آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-01-11, 01:13 PM
| #22 | ||||
 
|  غنى : والله لو جالسه عند زوجك ابرك سهى : وجع ان شالله ، اقولك عنده شغل مضغوط مو هو اخذ غير اجازته اسبوعين زياده عشاني ا للحين يداوم دبل اسبوعين كامله غنى : الله يعينه على هالشغله سهى : بسألك كيف محمد وغاده غنى : على حطه ايدكم بعذ ذيك السالفه ماعاد تكلمه سهى : يستاهل اللي سواه مو بهين غاده : وش عندكم تتكلمون علي غنى : انتي من وين طلعتي غاده : من الباب اطلع>>> هع سهى : هههه غنى : بايخه غاده : زي وجههك -- سهام : سهام : هلا حبيبي وينك ؟ راشد : بشارع توني واصل للبيت سهام : عندي راشد : للاسف لا عند دلال سهام : اهي اهي وربي مشتاقه لك راشد : وانا اكثر سهام : اجل تعال شوي راشد : بجيك العصر سهام : انتظرك راشد : بااي ياقلبي دخل البيت راشد : السلام عليكم ام راشد : وعليكم السلام راشد : اخبارك يمه ام راشد : بخير دامك بخير راشد : تسلمين الى وين دلال ام راشد : فووق طلع فووق راشد : هلا دلال : هلا وغلا اخذت الجوال ورنت على نوره رنه راشد : اسامه ، اسامه اسامه : بابا جاء بابا جاء راشد : اخبارك ياحبيب بابا اسامه : بابا وين اللعبه ؟ راشد : اووه نسيت بكره بجيبها لك اسامه : لاتنسى راشد : من عيوني رن التليفون دلال : الو : راشد موجود دلال : ايه فيه مينا قوله : عطيني راشد دلال : لحظه ، راشد واحد يبيك على التليفون راشد : ماقال مين دلال : لا ماقال راشد : الو : هلا براشد راشد : نعم معك راشد : اخبارك راشد : الحمدالله ، مين معي ؟ : مو مهم المهم روح شوف زوجتك وش تسووي بغيابك راشد : مين تقصد : اقصد بنت ابوخالد اذا مو مصدقني روح البيت وشوف بعينك راشد : انت مين ياقليل الادب : طوووط طوووووط راشد : الوووووووووو دلال : وش فيه راشد : مافيه شيء طلع راشد دلال : على وين راشد : قريب ، شوي واجي تررد انه يروح او لا في قلبه سهام وفي عقله مايبي يشك فيها وهو عارف اخلاقها في بيت سهام فتح الباب بصوت خفيف ودخل المجلس وفسخ ملابسه وخلى عليه شورت قصير بالغرفه غنى : البسي أي شيء سهام : تكفين ساعديني بيجيني العصر وبكشخ عنده غنى : وانا نسيت لبسك سهام : عندي 3 قمصان محتاره أي واحد غنى : طيب وش الوانها سهام : واحد بيج واحد ابيض واحد وردي غنى : البسي الوردي سهام : بس مرره عادي غنى : البسيه وشوفيه على جسمك اذا اعجبك خليه عليك سهام : طيب خلاص لبست قميصها الوردي واعجبها على جسمها سمع فتحت الباب وعرف انه راشد فتوجه للغرفه وسحبها وطرحها على سرير وسكر فمها بأيده سمع ازعاج بغرفه ودخل راشد :................ سهام : بعد عني انت مين ؟ من شافت راشد ركضت له دفها بأيده الثنتين وطرحها على الارض وتوجه للرجال وصار يتضاربون بس قدر يفلت منه وطلع برى البيت وعجز انه يلحقه دخل البيت وهو معصب سهام : راشد لا انا مو كذا مسكها مع ايدها الثنتين وصار يضرب فيها بدون رحمه سهام : راشد كل ماقالت اسمه يزيد في ضربها رفعها ورماها في الارض سهام : راشد انا حامل راشد : وبعد حامل حامل يالحقيره يالواطيه وضرب برجوله على بطنها ضربها لين ماحست انا مو نزلت الجنين بس الى روحها بتطلع وقف ضرب وجلس على ارض يبكي سهام : احبك يامجنون لا تشك فيني انا مو كذا كانت تنزف كان يشوف دم غارقها راشد : موتي مثل ماموتيني موووووتي سهام :............. حس بهدوء حركتها مسك ايدها راشد : سهام ، سهام شالها وحطها بسياره على اقرب مستشفى ولاده راشد : هلا خالد خالد : هلا راشد : سهام بالمستشفى ولاده روحوا لها خالد : ليش وش فيها راشد : شكلها سقطت خالد : ربي يعوضكم ان شالله راشد : انا بطلع بروح ارتاح لي يووم مانمت خالد : ولا يهمك حنا بنروح لها اللحين راشد : تسلم قال خالد لامه وخواته وراحوا لها - دلال : وينك شغلت بالي راشد : تعبان تعبان دلال ( شكل ياخطتك يانوره جابت فايده ) : وش فيك سلامات وش هالدم الي في ملابسك راشد : سهام سقطت دلال : هي حامل راشد : توني دريت انا الي ذبحت الولد انا ضربتها لين ماسقطت دلال : ليش تسوي كذا راشد : خااينه خاينه سهام تخوني دلال : انساها وزين افتكيت منها وزين بعد انها سقطت بكره ماتدري هو الولد لك او لغيرك مسك دلال وحضنها : انا تعباان ريحيني انا تعبان -- غنى : كيف يتركها بالحال هذا سهى : ياعمري عليها ام خالد : زوجها عنده ظروف خلاص خلووه غنى : حتى ولو هي محتاجته اللحين المفروض يكون جنبها غاده : والله ماتستاهل الي صار لها ام خالد : مكتوب ومقدر ربي يعوضهم غنى : خالد جاء سهى : هاا وش قالت دكتوره خالد : يقول نزفت كثير ونقلوا لها دم وهي بخير بس مخدره اللحين ام خالد : الحمدالله لك يارب غنى : الله يقومها بالسلامه الكل عرف ان سهام بالمستشفى والكل زارها الساعه 8 ام راشد: ما تشوفين شر ياحبيبتي سهام : الشر مايجيك ياعمه ام جاسم : يايمه كيف سقطتي سهام : ماادري كنت اركض وطحت ومن طيحه سقطت ام خالد : وفيه احد وهو حامل يركض سهام : وش اسوي ربي كاتب كذا الكل تطمن عليها وراحوا ماعداء غنى جلست معها بطلب من سهام غنى : الكل راح قوولي وش صار ؟وليش ماقلتي انك حامل ؟ سهام : آآه ياغنى لو تدرين وش صار لاختك غنى : لاتخوفيني قولي وش صار سهام : مصيبه ياغنى مصيب هانا خسرت ولدي وراشد وكل شيء غنى : تكلمي قولي وش فيك سهام : شفتي يوم كلمتك وكنت محتاره وش البس غنى : ايه سهام :لبست قميص وردي وطلع حلو علي ومادريت الى رجال داخل علي ومو لابس شيء غير شورت جاء ومسكني ورماني على سرير وسكر ايده على فمي حاولت اصيح ماقدرت وبعدين قدرت ابعد عنه وراشد كان واقف يشوف فهمني غلط صار يتضارب هو والرجال وبعدها ضربني حاولت افهمه بس كل ماتكلمت زاد ضرب فيني وبعدها مدري وش صار صحيت وانا هنا غنى : عشان كذا دق علينا يقول هي بروحها بالمستشفى استغربنا انه تركك لحالك سهام : وش اسوي غنى : هذي السالفه واضحه انها من طرف دلال ونوره سهام : لاتظلمين اللناس غنى: والله انك مسكينه ومو عارفه شيء مين الي له مصلحه عشان يفرقكم غيرهم سهام : مدري غنى : انا بتصرف وبجيب لك راشد وانتي فهميه الموضوع ، راشد يحبك ومستحيل يتركك سهام : واذا ماصدقني غنى : الموضوع صعب حيل كله يعتمد عليك انا حتى لو تدخلت ماقدر كثرك انتي لانك انتي زوجته وعارفه تفكير زوجك سهام : ليش يحاولون يفرقونا غنى : عطيني رقم راشد سهام :........ 05 طلعت غنى سهام : كلمي هنا غنى : لابكلمه برى استنى راشد : الوو غنى : هلا راشد راشد : هلا ، مين معي ؟ غنى : انا غنى راشد : نعم غنى : راشد انا عرفت بلي صار راشد انت ظلمت سهام ، سهام مو من هالنوع راشد : لحظه لحظه انا شفتها بعيوني مع واحد مو لهادرجه الوقاحه داقين تبررون الموقف وابيك تعرفين انا شفتها مو سمعت من احد عشان يمكن اقول اني ظلمتها غنى : راشد انت مو عارف شيء لاتخلون احد يدخل بينكم ويفرقكم من بعض راشد : مو عارف شيء ويفرقنا عن بعض ؟ اعرفي بالاساس انتي وش تتكلمين عنه انتي الي مو عارفه شيء مو انا غنى : اتصالي لك مو معناته اني اقولك تعال سامحها ولا تعال راضيها انا اتصلت فيك اقولك قبل ماتتصرف أي تصرف تندم عليه بكره تعال اسمعها يمكن عندها كلام تقوله لك يمكن تطلع بريئه من هذا كله راشد : مو جاي ورقه طلاقها بتوصلها قريب غنى : راشد اذا ناوي تطلقها طيب على الاقل تعال اسمعها راشد : آآآآآآآف غنى : تكفى تعال اسمعها راشد : خلاص بجي بعد شوي غنى : شكرا راشد : لاتتوقعين مني أي شيء غنى : راشد اذا جيت حاول انك تسمعها خلها تتكلم وبعدين انت تكلم وقول الي عندك راشد : طيب يب يالله مع السلامه لبس ثوبه واخذ شماغه والتفت لقى دلال نايمه بسرير راح لجهتها وباسها علىخدها وطلع غنى : بيجي بعد شوي سهام :.............. غنى : فكري بكلام تقولين له وادعي ربك ان الموضوع يمر على خير سهام :............. غنى : اعتبريها فرصتك الاخيره معه انتبهي لاتخسرينه سهام : خايفه خايفه غنى : الله معك لاتخافين بعد نص ساعه دق الباب غنى : شكل هذا راشد بروح اشوف سهام :................ فتحت الباب وكان راشد غنى : انا برى اذا بغيتوا شيء قولوا طلعت وسكرت الباب راشد :.............. سهام :........... كان صمت بينهم سحب راشد الكرسي الي جنب السريروجلس راشد : وش تبين تقولين سهام :............... راشد : بتظلين ساكته كذا بكت سهام وصوت شهقاتها مالي غرفه راشد : صدقيني بكاك ماعاد يأثر فيني قامت من سرير رغم تعبها وجها اصفر قربت منه وجلست قباله ومدت ايدها على وجهه بعدها وكأنه يبعد شيء قذر عن وجهه سهام :........... راشد : ورقه طلاقك بتوصلك قريب سهام : لا تكفى لا تتركني نزلت لحد روجوله وباستها راشد : .............. سهام :اموت من بعدك صدقني امووت راشد : تصدقين ودي بموتك اللحين ( نزل لمستواها ورفعها ) مافي احد يستاهل تترجينه او تهينين نفسك له سهام : احبك والله احبك راشد ( بصراخ ): لاتجنينيني تحبيني وتخونيني كيف تصير ؟ كيف ؟ سهام : لاتصرخ ، اخاف لاتصرخ راشد :.............. سهام : انا ماخنتك هو دخل بغرفه وكانه ناوي يأذيني وانت دخلت بعده وركضت لك بس انت فهمت غلط راشد: لابزر تضحكين علي بهالكلام مغفل قدامك سهام : والله هذا الي صار راشد : طيب نقول صدق ، ليش لابسه قميص نوم وكاشخه له واليوم اصلا مو يومي عندك ؟ سهام :............... راشد : شفتي عرفتني انك ..... سهام : لا ، انا كنت كاشخه انتظرك راشد : انا قلت بجيك العصر كاشخه من الساعه 12 ونص شيء مايدخل العقل سهام : والله كنت كاشخه لك راشد : حتى لو رجعنا لبعض صدقيني بيكون في مشااكل كثيره سهام : مع الوقت بتروح المشاكل راشد : انا حبيتك بكل مافيني بكل طاقتي كلها وشوفي النهايه كيف سهام : عشانك حبيتني يحاولون يفرقون بينا مايبونا مع بعض راشد : مين قصدك سهام : دلال واختها ورى هذا الموضوع وانا متأكده راشد : دلال مستحيل تسويها دلال ارقى من هذا الشيء هي مو مثلك سهام : مو مثلي لي شانا وش فيني ؟ راشد :................ سهام : كنت فرحانه يوم سويت تحليل وطلعت حامل تدرين ليش ؟ لانك امس بالليل قلت متى تحملين كنت بسويها لك مفأجأه كنت بكشخ لك كنت بغير البيت كله لون احمر من ورد وقماش كنت ناويه اجهز حالي وابأ بالبيت ولدي مات بسبب رجولك الي صارت تضربني بقسوه لين ماطاح واللحين اخسرك ماعاد فيني اتحمل راشد :............. سهام : دلال تحبك وماتبيك معي ، حلو الواحد يفارق حبيبه بلحظه حلووه يتذكره فيها مو يفارقه بكره وحقد اذا تبي تطلقني اعرف اني بريئه وانتظرك انتظرك ياراشد انتظرك ياابو باسل ايه ياابو باسل لاتستغرب كان ودي اقولها من زمان كان ودي اقولك انا حامل ياابو باسل بس للاسف حلمي ماتحقق ماتحقق راشد : كنتي احلى شيء مر بحيااتي ،انا اسف ورقتك بتجيك قريب قام من الكرسي وقبل مايطلع مد أيده ومسك أيدها وحط اسوار راشد : احتفظت بيها وجاء اليوم الي اردها لك وودعك مسكته وحضنته حاول يبعدها لقاها متعلقه بيه سهام : اذا سمعت خبر وفااتي تكفى لا تبكي لاتنزل دموعك انساني ولا تتذكرني راشد :............. بعد عنها وطلع حط جسمه على باب وبكى غنى : راشد وش فيك ؟ راشد : مافي شيء وبعد عن الباب وراح دخلت الغرفه غنى : سهام وش فيك؟ سهام :............... غنى : خلاص حبيبتي لاتسوين بنفسك كذا سهام : راشد تركني وراح غنى : لاحول ولاقوه الا بالله ادعي ربك مالك الا الدعاء ربي يعوضك بلي احسن منه سهام: محد بعد راشد محد -- راشد : هلا اسامه اخبارك اسامه : وين يالقاطع انا بخير ، وين ماعاد تتصل راشد : ودي اشوفك تعال بأقرب فرصه اسامه : ان شالله اجيك وين ؟ راشد: بالمقهى الي عند شارعكم اسامه : خلاص ربع ساعه وجاي بعد ماجتمعوا راشد : اسامه بسألك سؤال شخصي اعذرني اذا تدخلت في خصوصيتك ؟ اسامه : وش دعوه قول وش سؤالك؟ راشد : انت تحب غنى؟ اسامه : وليش هالسؤال؟ راشد : اعتبرني مرسول بينكم ودي اجمعكم مع بعض اذا تحبها اسامه : وش عرفك انها تحبني؟ راشد : سهام قالتلي بينكم نظرات اعجاب انت وغنى انا مادخلت الا لسبب واحد اسامه : وشو راشد: غنى وسهام واصلهم كلام انك خاطب نوره صح اسامه : لا ماخطبت احد للحين ومين مطلع الاشاعه راشد : امك تقول انها خاطبه نوره لك اسامه : لا انا ماابغى نوره انا قريب ان شالله بجي اخطب غنى بس عندي مشكله انه امي رافضه بس انا بقنعها راشد : حبيتا قولك انه عمي صعب تقنعه لانه خاطب بناته غنى وغاده لمحمد وسعود فحاول تقنعه اسامه : سعود ؟ مين قال ؟ راشد : لان المرحوم خاطب لعياله لبنات عمي ابو خالد كلهم اسامه : بس سعود مكلمني يقول يبي اختي فاتن راشد : اجل انحلت انت اخطب غنى وسعود فاتن وغاده محمد بنفس الوقت كلكم اسامه : عاد نشوف بس ابيك توصل لغنى اني مو خاطب نوره ولا افكر فيها اصلا راشد : ان شالله بوصل كلامك اسامه : الحمدالله على سلامه زوجتك ربي يعوضكم ان شالله راشد : الله يسلمك اسامه : وش فيك مو على بعضك راشد : لا مافي شيء اسامه: اذا محتاج تتكلم مع احد انا فيه لا تستحي راشد : انا وسهام بننفصل اسامه : طيب ليش ؟ راشد :............. اسامه : لا تتسرع في انفصالك منها فكر مره ومرتين وحاول تحل مشكله الي بينكم راشد : المشكله الي بينا بعمرها مراح تنحل اسامه : ليش تقول كذا؟ راشد : صعب اقولك بكون اناني لو قلتلك اسامه : ماطلبت منك تقولي طلبت منك تفكر عشان ماتندم بكره راشد: مشكوره على نصيحه يالله انا برجع للبيت اسامه : مشكور على جلسه الحلووه راشد : العفوو -- دلال : اقولك كان نايم معي ويوم صحيت مالقيته نوره : يمكن راح لمكان او مشغول دلال : تتوقعين راح لسهام ورجعها نوره : بعد الي صار مستحيل واذا رجعها هذا دليل انه ماعنده كرامه دلال : هي هذا زوجي قاعده تسبينه نوره : ماسبيت قاعده اقول الواقع دلال : تقلعي نوره : جربي دقي على جواله دلال : دقيت مقفل ، اسمعي شكل راشد جاء مع السلامه راشد : السلام دلال : هلا وين كنت ؟ راشد : عندي اشغال سويتها وخلصت منها دلال : انشغل بالي راشد : بكره بسوي اجراءت الطلاق دلال : خلاص بطلقها راشد : ايه دلال :............... راشد : نوره مين قال انها مخطوبه لاسامه ؟ دلال : ايه مخطوبه لا سامه وام اسامه هي خطبتها راشد : اسامه هالايام الجايه بيروح يخطب غنى دلال : ايش ؟ ومين قالك؟ راشد : اسامه قالي دلال : يخطب وحده اختها خاينه كيف يناسبهم ؟ راشد :........... دلال : اسامه يدري عن خرابيط اختها راشد : لا ، وهو خاطب غنى مو سهام عشان تقولين هالكلام دلال : بعد كل الي سوته تدافع عنها راشد : ماادفع عنها دلال :.............. راشد : انا اسف لاتفهميني غلط دلال: لاتعتذر ماصار شيء راحت دلال تكلم اختها | ||||
|  |
|
19-01-11, 01:15 PM
| #23 | ||||
| دلال : نوره مصيبه صايره نوره : وش بعد صاير؟ دلال : اسامه بيخطب غنى ؟ نوره : ايش ؟ دلال : اسمعي لازم تتصرفي نوره : وانتي مين قالك ؟ دلال : راشد قالي نوره : وزوجك ايش عرفه ؟ دلال : اسامه قايله نوره : موضوع هين محلول ان شالله لاتخافين على اختك دلال : نشوف وش بتسوين -- نوره : هلا فاتن اخبارك؟ فاتن : الحمدالله نوره : فاتن تعالي عندي ابيك بموضوع مهم او اجيك فاتن : خلاص انتي تعالي برسل عليك السواق نوره : خلاص استنى -- غنى : سهام مايصير اكلي سهام :.......... غنى: سهام من الصبح ماكلتي شيء اكلي عشاني ! سهام :............. غنى : ياربي منك اخذت الجوال ودقت على راشد لعل وعسى يساعدها دلال : رد على جوال راشد : ماابغى دلال: مين راشد : غنى دلال : وش تبي راشد : اكيد بتقول شيء عن سهام دلال : عطني جوال ارد عليها اخذت الجوال دلال : نعم غنى : راشد فيه دلال : مين غنى غنى : ايه دلال : لاعاد تدقين على هذا الرقم وراشد ماعاد يبي اختك ومن بكره بيطلقها غنى : حسبي الله عليك ، حسبي الله عليك راشد : وش تقول دلال : تتحسب علي وش دخلني بأختها -- سهام : مين دلال صح غنى : ايه سهام :............... غنى : انا متأكده انه بيرجع لك بس انتظريه هو معصب من موضوع اللحين سهام : الله يهنيه معها غنى : لاتستسلمين سهام : راشد ذبح ولدي وذبحني ، مايبينا بحياته غنى : لو شفتي شكله يوم يبكي كان ماقلتي هالكلام سهام : اكيد بيبكي هو في حب بهالدنيا مثل حبنا لبعض صدقيني ياغنى مافيه راشد غير عن هالدنيا راشد رومانسي وشفاف انا خايفه عليه كثير خايفه اذا ضعف مايلقاني جنبه لانه دايم يقولي انتي مصدر قوتي بهالدنيا راشد : يتضايق كثير ويحكي لي كثير مين بيحكي معه اللحين مين بيصحيه بعزنومه ويقوله احبك مين بيضمه وقت مايحتاج لحنان غنى : فيه مين يعوضه فيه سهام : مين غنى : دلال سهام : مايرتاح معها صدقيني مايرتاح غنى :حاسه انه بيرجعلك بس احتمال يطوول سهام :............... -- فاتن : هلا وغلا نوره : هلا بيك فاتن : تعالي اخذتها وجلستها على الكنب نوره :......... فاتن : وش فيك وش الموضوع صارت تبكي فاتن : وش فيك بسم الله عليك نوره : فاتن انتم تبوني لاسامه فاتن: بصراحه ايه بس اسامه رافض نوره : انا عارفه انه اسامه يبغى غنى فاتن : وش عرفك نوره : سمعت من الناس فاتن : والله عجزنا فيه راسه يابس نوره : انا احبه وعشاني احبه راح اقولك هالكلام ماابيه بكره ينصدم مثل راشد فاتن : وش هالكلام ؟ وش دخل راشد ؟ نوره : غنى وسهام معروفين انهم حقين شباب يكلمون ويقابلونهم بعد راشد كشف سهام والحين يسوي اجراءت الطلاق فاتن : كيف كشفها نوره : لقاها مع رجال بيته تخيلي وبغرفته وبسريره بعد فاتن : لا مستحيل سهام مافي منها نوره : كلنا انغشينا فيهم وغنى مثلها فاتن : الله يستر عليهم نوره : انا قلتلك مو عشان اشوه سمعت البنت انا قلتلك عشان اسامه ماينغش فيها وينصدم بكره انا من حبي لاسامه قلتلك فاتن : جزاك الله خير راح اقول لاسامه والحمدالله عرفنا قبل ماننغش فيهم نوره : ردي علي وقوليلي فاتن : والله مافي منك تسلمين نوره : انا جيت اقولك وبرجع اللحين للبيت فاتن : اجلسي نوره : بدق على امي اقولها اني عندك فاتن : اوكي وانا بطلع عند اسامه نوره : هو بالبيت فاتن : ايه فيه نوره : استناك -- طق طق اسامه: ادخلي فاتن: فاضي اسامه : ايه تعالي وش عندك؟ فاتن : رايق تسمع الكلام لانه قووي اسامه : ايه قولي وش عندك فاتن : اسامه انت اللحين تبغى غنى؟ اسامه : ايه للحين فاتن : ومتى بتخطبها ؟ اسامه : على الاسبوع الجاي فاتن : وامي وافقت ؟ اسامه : واخيررا اقتنعت ووافقت فاتن : اسامه انت قبل ماتخطب غنى سألت عنها اسامه : مايحتاج اسأل البنت اخلاق ماشالله فاتن : اسامه انا ماابغى اصدمك بس لازم تسأل عنها قبل مايصير شيء رسمي اسامه : انتي تعرفين عنها شيء تكلمي فاتن : هااا اسامه : قوولي قامت فاتن : لا مافي شيء اسامه : تعالي فاتن : نعم اسامه : اجلسي جلست فاتن اسامه : قولي وش الموضوع ؟ فاتن: راشد بيطلق زوجته صح اسامه : ايه قالي وش دخل هذا بموضوع غنى فاتن : طيب تعرف ليشب يطلقها اسامه : لا ماقال اكيد شيء خاص بينهم فاتن : راشد طلق زوجته لانه شافها تخونه بسريره اسامه :أيـــــــــش فاتن : يقولون غنى بعد عندها هالحركاات اسامه : هذي كلها اشاعات وتشويه سمعه بنات ابو خالد مايسونها والكل عارف اخلاقهم فاتن : طيب ليش ماتسأل راشد وتعرف الموضوع منه اسامه : لا صعبه فاتن : عادي اسأله مافيها شيء اسامه : خلاص انا اللحين بكلمه فاتن : انا بنزل نوره تحت تستناني طولت عليها اسامه: روحي -- معقوله غنى كذا مستحيل هي اكبر من كذا انا لازم اكلم راشد واعرف منه الموضوع راشد : الو اسامه : هلا اخبارك راشد : الحمدالله اسامه : راشد بجي كانت بالبيت؟ راشد : ايه بالبيت حياك اسامه : دقاىق وعندك راشد : اسامه بيجي دلال: وش عنده راشد : يمكن بيسولف ويتقهوى دلال : حياه راشد : انا بنزل للمجلس وبقولهم يسون قهوه دلال : اوكي -- دلال : الو نوره : هلا دلال : وينك نوره: عند فاتن دلال : اسامه بيجي عندنا نوره : بيجي بيتأكد من راشد عن سالفه سهام دلال: وهو وش عرفه نوره : بعدين اقولك فاتن جاءت دلال : اجل مع السلامه فاتن : مين نوره : مين غيرها دلال فاتن : قلتله وقال بيسأل راشد اذا موضوع صدق او اشاعه نوره : ربي يكتب الي فيه الخير -- نايف : حبي رحاب : هلا نايف : نطلع رحاب : لا بجلس اليوم ماودي اطلع نايف : براحتك رحاب : كيف سهام وراشد نايف : بيطلقها رحاب : ليش ؟ نايف : ماادري وحتى امي ماتدري رحاب : وليش ماقال لعمتي نايف : لان امي مراح ترضى يطلقها شكله بيطلقها وبعدين بيقول لامي رحاب : لهادرجه مو متفاهمين نايف : ماادري رغم انه كان مرتاح معها ومستانس مدري وش اللي غيره فجأه رحاب : الله يعينها مو متعذب الى هي -- اسامه : اخبارك راشد : الحمدالله ، حياك ادخل المجلس اسامه: آحم آحم راشد : ادخل مافي احد اسامه : اخباركم؟ راشد :والله بخير ، قول وش عندك؟ اسامه : بكون معك صريح وجاوبني على السؤال ؟ راشد : ان شالله اسامه : ليش طلقت سهام ؟؟! راشد : جاي عشان تسألني سؤال شخصي عن حياتي اسامه : حياتي متعلق بيك راشد :وش دخلك فيني اسامه : صدق الكلام الي سمعته عن زوجتك راشد : وش سمعتوا اسامه : انها خانتك راشد : دامك عارف ليش جاي تسأل اسامه : حبيتا تأكد لان سمعت انه غنى مثلها راشد :............... اسامه : تنصحني اخطبها ولا اتركها راشد : اذا سهام كذا غنى مالها دخل بهالموضوع انا اشوف تخطبها مدامك تحبها وهي تحبك اسامه : خايف يصير لي مثلك راشد : لا ماتوقع ، وحتى الي صار لي انا متأكد انه سهام مو من هالطريق بس مظطر اطلق انا كاتب معروف ماابغى اشوه سمعتي اسامه : بس طلاقك منها يثبت انه كلام صدق مو اشاعه ، وبعدين الخبر انتشر معناته راح يوصل لابوها وخالد وساعتها بتصير مصيبه ، المره الاولى زوجك اياها والمره الثانيه الله يستر راشد : لا ماتوقع يوصلهم . راح نقول ماتفهمنا اسامه : حياتك وانت حر فيها من بكره العصر غنى : يالله قومي سهام : اقدر امشي مايحتاج كرسي غنى : طيب يالله مشينا خالد : يالله انا بسبقكم لسياره راحوا وركبوا سياره وصلوا للبيت ام خالد : حياك يمه سهام : تسلمين غنى : تعالي نوديك غرفه سهام : لا بجلس بالصاله غنى : لا ارتاحي بغرفه غاده : جيتوا سهى ، سهى سهى : نعم غاده : جو البنات غاده : وحشتيني يادبه سهام : وانا اكثر سهى : حيالله سهام اخبارك؟ سهام : الحمدالله -- خالد : حياتي وش عندك جالسه بروحك ؟ عبير : وصلت ، كنت انتظرك جلس جنبها خالد : احبك عبير : وانا احبك طالعوا بعيون بعض خالد :........... عبير:............... خالد : اذوب فيك اذا جلست اطالع فيك عبير : احب عيونك ونظراتك لي خالد : الواحد مايعرف وش كثر حبيبه يحبه الى بنظراته عبير : اجل انا وش كثر احبك خالد : يؤيؤ كثيرر هههههه عبير : هههههههه خالد : سهام جاءت عبير : راشد خلاص طلقها ولا للحين خالد : بيطلقها ليش؟ عبير : هاااااا لا ولا شيء ركضت بتطلع خالد : تعالي قولي وش السالفه كانت تبكي خالد : انا الزواج هذا ماعجبني حسيت فيه شيء غلط وكنت ساكت لاني ابي احد يقولي عبير : انا مالي شغل روح اسألهم خالد : تكلمي بسرررعه تكلمي عبير :.................. خالد : تكلمي عبير : يقولون بيطلقها عشان خانته بس هذا الكلام كله كذب وسهام ماتسويها خالد : كيف خانته ؟ كيف فهميني ؟ عبير : قلتلك الكلام كذب واشاعه عشان يفرقون بينهم خالد : جاوبيني كيف خانته ؟ عبير: مع واحد شافهم مع بعض خالد :................. عبير : صدقني اشاعه واذا مو مصدقني دق على راشد اسأله طلع معصب خالد : سهام ، سهام غنى : حنا هنا بالغرفه ركض يمها ورفعها بأيده وصار يضرب فيها على الارض غنى : فكها الله يأخذك فكها سهام : آآآآآآآآآآآآآآهـ ام خالد : فكها ابعد عن البنت خالد : يالحيوانه والله لذبحك يالواطيه قدروا البنات يبعدون اخوهم ويأخذون سهام طلع براء البيت سهام : آآآآآآآآآهـ غنى : سهام ، سهام ام خالد : غاده بسرعه جيبي مويه سهى : نوديها المستشفى غنى : لاخلونا نصبر شوي غاده : هذي المويه كبت ام خالد المويه على وجهاا وشربتها منه ام خالد : هاا كيفك ؟ سهام : لاتخافون انا بخير اخذت غنى الجوال ودقت على راشد راشد :.................. استمر يدق الجوال راشد : ياربي هذي وش فيها اليوم ازعجتني غنى : رد رد بسرررررعه ارسلت له رساله خالد عرف بموضوع وضرب سهام وتوعد انه بيذبحها تكفى تدخل كفايه ظلم سمع صوت المسج وفتحه وقراءه ودق على طوول راشد : الو غنى : هلا راشد راشد : متى صار هالكلام غنى : توا للحين راشد : وكيف سهام غنى : لو ماتدخلنا كأن ماتت بأيده راشد : انا راح اتدخل بطريقتي لاتخاف غنى : طيب طوووط ، طوووط دق راشد على خالد خالد : زين انك دقيت لاني كنت بكلمك راشد : مين سمح لك تضربها ؟ خالد : مو تبي تطلقها صرت انا مسئول عنها بعدك راشد : وانت طبعا صدقت اشاعه من دون ماتتأكد خالد : مايحتاج اتأكد راشد : انا صدق بطلقها بس السبب مايعرفه الى انا وهي حنا ماتفهمنا وقررنا ننفصل والاشاعه الي طالعه كلها كذب خالد : يعني الكلام كله كذب راشد : ايه كذب ، وممكن ماتمد أيدك عليها مره ثانيه خالد : بس مين الي له مصلحه يطلع الاشاعه ؟ راشد : كثيير صدقني بس ماعليك من كلام الناس خالد : هذي تشويه سمعه مو كلام عادي راشد : انسى ، يالله مع السلامه -- قالت غنى لامها واخواتها الاشاعه وسبب الطلاق غنى: جعل ايده للكسر ان شالله سهى : مين الي مطلع اشاعه ؟ غاده : واضحه اكيد دلال واختها ام خالد : حسبي الله عليهم غنى : جعل الي مرينا بيه يمرون فيه سهام : خلاص انسوا لاتذكروني سيف من سافرت سهى يدق عليها ومترد هالمره دق سهى : عن اذنكم سيف يدق طلعت سهى : الو سيف : سهى سهى : هلا سيف : اخبارك؟ سهى : بخير سيف : ليش ماتردين على اتصالاتي سهى : تعبانه سيف : انا تعبان من بعدك وجفاك سهى : سلامتك حبيبي سيف :حبيبي ، سهى للحين تحبيني ؟ سهى : ايه احبك وحشتني سيف : انا اسف علي صار صدقيني في بعادك تعذبت انا طلقتها وسفرتها لاهلها انا ماعاد ابي الا انتي سهى : عرفت بلي صار؟ سيف: ايه توني عرفت من سعود سهى : آآآخ لو تشوف سهام كيف حالها سيف : ربي يعوضها سهى : برجع لكنداء سيف : اجل من اللحين بحجزلك سهى : كنت برد على اتصالاتك وبقولك شرطي انك تطلقها بس الحمدالله جاءت منك وطلقتها سيف : بعد الي سوته الطلاق قليل فيها سهى : تستاهل وربي كرهتها سيف : بحجز وبقولك متى رحلتك اوكي سهى : اوكي بعد اسبوع ام خالد : هاا كل شيء جاهز غنى : ايه ليش وصلوا ام خالد : ايه وصلوا يالله روحي سلمي عليهم نستناك ام اسامه : كيفك اللحين سهام سهام : الحمدالله احسن بكثيير فاتن : صدق رحلتك اليوم سهى سهى : ايه شوي الساعه 11 باليل ام اسامه : الله يعينك على الطياره سهى : مرتين رحت تعودت على مسافه غنى : السلام عليكم الكل : وعليكم السلام سلمت عليهم ام اسامه : اخبارك ؟ غنى : الحمدالله ام خالد: هذي العروس وهي موافقه ام اسامه : ربي يكتب الي فيه الخير الكل : امييييييييين ام اسامه : ولدي يبي الملكه والزواج بيوم واحد بعد شهر ام خالد : يصير خير رن جوال فاتن فاتن : هلا ، ايه ، طيب خلاص بقولهم فاتن : اسامه يبغى يشوف غنى خالد : يمه يمه ام خالد : نعم خالد : خلوا غنى تجيء ام خالد : روحي الرجال يستناك غنى : طيب طلعت غنى والكل يعلق عليها عبير : غنى غنى غنى : نعم عبير : العصير غنى : زين انك ذكرتيني نسيت من الحماس عبير : هههههههههه اخذت الصينيه خالد : هو في المجلس لاتطولون غنى :طيب دخلت غنى المجلس وشافته بروحه جالس صارت تمشي وتناظر الارض حسته واقف قبالها اسامه : هاتي الصينيه عنك غنى :............... جلست وجلس جنبها اسامه : طيب ارفعي راسك بشوفك كانت منزله راسها ورافضه ترفعه ، حط ايده على وجهها ورفع راسها وبعد شعرها اسامه: ماتوقعتك بهالجمال ناظرت فيه وتعلقت عيونهم بعض اسامه : احس نظرتك فيها عتااب غنى :.............. اسامه : من زمان نفسي فيك والكلام الي وصلك كذب انا ماابغى الى انتي غنى : خفت افقدك يوم قالوا لي انك تبغى نوره ، كرهتك قلت بنفسي مايبيني ليش نظراته لي نظرات حب اسامه : كنتي عارفه اني احبك غنى : كنت حاسه اسامه : وانا كنت حاس انك تحبيني بس كنت اشوفك تصدين وكأنك تمنعين نفسك من هذا الحب غنى : كنت افكر بالمستوى الي بينا كان فرق كبير فخفت من هالحب اسامه : بتزوجك بعد شهر مافيني اصبر اكثر من كذا غنى : ههههه اسامه : راشد طلق سهام غنى : ايه طلقها امس بس ورقتها ماجاءت للحين اسامه : يبيلها شويه وقت غنى : خالد قبل ماادخل قال لاتطولين مممكن تسمح لي بروح اسامه : اجلسي ماعليك من خالد -- دلال : هدي عمرك نوره : بعد كل هالكلام الي طلع عليها بعد راح يخطبها دلال : انسيه خلاص صار لغيرك نوره :ضمنتي راشد عشان كذا تقولين هالكلام دلال : وش قاعده تقولين انتي مجنونه نوره : لا مو مجنونه بس بعد الي صار راح انجن بعد مرور 5 سنوات في مزرعه ابو اسامه كل العوائل مجتمعه اسامه : مبروك يامحمد عقبال الزواج محمد : الله يبارك فيك الكل بارك لممد وغاده على الخطوبه غنى : طلال تعال اجلس عند بابا اسامه : تعال طلال هنا اجلس نايف : خلوه يلعب وش فيك محاسبينه ؟ اسامه : يروح للمسبح صغير مايعرف شيء راشد : قوموانلعب البزران دلال : ماشوف اسامه ورسيل راشد : اكيد عند المراجيح بروح اجيبهم نايف : راشد جيب معك مي على طريقك بلعبها راشد : طيب راح لجهه المراجيح شافها تلعب اسامه ورسيل معقوله انتي بعد هالفتره اشوفك اللحين تحبيني للحين عشتن كذا تلعبين عيالي راشد : اسامه ورسيل تعالوا سمعت صوته ولتفتت كانت مو مصدقه هو واقف قدامها صارت عيونها متعلقه فيه تركت اسامه ورسيل وراحت كأن يناظرها لين ماختفت من انظاره كانت نظرتها نظره شوق وعتاب واحتياج راشد : وين مي اسامه : مي ماتحب تلعب معي شوفها هناك راشد : مالومها طايح فيها ضرب اسامه : لاهي تضربني وانا اضربها سعود : انت هنا شفت فهد راشد : وش فيكم مضيعين عيالكم كلهم مع مي هناك وخذ معك بنت سيف جنى تبكي اكيد مي ضاربتها سعود : ياذي مي مسويه عربجه عليهم راشد : وين بتروح شوف ابوها ههههه سعود :ههههههههه الكل اخذ عياله وصاروا يلعبون معهم كان واقف يدورها بعيونه ماشافها حس انها داخل تبكي انتظر ساعه ماجاءت شاف غنى رايحه لجهه الفله وعرف انها رايحه لسهام غنى : سهام انتي هنا وانا ادورك سهام: ودي انام مانمت امس غنى : اكيد مافيك شيء ؟ سهام : لا مافي شيء غنى : اجل بطلع اذا شبعتي نووم تعالي سهام : ان شالله طلعت غنى ونادت اسامه اسامه : هلا حياتي بغيتي شيء؟ غنى : ايه ودي اتكلم معك بموضوع اسامه: طيب ، نايف نايف نايف : هلا اسامه : امسك طلال شوي وارجع نايف : وانا وش دخلني ، ولدك شقي صغير ماتحمل مسئوليته رحاب : انا امسكه مو مشكله غنى : مشكوره رحاب ماتقصرين راحوا بعيد عن الازعاج اسامه : ها وش الموضوع غنى : سهام اسامه : وش فيها ؟ غنى : موعاجبني حالها ؟ اسامه : طيب وش بأيدنا نسويه غنى : نرجعهم لبعض اسامه : صعبه ولاتنسين هو حاول يرجعها بس هي رفضت غنى : مالومها يوم رفضته ، عرف بسالفه وعرف مين وراءها وسكت لو واحد ثاني طلق دلال بعد الي سوته اسامه : وعياله غنى : العيال مو عذر اسامه : لو اضمن لو 1% اني لوكلمت راشد بترجع له كأن كلمته من اليوم غنى : هي تحبه اللحين وانا متأكده من هالشيء بس مجروحه منه اسامه : طيب وش اسوي قوليلي ؟ غنى : ودي بشيء بس اخاف من رده فعلك ؟ اسامه : الله يستر من خططك قوولي ! غنى : لاتقول كذا وتحطمني انا اقصدي واضح اني اجمعهم مع بعض اسامه : عارف تفكيرك وفاهمك اكثر من نفسي قولي لاتخافين غنى : وش رايك نخليهم يقابلون بعض اسامه : اختك بترفض هي رفضت يرجع لها تبينها تقابله وحتى راشد بعد رفضها له مستحيل يرضى غنى : يقابلون بعض من دون مايدرون اسامه : كيف ؟ غنى : نجيب سهام ونقول لها تعالي بالجلس الداخلي حق الفيلا ،فاضي محد يدخله ، وندخلها فيه ونقولها انتظري هنا من دون ماتشك اسامه : اكيد بتشك وش رايك تقولين لها انا مسويه مفاجأه لاسامه وابيك تساعديني ودي اسويها بالمجلس كذا مراح تشك غنى : ايه والله انك جبتها اسامه : وانا بقول لراشد نفس الطريقه غنى : اذا دخل راشد بنقفل الباب وراءه اسامه : لا لا صعبه غنى : اذا ماقفلناه بيطلع على طول او هي بتطلع اسامه : ايه طيب غنى : يالله انا بروح اقولها اللحين اسامه : وانا بروح لراشد راحت ودخلت الغرفه غنى : سهام ، سهام سهام : هلا غنى : نمتي سهام : لا غنى : انا مسويه مفاجأه لاسامه وابيك تساعديني سهام : من عيوني وش بغيتي غنى : اول شيء ننزل المجلس الي تحت اذا عجبني سويت فيه مفأجاه سهام : اوكي يالله نزلوا تحت غنى : هاه وش رايك ؟ سهام : عارفه شكله قد شفته حلوو غنى : يعني اسويها هنا سهام : ايه بس ماقلتي وش المفأجاه غنى : انتظري هنا بروح اجيب الاغراض سهام : اوكي طلعت غنى وحطت سهام اغنيه على جوالها وصارت تتسمع اسامه : هنا المجلس ادخل شوفه دخل المجلس وشافها وسمع تسكيره الباب وتقفيله وضحك غنى واسامه سهام :................ راشد :............. راحت لجهه الباب حاولت تفتحه ماقدرت فتح الشباك ، وش عندك اسامه : ولا شيء ، بس انا وغنى نحس انه ودكم تتكلمون مع بعض راشد : افتح الباب اسامه : عندك نص ساعه حل المشكله ولاتضيع وقت سهام : غنى افتحي الباب غنى : كلمي اسامه انا مالي شغل راشد : وش تقصدون بهالحركه اني ارجع لها مراح يكون بينا شيء بعد الي صار سهام :...................... ( لاياراشد لاتقولها لاتعذب قلبي وتجرحه تعبت وانا استناك محتاجه ارتاح ) وقف لحظه واستوعب الي قاله وعرف انه جرحها راحت لجهه الباب ومسكته بايدها تحاول تفتحه اتجه لجهتها ولا شعوريا مسك ايدها الي كانت تضرب على باب راشد : لاتاذين ايدك شاف دموعها راشد : تبكين سهام :........ راشد : ليش الدموع سهام :............. راشد : كلامي جرحك ، اذا جرحك معناته للحين تحبيني ومادامك تحبيني ليش رفضتيني يوم حاولت ارجعك سهام :.................... غنى : واو وناسه يكلمون بعض اسامه : يالله نروح خليهم يتفاهمون غنى : ان شالله راشد : لاتسكتين تكلمي سهام : انت وش تبي فيني مو تبي دلال فضلتها علي وحتى يوم عرفت انها وراء السالفه هي واختها ماسويت شيء انا عرفت غلاتي عندك مايحتاج راشد : تبيني اطلقها مجنونه انتي ؟ سهام : لا لا تطلقها حرام اما انا عادي حلال راشد : الكلام معك ضايع سهام : معي ضاايع ، ابي اذكرك بشيء انك اانت كنت تحب تتكلم معي انا وبس واللحين صار ضايع راشد : آآآآآآآف سهام : لاتتوقع اني ميته على جلسه معك او الكلام معك راشد : باقي ثلث ساعه اسكتي ولا تتكلمين لين مايفتحون الباب لاني لو ناديتهم اخاف احد يسمعنا ويفهم غلط سهام : انت لاتتكلم وانامراح اتكلم راشد:.................... سهام :.................... غنى : تتوقع وش صار اللحين ؟ اسامه : احسهم مراح يتفاهمون بيأخذونها عناد غنى : لا ان شالله بيرجعون لبعض اسامه : انتبهي لدلال اخاف تفقد راشد غنى : تسولف ماعليك مراح تنتبه اسامه : الله يستر صارت سهام تحووس بالمكتبه وتفتش الدروج سهام : شوف هذا اطار الدريشه الي كسرتها راشد : ليش محتفظين بيها سهام : يمكن عشان يشترون وحده مثلها راشد : شوفي شباك مركب واحد جديد سهام : مدري عنهم راشد: تذكرين السالفه سهام : ايه راشد : كنت بذيك الحظه مجنون فيك سهام : كأن احلى يوم بحياتي راشد : احلى يوم وبغيتي تموتين فيه لو ماكسرت الشباك سهام : احلى يوم لانك تزوجتني بذاك اليوم راشد : تحبيني سهام : احبك واكرهك راشد : قولي احبك وشايله بقلبي عليك مو اكرهك سهام :................ قرب منها ورفع راسها راشد : سامحيني سهام : مقدر راشد : حاولي كثر ماتقدرين وتأكدي الكلام الى قلته قبل شوي كنت شايل بقلبي عليك عشان رفضك لي فحبيت اجرحك عشان تحسين بجرحي يوم رفضتيني سهام : رفضي لك كان جرح لك بس صدقني مو مثل جرحي يوم شكيت فيني وذبحت ولدي وفوق هذا ماسمعتني وطلقتني راشد : لاتلوميني لو أي احد بمكاني سوى اكثر من كذا سهام : بس انا حبيبتك لوفكرت ثواني عرفت اني مراح مراح اسويها راشد : سهام ننسى الي راح ونبقى مع بعض ماعاد فيني فراق سهام : احسك تأثرت باول سنه واربع سنسن الثانيه نسيتني فيها راشد : ومين قالك هالكلام سهام : قلتلك احس راشد : احساسك مو بمحله سهام : اجل ليش غبت هالغيبه راشد : اسألي نفسك سهام : وانا وش دخلني انا مابأيدي شيء راشد : مو انتي رفضتي تردين لي سهام : شيء طبيعي برفض كنت شايله بقلبي عليك راشد : واللحين لو اجي بتردين لي سهام :.............. راشد : وليش ساكته سهام: عندك غيري الي خلاك تعيش من دون ماتسأل عني الفتره هذيكلها يخليك تكمل حياتك بدوني راشد : هذا رايك سهام : ايه راشد : انتي اللحين بتحكمين على حياتك الجايه من دون راشد قدها تعيشيننها من دونه سهام : ايه قدها ونص راشد : اوكي من هاللحظه ننسى بعض من نطلع من هنا سهام : ان شالله راشد : ليش قلتيلي احبك قبل شوي سهام : انت سالتني وانا جاوبت راشد: بسالك لو طلعت اللحين بتنسيني ولا بتضلين تحبيني ، لاني ماحب اعيش وغيري يتعذب ، ضميري مايسمح لي سهام : خلاص اطلع ماابيك و دق عليهم خليهم يفتحون الباب راشد : طيب هدي اعصابك الو اسامه تعال بسرعه اسامه : وش فيه راشد : بسرعه تعال وافتح الباب اسامه : طيب جاي غنى : وش فيه اسامه : يبينا نفتح الباب راحوا للمجلس وفتحوا الباب غنى: سهام وش فيك ؟ سهام : مافي شيء بس طلعوه ماعاد ابي اشوف وجهه راشد : وش سويت عشان تقولين هالكلام ؟ سهام : اطلع اكرهك اكرهك روح لها روح لحبيبتك وخلني بروحي كافي عذاب منك كافي راشد :............. اسامه : اطلع راشد خل غنى تكلمها راشد : أي عذاب قولي كافي عذاب منك انتي ، انا تعبان من بعدك لاتتوقعين اني عايش تراني جسد بلا روح من دونك سهام : انت ماتحبني لو تحبني كنت معي ماكنت مع غيري غنى : معليش راشد هي اذا تعبت نفسيا تصير تقول كلام ماتدري عن حالها اطلع اللحين راشد : سهام انا بطلع واذا تبيني تأكدي اني ابيك وانتظرك سهام راشد لحظه ركضت له وضمته اخذها راشد بحضنه ولف ايده عليها اسامه :................. غنى :................. اسامه امشي نطلع غنى : لا اخاف على اختي اسامه : هم كبار وعارفين وش يسوون راشد : سهام تكفين لاتبعدين سهام : اللحين تطلقها راشد : ايش سهام : طلقها راشد : والعيال ماقدر ابعد عنهم ومقدر ابعدهم عن امهم سهام : مشكلتك مو مشكلتي انتظر ردك راشد : ردي واضح بهالموضوع انتي ليش تعذبين حالك وتعذبيني سهام : راشد بكون صريحه معك بعد الي صار انا ماتحمل اشوفها تقرب منك راشد : طيب الموضوع هذا انا بحله معها اللحين بطلع وكلمها وبرد عليك عطيني رقمك سهام : نفسه ماتغير عندك ولانسيته راشد : عندي ماقدر انساه ، بس توقعتك غيرتيه سهام : لا ماغيرته راشد : طيب انا طالع اللحين قرب نها وباسها على خدها سهام :........... راشد : بوسيني سهام :......... راشد : يالله قربت منه وباسته راشد : ايه خليك كذا اسمعي الكلام سهام : ههههههههه ان شالله ياعمي اوامر ثانيه راشد : صدقيني راح اسعدك بهالخبر الي راح اجيبه لك واتوقع انك راح توافقين سهام : اتمنى طلع راشد وراح لمكان الشباب والبنات راشد : دلال تعالي اسامه : جاء راشد شوفيه غنى : بروح اشوف سهام وش صار لها ؟ دلال : هلا راشد : تعالي ابيك بموضوع دلال : خير وش فيه راشد : تعالي معي وراح تعرفين -- سهام : قلتله يطلقها غنى : وافق سهام : يقول بيلقى حل يرضي الطرفين غنى : طيب واذا ماطلقها سهام : هو اكيد مراح يطلقها بس بيشوف حل يرضينا جميع غنى : وانتي موافقه سهام : مدري ابيه وماعاد فيني اتحمل بعده ونفس الوقت ماابيه مع دلال غنى : قبل انتي يوم كنتي معه كان يجيك كل يوم وحتى في يوم دلال يمر عليك وش تبين اكثر من كذا ويجيك اكثر منها وهذا الشي كان واضح للكل سهام : انصحيني محتاجه نصيحه غنى : لاتضيعينه منك هالمره انتي الي راح تندمين سهام :.............. راشد : انا برجع لسهام دلال : نعم راشد : سمعتي وش قلت ! دلال : لا يعني لا راشد : انا مو جاي اخذ رايك احمدي ربك للحين تاركك عندي بعد الي صار اسمعي يابنت الناس انا برجعها واذا شفتك تكلمينها او تتعرضين لها والله لطلقك دلال : هي تتعرض لي وهي الي تبدا راشد : سهام ماتتعرض لاحد ولا تاذي احد وغير كذا بعد فيه شيء ثاني وهو الاهم من هاليوم لاتتوقعين بيكون بينا شيء يوم تجي حزت النوم كل واحد بغرفه بس ابي قدام العيال علاقتنا احسن مايكون دلال : ايوووه راشد :واذا مو عاجبك انا مستعد اطلقك اللحين لو تبين بس احلمي يكونون العيال معك دلال : انت وش قاعد تقول راشد : هذي الي عندي واذا فكرتي بسالفه الطلاق تراك بتخسرين كل شيء دلال :............... راشد : انا لمصلحتك اقولك هالكلام وصدقيني بتعيشين مع عيالك وكل شيء راح يكون تمام من حيث المصروف او الطلعات انا مثل قبل مراح اتغير الي راح يتغير علاقتي بيك راح تكون اخوويه بحته هذا اقل عقاب بعد الي سويتيه دلال :................ راشد : فكري بالموضوع ونسيت اقولك سهام بتسكن معنا بنفس البيت بخليها قدام عيون امي عشان حتى لو صار شيء ماكون اظلم احد راح وخلاها بروحها صارت تدور نوره بكل مكان دلال : نوره انتي هنا وانا حايسه ادور عليك نوره : لحظه حبيبي انتظر شوي نعم وش تبين خلصي دلال : راشد بيرد سهام نوره : على بالي فيه شيء روحي انا مشغوله اكلم مو فاضيه لك الو هلا حبيبي دلال : انتي ماتشبعين كل يوم مكلمه واحد وطالعه معه نوره : يووووووه فكينا تراك ازعجتيني وبعدين ذي حياتي وانا حره بيها دلال : بلينا الناس وشوهنا سمعتهم وربي ردها لنا بفضايحك يالواطيه نوره : يالله على الازعاج تطلعين ولا اطلعك بطريقتي اوووووف دلال : حسبي الله عليك من بنت -- راشد : ساعه استناك سهام : وش اسوي مانتبهت للجوال راشد : كلمت لدلال وقلت لها اني برجعك سهام : ايوه راشد : قلت لها علاقتي بيك راح تكون اخويه ولاتتوقعين بيوم انه سرير يجمعنا وانا بسكن سهام عندي بالبيت عشان تكون تحت نظري اربع وعشرين ساعه وقلت لها ماابي العيال يحسون انه بينا سوء تفاهم لان هاهم شيء عندي نفسيه عيالي وانا بغرفه وهي بغرفه سهام : وش يضمني انا راشد : اليوم الي ماانام عندكبجي انام معك لاتخافين وهذي احسن شيء ضمان سهام: حلوووو راشد : يعني موافقه سهام : ايه اكيد راشد :اجل بروح اكلم عمي | ||||
|
| |
|
19-01-11, 01:20 PM
| #24 | ||||
| بعد 6 شهور راشد : طيب هو متى يتحرك ؟ سهام : لسى ماصار لي 3 شهور حامل باقي شهرين ويتحرك راشد : ابي ولد يارب ولد سهام : بس انا ابي بنت ؟ راشد : اللي يجي من ربي حياه الله دلال :راشد راشد : نعم دلال : كلم أي احد من معارفك يحاول يطلع نوره؟ راشد : ماعرف احد بقسم ذاك ؟ دلال : كلم اسامه ؟ راشد : مستحيل كلموه انتم؟ وبعدين هي تستاهل ماجاءها طالعه لشقه واحد ماتعرفه وماسكينه بحاله استغفر الله ذي حوبت سهام مابعدت صارت فيها سهام : استغفر الله خلاص انا اكلم غنى تكلم اسامه اذا يعرف احد دلال : صدق سهام سهام : ايه بس ان شالله يعرف احد ؟ دلال : ان شالله استمرت حياة الشخصيات راشد وسهام جاهم مولود وسموه باسل استمرت حياة دلال مع راشد مثل ماخطط لها نوره حكم عليها بسجن 3 سنوات غنى واسامه مع ولدهم طلال والبي بي الي حامل بيه نايف ورحاب مع بنتهم مي وخالد و عبير وعياله والمولوده الجديده لمى وجاسم وساره مع العيال وزادو عزام وسن محمد تزوج غاده ولسى الطريق قدامهم وفاتن وسعود مع ولدهم فهد والبيبي فارس وسهى وسيف مع جنى ومافي بالهم انه يكبرون العائله ~~ كلمه اخيره ~~ ها انا انهيت اول روايه من كتاباتي اتمنى انها نالت على استحسان القراء البعض منا تأثر من بعض المواقف ان كانت محزنه او مفرحه ولكن بالاخير هي مجرد خياال وليس له علاقه بالواقع تمنيااتي للجميع التوفيق محبتكم : الــــنــــــادرهـ اليوم :الاربعاء التاريخ :19 / 2 / 2011 م | ||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
