجي أخوها وتبدأ اللعب انين:يالله وش هالوقت البطيء انا لو اقعد أناظر الساعه ما خلصت أحسن شي أروح السوق أتسوق علشان يروح الوقت لفت طالعت ابو سالم اللي مأخذ قيلوله ونايم راحت له انين برقه:حبيبي ابو سالم وهو حده تعبان من الشغل:هلا انين:حبيبي ممكن أروح السوق أجيب شغله وارجع بسرعه ابو سال مستغرب :السوق لازم يعني انين وهي تهمس له:ايه حياتي بسرعه والله بسرعه ابو سالم بابتسامه:يله روحي بس لا تتأخرين انين :لا حياتي ما راح أتأخر قامت وخذت عبايتها وطلعت وراحت مع السواق ونزلت المجمع تتسوق لحد ما يروح الوقت &&&&&&&&&&&&&& قام من النوم خذا له شور ولبس وهو نازل الدرج قابلته العنود العنود:هلا وغلا وينك أمس اتصل عليك جوالك مقفل سليمان:هلا ايه قفلته ما لي خلق احد العنود:وبعدين سليمان :في وشو العنود:في هالعله اللي قاعده لنا بالبيت سليمان:قصدك مرت أبونا العنود:ايه الله يا خذها قول أمين سليمان بابتسامه:لا تخافين ماهيب مطوله العنود:عندك خطه تخليها تفارق سليمان بخبث:أكيد العنود:وش هي قلي خلني أعاونك وابرد حرتي فيها سليمان :بكره تعرفين يله مع السلامه العنود:مع السلامه نصبر ونشوف وصعدت غرفتها &&&&&&&&&&&& قاعد ويتقهوى مع أمه وأبوه وأخته ابو هاني:وأنت واثق انك تقدر على الحاله هاني:أكيد يا ابو هاني انا ما أسوي شي إلا واثق منه أم هاني:يالله انك تثبت العقل والدين يا رب ربى:والله مساكين هاللي يستخفون وتجيهم حاله نفسيه أو انهيار عصبي ابو هاني:اييييييه الله يحفظنا أم هاني :أمين ناظر الساعه وقام أم هاني:على وين يا وليدي هاني:لازم أروح مواعد سالم وناصر ابو هاني:روح يا وليدي الله يحفظك هاني :مع السلامه وطلع رايح للشباب في المطعم مثل ما اتفقوا (ابو هاني:دكتور من الدكاتره الممتازين وهو اللي شجع هاني انه يدخل مجال الطب أم هاني مره طيبه في حالها ربى :اخت هاني وتشبهه تدرس تربيه خاصه سنه ثانيه طيبه وتنحب بسرعه) &&&&&&&&&&&&&&& طلعت من المجمع واستنت السواق اللي تأخر عليها جاء وركبت انين:انت ليش تتأخر ما قلت لك أول ما اتصل عليك تجي السواق:ماما هزا واجد زحمه انين:بس اسكت ولا تقعد تبربر علي عمى في عينك سرحت بأفكارها وخطتها الليله ما صحت إلا على صوت الفرامل ومن قوة الفرامل ضرب راسها في الكرسي اللي قدامها انين وهي حاطه يدها على راسها:ايييي عمى يعميك ما تشوف السواق وهو خايف:ماما مافي انا هزا نفر غلطان انين:انزل له السواق وهو خايف:لا ماما انا في كوف انين وهي تفتح الباب علشان تنزل:خوف يأخذك مالت عليك ما منك نفعه نزلت وهي معصبه وأول ما شافته :عمى ان شاء الله ما تشوف هاني وهو نازل من سيارته ويشوف البنت اللي قدامها هاني بأدب:أسف أختي والله ما انتبهت كنت سرحان انين:ايه انت اسرح وإحنا نموت هاني:أسف مره ثانيه انين:وش استفيد من اسفك إذا صار لي شي هاني:خلاص قلنا آسفين يعني وش تبيني أسوي لك انين:صدق شينه وقوات عينه بيذبحنا ويطول لسانه صدق اللي استحوا ماتوا ...مشت وخلته هاني مستغرب من وقاحتها وطولت لسانها مشى وهو معصب من هالاشكال من الناس وصل المطعم ونزل لقى سالم وناصر وجلس معاهم ناصر:ترى السلام لله هاني بضيق:سلام سالم:عسى ماشر وشفيك الوجه منقلب كذا هاني:ابد بغيت أسوي حادث بس الله سلم ناصر:الحمد لله طيب المفروض تستأنس ان الله سلمك هاني:صاحبة السياره اللي بغيت اصدمها قلق سالم:ليه اللي بغيت تسوي معاه حادث بنت هاني:ايه نزلت علي ولسانها منشار كلتني بقشوري ناصر:ههههههههه اشوفك جاينا مقشر يالبرتقاله هاني :أقول اسكت لا اجيك أسكتك ناصر:أول البنت حلوه يعني مزيونه سالم:استغفر الله وش لك فيها الله يستر على الجميع ناصر :ما قلنا شي هاني:والله من ناحية الحلاه والله مو حلوه وبس إلا صاروخ ناصر:ياليتني انا الي صادمها سالم:ههههههه والله انك مهبول أقول يله بس ناصر وهاني:يله وقاموا رايحين للبحر وللوناسه &&&&&&&&&&&&& وصلت البيت وهي داخله قابلتها سمر ومعاها وحده وصوت ضحكهم واصل لأخر الدنيا وأول ما شافوها سكتوا انين:السلام عليكم سمر:وعليكم السلام .........أعرفك وهي تاشر على البنت :بنت خالتي غزلان وهذي انين مرت أبوي غزلان ما قدرت تخفي دهشتها انين وهي تمد يدها :آهلين غزلان وبدون نفس:هلا انين حست ان البنت مو مرتاحه ومتضايقه من وجودها كملت انين صعود الدرج لغرفتها ومر الوقت وقام ابو سالم ولبس وتجهز وجاء الوقت المنتظر بالنسبه لها خذت لها شور و لبست وتعدلت وهي تلبس جاها ابو سالم :الله وش هالزين كله انين غصبت نفسها تبتسم له:حلو ابو سالم :إلا يهوس انين :مشكور طلع من وراء ظهره علبه وفتحها لها وكان طقم ابو سالم:ها وش رايك انين:الله مره حلو تسلم حياتي ابو سالم: الغالي ما يصلح له إلا الغالي وهو يبوس خدها ولما قرب سمعوا طق الباب وكانت الخدامه تقول ان بشار وصل انين حمدت ربها ان الخدامه جات لان مالها خلق ابو سالم ابد ابو سالم:يالله حبيبتي انا نازل له وأنتي لا تتأخرين علينا انين:ان شاء الله نزل ابو سالم ورحب في بشار وقعدوا يتقهون وشوي سوالف وشوي ضحك وأحيانا يتكلمون في الشغل نادت الخدامه وطلبت منها انها تقول لأبو سالم يجي لها الغرفه وراحت الخدامه لأبو سالم وقالت له استأذن ابو سالم من بشار وراح يصعد لأنين أنين راحت لغرفة سمر اللي فيها سمر وغزلان وطقت الباب سمر كانت تسولف مع غزلان وميته ضحك على سوالفها سمر:لحظه بشوف من عند الباب راحت وفتحت الباب انين بابتسامه:أسفه قطعت عليكم وناستكم سمر:لا عادي بغيتي شي أنين:ايه بغيت أسالك شفتي جوالي ما ادري وين راح سمر:لا والله ما شفته انين بتمثيل بارع :ياربي وين راح سمر:طيب يمكن طاح منك أو أنتي حطيتيه في مكان ونسيتي انين:ايه صح تذكرت نسيته في المجلس يالله ممكن حبيبتي تجيبينه لي لان أبوك في الغرفه وصار له ساعه يناديني وإذا ما رحت له بيعصب سمر باستغراب:قولي للخدامه هي تجيبه انين بكذب:لا ان ما أثق في الخدم والجوال في صور لي وأخاف تنقلهم ولا تسوي فيه شي سمر بطيبه:خلاص انا بجيبه انين:بسرعه وآنا انتظرك هنا سمر: طيب ...ونزلت الدرج بسرعه وانين تضحك بمكر &&&&&&&&&&&& قاعد في المجلس وهو عارف ان أخته ناويه على شي بس ما قالت له وشو أصر وحن عليها بس ما رضت تقول له إلا كلمه وحده:لما تدخل خلك جالس على الكنب اللي وراء الباب هو استغرب من طلبها بس نفذ الي قالته وبيشوف وش أخرتها معاها صحى من تفكيره على دخلت احد انتبه كانت بنت حلوه وملامحها هاديه وتدور شي ومبين انها مو منتبه أو ما تدري عن وجوده في المجلس سمر شافت الجوال على الكنبه أول ما دخلت:هذا هو ...وهي تبغى ترجع لفت وشافت بشار تجمدت في مكانها وهي تطالعه بخوف وما حست إلا وهي تركض برا المجلس وهي ترجف وخايفه وحاسه قلبها يضرب ضرب في ضلوعها صعدت الدرج وقابلت انين انين أول ما شافتها ابتسمت وعرفت من وجهها ان كل شي تمام انين ببرائه:ها لقيتيه سمر :هاه ...وشو هذا انين:الجوال سمر:ه..ايه ايه ....وتمد لها الجوال بيد ترتجف انين:سمر فيك شي سمر:ها لا لا... ومشت بسرعه لغرفتها انين ابتسمت بمكر:مسكت السناره ههههههههه ....وراحت لابوسالم اللي كان ينتظر في الغرفه دخلت عليه ابو سالم:وينك فيه وين رحتي تقولين للخدامه تناديني وأنتي مو موجوده انين:أسفه حياتي بس رحت أنبه البنات ان اخوي في المجلس علشان ينتبهون ان في رجال غريب في البيت ابو سالم:يعطيك العافيه زين ما سويتي والحين ليش مناديتني تبغين شي انين وهي تعطيه ظهرها:ايه ابغاك تلبسني الطقم انا ما ابغى احد يلبسني إياه غيرك ابو سالم:من عيوني يالغاليه ولبسها الطقم وبعدها نزلوا سوا عند بشار اللي سلم على أخته وكأنه ما شافها الضحى وجلسوا وسوالف وبعدها تعشوا وبعد العشاء قام ابو سالم يكلم تلفون ضروري انين قامت وجلست جنب أخوها وقالت بنبره هاديه:عجبتك بشار:من تخطيطك صح انين:أكيد بشار:أنتي اللي حاطه الجوال في المجلس انين وهي ترفع حواجبها:لا تظلمني وبعدين ضحكت بصوت عالي طلعت ورقه من جيبها ومدتها له بشار:وش هذي...وخذاها وشاف فيها رقم انين:رقمها بشار:المطلوب انسين بابتسامه:ولا شي انا اعرف انك تتعب في الشغل كثير وآنا بخدمك يا اخوي كل المطلوب انك تتكلم وتسلى نفسك بشار:قصدك أعلقها انين بهمس:أبيها إذا نطقت اسمك قدامها اسمع شهقتها من حبها لك بشار:وش بتستفيدين انين:ليه يا اخوي ما تدرين ان وجع القلب أقوى من وجع الجسد وجع القلب ممكن يقتل بشار وهو يبتسم:صار انين :فديته اخوي ههههههههه هههه بشار:ههههههههههه بعدها بشار استأذن وسلموا عليه انين وأبو سالم وراح لبيته وأبو سالم صعد غرفته وهي راحت تتأكد ان الخدم ينظفون المجلس زين ولمحت سمر تودع غزلان وسمعتهم غزلان:أنتي متا كده ما فيك شي وجهك كأنه لونه مخطوف سمر بارتباك:وش فيك الله يهديك ما فيني شي غزلان: طيب مع السلامه......... وتسلم على سمر ومشت وسمر صعدت على طول غرفتها وهي طالعه من المجلس للصاله سمعت همس قربت من الصوت لحد ما صارت وراء باب الفله وسمعت سالم:يعني يوم جيت تروحين غزلان وهي تتلفت :لا والله مو كذا بس ناصر عند الباب وآنا لازم أروح قبل لا احد يشوفني سالم:خليك شوي اشوفك واشبع عيني منك غزلان بخجل:ما يصير يله مع السلامه سالم:أول ما توصلين كلميني غزلان وهي تبتسم:أكيد ..........وراحت وسالم يتبعها بنظره أما انين وراء الباب والله ولقينا لك شي يا سالم بس انت دورك مو الحين ههههههههههه وراحت تصعد لأبو سالم &&&&&&&&&&&&&&&&&&& أنين ..........كره ........انتقام..........حب ........نهاية مجهوله (لعبة الشطرنج) &&&&&&&&&&&&&&&&&&&& انتهى البارت | ||||
|
| |
|
12-01-11, 04:16 PM
| #25 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| تسلمى قلب أمى و روحها على البارت ... أنين ... على شو ناوية ؟؟؟ يعنى بدأتى بسمر المسكينة >>> شو ذنبها ... الله يستر قلب أمى و روحها متابعاكى و شكراً لك | |||||
|
| |
|
12-01-11, 11:16 PM
| #26 | ||||||||
| نجم روايتي وفراشة متألقة في عالم الأناقة والأزياء ومراسلة أخبار فنية ومشارك مميز وفعال بالقسم الطبي و عضوة مميزة في القسم التركي 
| الف شكر على الفصل يسلموا يا قلبى شريرة البنت دية الحقد عمى قلبها يا الله فيه ناس كدة الانتقام بيعمى عيونهم وممكن يسببوا مشاكل كدة بس لسة بدرى على المشاكل الكبيرة انين مش سهله ربنا يكفينا شرها وهيبقى فيه حرب ما بين انين وسليما والعنود وسمر هبله شوية | ||||||||
|
| |
|
13-01-11, 02:36 AM
| #27 | |||||
| [align=center]  روعه روعه روعه بكل ما تحمل هذة الكلمه من معنى اسلوبك سلس حورات الشخصيات قمه في الابداع والجميل ان الروايه باللهجه المحاكله لي اهل السعوديه [/align] أنين والله لو انا في مكانها اسوي اللعن من اللي سواته في ابو سالم وخليه مايرفع راسه قدام الناس ما يقدر يحط عينه حتى في عيون اعياله بس اعياله ما اقرب عليهم عشان هم حرام مالهم أي ذنب في اللي سواه ابوهم وهم مش مسئولين على تصرفاته وحاسبهم على شي هم مايدرون عنه في الاصل بشار خلك و امشي ورا اختك في قصه الانتقام من اعيال ابو سالم وشوف من اللي قلبه راح ينكسر انت أو سمر حاسه أن أنين راح اطب على راسه في حب هاني او ناصر في قلب امي في انتظرك ما طولي علينا بالفصل الجاي اختي نصيحه مني وهي لي قبل أن تكون لك لا تقولي لاحول لله بل قولي لا حول ولا قوة الابالله عشان القول الاول مشايخنا الله يحفظهم حرمو هذا القول لما فيه من انتقاص لقدره الله سبحانه وتعالى  | |||||
|
| |
|
14-01-11, 01:39 AM
| #28 | |||||
| اقتباس:
العفو حبيبتي واسعدني جدا مرورك على روايتي وتنويرك صفحتي | |||||
|
| |
|
14-01-11, 01:43 AM
| #29 | |||||
| اقتباس:
حبيبتي يانور صفحتي في ناس اذا حقدوا يسون المستحيلات والحقد يغلف القلب بالسواد لدرجه ان الانسان يصير اعمى القلب منوره حبيبتي وما انحرم من نورك ابد | |||||
|
| |
|
14-01-11, 01:48 AM
| #30 | |||||
| اقتباس:
اول شي قبل اي كلمه مشكوووووووووووره كثير حبيبتي على التنبيه اللي علي ما انتبهت له والحمد لله انك نبهتيني علشان ما اغلط مره ثانيه ثاني شي انتي مرورك عسل والله كلامك اخجلني ورفعني فوق لمكانه مومكانتي والله حسستيني اني فوق السحاب ههههههه بس كلك ذوق حياتي وبعدين تعالي وش هالاجرام :7r_001: انا بعطيك معلومه تدرين اني من بديت انزل رواية انين وانا كل يوم قاعده اكتشف ان نسبة الاجرام في البنات تزيد كانها اسهم بورصه ههههههههههه منوره غلاتي وا انحرم منك يارب ودي لكي | |||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
